|
Re: مراكز البيع المفخض (Re: عبدالحفيظ ابوسن)
|
انتشرت الاعلانات من الولايات والمدن عن مراكز بيع مخفض للسلع الاستهلاكية التي تجاوز اسعارها مقدرة معظم الناس وبشكل تحفيزي يتم عرض الاسعار لبعض السلع التي تحتاجها كل اسرة يوميا كالسكر والزيت واللبن .. وتكون اسعارها مفارقة لسعر السوق بشكل واضح وجلي في ظني ان تلك المراكز لن تساهم في حل الضائقة المعيشية بشكل عملي ودائم هذا الشعب لا يشتري بضائعه جملة لعدم توفر النقد الكافي ويشتري الناس ما يحتاجونه حين توفر مبلغ ما يريدونه اشاهد زحمة في كناتين حلتنا في المغرب . تزداد حركة الزبائن وتتواضع كمية مشترواتهم من وقية شاي ونص رطل سكر وربع رطل زيت وهكذا المغرب وارباب الاسر يعودون من اعمالهم وقد كسبو بعض المال هؤلاء هم المتضررون من غلاء الاسعار وليس من يشتري رطل الشاي ولا جوال السكر عشرة او جركانة الزيت
| |
|
|
|
|
|
|
Re: مراكز البيع المفخض (Re: عبدالحفيظ ابوسن)
|
سلامات ود ابو سن سمعنا ان الحكومة رفعت الدعم عن جميع السلع ومافي اسعار مخفضة تاني وطبعا ده تحدي واضح لارادة الشعب وكانهم بيقولوا ردوا علينل ان استطعتم .. ..وبالمناسبة انت نسيت الفاء في العنوان.. مع وافر التقدير والاحترام
| |
|
|
|
|
|
|
Re: مراكز البيع المفخض (Re: عبدالحفيظ ابوسن)
|
دي حاجة والحاجة التانية المواطن مش محتاج سكر و زيت داير حنفية انكسرت ولمبة حرقت واسمنت لصيانة البيت وداير قلم وكراس لي ولدو وداير دواء وداير يركب مواصلات و و اها دي بتعملو فيها شنو ؟
| |
|
|
|
|
|
|
Re: مراكز البيع المفخض (Re: عبدالحفيظ ابوسن)
|
اصحاب الشركات يمكن ان يخسرو لفترة محددة لأسباب منها الدعاية ومنها اشياء أخري الولاية يمكن ان تتنازل عن رسومها التي تتحصلها من البضائع وكذلك الضرائب فتكون الاسعار اقل لذلك ولكن هل تستطيع الشركات مواصلة خسارتها ؟ لا لن تخسر دوما وستعود الامور لسابق عهدها لذا يجب ان يكون الحل شاملا واساسيا ولكن ليس بهذه الطريقة التي تعمي عن الاسباب الرئيسية للغلاء وتجمل وجه الميزانية او ان تجعلها مقبولة إلي زمن معلوم فيعتاد الناس ذلك
| |
|
|
|
|
|
|
Re: مراكز البيع المفخض (Re: عبدالحفيظ ابوسن)
|
غايتو أنا جاتني اخبارية قالوا في كوزة متخفية عاملة فيها مواطنة صالحة ومسكينة ومعدمة .. مشت محل السلع المخفضة .. لاقاها واحد شفت في طرف مركز البيع المخفض دا عرفها دي الكوزة الفلانية .. سألها قال ليها نديك شوال سكر ولا نجيب ليك عريس .. قالت ليهو والله ما عارفة اقول شنو لكن انا عندي السكري ما بستعمل السكر لا في شراب لا في اكل !
| |
|
|
|
|
|
|
Re: مراكز البيع المفخض (Re: Asim Fageary)
|
التحايا أستاذ عبدالحفيظ
ايضا الناس قد تتغلب تغامر على شراء بعض السلع وترك اخرى حفاظا على الحياه بس تبقى مشكلة الأدوية هي الطامة الكبرى للاسر ايضا هناك حالات طارئة مثل حالات الولادة القيصرية وهي تحتاج لاموال والآن اصبحت تكلف فوق الاحتمال لاصحاب الدخول المخفضة هذه المراكز للأسف سوف يستفيد منها اصحاب الدخول العالية وهم ليسو بمحتاجين لان بضائعها غير محددة لفئات وشرائح محددة سلفا .
| |
|
|
|
|
|
|
Re: مراكز البيع المفخض (Re: عبدالحفيظ ابوسن)
|
ابو سن - سلامات *عارف حتى بتاع الدكان بقى يشكى احيانا من قله الزباين . امس مشيت الدكان اشترى زبادى بهد صلاه العشاء...بتاع الدكان قال لى الجكايه نايمه.. من فتحت يازول من متين لى متين يجى زول لى سكراتش جنيهين او سيجاره ..لكن مافى زول يجيك لى حاجه من الرف ولا من التلاجه. حتى الضرورياتكان زيت ولا سكر او.....الناس ماقادره مع جنون السوق الحاصل دا. اما زى مواصلات او علاج دى .....تتصور فى ناس بقت تمشى بعض المشوار من البيت للشغل عشان تقلل صرف بند المواصلات. *اما مراكز البيع المخفض دى ماتبع شركاتهم ..خيم يدقوها فى محططات رئيسيه او فى طرف السوق ... واكيد طبعا تصديقها والتزامتها بيكون اقل من التزامات- رخصهونفايات و... - دكان التاجر العادى واحتمال تكون معفاه تماما ..يعنى فى النهايه المكسب عندهم قد يفوق اويساوى التاجر العادى. . ربنا يلطف بالنس فى الايام الجايه دى.
| |
|
|
|
|
|
|
Re: مراكز البيع المفخض (Re: Asim Ali)
|
مرحبا عاصم العرس نص الدين برضو احسن من السكر المهم الاستفادة ستكون للذين يستطيعون ولكن بعنت يعني الذين يطيقونه همنا الما بقدرو كلو كلو
| |
|
|
|
|
|
|
Re: مراكز البيع المفخض (Re: عبدالحفيظ ابوسن)
|
الحكومة افقرت الشعب كلو .. لو بتقدر توفر ليهو سلع رخصة يبقى المشكلة وين ؟ ده كلام فارغ ، كلها يوم يومين ولا حتلقى مركز ولا بتاع دي محاولة لامتصاص غضب الناس وكسب المزيد من الوقت وعدم مواجهة للمشكلة بشجاعة انا ما عارف لمتين يعني ، كانهم يبحثون عن معجزة ! الموضوع ده خلاص ما عندو حل غير ذهااب الحكومة خرجت الامور عن السيطرة تماما والحكومة تزيد افلاسا كل يوم والمصانع تغلق كل يوم المزارع تكلفتها تزداد كل يوم وتزيد معها السلع ... الخ الخ
| |
|
|
|
|
|
|
Re: مراكز البيع المفخض (Re: Abdullah Idrees)
|
. . دي تعتبر مسكنات لعلاج مرض عضال ... وصفة بندول لعلاج مرض السرطان المستشري في جسد الوطن ... الحكومة بتحاول تخترع العجلة مرة أخرى زي ما عملت سابقا وانشأت مراكز سينين والمغيرات صبحا وغيرها من الوصفات المخدرة ... المصيبة الكبرى هي الاصرار على الخطأ وشايفين انهم أفهم ناس وما عداهم مفروض ينصاعوا صاغرين ... لإيقاف هذه المهزلة عليهم المغادرة فورا ... فمشاكل زي دي اكبر من امكانياتهم الذهنية المتواضعة وحلول قدّر ظروفك ورزق اليوم باليوم المتبعنها دي ... . . .
| |
|
|
|
|
|
|
Re: الـ browser الجديدة بتاعت Firefox طيارة بس ... (Re: عبدالحفيظ ابوسن)
|
الأخ ود أب سن والضيوف الأكارم يوم واحد يناير اتصلت بي الوالدة: قالت لي قشت عينينا من النوم لقينا كل حاجة زايدة فهمت كل الحاصل أقول ليك: الحاصل دا زي ما قال معظم الأخوان والأخوات عبارة عن إستعباط من الحكومة: أي زول في السودان محتاج للدعم، شنو يعني شوية مراكز ودعايات فارغة لا تخفى على فطنة صبي يافع؟ يا ود أب سن: داير النصيحة والا الجمبا؟ كنس النظام دا الليلة قبال بكرة هو المطلوب الآن فعلاً تمثيلية سخيفة!!! ____ الحليلة
| |
|
|
|
|
|
|
البيع المخفض (Re: elhilayla)
|
صدقت يا علي ابراهيم بحكي لي صديق امس حضر موقف محزن في صيدلية بي اختصار الفاتورة ألف ج الولادة القيصرية بقت تخلع والدكاترة يخلعو .. مافي مرة بتلد طبيعي طوالي يقولو ليك عملية .. ووين الا مستوصف ما بشتغلو في المستشفي
| |
|
|
|
|
|
|
|