|
Re: أعمل الإنت مؤمن بيهو بس ... معتصم الجعيلي ... (Re: ملهم كردفان)
|
رن جرس الموبايل وكانت المفاجأه أن كان صوت المتحدث هو الوجيه الإنسان والقامه المحترم معتصم الجعيلي الجعيلي: الو مرحبا الجعيلي: معاي منو ملهم ؟ أيوه معاك ملهم الجعيلي: .ياخ أنا قريت البوست أيوه يامعتصم
تحدث الرجل القامه حديث جميل ومحترم ومفيد أغلق هاتفه على وعد التواصل
اليوم الثاني..... معتصم الجعيلي كنت مثمرا معطاءا في قولك وفعلك منذ أن عرفناك امبارح اخدت منك جرعة أمل انو الدنيا بخير وانو الخير حيستمر ولازم اتفادي الصعاب وأتجنب الأخطاء ومحتاج خبرتك الجماعه عايزين اوقف فايزين وفي واحدين كانت فكرتهم اني احولها لي خدمه بس مدفوعه وأنا عايزها بدون مقابل ما آخد قرش من إي مريض م الجعيلي: طالما انت شلت علي عاتقك المهمة اعمل الانت مؤمن بيهو بس
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: محمد المسلمي)
|
سلامات ياملهم
بالله اساله لينا عن حقوق ناس القناة بتاعت هارموني الحصل فيها شنو
الاخ المسلمي عن اي حقوق تتحدث.!!.. نحن في 2018 وهارموني توقفت 2010.. وتم تسوية جميع امورها. لايوجد احد كان يعمل في هارموني لم ياخذ حقوقه كاملة.. بل بالعكس تماما عن طريقي انا او الشهادات التي اخذوها كلهم يعملون الان في كل القنوات السودانية المنتشرة الان في اوضاع جيدة ومراكز مرموقة. اذا اردت جري بحديثك هذا في بوست ليس له علاقة بالموضوع فانا لست من تظن. لن ادخل معك او مع غيرك في معركة (ماعندي فيها غبينه) هارموني فعلت كاعليها فعله وانتهت. الان لاتوجد ولاتشغلني كثيرا. اتساءل ماهو قصدك بهذا التساؤل ..لست من ناس الاسافير والمعارك المختلقة. ارجو ان لاتظلمني وتظلم نفسك بهكذا اشياء وانا اتحدث معك بتهذيب لانني لا اعرفك..فقط لهذا السبب
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: ملهم كردفان)
|
ي ملهم ركز فى ما ينفع الناس ودع النباح ينبح فى ناس ياهو شغلتم قلنا وقالو والتحشر وعدم الموضوع ثم ي حبيب الغرض مرض ..لقدام ي مواطن
عبرك تحياتى للاستاذ معتصم الجعليى ثم انا عندى صديقى شديد كان شغال فى هارمونى يشهد الله شال حقو وزيادة بكل طيبة خاطر ومحبة من الاستاذ معتصم
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: أبوبكر عباس)
|
اشكرك الاستاذ ابوبكر عباس فانت رجل يستحق الاحترام...واشكر الاخ الكريم معاوية عبيد الصايم علي ماذكره اما اخي الفاتح ملهم كردفان فقد افرغت تبرعي من مضمونه لذكرك المبلغ البسيط في منبر عام...فليس هذا ماقصدته..فقط انفعلت بقضيتك ومااثير حولها. اما الاخ المسلمي فانني اسامحه لانني لا اعرفه وان كنت اعرف اخاه العوض المسلمي رحمه الله..وشتان مابين الثري والثريا!! ليس عندي اي مشكلة في التهاتر والصعلكة الاسفيرية..لأي مستوي .لكن ليس في اول بوست في المنبر بعد توقف عشر سنوات.
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: معتصم الجعيلي)
|
اما اخي الفاتح ملهم كردفان فقد افرغت تبرعي من مضمونه لذكرك المبلغ البسيط في منبر عام...فليس هذا ماقصدته..فقط انفعلت بقضيتك ومااثير حولها. ....... سامحني يامعتصم ياخ ووالله لو رسلت خمسة جنيهات لنشرتها بكل فخر كان هذا ديدني في قروب فايزين .... وبصرف قروشك تب والله ولو جاني زول قال لي محتاج والله ما ارجعوا فاضي رأيك شنو .... اها انا انفعلت بي تبرعك ونصايحك وعملت الاملاهو على ضميري انا كده اعمل شنو ياخ
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: جلالدونا)
|
ي ملهم ركز فى ما ينفع الناس .. لقدام ي مواطن ..................... مرحب معاويه ياريتك يامعاويه كتبتها كده من غير ماتسترسل ...... أرفض وبكل وضوح أي تعدي لفظي على إي عضو تبرع لفايزين واعتذر عما اصابكم من تجريح ..... أرجوك أخي معاويه اعتذر وعدل .... فالبوست لاعلاقة له بأي لغة خشنه أو تعدي على زميل ... مع اكيد شكري وتفهمي لما تقصده من دعم وتشجيع في المضي قدما
إحترامي
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: ملهم كردفان)
|
Quote: عن اي حقوق تتحدث.!!.. نحن في 2018 وهارموني توقفت 2010.. وتم تسوية جميع امورها. لايوجد احد كان يعمل في هارموني لم ياخذ حقوقه كاملة.. بل بالعكس تماما عن طريقي انا او الشهادات التي اخذوها كلهم يعملون الان في كل القنوات السودانية المنتشرة الان في اوضاع جيدة ومراكز مرموقة. اذا اردت جري بحديثك هذا في بوست ليس له علاقة بالموضوع فانا لست من تظن. لن ادخل معك او مع غيرك في معركة (ماعندي فيها غبينه) هارموني فعلت كاعليها فعله وانتهت. الان لاتوجد ولاتشغلني كثيرا. اتساءل ماهو قصدك بهذا التساؤل ..لست من ناس الاسافير والمعارك المختلقة. ارجو ان لاتظلمني وتظلم نفسك بهكذا اشياء وانا اتحدث معك بتهذيب لانني لا اعرفك..فقط لهذا السبب |
انا كنت من متابعي القناة وفجاءة توقفت سالت ما السبب انه هنالك مشاكل مالية وانت أجبت انه تم تسوية جميع أمورها وانا سالت بتهذيب ولا اعرفك سابقا ولا الان وليس بين وبينك سابق مشاكل ..
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: ملهم كردفان)
|
أيها السادة والسيدات أدعموا أخوكم ملهم الخير بكل ما تملكون .
دعم ناس كالقري 204$ حا يصلك كل شهر ؤ كمان حا أجيبلك زيادة عليهو طُرشمية قدرو من فانكوفر بس إنت إنكرب وأركِز ولا نامت أعين المُحجمين عن التبرُع، ايّ زول داير ينضم هنا ؤ مقتنع بفائزين يتبرّع ما عايزين طرقعة أصابع في الفاضي ...
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: ملهم كردفان)
|
سلام الاستماتة والدفاع عن مبدأ عدم ملاحقة الصدقة والمحاسبة العلنية...يجعلني اقف في وجة اعادة التجربة في المنبر..وان كان ولابد فالأولى ان تكون في اي مجموعة واتس او غيره..فالموقف والمكانه التي وضعتك فيها التجربة السابقة تجعلك تخاف من جرة الحبل...اعتذر لكل من ساهم وهم في التجربة الأولى مما ابديتة من غلظة...وذلك طبعي في الدفاع عن مبدأ... يا مسيلمي انا مستغرب من تهمك للاستاذ وكان أولى بها حرامية الانقاذ او على الاقل توقف دفاعك عنهم...ونساندة من يلمعهم
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: جلالدونا)
|
Quote: شوف يا المدعو الدعى معاوية المدير الحق لى الله بى مناسبة تبرع ال 204 ده قررت انا حضرتنا ان افتح بيهو بوست و اى تطاول منك ول ّ من غيرك ح تاخدو فى المليان و لو جات معاك برارى كندا كلها لا يفل الكمدة الا الرمده |
يا زول إتحداك أفتح بيبسي زاتو، ياهذا ... إنك زائل : أتوعدني كأنك ذو رعين ... بأنعم عيشة أو ذو نواسِ وكائن كان قبلك من نعيم ... وملك ثابت في الناس راسِ قديم عهده من عهد عاد ... عظيم قاهر الجبروت قاسِ أزال الدهر ملكهم فأضحي .... ينقل من أناس في أناسِ
إتفضّل ؤ خُت شختتين تحت يُنقّل دي عشان نحن عملنا علي ثابت وإكتشفنا إنو الثابت دا كل يوم بيصبح في حارة ؤ كل شهر بيكون في زُقاق !...
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: جلالدونا)
|
Quote: شوف يا زول ها افتح بيبسى افتح خانه ده ما شغلك ثم مالى اراك تستعين بالنواس و نحن ها هنا مالكينا نحن قوم وان قام طفل لنا خرّت ركب قوم ساجدينا الانتقال عز نباهى به و به يسترشد قوم ضاهبينا و ابقى راجل و تعال بى غادى عشان اوريك النجوم بالليل سمح |
يا جلال شوّف، أنا بصراحة أُسلوب التهديد دا ما بينفع معاي أكرهوا جداً وأكثر منه أكرة أُسلوب اللف والدوران والإستنكاح، عليهِ أنا حشدي لناس ما ليهم علآقة بالمنبر وإستنفاري ليهم وتلبيتهم للنداء لثقتهم في شخصي فقط وتبنيهم للمشروع بل وقفزهم بالزانة لما هو أطول بمراحل دا كلو قسماً ما أخليهو يروح هدر، أنا أكتر زول مغبون عليه شوفلك مكان غير دا مارس فيهو الكتابة ؤ مارس فيهو إستنكاحك ...
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: جلالدونا)
|
Quote: اول حاجة تبرعك بتاع ال 204 بيذكرنى العربية البيجو 204 كحيانة و تعبان و دايرة صيانة ثم ثانيا .. اذا استنكحت فقد استنكح قوم قبلى فحديثك لا يعنى سون استغفال مباشر ادينه و ادين من يتولاه انا يا غبيان هنا لا اهدد انا امد رجلى فقط و يا رجلى يا كراعك |
يا أبو كُرآع هاك النجيضة من أبو رِجِل البيجو الكحيانة 204 حا تنزل في الخزينة شهرياً، ؤ زي ما قُتلك إنت شوفلك مكان غير دا و أنا لا ساعل في الإستنكحوا ورآك ولا القِدآمك ...
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: معاوية المدير)
|
اها ما دام جابتلها رخوة اقيف النونسك جارتى الامريكية مهربة مجدرات مشت المكسيك و خبت البضاعة تحت المكنة جم نقطة العبور فى محل بتاع مكانيكى ناس الحدود فتشوها و مرروها و قامت مشت على محل الميكانيكى قالت ليهم عايزه اغيّر زيت الميكانيكى رقد تحت العربية .. رقد تحت العربية دى لذيذة مش!!!! يلقى ليك المخدرات .. تصدق ما عمل اى حاجة !!! بس ضرب للبوليس و جا قبضا شفت رجلى بتطقطق فى كراعك كيف المهم .. لن اغادر هذا المكان و لو تكالبت علىّ كل الكرعين
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: ملهم كردفان)
|
المعطيات : اعرف محمد المسلمي ، معرفه شخصيه ، حفيد شيخي قطب الزمان ابراهيم الكباشي ، المسلمي اخو اخوان بالرغم من الديباجة الوهابيه و الازبليطه الكيزانية ، له التقدير و لاسرته و للدكتوره اعطر السلام و التقدير .
تربطني باسره معتصم الجعيلي رابطه اسريه قويه جدا ، صديقي و اخي عبدالله محمد الحسن زوج شقيقته ، اعرف الاسره فردا فردا ، كبير و صغير ، مراه و راجل ، اسره ان لف التهذيب في جميع الدنيا اخر الليل اجي ابيت عندهم .
المطلوب اثباته : هنالك سوء تفاهم حاد بين قمرين نيرين المسلمي و الجعيلي
النتيجه : صافيه لبن اتشتت من ضرع ألبل الكبابيش
اذن : اذا جتا ( س ) بتساوي جا ( ص ) ، اكون ( ظتا ) ود المدير ظابطته و ( ظا ) ود الصايم ما ظابطته اطلع منها يا طاشم .
الزبير الختمي من احباب السيد جعفر الميرغني بن صاحب السيادة و الرياده السيد محمد عثمان الميرغني ،لا سودان بلا عثمان .
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: ملهم كردفان)
|
الأخ ملهم
انا لا بعرفك ولا بتعرفني
ولا بعرف اي زول حايم هنا
انا قريت البوست ابو 7 صفحات بتمعن شديد!!
ما خرجت به
انك نصاب بدرجة فارس !!
ولديك قدره غريبه علي تشتيت الكوره وادعاء العبط !!
والشي التاني انك رمتالي وأستمرأت العيش علي الصدقات وعلي ما يجود به الاخرين !
بس
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: ابو عثمان)
|
Quote: أراك تسعى بشتى السبل لتخوير هذا البوست .. تفضل إذن عضمة عفواً قشة ما تعتر ليك .. عن نفسي لا مجال .. |
ده اخر اجتهادك الذهنى فى قراية نواياى اها النقول ليك ... لو على انا البوست ده يكون فوق لى عشرة سنة لى قدام الريشة البتقول عليها دى مارقة من جلدى و احساسى بيها بعد مإلات البوست داك انو ملهم نصب على ده احساسى ياخ .. اقول ليك تعال غالطنى فيهو كمان كدى ادى ملهم ريشة زيها و تعال حاسبنى فى احساسى بى نصبو على انت عارف انو فى المنصرقات فى توزيع لحمة لى ناس مااااان نحنا فاتحين جزارة
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: جلالدونا)
|
يا ريت يا الفاتح لو ما كنت فتحت الموضوع ده تاني هنا طالما عندكم قروبات و أكيد مقفولة كان ممكن تعيدوا النظر في التجربة دي و تحاولوا تجودوها بعدين تطرحوها في العام بكل أسف في البوست السابق لم تقنع الكتير من الناس بحسن أداءك خلال مدة المشروع بتاعكم و ما نجحت في إبراء ذمتك تماماً من شبهة استفادتك شخصياً من المشروع ما تسمع للقالوا ليك دي ( ملاليم ) و الناس عاوزة تحاسبك عليها. و بكل صراحة إذا كان مستودى الأداء زي القريناهو ده، عشرين مليون ما بتنجح المشروع
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: kamal omer)
|
Quote: الأخ ملهم
انا لا بعرفك ولا بتعرفني
ولا بعرف اي زول حايم هنا انا قريت البوست ابو 7 صفحات بتمعن شديد!! ما خرجت به
انك نصاب بدرجة فارس !!
ولديك قدره غريبه علي تشتيت الكوره وادعاء العبط !! والشي التاني انك رمتالي وأستمرأت العيش علي الصدقات وعلي ما يجود به الاخرين !
بس
|
آخر الكلام......
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: أبوبكر عباس)
|
السلام عليكم و رحمة الله باختصار قبل سنتين و شوية كانت زوجتي محتاجة انها تسافر القاهرة لمقابلة اسرتها القادمة من الخرطوم لمعالجة شقيقها و المهم لم اجد لها حجزا للقاهرة المتوفر كان فقط حجز للاسكندرية توكلت على الله و حجزت لها للاسكندرية و اتصلت على الاخ ملهم الذي لا اعرفه سوى عبر سودانيز و وافق مشكورا على استقبالها هى و اطفالي و فعلا قابلهم في المطار وحجز لهم شقة مشكورا و بالمساء اخذ الاطفال و امهم في جولة لمعالم اسكندرية و تاني يوم الصباح وصلهم لحدي اهلهم في القاهرة. هذا احد صنائع المعروف التي يفعلها ملهم بدون من او اذى و بالتأكيد مثلها كثير. كنت و لا زلت عضوا في فايزين . اعتقد ان المشكلة الاساسية ليست في ملهم و انما في ثقافتنا السودانية بصورة عامة و هى عدم الاهتمام بالتفاصيل المحاسبية و الادارية و ملهم ليس بمنأى عن ذلك. ايضا ملاحظة اخرى و هى ان الاخوان عبداللطيف و جلال و عمنا عووضة هم اناس يعملون بالخارج و اكتسبوا مثلي و مثل كثيرين من المغتربين و المهاجرين هذه الثقافة التي نفتقدها و لذلك كانت معاييرهم صارمة بعض الشئ مقارنة بما خبرناه في السودان. نقطة اخيرة كل المشاركين في قروب الواتس كانو يعلمون بالحالات من خلال السرد اليومي لملهم في المجموعة لبرنامج حركته. تحياتي لكم جميعا و اتمنى ان يكون ما حصل هو العترة التي تصلح المشي ولكم كل الود و الاحترام.
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: أبوبكر عباس)
|
Quote:
الأخ ملهم
انا لا بعرفك ولا بتعرفني
ولا بعرف اي زول حايم هنا
انا قريت البوست ابو 7 صفحات بتمعن شديد!!
ما خرجت به
انك نصاب بدرجة فارس !!
ولديك قدره غريبه علي تشتيت الكوره وادعاء العبط !!
والشي التاني انك رمتالي وأستمرأت العيش علي الصدقات وعلي ما يجود به الاخرين !
بس
|
لا حول ولا قوة الا بالله
رفقا بفاعلي الخير ياباعثمان
في ناس كده موية وشهم لمن تنشف بقعو بيهو البحر
اخونا ملهم قايل الحكايه لقيط قريشات وضحك علي الدقون بي كم كلمة وكم سيناريو خايب يلم ليهو اتنين تلاتة حوالينو وهاك يالت وهاك ياعجن وهو لايدري حقيقة اي منقلب ينقلب وشكلو من الذين لايهابون ان يدخل عليه درهم يضعه في غير مكانه تكبه في نار جهنم
الناس المارقه قريشاته لي الله كايسين اللجر هنالك ملايين من الاسر المحتاجة والمتعففه في كافة ارجاء الوطن ولمن يريد ان يوصلها او يوكل من يوصلها فله ذلك وان يري حالة هذه الاسر بنفسه او عن طريق من يرسله ان كانت تستحق المساعده ولا لا.
اما ناس شوفوني وانا رسلته ليك وحارسل ليك خليكم مع ملهم المشاعر الرمتالي علي قولة اخونا ابوعثمان وشوفو كم واحد خسر اخوهو بسبب هذا الملهم ومشروعه الوهم
وفي انتظار النسخه الثالثه من مسلسل السايق الفيات و ملهم اللغفان
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: عمر عثمان عبد الوهاب)
|
Quote: الاخ العزيز الزبير الختمي جزاك الله الخير وماسالت منك شينة ودون الرجوع الي الموضوع اعلاه والله اكرام ليك ولمعزتك في قلبي اعلن هنا اعتذاري الكامل للاخ الجعيلي اذا اصابه ضرر مما كتبت وله العتبي حتي يرضي |
كبير يا مسلــــــمي أياها المحريه فيك ود المدير وجلالدونا يقع في ايدكم عدوي أن شاء الله : : : : : : مع التحيات لله الزاكيات
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: محمد حمزة الحسين)
|
في كافة ارجاء الوطن ولمن يريد ان يوصلها او يوكل من يوصلها فله ذلك وان يري حالة هذه الاسر بنفسه او عن طريق من يرسله ان كانت تستحق المساعده ولا لا.
=============== حبيبنا عمر عثمان .. مودتي .. كلامك صحيح 100% .. كل واحد إذا غطى حاجة أحد المحتاجين من أسرته فقط يكفي كل الاسرة خال عم جد عمات خالات حبوبات الجيران الاقربين ناس الحلة ..إلخ كثير من المشاكلسوف تحل .. نحن في جمعيات دنقلا .. نتكفل بأعداد كبيرة جداً من أهلنا علاج وغيره حتى في مصر لدينا أماكن .. الموضوع يكون في نطاق ( اولاد الحلة ) يكون ناجح جداً يؤدي غرضه .. ونحن في السودان متجمعات نسخ مكررة من بعضها .. مثلاً أبناء حي في كوستي جمعية .. في الخرطوم كذلك ... إلخ
عشان كده حتى في القران ( الاقربون أولى بالمعروف ) رغم إنني شوية كده ماعندي عمق في الفقه .. ولكن مسألة الاقربون والجار والصاحب ..افضل .. وكل مجموعة إذا حلت مشاكل أهلها خلاص ..
مع التحية لصاحب البوست ..
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: محمد حمزة الحسين)
|
هذا المشروع يمكن أن يقوم ويعدل وينفع الناس .... ويمكن أن ياخذ منحنى اخر لى شحن البقضاء والفرقة والشتات .... وذلك حسب الضمائر وايمان الأشخاص بالمشروع ..... لا يكمن بى سبب شخص واحد أن يفشل المشروع .... او يعجز للناس عن تقويمه و تعديله أن كان به اعوجاج . اتحدث عن تجربه قد ذكرتها مرة هنا ..... بدا مشروع تدريب ممرضين و ممرضات بوعد كاذب من مسؤل بى تكفل بالميذانية كاملا للتدريب امام الجماهير ... نسبة للحوجة الماسة لها من جراء السيول والامطار التى خلفت وباء عام للملارياء .... فى يوم واحد توفى ١٤ شخص بالملاريا فى مستشفى واحد .... من جراء تلك الحادثة المأساوية تم طرح المشروع للمسؤل .... ثم تم ترشيحى بواسطه الحى أن اكون مسؤلا من تنفيذ هذا البرنامج ..... اعددت المكان للدراسة وتم تسجيل الراغبين واتصلت بالهلال الاحمر والجمعيه الطبية فى مدنا بالمحاضرين للجانب النظرى و مستشفى بحرى للجانب العملى التطبيقى ...... ثم ذهبت للمسؤل لاستلام الميذانية ... بالحرف الواحد قال ما عندى ليكم ميذانية ...... تبرع الطلبة وتم تخريج ٢١٠٠ ممرض وممرضة فى مخافظة واحدة ..... حقيقى الناس ممكن تنجح المشروع ويمكن أن تفشله .
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: أيمن نواى على)
|
سلام أخي زهير حيدر الصديق مثلي و مثل كثيرين من المتبرعين او عضوية فايزين لم نكن نهتم بالجانب المالي فدورنا ينتهي عند تحويل القروش لملهم الذي اذكر انه كان يذكر رقم المبلغ الذي استلمه و اسم المتبرع في القروب بمجرد استلامه و احيانا يشير اليه بفاعل خير اذا كان الشخص لا يرغب بذكر اسمه. ايضا كان يوميا في فترة اصلاح العربية يشير الى وضعها في التصليح مثلا المكنيكي فعل كذا و كذا . كذلك الحالات كان يكتب عنها في المجموعة انه استقبل كذا و اتصل على كذا و ايضا كانت هنالك ادوية يتم ارسالها الى السودان عبر اناس في المجموعة و تدور المناقشات و كل التفاصيل في المجموعة. على العموم برايي الشخصي ان ملهم او اى احد من مجموعة فايزين اذا محتفظ بمحادثات الواتساب منذ التكوين و حتى الآن يمكنه عمل ميزانية تقريبية للدخل و المنصرف طبعا مع الاستعانة بملهم في بعض التفاصيل. تحياتي و احترامي.
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: أيمن نواى على)
|
الاخ ايمن نواى سلام و تحية فضلا التكرم بسرد اضاءة عن ملامح المشروع ( فايزين) , هل اطلعت على دراسة تبين لك تفاصيله و على اثرها اصبحت من الداعمين للفكرة بالنسبة لى المشروع هلامى , ليس له معايير محددة لاختيار المستفيدين , وهولاء المختارون كم عددهم ؟ و كم نسبتهم من مجموع طالبى العلاج فى مصر , لا زال اهلنا يهرولون يوميا للقاهرة برغم الحاصل على الساحة الان يوميا توجد حوالى 7 رحلات لو افترضنا طائرات صغيرة نوع ايرباص 320 او بوينغ 737 , عدد الركاب تقريبا حوالى 200ْ* 7 حوالى 1400 مسافر , نفترض فقط 10% منهم مرضى اى حوالى 140 كيف سينتقى ملهم منهم مستحقى الدعم , وكم منهم يستطيع مشروعه ايوائهم و مد يد العون لهم وتسخير الفيات لخدمتهم , علما ان الايواء المعلن لكل حالة 3 ايام استقبال و فى ه>ه الاثناء يتكدس عدد المرضى الى 420 مريض مستطيعين و معسرين لم يستطيع المشروع تلبية خدمتهم ام يكون الانتقاء فقط عبر اتصالات من شبكة اعضاء مشروع فايزين وعندها يكون المشروع خاص بفئة معينة وظفت ملهم كردفان لخدمة المرضى من طرفهم و عليه افتكر تخليكم فى قروبات الواتساب وبالتوفيق
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: محمد المسلمي)
|
شكرا الاخ احمد التجاني عشان نكون ناس عمل وليس ناس تنظير .... اقترح نقطع تذكرة ذهاب واياب للاخ المسلمى .... يذهب الى ارض الواقع وينقل الاحداث بى ضبانتها والناس تقيم ..... بدلا من التنظير ..... الشئ الثانى لماذا ساند الجعلى ملهم .... لانه مرة بى نفس التجربة ..... حتى صاحب هذا المنبر لم يسلم لكن بكرى ابوبكر نجيض سد الثغرات باللوائح والقوانين ..... نحن فينا شئ غلط نكره الجديد ونركن الى الماضى ولانحب التغير ....و الخوف من كل ماهو غير مالوف ..... لذا يجب التخلص من المرض فى داخلنا ونبطل العجن واللط فى الفارغة والمليان ..... لم يسلم ملهم ولا المتبرعين ولا المشروع فى ذات نفسه ..... الفائدة الوحيدة هى تفريغ السموم فى دواخل المرضى ..... وعزر مناسب للمتبرعين لاهلهم أن هناك نصب واحتيال ولا يستطيع دعمهم .... وقطع الطريق للاخرين حتى لا يفكر احد للعلاج فى مصر ..... اى رسالة مبطنة اقعدوا فى السودان وموتوا موتكم ..... مليم احمر ما تشوفوا مننا .... الرسالة وصلت .
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: محمد المسلمي)
|
سلام الاخ ايمن رجاء حاول الرد على التساؤلات المطروحة بعاليه , الموضوع ليس كما بينت انه الناس بتحب تعارض الافكار الجديدة من اجل المعارضة وبس و كانك بترمى لتحريض المرضى على كل من كتب معارضا مشروع ملهم مبينا لهم ان الناس يريدون لكم الموت بينما ملهم على يديه بوابة الشفاء و العافية ويا ريت كلامك سليم لكنا جميعنا اتبسطنا و ساهمنا فى المشروع لكنه عمل بدائي غير مقنع ولم يستطع اى منكم الاجابة على اى سؤال , هذه المشاريع تتناسب فى ازمان رواق السنارية و اوقاف على دينار ولكن ليس فى زمان التصوير بالرنين المغنطيسى و الكردت كارد , هذا المشروع البدائى وجد رواجا لدى الكثيرون و دعموه ماديا و معنويا بسبب ان معظم السودانيين يعيشون خارج الاطار الزمنى و كثير منهم من الذين يقيمون فى العالم الاول سيوفهم مع التايمز سكوير و قلوبهم مع ميدان عقرب , المهم بالتوفيق ان شاء الله
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: احمد التجانى احمد)
|
سلام ان معظم السودانيين يعيشون خارج الاطار الزمنى و كثير منهم من الذين يقيمون فى العالم الاول سيوفهم مع التايمز سكوير و قلوبهم مع ميدان عقرب اوسكار يا احمد....صاحبنا دكتور في جامعة امريكية وبعد اكتر من عقدين رجع مع زوجتة الامريكية واطفاله...مهم في عقر داخل جعل الشتم دور ..الدكتور انتشا واتحزم في وسط الداره..والناس يقولوا ليه يا دكتور...قال ليهم علي الطلاق اقطع الدكتوراه ..مش القاضي قال لمصطفى سعيد( اتت خير مثال لفشل مهمتنا ...)
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: عمر نملة)
|
يا سلام عليك يا احمد التجاني لقد وفرت لى مجهود جبار من خلال البيانات التى ذكرتها .... الخلاصة بان هناك حوالى ١٤٠ مريض يسافرون الى القاهرة يوميا .... ماهى الخدمة التى يمكن أن نوفرها لهم جميعا ؟ قبل أن نجيب على السؤال ..... ما الذى يطلبه المريض او المرافق الذين يسافرون الى مصر للعلاج ؟ ١/ المعلومات ٢/ مرشد ٣/ استشارات طبية دعنا نفكر سويا كيف نوفر لهم المعلومات الصحيحة لهم جميعا ..... طباعة دليل سفر يحوى المعلومات المطلوبة وتوزع الى جميع وكالات السفر فى السودان ....مع تجديد المعلومات شهريا ..... او انشاء موقع يحوى المعلومات او أن يخصص مكتبة علاجية فى سودانيذ اون لاين . سوف ناتى الى البقية لاحقا.
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: احمد التجانى احمد)
|
احمد التجاني الله يفتحها علينا وعليك .... اسف على التاخير للرد نسبة للمشغوليات الاسرية .... انا ما عارف الناس دى بتلقى الوقت من وين تصاقر المنبر ليلا ونهار .... والله لو عندى فراغ كنت اتبنيت مشروع العلاج عبر الانترنت ..... تصميم ويب سايت ..... وجمعت المعلومات عن المستشفيات والدكاترة وارقام تلفوماتهم وتكلفة العلاج بالتقدير والفترة الزمنية بالتقريب والايجارات للشقق وتكلفة النقل بالتاكسى والبنوك والصرافات وغيرها من المعلومات بى مساعدة ملهم او غيره ......
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: أيمن نواى على)
|
سلامات اخ ملهم وضيوفه في الحقيقة لاول مرة اقرا لك في البوست ده وبعض ردودك في بوست جلال لاحظت برود غريب جدا مابشبه ناس كردفان في موضوع الاتهامات الاتوجهت ليك اتخيلتك في البداية انه زول يطعنو في كفاءته وذمته واخلاقياته بشكل صريح وما يرد بمنطق مشابه اما طيب جدا او ساذج ولكن محاولة تجاوزك لراي الكثيرين بانهاء علاقتك بالمؤسسة بولد مزيد من الشكوك في نواياك. يا اخ عملية التمسك بالمناصب والمسئوليات دي الناس كرهتها عند الكيزان تجي انت تتمسك بشقه وسيارة في مشروع خيري؟ يا اخ المانحين قالوا مابثقوا فيك .. تاني المعكلت فيها شنو يا اخ ابواب الخير كتيرة .. وممكن تساهم بخفاء ومن بعد في خدمة اي محتاج دون ان تثير شبهه او تفتح باب للقيل والقال في سمعتك يا اخي لو اجتمع عليك اتنين وقالو ليك تتنحى مافي داعي تبقى زي البشير وتقول للناس الحسوا مساهماتكم. الاخوة المبادرين .. كدي في البداية احسمو مشكلة الادارة واللوائح وبعد كده المصادر والمصارف متوفرة
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: عمر التاج)
|
وبعدين مقولة اعمل الانت مؤمن بيه وبس دي جبتها من وين دي بتضيعك يا زول وماتسمع كلام المطبلاتيه ديل يعني الكفار والحرامية والكيزان ديل كلهم مؤمنين بالبعملو فيه ده يبقى شركهم وفسادهم واجرامهم ده صحيح لا يازول ...في البداية شاور واستخر ثم اعلم ووطن قلبك
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: عمر التاج)
|
مرحب بكل الاخو ة الكرام مرحب عمر التاج ....... الواحد لمن تتوجه ليهو اتهامات لازم يقابلها بعقلانيه مابتهور و حده غير مبرره ..والبرود حيال الاتهامات ماليهو علاقه بكردفان والعقلانيه واحترام الناس حلوين... ولأني عارف انى ماشي كويس وبعمل العلى .....دواس الإنترنت مافيهو مكسب تب وانا البقدر عليهو من وثائق فايزين ختيتو في محلو ...... الاتهامات 1_ ما في شقة إستقبال ولو في ومادمت ساكن فيها تبقى حقتك 2_ما في عربيه ولو في عربيه انت بتستغلها لمصلحتك الخاصه وبس 3_ما في حالات مستضافه 4_ القروش مامشت لمستحقيها ودخلت جيبي .......... دحض الاتهامات
1_لسته بالمتبرعين وصلت لمعظمهم وحتى لمن طلبها خارج نطاق فايزين 2_ لسته بالمنصرفات التقديريه وصلت لبعضهم ولمن طلبها 3_ وضحت الحالات المستضافه والمدعومه وبقدر المستطاع 4_أرسلت فيديوهات وصور ووثائق لأصحاب الاتهام وآخرين 5_ نزلت بوست الميزانيه 6_طلبت من المدعين أنهم يرفدوني بوثائق تخص فايزين أو برسلوا مندوب وما في استجابه 7_ اعتذرت عن التقصير ووضحت بقدر المستطاع .......... يلا من حقي التمسك بالانا مؤمن بيهو واتدارك الأخطاء وأجود التجربة علني كده حتى لوماجاني قرش من التبرعات وحتى لو استمر التشكيك لعام آخر وحتى لو ماوقف معاي زول واحد ..... حقيقه مهمه لو من الأول عايز المشروع يصب أضعاف مبلغ التبرعات كنت رضيت بفكرة الخمس شقق ... اسكن في واحده وواحده للاستقبال والتلاته وايجارهم يخش جيبي وعملت مشروع ربحي موازي يكون مدفوع والمكسب يخش جيبي و يكون مضاعف ،.............. الخلاصه الناس ليهم حق في شكوكهم وأنا لي حق في هدوء أعصابي لأني واثق اني كنت بشاور المتبرع وبنزل الحاجات أول بأول في فايزين ولو قصرت في بعض النواحي او ما استقبلت فلان أو فلانه لظرف من الظروف بعتذر ..... نقطة ضوء فايزين أحسن تستمر تحت الأضواء وتتشكل رسمي ومجلس إدارتها يكون متكامل ومقرها يكون دائم وخدماتها تكون موثقه والا امشي اشتغل في الضلام ؟؟؟!!! ....... التبرع كان طوعي وكنت بتكلم مع المتبرع عن أوجه الصرف وينشر التبرع والمتبرعين ليهم ورسائل الادويه والروشتات كانت بتنزيل فايزين كل التفاصيل كانت بتنزيل في القروب ولي هسي بناشد أعضاء فايزين أي واحد عنده وثائق لفايزين يتواصل معاي اشكر كل المنتقدين والمتهمين والمساندين وأصحاب الأفكار النيره ... احترامي
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: جلالدونا)
|
Quote: الاتهامات 1_ ما في شقة إستقبال ولو في ومادمت ساكن فيها تبقى حقتك 2_ما في عربيه ولو في عربيه انت بتستغلها لمصلحتك الخاصه وبس 3_ما في حالات مستضافه 4_ القروش مامشت لمستحقيها ودخلت جيبي .......... دحض الاتهامات
1_لسته بالمتبرعين وصلت لمعظمهم وحتى لمن طلبها خارج نطاق فايزين 2_ لسته بالمنصرفات التقديريه وصلت لبعضهم ولمن طلبها 3_ وضحت الحالات المستضافه والمدعومه وبقدر المستطاع 4_أرسلت فيديوهات وصور ووثائق لأصحاب الاتهام وآخرين 5_ نزلت بوست الميزانيه 6_طلبت من المدعين أنهم يرفدوني بوثائق تخص فايزين أو برسلوا مندوب وما في استجابه 7_ اعتذرت عن التقصير ووضحت بقدر المستطاع |
الاتهامات : الإتهام الأول : 1_ ما في شقة إستقبال ولو في ومادمت ساكن فيها تبقى حقتك ___________________________________________________
دحض الاتهامات 1_لسته بالمتبرعين وصلت لمعظمهم وحتى لمن طلبها خارج نطاق فايزين 2_ لسته بالمنصرفات التقديريه وصلت لبعضهم ولمن طلبها 3_ وضحت الحالات المستضافه والمدعومه وبقدر المستطاع 4_أرسلت فيديوهات وصور ووثائق لأصحاب الاتهام وآخرين 5_ نزلت بوست الميزانيه 6_طلبت من المدعين أنهم يرفدوني بوثائق تخص فايزين أو برسلوا مندوب وما في استجابه 7_ اعتذرت عن التقصير ووضحت بقدر المستطاع
فيكم زول لقى رد واضح على الاتهام الأول .. هل في شقة مخصصة لفائزين ( فقط ) ... وهل اخونا ملهم ساكن فوقها ولا لأ ؟ ....
