|
|
|
 Re: ***** الكنزي 10 منتخب بورداب العالم 0 ***** (Re: محمد المسلمي)
|
يا ابو حسين
سلام
انا نمت وصحيت قلتا القى الجماعة دررنو لانو بعلبو براهم
بالله النتيجة ليهسا عشر صفر،
معقولة بس؟
واضح ديل كلهم ارباب معاشات الواحد لمن يصل القون بكون انهار عديل
واجي ود ابسن لاغية ما يوصلنا خط المرمى ذاتو
ايجي اقول ليك راجل المرة رمى السكين
هو كان فوقو روح عشان اطعن زي الرجال ابين قلباً حار
بالله شوف طريقة للناس دي تجيب قون واحد
قبل ما اقلبا باسكتبول والعشرة يبقو مية
والله اكبر ولا نامت اعين كل من يقتات على ....
واتمم انت الجملة
| |
 
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: محمد المسلمي)
|
يا المسلمي اخوي
يا زول حديدة شنو البرضبو بيها ود ابسن
ود ابسن دا من قولت تيت قال سلاماً سلاماً
وانا ذاتي مستغرب الزول الجابو من ارض البطانة لارض الانصار شنو؟
يا زول
ركك على كرامات الكنزي الاسفيرية ستقضي عليه وعلى من معه
وبعد شوية ابو حسين ح يعدل العنوان
الكنزي 50 منتخب بورداب العالم 0
وسيرى الظالمون إلى أي منقلب سينقلبون
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: Hafiz Bashir)
|
يا حافظ بشير
قولك:
Quote:
سلام يا كنزي
ود ابسن إستشهد بالآية لتفسير منطلقات قوله لك "سلاما سلاما" في البوست التاني.
قبولك بإستشهاد ود أبسن بالآية يعني إعتراف منك بأنك من الجاهلين الذين يُقال لهم سلاما سلاما |
يا زول زيدني في الجهل واجعلني جهول
من خدعنا في الله انخدعنا له
وقبالي باكثر من الف عام ومئات رفعوا السيوف في المصاحف
ما بتفرق
وكان الامام على باب علم رسول الله جهولا
لانو خدع برفع المصاحف
بس ما تحرمني اني فهمت سلاما سلاما
وانا قال ليك ما منتبه لكل اساءة تقلل من قدري؟
يا لله زود من عندك لهذا الجهول
| |
|
|
|
|
|
|
|
|
 Re: ***** الكنزي 10 منتخب بورداب العالم 0 ***** (Re: محمد حيدر المشرف)
|
Quote: يا ابو حسين
سلام
انا نمت وصحيت قلتا القى الجماعة دررنو لانو بعلبو براهم
بالله النتيجة ليهسا عشر صفر،
معقولة بس؟
واضح ديل كلهم ارباب معاشات الواحد لمن يصل القون بكون انهار عديل
واجي ود ابسن لاغية ما يوصلنا خط المرمى ذاتو
ايجي اقول ليك راجل المرة رمى السكين
هو كان فوقو روح عشان اطعن زي الرجال ابين قلباً حار
بالله شوف طريقة للناس دي تجيب قون واحد
قبل ما اقلبا باسكتبول والعشرة يبقو مية
والله اكبر ولا نامت اعين كل من يقتات على ....
واتمم انت الجملة |
و عليكم السلام
نوم شنو يا كنزي ..؟؟ زول يلقى المولد دا كلو و ينوم ...؟؟؟
العجايز براحة عليهم ....
لكن الشفع الصغار ما تقصر معاهم ....
***************************************
أهلاً و سهلاً بالجميع
و كل سنة و إنتو طيبين
و العاقبة عندكم في المسرات
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: ABUHUSSEIN)
|
اخ ابوحسين
وانت تقول:
و عليكم السلام
نوم شنو يا كنزي ..؟؟ زول يلقى المولد دا كلو و ينوم ...؟؟؟
العجايز براحة عليهم ....
لكن الشفع الصغار ما تقصر معاهم ....
***************************************
يا زول ديل ما فوكم حاجة انا نمت وغبت عن المنبر عشرة ساعات ما جابو قون واحد
بالله الصاحي ليها شنو؟
اسا مفروض لو انت متابع المباراة تكون النتيجة تعدلت ل 50 من جانبي والجماعة زي النادي الفلاني اوعا تكون رشاشة
صفر كبير على الشمال
فكان فرجتها على هؤلاء جائز تفرج السنة دي على هلالنا الحبيب
بس اصبر ليهم
بوريهم نجوم القايلة
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: Ali Alkanzi)
|
علي يا كنزي دائما خلي مداخلاتك بعد نهاية اخر مداخلة ...
عشان ترتيب المداخلات و كدا ...
اللعب النضيف حلو ...
طق طق الجماعة ....
احمد محمد عمر دا برضو مع الخيانة و كذلك حافظ و ان غلفوا مداخلاتهم بالحلوى و الشيكولاته ....
ابو سن رشو كويس لو اديتو فرصة بضيعك ...
ايمن الفاضل برضو تبع الجماعة و إن اظهر عكس ذلك ...
ود المشرف بستهبل ما تضمنو .....
الفحل و المسلمي ديل ما مضمونين في اي لحظة ممكن يغيروا إتجاههم .....
بي إختصار كدا انا الوحيد الشايت معاك ....
لو احتجت لي(و ما اظن) قول لي عوك تجدني من الداعمين...
وفقكم الله و سدد خطاكم ....
و اطمنك انا احمر وهاج .....
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: ABUHUSSEIN)
|
يعني نبطل شغل ولا كيف ؟
الحريقة أهبهب ليكم فيها الليل كلو ولمن اغيب شوية في الشغل ألقاها انطفت وانتو بتتفرجوا !!!!
أصلو مافي زول يعتمدوا عليه في البورد دة !
كتر خيرو حافظ هبهب شوية لكن لياقته ما ساعدتو
شوف يا كنزي
هسة أنا لو قلت ليك انت كمثل الحمار يحمل اسفار ولا قلت ليك والله إنت كالأنعام بل أضل سبيلا بتقول لي جزاك الله خير وانت استشهدت بالقرآن ؟
تعال جاوب سؤالي دة عشان تاني ما كل ما ألاقيك أقول ليك يا حمار واقول ليك دة اقتباس من القرآن ورفع مصحف وبتاع
أب سن خاطبك بخطاب القرآن للجاهلين وكان لاويتو شوية كان بقول ليك كالأنعام
دحين سبب وااااحد يخليك تسكت ليه مافي
إن خايف منه قولها عديل ما تقعد تغلفها بالقرآن
وإن بقيت ما جاهل زي ما قال عليك اب سن شد الحصان دة وادرع سيفك وورينا شنو حيعملوا الكنزي وجنوده وكراماته في المدعو أب سن
يلا ولعوا لينا البتاعة دي خلوني اتغدى واجي استمتع بالآكشن
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: Ali Alkanzi)
|
أب سن يحرشو ليه شنو !
هو لحدي هسة ما فاهم المشكلة وين 
دخل يتونس مع كبر صاحبه فجأة لقى الموضوع قلب تكبير وتهليل ويا خيل الله اركبي
أبو سن خليه لحدي هسة محنان في المصيبة الجاتو في صمة خشمو دي
انت الكبير يا كنزي .. تعالى على روحك شوية واركب الحصان
أبقى احسن منه وما تخذلنا ياخ
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: Ali Alkanzi)
|
علي يا كنزي لغاية الآن كل اللي دخلوا البوست إما تبع الخيانة او بشتتوا في الكورة لمصلحة الخيانة ...
و اخطر ما فيهم الطابور الخامس و ديل بجو داخلين بي مظهر إنهم اصحابي ...
انا في المنبر دا ما عندي صاحب ديل كلهم عاملين فيها اصحابي و انا عارفهم كويس و ما ممكن اديهم شرف هم ما بستحقوه ....
شفت ناس عووضة الخاتي صورتو الزي صورة الجماعة المعلنيين عن جدهم خرج و لم يعد و ود القوز دا اخطرهم لا بعرفو و لا سمعت بيه قبل كدا و عامل فيها بهظر معاي ....
سيروا و عين الله ترعاكم
و لا نامت اعين المرجفين ...
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: ABUHUSSEIN)
|
ما تتصلح معانا يا أبو الحسين يأخ .. ههههههه
هسه إنت بتحرش كنزي عليّ ولاّ الحاصل شنو ؟..
عليك الله انا ماصاحبك !!
هل ده إكرامك لزوار بوستك من الاصحاب ..
تقوم تتبرى مني بس عشان آكشن زائل ..
وأريتو ذاتو كان آكشن يستاهل ..
عمنا الكنزي ماقادر يواكب بوستاتكم ..
الكلها دردقة وعفّيص وكنديك تراب دي ...
والله أنا لو مكانو كان جضمتكم وقطعت طاريكم ..
أبو حسين يا مغرض عامل بوستك الكلو دردقة وقنطير ده .. ...
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: جمال ود القوز)
|
آمنت بالله ....
لاحظت للتشفير و فك التشفير دا ....
الكتب الشفرة دا الكي بورد عند المدام ما بتديه ليه إلا بعد معاناة ...
قعد يتراجف كالعادة ...
جاء المصيبة دا فك الشفرة في ثواني ....
ديل ناس انا اصاحبهم ... !!!!!!
ود القوز اكلو ناركم الزول دا حسب رأيي انا غالبكم 0/10
و انتم عصبة و هو وحيد يعني اتفوق على ميسي زاتو ....
و في ميزان حسناته ان شاء الله ....
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: ABUHUSSEIN)
|
يا ابو حسين
تصدق انا ذاتي ابو حسين
ثاني اولادي اسمو الحسين
والله دا لو جبتو للعجائز ديل يهريم هري
عمل الخدمة العسكرية في الجيش السويسري
واصلو ما برضا في ابوه
بس انا ماشي انوم اسا
بالله عد لي الاقوان الجبتها اليوم بالنهار
وخليت ليهم الليل بحس حراسي واقف بالمرصاد لاي حركة كدا ولا كدا
بمعطهم ليك
ودا الحالة بدون وضو الكرامات شغالة
والله اتوضاء واقيم الليل
فارتغ ليك التيم كلو
كلو واحد يمشي على قبله ويقول :
بالله أنا ما شليق
اسا اجابني انا هنا شو
والكنزي دا من زمان بكري داسيهو وين؟
الله يستر من تسجيلات اخرى
جاي يجي واحد (اختر) من الكنزي دا
اها ابوحسين
خليتك في العقب
بكرة عدل النتيجة
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: Ali Alkanzi)
|
1 :- بالله عد لي الاقوان الجبتها اليوم بالنهار
2 :- اها ابوحسين
خليتك في العقب
3 :- بكرة عدل النتيجة
ههههههههههههاي ... حارس ليلي ...
مش في مثل كدا بتاع ما تهظار شنو
كدا ولا تخلي القيامه تقوم ....إلخ...
بالمناسبه إتا منبثق من وين ...
اجدع الرابط ....
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: MOHAMMED ELSHEIKH)
|
Quote:
أعظم تلاتة لعيبة سجلم بكري أبوبكر على مدار عمر المنبر هم:
جادات
الصائم
الكنزي |
ابارك للمدعو على محمد الفكى
____
سيد البوست ازيك ... و دايماً منبزق ان شاء الله
____
المسلمى انا ما معاهم ... حتى اسأل ود اب سن
انا ماسك فى تلابيب اخونا قبّاك و بس
اضف الى ذلك .. أنى مرفوع عنى القلم
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: Osman Awoda)
|
سلام للجميع
أبو بكر عباس المنبر مليان تحف لا تعد و لا تحصى لكن الكنزي قمة ...
Khalid Basheer حافظ نعم حريف لكن ما ظريف دمو تقيل جداً
Osman Awoda العزمك منو عشان تدخل زاتو ...
جمال ود القوز بطل لف و دوران خلينا نشوف شغلنا
Ali Alkanzi لينا الشرف نكون أبوات الحسينين ...
Salah Zubeir حاج الطيب ما تحرف لي البوست من هدفه النبيل ...
MOHAMMED ELSHEIKH الحمد لله الآمنت في البوست المبارك دا
جلالدونا أهلاً و سهلاً ياخ و عقبالك إن شاءالله
أحمد محمد عمر الكنزي عارف كل شي لكن ما بجاري المهاترين في مهاتراتهم ...
Osman Awoda القرد اليعضيك ... أقول ليك وين بس ....؟؟؟
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: ABUHUSSEIN)
|
بالله شوفو ابوبكر عباس
العامل مستنير بقول شنو:
أعظم تلاتة لعيبة سجلم بكري أبوبكر على مدار عمر المنبر هم:
جادات
الصائم
الكنزي
لكن للحق، الكنزي تحفة الأسافير من يوم بيل غيتس أخترع النت
لكن للحق، الكنزي تحفة الأسافير من يوم بيل غيتس أخترع النت
بالله صحي هو بيل قيت هو الاختراع النت
لا حولا
شفتا حال مستنيري المنبر
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: عزالدين عباس الفحل)
|
يا ابوحسين
بالله يا اخي عزالدين الفحل دا عضدي في المنبر فلا تفرق بيني وبينه
ولكن ود المسلمي دا ما مجرب
واخذه كحليف وليس عضد
لأنو زي المسلمي دا تجري عليه ما جرى على الثعلب
عندما سأل واحد من اصحاب الخيال الخصب فردتو وجليسو
قائلاً:
يا فردة انت الثعلب دا ببيض ولا بلدي؟
فاجابه الفردة قائلاً:
يا فردة الثعلب دا ما مضون ممكن يعلمن ليك الاثنين.
| |
|
|
|
|
|
|
|
|
 Re: ***** الكنزي 10 منتخب بورداب العالم 0 ***** (Re: Ali Alkanzi)
|
Ali Alkanzi
سلام ي الكنزي ،
إنت إنسان راقي و فاهم ،
أبو حسين دا أسد المنبر ،
الضرغام ،
***
الأخ الكنزي بالله رسل رقم تلفونك ع الماسنجر ،
في سراااااااع ،
لك من الود ما تعجز عن وصفه ،
،،،،
Quote:
يا ابوحسين
بالله يا اخي عزالدين الفحل دا عضدي في المنبر فلا تفرق بيني وبينه
Ali Alkanzi
،،،،
|
عزالدين عباس الفحل
ابوظبي
| |
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: Ali Alkanzi)
|
بالمناسبة الكنزي الاسفيري سيظهر دماً ولحماً على صلاة المغرب بشارع واحد العمارات في دعوة الاخ مجيدو
الذي ما زال عندي اخ اسفيري لحضور قران كريمته منى
اسأل الله من قلبي ان يسعد منى وزوجها ويرزقهم الذرية الصالحة وان تسعد الاسرتان على امتداد رحمها بزاوج تحفه الرحمة والسكينة
واسأل الله ان يهون لي المشاركة هذا المساء
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: Ali Alkanzi)
|
يا كنزي خليني من استنارة ابوبكر العرجاء دي ...
4 سنوات ما عمل اي حاجة ...
بالعكس المنبر بقى مضلم عديل كدا ...
انت مؤهل اكتر منو لإحداث إستنارة حقيقية ...
بدليل انو كتير من البوستات فتحت عنك و عن استناراتك ....
المنبر محتاج لي واحد زيك عشان يحقن المنبر بي جرعات من الاستنارة ...
و لا تلتفت لصيحات الرجرجة .....
و جزاك الله خيرا و سدد الله خطاكم ...
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: جلالدونا)
|
كيف يعني يا كنزي، بيل غيتس ما أخترع النيت؟!
أخترعها ونص
الدليل
أويل فيها مسلمين وعندهم مسجد كنا بنصلي فيهو جماعة،
نحن ما ننضم ساكت
وأي زول يعترض علينا بنسكتو
بنسكتو
عاجل عاجل
قناة تلفزيون الجزيرة الريفي هي الأعلى مشاهدة من قبل باعوض الرودس
كلاب
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: جمال ود القوز)
|
يا ود القوز
تحياتي
قولك:
Quote: أها وصلتوا وين ؟ ..
النتيجة كم كم ياحكم ؟ .... |
واضح انو المبارة دي انتهت لصالح الكنزي وطبعاً دي نتيجة مخيبة لمنتخب البورداب العالمي
لانو مبارة الرد في ارض الكنزي
وح تكون صعبة على منتخب البورداب احراز ١١ هدف والكنزي واقف يتفرج
لهذا اتوقع انسحاب منتخب بورداب العالم من المنافسة
وبالتالي بكري ابوبكر ح يسحب تسجليهم من المنبر لانهم لم يراعوا نظم المنافسة واحترام اللوائح
بس بالله بكري دا كلموه ما يستعجل ويطلع قرار قبل ما نشوف اخرتا
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: ABUHUSSEIN)
|
بالله يا ابوحسن
النتيجة بقت:
كدا النتيجة أصبحت 0/15 لي صالح الكنزي....
طيب بالله ما تعدل البورد عشان الجماهير تعرف
عارف يبدو انو التيم ح يطعم بعد ايام بالبورداب الفي اجازة ح يدخلو ويدعمو منتخب بورداب العالم
بس مسكين الكنزي زي ابوذر القفاري
لكن واضح الحكم معاهو ويبدو انو عندو معجبين بس منتظرين نهاية المبارة
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: ABUHUSSEIN)
|
بالله يا ابوحسن
النتيجة بقت:
كدا النتيجة أصبحت 0/15 لي صالح الكنزي....
طيب بالله ما تعدل البورد عشان الجماهير تعرف
عارف يبدو انو التيم ح يطعم بعد ايام بالبورداب الفي اجازة ح يدخلو ويدعمو منتخب بورداب العالم
بس مسكين الكنزي زي ابوذر القفاري
لكن واضح الحكم معاهو ويبدو انو عندو معجبين بس منتظرين نهاية المبارة
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: ABUHUSSEIN)
|
والله انتو خطيرين يا الاسفريين
Quote: أخونا الكنزي أخبار مشاركتك لي أخونا مجيدو وصلتني...
الكرفتة المخططة بي الأبيض و الأسود رهيبة .... |
طيب المشاركة دي بكم قون؟
والكرفتة دي بكم قون؟
يا الله ورينا النتيجة في لوحة المباراة
يا اخي مجيدو دا رجل رائع واحباءه اكثر روعة
وكان الحضور ما شاء الله رجالاً ونساء
والمديح شغال على طول
والصالة روعة
والصلاة اروع (صلينا المغرب في مسجد الاطباء البيطريين بدراهم شارع واحد)
بس واحد خاين قالي بالله عليك تهمس في اذني انو الاستاذ كان بعمل في شنو؟
بالمناسبة ذهبت برفقة عمدة قريتي والقرى التي حولها الأخ العزيز العمدة مصطفى الفاضل عمر.
بالمناسبة كيف انزل الصور؟
| |
|
|
|
|
|
|
|
|
 Re: ***** الكنزي 10 منتخب بورداب العالم 0 ***** (Re: ABUHUSSEIN)
|
ارفعوا أيديكم عن الكنزي ..
الكنزي ما يتّاكلش أوانطة ..
الكنزي أصالة/مُعاصَرة
الكنزي عُرب/فرنجة ..
الكنزي سندباد سودانيز آل - برنجيها ..
الكنزي، لحمه مُــرْ ..
وَ ... بشهادة الضّاقينّه
قبل آل-شامِّينّه ..
أخاف يلحّقكم الصِّحْ
وإن بغير طريق الصُّــحْ ..! فكافّة الطّرق مُمشاة بأقدام الكنزي أب كرامات واضحات قانتات قليل فَلَتانِها ..
ـــــــــــــــــــ
أبا حُسين، ليك التحايا ..
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: محمد أبوجودة)
|
عفرام عليك يا ابوجودة
ما قلت إلا الحق
يا زول انا لحمي مر ما بتنكل
وشوف قولك:
ارفعوا أيديكم عن الكنزي ..
الكنزي ما يتّاكلش أوانطة ..
الكنزي أصالة/مُعاصَرة
الكنزي عُرب/فرنجة ..
الكنزي سندباد سودانيز آل - برنجيها ..
الكنزي، لحمه مُــرْ ..
وَ ... بشهادة الضّاقينّه
قبل آل-شامِّينّه ..
أخاف يلحّقكم الصِّحْ
وإن بغير طريق الصُّــحْ ..! فكافّة الطّرق مُمشاة بأقدام الكنزي أب كرامات واضحات قانتات قليل فَلَتانِها ..
بالله كلامك دا اوزنو شوية
يعني على وزن الشعر الغنائي خلينا نديهو للبعيو اغنيهو
وندعي ناس فلان يجو حررو الحفلة
اقول ليك سر:
اسا الكنزي دا كرامتو تترى واحدة عقب التانية
والحالة بدون وضوء
دا لو اتوضا يعمل فيكم شنو؟
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: محمد بدرالدين)
|
ود الشري العارض قوم لف ...
مليتنا فقر لم دفقنا .... 😂😂😂😂
*********
الكنزي انت بتشقلب الاسماء دي متعمد و ل دي رجفة ... 😂😂
**********
ابو جودة العسل ليك كل الود و الاحترام ياخ
شهادتك في كنزينا ما ساهلة و الله ...
************
جلجل الخازوق قوم لف انت و ودالمدير معاك .....
************
كنزي ركز معانا ياخ ما تقعد تقلبن لي الحروف لم تعوقني انا زاتي ...
الضابط جاء الصباح داخل المركز مسك يقلب في البلاغات
لقى محضر بتاع اتنين مسكوهم بالليل
نادى العسكري العامل البلاغ
سألو :- انت كاتب ((وجدتهم يتعارقان ...)) دي يعني شنو ؟؟
قال ليه : سيادتك كانو يحتسون العرقي ....
الضابط ضحك و قال ليه : الحمد لله ما كان كونياك
انستر معانا يا كنزي و إلا النتيجة حا تتغير و ما لي مصلحتك ...
*****************
اخونا محمد بدرالدين كل الود و الاحترام ليك
يا سيدي انا صاحب البوست و الحكم و بتاع الراية و المراقب
و جاهز لي اي طارئ...
تحياتي و احترامي للجميع
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: ABUHUSSEIN)
|
الف شكر حبيبنا الحسين للرد و التوضيح
و انا كنت اعتقد صراحة ان المسالة تنوير و مناصحة بين اخوة و احباب ....و لم اتوقع ان يكون هناك منتصر و مهزوم او نتيجة تحسم لصالح طرف ...كنت اعتقد مسلم يوضح لاخيه المسلم خطاؤه .. .. ليقويه و ليس ليهزمه ..فالمسلم قوي بدينه و الدين هو الذي يقويه ..و من تمام الايمان ان نحب لاخوتنا ما نحبه لانفسنا ... و انتم و الجميع ادري مني بذلك ...و نحن امة دعوية ...
...والله صراحة اتمني ان يسود المحبة و المودة و روح الايثار و تقبل الراي الاخر بكل اريحية و محبة .. و ان نجعل من اختلاف رؤانا قوة .. و ان نجعل ما نكتبه لجمع شمل و نيل حسنات و ثواب
لكم جميعا تقديري و مودتي
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: ABUHUSSEIN)
|
الاخ ابوحسين
بتقول لي:
| Quote: الكنزي انت بتشقلب الاسماء دي متعمد و ل دي رجفة ... 😂😂 |
وتاني قول:
| Quote: كنزي ركز معانا ياخ ما تقعد تقلبن لي الحروف لم تعوقني انا زاتي ... |
وتالت بتقول:
| Quote: انستر معانا يا كنزي و إلا النتيجة حا تتغير و ما لي مصلحتك ... |
اول حاجة يا اخوي المباراة انتهت لصالح الكنزي وممكن تغير النتيجة في مباراة الرد
هو انا في المنبر دا بشغلب الناس خلي الاسامي خطير يا كنزي
وكمان بشغلب الحروف
يا اخي اخوك بكتب على طريقة اللمس بدون نظر وليس بنظر زي حقت عبدالرحيم والي الخرطوم
واقول ليك :
بالمناسبة انا عامل حسابي لأي هجمة مرتدة منك او من أي متداخل
وكمان عامل حسابي للنيران الصديقة
الاثنين ديل بخمدم ليك قبل ما يتحركوا
يازول القدرة الدفاعية عند الكنزي عالية جداً شي صواريخ جو جو وشي صواريخ جو ارض وشي صواريخ ارض ارض وشي صواريخ ارض جو
يعني مافي نفس لزول يتحرك من مكانو
فلا تحدثنك نفسك بتعديل النتيجة وبالله صفر نهاية المبارة عشان نستعد لمبارة الرد
يا اخي مشيتي لمجيدو دي براه بعشرة اقوان ؟
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: Ali Alkanzi)
|
Quote: الف شكر حبيبنا الحسين للرد و التوضيح
و انا كنت اعتقد صراحة ان المسالة تنوير و مناصحة بين اخوة و احباب ....و لم اتوقع ان يكون هناك منتصر و مهزوم او نتيجة تحسم لصالح طرف ...كنت اعتقد مسلم يوضح لاخيه المسلم خطاؤه .. .. ليقويه و ليس ليهزمه ..فالمسلم قوي بدينه و الدين هو الذي يقويه ..و من تمام الايمان ان نحب لاخوتنا ما نحبه لانفسنا ... و انتم و الجميع ادري مني بذلك ...و نحن امة دعوية ...
