|
|
|
 Re: فيديو بنات الواتساب ,, بركات بركاوى الرئيس (Re: جلالدونا)
|
Quote: دى نييجة مشروعك الحضارى
دى نتيجة اعادة صياغة الزول السودانى
دى نتيجة اسلام الكيزان و التمكين و لا لدنيا قد عملنا |
طيب لو طلعن شهادة عربية ومولودات ومتربيات برة!
او في احد المهاجر الغربية مثلا
برضك مسؤول المشروع الحضاري و الانقاذ كالعادة!
بعدين اديك tip ترجم الكلمات وقوقلها ح تلقاه راب و قضيته ما الجنس في رقبته بقدر الحديث عن الحرية الشخصية وحرية الجسد
حاجة كدا زي البتكتبه مستغانمي و يطبلولها المثقفين .
اما الصور المصاحبة فدا شغل مغارز و تعدي على خصوصية وسرقة عديل
المهم ... الانقاذ ليست مسؤولة عن سلوك الناس الشخصي
| |
  
|
|
|
|
|
|
|
|
Re: فيديو بنات الواتساب ,, بركات بركاوى الرئيس (Re: محمد البشرى الخضر)
|
سلامات جلجل
وتحيات لود البشرى
معقولة دى يا محمد..
| Quote: الانقاذ ليست مسؤولة عن سلوك الناس الشخصي |
يعني الإنقاذ لا مسؤولة عن قوت المواطن
ولا تربيته ولا صحته ولا أمنه لا كهربته المنتظمه ولا مويته النظيفة
ولا حتى عن تهذيب سلوكه والمحافظة على أخلاقه ..
طيب دي تبقى انقاذ شنو دي؟
| |
|
|
|
|
|
|
|
|
|
Re: فيديو بنات الواتساب ,, بركات بركاوى الرئيس (Re: عمر التاج)
|
لا الانقاذ مسؤولة عن قوت المواطن و صحته وكهربته المنتظمة ومويته النضيفة.
ومسؤوليتها عن سلوك و اخلاق الانسان الشخصية محدود وفي سياقات مختلفة ليس من بينها خياراته الجنسية وتدخلها في الخيارات دي واحد من الحاجات المزهجانا منها من اول يوم، فا شنو... ما معقول نهيج ونسب على النظام العام وقوانينه ونظاهر ونناهضها اليوم كله ونجي في نفس الوقت نركب ماكينة المهلاوي وكمان نلوم الانقاذ
| |
|
|
|
|
|
|
|
|
|
Re: فيديو بنات الواتساب ,, بركات بركاوى الرئيس (Re: Mirghani Taitawi)
|
| Quote: المهم ... الانقاذ ليست مسؤولة عن سلوك الناس الشخصي |
تعبيرك دا هنا ما دقيق يا ود البشرى
لو إستبدلت كلمة الدولة او الحكومة بكلمة الإنقاذ كان عبرت عن وجهة نظرك إنت يا علماني.
أما الإنقاذ فقد عبرت عن حدود مسؤلياتها في بدايتها و وظفت الكثير من طاقات المواطنين و طاقات الدولة لهذا الغرض.
أنا لا ألوم الإنقاذ على الممارسات الشخصية للمواطنين و التي تأتي في حدود حرياتهم الشخصية و لا ألوم الأفراد حتى و لكني أعترف بإختلاف الآخرين عني و حقهم في التعبير بما لا يعتدي على الآخرين.
و لكني الوم الأنقاذ و أحملها مسؤولية إهدار طاقات و مال الدولة فيما عُلِم مسبقاً أنه لا يفيد.
| |
|
|
|
|
|
|
|
|
|
Re: فيديو بنات الواتساب ,, بركات بركاوى الرئيس (Re: عبدالحفيظ ابوسن)
|
كنت عايز ادخل ليك يا قريبك من مدخل النسبية بكل براحها البلغي المطلق أوو المعيار الواحد
لكن انتبهت لأنه هناك نقطة اساسية أكثر أهمية متعلّقة بمثالك الضربته!
هل الإنقاذ معانا زي الأب مع اسرته!
