|
|
|
 Re: بطء المحاكم (Re: عبدالحفيظ ابوسن)
|
الضمان الاجتماعي بتاخد 8% من العامل و17% من المخدم
وترجعها ليك بعد تركك العمل لأي سبب
النسبة بتتأخد من مجمل الراتب والمعاش بتأخد من المرتب الاساسي !!؟؟
يعني ممكن تكون بتقبض 5 مليون ومرتبك الاساسي 900 الف !!!
وبعد سنوات برجعو ليك قروش زي الخاتيها في صندوق توفير !!!
| |
 
|
|
|
|
|
|
|
|
Re: بطء المحاكم (Re: يحي قباني)
|
الموضوع غاظني يا قباني وفور دمي
بعد تشيل قروشو تقوم بعد عشرين تلاتين سنة ترجعها ليهو هي زاتا . وانت عارف الغلاء المتسارع
| |
|
|
|
|
|
|
|
|
|
Re: بطء المحاكم (Re: عبدالحفيظ ابوسن)
|
صباح الخير استاذ / عبدالحفيظ
يبدو ان الرواية من صديقك غير مكتملة قضايا العمل من القضايا المستعجلة وينظرها القضاء بسرعة لا نقول كبيرة مقارنة بالانظمة العدلية المتقدمة ولكن نقول لا يمكن ان تكون بطول الفترة التى ذكرها صديقك .
بصفة عامة مشكلة البطء القضائى صفة ملازمة للقضاء من فترة طويلة وكانت واحدة من الاسباب التى تحجج بها النميرى فى اضراب القضاة الشهير والمصيبة الاكبر مازالت القضائية تردد نفس التبريرات منذ تلك الفترة النقص فى الكادر البشرى عدم التدريب الكافى قلة المعينات .
عندما تردد نفس الاسباب لمدة 40 عام دون معالجتها فهذا فشل ادارى غير مقبول مع الوضع فى الاعتبار توفير الدولة اعلى الرواتب فى القطاع الحكومى للقضاة وتوفير المبانى الفخمة والمركبات والسكن مع تعيين عدد لا يستهان به فى الجهاز القضائى
اما من الجانب الاخر فإن عدم وجود مستندات للاثبات واللجوء للشهود فى كل الدعاوى هى واحدة من اهم اسباب التأخير ان يكون مواطن لا يملك اوراق ثبوتية او تاجر يتعامل بدون مستندات اضف الى ذلك المواد الاجرائية فى قانون الاجراءات المدنية التى يمكن ان يستغلها احد الخصوم فى تطويل النزاع وبالقانون.
يجب مراجعة التجربة بواسطة متخصصين ومن المهم ان يكون ضمن اللجنة خبرات عملت فى الخليج لمعرفة مكان الخلل ومعالجة النقص حتى وان تطلب الامر تعديل فى القوانين.
الفصل العاجل فى النزاع هو نوع من العدالة
| |
|
|
|
|
|
|
|
|
|
Re: بطء المحاكم (Re: عبدالحفيظ ابوسن)
|
ابسن
واحد من بلدنا شحن لوري بطيخ
اهااا اخر اليوم جاهو سيد اللوري في البيت عشان يحاسبو
بدا الحساب : حق اللوري كده ، القبانة كده ، الزكاة كده ، وصلت السوق الشعبي لقيت السوق نايم بعت بي كده وحقك ياهو ده : الفين جنيه ونص (بالقديم طبعا)
زولنا قاليهو اسي جاييني من اخر الدنيا شايل كراسك عشان تجيب لي الفين ونص ؟ عليك الله دخلن في (....)
وللعلم سيد البطيخ رجل مسن ووقور ومتدين جدا لكنه يعيش عصر البشير ،"حيث" اي حاجة ممكن تتحول لي الفين ونص ..
| |
|
|
|
|
|
|
|
|
|
Re: بطء المحاكم (Re: Abdullah Idrees)
|
ههههه
صحي يا عبدالله ادريس
واحد من ناس كوستي شال مني شيلة عرسو . وبعد سيتطاشر سنة .. وتحديدا السنة الفاتت . جاب لي خمسة تالاف .. قال لي داير مني حساب اربعة ولا اربعة وحاجة
قلت ليهو عفيتو ليك من زمان
حلف وشلت منو في صمت
جيراني حاضرين حكيت ليهم قالوا لي كان تقول ليهو جيب لي بضاعتي بس
شوف الزمن داك شوال السكر ب 64 ج واليوم بي مليون ج
هسة دة بكون مطمئن سدد دينو ؟
قربت اقول ليهو دخلن في .....
| |
|
|
|
|
|
|
|
|
|
Re: بطء المحاكم (Re: Abdullah Idrees)
|
خالنا رحمة الله عليه، موظف خدمة مدنية عمل من أيام الإنجليز واتقاعد في نهاية الستينات.
الحال كان مستور ويمكن ما يحتاج للمعاش.
المعاش حق .. عشان كده كان بيتحول ليهو في حسابه. لما إنتبه لقى المعاش الإتقاعد بيهو أصبح لا يساوي صحن فول.
طبعاً المعاش ما إتأثر بتقويم الوظائف بتاع 1978 ولا بالزيادات الأصبحت تتوالى سنة بعد سنة ... وكل ما جهة إتضايق منسوبيها وأضربوا، يزيدوا ليهم الرواتب عشان يلحقوا السوق.
لما سألت الخال ... رد لي بمرارة وتهكم .... يعني نعمل شنو ..... نضرب؟
| |
|
|
|
|
|
|
|
|
|
Re: بطء المحاكم (Re: محمد أبوالعزائم أبوالريش)
|
تشكر ابوالريش هنا و هناك
المعاش دة براهو مأساة
غير قلتو صرفو براهو معاناة
عاين شيطنة الحكومة تحسب المعاش من المرتب الاساسي
والمرتب الاساسي ضعيف لكن مع البدلات والحوافز والمنح بطبق خمسة عشرة مرات
وتشيل الضمان من المرتب كلو
| |
|
|
|
|
|
|
|
|
|
Re: بطء المحاكم (Re: عبدالحفيظ ابوسن)
|
واحد من كوستي صاحب مطعم مزدهر جدا .. شريك مع اخوهو
بعد فترة فكو الشراكة وفلس
سألتو ذات مرة عن وضعو وانا مندهش
قال لي حقي يجيب لي بوكس آخر موديل .. لكن اخوي عمل لي كراس يدفع لي بالقطارة غير آكلها حا اعمل بيها شنو
وفعلا لو استلم المبلغ كامل كان عمل حاجة
| |
|
|
|
|
|
|
|
|
|
Re: بطء المحاكم (Re: عبدالحفيظ ابوسن)
|
واحد من كوستي صاحب مطعم مزدهر جدا .. شريك مع اخوهو
بعد فترة فكو الشراكة وفلس
سألتو ذات مرة عن وضعو وانا مندهش
قال لي حقي يجيب لي بوكس آخر موديل .. لكن اخوي عمل لي كراس يدفع لي بالقطارة غير آكلها حا اعمل بيها شنو
وفعلا لو استلم المبلغ كامل كان عمل حاجة
| |
|
|
|
|
|
|
| |
عبدالحفيظ ابوسن
يحي قباني
Khalid Basheer
Abdullah Idrees
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست