|
|
|
 Re: اللهم الطف باهلنا في السودان بوست مقارنه � (Re: الطيب عباس)
|
منقول
عاااااجل .. الان سعر شوال الدقيق يطير من ١٦٧ الف جنيه الي ٣٣٠ الف جنيه.. وكرتونة الخميره تقفز من ٣٥٠ الف الي مليون وميتين الف .. وده السعر الحيشترو بيهو ناس الافران .. والان عدد كبير من الافران تتوقف عن العمل وده العامل زحمه وصفوف وندره للعيش في حتات كتيره .. وخلال ايام حتبقي سعر العيشه من الف جنيه فما فوق لانو شوال الدقيق بعمل ٣٥٠ لي ٣٦٠ عيشه وعليهو خميره بي ٣٠ الف وحق العمال . الفران واتنين طاولجيه . والبياع .. كده شوال الدقيق تكلفتو حتفوت ال ٤٥٠ الف .. اها هل كده ناس الافران حيبيعو ليكم العيشه الحتبقي قدر البندول دي زاااتا بالف جنيه حتي ؟؟؟!! .. فشنو هيؤو نفسكم للجوع ياشعب يا سوداني يا ظريف يا لطيف يا الخايفين من الموت وما عايزين تبقو زي سوريا وليبيا .. سوريا وليبيا الاسي ورغم الحرب احسن مننا بالف مره و المعيشه فيهم ابو الرخا والعلاج والتعليم فيهم مجان .. .. #المجاعه_في_السودان
| |
 
|
|
|
|
|
|
|
 Re: اللهم الطف باهلنا في السودان بوست مقارنه � (Re: الطيب عباس)
|
منقول من احمد الباقر بالفيس
ندخل في المفيد .. اي زول حضر حفلة ندى القلعة وطه سليمان يجي يقيف بي جاي . بتكلم معاكم .. اي زول دفع 300 جنيه عشان يحضر حفله طه سليمان وندي القلعة يتفضل يقيف بي جاي .. اي زول صرف اكتر من مليون جنيه في ليلة راس السنة يقيف هناك .. مامهم عمرك سنك طولك عرض بالله اقيف لينا هناك . عايز اقول ليك شنو .. من حقك تصرف مليار جنيه في حاجه انت شايف انها بتسعدك .. او بتضرك مافارقة المهم من حقك تعمل العايزو . وما من حق زول يتحكم فيك .. في طريقة حياتك اكلك لبسك عربيتك تظليلك .. كدا اظن متفقين . لكن .. بما انو احنا كلنا في مركب واحد .. مفروض نكون في نفس الصف .. انت ما مركز وماعارف الحاصل شنو .. لما الطوفان يجي انت اول زول بتغرق .. خلى بالك لما كان عندك النعمة في زمن الفقر وصرفتا القروش في الفارغة .. الناس كانت بتموت .. ماعايز اوريك اسباب الموت شنو .. اي حاجة في البلد دي بتكتل .. كنت مبسوط والناس بتعاني .. اها يوم الموازين تقلب .. والناس تفور انت اول زول بتغرق والسيل بشيلك .. اللحظة ديك بتفش الناس وبتفتش زول يحميك .. والله مابتلقى . والناس سهرانة وسكرانة مع راس السنة .. تسعيرة الكهرباء زادت وتسعيرة الموية طارت السماء .. والايام الجاية الحكومة قالت انبوبة الغاز سعرها الجديد 200 جنيه .. اصبر اتم ليك قبل ماتسب وتلعن تعريفة المواصلات الليلة زادت من 3 جنيه الي 10 جنيه ساعة الذروة ايجار عداد الكهرباء من 2500 الي 6500 .. وانت تعرف كيف وانت فاضي من قصة اردوغان .. وكنيسة مصر .. وفستان ويني .. وتوب انصاف مدني .. خلاص عرفنا السعودية قلبت علينا .. وعرفنا سواكن سودانية .. انا عايز آكل واشرب اسي الحل شنو !! انا مالى ومال فلانة عايزة تترشح وعلان عايز يتمنتش .. بقول ليك وزارة المالية الليلة قالت مافي دعم على القمح .. يعني القطاع الخاص يستورد القمح والدقيق .. ويسعر علي كيفو تاني . وانا بتكلم عن حالنا احنا الشعب السوداني .. الشعب السوداني البياكل وجبة واحدة في اليوم .. ولما يمرض بموت عشان ماعندو حق العلاج . الشعب السوداني .. ما كلو بساهر في شارع النيل .. وللا بعرف موية الصحة وللا عندو توسان . الشغلة ماشة تجوط .. ياخ اصحى .. اقسم بالله البلد دي ماشة على خراب.. وعيش الخمسة جنية في كفة يد.. اي زول عايز ياكل وجبه عشيها بي خمسة جنية من غير اي حاجة تاني..
| |
|
|
|
|
|
|
|
|
|
Re: اللهم الطف باهلنا في السودان بوست مقارنه � (Re: الطيب عباس)
|
انتهي اجتماع بين وزير الماليه واتحاد المخابز ليبدأ بعده مباشرع اجتماع بين الوزير واصحاب المطاحن ..المخابز وافقت علي سعر 450 للجوال بزياده قدرها200% علي ان تكون القطعه ب1ج بزياده100% والمطاحن تريد سعر500ج للجوال وفي حال الاصرار قد تكون قطعه الخبز باكثر من1ج
| |
|
|
|
|
|
|
|
|
|
Re: اللهم الطف باهلنا في السودان بوست مقارنه � (Re: الطيب عباس)
|
منقول عاجل ... توقف تام عن الجمارك ببورتسودان لاول مرة ومن بورتسودان اليوم وبعد تطبيق تعريفة الجمارك الجديدة في السيارات المواطنين يعجزون عن سداد فيمة الجمارك الجديدة الباهظة والاشعارات الصادرة كلها ولاول مرة لا يسدد منها ولا اشعار واحد ... رد فعل طبيعي من المواطنين ضد الجمارك الخيالية والناس اصبحت عاجزة تماما ... ووكلاء التخليص كلهم يقولون انهم لم ياخذوا موافقة من اي صاحب سيارة لتخليص سيارته بعد افادته بقيمة الجمارك والحال واقف تماما ..والسلطات تدرس مراجعه قيمة الجمارك ... الشيء الذي فات علي السلطات ان قيمة الجماًرك المفروضة لتخليص السيارات قبل هذه الزيادة الاخيرة اصلا كانت باهظة وفاحشة وكانت ثلاث اضعاف قيمة السيارة المراد جمركتها والان بعد قرارهم هذا معناها ان قيمة الجمارك اصبحت ٦ اضعاف قيمة السيارة وهذا ما لم يحدث باي بلد في العالم عاجل اصحاب السيارات المحتجزة للجمارك ياتون برد فعل طبيعي ويجمعون علي رفض السداد للجمارك الباهظة وسلطات الجمارك مذهولة !!!! لاول مرة في تاريخ الجمارك وميناء بورتسودان توقف تام ولا اشعار واحد ينفذ سداده .... المواطنون اصحاب السيارات يرفضون جماعيا السداد ولسان حالهم في الحالتين خسران مبين فالتجرب سلطة الجمارك ان تخسر معنا هذه المرة ولتتذوق حنظل قراراتها التي سحقت بها المواطن عقودا من الزمن ...
| |
|
|
|
|
|
|
| |
الطيب عباس
فيس بوك
تويتر
انستقرام
يوتيوب
بنتيريست