...والله صراحة اتمني ان يسود المحبة و المودة و روح الايثار و تقبل الراي الاخر بكل اريحية و محبة .. و ان نجعل من اختلاف رؤانا قوة .. و ان نجعل ما نكتبه لجمع شمل و نيل حسنات و ثواب
لكم جميعا تقديري و مودتي |
ما فهمت الموعظة دي سببها شنو .... ؟؟؟
وين الكلام الانت كتبت عنه الموعظة دي في البوست دا ... ؟؟؟
وين الحتة اللي انت كتبت عنها من تمام الايمان ...؟؟؟
اتمنى انو الناس قبل ما تكتب تفهم و توزن كلامها .....
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: ABUHUSSEIN)
|
عارف يا ابوحسين
اخونا محمد بدرالدين
قبل كدا قلتا ليهو انو مداخلاتو زي الماء الطهور
لا لون
لا طعم
لا رائحة
لها
رجل مسسسسسسسسسالم مبالغة في المسالمة لحد فظيع
عشان كدا طيب خاطرو وقول ليهو حاضرين
مودتي للاخ محمد بدر
واقول ليهو دا طرحي تندري وفكاهي ولا صلة له بهزيمة احد او كسب احد
وكان انت داير الحقيقة الكنزي مهزوم الف مرة لانه لم يكسب صديق واحد إلا مجيدو بالقصب كدا
ولكن كسب عداوة لا اول لها ولا اخر
واني صابر على النار التي يوقدها الاشرار
ولك يا ابوحسين مودتي مرتين
بس حذاراك ثم حذاراك ثم الف حذاراك ان تعدل النتيجة
| |
|
|
|
|
|
|
|
|
 Re: ***** الكنزي 10 منتخب بورداب العالم 0 ***** (Re: Ali Alkanzi)
|
Quote: الكنزي مهزوم الف مرة لانه لم يكسب صديق واحد إلا مجيدو بالقصب كدا
ولكن كسب عداوة لا اول لها ولا اخر |
هنا ممكن تحرز اهداف كتيرة بي الشوته دي ......
دا نقد زاتي راقي جدا .....
رأيك شنو تسترسل في الحتة دي و تقول على الاسباب اللي خلتك تقول كلامك دا ...
احييك بشدة على كلامك دا ...👍👍👍👍👍👍
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: ABUHUSSEIN)
|
عارف يا ابوحسين
مجتمعنا محتاج لهزة وصدام غير دموي
لانو العقل السوداني راكد
وغير منتج
عشان كدا لسا منبهرين من فلان وعلان
وعشان كدا ممكن يجي واحد زي البشير يحكم ثلاث عقود ونيف ولا عين ترمش له او لنا
لهذا اخترتا انا الصدام الغير دموي لهز بعض العقول الراكدة ليتحرك دمها الاسن في عقولها
بالمناسبة
خلقتُ مصادماً ولكن بغير عنف وفي اغلب معاركي اخرج منتصراً
ولو ما اخاف الكذب اقول كلو معاركي
وفي جنيف لي بصمات في مواقع عملي ومجتمعي الاسلامي والعربي والسوداني
ولا اخشى غير الله احداً لأني لم اجد من دونه ملتحداً
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: Ali Alkanzi)
|
اخى الاكبر مقاما شيخ على
مودتى و تقديرى
اشكرك جدا على رايك ف شخصى القوى بكم
فشهادتك ( زى الماء الطهور .. لا طعم .. لا رائحة .. لا لون ) يكفينى فخرا
فمن الماء جعل الله كل شىء حى ..
و ان زدت عليه و طهرتنى .. فلك الثناء و من الله الجزاء الاوفى خيرا ف دنياك و اخرتك..
شيخ على انت ادرى منى باننا امة داعية للخير
و ان نتاسى و نقتدى بالحبيب المحبوب ناصر الحق بالحق و الهادى الى صراطه المستقيم باللين و اللطف و الموعظة الحسنة و لو كان فظا غليظ القلب لانفضو من حوله و لكن كان خلقه القران رءؤف رحيم .
و الف شكر ايضا على (رجل مسسسسسسسسسالم مبالغة في المسالمة لحد فظيع ) و هذا ما اعتقدته فى اخلاق المسلم .
و ايضا تقديرى لك و انت تدعو الاخ حسين (عشان كدا طيب خاطرو وقول ليهو حاضرين) لان تطييب الخواطر له اجر و ثواب ..
اما المودة و التقدير .. فلك اضعاف اضعافها من قلب صادق مسامح يدعو للجميع بالخير .
و التقدير ايضا لصاحب البوست ان اخذنا من بوسته و ردينا فيه على شكر و تقدير اخينا شيخ على لنا
المودة و التقدير للجميع
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: ABUHUSSEIN)
|
تحياتى و تقديرى اخى الحسين.
مشاركتى كانت تقديرا لك و للبوست ..
و كلامى كان عن المباراة
و المباراة اعتقدتها بوست القبانى و تصدى الحبيب الكنزى له ..
اذا كان المبارة التى قصدتها انت ليس هو بوست القبانى ... اعتذر بشدة لك و لك العتبى حتى ترضى .....
اما اذا كان هو بوست القبانى ... فكلامى كما هو ان الموعظة و تمام الايمان مرتبطتان بذاك البوست ...
و انا وزنت كلامى علىه و على ما جاء فيه ,,
و اعتقدت ان الشيخ على اراد نصح صاحب البوست .. حيث لنصيحة باللين و الترغيب افضل و اوقع ف النفس .. و وجدته ف هذا البوست قد فاز مش ب10 بل بخمسين
لهذا قلت ليس بين المسلمين منتصر و مهزوم .. انما قوى و ضعيف و هذا الضعيف نقويه بالدين لان قوة المسلم فى دينه
و لم اتوقع ان يكون هناك مباراة و منتصر و مهزوم بين اخوة مسلمين ... هذا ما قصدته ايها الحبيب ..
.. و للجميع مودتى و تقديرى
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: محمد بدرالدين)
|
بالله يا بدرالدين
اسا الردحي والاصرار على سب الدين من قبل (قبة) كما يلقبونه
دا خلق مسلم حتى تبلغ به الجرأة والجراءة انه سب الدين وانه على استعداد ان يسب لي الدين
وبرضو الناس واقفا في صفو
الموعظة الحسنة قلتها له في اول مداخلتي ايها
ونصحته بتعديل عنوان طرحه ولم يجب وخاطبت الاخ بكري ابوبكر لم يكن رأيه مثل رأي
لهذا سأكيل (لقبة) بالمكيال الثقيل إلى ان يرعوي ويعود للحق والفضيلة
فهو عندي انسان آبق
وانا له بالمرصاد في طرحه ذاك ولكل من ناصره
وهي من علامات الساعة ان تجد للباطل نصيرا ولا تجد للحق نصيراً
ولا نامت عين كل معتدٍ اثيم
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: Arif Nashed)
|
با عارف العارف
سعيدين بهذه العودة ووجودك وسط من يحبونك
لكني بنصحك ما تخش طوالي في اطروحات ابوحسين لانها ما مضمونة بتزلق
فاعمل حسابك
سخن في اطروحات اخف من دي حتى تتخطى مرحلة النقاهة
عشان كدا انا قلتا ليه مهئ نفسي لاي هجمة مرتدة او نيران صديقة
ابوحسين دا ما مضون
دا زي الثعلب عند اصحاب الخيال الخصب
يعني الاثنين ممكمن يعملن
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: Arif Nashed)
|
سلام يا عارف العارف
سؤالك عن النتيجة وصلت وين ؟
زي ما قلت ليك ابوحسين والله ما مضون
وممكن يعمل هجمة مرتدة وتجي اقوان كتيرة وانا اخاف
الحكم ينتقض العشرة اهداف التي احرزتها
لهذاطبت منه انهاء هذه المبارة
وندي الفرصة لمنتخب بورداب العالم في المباراة القادمة
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: Ali Alkanzi)
|
محمد بدرالدين ياخ اتشرفت بي معرفتك و نعم الرجال ...
*****************
اهلا بيك عارف
كدي كمل فترة النقاهة و بعدين اقعد دافر ... 😂😂😂
كرباوي كيف ياخ ... ؟؟؟
بوست من عرق جبيني عملتو لي كرباوي ...!!
بعدين ملعوب بي حرفية دي بتدخل الشك في نفوس الكتيرين انا زول برئ و على نياتي كلامك دا بطفش مني الزبائن ياخ ....
بعدين الغرض نبيل .... 😂😂😂😂
**************
علي يا كنزي
ياخي صفي النية و قول خير مطلعني ثعلب كمان ... ؟؟؟
.....
......
أَلَمْ تَرَ كَيْفَ ضَرَبَ اللَّهُ مَثَلًا كَلِمَةً طَيِّبَةً كَشَجَرَةٍ طَيِّبَةٍ أَصْلُهَا ثَابِتٌ وَفَرْعُهَا فِي السَّمَاءِ (24)
الكلمة الطيبة اصلها ثابت و فرعها في السماء
ادْعُ إِلَىٰ سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ ۖ وَجَادِلْهُم بِالَّتِي هِيَ أَحْسَنُ ۚ إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِ ۖ وَهُوَ أَعْلَمُ بِالْمُهْتَدِينَ (125)
الدين ما فيه صدمة ...
