[٣٠/٣ ٩:٣٩ م عاجل .. يقال : امتحان الكيمياء تم تسريبه من الهند الجاليه السودانية هناك امتحنت في تمام الساعة الثامنة صباحا بالتوقيت المحلي للهند ...الثالثة والنصف صباحا بتوقيت الخرطوم ....تم تناقل الامتحان محلولا في الساعات الاولى يوم الامتحان فارق ال ٤ ساعات و ٥٢ د بين الهند والسودان ...لعب دور السحر
كضب ... كضب ... كضب هو زول عايش في بلد فيهو نظام تعليمي من افضل الانظمة شنو البخليهو يدرس مقرر سوداني ؟ بفتشو لي حنك ميت يسكتو بيهو الناس بس ، شنو يعني ما عارفين فارق التوقيت ؟
03-30-2018, 07:31 PM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
السودان +2 قرنيتش الهند +5.5 يعني فايتننا بي تلاتة ساعات ونص تمنية عندهم بتكون اربعة ونص صباحا عندنا حلو يعني الطالب لحظة استلام الورقة ببدا يحل وماممكن يصورها الا في فوضي هناك لو الهند الامتحان تحت رعاية السفارة الا موظف في السفارة مافي غيرو الطالب نسخة واحدة وبجمعها
موضوع فك المراقبة في بعض المدارس والمراكز شائع من زمان بس ما كان في واتساب عشان يتعرف
وحجة الأساتذة يقولوا ليك ديل طلبة تعبانين وشقيانين والوزارة ما موفرة ليهم أي حاجة وما عندهم حق الفطور خليك من مذكرات وكورسات
قريبي امتحن شهادة سودانية وهو ما عندو أي علاقة بالقراية .. قال لي الاستاذ شاف ورقتي فاضية بقى يلقط لي في البخرات من الطلاب ويجيبها لي يقول لي شوفها نافعة معاك؟
المشكلة إنه كليات التربية بدخلوها الناس المجموعهم ما دخلهم كليات تانية وبعد يتخرجوا بشتغلوا في ظروف صعبة شديد وبمرتبات ما بتغطي ايجار البيت خليك من اكل وشراب والحكومة بقت ما بتدعم الطالب بأي حاجة .. حتى الكتب بشتريها .. وفي اساتذة بضطروا يشتروا الطباشير من جيبهم الخاص عشان طباشير المدرسة بتحت فيهم يوسخ هدومهم ويعمل ليهم ضيق تنفس .. في مدارس عدد الأساتذة فيها أقل من عدد الفصول لدرجة الاستاذ بدرس حصتين في نفس الوقت .. عادي مادة يكون ما عندها استاذ وينتظروا طلبة الجامعة يجوا يساعدو الطلاب في اجازاتهم الناس بتعاين للمدارس الخرطومية وما عارفين المآسي الفي القرى دي كلها أسباب بتغري بفك المراقبة للاستاذ المغبون
الناس قايلة المشكلة كيمياء .. لكن المشكلة هي المنظومة التعليمية بالكامل
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة