|
|
|
 Re: السيد الرئيس البشير (Re: عبدالحفيظ ابوسن)
|
اها ابدأ لينا من جوة برضو
من داخل قصرك ابدا اول .. المستشارين ونوابهم
نوابك سيادتك
وعرج علي الوزراء العندك ديل
شوفهم كم واحد واضربهم في 10%
ولم كم وزارة مع بعض
وألغي ليك كم وزارة
علي بالجزيمة ديل براهم يجيبو فرق أكتر من شيل الدبلوماسي والدبلوماسي طلبو قاسي 😆
| |
 
|
|
|
|
|
|
|
|
Re: السيد الرئيس البشير (Re: عبدالحفيظ ابوسن)
|
والولايات يا عبد الحفيظ
ولاية الخرطوم
ولاية نهر النيل
الولايه الشماليه
ولاية البحر الأحمر
ولاية كسلا
ولاية النيل الابيض
ولاية شمال كردفان
ولاية جنوب كردفان
ولاية شمال دارفور
ولاية جنوب دارفور
١١ ولايه ويعرش علي كده
مافي داعي للمحافظات يخلوها محليات بس
مع تحياتي
| |
|
|
|
|
|
|
|
|
|
Re: السيد الرئيس البشير (Re: بشير حسـن بشـير)
|
وبعدينك تعال للهيئات الجوة الخرطوم زاتها . فرتكها كلها
اسماء هيئات ومصالح الا يشرحوها ليك . وعندهم مخصصات وعربات . شي مصلحة مكافحة الفساد ومنشط الذكر والذاكرين و المفوضية العليا لي شنو كدة ما عارف
ديل كلها مأكلة
| |
|
|
|
|
|
|
|
|
|
Re: السيد الرئيس البشير (Re: عبدالحفيظ ابوسن)
|
بعدين كدى النسألك سيدي الرئيس اتا ذاتك خلي السفر . آي مافي داعي تسافر ومعاك كورجة من البشر . حل مشاكل البلدة دي جوة ما برة
وبرضو من الاخبار المفارقة جدا منو كدة ممتاز سايق 13 سفير للتدريب في الصين
اها سايقهم شنو يعني كابتن فريق وناظر مدرسة ولا شنو الفكرة ؟ مالهم مابمشو براهم ؟ ما كل الموظفين بمشو بي عنقرتهم براهم للكورسات
ثم انو في داعي للصين ؟ عندنا سفراء محليين وانتو شلتوهم برة وناس خبرة في داعي لي بعزقة القروش
| |
|
|
|
|
|
|
|
|
|
Re: السيد الرئيس البشير (Re: عبدالحفيظ ابوسن)
|
شيخ عبدالحفيظ انت خبر صيانة المصفى طلع ماسورة ده صاح ولا إشاعات
انا الوحيد البقول ليك شيخ احتراما لكوستى رغما عن الباعوض
اصعب سنة فى حياتى كانت فى كوستى لولا لطف الله وتخفيف الامر من الاخوين نبيل ونزار كان دخلته المصحة
ههههههههههههههههههههههههههههههههههههههههههههههه
| |
|
|
|
|
|
|
|
|
|
Re: السيد الرئيس البشير (Re: Khalid Abbas)
|
هههه
لقبي الاسري يا خالد الفكي تصدق 😆
هاك اقرا ما اتت به الاسافير
أعطال كارثية بمصفاة الجيلي تنذر باستمرار أزمة الوقود
الخرطوم – التغيير
كشف مصدر مطلع في وزارة النفط لـ)التغيير(، عن تعطل الطلمبة الرئيسية التي تعمل في ضخ البنزين بمصفاة الخرطوم بالجيلي فور تشغيلها بعد إكمال صيانتها .بجانب حدوث تسريب في عدد من الأنابيب ؛الأمر الذي تسبب في توقف العمل بصورة كاملة.
وقال المصدر ” كان الأمل أن تعمل المصفاة وتخفف الأزمة، ولكنها الآن خارج الخدمة”
وتابعت “التغيير الإلكترونية” تفاقم أزمة الوقود في السودان بعد أن دخلت اسبوعها الرابع، وبات مظهر صفوف البنزين والجازولين مألوفا، ويمضي أصحاب المركبات العامة والخاصة ساعات طويلة أمام المحطات للحصول على الوقود.
وعزا المصدر أعطال الطلمبة الرئيسية وتسريب الأنابيب إلى عدم صيانة المصفاة لفترات طويلة، وأن الآليات لم تعد تحتمل الضخ بكثافة بعد الصيانة .
وتأخرت صيانة المصفاة لثلاث سنوات بسبب شح النقود، وكانت تتم معالجات جزئية مؤقته، حتى أن المهندسين والفنيين الصينيين هددوا بالتوقف عن العمل خوفا على سلامتهم، ووصف أحد أعضاء البرلمان المصفاة بالقنبلة لجهة أنها من الممكن أن تنفجر في أي لحظة بسبب تأخر الصيانة .
وصدرت توجيهات بالعمل على تشغيل وحدة جازولين تنتج حوالي )1300( طن، وتوقع أن تعمل في غضون ثلاثة أيام إلا أن هناك تخوف من أن تواجه مصير طلمبة البنزين الرئيسية .
وقال رئيس مجلس الوزراء بكري حسن صالح أمام البرلمان قبل أيام أن تكلفة صيانة المصفاة )102( مليون دولار لم تتمكن المالية توفيرها في الوقت المناسب .
وبكى وزير الدولة بالنفط سعد الدين البشرى أمام البرلمان أمس أثناء حديثه عن أزمة الوقود، وأشار إلى أن شح السيولة وراء تفاقم المشكلة .
وأكد مهندسون في وزارة النفط أن الأزمة ستستمر لفترة غير معلومة، موضحين أن شح الجازولين أكبر من البنزين .
| |
|
|
|
|
|
|
|
|
|
Re: السيد الرئيس البشير (Re: عبدالحفيظ ابوسن)
|
عرج بي واخد سندة سيادتك
في هيئة الجسور ليه تكون منفصلة براها
ديوان الزكاة مفروض يتبع لوزارة المالية
هيئة الحج والعمرة مالها فارزيناها في مؤسسة الدولة في ما يقوم مقامها ناس بتقدم تأشيرات لي حج وبتطلع جوازات . الموضوع تنسيق سكن وترحيل واعاشة تقوم بيهو السفارة
هيئة الاوقاف تتبع للمالية
رتب الخرتوم اول
واظن سيادتك من الذكاء تعرف انا ذكرت ديل ليه ؟ وبرضك من الذكاء ومعرفة الاسرار ممكن تضيف ليهم مثلا قصة الجوازات مثلا يعني
| |
|
|
|
|
|
|
|
|
|
Re: السيد الرئيس البشير (Re: Khalid Abbas)
|
Quote: اها ابدأ لينا من جوة برضو
من داخل قصرك ابدا اول .. المستشارين ونوابهم
نوابك سيادتك |
ابداً حفيظ .. كدا البداية ما من جوة
اذا عايزو يبدأ من جوة بالجد مفروض يبدأ بنفسه كأسوأ فاسد مشى على الارض
ثم اخوانه افسد فسدة الدنيا ولا ينسى زوجته ، ومن ثم بعد ذلك يمشي على القصر
لكن هل يستطيع لص زي البشير يواجه الحرامية وزملاء دروب السرقات والنهب ويوقفهم عند حدهم
هذا ضرب من المستحيل ونوع من احلام زلوط البنسمع عنها .
تحياتي
| |
|
|
|
|
|
|
|
|
|
Re: السيد الرئيس البشير (Re: Khalid Abbas)
|
Quote: اها ابدأ لينا من جوة برضو
من داخل قصرك ابدا اول .. المستشارين ونوابهم
نوابك سيادتك |
ابداً حفيظ .. كدا البداية ما من جوة
اذا عايزو يبدأ من جوة بالجد مفروض يبدأ بنفسه كأسوأ فاسد مشى على الارض
ثم اخوانه افسد فسدة الدنيا ولا ينسى زوجته ، ومن ثم بعد ذلك يمشي على القصر
لكن هل يستطيع لص زي البشير يواجه الحرامية وزملاء دروب السرقات والنهب ويوقفهم عند حدهم
هذا ضرب من المستحيل ونوع من احلام زلوط البنسمع عنها .
تحياتي
| |
|
|
|
|
|
|
|
|
|
Re: السيد الرئيس البشير (Re: علي محمد الفكي)
|
سلام اب سن
المشكلة انو كل الهيئات الوهمية و الوظائف الوهمية من مساعدين لا يساعدوا
و مستشارين لا يُستشاروا و الجيوش الجرارة من الدستوريين ديل كلهم جابوهم
ترضيات و عشان يتكافى شرهم.
اي تلاتة انفار أنشأوا حركة مسلحة جابوهم و معاهم جيش وادوهم مناصب
البشير مشكلته يريد ان يرضي كل من يخالفه أو يهدد بقائه في السلطة
أسهل طريقة هي ان يتحمل الشعب تكلفة بقاء و استمراره في السلطة
هو أساس المشكلة ولن يكون أبداً جزء أو سبب في الحل
| |
|
|
|
|
|
|
|
|
 Re: السيد الرئيس البشير (Re: عبدالحفيظ ابوسن)
|
يا ابسن البشير في ورطة ما يعلم بيها الا الله ..
اتفق مع ناصر وهيثم غالي ( حاتم الهواري في رواية اخرى تستند على الخداع البصري وليس رؤية الشهود )
البشير لا يهمه فساد ولا صلاح ولا اي شيء بهم المواطن وهو يقف على قمة جبل الفساد محاطا باعز اقربائه واخلص خلصائه ، فــــــــ يعمل شنو ؟
الارض تميد من تحت "ركبه المسيحة " وكل يوم تضيق الدائرة ، وفي كل يوم تقترب ثورة الجياع
ثق تماما ان اي خطوة يخطوها البشير هي لذر الرماد فوق العيون وكسب الوقت وضمان مصالح شيعته
ولذا يستجد اي شيء ، لن يقوم البشير بجراحة شاملة لاستئصال الفساد لأنه سيفقد ركائز حمايته
الشيء الاهم هو ان الاقتصاد انهار وتوقفت عحلة الانتاج ولن تجدي مثل هذه الخطوات البائسة في اي شيء ..
شنو يعني قفل قنصليات ورجع سفرا ؟ ده حيدعم الانتاج بي شنو ؟ حيرجع الثقة للقطاع المصرفي كيف ، ومش الثقة وبس ، حيرجع اموال المودعين ذاتا كيف ؟
حتى اموال الفساد بتتعزز على اقتصادنا وكلها بتسافر بتتغسل برة بدون تذكرة عودة ، البشير حيرجعها كيف ؟
الضرر الحاصل ده لن يزول اذا لم يزول النظام
| |
|
|
|
|
|
|
|
|
|
Re: السيد الرئيس البشير (Re: عبدالحفيظ ابوسن)
|
Quote: تلات ]لايات لي شنو والمسافة بينهم قطع كبري
خليها كلها ولاية الخرطوم |
متين يا ابسن سوهن تلاتا
المحاصصه بتاعت الولايات امشي لا غربا تشوف العجب كل حاكورا سولا ولاية
:
:
:
:
مع التحيات لله الزاكيات
| |
|
|
|
|
|
|
|
|
|
Re: السيد الرئيس البشير (Re: عبدالحفيظ ابوسن)
|
| Quote: بحمد الله وتوفيقه في تمام الساعة 10:45 صباح اليوم تم ادخال وحدة التقطير الجوي في مرحلة الانتاج بطاقة انتاجية 250 طن في اليوم عليه سوف يتم تسليم كميات الجاز المقدرة بحوالي 1000 طن في اليوم الي الجهات التي تعمل في التوزيع خلال الساعات القادمة بعد الحصول علي شهادة المواصفات ومن المتوقع دخول وحدة التكسير الحفزيRFCC خلال 48 ساعة ايضا في مرحلة الانتاج حيث تقدر الكميات المنتجة الكلية ان شاء الله ب3000 طن في اليوم من الجاز و1800 طن من البنزين و750 طن من الغاز الجدير بالذكر بان جميع مراحل التشغيل خلال هذة المرحلة تمت بكوادر سودانية من المهندسين والفنيين بحمد لله بالاضافة لذلك يعتبر تشغيل وحدة التقطير الجوي اولا وادخالها خط الانتاج قبل وحدة التكسير الحفزي تفكير سوداني خالص لمجابهة وتقليل ازمة الجاز وسوف تسهم في عملية فك الاختناق في المنتجات البترولية خلال هذه الايام ولا يفوتنا ان نهنىء كل العاملين باقسام الصيانة المختلفة للدور المهم الذي تم انجازه خلال عملية الصيانة والتشغيل في الفترة الماضية |
دي بقت غلوتيه ... هسع الصاح وين ... حيرتونا ...
غايتو انا علي قناعه انو في جداد الكتروني يقابله
نعام الكتروني والضحيه هو شعب السودان ...
اب سن عوافي ...
| |
|
|
|
|
|
|
|
|
|
Re: السيد الرئيس البشير (Re: Salah Zubeir)
|
خسمتك بالرسول يا ود اب سـن
في داعي للمجلس القومي للذكــر والذاكريـن ؟؟؟ بدرجــة ووزارة ؟؟؟
ياخي النميري قبل كدا ألغى وزارة الشباب والرياضـة .. وسماها الرياضة الجماهيريــة
ياخي .. خلــوهــو ... الذكــر الجماهـيــري ...
أحمـد الشايقي
| |
|
|
|
|
|
|
|
|
Re: السيد الرئيس البشير (Re: Salah Zubeir)
|
فكي حفيظ سلام
انا عارف مداخلتي دي متسقة مع سواقتك للبوست دا
لكن عجني السياق حقها .. وأعتقد جازماً انها تتواءم مع طرحك
المهم .. جاتني في الواتس قبل مدة واتذكرتها وانا فاتح خيطك
اسمها جرد حساب (ختيتها ليك زي ما جاتني):
حصر اصول وممتلكات السودان التي باعتها و دمرتها الإنقاذ منذ 1989 ✋
- الجنسية و الجواز السوداني
- جنوب السودان
- سواكن
- ميناء بورتسودان
- مطار الخرطوم
- خط هثرو
- النقل المكانيكي
- الهيئة القومية للكهرباء
- الهيئة العامة للمواصلات السلكية واللاسلكية
- المؤسسة العامة لأعمال الري والحفريات
- إناث الضأن و الإبل
- شتول شجرة الهشاب
- مقر سفارة السودانية جدة (حي الهنداوية)
- بيت السودان لندن
- حديقة الحيوانات
- الهيئة القومية العامة للبريد و البرق
- النقل النهري
- الخطوط البحرية السودانية (سودان لاين) 15 باخرة
- شركة الصمع العربي
- خصخصة شركة السكر السودانية
- منشآت ومخازن لأشغال والمهمات
- مبانى وزارة التربية والتعليم السكنية
- اشلاقات البوليس
- أراضي السكة حديد
- أراضي جامعة الخرطوم
- اراضي منطقة ابو حمد (اماراتيين)
- اراضي الحوض النوبي (الراجحي)
- تصفية مؤسسة الدولة للسينما ،وقسم السينما في مصلحة الثقافة ،ووحدة السينما في التلفزيون 1991
- معسكر الحرس الجمهوري سوبا
- حوش المدرعات بالشجرة (بيع ليصبح مخطط غزة السكني )
- مصنع سكر الجنيد
- مصنع اسمنت عطبرة
- مصفاة الخرطوم
- اراضى الجامعة الاسلامية
- حي الوابورات وشاطئ النيل الأزرق (الديار القطرية)
- الميادين في الأحياء السكنية
- ميدان وسوق الثورة ح 23
- مشتل محلية الخرطوم
- المواقف العامة
- مشروع الجزيرة
- مصانع الغزل والنسيج مارنجان
- منازل الموظفين فى مشروع الجزيرة والمناقل
- مشروع كناف ابو نعامة
- مشاريع النيل الأبيض للإعاشة
- مشاريع النيل الازرق للاعاشة (مشروع الليونة الزراعي، مشروع علي بدري، مشروع. التهامي)
- مشروع ساق النعام شمال دارفور 156 الف فدان (سعوديين)
- السكة حديد سنار
- مبني الثروة الحيوانيه (البيطري) محليه الحصاحيصا
- مصنع التعليب كوستي
- مصنع الغزل والنسيج شندي
- قنصلية سفارة السودان بالهند بيعت للكويت
- الفندق الكبير الخرطوم
- فندق قصر الصداقة
- مستشفى الخرطوم
- مستشفى جعفر ابن عوف
- خصخصة مستشفى السلاح الطبي.
#جرد حساب
| |
|
|
|
|
|
|
|
|
|
Re: السيد الرئيس البشير (Re: عمر أبوعاقلة)
|
هسه لو المفوضية العليا لمكافحة الفساد بدل المحركة البسوو فيها دي
قاموا اشتغلوا لينا شغل موثق زي دا ما أخير يا حفيظ
يقيني أن لحظة الحساب قريبة ويرونها بعيدة
المفروض يكون في جهة ما في مكان ما يكون
عندها معلومات وأرقام دقيقة لجرد الحساب
الله كريم
| |
|
|
|
|
|
|
|
|
|
Re: السيد الرئيس البشير (Re: عمر أبوعاقلة)
|
مرحب يا ابو سن
المشكلة ليست فى تغيير الشخوص وتخفيض الاعداد .. المشكلة مشكلة برامج وسياسات
وهذه البرامج والسياسات لا بد وان تصاغ من جديد لان البشير لا يهمه ابداً مصالح الشعب السودانى .
هذه الخطوة مدروسة لامتصاص الغضب الشعبى .
| |
|
|
|
|
|
|
|
|
|
Re: السيد الرئيس البشير (Re: سامي عطا المنان)
|
فعلا عبدالله وكما اشار هيثم وناصر مشكلة السودان وجزرة الجنائية . شخص واحد يساوي دولة .. يا للبؤس !!
وأي رجل !!
يا محمد حمزة ما سمعت القدال قال
كل ما امتداد يمتد
نبني حواهو كرتونة وزرايب للناس
تعرف ما المقصود ضرورة الولاية بل ضرورة الوالي😆 واحد دايرين يرضوهو لأنو مهددهم بي جماعتو يجيبوهو والي
لكن خانة الولاة مقفلة وما بقدرو يشيلو واحد عشان برضو مهددهم بي جماعتو
| |
|
|
|
|
|
|
|
|
|
Re: السيد الرئيس البشير (Re: عبدالحفيظ ابوسن)
|
يا صلاح المبذول في الكتيبة الالكترونية سيحل مشكلة الصحة
صحي يا الشايقي جنس هبر
يا ابوعاقلة تصدق الفكي ساي full name 😆 المقصود مخصصات الهيئة مش عملها خليك تفتيحة
اتفق معاك علاء وكثيرا ما اكرر المشكلة في السيستم كلو .. كلو يتشال
يا دهب يرجعو الفات والجروح قصاص
| |
|
|
|
|
|
|
|
|
|
Re: السيد الرئيس البشير (Re: عبدالحفيظ ابوسن)
|
واهديك يا سامي بعض ابيات ايمن ابوالشعر
وسيأتي يوم تصبح فيه الشمس كطير الرخ...تغادر قبتها الزرقاء وتكفر بالأحياء...
تحتضـن الأضرحة الحمراء تغني للشهداء ... فتفقـّس كل قبور الماتوا في درب العشق طيورا ً جارحة كالرعب وتزعق في ساحات المدن الكبرى...
قلتم موتوا من أجل الأرض سنثأر...متنا ... مات الثأر ...فأنتم... أزلام ... أقزام ... تجار ... أصداء ...تتحول أكفان الموتى يافطة ... كتب بحبر القهر عليها ...
جاء الدور عليكم يا أحياء...فليبك المجرم زمنه...سيبدأ ثأر الشهداء... بالخلان الأعداء...وبالأحباب الخونة.
| |
|
|
|
|
|
|
|
|
|
Re: السيد الرئيس البشير (Re: عبدالحفيظ ابوسن)
|
شايفكم سيد الرئيس معجبون قولا بالسيرة النبوية . ولا تتركون سانحة تشبه إلا لصقتوها حتي ان بعضكم وضعكم افضل من الصباحة . ثم زاد علينا قبل يومين واحدا منكم دخلنا نحن زاتنا الشعب .. دخلنا يوم القيامة عديل . قال وقوفنا في الصف زي وقوفنا للحساب 😆😆😆 ونسي نفسه 😆😆 عليك الله مابالغ؟
اها برضو كويس
تشبهو بالرجال فإن التشبه بالرجالة فلاحة
دة حديث مايشيلو واحد من ناسك ينقز بيهو ويعتبرو آية
كويس التشبه .. طيب الرسول قال
وإن ربا الجاهلية موضوع... وأول ما أبدأ به ربا عمي العباس بن عبد المطلب
دايرين سيادتك تتشبه بسيد الخلق وتقول
كل فساد موضوع واول فساد ابدا به فساد زوجتي واهلها واخواني
ولامن نبقا للحساب ساهل
كلو مكتوب
| |
|
|
|
|
|
|
| |
عبدالحفيظ ابوسن
بشير حسـن بشـير
علي محمد الفكي
Nasser Amin
الطيب رحمه قريمان
Abdullah Idrees
محمد حمزة الحسين
Salah Zubeir
أحمد الشايقي
عمر أبوعاقلة
علاء سيداحمد
سامي عطا المنان
فيس بوك
تويتر
انستقرام
يوتيوب
بنتيريست