سبق وأن كتبت هنا ومواقع أخرى منتقدا طريقة وأسلوب أميرة الغناء نانسي عجاج خلال حفلاتها العامة عندما تمد المايك للجمهور ليكمل كوبيله أو مقطع أغنية في توقيت حرج وحساس تبدأ فيه انفعالات واهتزازات المشاعر مع لحن وكلمات الأغنية، قبل أن تقطعها الأميرة بطلب مشاركة الجمهور وهو ما يشوش غالبا على اللحن والفواصل الموسيقية والمساحة الصوتية، خصوصا وأن نانسي تتميز بصوتها الحاد ( السوبرانو ) وتجيد التحرك في هذه المساحة بتفرد يصعب على الجمهور محاكاته، الأمر الذي يؤدي إلى تعارض مع معايير الفخامة والرخامة والرنين المطلوب لاستمرار كثافة الطرب في الأغنية. على عكس الأميرة تماما رفض الباشكاتب الموسيقار ود الأمين في حفلة جماهيرية أمس مشاركة الجمهور في ترديد الأغنية وقال لهم حرفيا : ( يا تغنوا أنتوا يا أغني أنا ) وأردف : ( تذكروا انكم جايين تستمعوا مش تغنوا ). ربما كان الباشكاتب فظا إلى حد ما في رفضه لمشاركة الجمهور، ولكن أعتقد أن هذه الفظاظة أوجبتها غيرته على العمل والجهد المبذول في الأغنية بداية من كلماتها ومرورا بتلحينها، وتوزيعها موسيقيا، وهندستها صوتيا، ونهاية بادائها. الباشكاتب غيور على حقوق المبدع ويخاف عليها من تغول المتلقى في حين أن الأميرة لا تتورع في توزيع الوليمة على المتلقى لينهشها كيفما اتفق . مع كامل احترامي للأميرة المبدعة نانسي عجاج، وأتمنى أن تعيد النظر في طريقتها .
03-17-2018, 05:00 PM
حمد عبد الغفار عمر حمد عبد الغفار عمر
تاريخ التسجيل: 06-06-2008
مجموع المشاركات: 7662
سلام يا طلحة إنت زول حقاني فكدي عليك الله شوف لينا إعلان الحفلة هل مكتوب فيهو دعوة مشروطة بالإستماع فقط أثناء الحفلة؟ ولَّ الأستاذ دا إفترض ليهو شرط من راسو دا و الزم بيهو الناس؟
03-17-2018, 05:54 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
عزيزنا طلحة يا صفوة زي ما قال استاذنا وحبيبنا قباني
الموضوع معقد من زاوية التعبير عن المشاعر عندنا كسودانيين عموما، يعني لو حضرت حفلات ود اللمين في نادي الضباط زمان بتلقي زول قام في نص الصولة وكورك مسافة و (نخج) ومجموعة بهناك تكورك وتغني وتصرخ وواحدين بيصفروا ودي كلها تعبير عن المشاعر بطرق مختلفة، كتير جدا بجي طالع من الحفلة راسي (كابس)!! وكنت بتمني كلو مره اسمع ود اللمين يغني.
ود اللمين زول مليان شجن وموسيقي حتي النخاع وبيرتجل في الغنا (مرات) والجوطة دي بتشوش عليهو، ودي بيعرفوها الناس البيدرسو في المدارس لامن الطلاب يهرجلو الحصة بتطير ليهو من راسو.
have said all that وفي بالي طريقة تصميم المسارح عندنا، كتير منها بتلقي الجمهور قاعد للمغني في حلقو والزول من الجمهور لامن (يتسلطن) بالغنا ممكن يعمل اي حاجة!! عشان كده تصميم المسارح بتراعي للحته بتاعة الجمهور دي وتوزيع الصوت. وسماعات الصوت دي مهمة جدا عشان تدخل الموسيقي في (نخاشيش) الزول ويتسلطن!
اكتر حاجة خلتني احس بالذهول عندما قريت واحد كتب ووصف غنا الباشكاتب بالجعير!!!!! معقولة بس
03-17-2018, 06:43 PM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
من غير اي تنميق او تجميل ما قام به باشكلتبكم دا عمل قبيح ولا يمت لرسالة الفن من اي باب الجمهور دا دافع من حر مالو ليستمتع بالطريقة الهو عاوزها . يغني يرقص يدردق يتسمر ينتشي في حدود المسموح به في حالة الحفلات الجماهير الprepaid
ما قدام الباشكاتب وهو في خريف عمرو الا يطلع ويعتذر عن هذا القبح والجلافة
تحياتي طلحة وضيوفه من ناحية فظاظة فهي فظاظة في نظري ولكني رددتها للسن . العمر بخلي الزول حاد ومتوتر بعدينك ما زمان كان بقبل ويتحين الفرص لامن يعزف بالعود ويتلقي الثناء تصفيقا يشوش علي صوت العود ود اللمين المشهور عنو احترامو لمعجبيه لكن عامل السن خلاهو متوتر معاك في حركة مد المايك دي ما حلوة وبتنقص العمل والصفق في نص المقطع الشعري وبالذات لو كان طويل ومترابط الشاعر لا يعرف يواصل ويضيع بعضه ولا يسكت ويبداهو من جديد
في حفلة رأس السنة 2010 أعتقد بنادي الضباط بعد ود الأمين خش في الكوبليه التاني من أغنية ذاد الشجون فجأة وقف الغنا لنفس السبب و أدى الجمهور محاضرة زي عشرة دقائق عن انهم مفروض يسمعوا بس وما يشوشروا عليهو وعلى العازفين لأنو الحفلات دي بتتصور وما عاوز ينزل ليهو تسجيل فيهو شوشرة . جزو من الجمهور شاف الأستاذ عندو حق وجزو شافا طنقعة وعدم زوق من الأستاذ. الحفلات الجماهيرية أعتقد غناء الجمهور بديها طابع جميل عكس تسجيلات الاستوديوهات وجلسات الاستماع واغلب المغنيين في الحفلات الجماهيرية ما بلتزموا بكل اللزمات الموسيقية ويرتجلوا أحيانا حسب تفاعل الجمهور .
03-17-2018, 07:19 PM
Hani Arabi Mohamed Hani Arabi Mohamed
تاريخ التسجيل: 06-25-2005
مجموع المشاركات: 3515
بصراحة حكاية غنا الجمهور في الحفلات العامة دي حاجة سخيفة جدا وقلة ذوق وما عندها اي فرق من الكلام في السينما ياخي انا جاي اسمع ودالامين مش اسمع ناس نصهم شتر الواحد فيهم "زي حارس ريال مدريد في ضربات الجزا كل مرة هو في وادي والكورة في وادي "
في زول عاقل بغني مع عود ود الامين؟
03-18-2018, 00:02 AM
Asim Ali Asim Ali
تاريخ التسجيل: 01-25-2017
مجموع المشاركات: 13492
الفن عموما والغناء والغناء منها استمتاع وتذوق تخالفه حالة التشويش اللى بيصنعها الصراخ والصافيفر ومحاوله واحيانا الغناء مع الفنان كلمه كلمه .زى مانت داير تستمتع بشكل ما فى زول داير يستمتع بالسماع. الاحساس وتذوق يضفى على الانسان نوع من رقه الاحساس ورقى التعامل والذوق العالى .وما اظن يعمل فيها مستمتع بترديد الغناء والصفير على حساب من حوله يعكس حقيقه تذوق مايسمع .
03-18-2018, 05:52 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: فكدي عليك الله شوف لينا إعلان الحفلة هل مكتوب فيهو دعوة مشروطة بالإستماع فقط أثناء الحفلة؟ ولَّ الأستاذ دا إفترض ليهو شرط من راسو دا و الزم بيهو الناس؟
يا حافظ وهل في تذكرة السينما مثلا مكتوب التزام الصمت وعدم التشويش على المشاهدين الآخرين أثناء عرض الفلم وهل 30 أو 50 جنيه بتدّيك الحق تزعج الدافع 50 جنيه زيك وقاعد جمبك ودافعها عشان يسمع ود الأمين ما عشان يسمعك انت و هل يمكنك ان تدخل الأوبرا ببرمودا مثلا طالما دافع حق التذكرة يا سيدي في حاجة متعارف عليه ككود وغير مكتوبة أولّها الذوق ومراعاة الآخرين أحيانا الفنّأن بمد المايك للجمهور زي في حالة نانسي ودا بمثابة الإذن للجمهور لكن إن لم يفعل فا من الذوق مراعاة الآخرين الدافعين نفس حق تذكرتك ومن قبل مراعاة مزاج الفنّأن
Quote: اكتر حاجة خلتني احس بالذهول عندما قريت واحد كتب ووصف غنا الباشكاتب بالجعير!!!!! معقولة بس
والله يا سنوسي دي - وغيرها - فقعت مرارتي عديل كدا ود الأمين يغنّي و يلحّن قرابة الأربعين أو خمسين سنة وربّما أكثر, المسالة بالنسبة ليه ليست مجرّد اغنية يؤدّيها قدام جمهور وخلاص, ياخي لو الواحد بحلق حمير لمدّة اربعين سنة القصة بتتجاوز مجرّد مهمة أو مهنة يؤدّيها وخلاص ود الأمين لا يغنّي لكنه يعيش الأغنية و يحس كل حرف و نغمة فيها ويجي من تاثّر بعنوان الكليب على اليوتيوب و تعرّض لتوجيه رايه يقول ليك يجعّر وكبر و بتاع و مش عارف ايه غايتو بس الحمد لله على كل حال
تنظير كالعادة يؤسفني اتفاقي معك لكن يعني لازم تحشر نانسي في الموضوع! نانسي مين في معرض الحديث عن ابو اللمين يااااا
Quote: يا سيدي في حاجة متعارف عليه ككود وغير مكتوبة أولّها الذوق ومراعاة الآخرين
الكود المتعارف عليهو هو إنو في أغلب الحفلات الجماهيرية الجمهور بيغني في الحفلات.. و ممكن أجيب ليك الآف الفيديوهات. و حتى محمد الأمين نفسو في الفيديو الإنت جبتو في البوست التاني قال إنو في غُنى كتير جدا بيغنيهو مع الجمهور. إذن المسألة باللنسبة لمحمد الأمين أبداً ما مرتبطة بمراعاة الآخرين الدافعين نفس حق تذكرتي. ثم أن محمد الأمين نفسه لم يبرر توقفه عن الغناء بدعوى أن الترديد معه يزعج الآخرين. محمد الأمين كل تبريره كان يدور حول نفسه و إرضائها.
أنا موضوعي عن الحدث ككل محصور فقط في تبرير محمد الأمين لتصرفه، و ليسس في توقفه عن الغناء. كان سيكون رأيي مختلف جداً لو أن طلب عدم الترديد مع الفنان جاء من أحد الجمهور و ثناه محمد الأمين بدعوى أن الترديد معه يحرم البعض من الإستمتاع بالحفل.
03-18-2018, 07:10 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: الغرض من الحفلات دي يا ود البشرى وعبدالله ادريس ليس الاستماع لود اللمين
معقولة بس يا هيثم! اقشر من العصر وأورنش الجزمة و اجري اكابس في الرقشات و ترحال وادفع حق التذكرة عشان اسمع لواحد بعراقي و مشنّق طاقيته وتلقاه سافي كمان يغني بدل ود الأمين! دا كلام شنو يا خوي!
Quote: إذن المسألة باللنسبة لمحمد الأمين أبداً ما مرتبطة بمراعاة الآخرين الدافعين نفس حق تذكرتي. ثم أن محمد الأمين نفسه لم يبرر توقفه عن الغناء بدعوى أن الترديد معه يزعج الآخرين. محمد الأمين كل تبريره كان يدور حول نفسه و إرضائها.
وعليكم السلام حافظ ود الأمين في توضيحه قال انه ما قادر يؤدي بالطريقة الاعتاد عليها و ادخال بعض التغييرات طالما الجمهور بغني معاه في الأغنية دي بالذات طيب هو بغنّي لمنو و يغيّر و بجوّد وبطرب في منو؟ مش في الجمهور دا زاته
طيب قول حتى لو تبريره ان الجمهور ازعجه و منعه من الأداء مش من حقه برضو! زول بعيش الأغنية مش فقط بيؤديها و الغناء و الرديد معه ازعجه ومنعه يبقى طبيعي تصرفه
عموما الجمهور لا مرق لا قاطع باقي الحفلة بالصفافير ووسائل احتجاجا الجمهور اللمعروفة و قبل - للدقة جزء كبير من الحاضرين - توضيحه وبان ذلك بالتصفيق و استمرار الحفل يبقى ناس النت مالهم ضايقين!
03-18-2018, 07:29 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7205
Quote: طيب قول حتى لو تبريره ان الجمهور ازعجه و منعه من الأداء مش من حقه برضو! زول بعيش الأغنية مش فقط بيؤديها و الغناء و الرديد معه ازعجه ومنعه يبقى طبيعي تصرفه
في إختراع إسمو الهيدفون و معاهو فيلتر كمان ممكن يجيب واحد و يقدر يستمع من خلالو لصوتو هو و صوت الموسيقى فقط
03-18-2018, 07:40 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7205
في حل تاني ساهل يا ود البشرى إنو الفنان يكون عندو إحساس عالي بجمهورو و يقدر يعرف هم عايزين شنو. يعني ممكن يجرب بأغنية نص كبيرة كدا و يشوف إتجاهات تفاعل الجمهور. إذا لقاهم جمهور إستماع يخش في الأغاني الكبيرة، و إذا لقاهم ناس هجيج يدخل على يا معاين من الشباك. و يا دار ما دخلك شر. بس المهم الإهتمام بالجمهور و التعامل معاهو بإحساس عالي
Quote: عشان اسمع لواحد بعراقي و مشنّق طاقيته وتلقاه سافي كمان يغني بدل ود الأمين! دا كلام شنو يا خوي!
مع انو دي ما ياها زاوية شوفي للموضوع لكن هل في رأيك المنظر الانت جبتو دا ايجابي في صالح ود اللمين وللا سلبي
ياخي في اجمل من ان تخرج اغاني ود اللمين من امثال اب سفة وعراقي دا وامثال اب بدلة وبرنيطة واب برمودا ومفلفل شعرو واب دقن وجلابيتو قصيرة ؟؟
ياخي دا قمة الاندياح وقمة الانتشار والتسلل الى نفوس الناس بمختلف مشاربهم ومذاهبهم . اذاً ما ضير ود اللمين بذلك وما ضير المعجبين بسماع الاغاني
وترديدها خلف فنانهم ِ.
ما قصدته انا يا ود البشرى هو الاستمتاع بالجو العام للحفلات الجماهيرية ومعروفة تلك الحفلات بتفاعل الجماهير مع الفنان .. العايز يستمع كمن يستمع لخطبة الجمعة
يشوفلو شريط كاسيت او فلاش يشحنو لابو اهلو اغاني ويمشي يستمع في غرفة نومو .. لكن في الحفلات العامة ياهو دا الحال
بعدين ياخي دا طرب .. والطربان زي السكران ممكن يسوي اي شي .. ياخي الناس بتطرب لمن بتسب الدين زاتو
وبمناسبة قبة دي ياخي ود اللمين دا لمن يقول : من بعد فرقتنا ديييك ميييين كان بيفتكرك تعوووووود ميييييين كان بيفتكرك تعوووود مييييين كااااان بيفتكرك تعووووود مين ...
ياخي انعل دين الباشكاتب زاتو والله الحتة دي تكتل عدييييييل وتودي في ستين داهية وتطعن في الفؤاد ياخي وتطلع الروح .. طلوع الروح صعب يا ناس والواحد لابد يصرخ يكورك ويتألم ..
فعلام الضيق بالم الناس يا ود اللمين خليهم ياخ ديل الجواهم ماهو هين والله
عليك النبي انت جادي ولاّ بس روح الغلاط يا حافظ! بعد خمسين سنة غنا و تلحين عايز توريه يعمل شنو الراجل دي حفلته ودي الطريقة العايز يأدي بيه فيها هل بإسم الجمهور عايز كدا وذوقه وحط رجلك كدا واعمل راسك كدا نفرض عليه !!
يا هيثنما في اغاني وفنّانين هجيج بل وصل الحال بقى في عازفين اورغ و ايقاع بس للهجيج وفي ود الأمين. العايز الهجيج و الكوراك و الذي منه يمش ليه في محله العايز يسمع ود الأمين بالطريقة العايزها ود الأمين حبابه غير كدا ما يشتري تذكرة من اساسه الله الغني عن تلتين جنيهو العايز يسمع و يغني و يسف و يزرط بيها كمان والله تاني حقو تذكرة حفلة أبو اللمين تكون زي ما كتبت هيئة الترفيه في تذكرة حفل المصري : ممنوع التمايل و الترديد مع ابو اللمين
03-18-2018, 09:00 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18010
سلام يا طيبين علي الطلاق بالغتوا عديل يا المستنكرين حق ود الأمين في حق الاعتراض على المشاركة معاهو في الأغنية .. الفنان هو البغنى والجمهور اللي بستمع دي قاعدة ثابتة زي خطبة الجمعة .. ما عايزا ليها أي خارم بارم .. خخخخخخخ ياخ أنا كفنان مثلا ما بعرف أغني لما الجمهور يشاركني في الأغنية .. بشوش علي .. بضيع لي اللحن .. بلخبط الفواصل الموسيقية الخ الخ الخ .. ولما يحصل دا بكون أمام خيارين يا إما أطلب من الجمهور ما يشاركني ( بغض النظر عن الطريقة)، يا إما كمان أغادر وما أكمل غناء، أعتقد الأخيرة دي هي عدم الذوق بعينو .. والأولى فيها أحترام وتقدير للجمهور على عكس ما يرى البعض .. وبعدين ود الأمين قال ليهم في أغاني بعينها ما بتحتمل المشاركة يعني ما رفض من حيث المبدأ وإن كان كما وضح لا تعجبه الكواريك والشتارة الصادرة من منصة الجمهور أثناء الغناء لكن دا ذاتو ذوق واحترام كبير منو للجمهور كونو يقول بعض الأغاني .. مع انو المفروض الجمهور أصلا ما يجهر بصوتو في ترديد الأغنية ... كدا غلط وستين غلط وزي ما قال ليكم واحد فوق عايز يشارك بس في البوست (أعتقد انو جرجير ) ما ممكن أجهز شعوري واستلف لي قميص تحشيشة من ود الجيران قبل يومين من الحفلة عشان عايز أمشى استمتع بود الأمين واللا نانسي عجاج ولما أمشى ألقى مثلا مثلا حمد ولبد ولبط يكوركوا ويشاتروا ويضرسوا ذائقتي المجهزا لي أسبوع دي . المشاركة مع الفنان في الأغنية بصوت أعلى من صوت الفنان والموسيقى فوضى وتهريج يستحق الحسم، تماما كما فعل الباشكاتب، حتى ولو كره الكارهون . دي ع السريع وبجيكم شخص شخص .. ..................... وين الحبيب جيمي عزيز القوز الليلة ؟
يا هيثموف كدا سيبك من طريقة ود الأمين انا مثلا ما بستمتع بالفنان دا في وجود واحد مثلك لا يستمتع إلا بالمشاركة وترديد الأغنية مهما كانت شتارتو وصوتو الفارق .. أها في الحالة دي المفروض أنا الدافع زيك أستمتع بطريقتك اتا واللا كيف ؟ الأصل في المسألة يا هيثموف انك تستمع والفنان يغنى . ........... هيثموف أوع تكون بقيت متلقى حجج بس ؟
03-18-2018, 09:35 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
للأسف تاني لا اجد بدا من الاتفاق معك! انت مالك الليلة؟
Quote: هيثموف أوع تكون بقيت متلقى حجج بس ؟
كيف ما متلقّي حجج! إذا في بوست كاتبه ود البوش يعلن عن توفر شقة للطلبة للإيجار يقوم يسأله (مجّان ولاّ بقروش) و المصيبة يصر على السؤال واني يكرّره هو تلقي الحجج دا كيف اصله!
حمدوف يا حبيب .. بصراحة الأميرة غلطانة مش بس عشان حق غيرها القاصدو انت .. هي غلطان في حقنا نحن ذاتو القاعدين نطرب لصوتا الرخيم وأدائها الفخيم .. كيف هان عليها تلخبطو لينا بالجوعير بتاع الجمهور دا ؟ خخخخخخخ
يا حافظ يا بشير الأصل في حفلات الغناء انو الفنان يغنى والجمهور يستمع وليس العكس .. وانت لو أخدتها من ناحية حق عام مثلا بتلقى انو المفروض قانونيا الجمهور ما يشارك في الأغنية بصوت عالى لأنو ببساطة بشوش علي أنا المسكين دا العايز استمتع بصوت الفنان وطريقتو وليس بصوت زيد وعبيد وسيد البيت خخخخخ
حبيب والله يا قباني المعتق تحياتي وتقديري العالى
سلام يا دكتور السنوسي اها شفتا الوصف صوت ود الأمين بالجعير دا ياهو ذاتو بكون رائد أدب الفوضى والتهريج في الحفلات العامة .. تلقاهو ما حافظ كلمات الأغنية وأشتر وما عندو علاقة بالغناء ذاتو ومع ذلك يكورك وينطط ويصفر ويعمل حركات بطالة تجبر أصحاب الذوق والأضان النضيفة يلملموا ذائقتم ومشاعرم ويتخارجوا قبل ما يتموا الحفلة ولسان حالم الله: منو العوض وعليهو العوض .. ود الأمين فنان مترع بالطرب وكلو إبداع، والبقول غير كدا من وجهة نظري لا علاقة له بالفن.
يا أبو علوة ود دفع الله سلام ومنك طولة يا حبيب .. انا بس عايزك تاخدا من جانب الحق العام.. سيبك من طريقة ود الأمين أنا وانت كل واحد دافع قروش ومشينا حفلة سوا .. انت عندك طريقتك في الاستمتاع بالحفلة عن طريق ترديد الأغنية والمشاركة مع الفنان بصوت عالى .. أنا طريقتي عكسك تماما بحب استمع للفنان وأركز معاهو في حركاتو في قفلاتو في تعابيرو الحركية الخ الخ أها في الحالة دي المفروض يحصل شنو ؟؟ يعني الحق مع منو ؟؟ اكيد معاي لأنو الأصل في الحفلة انو نحن نستمع والفنان يغنى وليس العكس ببساطة شديدة جدا .
03-18-2018, 10:07 AM
نصر الدين عثمان نصر الدين عثمان
تاريخ التسجيل: 03-24-2008
مجموع المشاركات: 3920
Quote: ود الأمين قال ليهم في أغاني بعينها ما بتحتمل المشاركة يعني ما رفض من حيث المبدأ وإن كان كما وضح لا تعجبه الكواريك والشتارة الصادرة من منصة الجمهور أثناء الغناء لكن دا ذاتو ذوق واحترام كبير منو للجمهور كونو يقول بعض الأغاني .. مع انو المفروض الجمهور أصلا ما يجهر بصوتو في ترديد الأغنية ... كدا غلط وستين غلط وزي ما قال ليكم واحد فوق عايز يشارك بس في البوست (أعتقد انو جرجير ) ما ممكن أجهز شعوري واستلف لي قميص تحشيشة من ود الجيران قبل يومين من الحفلة عشان عايز أمشى استمتع بود الأمين واللا نانسي عجاج ولما أمشى ألقى مثلا مثلا حمد ولبد ولبط يكوركوا ويشاتروا ويضرسوا ذائقتي المجهزا لي أسبوع دي . المشاركة مع الفنان في الأغنية بصوت أعلى من صوت الفنان والموسيقى فوضى وتهريج يستحق الحسم، تماما كما فعل الباشكاتب، حتى ولو كره الكارهون .
وكتب ود البشرى:
Quote: ود الأمين يغنّي و يلحّن قرابة الأربعين أو خمسين سنة وربّما أكثر, المسالة بالنسبة ليه ليست مجرّد اغنية يؤدّيها قدام جمهور وخلاص..
تنظير كالعادة يؤسفني اتفاقي معك
يا سلام .... لقاء السحاب... كلاهما من الأقلام الرصينة.. التي تنفذ إلى اللباب ولا تنخدع بالقشور.. تقدم قراءة جريئة... صادمة.. قد يعارضها البعض ولكنها مع مرور الأيام تثبت جدارتها.. بس قلنا نسجل هذا التلاقي النادر.. التحية للباشكاتب... ويحيا.. تيم عباس
http://والله دي مصيبةً ضكرة يعني ما عندي خيار استمع لود اللمين واطرب ليهو بطريقتي الخاصة البتعبر عني؟؟؟ يعني لازم استمع لود اللمين بطريقتو هو العايزني استمع ليهو بيها ؟؟؟ هههههههه يا جماعة .. حد يقول حاجةhttp://والله دي مصيبةً ضكرة يعني ما عندي خيار استمع لود اللمين واطرب ليهو بطريقت...د يقول حاجةhttp://والله دي مصيبةً ضكرة يعني ما عندي خيار استمع لود اللمين واطرب ليهو بطريقت...د يقول حاجة
@ و أنا ح أقول لك حاجات ي هيثم يا أغلى من غالي : @ لا مصيبة لا شيتين. و مال وين مراعاة مبدأ : أن لا بد لحريتك أن تنتهي حيثما بدأت حرية الآخرين؟!! ياخي في أمريكتكم البتجيبو لينا منها فيديوهات(الهجص و المجص) دي قالو: الواحد لو جارك لون بوهية حيطانو ثارخ و لا حتى لو لياقاة قميصو ميها ظابطة مع مزاجك، قالو يحق ليك تفتح فيهو بلاغ إزعاج عام بتهمة التغول على ذوقك الخاص. فما بالك أن تجعر بصوتك الأجش (لتصرج) به طبول إضنين الغير. # و أما كمان لو سولت لك نفسك أن تطرب بطريقتك الخاصة لود اللمين دا بالذات أو لغيره مثلاً، فلك ذلك و لكن عليك أن تفعلها في حمام بيتكم يحث يطيب لك (الجوعير) كيفما اتفق.
# كما لا يفوتنا أن نتوجه بالشكر أجزله لكل من أدلو ا بأشطان دلائهم هنا، على توافقهم بالحد الأدنى على الإلقاء باللائمة ع لى الأستاذ ، نظراً لمخاشنته غير الموفقة لجمهورٍ يعشقه بعفويةٍ خرافيةٍ لا يُحسَدُونَ عليها، لدجة (ألَّا يُحْسِنُوا ) الإصغاءَ إليه.
# كذلك و جب علينا الوقوفُ قياماً تجلةً لهذا الجمهور المُعلم لنوفه (التبجيلا) و هم يربؤون بذوائقهم الرفيعة عن معاباةِ رجلٍ كهلٍ (شاطرٍ) على غلطة لا يمكن تفويتها لِتَمُر مر السحاب لا ريثٍ ولا عجلٍ و هي إنما تُحْسَبُ عليه بعشرِ أمثالِها. دونما أدنى مجال للمغالطة. احتراماتي
في رأيي نوعيةالجمهور إختلفت بشكل واضح الجمهور الحالي، غالبيتو من الشباب المتشبّع بجو حفلات العرب ، خاوية المضمون ، والهدف منها الرقص و الصخب . : هسا في زول عاقل ممكن يفتكر زاد الشجون ممكن تكون اغنية جماعية 😊 ، والمضحك ، كتير من المستنكرين في الأسافير ، لتصرف محمد الأمين كاتبنّها (ذات الشجون)😊 تحياتي أخ طلحة .
03-18-2018, 04:30 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
سلامات أستاذ طلحة غايتو انا عشان أسمع محمد الامين و النقرشة المتفردة بالعود والمافي ليها مثيل حتي عند الأخوان اليمنين بكون كاتم نفس لامن تنتهي الأغنية . نفس الشي العملاق الرأحل وردي . واحمد الله الكنت شاهد و حاضر مولد و بروفات ( يا جميلة و مستحيلة ) و ولادة أغنية الحزن القديم كلمات الشاعر الفذ عمر الدوش
03-18-2018, 05:08 PM
عمر سعيد علي عمر سعيد علي
تاريخ التسجيل: 08-20-2015
مجموع المشاركات: 885
غايتو قصة الجمهور يغني بدل الفنان . . ويرفعو صورة المغني . . وواحد يطلع المسرح عشان يحضن ولا يبوس . . دي كلها عوارة جاتنا من القنوات العربية الما عندها طعم . .
