|
|
|
 Re: أزمة الوقود .. مواقف وطرائف (Re: عمر التاج)
|
حب وزواج داخل طلمبة البنزين (منقول هو والقبليه)
وقف عمر خريج مختبرات فى صف البنزين من الصباح وخلفه اتس سايقاها بنيه رشيقه وظلوا يزحوا مره ويقيفوا مرات والنهار حار أصابه العطش لحسن حظه وجد البنيه تحمل حافظه ماء وتفضلت عليه بكوزين قطعهم شاكرا وحصل تعارف بسيط بينهما وتعثرت الحركه أكثر وهما بعيدين حتى عن رؤيه الطرمبه وقبل المغرب خارت عزيمه البنيه وقررت الانسحاب ولكن عمر اقترح عليها تعود بيتهن برقشه وسيتحمل زحزحه عربتها وإن أقترب من المسدس يتصل عليها وتبادلا الأرقام ورحلت وظل عمر صامدا الليل بطوله وإن كان أقترب على بعد خمسه وتلاتين عربيه من الطرمبه وفجأة قبل منتصف الليل أعلن توقف الخدمه حتى فجر الغد وبدأ الحنك عبر التلفون مع البنيه وأمها وأبوها وقرر يبيت لحقته بالسندوتشات وسيرمس العصير والشاى وتوطدت العلاقه لمحبه أخبر أهله بالحكايه فراقت لهم البنيه وفى الفجر أتت البنيه متشيكه وصبحا وتصافحا بحب وتأخر التانكروظلا لبعد الظهر وهنا تصادف حضور والد عمر وأمه لرؤيه البت وفى نفس اللحظه حضر والدى البنت لرؤيه عمر وحصل تعارف وعناق وقبول بين الاسرتين ولمحاسن الصدف كان مصطفى المازون فى الصف بموترو ودفترو حاضرا وأصر أهل الخير بالصف أن يتم العقد عاجلا وخير البر عاجله و فورا تم ووزعت الحلوى والبارد عالصفوف وحتى سائق التانكر ومازالا العروسين يتزحزحان وخوفى يقضيا شهر العسل بمغسله الطرمبه
| |
 
|
|
|
|
|
|
|
 Re: أزمة الوقود .. مواقف وطرائف (Re: عمر التاج)
|
نكته حقيقيه حدثت اليوم بمستشفي ابوحمد
واحد رباطابي عندو لودرين شغالات في الخلاء (دهب) والجاز قاطع اصبح عيان وقاموا ودوه علي المستشفي وبعد الفحوصات مشي يقابل الطبيب
الطبيب قال ليهو عندك ضغط نفسي مهيج فيك المصران العصبي وتحتاج الي هدوء وراحه نفسيه وتغيير جو
وعاوز يكتب ليهو الوصفه الطبيه الروشته
قال ليهو
والله يادكتور اكتب لي عشرة براميل جاز
كده ممكن ارتاح نفسيا
وابقي كويس
الطبيب طلع رباطابي برضو
قال ليهو
شايفني عوض الجاز
😂😂😂😂
| |
|
|
|
|
|
|
|
|
|
Re: أزمة الوقود .. مواقف وطرائف (Re: عمر التاج)
|
جاهم من بلاد برة كرت وقال ليهم : يا شباب يا شباب لو سمحتوا وصفوا لينا اقرب محل لي بت رول...هنا...
البلولة قال ليه ها جنا انت مطرطش...ما عندنا بنات رول هنا....بت ابليس بس تنفع معاك مسوي شعرك
الزي شعر ابوالقنفد دا....
لا ياخ انت مشيت بعيد انا قاصد محطة بنزين....قال ليه يمحطك اللغا....نان ما تقول كدي من الاول
| |
|
|
|
|
|
|
|
|
|
Re: أزمة الوقود .. مواقف وطرائف (Re: عمر التاج)
|
عمر التاج
غايتو قصة عمر وزواجه في صف البنزين قصة اوسكار ..وكأنها قصة حقيقية ...
واذا فعلا حصلت ...الله يكتر من أزمة البنزين وان شاء الله الصف يستمر ٣ يوم (وجه ضاحك)
اضحك الله سنك
مع وافر التقدير والاحترام
| |
|
|
|
|
|
|
|
|
|
Re: أزمة الوقود .. مواقف وطرائف (Re: Khalid Elsayed)
|
ما قلت لي أنت معاك شنو يا ابني رحاب قالت لي زول مؤهل جدا .
تقصد شنو بمعاي شنو يا عم ؟؟.
يعني معاك بكالريوس ولا ما جستير ولا دكتوراة
لا يا عم انا معاي تنكر بنزين .
ماشاء الله ماشاء الله ما شاء الله
زغردي يا أم رحاب وجيبوا الشربات
😜😜😜😜😂😂😂😂😂
| |
|
|
|
|
|
|
|
|
|
Re: أزمة الوقود .. مواقف وطرائف (Re: درديري كباشي)
|
شكرا لكل من شارك بالابتسامة او رسمها في البوست
وللتوثيق نتذكر معا حكاية *جنازة من اجل البنزين*
علي ذمة الراوي . . في احدي مدن الولاية . .
وهم وقوفا في صف البنزين . .
حضر بوكس وبة ( جنازة ) . .
فطلبوا استثنائهم نسبة لذهابهم لمنطقة بعيدة لموارأة الجثمان . .
فقام رجال الامن بالازم علي اسلم وجهة ، فتحوا لهم الطريق للوصول للطرمبة ، ووجوه من داخل البوكس يكسوهم الحزن والأسي . .
وبعد ان ملأوا التنك ، طلبوا ان يملوا جركانات كانت معهم نسبة للمشوار الطويل . .
وأثناء ملي الجركانات
( عطس المرحوم ) من رائحة البنزين . .
فتفاجأء الجميع . .
قال لي الراوي انهم إنجلدوا جلدة كاربة وقادوهم للقسم . .
تخريمة . .
احد العساكر كان زعلان جدا لانة شال الفاتحة بصدق.🤣
| |
|
|
|
|
|
|
|
|
|
Re: أزمة الوقود .. مواقف وطرائف (Re: عمر التاج)
|
بحمد الله وتوفيقه نجحت فى ملي تنك العربية... اهدي هذا النجاح لأسرتي وابنائي والوالدة بالشمالية والاخ محسن في الخرطوم والاهل بالحامداب القديمة والجديدة والزملاء بجامعة سنار وخاج السودان في السعودية والامارات والولايات المتحدة
وربنا يزيد الافراح
🙊 تغلبها بالبنزين و تغلبك بالمشاوير 😂😂😂😂😂
| |
|
|
|
|
|
|
|
|
|
Re: أزمة الوقود .. مواقف وطرائف (Re: عمر التاج)
|
ومن طرائف الأزمة..
سرقة عربة معتمد الدامر فجر اليوم من أمام منزله وعثرت عليها الشرطة منتصف النهار بمستشفي الدامر قسم النساء والتوليد .. وقال الرجل بعد التحقيق معه انه تصرف بهذا التصرف لينقذ حياة زوجته من الخطر بعد اتتها آلام المخاض وكانت سيارته خالية من البنزين منذ يومين لعدم توفره ونسبة لأنه لم يجد من يوصلها من جيرانه لأن أغلبهم لا يوجد لديهم بنزين وتم اقتياد الرجل الي قسم شرطة الدامر وأطلقت الشرطة سراحه بعد ساعتين بأمر من المعتمد وحضر المعتمد ومعه مدير قسم شرطة الدامر لتهنئته بالمولود الجديد وقدموا له بعض الهدايا بمناسبة ذلك ثم غادروا المكان دون ضوضاء بعد أن تحدثوا معه منفردا لمدة خمس دقائق بجوار إحدى بائعات الشاي داخل المستشفي .. وتشهد الدامر منذ يومين ازمه حادة في الوقود ..؟
التحية لهذا الرجل لأنه تصرف بكل شجاعة لإنقاذ زوجته من مال الحكومة والحكومة في خدمة الشعب.....
-منقول-
| |
|
|
|
|
|
|
|
|
|
Re: أزمة الوقود .. مواقف وطرائف (Re: عمر التاج)
|
قال ليك واحد بتكلم مع صاحبو بالتلفون وحبوبتو قاعدة جنب مرتو
قال لصحاحبو (والله امس واقف من تمنية بالمساء ما كبيت الا الصباح )
نطت حبوبتو قالت (حايدانى دا الفسخ واللا بلاش)
مرتو قالت ليها يا ريييت يا حبوبة دا بنزين
الحبوبة قالت كلو ياهو الفسخ
استغفر الله العظيم
| |
|
|
|
|
|
|
| |
عمر التاج
nazar hussien
Khalid Elsayed
على احمد النعيم
فيس بوك
تويتر
انستقرام
يوتيوب
بنتيريست