الصدمة دي بعالجو بيها المجانين و ناس النفسيات ....
الحكمة و الموعظة الحسنة و الكلمة الطيبة هي اللي بتحبب الناس في الدين و في بعضهم البعض ...
كتير من الناس استقامو و اسلمو بسبب حبهم لي مسلم طيب اللسان و المعشر فكانو خيرا من مئات المحاضرات سمعوها من شيوخ مكروهين .....
تحياتي و احترامي للجميع ...
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: ABUHUSSEIN)
|
با ابوحسين
قولك:
Quote:
علي يا كنزي
ياخي صفي النية و قول |
اظنها ما غابت عليك هي روح الداعبة فيها
كما انها تحسباً من ان تنتهي المباراة بنتيحة ليس لصالحي
عشان كدي ارجوك تنهي المبارة حالاً
وخلي البوداب يسجلوا العائدين بعد غيبة والذين تم تسجيلهم حديثاً عسى ان يكون بينهم لاعباً ماهراً
############
اما قولك:
Quote: عُ إِلَىٰ سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ ۖ وَجَادِلْهُم بِالَّتِي هِيَ أَحْسَنُ ۚ إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِ ۖ وَهُوَ أَعْلَمُ بِالْمُهْتَدِينَ (125)
الدين ما فيه صدمة ...
الصدمة دي بعالجو بيها المجانين و ناس النفسيات ....
الحكمة و الموعظة الحسنة و الكلمة الطيبة هي اللي بتحبب الناس في الدين و في بعضهم البعض ... |
############
عارف انا اكثر الناس تشددا وعملاً بما قلت اعلاه
وازيدك من الشعر بيتاً ان الدين عندي في حسن المعاملة وليس في الفقة
والعمل عندي اقيم من العلم لان العلم يجب ان ينعكس على تصرفات الانسان
ولكن:
هناك مواقف لا تقبل منطقة وسطى ما بين الجنة والنار
ورسول الله صلى الله عليه وآله وسلم كان لا يغضب لنفسه ولكنه يغضب لله
فلو (قبة) تحدث عن الزنا مثلا او الخمر لكان ردي له بالحسنى
ام سبه للدين واصراره عليه فساكيل له من العيار الثقيل حتى يرعوي
##########
لك ودي
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: Ali Alkanzi)
|
Quote: اظنها ما غابت عليك هي روح الداعبة فيها
كما انها تحسباً من ان تنتهي المباراة بنتيحة ليس لصالحي
عشان كدي ارجوك تنهي المبارة حالاً
وخلي البوداب يسجلوا العائدين بعد غيبة والذين تم تسجيلهم حديثاً عسى ان يكون بينهم لاعباً ماهراً |
الدعابة ما الداعبة يا كنزي ... 😂😂😂
انا لو حسبت ليك فاولاتك في البوست دا صدقني بتطلع مغلوب 0/20 ... 😂😂😂
بعدين شايفك بتنادي بي انهاء المباراة كتير .... عايزني اعلن فوزك قبل الزمن الرسمي ...؟؟؟
و المنبر كلو بعدين يكورك التحكيم فاشل ....؟؟؟؟؟؟
............
كلامك دا
Quote: وازيدك من الشعر بيتاً ان الدين عندي في حسن المعاملة وليس في الفقة
والعمل عندي اقيم من العلم لان العلم يجب ان ينعكس على تصرفات الانسان |
مش بتناقض مع كلامك دا :-
Quote: الكنزي مهزوم الف مرة لانه لم يكسب صديق واحد إلا مجيدو بالقصب كدا
ولكن كسب عداوة لا اول لها ولا اخر
|
و نحن في المدرسة بتلقانا بنحب المادة اللي بكون استاذها محبوب و كل الطلبة بنتظرو حصتو بفارغ الصبر حبا في الاستاذ و ليس حبا في المادة ...
و كتيرين كرهو المادة بي سبب استاذها ....
يعني الاستاذ اهم من المادة ....
كذلك الدين جاء لتهذيب النفوس و بالتالي خلق مجتمع سليم ...
تحياتي و احترامي للجميع ...
| |
|
|
|
|
|
|
| |
ABUHUSSEIN
محمد المسلمي
Ali Alkanzi
عبدالحفيظ ابوسن
عزالدين عباس الفحل
Hafiz Bashir
أيمن الفاضل
محمد حيدر المشرف
أبوبكر عباس
Khalid Basheer
Osman Awoda
جمال ود القوز
MOHAMMED ELSHEIKH
Salah Zubeir
جلالدونا
Rami Abdelkareem
محمد البشرى الخضر
محمد أبوجودة
محمد بدرالدين
Arif Nashed
عبدالعزيز الفاضلابى
فيس بوك
تويتر
انستقرام
يوتيوب
بنتيريست