|
|
|
 Re: علجل تطورات جديدة ومثيرة (Re: عبدالحفيظ ابوسن)
|
كنت قد توقفت عن مطالعة الراكوبة زمن طويل لتقديرات تخصني
وعدت لها مؤخرا
فمثلا مواقع كسودانيز والراكوبة وغيرها ترفع شعار الموضوعية والمصداقية والدقة
تلجأ لكلمات افتتاحية لا تجدها داخل الخبر .
الحنك شنو ؟ وتلقاها نفس المعلومات المسهوكة ليها فترة .
ولا عاجل والخبر يكون منقول ومن قبل كم يوم المواقع جابتو
عاجل ومنقول اصلا 😆😆😆
العجلة اولي بيها النقلت منو 😆
ومع النت دة مافي عاجل . العاجل دة بعد دقيقة اولاد عاكف بكونو رشوهو في كم موقع
| |
 
|
|
|
|
|
|
|
|
Re: علجل تطورات جديدة ومثيرة (Re: عبدالحفيظ ابوسن)
|
بصراحة الحركة دي بتغيظ
وللدقة انا بغتاظ منها وقد تكون سببا في عدم قراءتي للبوست احيانا
تجي جاري ونفسك قايم ويأكلوك البالوظة وضبانها ينوني
بحس انهم استكرتوني
اها عشان ما اطلع فارة مرة تانية بجليهو
لكن النقس صاقطة مرة مرة بقول امكن صاح
امكن في معلومات مثيرة وجديدة
ولا شئ فعلا عاجل
سبحان الله !!
ولامرة صدقو في العجالة ولا الاثارة
| |
|
|
|
|
|
|
|
|
|
Re: عاجل تطورات جديدة ومثيرة (Re: Asim Fageary)
|
يا عاصم
عاجل وين مع ثورة المعلومات
يمين بي الله الجماعة يجو من الخرطوم يحضرو الدافنة وانت قاعد في البلد ماتكون سمعت
ولا يضرب ليك زول من اقصي اركان العالم يبارك ليك جناك وانت لسه ما خشيت شفتو
السبق الصحفي دة كان زمان
| |
|
|
|
|
|
|
|
|
|
Re: عاجل تطورات جديدة ومثيرة (Re: عبدالحفيظ ابوسن)
|
سلام اب سن
والله انا قلت خلاس ياهو خبر الوفاة البجيبو في الصفحة الاولى داك
مافي عاجل تاني وما تعتمد على نكتة مألفة تأليف تضحك ليها زول
الا النكات اللايف وبتاعة المواقف
الفيسبوك والواتسب مسخو الكلام في خشوم الناس
| |
|
|
|
|
|
|
|
|
 Re: عاجل تطورات جديدة ومثيرة (Re: Abdullah Idrees)
|
سلام عليكم
غايتو عاجل دى الا فى ظرف حدث / كارثه تكون مباشر ليها ومن مكانك توثق بتلفونك وترسل واهم حاجه التوثيق بماده مرئيه- خاصه الفيديو يكون معاهو توثيق صوتى يصف الحدث- لانو بنفى فكره الاثاره ويدى الخبر مصداقيه عاليه ويتحقق السبق لصاحب الخبر ويكون مصدر اساسى للخبر المتداول.
| |
|
|
|
|
|
|
|
|
|
Re: عاجل تطورات جديدة ومثيرة (Re: Asim Ali)
|
وحتي الآن يا معاوية
صحف ال gossip عند الخواجات شغالة تش .. اظن عندها كتاب اعمدة مشهورين كمان ويطلب ودهم النجوم
ههه
تخيل بتحصل .. تكون متفن في الاسبتالية ومتوتر جدا وفكرك يودي ويجيب . ومجموعة من الاهل والمعارف حابسين معاك الواطة . والشباب شغالين واتس . المرة بتكون معاها اختها وكم واحدة من اقرب القريبات حابسات باب غرفة الولادة
تجيهم الممرضة مارقة مبروك ولدت
ويطلقن الزغاريد وتبدا الكواريك
ولدت ولدت
والبرة يزغردن
الشاب ولا الشابة في الواتس قبل تقوم تبارك مع اول زعرودة
تكتب فلانة ولدت الآن
يقراها قريبك يقول اضرب قبل الزحمة والموبايل ينشغل
يرشك بي هلو وانت مشوش
داير تطمئن علي الام وداير تعرفو ضكر ولا انتاية
بالمناسبة
تقليد في المستشفيات ما بكلموك ضكر ولا انتاية إلا الام تفوق من البنج
اها الممرضة المرقت كلمتكم دي مضربة علي البشارة
بالمناسبة الوفاة برضو كدة
مع اول صرخة يكتبو فلان مات
قبل يتأكدوا
عشان كدة مرات بتجلي ويكون حي . بتكون صرخة جزعى بس
| |
|
|
|
|
|
|
|
|
|
Re: عاجل تطورات جديدة ومثيرة (Re: عبدالحفيظ ابوسن)
|
بعتذر يا عبدالله
بركز دايما في بوستات الاخبار يكون الخبر واضح من العنوان ومن اول مداخلة
الموضوع حارقني ليهو فترة . ومجليهو عشان ما يقولو قاصد فلان ولا علان
باقي الكربنة والقبقبة حاصلة في المنبر
يلمو فيك يخلو ريحتك طير طير
يفكو جبارتك زاتو
| |
|
|
|
|
|
|
|
|
|
Re: عاجل تطورات جديدة ومثيرة (Re: عبدالحفيظ ابوسن)
|
مابالضرورة يا عاصم
المهم تكون صادق بدون ملتمديا والممكن يكون في صعوبة في تنفيذها
بعدينك ما مهم انك مصدر الخبر في ظني بل المهم انو عندك المعلومة الصحيحة وفقا لحرصك علي الصدق
مرات واحد بقرا حاجة وبكون عارفها ما صحيحة انا شخصيا ما بنفيها
النفي زاتو مرات كترة بين
يملوك نقة وافتراضات يحرقو روحك
ولا يجدعو ليك كرت التخوين
تمرق من الحدث لي صراعات شخصية
| |
|
|
|
|
|
|
| |
عبدالحفيظ ابوسن
Asim Fageary
حمد عبد الغفار عمر
معاوية الزبير
Abdullah Idrees
Asim Ali
فيس بوك
تويتر
انستقرام
يوتيوب
بنتيريست