|
|
|
 Re: يموت بصف البنزين بكوستي (Re: عبدالله عثمان)
|
سواق تاكسي اتوس
السبب ذبحة
الزمن حوالي حداشر بالنهار
الجو سخن جدا والمكان المات فيهو بعيد جدا من الطلمبة . للناس البعرفو بعد مخازن الوسيلة والصف جاي من طلمبة البحر
الجو والهم والعنت
رحمه الله رحمة واسعة ولطف بأولاده
| |
 
|
|
|
|
|
|
|
|
Re: يموت بصف البنزين بكوستي (Re: عبدالحفيظ ابوسن)
|
لله در من قال
ان الشحاذ لا يحسد الغني . بل يحسد الشحاذ الذي يتلقي صدقات أكثر منه !
عادة من اتحرك للعمل بعد صلاة الصبح . ولأني اسكن في وسط المدينة وقرب السوق بل كأنني في السوق . امر بطلمتين . اقدم طلمبات المدينة . شل وموبيل قديما . هسة ما عارف اسمهن شنو . وامر بصفين من طلمبات البحر . رغم بعد المسافة نسبيا الا انني اصادف شريط العربات المصطفة . بعض السواقين نايمين في الدركسون . ولا متركفسين في المقعد الورا . صادفت كم عربية فيها لحاف خفيف وملاية مهترئة في المقعد الورا . بعضهم يتجمعون في ونسة . كيمان كيمان . او يشربون الشاي بالزلابية قرب حلواني عكاشة .. ولا ستات الشاي الموجودات علي طول الزلط . او في قهوة علي ابراهيم . حياة ضاجة
ولا يمر يوم دون ان اشهد شجارا . يعلو ويخفت وفقا للاجاويد
نايم ومشيت البيت ودة محلي . واسأل فلان
بعضهم يستأذن اهل الصف لقضاء غرض ليحفظ مكانه . والصف طويل ويراه احدهم بعيدا منهم ويظنه سرق الصف!
ياخ السرق الصف خليهو
شوف السرقكم لامن وقفتو صف !
| |
|
|
|
|
|
|
|
|
|
Re: يموت بصف البنزين بكوستي (Re: Sayed Bekab)
|
تشكروا والله
يا الطيب مش حصل هنا بس
دة جاي من طلمبة البحر .. وماشي بشارع البنك الاهلي وتبيدي ومخازن الوسيلة . ولافي بالاوقاف واحمد الثريا وراجع علي الطلمبة بي ورا ابعد من من رؤي نت حقت علي التوم
وبتقاطع معاهو واحد جاي من موبيل وماشي علي البوستة
| |
|
|
|
|
|
|
| |
عبدالحفيظ ابوسن
MOHAMMED ELSHEIKH
عبدالله عثمان
علاء سيداحمد
Hassan Makkawi
علي عبدالوهاب عثمان
الطيب عباس
Sayed Bekab
فيس بوك
تويتر
انستقرام
يوتيوب
بنتيريست