|
|
|
 Re: MUNIR ما شاء الله محمد طلع فنانك زيك - لوحة ا� (Re: Abuobeida Ali Abdullah)
|
Quote: ما شاء الله الولد طالع لي ابوه يا الحاج
بس منير زمان كان الهامه بحراوي ويكون رسم ليكم مدرسة الخشب زي ما بيقولوا ناس الشعبية
|
أخى العزيز أبوعبيدة .. ليك وحشة والله، وكل شباب باتشكم الودود ..
زمالة الحاج الدراسية بدأت من الأميرية ٢ لكن الجيرة وصداقة الطفولة قديمة .. نحن ناس الشعبية الجنوب وشارع المدارس سويناهو ساساقة ، أصلو كنا من سكان جنوب ورحلنا شمال ..
| |
  
|
|
|
|
|
|
|
|
Re: MUNIR ما شاء الله محمد طلع فنانك زيك - لوحة ا� (Re: كمال عباس)
|
Quote:
أول مرة أعرف إنو منير عندو موهبة "دق" الطمبور !
وبدل ود جبارة واحد بقو عندنا إتنين !
|
العزيز كمال عباس .. سلام آلاف ..
الطمبور ده عنده منزلة خاصة فى الفؤاد لأنه يمثل حبل الصرة بالنسبة لى مع البلد الجوة البلد .💚
بس للأسف ناس محمد ماعندهم معرفة بيهو .. مرة لمن محمد كان عمره زى ٨ سنة وكنا ماشين إجازة للسودان ، فكنا فى مطار اسطمبول قلنا ليهو يامحمد أمشى أقرأ اللوحة شوف سفريتنا نزلت ؟ يمشى ويجى يقول لسه .. كذا مرة.. ونحن طبعاً كنا متابعين .. وقمنا قلنا ليهو ياولد ما أهو السفرية نزلت فى اللوحة !! فقال لينا لكين أنا كنت بفتش فى كلمة (شايقى) ههههه ..
| |
|
|
|
|
|
|
|
|
|
Re: MUNIR ما شاء الله محمد طلع فنانك زيك - لوحة ا� (Re: طلحة عبدالله)
|
Quote: في قلبى توجد حتة فيها معزة خاصة للصديق الأسفيري الدكتور منير ..
ولك انت الاحترام يا حبيب .
يعجبنى نبوغ الأبناء خصوصا في الكورة والفن .. ههههههه
|
سلامات عزيزى طلحة أبورشّاش..
نفس الشعور يعلم الله ..
طبعاً أنا بستمتع بثنائية تنظيرــ جرجير اللطيفة والتى سببها الكورة .. لكن بالجد ماكنت عارف سيدالبلد ده ومنو الوصيف .. ولسه ماعارف .. لكين عرفت إنك مريخ صهيون .. وأقول يا زول أمسك فى الحاج ده .. مريخ فى مريخ زارعين نجمة فى البيت ..
حتى لاحظ إنو عنده بوست منبر الشعبية العملاق مسميه ـ الشعبية نجمة تزين....... ــ شايف تأثير النجمة ؟ 😁
| |
|
|
|
|
|
|
|
|
|
Re: MUNIR ما شاء الله محمد طلع فنانك زيك - لوحة ا� (Re: Biraima M Adam)
|
Quote:
والله شيئ رائع .. ألف مبرول لمحمد وللوالد الحصيف ول أبا بشامهندس منير، ولأم محمد .. مواهب ذي دي ما بتجي من فراغ وراءها جهد ومثابرة وتحفيز لسقل الموهبة الأصلاً موجوده ..
|
صديقى العزيز بريمة .. شكراً ليك على الطلة وأغنية صديق أحمد الرائعة..
غايتو الحمدلله محمد منير معتمد على نفسه فى التعليم .. والغريبة من عمر تلاتة سنة كان بيطالبنا بأنواع محددة من أقلام التلوين .. ومجننى مرات يطلب نوع أقلام من محل متخصص فى مدينة تانية ــ قريبة ــ
بس مشكلته أنو عنيد عناد شديد ، وقدر ماأحاول أوجهه لينتقل للتلوين بالريشة يمتنع لأنه عايز المبادرة تجىى منه هو ههههه
أنا قلت الطريقة الوحيدة لينوع فى الاستايل أنى أمشى أجيب ألوان وفرشات ولوحة وأرسم لوحة قدامه تخليهو يتحفز للرسم بالريشة .. وأنا شبه متأكد إنه حيبدع إن شاء الله ..
مشكلتى الوحيدة أنا البقدرنى أجيب الألوان وأرسم شنو؟ ده أنا بقيت منتهى عديل هههههههه..
| |
|
|
|
|
|
|
|
|
|
Re: MUNIR ما شاء الله محمد طلع فنانك زيك - لوحة ا� (Re: يحي قباني)
|
Quote:
اهم شي يا منير ما توريهو درب سودانيزاون لاين
خلي الوليد يبدع ...
|
الأخ ودقبانى تحياتى ليك يابوالفن ..
الأولاد من ما ولدوهم لقوا الشاشة الصفراء دى (سودانيز) قدامهم، لغاية ما بقوا يتضجروا منها وبقوا يقرقوا على بيها ويؤلفوا الـroasting للعبدلله ..
قبل كم يوم لقوا الصفحة الصفراء فاتحة وقالوا أأوووووه .. معقول ١٥ سنة الصفحة دى بنفس المنظر ده ، ماحصل فيها تطوير أو تغيير؟!!!
قربت أقول ليهم، بل حصل فيها تدهور .. وبقى الكوت واللنك إلاّ الزوول يكتبه براهو 😉
| |
|
|
|
|
|
|
|
|
 Re: MUNIR ما شاء الله محمد طلع فنان زيك - لوحة ا� (Re: الحاج حمد الحاج)
|
ما شاء الله ربنا يحفظ الابن محمد منير.
الدكتور منير من يومه راجل مبدع.
النابغة منير
رسام وأديب ولاعب كورة حريف.
ودايما مبتسم .
الابتسامة لا تفارق محياهو.
شخصية مرحة للغاية
تشرح الصدر.
و تشفي الفؤاد.
منير
بلسم شفاء .
***
سلام اخوي الحاج حمد الحاج.
ع البوست الرايع.
عزالدين عباس الفحل
ابوظبي
| |
|
|
|
|
|
|
|
|
|
Re: MUNIR ما شاء الله محمد طلع فنان زيك - لوحة ا� (Re: Ahmed Alim)
|
ما شاء الله على محمد منير، موهبة عظيمة.
عندم كان دافنشي في عمر 12 أخذه والده ليتعلم عند الرسام Verrocco،
وفي عمر ال 18، ساعد معلمه في رسم لوحة Baptism of Christ.
قياساً على رسمات محمد الآن و بعد المقارنة، قد يتفوق على دافنشي و عدد
من مشاهير العالم إن شاء الله.
تمنياتي له بالتوفيق و النجاح .
| |
|
|
|
|
|
|
|
|
|
Re: MUNIR ما شاء الله محمد طلع فنان زيك - لوحة ا� (Re: نعمات عماد)
|
Quote:
قياساً على رسمات محمد الآن و بعد المقارنة، قد يتفوق على دافنشي و عدد
من مشاهير العالم إن شاء الله.
تمنياتي له بالتوفيق و النجاح .
|
سلامات يانعمات .. كل سنة وأنتِ طيبة .. وين كتابتك البديعة ديك عن أحوال البورد؟🙂
شكراً ليك وربنا يتقبل أمنياتك لولدنا محمد ..
فى الرسم أدناه يضع رسمه بالقلم مع رسم بالريشة لإحدى الصديقات ..
أنا برضو لاحظت إنو عندهم نشاطات وصداقات على الانستقرام وأحياناً فاز فى مسابقات رسم بين الأصدقاء من بقاع العالم فقاموا أصحابه المنظمين رسلوا ليهو جوائز بالبوستة عديل شى من بريطانيا وشئ من استراليا ووو .. وأنا ماجايب خبر هههه
| |
|
|
|
|
|
|
|
|
|
Re: MUNIR ما شاء الله محمد طلع فنان زيك - لوحة ا� (Re: Ahmed Alim)
|
Quote:
العيون النوركن بجهرا ..
زي جمالكن من السهرا ..
يا بدور القلعة وجوهرا ..
|
سلامات أخ Ahmed Alim
الزوول ده عنيد جداً وعايز أى حاجة أو مبادرة تجى منه هو هههه ..
لمن كان عمره زى أربعة أو خمسة سنوات كنت بوديهم لمدرسة عربية فى الويك إند .. وكان عندهم استاذ من نوبة مصر قال لى مرات فى الحصة يقول لمحمد أقرأ لينا سورة مثلاً .. قال لى لمن محمد ينسى وأقول أذكره يرد عليه بعصبية: ماتؤوليش ماتؤوليش ماتؤوليش ...
ماعايز زول يصلحه زاتو 😁😁
| |
|
|
|
|
|
|
|
|
|
Re: MUNIR ما شاء الله محمد طلع فنان زيك - لوحة ا� (Re: اسامه العريفي)
|
الاخ اسامة العريفى كل عام وانتم بخير..
وشكراً للأخ الحاج على تسليط الضوء على هذا الرسم ..
وللأسف أنا ذاتى فقط عملت سكرين شوت للرسم من صفحته فى الانستقرام ونزلتها فى الفيسبوك ، رغم أنى عارفه لا يحب الشهرة هههه .. لدرجة كان عايز يحظرنى .. إلاّ قلت ليهو احظرنى بصيغة تهديد فتراجع لأنه خاف على شراء الألوان فى المستقبل 😉😎🍒
عموماً صفحته فى انستقرام بإسم mohamed.draws كما هو ظاهر فى الصور ..
سأنزل الرابط إن شاءالله ..
| |
|
|
|
|
|
|
|
|
|
Re: MUNIR ما شاء الله محمد طلع فنانك زيك - لوحة ا� (Re: علي عبدالوهاب عثمان)
|
Quote:
الود ده "ثروة قومية" !!
|
أستاذنا الحبوب علي عبدالوهاب عثمان .. لك ألف سلام ..
شكراً للإطراء ..
الحمدلله محمد معتمد على نفسه ويعلم نفسه بنفسه ..
وبالمناسبة عندما كان عمره أقل من ٨ سنوات كان بطل بلجيكا للكراتيه تحت سن ٨ سنوات ، رغم أنو لم يكن يحمل الجنسية البلجيكية .. شفت الخواجات ديل طيبين ومحايدين كيف ..
و قد تم تكريمه فى حفل حيث أعتقد كان الأفريقى الوحيد وسط باقى الأبطال البلجيك من باقى الأعمار ..
لكنه للأسف توقف عن التدريب وتخلى عن رياضة الكراتيه قبل سنتين بعد أن كان على أعتاب الحزام البنى 😞
| |
|
|
|
|
|
|
|
|
|
Re: MUNIR ما شاء الله محمد طلع فنانك زيك - لوحة ا� (Re: Biraima M Adam)
|
الأخ يحي قباني
Quote: ما شاء الله
ابن الوز ...
اهم شي يا منير ما توريهو درب سودانيزاون لاين
خلي الوليد يبدع ... |
بالفعل ابن الوز عوام و محمد ما شاء الله (أعوم) من منير ههههههههههههه
يا زول الشباب ديل مع انستغرام و باقي المواقع سودانيزاونلاين دا يمكن ما يسمعوا بيهو سمع ، المنبر دا بعد شوية ح يكو حكر علي (الكوامر) ههههههههههههههه
شكرا لمشاركتك القيمة.
| |
|
|
|
|
|
|
| |
الحاج حمد الحاج
Frankly
Abuobeida Ali Abdullah
Munir
طلحة عبدالله
قسم الفضيل مضوي محمد
كمال عباس
علي عبدالوهاب عثمان
Maawya Hussein
يحي قباني
Biraima M Adam
جمال ود القوز
اسامه العريفي
عزالدين عباس الفحل
Ahmed Alim
نعمات عماد
علي محمد الفكي
الشيخ سيد أحمد
فيس بوك
تويتر
انستقرام
يوتيوب
بنتيريست