إن كان ذلك كذلك جايطين نحنا فوق أم كم, الأب ليه العضم و اللحم و الشحم و اي شي وهذا عين ما تفعله الانقاذ معانا!
| |
|
|
|
|
|
|
|
|
|
Re: فيديو بنات الواتساب ,, بركات بركاوى الرئيس (Re: محمد البشرى الخضر)
|
ودو بتكون نسيت كلامي
ابتذال المثال
امسك يا عمك حديث الراعي
الاسرة كنواة صغيرة للمجتمع ككل
السلطة والمسؤولية
مسؤولية السلطة تجاه المواطن
فهم الحاكم للسلطة
هل هو خادما للشعب ام سيدا عليه؟
هل هو فوق القانون والدستور ولا بخضع ليهو؟
امكن القول مشهور بتاع رب الدار الجنو رقيص ولا اسوأ كمان بضرب الدف وبرقص
مش براهو بل كل طاقم السلطة وانسباؤهم واهلهم واصدقاؤهم والبشجعو فيهم
| |
|
|
|
|
|
|
|
|
|
Re: فيديو بنات الواتساب ,, بركات بركاوى الرئيس (Re: عبدالحفيظ ابوسن)
|
حتى لو ابتذال مثال ما ينفع ناكل الكيكة ونحتفظ بيها في نفس الوقت!
عايزين نلوم الانقاذ على فشلها في "تربيتنا" يبقى نعترف ليها بالحق دا ابتداء! ما يجعلنا اسوأ من وفد المنافي :)
غير كدا لا يمكن نلومها على سلوكنا الشخصي و خياراتنا التي اخترناها بكامل ارادتنا دون تدخل من احد راع أو غيره
| |
|
|
|
|
|
|
|
|
|
Re: فيديو بنات الواتساب ,, بركات بركاوى الرئيس (Re: محمد البشرى الخضر)
|
Quote: هل الإنقاذ معانا زي الأب مع اسرته!
إن كان ذلك كذلك جايطين نحنا فوق أم كم, الأب ليه العضم و اللحم و الشحم و اي شي وهذا عين ما تفعله الانقاذ معانا! |
انت يا ودو زمان غنيت يا مايو حبيب زي أمي و أبوي و زي اختي و أخوي ؟
اسمعني بخلاف موضوع ملام الحكومة ...
تفتكر ممكن نقول ان الإنقاذ ( هيأت لأجواء الفساد و الانحطاط الحاصل) و الافرز مثل ذلك الاوديو الغريب ...
| |
|
|
|
|
|
|
|
|
|
Re: فيديو بنات الواتساب ,, بركات بركاوى الرئيس (Re: محمد البشرى الخضر)
|
مثال الكيكة دة ما لقيت محل اختو فيهو يا ودو
انا يا ودو بتكلم عن قيم مجتمع كامل افراد
والاخلاق دي ما معلقها براها . ولا غريزة ولا جينية
الاخلاق يا ودو بخلقها المجتمع زاتو متأثرا بواقعه الاقتصادي الاجتماعي
وللاقتصاد الدور الاكبر
الاقتصاد دة فيهو اساسيات عشان تكون كائن حي . تاكل وتشرب
الحرية ؟ الحرية زاتها عكس ما يتوهم لينا . ماممكن تكون في حرية واعية حقيقية في دولة قمعية
عشان تكون في حرية شخصية حقو تستحقها
تستحق ان تترك لتختار
قاعد اقول لاولاد عندكم حق الحرية شريطة ان تستحقوها والا بصادرها منكم حتي تستحقوها
جد والله
ولامن اجي اصادرها . ما بي قرار بل نقاش حتي يتبينو انهم اساءو استخدامها
| |
|
|
|
|
|
|
|
|
|
Re: فيديو بنات الواتساب ,, بركات بركاوى الرئيس (Re: عبدالحفيظ ابوسن)
|
| Quote: تفتكر ممكن نقول ان الإنقاذ ( هيأت لأجواء الفساد و الانحطاط الحاصل) و الافرز مثل ذلك الاوديو الغريب ... |
بداية يا قبّاني الأوديو دا ما غريب أبدا, دي سنة 2018 و ثورة الميديا و الوسائط
هي نفسها اغاني البنات و اغاني القعدات الدكاكينية سنة 1918, فرقو شنو مثلا من راجياك يا ابشرا راجياك افتو معاك بالضرا؟
نفس استنكاركم الأسّي دا بكون استنكروه شيوخ 1918 لمّا انطلق صوت المايكرفونات في البوسطة باغاني كرومة وبكونوا قالوا الإنجليز خربوا البلد هههههه
الغنية دي تخيلها بالإنجليزي و اسمعها كأي راب أو اتخيلها رواية لمستغانمي ! وقل لي هل هناك فرق
دي ثقافة جيل العالم القرية و الحرية الشخصية التي لا تحدّها حدود
عودة لمسالة الإنقاذ, لا اغالط بالطبع في فسادها فر رقبتها ولا في اشاعتها للإفساد و جعله امر عادي ولا يثير الاستنكار, هذا عند الحديث عن لسرقة و المحسوبية و لتعدي و الظلم وخلافه
لكن عند الحديث عن اللباسات و خيارات أصحابها و صاحباتها فا هنا الأمر شخصي تماما, فهمي للحرية الشخصية متعلّق بالالتزام و مراعاة حرية وحقوق الآخرين, لذا لا ارى في خيار المرء حل أو ربط تكّة سرواله اي تعدّي أو حتى علاقة بحرية و حقوق الآخرين
لذا اعتبر ان الحيار خيار شخصي بالكامل و كذك المسؤولية فردية و تقع على عاتق صاحب التكّة لا غيره, غيره تبدأ من والديه صعودا حتى الحكومة
لا علاقة أو مسوؤلية لـ أو على أحد غيرك في أمر تكّتك!
دا فهمي للموضوع, وكفانا لوما للإنقاذ على اي شي وجعلها شمّاعة, ما تتحمّل مسؤوليته يكف وزيادة.
مثال الكيكة يا ود اب سن ابسّطه ليك
لا نعترف للإنقاذ بالحق في حكمنا و نناهضها ما وسعنا ذلك, لذا لا نعترف لها بالحق في تربيتنا أيضا لنعايرها بالفشل!
بالنسبة لباقي الكلام زي ما قلت لفباني أنا انظر بطريقة مختلفة لموضوع الأخلاق و الحرية الشخصية و هي عندي مربوط بحقوق الآخرين.
زول سرق أو قصّر في مسؤولية او تعدّى على حق ليس له دا زول ما عنده اخلاق بتعريفة
واحد أو واحدة تحرّشوا بآخرين ما عندهم اخلاق و استطيع ان اصفهم بذلك بضمير مرتاح.
واحد أو واحدة تراضوا على كدا كدا باتفاقهم ومزاجهم و لم يتعدوّا على حقوق الناس بأي شكل, غض النظر عن رأيي في السلوك لكن لا استطيع ان اصفهم بعدم الأخلاق! ولو خيّرت في العمل معهم في اي نشاط بينهم و بين احد النماذج اعلاه ساختارهم هم دون تردد.
| |
|
|
|
|
|
|
|
|
|
Re: فيديو بنات الواتساب ,, بركات بركاوى الرئيس (Re: محمد البشرى الخضر)
|
يا ودو المسألة مش عدم اعتراف بالحكم بل رفض له
وهو غصبا عن وعينا الانقاذ هي الحاكمة
انا بخاطب البشير بالرئيس عمر البشير شئت ام ابيت وما بكون طوباوي
مادام هي فعليا الحاكمة ففعليا بتفرض ثقافتها . مش بالاوامر ولكن بنمط السياسة كلها اكان قتصادية ولا غيرو
وبعدينك انا واثق مليون في المية انو ما هدفها افساد اخلاق الناس . لكنها لأنها لا تمتلك لا الوعي ولا الفهم ولا الايدلوجية البتخليها تفهم انو دة بيؤدي لافساد اخلاق الناس . سلطة طفيلية تقتات علي جسد تعجل بهلاكه وتعجل بنفاد مصدر معيشتها .
سلطة غير واعية بمآلات سياستها
اللغة مبتذلة يا عمك
بي مزاجي بملص لباسي و ب...ك في الشارع عادي
دي بتسميها حرية شخصية ؟
ممارسة الجنس في الشارع والدعوة له حرية شخصية واجبة الاحترام ؟!
يا ودو الوحيد البمارس جنس في الشارع ولا يتحرج كمان وماعندو لباس هو الحيوان
فالحرية الشخصية مقابلها حرية الآخر عشان يكون مجتمع
اظنو مثل فرنسي البقول
تنتهي حريتي عندما تبدأ حرية انف جاري
| |
|
|
|
|
|
|
|
|
|
Re: فيديو بنات الواتساب ,, بركات بركاوى الرئيس (Re: MOHAMMED ELSHEIKH)
|
يا قريبك الحاجات دي ما جات مع او جابتها الانقاذ! الانادي و القعدات و بيوت الشغلانة دي من زماااان و ياها دي اغانيهم كدا وثقافتهم
وعلى مستوى الناس العاديين حرية خيار حل التكّة دا أظن من المهدية! او قبلها
الجديد ما الانقاذ الجديد الواتساب المرق الحاجات دي من نطاق الاصحاب و الصاحبات الضيق و اوض الداخليات و بيوت القعدات جابها ليك لحدي عندك ودا ما مسؤولية الانقاذ بالطبع!
اللغة القلت عليها مبتذلة دي كدي ذوّقها و اديها علامات ترقيم و تشكيل و رقم ايداع وغلاف ظريف مرسوم عليه بت عريانة ودار نشر و شوف كان ما نافست اجدعها رواية لمستغانمي يحشش بيها المثقفين! وربمّا تفوز بجائزة أو اتنين كمان!
| Quote: يا ود البشرى معظم الناس الطلعوا من البلد للاغتراب او المهاجر كانت الانقاذ سبب اساسي في ذلك |
غايتو يا سودانيز لامن تقومي على الغلاط تحيّري الما بتحيّر!
الاغتراب و الهجرة بدت مع الإنقاذ كمان!
طيب لخاطر الغلاط أعدل فرضيتي اعلاه لتقرا:
"طيب لو طلعن شهادة عربية ومولودات ومتربيات برة!
او في احد المهاجر الغربية مثلا
ومن الأقلية التي هاجرت او اغتربت قبل الانقاذ أو ليس بسببها
برضك مسؤول المشروع الحضاري و الانقاذ كالعادة!"
كويس كدا!
| |
|
|
|
|
|
|
|
|
|
Re: فيديو بنات الواتساب ,, بركات بركاوى الرئيس (Re: محمد البشرى الخضر)
|
ياودو
فهمك للمثقف شنو ؟ الصورة النمطية الخاتيها للمثقف شنو؟
شايف في لهجة سخرية من الثقافة والمثقفين
يا ودو حرية شخصية لامن تخش اوضتك وتنطلق عريان . دي حرية شخصية . مش لامن تكون وسط ضيوفك او اسرتك . دة اسمو تهتك وعهر
تكون زي ما تكون شريطة ان لا تتعدي علي ذوق وحريات الآخرين
هل كل المجتمع بقبل كدة ؟ غض النظر عن رأيك فيهو ؟
الزول المابقيم وزن لقيم وسلوك الناس من حق الناس تصفو بما تراه مناسبا
ومن حقها لو عندها السلطة تعاقبو كمان
هو انت قايل الديمقراطية دى شنو ماياها ديكتاتورية الغالبية
بعدينك يا عمك ماشايف نفسك اهنت احلام مستغانمي ؟
حصل قرين لامين محمد زين وتحديدا روايتو اغلي من حياتي ؟
في ادب راقي
وادب ايروسي
افرز ياخ
| |
|
|
|
|
|
|
|
|
|
Re: فيديو بنات الواتساب ,, بركات بركاوى الرئيس (Re: عبدالحفيظ ابوسن)
|
ايتو يا سودانيز لامن تقومي على الغلاط تحيّري الما بتحيّر!
===================================
يا ود البشرى انا قلت معظم.
ضع خطين تحت معظم دي وشوف لي الناس الهاجروا للغرب واستراليا ديل هاجروا كيف في التلاتين سنة الماضية دي.
اضف اليهم نحن ناس الاغتراب وتعال باحصائية ان شاء الله شششنا
| |
|
|
|
|
|
|
|
|
|
Re: فيديو بنات الواتساب ,, بركات بركاوى الرئيس (Re: عبدالحفيظ ابوسن)
|
| Quote: همك للمثقف شنو ؟ الصورة النمطية الخاتيها للمثقف شنو؟ |
دي خلّيها دا ما محلّها ولا وقتها
و سخريتي من الموقف و المفارقة التي رأيتها وربّما غابت عنك
بالنسبة للحرية الشخصية قلت ليك قبيل حدّها عدم التعدّي على الآخرين, عدم التعدّي يشمل حاجات كثيرة, تعرف في معظم دول الغرب المتقدمة في مسائل الحرية الشخصية تجرم التعرّي في العلن و كذا ممارسة الجنس وربّما في بعضها حتى القبلات الحميمة
هذا لا خلاف عليه
لكن نعود للموضوع وهو بالضبط شنو هنا! اهزوجة جاتك في واتساب! ولا تدري كيف تسربت ومن سجلها و اضاف لها صور ووزعها وما ذا كانت نيته أو غرضه
كم مرة شفت فيديو قتيات يرقصن أو ينكتن مع بعض في غرفهن او داخلياتهن, هل هذا عهر بالمعنى المفهوم و الشائع للكلمة
زي ما قلت ليك ياها اغاني القعدات و اغاني البنات و الاغاني الداككينية الجديد هو الواتساب
مسالة ديكتاتورية الأغلبية لي عليها تحفظ على إطلاقها كدا! يبقى الفيصل في القانون وليس مزاج الأغلبية ومفاهيمها
و لا لم أهن مستغانمي, اشارتي كانت لأنها تبيع نفس الهراء الفي الاغنية لكن بذوق و الوان وبهرجة وتجد مشترين
ولم اقرأ لمحمد زين
وبفرز قدر ما اقدر لكن صدّقني شيل التغليف و الالوان و البهرجة ياهو نفس الهراء
| |
|
|
|
|
|
|
| |
جلالدونا
سفيان بشير نابرى
عبدالحفيظ ابوسن
محمد البشرى الخضر
عمر التاج
Mirghani Taitawi
Hafiz Bashir
يحي قباني
MOHAMMED ELSHEIKH
فيس بوك
تويتر
انستقرام
يوتيوب
بنتيريست