03-18-2018, 05:34 PM
بابكر قدور بابكر قدور
تاريخ التسجيل: 02-26-2013
مجموع المشاركات: 1561
الأخ طلحة عبدالله وضيوفه الكرام لكم الود والتحايا الطيبات يعني الناس دي كلها ماشافت من شريط الفيديو ده غير إنو ود اللمين قال للناس ياتغنو إنتو يا أغني أنا !!!! الحصل في الفيديو ده وأهو قدامي وقدامكم .. الأغنية دي بالذات فيها عزف موسيقى بالغة التعقيد مدتها خمس دقائق ونصف على أقل تقدير .. دا قبل الفنان مايقول بغم .. في هذا الفيديو وصل ود اللمين في الغناء حتى بداية البيت الرابع للأغنية وتم الربط بين آخر كلمة من البيت السابق .. للعائدين .. مع أول كلمة من البيت التالي .. مابنقاوم .. وعند بداية أحرف الكلمة الأخيرة وقبل أن تتم تدخل الجمهور .. أولاً:سكت محمد الأمين عن الغناء ..... ثانياً: وبعد مسافة ربع يدينو في حركة ملفتة .. كل ذلك أفسره باستجداء الجمهور أن يتوقف عن الفوضى .. ولما لم يتوقف الجمهور ثالثا: قال لهم ياتغنوا إنتو يا أغني أنا .. برضو لم يتوقف الجمهور .. رابعاً إتجه ود اللمين نحو الفرقة الموسيقية وأصدر لهم بيديه إشارة المايسترو بإنتهاء العزف .. ولم يتوقف العازفين .. فأصدر لهم الإشارة مكررة وبغلظة كمان .. خامساً: نط واحد من العافين بعد كل ذلك طالباً من محمد الامين الغناء رغم ماحصل فقال له: ماعاوز .. كرر العازف الطلب فرد أبواللمين: ماااااااعاااااايز .... إنتهت قراءة الفيديو هنا .... بالرجوع لبداية الفيديو وفي لحظة تدخل الجمهور ومقارنة صوت الجماهير مع عزف الموسيقى تظهر "المشاترة" واضحة وجلية ..محمد اللمين وصف أغنية زاد الشجون بأنها أغنية كبيرة .. وشرح بأن مثل هذه الأغنية لا يمكن أن يشارك الجمهور في أدائها .. فما معنى ذلك؟ الرجل موسيقار ونحن الذين أطلقنا عليه ذلك ولم يقل في يوم من الأيام أنا موسيقار .. ويعني كل الذي أريد التوصل إليه مباشرة ومن قريب .. أن هناك نظام هندسي في الكلمة المغناة .. يقابلها نظام هندسي موسيقي .. وهندسة الكلمة لا أقصد بها البلاغة أو الاستعارة أو سمو المعاني .. أنظر إلى كلمات زاد الشجون رغم أني لم أخضعها بالقدر الكافي للتأمل .. تجد كلمات تتراتب تراتب موسيقي مثل: ماهو باين .. مابنقاوم .. ما افتكرت .. مافي عيشة مافي نشوة .. كل هذا التراتب اللفظي من تكرار ومن تباين حروف ومن تضاد حروف ....إلخ يقابله في اللحن أيضاً تكرار وتباين وتضاد وزمن محدد في اللحن .... تمسك البيت الأول: ماهو باين في العيون وين حنهرب منو وين .. كم مرة تردد حرف المد بالياء؟ وكم مرة تكرر حرف النون؟ هذا غير القوافي المتراتبة في تغيير وتبديل مستمر .. قافية الالنون في الكوبليه الأول .... وين .. شجون .. عائدين .. وين .. ثم تقاطعها قافية دالية .. جديد تعود .. بعيد .. ريد .. ثم تعود قافية النون مرة أخرى مسنودة بالألف الممدود: عمرنا .. غمرنا .. سهرنا شعرنا .. حياتنا .. كل تلك الهندسة وغيرها الكثير قرأها لنا محمد الأمين بلغة الموسيقى فكلفته خمسة دقائق ونصف موسيقي خالصة .. تمتد أثناء أدائه في المسرح أو في أي مكان عندما ربما إلى عشرة دقائق دون أن يتكرر اللحن أو يتغير اللحن ولكن تزداد الموسيقى فبدلاً من تضرب الآلة الموسيقية سبعة ضربات تضرب أكثر من عشر ضربات .. ولهذا السبب وحده لا يستطيع أي عازف من طرف أن يعمل بصحبة محمد الأمين إلا أن يكون عازفاً ماهراً يستطيع أن يتابع بعزفه زيادات محمد الأمين في أدائه .. وهذا ماعبر عنه محمد الأمين بقوله: أنا بعمل حاجات أنا ذاتي مابكون عارفا إلا يقولوها لي تاني يوم .. من يقول له ذلك؟ هل واحد من الجمهور؟ بالطبع من يقول له ذلك هم العازفين وهم القادرين وحدهم على ذلك .. فيقولون له إن النغمة هي: ترن ترن ترن وأنت قد زودتها لتكون ترن ترن ترلم ترن ترن ترلم .. طبعاً يتم ذلك بالآلة الموسيقية .... هذا هو محمد الأمين .. الذي لم يخطئ أبداً في الحفل بل أخطأ الجمهور وعاد عن خطئه ..
قال ليك الراجل بكورك ويشاكل في مرتو وينها القهوة؟ ليه ما جهزتي الغداء؟ والمرة تكورك فيه مالك ما اديتني قروش الصندوق؟ وينو التوب الوصيتك ليه؟ قام ربع يدينه كدة وحمر ليها : ماهو يا إما تشاكلي انتي يا إما أشاكل انا
___________ أولاااااد الهرمة .. كلكم جاتكم بالواتساب لكن واحد فيكم ما قادر يحكيها عشان ما يحول البوست لممتلكات المسملي والكنزي عشان نوريكم (التصرف) البمتاز بيه الجمهور السميع لود الامين :)
03-18-2018, 07:43 PM
محمد محمود محمد محمد محمود محمد
تاريخ التسجيل: 02-04-2013
مجموع المشاركات: 910
Quote: الأخ طلحة عبدالله وضيوفه الكرام لكم الود والتحايا الطيبات يعني الناس دي كلها ماشافت من شريط الفيديو ده غير إنو ود اللمين قال للناس ياتغنو إنتو يا أغني أنا !!!! الحصل في الفيديو ده وأهو قدامي وقدامكم .. الأغنية دي بالذات فيها عزف موسيقى بالغة التعقيد مدتها خمس دقائق ونصف على أقل تقدير .. دا قبل الفنان مايقول بغم .. في هذا الفيديو وصل ود اللمين في الغناء حتى بداية البيت الرابع للأغنية وتم الربط بين آخر كلمة من البيت السابق .. للعائدين .. مع أول كلمة من البيت التالي .. مابنقاوم .. وعند بداية أحرف الكلمة الأخيرة وقبل أن تتم تدخل الجمهور .. أولاً:سكت محمد الأمين عن الغناء ..... ثانياً: وبعد مسافة ربع يدينو في حركة ملفتة .. كل ذلك أفسره باستجداء الجمهور أن يتوقف عن الفوضى .. ولما لم يتوقف الجمهور ثالثا: قال لهم ياتغنوا إنتو يا أغني أنا .. برضو لم يتوقف الجمهور .. رابعاً إتجه ود اللمين نحو الفرقة الموسيقية وأصدر لهم بيديه إشارة المايسترو بإنتهاء العزف .. ولم يتوقف العازفين .. فأصدر لهم الإشارة مكررة وبغلظة كمان .. خامساً: نط واحد من العافين بعد كل ذلك طالباً من محمد الامين الغناء رغم ماحصل فقال له: ماعاوز .. كرر العازف الطلب فرد أبواللمين: ماااااااعاااااايز .... إنتهت قراءة الفيديو هنا .... بالرجوع لبداية الفيديو وفي لحظة تدخل الجمهور ومقارنة صوت الجماهير مع عزف الموسيقى تظهر "المشاترة" واضحة وجلية ..محمد اللمين وصف أغنية زاد الشجون بأنها أغنية كبيرة .. وشرح بأن مثل هذه الأغنية لا يمكن أن يشارك الجمهور في أدائها .. فما معنى ذلك؟ الرجل موسيقار ونحن الذين أطلقنا عليه ذلك ولم يقل في يوم من الأيام أنا موسيقار .. ويعني كل الذي أريد التوصل إليه مباشرة ومن قريب .. أن هناك نظام هندسي في الكلمة المغناة .. يقابلها نظام هندسي موسيقي .. وهندسة الكلمة لا أقصد بها البلاغة أو الاستعارة أو سمو المعاني .. أنظر إلى كلمات زاد الشجون رغم أني لم أخضعها بالقدر الكافي للتأمل .. تجد كلمات تتراتب تراتب موسيقي مثل: ماهو باين .. مابنقاوم .. ما افتكرت .. مافي عيشة مافي نشوة .. كل هذا التراتب اللفظي من تكرار ومن تباين حروف ومن تضاد حروف ....إلخ يقابله في اللحن أيضاً تكرار وتباين وتضاد وزمن محدد في اللحن .... تمسك البيت الأول: ماهو باين في العيون وين حنهرب منو وين .. كم مرة تردد حرف المد بالياء؟ وكم مرة تكرر حرف النون؟ هذا غير القوافي المتراتبة في تغيير وتبديل مستمر .. قافية الالنون في الكوبليه الأول .... وين .. شجون .. عائدين .. وين .. ثم تقاطعها قافية دالية .. جديد تعود .. بعيد .. ريد .. ثم تعود قافية النون مرة أخرى مسنودة بالألف الممدود: عمرنا .. غمرنا .. سهرنا شعرنا .. حياتنا .. كل تلك الهندسة وغيرها الكثير قرأها لنا محمد الأمين بلغة الموسيقى فكلفته خمسة دقائق ونصف موسيقي خالصة .. تمتد أثناء أدائه في المسرح أو في أي مكان عندما ربما إلى عشرة دقائق دون أن يتكرر اللحن أو يتغير اللحن ولكن تزداد الموسيقى فبدلاً من تضرب الآلة الموسيقية سبعة ضربات تضرب أكثر من عشر ضربات .. ولهذا السبب وحده لا يستطيع أي عازف من طرف أن يعمل بصحبة محمد الأمين إلا أن يكون عازفاً ماهراً يستطيع أن يتابع بعزفه زيادات محمد الأمين في أدائه .. وهذا ماعبر عنه محمد الأمين بقوله: أنا بعمل حاجات أنا ذاتي مابكون عارفا إلا يقولوها لي تاني يوم .. من يقول له ذلك؟ هل واحد من الجمهور؟ بالطبع من يقول له ذلك هم العازفين وهم القادرين وحدهم على ذلك .. فيقولون له إن النغمة هي: ترن ترن ترن وأنت قد زودتها لتكون ترن ترن ترلم ترن ترن ترلم .. طبعاً يتم ذلك بالآلة الموسيقية .... هذا هو محمد الأمين .. الذي لم يخطئ أبداً في الحفل بل أخطأ الجمهور وعاد عن خطئه ..
تحياتي استاذ بابكر قدور حديثك لا يعقب عليه سوى بالإعجاب و الاتفاق 100%
خلاص يا تنظير اقفل البوست ما عندك حاجة تضيفها بعد دا :)
03-19-2018, 06:48 AM
دفع الله ود الأصيل دفع الله ود الأصيل
تاريخ التسجيل: 08-15-2017
مجموع المشاركات: 13683
تحين قتالي يا أخ محمد محمود 😊 ، والمضحك ، كتير من المستنكرين في الأسافير ، لتصرف محمد الأمين كاتبنّها (ذات الشجون)😊 لا أضحك الله لك سناً و لا أشبع لك بطناً علا بالحلال ياخ كما أضحكتني حتى أسلت لعابي.تعرف ذكرتني زمان كان في مظاهرة شاقة شوارع الخرتوم الناس بهتفو "عاش أبو هاشم" بمناسبة لقاء المرغني مع قرنق لتوقيع اتفاقية السلام في منتجع كوكادام.قبيل ظهور الإنقاذ فقام لا قاهم أدروب انضم ليهم وطوالي استلم الصفوف الأولى.لكن المصيبة مو فاهم يعني شنو عاش أبو هاشم . في النهاية وقف حمار الشيخ في العقبة و قعد يقول: أبو هاشم دا عرفنا، أها آشة دا منو ؟!!مرتو و لا شنو. برضو تقول لي: أبو اللمين يمد ليهم المكرفون؟!
سلام يا عبد الحفيظ .. ود الأمين يحترم جمهوره لكنه يحترم عمله أكثر من جمهوره عشان كدا المفروض جمهوره يحترم احترامو لعملو دا .. الفنان ما صوت وعزف عود وتعابير حركة بس .
تحياتي يا عثمان الامام .. ما بالضرورة الجمهور يشارك في الحفلات الجماهيرية اذا كان الفنان مثل ود الأمين مثلا صاحب الأغنيات التي في غالبها لا تستحمل المشاركة والترديد .
شكرا يا أخونا هاني عربي على المرور
يا عبدالله إدريس كلامك السمح دا خربتو بحكاية الملوك دي مالك ياخ ؟
القول ما قلت يا عاصم علي .. نحن لو خلينا التهريج والهرجلة والتغول على اختصاصات الغير صدقني ح نكون شعب راقى وعندنا مستقبل ..
جرجير نفسي يوم تتم جميلك وتقول كلامك (المرة في الدهر بكون كويس) دا بدون ما تمارس هواية الجر والمط ولفت الأنظار دي خخخخخ
يا حافظ بشير صدقني كلامك بعيد عن المنطق والحقانية .. الجمهور المفروض جائي يستمع ما يغني .. بعدين الناس البكوركوا مع الفنان ديل بشوشوا على الناس الجائين يستمعوا ويستمتعوا بالغناء .. يعني ما بقت على الفنان بس .
يا درديري الكلام القتلو بتاع يربع يدينه ويبتسم وينكت الخ الخ الخ عملوا وأكتر منو كمان، لكن المهرجين استمروا ولا اشتغلوا بيهو اها يعمل شنو ؟ يغادر الحفلة ويخليهم في كواريكم دي واللا يعلن عن احتجاجو ؟؟؟
يا هيثموف كدا أقعد مع نفسك برواقة وراجع اصرارك الملح دا على انو الجمهور المفروض يشارك الفنان الأغنية حتى ولو كان ما حافظ وأشتر وبشوش على الفنان وبتاعين الموسيقى والناس التانين الجائين يسمعوا ويستمتعوا بغناء الفنان بس .. وصدقني ح تلقى نفسك غلطان في حكمك إلا إذا أبيت ساي .. خخخخ
03-19-2018, 09:27 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18010
سلام يا نصر الدين عثمان وشكرا كتير والله على الإطراء اتمنى أكون الزول الأنت قلت عليهو دا وأحسن ياخ .. بس دحين جرجير دا ما جاملتو زيادة عن اللزوم ؟؟ خخخخخخ
دا المفروض يحصل يا صبري، ما كل الأغنيات بتستحمل الترديد والمشاركة .
سلام يا دفع الله ود الأصيل وما قصرت في مداخلتك العاتية يا حبيب بس الجمهور واجبو يحترم الفنان القدامو .. ياخ أنا فنان بحترم فني وأدائي لأغنياتي وعايز صوتي وصورتي تطلع كما أريدها أن تكون ودا ما بحصل إلا إذا غنيت لوحدي بدون ما يشوشوا علي بالكواريك والتهريج والصفير .. فلازم أحسم الأمر واللا كمان أبطل غناء .
شكرا محمد محمود على الكلام الرزين .. الاستلاب الثقافي حتى وان كانت الثقافة المستلبة دي فيها عوارة وخمج وغباء وسخافة .. دي مشكلة تانية أكبر من القبليها والقلبي قبليها .
سلام عثمان موسى .. انت واللي زيك مبدعين ياخ .. المتلقى برضو فيهو المبدع الذويق للفن والطرب، وفيهو المتغول ساي العايز يمشى يكورك وينطط على أي طبل وموسيقى وخلاص .
أيوة يا عمر سعيد عوارة وغباء مبالغ فيهو والله .. سلوكنا القمنا عليهو أرقى وأكثر وقارا وأدبا واحتراما .. خليناهو وركبنا في حمار اعرج .
03-19-2018, 09:41 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18010
سلام أستاذ بابكر قدور .. زي ما قال ليك (سيد البوست) أقصد جرجير المفروض أعرش البوست بمداخلتك الفخيمة دي .. لكن قبل ما أعرش عايز أقول وأؤكد على حقيقة انو أنا هنا ما بدافع عن ود الأمين تحديدا بقدر ما بنتقد سلوك أعتقد والله أعلم فيهو من التهريج والجهل ما لا يليق بالمستمع السوداني الوقور المتذوق للفن والطرب والإبداع .. من زمان نحن معروفين بأدب الإستماع وحب القراءة والذوق والتذوق لكل جميل .. كبار المبدعين والفنانين والأدباء العرب قالوا عن السودانيين الكلام دا وأكتر لأنهم لما جوا عرضوا أعمالهم في مسارحنا لقونا شعب بفهم في الأدب والثقافة والفن والغناء وكل صنوف الابداع والدليل حسن استماعنا وانصاتنا بكل جوارحنا .. النطيط والهرجي والصفافير وطلوع المسرح عشان تبوس فنان واللا تحضنو في عز ما الطرب شغال في الدواخل والمشاعر دا كلام جديد وثقافة دخيلة .. المفروض نحترم الفنان القدامنا بحسن الاستماع له .. وعندنا متسع من المساحة والزمن في البيت أو الخلاء عشان نشغل نفس الفنان دا في كاسيت ونقعد نكورك معاهو وننطط ونصفر لما الله يغفر لينا . المشكلة كلها كما أعتقد في الشو وثقافة شوفوني أنا حافظ الأغنية ومنطرب وعايش معاها .
Quote: يا هيثموف كدا أقعد مع نفسك برواقة وراجع اصرارك الملح دا على انو الجمهور المفروض يشارك الفنان الأغنية حتى ولو كان ما حافظ وأشتر وبشوش على الفنان وبتاعين الموسيقى والناس التانين الجائين يسمعوا ويستمتعوا بغناء الفنان بس .. وصدقني ح تلقى نفسك غلطان في حكمك إلا إذا أبيت ساي .. خخخخ
طلحة يا حبيب
التعبير عن الطرب دا مختلف من زول لي زول
في ناس بتقعد ساااكت كانها ميتة وفي غيرهم برقص
وفي واحدة بصرخو وواحدين ببولو زاتو
فياخي ما ممكن اصلاً تحاكم جمهورك على طربو بابداعك
ما اظن في داعي للمكابرة .. من ناحية ود اللمين غلط فهو غلطاااااان لكم بهناك
ومن ناحية منطق انو في تشويش على الاداء بسبب الجمهور دا شي مفروغ منو
لكن انت جيت الحفلة تؤدي لي منو .. مياهو للجمهور دا زاااتو .... وتيب ياخي..
خليهم يبتهجو وقوم لف
03-19-2018, 10:14 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
سقطة من فنان كبير ، وكان يمكن أن يجمل قبح التصرف لو إعترف بالخطأ وإعتذر لكن ما يؤسف له حاول أن يعقب علي الحدث لاحقاً وأقتطف التالي من تعقيبه لكين الغنا الكبير دا أنا بجي وعندي إحساس عالي جداً بإنه أغني أغنية زي زاد الشجون أو بتتعلم أو سوف يأتي بعدين بضيف أشياء في الغناء كبير ما بكون عارف أضفت شنو أنا بغني بإحساسي لمن كل الناس يغنوا معاي يبقي أنا ما حا أقدر أضيف.... بنفس المنطق يا فنان يا كبير الناس بتستمع بإحساسيها أيضاً وما تفاعلهم مع العمل الفني إلا من واقع إحساس عالي بالعمل فيا سيدي هناك حد فاصل بين العجرفة والتواضع وهناك تفسير واحد لهذا الفعل المشين أنك تجلد الجمهور بالسوط فالحضور في سوادهم الأعظم مرهف الحس مسكون بالموسيقي وكان يتوجب عليك كفنان قامة أن تسكت من أجلهم لا أن تسكتهم أن تعطيهم المساحة للتعبير عن أنفسهم ، لا أن تعطيهم محاضرة عقيمة عن الغنا الكبير والإكس لارج ، كانت الفرصة مؤاتية لك أن تفجر طاقات الفرح في نفوس جمهورك كفنان قامة محولاً الوضع إلي مشهد جمالي هنا يكون دور الفنان وإدارته للموقف. وتصور أنك تغني لمجموعة ثيران أو خراف في مسرح أكبر ولعدد أكبر هل كنت ستبدع كما تفعل إذن الركن المؤثر في كل عمل فني هو الجمهور والجمهور الذواق
03-19-2018, 10:49 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18010
يا جماعة الناس القاعدين يقولوا انو لولا الجمهور لما كان محمد الأمين حقوا يراجعوا النظرية دي لأنو فيها قدر من التعالي والمن المؤذي جدا . يعني عشان الجمهور معجب بي وبحب الاستماع لفني المفروض يجى حفلاتي يهرج ويهرجل ويصفر ويجوط كيفما يحلو له واللا كيف ؟. لو كان الفنان دا طردم واللا قال ليهم ألبسوا كويس واللا أقعدوا بالصف واللا ما تشربوا شاي ممكن نقول متعالى عليهم .. لكنه طلب منهم بكل احترام وتقدير انو ما يشاركوا الغناء لأنهم بخربوا الرصة ولما رفضوا الانصياع وتابعوا هرجلتم أوقف الغناء وبصراحة اتعامل معاهم باحترام شديد وإلا كان غادر وخلى ليهم الحفلة ينططوا فيها ويهرجوا زي ما عايزين .. خخخخ من وجهة نظري أي فنان يستعطف جمهوره على حساب الفن والعمل فهو وجمهوره سواء متشعببطين ولا علاقة لهم بالفن . أول مرة أسمع بحكاية نحن العملناك والمفروض تخلينا نكورك ونهرجل على كيفنا دي .. المبدع هو من يصنع نفسه بموهبته ومثابرته واخلاصه، ولم يمد قرعته في الشارع متسولا حب الجمهور له وعلى المتلقي أن يعى هذه الحقيقة الجوهرية ويتعامل على أساسا.
03-19-2018, 12:04 PM
دفع الله ود الأصيل دفع الله ود الأصيل
تاريخ التسجيل: 08-15-2017
مجموع المشاركات: 13683
تشكراتي ليك أخوي طلحة للتنويه. بس حبيت أقول:لو رجعت لي مداخلاتي كولها في الموضوع دا تلقاني مع عمنا ود اللمين قلبن و قالبن في كل ما ذهب إليه .و لله الحمد والمنة، أ مباح كانت حلقة السهرة (حال البلد) على سودانية 24 كانت برمتها مخصصة لموضوع الساعة دا حيث استضاف الطاهر حسن التوم فطاحلة شيوخ الطُرُق ا لفينة و الإعلامية (على رأسهم عمك السر قدور ، على مهدي و محمد عبد القادر) لِيَمْثُلُوا كشهودٍ من أهلها في حق موسيقارنا الاستذ الدكتور بما يثلج صدورنا ، ف(يُسْكِتْ كل الخشامة و ينزل في العوازل كي). و لك جل احتراماتي,,,,
03-19-2018, 12:35 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: زاهر الصادق: لمن لا يتعامل مع الموسيقي ومسألة الزمن والإخلال الممكن يسببه الدخول الخطأ قبل انتهاء اللزمة الموسيقيه ... بيتعبر المسألة غير لائقه وتعالي غير جميل مع الجمهور ولكن للعارف بيعتبر إنو تصرف صاح لصالح العمل موسيقيا
تعليق من الفيسبوك للزميل الدفعة الفنان زاهر الصادق أعجبني جدا
تحياتي يا طلحة لكن خِف شوية على زميلة المنبر كان تقول درس لمارسيل خليفة
03-25-2018, 08:53 AM
almulaomar almulaomar
تاريخ التسجيل: 07-08-2002
مجموع المشاركات: 6485
أولاً تقييمنا لود اللمين كقامة فنية سامقة لا يمكن أن يكون لا مننا ولا من المختصين فالرجل هرم من أهرامات الفن في السودان ولن يصنع الجمهور أو غيره موهبة مؤطرة بعلم وثقافة ، والحال كذلك فالرجل لا يختلف عليه زوز (ودي لازمة لإخراج أخونا ود جبريل من بياته وثباته حيث يقيم في المغرب العربي) لكن أي تصرف من هذا العملاق يكون له صدي كبير سلباً أم إيجاباً ، فمثل هذا الموقف لو صدر من بعض من المتمسحين بعباءة الفن ناس كاروشه العرضة أو زرزور المزاد أو كمونيه الجريف ودرة صنقعت ومن وهم العصر كان الوضع بيكون مقبول لكن أن يصدر من عملاق بقامة ود الأمين فهناك فرق وعلي قدر أهل العزم تأتي العزائم. وقطعاً لكل جواد كبوة ولكل عالم هفوة
03-19-2018, 11:26 PM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
هووووي كله ولا ننوسة العسل.. دي خلت الغرب وجات قعدت معانا فيييي واطات السودان دي.. وأساسا جات كايسة المشاركة والحنين دا .
ثم أن الحفلات الجماهيرية تختلف عن حفلات الستديوهات أفتكر . ومع ذلك ، لا زلت أذكر هجيجنا في حفلات العملاق ود الأمين زمان.. وأظن كان عاجبو... خاصة لما يطلع الآهة من الأعماااق ونحنا نقعد نكوووورك طربا.
علا عامل السن بيخلي الزول حساس . ودا ما تمييز عمري لا سمح الله.. فلكنا بقينا حساسين يا عيني.. 😕
03-20-2018, 00:00 AM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
يا جرجير عمك السر قدور هيم سيلف مشتحتفاهو حكاية مد المايك دي.. ومهدي مندهش من رجة الرجرجة في الباشكاتب، وليهو حق طبعا، أما محمد عبد القادر فأصلا أنا وهو من زمااااااااااان عندنا توافق في كل شىء إلا لبسة الكارفتة ..خخخخخخ عموما الكلام اللي في مقطع الفيديو دا ياهو ذاتا القلناهو في البوست دا وناس هيثموف قالوا لينا ما تكابروا .
يا ود الزبير زميلة المنبر بالنسبة لي زيها وزي محمد الأمين والنور الجيلاني وسيف الجامعة مطربة بجدارة .. كلامي دا في مصلحتها لو تعلم وفي النهاية هى أدرى بتصريف أمورا كما تريد لكن إرتباطي الوجداني بأدائها يحملنى مسؤولية أقول ليها كدا صاح وكدا غلط ( حسب وجهة نظري طبعا).
سلام يا آمنة مختار .. شخصيا أجزم بأني أكتر زول في الكون بحب الأميرة ننوسة كفنانة مبدعة.. مدت المايك بتاعت (نسمع ) دي بتخرب عليها تأنقها وتألقها في الأداء الجمهور أشتر وبتاع كواريك وصفافير وحركاتو ما بتتناسب مع غناء الأميرة .
يا تغنوا إنتو يا أغني أنا (1) لا أُفضل (المبدع) الذي يتوسل (جماهيره) ، ويستجداها ويخضع لها تماماً ولا يستطيع توجيههم أو انتقادهم او الاختلاف معهم ، لمجرد أنهم يفضلونه ، ويشكلون جماهيرية وحماية له، فيخشى فقدانهم أو الانفضاض من حوله. الحقيقة الأكيدة الآن ان (الجماهير) في السنوات الأخيرة ، أصبحت هي التي تشكّل (المبدع) وتوجهه، لتفقده أهم صفاته وهي قيادتهم والسير بهم في الاتجاه الصحيح ، باعتبار أن كل (مبدع) هو أقدر من جماهيره في المجال الذي يبدع فيه. ومثلما يمكن للجماهير أن تنتقد (فنانها)، فإن للفنان أن ينتقد جماهيره ، وأن يصوبها ، خاصة إذا تعارضت جماهيرية الفنان مع (سلطنته) والأداء الذي يقدمه. لذلك لا أرى (غضاضة) في التصرف الذي صدر من الفنان محمد الأمين وهو يتوقف عن الغناء في حفلته أمس الأول بنادي الضابط عندما شاركه جمهوره ترديد أغنية (زاد الشجون) والتي ينغمس فيها (الباشكاتب) بصورة كبيرة. محمد الأمين قال لجمهوره الذي ردد معه (كنت تتعلم تجامل لو فؤادك مرة جرب ) : (يا تغنوا إنتو يا أغني أنا) ، وود اللمين لا (يجامل) في فنه ، وهو ليس في وصلة (عاطفية) ، هو في وصلة غنائية ينخرط فيها الباشكاتب بكل حواسه. (2) الذين انتقدوا محمد الأمين في تصرفه هذا ، أفسدت رؤى أحمد الصادق والبندول ومحمد بشير تقديراتهم ، وربما أفسدت أذواقهم أيضا ، فظنوا ان محمد الأمين لا يحترم جماهيره وهو يحرج جماهيره بهذه الصورة كما تخيلوا. ومحمد الأمين للعلم لا يدخل على جماهيره محمولاً على كرسي السلطان كما يفعل أحمد الصادق ولا تحرسه مجموعة من (البودي غاردات) مفتولي العضلات, كما يفعل احمد فتح الله البندول ومحمد بشير الدولي وغيرهم من مطربي هذا الزمن. بعض الأصوات المنتقدة التي تبحث عن موازنات كانت منتظرة أن يحدث ذلك من فنان كبير، حتى تجد لخروجات مطربي هذا الجيل العذر والمبرر في تصرفاتهم الغريبة. الفنان الذي لا يحترم (فنه) لا يحترم (جمهوره) ، والفنان الذي لا يكون صادقا مع جماهيره لن يعرف أن يحتفظ بجماهيرته كثيراً ، لذلك فإن احترام محمد الأمين لفنه كان أولى من احترامه لجماهيره ، لأن ود اللمين حقق تلك الجماهيرية باحترامه لفنه وليس العكس. من ثم فإن ما قام به محمد الأمين كان في المقام الأول ضد جمهوره الذي جاء لمسرح نادي الضباط للاستماع له وليس للغناء معه. (3) قبل أن أرى الفنان محمد وردي عن قرب، كان انطباعي الأساسي عن وردي (غروره) الذي قيل إنه يصل حد (العجرفة) ، وهو انطباع يحمله كل الذين لم يلتقوا بالفنان محمد وردي ولم يستمعوا له (مباشرة) ، لكن بعد أن عرفت الامبراطور محمد وردي ، عرفت أن البعض خلط بين اعتزاز وردي بفنه ، وثقته بنفسه وبين (الغرور). محمد الأمين معروف عنه إيمانه التام بالأغنيات التي يقدمها ، ويعرفون كذلك (انصهار) محمد الأمين التام في الكلمات التي يقدمها ، وأعتقد انه من (اللباقة) الفنية أن يفرق الشخص بين أغنية الاستماع وأغنية المشاركة. قولنا هذا ليس منعاً أو حظراً لانتقاد محمد الأمين باعتباره (رمزاً) فنياً كبيراً في السودان ، لأننا نتفق مع الانتقادات التي وجهت لمحمد الأمين في مهرجان (الأغنية الوطنية) ، أما في (يا تغنوا إنتو يا أغني أنا) فليس على محمد الأمين (تثريب). . محمد عبدالماجد - الانتباهه 18مارس 2018
غايتو شكلكم ود الأمين يا بتسمعوهو في التسجيلات يا في جلسات !! أول شيء حفلات ود الأمين من أكتر الحفلات الجماهيرية الأغلب جمهورها شبه ثابت كلامي ده على الأقل في الفترة ما بعد2006 في ناس ثابتين في أي حفلة مع بعض التغييرات طبعا" في ناس لو عاوز تلاقيهم بتشرك ليهم في حفلة ود الأمين ( زي الشباب بتاعين أستاد الهلال سابقا" والجوهرة حاليا" ) :) والبجي بدري بحجز للبقية وفي مجموعات كانت بتسافر بورتسودان أيام بعمل حفلات راس السنة هناك!. وأكتر حفلة بتلقى فيها الجمهور حافظ الأغاني وحتى دخلة ود الأمين بعد كم نغمة موسيقية عارفنها :) وما قاعد تتغير كتير والجمهور بغني مع ود الأمين عادي وفي ذاد الشجون دي زاتا لما يخش في ( من بعد فرقتنا ديك مين كان بفتكرك تعوووووود مين كان)!! وكل دخلات وصولات ود الأمين بالعود حتلقى الصفافير وود الأمين ياااا شغالة وبكون مبسوط عادي :)
فحكاية الجمهور يسكت عشان هو يغني ده كلام ساكت وود الأمين زاتو عارف كده ومافي زول بجي قاشر عشان يدخل حفلة جماهيرية فيها قريب 5 الف فرد عشان يسمع غنا وااضح الحفلات بتفرق عن الاستوديوهات كتييير جدا" كل الحكاية مرات الفنان مزاجو ما بكون ظابط فبتحصل اللخبطة البسيطة دي نتيجة لي عدم التركيز وكان ممكن الأستاذ يفوتا عادي أو على الأقل ده كان عشم كتير من معجبيه لكنو اختار الرد الجاف ونفس الحالة دي بالضبط حصلت في حفلة راس السنة 2010 لدرجة شكيت انو تكون دي نفس الحفلة ديك !!
فالموضوع عادي بالنسبة للجمهور لأنهم أصلا" عارفين ردود وتعليقات الاستاذ في أغلب الأحيان جافة وحتى بتتداول طرائف كتيرة عنها لكن قطع شك ده ما التصرف المثالي ولا التصرف الممكن يدافع عنو زول بحجة انو صحيح.
03-21-2018, 07:59 PM
عزيز عزيز
تاريخ التسجيل: 04-12-2002
مجموع المشاركات: 3290
الحبيب طلحة يؤسفني ان اقول لك الياشكاتب لم يعط الاميرة درسا وهاك الدرس الحقيقي من المغنية العالمية ساؤة فابيان في حب الجمهور الذي يقوق الثلاثين الفا وكيف انها غنت قوق صوت الجمهور فخلقت لوحة بديعة هطذا يكون الفنان
03-22-2018, 09:52 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9252
اكثر ما شدني في هذه الشادية الصادحةان لغة جسدها تكتنز بالحب للجمهور تعابير وجهها تنضح بهذه العاطفة هكذا تكون العلاقة بين الفنان والجمهور حب متادل بل اداء متبادل ولكن هذا لا يعطي البعض الحق في تدمير شخصية محمد الامين التي ظل عمره كله يبنيها قشة قشة حتى وصل القمة هو خطأ عادي ومن منا لم يخطئ وهل احد منا كان يعلم الظرف النفسي لمحمد في تلك اللحظات؟؟؟
03-23-2018, 07:27 AM
Zakaria Fadel Zakaria Fadel
تاريخ التسجيل: 01-24-2013
مجموع المشاركات: 2002
نعم يا أستاذ موصلي عندما أدليت برأيي في هذه المسألة قلت ان ود الأمين وصل لدرجة ( غلطاته عندنا مغفورة ) وَيَا ود البشرى لا يمكن مقارنة شرط الدخول للسينما و شرط الدخول للحفلة الموسيقية قد يكون الموقفان متشابهان اذا كانت الحفلة لتقديم اغان جديدة لم يسبق الاستماع لها وبالمناسبة هناك من يدخل الفيلم اكثر من مرة وتجده ( وهو الذي لا يفهم اللغة الهندية ) متفاعلا و منفعلا مع كل أغنية او مشهد درامي ما فعله ود الأمين خطأ في حق الجمهور ولا يمكن لفنان ان يطالب جمهوره بان يكتفوا بالصمت عندما يغني هو تظهر مهارة الفنان عندما يوجه مشاعر الجمهور في الاتجاه الذي يريده بأدائه وليس بإلقاء محاضرات عليه
03-23-2018, 08:09 AM
اسامة محمد ابوبكر اسامة محمد ابوبكر
تاريخ التسجيل: 01-17-2013
مجموع المشاركات: 249
السلام عليكم ده عمل عمره 80 سنة وفيهو اضافات تكاد تكون حد الكمال الموسيقي من بيونسييه و مع ذلك لم يعكر او يغير من اضافاتها تفاعل الجمهور و استيف مستمتع جدا مع الجمهور و لم يطالب الجمهور بالصمت ليستمتعوا بالاضافات. الجمهور هو من يحدد كيف يطرب نفسه ومع الأسف انجرف الأستاذ مع ثقافة الوصاية و اختيار الأغاني و الذوق العام و طريقة سماع الأغاني.
03-23-2018, 10:05 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18010
سلام وجمعة مباركة للطيبين والطيبات عايز أقول للناس المصرين على مقارنة كيس ود اللمين مع ما حدث من البت الخواجية الفوق دي انو المقارنة هنا غير منطقية ولا يمكن الإستناد عليها لتجريم الباشكاتب غناء لغناء يفرق وموسيقى لموسيقى تفرق وثقافة لثقافة تفرق (إلا لعاشقى الاستلاب).. وما أدراكم انو الخواجية الفوق دي قبل كدا في حفلة جماهيرية ما، لم تقل لجمهورها ما قاله ود اللمين لجمهوره ؟ ولماذا تجاهل هولاء المقارنة بما فعله عبد الحليم حافظ مثلا، وهو الأقرب لمحيطنا وثقافتنا وسافروا إلى الغرب لجمع أدلة ادانة الباشكاتب،؟؟ للمقارنة حدودها وقواعدها التي ينبغى أن تقوم عليها. من جهة أخرى فود الأمين لم يضع قاعدة ثابتة تمنع الجمهور من ترديد والمشاركة معه في الغناء بل في كثير من المناسبات كان متفاعلا وسعيدا لمشاركة الجمهور، لكنه طلب منحه الفرصة لاداء بعض الأغنيات منفردا لاعتبارات حددها منها أنه يريد أن يضيف ويبتدع في اللحن ومشاركة الجمهور تمنعه وتشوش عليه فلماذا لا يحترم الجمهور رغبته كما يحترم هو رغبة الجمهور ؟؟؟؟. ما فن الغناء ؟ هو الابتكار والإبتداع وعبقرية الممارسة، هو ذوق وأدب وتهذيب مشاعر وتشذيب وجدان وليس نطيط وتهريج وشقلبة في الكراسي وكواريك وصراخ وصفافير وجوعير. ما الجريمة التي إرتكبها ود الأمين في ممانعته لمشاركة الجمهور في بعض أغانيه لدواع وأسباب منطقية كشف عنها وهو غير ملزم بذلك ؟ العواطف السائلة لا ولن تصنع نجاحا، والمقارنات المدفوعة بعقدة الاستلاب لن تحقق لنا ذاتنا وخصوصيتنا .. لماذا لا نكون نحن الأصل والنبع الذي يرد منه الآخرين؟ إلى متى نسير خلفهم ؟ لابد أن نفتك من براثن القطيع، وأن نسعى لنقود لا أن ننقاد، لماذا نحلل ما يحللون ونحرم ما يحرمون؟ فلنا ثقافاتنا ولهم ثقافاتهم . ود الأمين محق تماما في ردة فعله وعلى الجمهور أن يحترم رغبة الفنان وينصرف عن هواية التهريج والهرجلة والضلالة ويلتزم بحسن الاستماع إن كان محبا للفن والإبداع .
Quote: وَيَا ود البشرى لا يمكن مقارنة شرط الدخول للسينما و شرط الدخول للحفلة الموسيقية قد يكون الموقفان متشابهان اذا كانت الحفلة لتقديم اغان جديدة لم يسبق الاستماع لها
تحياتي زكريا, ضرب المثل بالسينما كان ردا على تعليق حافظ عن الشرط المكتوب في التذكرة بعدم الترديد فقصدي انه ما لازم يكون مكتوب بل هو عرف زي موضوع السينما وغيرها وايضا ضربت مثل بكود اللبس بالنسبة لحفلات الاوبرا لاشيئ مكتوب لكت العرف يفرض الحضور بالملابس الرسمية وطبعا بديهي انه لايوجد ترديد وصفير في حفل الاوبرا برضه ولا تتم الكتابة على التذكرة!
03-23-2018, 12:02 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
طلحة وشركاه عبدالحليم حافظ اوقف اغنية قارئة الفنجان وقعد يصفر بعد ما ادى الجمهور درس
ليس عامل السن ولا عصبية .. دي اغنية كبيرة هل في زول سمع فنان تاني يغني بتتعلم من الايام او زاد الشجون؟ الجمهور بى صوتو النشاز بعد ان انهت الاوركسترا الجملة الموسيقية بدأ الجمهور ( ما (بنغاويم) .. وكيييف حنقدر) التلاتة كلمات دي ابواللمين قعد فيها عشرة سنوات زي ما قال ابواللمين ممكن تغنوا كوبليه وانا كوبليه في اغاني تانية زي (الموعد) كل دا كوم واصراره على عدم اعادة الاغنية رغم (تحانيس) اعضاء الاوركسترا ...كوم تاني.. شخصيا عندما يغني محمد الامين ( بتتعلم من الايام) بكل هذا الزخم والثراء الفني في اللحن والاداء انا بكون في حالة توهان
03-23-2018, 12:09 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
قبل كدة واحد ساق حيدر بورتسودان وهو في بداياته وكان يقلد الاستاذ في بعض الاغنيات خاصة (وحياة ابتسامتك) ساقو لمنزل الاستاذ في بحري الاملاك كان مستاجره من عمنا الراحل حسين حسون رحمه الله عليه وكان رجل فنان وخطاط (كتب المصحف بخط يده) وكان مؤلف كتب واغاني للاطفال المهم الواحد دا ومعاه حيدر قال للاستاذ انا عايزك تسمع الود دا وتدينا رايك .. حيدر استلم العود وبدأ يغني اغنية للاستاذ وتعب فيها تعب وبذل فيها جهد خرافي .. وطبعا حيدر (اشول) بعزف بيده الشمال وكان لابس ساعة واسعة .. المهم ابواللمين ساكت ساي ويسمع بهدوء شديد .. بعد ماحيدر اتقطع ونفسو قام انتهي من الاغنية وبقى منتظر راي الاستاذ الذي ظل صامتا لفترة ، الزول الساق حيدر بدأ يتململ بعد مسافة ابواللمين عاين لى حيدر كدة وقال ليه (انت ساعتك دي مالة كبيرة كدة)
03-24-2018, 10:51 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18010
الاخوة الاساتذة الأجلاء عبد العزيز خطاب الموسيقار الموصلي على الكنزي زكريا فضل أسامة محمد أحمد يسن كل الشكر والتقدير لمروركم العاطر .. ............................. جرجير اتا ساعتك كبيرة كدا مالا
كويس يا طلحة و صديقه ود البشرى ما إختلفنا و متفقين على إنو لا السامبا ولا الرمبا تساويها و لا التانغو ولا سوينغو يدانيها. لكن منو البحدد الفرق و إتجاه الفرق؟ و منو البحدد للجمهور شكل إستجابتهم للغنا المختلف عن الغنا التاني؟ يعني نحن عشان سودانيين محكوم علينا إنو طلحة يوصف تفاعلنا مع الغنا بإنو نطيط وتهريج؟ و ما بعيد بعد كلام طلحة دا، تخش الحفلة و يشوفك بوليس النظام العام و النيابة تفتح ليك بلاغ بتهمة الشقلبة في الكرسي.
يا طلحة المقارنة بين تصرف محمد الأمين و بما فعله عبد الحليم حافظ ليست في صالح محمد الأمين ابداً الفرق الأساسي بين تصرف عبد الحليم و محمد الأمين إنو عبدالحليم وجه كلامو لفئة قليلة كان يظنها لا تريد الإستمتاع بالغناء و في هواجسه كانت تهدف إلى تخريب الحفلة. و دا تعقيب عبد الحليم على تصرفه: "اللي أنا عملته ده مش ضد الناس اللي كانوا بيسمعوا التليفزيون، أو للي قاعدين يسمعوا الراديو، ولا الناس اللي في الحفلة، أنا عملت ده عشان 25 واحد أنا بإحساسي وبخبرتي حسيت إن هؤلاء الناس مدسوسين على الحفلة عشان يعملوا كده". عبدالحليم إتصرف تصرفو داك بعد ما واحد من الجمهور قال و بأعلى صوته "حنفضل نهيص يا عبدو" محمد الأمين وجه كلامو لجمهور و هو على علم تام بأن الجمهور قصد بترديده للأغنية التفاعل و الإنسجام مع الغناء. و رغم أن تصرف عبدالحليم كان مختلف و لكن الصحافة في ذلك الوقت لم ترحمه.. و هو موقف في كل الأحوال محسوب خصماً على عبدالحليم.
03-24-2018, 01:02 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7205
Quote: هل بإسم الجمهور عايز كدا وذوقه وحط رجلك كدا واعمل راسك كدا نفرض عليه !!
غايتو يا ود البشرى إذا إستمريت بضعف تحليلاتك و حكمك على الأشياء دا، أنا أتوقع ليك بعد كم يوم قباني يقول ليك يا صفوة. هسه معقول يا ود البشرى ما شايف الفروض الفرضها محمد الأمين على جمهور الحفلة ديل؟ نمرة واحد محمد الأمين صنف أغنية زاد الشجون من الأغاني الكبيرة، و ليس عندي إعتراض على ذلك فزاد الشجون عندي واحدة من اجمل الأغاني مطلقاً.. و لكن ذلك يظل رأي شخصي حتى و لو إتفق عليه نصف سكان العالم و لا يعطي محمد الأمين الحق في فرض تصنيفه هذا على الجمهور. تاني حاجة محمد الامين فرض على الجمهور إستجابة يحددها هو و على الجمهور الإلتزام بها
بعد خمسين سنة غنا أنا ما عايز اوريهو يعمل شنو لكن عايز اوريك إنت إنو محمد الأمين ينتمى لمدرسة قديمة في تعاملها مع الجمهور و تعاملها مع التكنلوجيا. عايز اقول ليك إنو دا قصور منو هو و رغم ذلك هو عايز يحاسب عليهو الجمهور.
Quote: والله تاني حقو تذكرة حفلة أبو اللمين تكون زي ما كتبت هيئة الترفيه في تذكرة حفل المصري : ممنوع التمايل و الترديد مع ابو اللمين
كدا يكون عداهو العيب و الأولو شرط آخرو نور بس قول ليهو إقتراحك دا و شوفو بيرضى يكتب كدا.في التذكرة ما بيرضى لأنو ببساطة الحفلة حتخسر.
عليك الله ياود البشرى رجع توقيعك بتاع أعرف الحق ما تعرف شنو كدا اهله داك و خلينا نستمتع برجاحة رأيك.
03-25-2018, 08:16 AM
الصادق عبدالله الحسن الصادق عبدالله الحسن
تاريخ التسجيل: 02-26-2013
مجموع المشاركات: 3244
Quote: الأصل في حفلات الغناء انو الفنان يغنى والجمهور يستمع وليس العكس .. وانت لو أخدتها من ناحية حق عام مثلا بتلقى انو المفروض قانونيا الجمهور ما يشارك في الأغنية بصوت عالى لأنو ببساطة بشوش
وحتى بافتراض أن الجمهور كان على خطأ فقد كان بإمكان الفنان محمد الأمين التصرف حيال ذلك "التشويش" بصورة أقل خشونة.. ولك يا طلحة أن تتأمل حماقة ما أقدم عليه مطربنا المشهور وتقارنه بذكاء وكياسة هذا المايسترو المغمور:
والذي عندما لاحظ تفاعل حضور هذه الحفلة الموسيقية لم يتضايق ويعتبر تصفيقهم تشويشاً أو يستخف بهم ويعاتبهم ويوبخهم وإنما تساوق المايسترو معهم مشجعاً ومُنظماً واستطاع بحرفنة ومهارة الأخذ بأيديهم وإدارة تصفيق الجمهور بإدخاله ضمن نسيج المقطوعة ونجح في تحويل التصفيق إلى آلة إضافية.
ولك أن تعود لتقارن مرة أخرى بين حالة الانتشاء والانشراح الذي استمتع به الجمهور عند انتهاء حفل المقطوعة الموسيقية وبين حالة الصدمة والإحباط وطعم المرارة في حلوق المساكين رواد السهرة السودانية.
تحية لك وجمهورك ... .. .
03-25-2018, 09:09 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18010
يا حافظ بشير النطيط هو النطيط وكذلك الهرجلة والتهريج لا توصيف ثاني لهذا السلوك اذا مارسه السودانيون أو الأسكيمو .. طلحة يقول ما يعتقده ولحافظ بشير أن يرى غير ذلك ففي النهاية المسألة وجهات نظر وليس حكما يا بلد . من جهة أخرى فنحن بصدد مقارنة بين أكثر من كيس حصل لأكثر من فنان غناء منهم محمد الأمين وعبد الحليم حافظ .. الأثنين ديل أوقفوا الغناء بسبب هرجلة الجمهور أمام المسرح بغض النظر عن عدد الذين مارسوا هذا التهريج خمسة وعشرين أو حتى تلاتة فقط المهم تهريج أحدث تشويش على الفنان فكانت ردة فعله أن أوقف الغناء وتكلم إلى هذا الجمهور فما الفرق بين الحادثتين يا عزيزي ؟ عبد الحليم كما قلت أنت عاد وبرر ما قام به، ومحمد الأمين أيضا عاد وبرر ما قام به، فلماذا هناك صاح وهنا غلط ؟؟
Quote: و ما بعيد بعد كلام طلحة دا، تخش الحفلة و يشوفك بوليس النظام العام و النيابة تفتح ليك بلاغ بتهمة الشقلبة في الكرسي.
هسة دا شنو دا وعلاقتو شنو يا حافظ ؟؟ لكن طالما انت عايز تزيد الكلام من باب الاثارة معتقدا انو دا بعضد وجهة نظرك فما بحرمك من الحاجة دي وبمشى معاك فيها وكأنو منطق يستحق خخخخخخ وبقول ليك يا حافظ اذا مارس بعض الجمهور التهريج وشقلبة الكراسي في حفلة مدفوعة الثمن فدا فعلا يستدعى تدخل الأمن سواء كان نظام عام أو أنتربول اللهم إلا إذا كانت الحفلة دي مظاهرات تخريبية . بعدين يا حافظ حتة الصحافة لم ترحمه دي قلتها وكأنو انت مع رأي الصحافة اذا كنت مؤمن بما تقوله الصحافة يا حبيب فالصحافة هنا وقفت مع ود الأمين ضد العوك عواك الذي مارسه بعضهم لتجريمه ( دا طبعا باعتبار انو كلامك صاح رغم انو ما جبتنا لينا الصحافة التي لم ترحمه دي). ............................... حافظ بشير ساعتك كبيرة كدا مالا
03-25-2018, 09:24 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18010
الصادق عبد الله سلام ياخ والله حتة انو المطرب الفلاني حصل ليهو ما حصل لود الأمين ولم يفعل ما فعله الأخير دي أنا أجزم أنها غير منطقية وملانة سفسطائية لامن مدفقا .. ياخ في مطربين لا يعرفون الغناء إلا اذا شاركهم الجمهور وفي آخرين عكسهم تماما، لا يمكن إجبار ود الأمين على قبول ما يعتبره تشويش على عمله بحجة أن آخرين قبلوه، ياخ أنا العدس مثلا بعمل لي حساسية فهل ستجبرني على أكله لأن غيري يأكله ؟؟؟؟ ثم يا حبيب محمد الأمين لم يرفض هذا المبدأ ولم يحرمه على جمهوره في العديد من الأغنيات بل تفاعل معهم وترك لهم مساحة للتعبير، ولكنه أيضا طلب منهم عدم المشاركة في أغنيات أخرى لأن ذلك يشوش عليه ويحرمه من الابتداع والإضافة، وكلامه كان واضحا ومنطقيا وتقبله الجمهور بعاصفة من التصفيق ولم يحتج أو يتظاهر أو يشتكى لأحد، وأراهن أن هذا الجمهور سيحجز تذاكره مبكرا جدا للحفلة المقبلة وسيحتشد بكثافة للاستمتاع بود الأمين فلماذا تريدون تجريم الرجل على سلوك منطقي وفيهو محاضرة قيمة أضافت للجمهور .. وقد قيل في المقام ( سيد الحق راضى شن دخل القاضي)
03-25-2018, 03:48 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
مقدمة زاد الشجون عمل مكتمل والمقدمة فيها بعد وحس جمالى فى التركيب والجملة اللحنية وتاسر أي مستمع .. ولكن في راي الشخصي ان لحن الاغنية ليس بمستوى المقدمة وفيهو نوع من (الرتابة) ومحمد الأمين اعتمد التأليف الكلاسيكي في مطربين اثناء الاغنية بلف القاعة كلها بين الطرابيز يبشر على (المعازيم) واحد واحد كنوع من المجاملة والغريبة مرات اواحد من منظمي الحفل اومن اقارب الفنان بمشي يهمس للفنان في اضانو اثناء الاغنية ويجرو جدر عشان يحوم وسط الناس كنوع من المجاملة وطبعا 99% من الاغاني البلفو ويبشرو بيها دي هي حقت آخرين تم السطو عليها نهارا جهارا وعلى عينك ياتاجر
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
طلحة عبدالله
حمد عبد الغفار عمر
Hafiz Bashir
يحي قباني
Elsanosi Badr
علي دفع الله
عبدالحفيظ ابوسن
Hani Arabi Mohamed
Abdullah Idrees
Asim Ali
محمد البشرى الخضر
نصر الدين عثمان
دفع الله ود الأصيل
محمد محمود محمد
Osman Musa
عمر سعيد علي
بابكر قدور
معاوية الزبير
عبدالعزيز الفاضلابى
عزيز
Elmosley
Ali Alkanzi
Zakaria Fadel
اسامة محمد ابوبكر
Ahmed Yassin
الصادق عبدالله الحسن
فيس بوك
تويتر
انستقرام
يوتيوب
بنتيريست