|
|
|
 Re: الي متي يا مطار الخرطوم ؟ (Re: الطيب عباس)
|
السلام عليكم ورحمة الله وبركاته
يا أخي إبتسم فأنت في الخرطوم والجاتك في مالك عوقتك أكيد ولو جزئياً ومن المؤكد أن المال السايب بعلم السرقة لكن في حالة مطار الخرطوم المال الفي الحرز ربما تتم سرقته فحاميها حراميها غالبا فكيف تتجرأ وتترك شنطتك وتذهب خارج الصالة لإحضار عربة عفش وراجع عشان تلاقي الشنطة ما إتقلبت كويس إنك لقيتها أصلا لأنه في حالة رجعتك من خارج الصالة ممكن يركبو ليك شريط غنية بتقول جاي تفتش الماضي.
غايتو في خبر كده عبارة عن تعميم من سلطات مطار الخرطوم لجميع شركات الطيران مفاده "كثرة شكاوي بلاغات سرقة الهواتف النقالة من أمتعة المسافرين" فأسهل حاجة فتح شنطة بي سوسته أو سحاب (لغوياً) تعرف المسألة رأس مالها كرت سوداني نجييييط يجيب ليك السسته من عنقرتا لي أخمص قدميها ويرجعها ليك زي الما كان شئ أو حتي قلب بيك ناشف يؤدي نفس الغرض.
فنصيحتي لكل المسافرين العائدين الي الخرتوم توخي الحذر وتجفيف بارودهم وإنتظار الله ، بمعني أن تم تغليف قطعة العفش كرتونه كانت أم شنطة ببلاستيك وهو موجود في كافة مطارات الدنيا وبأسعار زهيده ، عدم ترك أشياء ثمينة في العفش الذي يتم شحنه ووضع كل ما هو نفيس في الشنطة المحمولة في اليد علي أن تكنكش فيها كنكشة ما يفكك منها حتتي السلام علي أهلك.
حللتم أهلاً ونزلتم سهلاً .
الحكاية قديمة قدم العصبة الحاكمة ودا مقال تم نشره هنا قبل عامين تقريباً عن نفس الموضوع
http://sudaneseonline.com/board/490/msg/%D9%81%D8%AA%D8%AD-%D8%B4%D9%86%D8%B7-%D8%A7%D9%84%D9%82%D8%A7%D8%AF%D9%85%D9%88%D9%86-%D8%A8%D9%85%...8%A7-1481012296.html
ودا خبر أخر فريش من صحيفة الراكوبة
https://www.alrakoba.net/news-action-show-id-183730.htmhttps://www.alrakoba.net/news-action-show-id-183730.htm
| |
  
|
|
|
|
|
| |
الطيب عباس
almulaomar
Frankly
سيف الدين محجوب
فيس بوك
تويتر
انستقرام
يوتيوب
بنتيريست