كتبت الصحفية رشان اوشي علي صفحتها علي الفيسبوك ) بعد خروجها من المعتقل :--
قلنا نتعامل بشكل حضاري ومهذب ونحترم اوضاعنا الاجتماعية ولو عندنا شكوى ضد زول اثناء الاعتقال نرفعها لاداراتهم لكن بجبرونا نكتب في الفيس، انا حاكتب الحصل الليلة عشان احمي نفسي لاني بديت احس باستهداف شخصي، قبيل زي الساعة 1 ظ، جيت مطعم قلت اشتري سندوتشات وامشي المكتب، وانا داخلة لقيت ال4 افراد امن الاعتقلوني يوم الثلاثاء واقفين بره، واحد فيهم ناداني،قلت ليه خير في شنو قعد يجوط تعالي هنا واقيفي هنا ومسكني من يدي،قلت ليه فكني قال لي م بفكك تقيفي بالقوة،لما عليت صوتي وقعدت اكورك بقى ماسك فيني زيادة في خالة ست شاي اتصدت ليهم قالت ليهم دايرين منها شنو البت دي فكوها الناس اتلمو وبقيت اجوط فكاني وواحد لابس قميص اسود قال لي امشي،دخلت المطعم جو داخلين وراي اصحاب المطعم اتناقشو معاهم انا مشيت الكاشير وطلبت شوية كده لقيتهم طلعوا بره. القصة بقت قرصنة ورجالة ولا شغل مؤسسي يعني انا كتبت القصة عشان تتنشر واحمي نفسي منهم
01-22-2018, 07:56 PM
salah awad allah
salah awad allah
تاريخ التسجيل: 07-15-2007
مجموع المشاركات: 2298
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة