|
Re: أيام بدون واتساب ا (Re: Samih Elsheikh)
|
سامح حكي جميل من واقع الحياة المعاش...يا ريت تواصل.. لكن يا سامح باقي ليك بنقدر نستحمل يوم واحد بدون واتساب!!! نسال الله ان يحمينا من شر هذا البعبع ""الواتساب" الذي يشغلنا حتى عن عبادة الله والتواصل الاجتماعي الحي وصلة الرحم...على الرغم من ان الواتساب مرات بنلقى فيه حكم نبيلة وادعية وقصص للعبرة،،، لكن عندي نية اتوقف عن الواتساب شهر كامل اتفرغ فيه لقراءة الكتب والتواصل الاجتماعي وصلة الرحم وجها لوجه بدل التلفونات.. مع وافر التقدير والاحترام
| |
|
|
|
|
|
|
Re: أيام بدون واتساب ا (Re: امتثال عبدالله)
|
الاخ سامح - سلام عليكم تعرف فكره انو الواحد ياخد فتره بعيده عن الانترنت ووالموبايل والتعامل ان لزم عبر الهاتف الثابت تراودنى من حين لاخر. لكن اصحت الحاجات مرتبطه بحياه الواحد اليوميه والعمليه. غير انها اصبحت وسيله جافه وبعثت البروده فى العلاقات الاجتماعيه.حتى فى فى البيت او مجلس بين عده افراد(اسره او اصدقاء او حتى فى العمل) تجد البعض معزولين عن بعضوكل واحد غرقان فى شاشه موبايل اوتاب ويخرج الكثير من الناس عن الذوق واللياقه. مره كنت ماشى فى الشارع سمعت صوت عربيه وراى وماشه ببطء.اخدت جانب عشان تمر لكن استمرت فى السير ببطء والسبب انالسيده السايقه السياره كانت مشغوله مع شاشه الموبايل كتابه وقرايه رغم انها داخله على شارع رئيس.. الواحد اصبح يتمنى انولو ما كان فى حاجه اسمها (تقنيه وايرلس) ووسائط تواصل اجتماعى. بما احدثته من تاثير على السلوك والعلاقات الانسانيه.
| |
|
|
|
|
|
|
|