والله دي آخرتا يا ابوحراز عاوز ترجع لست النفر بـ { أضان واحدة } هو نحن بالأضانين الواحد مدة صلاحيته انتهت وما فضل ليه الا يشيل سبحة ويحرس الجامع ولامين فينا بقيت شين والحاااج طلع والحاااج سافر كمان اضان واحدة
اها والنسوان الوافدات ح يقطعوا ليهم برضو ؟؟؟
أمك تاني مافي حلق وذهب
02-22-2018, 08:00 AM
Asim Fageary Asim Fageary
تاريخ التسجيل: 04-25-2010
مجموع المشاركات: 7810
Quote: سلام مربع .. إنت أضان واحدة ما كفاية .. عاوز تسمع شنو أكتر من السمعتو
[تحياتي اخي عاصم والله سمعنا الكثير ومن يكن عاقلا عليه ان يعد العدة لوطنه الوطن بكل مافيه من آلام وأوجاع ومهما بلغت قسوتها فهي اقل وقعا وتأثيرا مما تسمعه من بعض المعتوهين
02-22-2018, 08:01 AM
ابوحراز ابوحراز
تاريخ التسجيل: 06-27-2002
مجموع المشاركات: 5545
عندنا مدير مدرسة الغنماية دخلت البيت خلسة كما يقولون قامت بت اللذين سفت الدقيق زولكم قطع ليها { اضنينها الأثنين } ومن ذاك اليوم سموها { غنماية المدير } !!!
اها نحن سفينا شنو ؟؟؟
02-22-2018, 08:10 AM
ابوحراز ابوحراز
تاريخ التسجيل: 06-27-2002
مجموع المشاركات: 5545
منذ أكثر من عشرة ايام وورقة أخصائي العيون على جيبي فقد كتب لي مواصفات ومقاسات نظارة للقراءة والله ذاتي هسي انا محتااااار أشتري وللا ما اشتري برضو كمان عمك ال محثل رجل لازال طيب القلب لأنه لم يحدد اي الأذنيين سيتم قطعها بعدين العزابة انا ماعارف وضعهم كيف لكن المتزوجين والمتزوجات ح يعانوا كثيرا وربما يصاب البعض منهم بحالات اكتئاب حادة لأنه مرات الزوجة لو نص الليل راودتها نفسها اول شئ بتهبشك من اضانك دي وممكن تقرصك فيها عديل إذا عملت فيها غتيت اها تاني تلقى ليها اضان وين ؟؟؟؟؟؟ غايتو الواحد بقى عايش فوبيا غريبة ومزعجة اول مايقوم من النوم يتفقد جسمه كثيرا والله كثيرا ما كنت اسأل نفسي كيف يصل مثل هؤلاء المعتوهين لمثل هذه المناصب الحساسة ؟؟ الان عرفت سر دعوة امهاتنا أن شاءالله ياولدي ترجع سالم غانم وكان امهاتنا قد قرآن المستقبل وعرفن مسبقا أن أبنائهم يمكن أن يعودوا بإذن واحدة
سؤال اخير ل ال محثل الوافدات معانا في القطع برضو ؟؟ أن كانت الإجابة بنعم عليك الله ماتتعاور أكثر من اللازم
02-22-2018, 09:29 AM
الصادق عبدالله الحسن الصادق عبدالله الحسن
تاريخ التسجيل: 02-26-2013
مجموع المشاركات: 3246
لتفادي الفوبيا يا حبيبنا أب حراز فلا مفـر إلا الإستعانة بإحدى الشركات لتؤمِّن فيها سريعاً قبل أن ترتفع تكلفة التأمين على الأذنين. ولحين موعد استلامك لبوليصة التغطية لا تنسى أن تستقـل قارباً مطاطياً وتبقى منتظراً ومحصوراً في منطقة وسطى في البحر الأحمر ما بين النارين (وليس النهرين).
لأنك إن حركت مجاديف قاربك وتقدمت خطوة إلى الأمام باتجاه المياه الدولية السودانية فالقشير من أمامك، وسوف يقطع أذانك لا مفر:
وإن ضربت الأمواج وقفلت راجعاً إلى الشرق فإن الطهار (المحثل) سوف يغافلك وهو يحمل موسه السنينة ويأتيك يركض من ورائك ويباغتك: (سقطت أذانك فالتقطها .. فأنت اليوم حُـر).
وحتى تضمن وصولاً آمنا إلى (ست النفر) قد يكون الحل أن تبقى منتظراً للبوليصة وسط البحر الأحمر في بُقعة لا تسبح فيها أسماك القرش ولا تسري فوقها القوانين القراقوشية وعلى أن ترخي أذنيك منتبهاً لأي صوت اهتزاز ومتيقظاً للأموج وما يحثل ويجوس تحتها من كائنات حثالية.. فإن غفلت عن لغاليغك فلا تلومن إلا نفسك وسيلحق بك حتماً ما جرى للغنماية التي سفّت الدقيق.
حماكم الله وأعادك سالماً وأعاد أذنيك صاغاً سليماً إلى "نِقة" ست النفر وتحية لك وضيوفك ... .. .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ابوحراز
Asim Fageary
الصادق عبدالله الحسن
فيس بوك
تويتر
انستقرام
يوتيوب
بنتيريست