|
|
|
 Re: المرة دي جابوها كبيرة سبيستون (Re: Abdullah Idrees)
|
ههههههههههههههههههههههههههههههههههههههههههههههه
استغفر الله ....
يعني حسع قاعد من الصباح بضرب 1 × 2 وبحسب في حالي خلال عشرة سنين
زادت خبرتي في الحياة 10 سنوات
وقرب أجلي ونقص عمري 10 سنوات
ونقص دخلي معاه لـ 5% من دخلي الشهري في 2006م
وبفكر في طريقة تشخيص وعلاج
والحمد لله
م عارف الثروات والبركات البيقولوها دي في كوكب تاني غير سودانا دا ولا الحاصل شنو ؟
| |
 
|
|
|
|
|
|
|
 Re: المرة دي جابوها كبيرة سبيستون (Re: عبدالحفيظ ابوسن)
|
هسة يا حمد دة ما خيال يفوق مخرجي هوليود ؟
كان نعملو خرافهيولد ونفوق ليك امريكا سينمائيا . اقلاها الواحد كان يكون نجم عالمي تحف به جميلات العالم وانا اتعزز واقول
احبها سودانية وتاكل ام تكشو
غايتو دفنو مواهبنا معاهم ساي
| |
|
|
|
|
|
|
|
|
|
Re: المرة دي جابوها كبيرة سبيستون (Re: عبدالحفيظ ابوسن)
|
ما فاضي يا عبدالله النخلص من الفي يدي دة
الالماظ ملحوق
يا زول قبل فترة وقع نيزك جنوب كنانة عليك امان الله في ناس رقدت تحت العناقريب للصباح . وناس اغتسلو واتشهدو وبرضو رقدو تحت العناقريب
قالوا القيامة قامت
خلي قال ليك كوكب قدر زحل ولا شنو ما عارف دة كان صبحنا كاويك وقمنا بترول في ساعتنا
| |
|
|
|
|
|
|
|
|
|
Re: المرة دي جابوها كبيرة سبيستون (Re: عبدالحفيظ ابوسن)
|
يا هاني عليك امان الله بصحي تلاتة صباحا اتذكر لي موضوع عيوني يفتحن بق للصباح
اتا قايل انا براي
تلقا الناس ماشة كالزومبي
عيون فارغة جوفا وظهر منحني
قال القدال
مشيت يات من طريق
الناس مزغلله في الفراغ
وهموم مجدعة في التراب
وإيدين تخاتف ..
شن تخاتف ماني عارف ..إلا جيتا
وجيتا لي وجع المخاض ...البر متل موية الرهاب
وقفت أعاين في الخليقة
لقيت بتاوق جوه روحي
ضهبت في موج السراب
عريان وسط موج العرايا
سألت الجمبي : قتلو لحم وشيشك وين ؟؟
ضحك بين دمو عاين للورايا ...!
شفت عضامي في دمعوا المرايا ..!!
مشيت قدامو شفت عضامو في دمعي المرايا
| |
|
|
|
|
|
|
|
|
|
Re: المرة دي جابوها كبيرة سبيستون (Re: الفاتح ميرغني)
|
الما بوقعو شنو يا الفاتح
احسب وتم الباقي
قرض راح ما معروف وين . ختوه تحت المخدة وصحا الصباح مستعجل . اتذكرو تاني يوم . فما عارف خلاهو في البيت والمرة غنجت بيهو ولا الشغالة . ولا شالو ونساهو في المكتب جازفوهو الجماعة
قرض من فاعل خير الجماعة شايلين كراس التبرعات ولافين في الدول بالطيارة لاقاهم رئيس دولة دفع ليهم وقال ليهم اكتبو فاعل خير . لأنو خايف يذكرو اسمو يعمل ليهو مشكلة مع الجيران
اذا كان نمل بياكل 460 شوال سكر وفار بقرض ليهو كبري الما بخلي كوكب يقع شنو ؟
ولأننا نستمسك بشرع الله تنزل علينا الرحمة من السماء
| |
|
|
|
|
|
|
|
|
|
Re: المرة دي جابوها كبيرة سبيستون (Re: Ahmed Khalil)
|
| Quote: يعني يا احمد الفلم دة قديم ؟ |
نعم قديم يا سنو ...
لكن جديد على الواتساب :)
وقع قبل الواتساب ما يظهر ... فلقاو واحد من اخوان البنات في النت و قال يطلع بيهو تيستا ...
بعدين الخبر القديم كان نيزك زي ما قلت و حسي عملوه كوكب لزوم الاثارة و كده ...
انا مرة زمااان خشيت فلم في سينما النيلين كاتبين في الاعلان لأول مرة في السودان ...
بعد دقيقة اكتشفت اني خشيتو في الوطنية غرب قبال سنة كده بس ناس النيلين غيرو الاسم ...
فما تدقق يا صديقي ... :)
| |
|
|
|
|
|
|
|
|
Re: المرة دي جابوها كبيرة سبيستون (Re: يحي قباني)
|
وين يا احمد ياخ كردونها من الصباح وجات هيلمانة وناس من الخرطوم
الناس شافت ضوء ساطع غير عادي
والقريبين سمعو صوت
ما ظهر في الواتس ياقباني
دة جابتو الجرايد عديل
الجرايد الورقية
ههه نحن اصلا مغرمين بأكبر واول واحدث
اي اجزخانة في كوستي مكتوب عليها اجزخان فلان الحديثة
انا غايتو لو عملت واحدة بكتب الاحدث
| |
|
|
|
|
|
|
|
|
|
Re: المرة دي جابوها كبيرة سبيستون (Re: عبدالحفيظ ابوسن)
|
هادي بورتسودان
حنك الألماس
منقول رسلو لي في الواتس
تباً للهندي عزالدين الناس دي بتتكلم على خطوط الألماس داخل قطعة نيزك بهدف علمي لقراءة حقائق عن تشكل الكون والمجموعة الشمسية والأرزقي يسعى للإثارة .. الحنك ده كما يلي :-
في يوم 3 نوفمبر 2008 تمكن ريشاد كالوسكي من جامعة أرزيونا من رصد نيزك متجه بسرعة إلي الارض وأخطر على الفور وكالة ناسا وحددعلى الفور الوكالة بأنه سيصل الغلاف الجوي بعد 24 ساعة
في تمام الساعة 45:2 بتوقيت جرينيتش من يوم 4 نوفمبر استصدم النيزك بالغلاف الجوي إحترق فيه متحولاً إلى شهاب بالغ السطوع سقط أجزاء منه في منطقة منعزلة وغير مأهولة شمالي السودان (غرب مدينة عكاشة – محطة نمرة 6) واشتهر بتسمية نيزك المحطة 6 .. لم يتمكن أحد من مشاهدة هذه الواقعة إلا طاقم طائرة تابعة لشركة الخطوط الهولندية ''كيه إل إم'' كانت تحلق على بعد 1200 كيلومتر عن الموقع سمي النيزك في وقتها 2008 TC3
الحدث الكبير استدعى جامعة الخرطوم لتعيين فريق مع فريق أمريكي قام بجمع قطع النيزك المتناثرة، التي وصلت لـ480 قطعة، بوزن 4 كيلوغرامات مجتمعة.
في مؤتمر صحفي في 17 ديسمبر2008 أكد الدكتور معاوية شداد المحاضر بجامعة الخرطوم والخبير في علم الفلك أن النيزك الذي سقط مؤخرا في شمال السودان يعد أرضا خصبة للدراسات والبحوث والتي ستقود إلى نتائج جديدة وتجيب على الكثير من الأسئلة حول نشوء وتكوين الحياة في الكون
الدراسة المنشورة يوم الثلاثاء الماضي 17 أبريل في مجلة الطبيعة قام علماء بدراسة القطعة رقم 170 من ذلك النيزك تحت المهجر لتحديد خطوط الكربون من الألماس والجرافيت الدقيقة التي تتكون نتجية للضغط والإنصهار العالي أو ترسبات البخار الكيميائي التي تعرفهم بعمر النيزك وحجم الكوكب أو الجرم الاساسي الذي تشكل منه النيزك
فحص العلماء القطعة و خطوط الجرافيت بلورات الالماس التي يصل حجم خطوطها لحوالي 100 ميكرون – (عشر ملمتر ) داخل قطعة النيزك من خلال المايكرسكوب الإلكتروني والأشعة السينية علماً بأن غالب القطعة تتشكل من الأوريليت ureilites وغيرها ن المركبات
النتيجة العلمية التي توصلوا لها دراسة من خلال ذلك إنها ربما كانت من كوكب تابع للمجموعة الشمسية مندثر قبل حوالي 10 مليون سنة بحجم بين المشترى وعطارد
| |
|
|
|
|
|
|
|
|
|
Re: المرة دي جابوها كبيرة سبيستون (Re: عبدالحفيظ ابوسن)
|
زمانك ن كان بيقولوا: دولة قطر، قروش مطر.
فعلى الرنة دي أخونا باشري كان مسافر هناك
مودنو راعي في ميدان سبق الهجن بالشحانية ؛
و هو نازل من التيارة ، قام لمحلو وقرة أم خمسة
ريالات خدرا ، طولالي قام لافحا ليك و قال: يلا
بسم الله ابتدينا. أها تحين حتا إحنا هسي البجينا زائر،
أول ما يشوف لوحجر مسن يلفحو و يقعد ينقز
على إنو دا حجر (كريم). يجازي محنكم
يا ود أبسن و الله لا جاب باقيكم.
| |
|
|
|
|
|
|
|
|
|
Re: المرة دي جابوها كبيرة سبيستون (Re: Hani Arabi Mohamed)
|
ود ابو سن
الله يخزي شيطان عقلك. .مالك علينا يا خي..
والله قرأنا تعليقك عن حال الناس عند وقوع النيزك جنوب كنانة وحتى الآن نحن في نوبة ضحك هستيرية..واحتمال الضحك يستمر اسبوع كامل. .فشكرا ليك يا ملك..
مع وافر التقدير والاحترام
| |
|
|
|
|
|
|
| |
عبدالحفيظ ابوسن
حمد عبد الغفار عمر
Abdullah Idrees
Hani Arabi Mohamed
الفاتح ميرغني
محمد جبره
يحي قباني
Arif Nashed
دفع الله ود الأصيل
فيس بوك
تويتر
انستقرام
يوتيوب
بنتيريست