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: Osman Awoda)
|
أهلا وسهلا محمداحمد الريح حبابك عشره الاسم الفاتح أحمد حسن الله جابو اللقب ملهم كردفان البروفايل فيهو اسمي وتليفوني ياهو ده00201015606062 اختياري اني أعيش في القاهره ما زاد عن سنه وشويه قضيتهم بخدم في الناس الجايين للعلاج وبقيف مع المحتاجين توجيه وبوديهم الدكاتره وبمشي للسماسره أفتش ليهم شقق مناسبه وبرسل ادويه للمحتاج ليها في السودان
حبابك عشره يامحمد أقرأ كلام وليد الشيخ الفوووق QUOTE
الأخ الفاتح القاهرة يحضر للعلاج فيها آلاف السودانيين شهرياًّ فكيف تتعرف على المحتاجين منهم للمساعدة؟
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: ملهم كردفان)
|
الاخ المحترم الفاتح احمد حسن الله جابو تحية طيبة مافي شقة لخدمة اغراض فايزين مافي عربية لخدمة اغراض فايزين توجد شهادات صوت و صورة لو عايز انزلها هنا ما عندي مانع لو عايز ارسلها ليك في الخاص ما عندي مانع لو عايز تختار لجنة من اعضاء المنبر ارسل ليهو التسجيلات عشان يحكموا بيننا ما عندي مانع لو عايز نمشي نعرض الموضوع امام محكمة في اي دولة في العالم ما عندي مانع لو عايز ترفع علي دعوی اشانة سمعة واغتيال شخصية ما عندي مانع لو جيت هنا في بوستيك دا وقلت لي خلاس انطم ونخليها مستورة ،،،برضو ما عندي مانع هذا مع تحياتي واحترامي
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: جلالدونا)
|
Quote: الاخ الم حرامى...... الفاتح احمد حسن الله جابو تحية طيبة مافي شقة لخدمة اغراض فايزين مافي عربية لخدمة اغراض فايزين توجد شهادات صوت و صورة لو عايز انزلها هنا ما عندي مانع لو عايز ارسلها ليك في الخاص ما عندي مانع لو عايز تختار لجنة من اعضاء المنبر ارسل ليهو التسجيلات عشان يحكموا بيننا ما عندي مانع لو عايز نمشي نعرض الموضوع امام محكمة في اي دولة في العالم ما عندي مانع لو عايز ترفع علي دعوی اشانة سمعة واغتيال شخصية ما عندي مانع لو جيت هنا في بوستيك دا وقلت لي خلاس انطم ونخليها مستورة ،،،برضو ما عندي مانع هذا مع تحياتي يا ما حرامي
|
| |
|
|
|
|
|
|
Re: أعمل الإنت مؤمن بيهو بس ... معتصم الجعيلي ... (Re: Hassan Makkawi)
|
Quote: الاخ المحترم الفاتح احمد حسن الله جابو تحية طيبة مافي شقة لخدمة اغراض فايزين مافي عربية لخدمة اغراض فايزين توجد شهادات صوت و صورة لو عايز انزلها هنا ما عندي مانع لو عايز ارسلها ليك في الخاص ما عندي مانع لو عايز تختار لجنة من اعضاء المنبر ارسل ليهو التسجيلات عشان يحكموا بيننا ما عندي مانع لو عايز نمشي نعرض الموضوع امام محكمة في اي دولة في العالم ما عندي مانع لو عايز ترفع علي دعوی اشانة سمعة واغتيال شخصية ما عندي مانع لو جيت هنا في بوستيك دا وقلت لي خلاس انطم ونخليها مستورة ،،،برضو ما عندي مانع هذا مع تحياتي واحترامي |
👆
| |
|
|
|
|
|
|
|