|
|
|
 Re: نتيجة فحص الـ DNA بِتاعتي ... (Re: معاوية المدير)
|
إتغتغت وإتلفلفت من الصقط ؤ قلت كدي مرقت علي صندوق البريد،
لقيت الظرف المُو خمج قااااعد قلت كدي حضنتو علي سدري ؤ دخلت
البيت . مشيت علي التُكُل سويّت لي كُباية شاي بي لبن ؤ جبت لي
معاها رغيفة بايتة ختيتِن، ثم بعناية فائقة فتحت الظرف فكانت النتيجة
كالأتي، :
ـ
| |
 
|
|
|
|
|
|
|
 Re: نتيجة فحص الـ DNA بِتاعتي ... (Re: معاوية المدير)
|
قُلت المعفن دا تحليلو غلت ؤ هو أكيد كضاب .
قلت كدي رسلت بإسم مستعار، رسلو لي العِدة ؤ قلت كدي المرّة
دي لكدمت لي نخامة صفرااااا ممزوجة بشوية لون أخدر ؤ بزغتها
في الظرف ؤ رسلتها ثم جاءت النتيجة كالأتي، :
ـ
| |
|
|
|
|
|
|
|
|
 Re: نتيجة فحص الـ DNA بِتاعتي ... (Re: معاوية المدير)
|
بعد الكشفين ديّل أصبحت عندي قناعة كبيرة جداً إنّو البتاع دا
مُنافق ؤ كضاب، فقررت أدعم قناعتي بفحص تالِت يجتث كل
شك من لغاليغو ؤ ننتهي علي كدا .
رسلت للعِدة بعد غيرت إسمي للمرة التانية وكذلك العنوان ...
| |
|
|
|
|
|
|
|
|
 Re: نتيجة فحص الـ DNA بِتاعتي ... (Re: وضاحة)
|
Quote: يا زول انت سوداني 100% وفِي السودان جعلي جدك العباس
وحيات صلعتك وأنفك الرومانية دي ولونك الأصفر وطولك الفخيم
تقول لي مربط الحمار عربي 🤣🤣🤣🤣🤣
وانت لع
يا مك ضحكتني لما طيرت النوم من عيني ههههه
نحن ياخي ما نوم معاكم
بكرة ورآنا دوام |
بريمة
| |
|
|
|
|
|
|
|
|
Re: نتيجة فحص الـ DNA بِتاعتي ... (Re: محمد على طه الملك)
|
سلام يا ود المدير
ناس المختبر ديل أكيد وراهم قوة استعمارية مستهدفة السودان
يعني انت لو بقيت سوداني مية في المية واجدادك دخلوا السودان قبل 500 سنة فقط
أها نحنا النوبيين اصحاب الساس والراس منذ عشرات الآلاف من السنين المية في المية دي حتكون 500 % ولا شنو
المختبر دا تابع لقوة استعمارية مستهدفة السكان الأصليين للسودان كونهم ما يلقوا فيك نسبة تركية معناتها شغلهم دا اكيد غلط
ولا حتى نسبة جهينية تربطك مع بريمة؟
الشغل دا مشكوك فيهو
| |
|
|
|
|
|
|
|
|
|
Re: نتيجة فحص الـ DNA بِتاعتي ... (Re: Asim Fageary)
|
رغم انو البوست منبثق -كالعادة - ومجلّي وما عندو موضوع - كالعادة برضو!
ألا أنه - خلافا للعادة - يحمل رسالة عميقة جد و اجابة على السؤال المزعج العاملنه المثقفاتية موضوع وكدي بس ياها دي الاجابة النموذجة و الحل
تشكر عليه يا ابصلعة - مع انه غالبا جا بالصدفة ههههه
| |
|
|
|
|
|
|
|
|
|
Re: نتيجة فحص الـ DNA بِتاعتي ... (Re: محمد أبوالعزائم أبوالريش)
|
Quote: انا سالت جدو امس شديت ليه واحد تلفون قلت ليه يا جدو نحن اصلنا شنو قال لى سودانين
قلت ليه بعرف لكن الجزور شنو قال لى عاليااااب ونسبنا يتنمى لى العباس وجدنا الرسول عليه افضل الصلاة والسلام
اها انتوا بتعرفوا احسن من جدى هههههههه |
ها يا أبو العزائم، دي زولة قالت جدها الرسول .. عديل .. تمسكوا فيها هي .. أم تمسكوا في العبد لله المسكين القال من جهينة؟
كيف تحكمون ..؟
بريمة
| |
|
|
|
|
|
|
|
|
 Re: نتيجة فحص الـ DNA بِتاعتي ... (Re: محمد جمعه الخير)
|
Quote: يا زول انت سوداني 100% وفِي السودان جعلي جدك العباس
وحيات صلعتك وأنفك الرومانية دي ولونك الأصفر وطولك الفخيم
تقول لي مربط الحمار عربي 🤣🤣🤣🤣🤣
وانت لع
يا مك ضحكتني لما طيرت النوم من عيني ههههه
نحن ياخي ما نوم معاكم
بكرة ورآنا دوام |
يا بت مُكوك النيل المحيرني سوداني دي مالآ !، أفريقي ؤ عربي
ديّل لآزمتِن شنو ؟!، هسّع في سعودي بيقول أسيوي، واللآ في
أماراتي بيقول أسيوي، واللآ في قطري بيقول أسيوي !، إشمعنا
نحن ناطين لعربي وأفريقي ؟!...
| |
|
|
|
|
|
|
|
|
|
Re: نتيجة فحص الـ DNA بِتاعتي ... (Re: معاوية المدير)
|
Quote: يا أخوي مخاتك لو جد كانت تقيلة كان ممكن تتمختها في عود و تمشي ناس ال DNA
هم ح يلاقوها ماسكة في العود زي كعكول السنط . |
يا عثمان حرّم أوديها ليهُن في عُوّد كان تخربلهم المكنة،
ثم هي مكنتُن دي زآتا زي مكنة الهوت دوق يحشرو فيها
الزول تطلعو كلو قطعة من بلد، أها تاني باقيلك الفشخرة
لآزمتا شنو ؟، أمسكوا في سودانيتكم دي ياها البتنفعكم ...
| |
|
|
|
|
|
|
|
|
|
Re: نتيجة فحص الـ DNA بِتاعتي ... (Re: Mahjob Abdalla)
|
Quote: ها يا أبو العزائم، دي زولة قالت جدها الرسول .. عديل .. تمسكوا فيها هي .. أم تمسكوا في العبد لله المسكين القال من جهينة؟
|
يا بريمة ما بخلوك، دي ثقافة متجذرة بداها الحردلو بدوبيت وشبعت من موائد الاستعمار و كل جيل بيسلمها لجيل تاني (صرة) في خيط!
اتا قايل افريقيا متخلفة لييييه ما عشان (البقج) البيشلها جيل عشان يعاقب بيها جيل ما ليهو علاقة بالحصل في ما مضي.
فعشان كده يا اخوي انسي الموضع ده واكتب العايز تكتبو!
الغريبة ناس الوجعة زاتهم كتير منهم اتحرروا من البقج دي بس فضلوا واحدين كده trying very hard to fit in شايلين (البتاعة) دي وعاصرينها بين رجلينم وحايمين بيها.
| |
|
|
|
|
|
|
|
|
|
Re: نتيجة فحص الـ DNA بِتاعتي ... (Re: Elsanosi Badr)
|
Quote: بقيت دولي ...... كبرت الرخصة و ل شنو ....؟؟؟؟
ما عندك النية تشارك في الأولمبياد ...؟؟؟؟ |
ههههههههه،
عشان ما بتبارك لي يا حاسد، كبرتها ؤ بواسطة كمان
لكن اولمبياد دي كان كسرت رقبتي ما بشوفا .
الزمن دا بِقى متروس شِفوّت ...
| |
|
|
|
|
|
|
|
|
|
Re: نتيجة فحص الـ DNA بِتاعتي ... (Re: معاوية المدير)
|
Quote: اسمع
انا ما مقتنع بي كلامك دا
كدي المرة دي رسل حاجة من " السبيلين"
دي بتأكد الموضوع |
يا عمّك من السبيلين بالنسبة لسوداني دا إمتحان مكشوف لأنو
معروف السوداني من سبيل السوائل بيطلّع عرقي ؤ عُصارة
صعوط، ؤ من سبيل النواشف بيطلّع ويّكة ؤ كِسرا ...
| |
|
|
|
|
|
|
|
|
|
Re: نتيجة فحص الـ DNA بِتاعتي ... (Re: معاوية المدير)
|
Quote: هههههه ..
عساك طيبان يا ود المدير .
.المحيرني للليلة ما شفت لي فحص خالي من نسبة يهودية ..
قلت في نفسي هم اليهود ديل عرسو الخلق دي كووووولها !
إلا باللكيده نتيجتك دي غلت ..معقول بى صلعتك المجيه دي ما لقولك فرقة في الزول دا ؟ |
والله مشتاقين يا ملك .
ههههههههه، معناتا البتاع دا ضارب، ياخي اليهود ديّل لو وقفوهم لي في
ميدان عقرب بعِدهم وآحد وآحد .
الحقيقة زولك اب صلعة دمّو ؤ دمي وآحد حسب نضاراتي مع العلم مُدتِن
اللفتراضية إنتهت، خليني أحكيلك قصة غريبة .
في المخازن والمهمات كنت شغال في قسم التموين والمشتريات، قسم من
طابقين المشتريات في الطابق الأوّل والتموين في الطابق التاني وأنا كنت
تحديداً في التموين . أها، مرّة وآقف تِحِت جا عمّك راجل كبير سلّم علي ؤ طوالي
سألني، يا جنا إنت إنقريابي ؟. حقيقة أنا إندهشت !!!، لكن تمالكت نفسي وتصرفت
بسرعة وسألتو، يا عمو إنقريابي يعني شنو ؟. قال لي، جِنِس . قُتلو، لا وانا أوّل مرّة
أسمع الإسم دا . مشيت طلعت القسم فوق، جاني شغل تحِت نزلت أخلصو تاني
عمّك لآقاني ؤ طوالي سألني، يا جنا قُلت لي مآك إنقريابي ؟!. قُتلو، يا حاج علي
اليمين أنا إنقريابي ؤ مِن الباوقة كمان، عِلآ إنت عرفتني كيّفِن !؟!!. قال لي، يا
ولدي الدم دا بيندسا . !!!، تقول لي الحمض النووي !!!...
| |
|
|
|
|
|
|
|
|
|
Re: نتيجة فحص الـ DNA بِتاعتي ... (Re: معاوية المدير)
|
يا ود المدير
عندنا زول مسكين شوية كان عندو أمساك شديد . شال الفسحة في كبريت ومشي المعمل يفحص .
وبعد قرب يصل المعمل لاقاهو الفحيص ماشي بيتو . وقالو المعمل قفل الان الساعة 9 ونص ومافي طريقة الا تجي بكره .
بكره عمك المسكين من بعد صلاة المغرب شال الكبريت ومشي . هو كان خاتي الكبريت بي الفيها من أمس .
طبعا الفحيص لقاليك البتاع زي الحجر .
قالو يا أخوي ده شنو ؟
أنت جدك السابع عشر كان تمساح ؟ ههههههها
| |
|
|
|
|
|
|
| |
معاوية المدير
وضاحة
Biraima M Adam
Osman Musa
ABUHUSSEIN
MOHAMMED ELSHEIKH
محمد على طه الملك
Asim Fageary
محمد البشرى الخضر
يحي قباني
محمد أبوالعزائم أبوالريش
محمد جمعه الخير
Mahjob Abdalla
Elsanosi Badr
فيس بوك
تويتر
انستقرام
يوتيوب
بنتيريست