|
|
|
 Re: الوزير جادين... جابها كبيرة الدورة دي! (Re: محمد البشرى الخضر)
|
الفيديو الجديد عمل فيها انه البشير مفوّضه لعقد محادثات مع اسرائيل بالنسبة للتطبيع وكدا
و كالعادة أداؤه مقنع وكمان اضاف عليه تجهيزات وممثلين لدرجة انه - طالعادة برضو - خم كميّة من مناضلي السايبر واقعين فينا حش من الصباح في الواتساب و غيره
كدي شوفو الفيديو
| |
  
|
|
|
|
|
|
|
|
Re: الوزير جادين... جابها كبيرة الدورة دي! (Re: محمد البشرى الخضر)
|
جادين دا فنّااااان أداؤه مقنع
ويهتم بالتفاصيل - وإن كان بالغ في لون الشرّاب :)
لكن هناك سؤال, الشغل دا عايز امكانيّات, قول المايباخ حسب ما قيل من الشركة الشغّال فيها, و البدل و الوجاهات دي هينة في أوروبا
لكن الفيديو الأخير دا فيهاستخدام شقق شكلها فندقية, و معدّات تصوير - واضح أنه ما شغل موبايل - و ممثلين عايزين أجر بالطبع ديل شكلهم زلمات ما عندهم مجاملة في القرش
فا السؤال: هل يموّل عمله لوحده ولاّ هناك جهة ما تنتج وتتحمّل التكاليف !!
| |
|
|
|
|
|
|
|
|
|
Re: الوزير جادين... جابها كبيرة الدورة دي! (Re: محمد أبوالعزائم أبوالريش)
|
هلا ابو الريش
اعغتقد في حلقة مفقودة هنا, الراجل دا بقدّم اسكتشات مميزة يبقى الطبيعي ان يحفظ حقه بشارة بداية ونهاية وكتابة اسمه و على الأقل المصوّر المعاه و يعمل قناة يوتيوب و صفحة فيس وكدا
الآن الانتشار فقط عبر الواتس وما على اليوتيوب تلقاه ناقلنه آخرين ولا يضعون معلومات
أمّا إن كان يؤدّي هذه الأعمال بغرض الحاق الضرر بالإنقاذ وتعريضها للنقد و السخرية يبقى كدا مفهومة لكن الفضل التجويد و الاهتمام بالتفاصيل اكثر و البعد عن الأخطاء الساذجة المقبولة في عمل درامي فكاهي لكنها نشاز لو الفكرة انّو الناس تصدّق.
| |
|
|
|
|
|
|
|
|
|
Re: الوزير جادين... جابها كبيرة الدورة دي! (Re: محمد نور عودو)
|
وعليكم السلام نور عودو
نعم في من يصدّق و يروّج كمان ودا احد اسباب كتابتي للبوست, شوف دا مثلا في احد القروبات كتب شنو مقدّمة للفيديو:Quote:
فضيحة السواد واللواد
شوف بعينك
مقابله الوزير المفوض من عمر البشير لوزير خارجية اسرائيل من اجل التعاون المشترك ، واشادة اليهود بالتعاون السابق للبشير والسيسي في المساعدة في القضاء على حماس بقفل طرق الامداد لمد جسور السلام
ياخ قلنا امريكا روسيا قد دنا عذابها منو الجاب سيرة اسرائيل !!!!!! |
خلّيك من اي شي, دا لو بحضر نشرة الأخبار ساي كان قال انه المقابلة مع وزير الخارجية الاسرائيلي؟؟
| |
|
|
|
|
|
|
|
|
|
Re: الوزير جادين... جابها كبيرة الدورة دي! (Re: محمد البشرى الخضر)
|
حبيبنا ود البشرى
الفيديو - تمثيلية - ولكن غير بريئة
القصد منها بالونة اختبار لقياس الرأي العام
ومن ثم بناء خطة على ضوء قياسات الرأي
واتجاهاته للمضي قدما في انزال المباحثات السرية
بين الخرطوم وتل ابيب على ارض الواقع .... هذا دخان صناعى وسيليه دخان طبيعى الى ان تخرج النار الى الهواء الطلق ....... سلام
| |
|
|
|
|
|
|
|
|
|
Re: الوزير جادين... جابها كبيرة الدورة دي! (Re: عمر دفع الله)
|
قريبنا ود البشري سلامات
يحكي لي واحد من شباب نيويورك عن زول احتمال كبير يكون هو صاحبك ده . زول الماي باخ . الفاكيها في روحو .
قال لي الزول ده قبل حوالي 6 سنوات كان في نيويورك شغال في دكان يماني . لكن زي الحصلت ليه
مشاكل في ورق الإقامة . وكان مهدد بالترحيل . و ترك امريكا الي اليونان . قال لي نفس الملامح مع
شوية زيادة في الوزن .
| |
|
|
|
|
|
|
|
|
|
Re: الوزير جادين... جابها كبيرة الدورة دي! (Re: الطيب رحمه قريمان)
|
هلا الطيّب
فيه سذاجة لو كانت الفكرة ايهام الناس بأنه حقيقي وفي الحالة دي الساذج من يصدقه
لكن لو الفكرة - كما أراها - تقديم نقد كاريكاتيري ساخر لفكرة التواصل و السري للنظام مع اسرائيل و السعي للتطبيع - وهي فكرة متداولة و يوجد أكثر من تصريح / تسريب بهذا الفهم - فقد أجاد والله و قدّم عمل ساخر و معبّر
وبرضو لا تغفل الاحتمال الاشار ليه عمر دفع الله
| |
|
|
|
|
|
|
|
|
|
Re: الوزير جادين... جابها كبيرة الدورة دي! (Re: أحمد محمد عمر)
|
| Quote: الفيديو - تمثيلية - ولكن غير بريئة |
قلت كدا يا فنّان
أنا برضو حاسّي انّو الشغلانة فاتت حتّة فيديوهات وسكتشات بكاميرا تلفون لإنتاج و ميزانية وأكيد لها هدف
لكن الجزء الأول الما يبدو كنشرة أخبار أو برنامج في التلفزيون باللغة العبرية هل برضو تابع للتمثيلية أم برنامج حقيقي ويعلّق على الفيديو
دي عايزة عارف باللغة العبرية يفتينا! ما جمبكم واحد تسألوا لينا
هلا عثمان موسى
الزول ما فاكيها في روحو لكن كونه يوصّل الاحساس دا للناس معناتا اجاد الدور, انا عاجباني فيه الحتة دي
قلت لي وزنه زاد! معناتاها كان قناية بس قبل كدا
يا دكتور سيف سلامات
دا زلمة ساي ما يخمّك
يا أحمد عمر! صدّق رجعت حضرت فلم البت الحاضنة السمكة تاني قلت في شي انت و الجماعة شايفنه فات علينا
لقيت الحال في حاله, ذوقكم فعلا بشوف الشراب الأحمر او الكبدي زابط طالما مطقّم مع الكرافته 
| |
|
|
|
|
|
|
|
|
 Re: الوزير جادين... جابها كبيرة الدورة دي! (Re: محمد البشرى الخضر)
|
تحياتى مرة اخرى اخى ود البشرى ..
Quote: هلا الطيّب
فيه سذاجة لو كانت الفكرة ايهام الناس بأنه حقيقي وفي الحالة دي الساذج من يصدقه |
فعلا هى ايهام المشاهد ليبدو ان الامر حقيقى .. لذلك كانت المقدمة التى هى عبارة عن نشرة اخبار حقيقة بينما الامر غير ذلك ..
اما ان هناك لقاءات سرية او نحو ذلك .. فهذا امر استبعده جدا ..
و كثير من فصائل المعارضة تروج لذلك حتى تنال من النظام الحاكم فى السودان ..
و من ناحية .. تجهيز ارضة نفسية لاقامة علاقات مع الكيان الصيهيونى فى حال سيطرة المعارضة على السلطة فىى السودان ..
و قد يكون محاولة لاقناع المواطن السودانى ان العلاقة من اسرائيل أمر ممكن ..
و ان علاقة عبدالواحد محمد نور و غيره من متمردى دارفور باسرائيل امر واقعى و لا مفر منه .. و لا ضير عليه ... !!
| |
|
|
|
|
|
|
|
|
|
Re: الوزير جادين... جابها كبيرة الدورة دي! (Re: الطيب رحمه قريمان)
|
وحاة الله ما ذوقي أنا :)
ولا بفهم في خلطات الألوان ذاتو ناس الكرافتة الحمراء مع البدلةالبيضاء ديك
لكن الزول دة أنيق وقاعد يظبط البدل كويس ولقيت الجزمة والكرافتة والشراب التلاتة ما ظابطات مع البدلة لكن لو لايقناهن سواء بنلقى ليهن مخارجة بحسب فهمه في البدل المتأكد إنه أحسن من فهمي
كما أن البت الحضنة السمكة خط أحمر مدغلب :)
| |
|
|
|
|
|
|
|
|
|
Re: الوزير جادين... جابها كبيرة الدورة دي! (Re: أحمد محمد عمر)
|
تحياتي قريمان
ربّما يكون كذلك هذا راي يحمل الصواب و الخطا
لكن الحقائق التي لا تقبل الجدل هي مسالة سعي - أو لنقل قبلوا على الأقل - النظام التطبيع أو التعامل مع اسرائيل
وهذا ليس سرا و قد رشح حتى من تصريحات بعض النافذين او الدوائر القريبة من صنع القرار
خليك من دا هل سمعت ما صدر عن اسرائيل الرسمية نفسها في طلبها من امريكا رفع العقوبات الاقتصادية عن السودان؟
هذه المسالة أو ضح من ان يتنكر, لكن قول لازالت تحت الغطاء و هذه التصريحات و التسريبات ممكن تكون بالونات اختبار لمعرفة مدى تقبل الراي العام أو لتهيئته!
يا أو حميد, الراجل أنيق فعلا و بدله زابطة عشان كدا شترة لون الشراب كانت اوضح من ان تغفل و صارت تجذب العين
انت شن عرّفك خليك في ذوقك بتاع عوضية سمك :)
| |
|
|
|
|
|
|
|
|
|
Re: الوزير جادين... جابها كبيرة الدورة دي! (Re: محمد البشرى الخضر)
|
التحية للجميع ..
كتب الدجال قريمان :!
و كثير من فصائل المعارضة تروج لذلك حتى تنال من النظام الحاكم فى السودان .. و من ناحية .. تجهيز ارضة نفسية لاقامة علاقات مع الكيان الصيهيونى فى حال سيطرة المعارضة على السلطة فىى السودان .. و قد يكون محاولة لاقناع المواطن السودانى ان العلاقة من اسرائيل أمر ممكن .. و ان علاقة عبدالواحد محمد نور و غيره من متمردى دارفور باسرائيل امر واقعى و لا مفر منه .. و لا ضير عليه ... !!
يعني القتلة والمجرمين والمفسدين الزمان
كان مجرد احتيال سياسي منك عشان تجي
التو تورينا حقيقتك الاخوانية المفسدة ؟
فعلآ قوة العين وعدم الحياء من شئمكم !
| |
|
|
|
|
|
|
| |
محمد البشرى الخضر
محمد أبوالعزائم أبوالريش
محمد نور عودو
عمر دفع الله
Osman Musa
سيف النصر محي الدين
الطيب رحمه قريمان
Hani Arabi Mohamed
مني عمسيب
فيس بوك
تويتر
انستقرام
يوتيوب
بنتيريست