|
|
|
 Re: تحذير هااااااااام لركاب قطار الخرطوم مدن� (Re: بشير حسـن بشـير)
|
دخلوا يدهم وفكرهم الخرب في كل حاجة ..
حتى فلنكات السكة حديد لم تسلم من عبثهم ..
ومحاولتهم التكسب منها واللغف من عطاءاتها ..
يوم واحد ما شفنا فلنكة الخشب انهارت بالصورة المريعة دي ..
انواع من الاخشاب تصمد امام جميع الظروف المناخية وتتمدد وتنكمش ..
وتتحمل المطر والمياه والحرارة والشمس ..
يجيبوا بدلها فلنكة أسمنت ممكن يكون مضروب خلطته ملعوب فيها ..
لا يتحمل حسب سماكته دي تقلبات المناخ وعوامل الطبيعة ..
اللهم سلم ارواح السودانيين من الناس الحرامية ديل ..
لا يخافوا الله ولا يراعوا حرمة دماء وارواح الناس ..
في ظروفنا المناخية بتاعة السودان ..
في زول عاقل بيختار الاسمنت كفلنكة للسكة حديد .. !! ..
ولا حتى الحديد ليس بخيار افضل من الصنوبر ..
خلي لامن يسووها بي اسمنتيهم المضروب ده ..
| |
 
|
|
|
|
|
|
|
|
Re: تحذير هااااااااام لركاب قطار الخرطوم مدن� (Re: عبدالعظيم مكى)
|
المنظر ده والله انا شفتو بعيوني ديل في محطة الرومي - الشنقيطي
صبات اسمنتية بتاعة مجاري السيول ربك ستر وكلها اتكسرت قبل ما يرفعوها على المجرى بتاع الخور وللعلم الخيران بتاعة الثورة اقل عرض فيها مترين يعني للمواطنين والعربات سواء ..
ولله لو شفتو منظرا فضيحة بس وسابوها في محلها ولم تستبدل حتى وبالتأكيد اخدوا حقها ..
| |
|
|
|
|
|
|
|
|
|
Re: تحذير هااااااااام لركاب قطار الخرطوم مدن� (Re: Abdullah Idrees)
|
أنهيار أخلاقي قبل أن يكون أنهيار معماري أو في الهندسة المدنية
طبعا الشركات تهمل والمهندسين في المحليات والمصالح الحكومية يستلمون أي شئ
ويوقعون والشركات تستلم مستخلصاتها الحرام والكل مبســوط
وأخوان نسيبة في المنابر يشتتون الكورة ويدافعون عن الباطــل
وأصحاب الحــق غافلون ولو ناقشــوا أو قرأوا يناقشــوا بسعة صدر وترحاب بمقترحات
جديدة تخرج من ذات الثعالب التي أكلت دجاج القريــة
أحمد الشايقي
| |
|
|
|
|
|
|
|
|
Re: تحذير هااااااااام لركاب قطار الخرطوم مدن� (Re: Abureesh)
|
قرأت في مكان ما أن السكة حديد متعاقدة مع مقاول صيني لتصنيع الفلنكات الخرسانية و يبيع الواحدة بقيمة 37 دولار !
قوقلت الأمر فعثرت على مقالات تفقع المرارة عن الفساد و التخريب المتعمد لهذا المرفق, يتحدّث المقال عن قروض مليارية لإنشاء خطوط موازية بابعاد قياسية لتستوعب القطارات الحديثة ذات السرعات العالية فكانت النتيجة قطار صيني لخط عطبرة الخرطوم سرعته القصوى 50 كم/ساعة!!
وأيضا حديث عن استبدال الفلنكات الخشبية بأخرى حديدية ثم بالخرسانية و بين هذا وذاك بيع عشرات الآلاف من القضبان و القاطرات القديمة كخردة!
كل هذه تكاليف و ديون على كاهل الشعب و الأجيال الجاية
| |
|
|
|
|
|
|
|
|
|
Re: تحذير هااااااااام لركاب قطار الخرطوم مدن� (Re: عبد الباقي الجيلي)
|
هاك اقبض
قبضك
الشيخ ابوفركة
👇
هذا بيان السكة حديد بعد تداول رواد مواقع التواصل الإجتماعي لصور الفلنكة ( المتشققة ) ..
السلام عليكم :
حول ورود المعلومة بوجود فلنكة ( متشققة ) تم التحرك وكانت الخطوات كما يلي :
١. تم التأكد من وجود الفلنكه المكسوره بالتقاطع الاول في جبره مع شارع الهواء وذلك بعد التقاطع مباشرة .
٢. تم استدعاء فريق عمل فني من مهندسي السكه حديد والمقاول ومصنع الفلنكات الخرصانية .
٣. تم استبدال الفلنكة المتشققة بفلنكة خرسانية جديدة .
٤. تم أخذ الفلنكة المتشققة الي المعمل ويتم حالياً تحليل معطيات التحميل ومطابقتها مع التصميم الخاص لمعرفة سبب حدوث هذا الكسر.
٥. سوف نوافيكم بنتيجة التحليل حال اكتمال الاختبارات المعملية وصدور التقرير.
وما التوفيق الا من المولى القدير
| |
|
|
|
|
|
|
|
|
 Re: تحذير هااااااااام لركاب قطار الخرطوم مدن� (Re: ود الباوقة)
|
من امثله مايحدث فى السكه حديد
الخط المحلى من بحرى حتى الجيلى(ضمن مايعرف بمشروعقطار العاصمه او الضواحى) بسعه 400 راكب بتكله مليون دولار لكل كيلومتر لتاهيل الخط وبناءالمحطات من سنتين
محطات المغتربين - شمبات - الدروشاب ........12 محطه.
حسب جريده الصيحه ( 03-02-2016)
لمن يتبع هذا الخط ؟
لماذا لم تبدا رحلاته ؟
اى جهه تحملت هذه التكلفه واصبح المشروع بعدها مجهول الابوين ؟
من سيعوض خزينه الدوله (المال المدغوع من جيب المواطن) عن فشل المشروع ؟
وعلامات استفهام كثيره
| |
|
|
|
|
|
|
|
|
|
Re: تحذير هااااااااام لركاب قطار الخرطوم مدن� (Re: Asim Ali)
|
ناس الحكومة مش فساد وإستهتار بحيوات الناس وبس
يفترضوا في الناس سذاجة ما بعدها
جاء في بيان السكة حديد
". تم استبدال الفلنكة المتشققة بفلنكة خرسانية جديدة ."
وجبتوها من وين الفلنكة الجديدة مش نفس المصنع ونفس الخلطة ؟؟؟؟
يعني عايزين تقنعونا إنه البايظ فلنكة واحدة وبس؟؟؟؟؟؟
تعرف دي زي زول يضوق ليه حلة عزابة
ويقول ملحها كتير
طابخ الحلة يقول ليه الملح في اللقمة الأكلتها دي بس
باقي الحلة ملحه زابط
كلام المرحوم محمد محمد طه ما وقع واطة
"يفوقون سوء الظن العريض"
| |
|
|
|
|
|
|
|
|
|
Re: تحذير هااااااااام لركاب قطار الخرطوم مدن� (Re: Nasr)
|
ود الباوقة..
هاك اقبض
قبضك
الشيخ ابوفركة
👇
هذا بيان السكة حديد بعد تداول رواد مواقع التواصل الإجتماعي لصور الفلنكة ( المتشققة ) ..
السلام عليكم :
حول ورود المعلومة بوجود فلنكة ( متشققة ) تم التحرك وكانت الخطوات كما يلي :
١. تم التأكد من وجود الفلنكه المكسوره بالتقاطع الاول في جبره مع شارع الهواء وذلك بعد التقاطع مباشرة .
٢. تم استدعاء فريق عمل فني من مهندسي السكه حديد والمقاول ومصنع الفلنكات الخرصانية .
٣. تم استبدال الفلنكة المتشققة بفلنكة خرسانية جديدة .
٤. تم أخذ الفلنكة المتشققة الي المعمل ويتم حالياً تحليل معطيات التحميل ومطابقتها مع التصميم الخاص لمعرفة سبب حدوث هذا الكسر.
٥. سوف نوافيكم بنتيجة التحليل حال اكتمال الاختبارات المعملية وصدور التقرير.
...
الفلنكة التقلبك كفته بحق جاه النبى..
| |
|
|
|
|
|
|
|
|
|
Re: تحذير هااااااااام لركاب قطار الخرطوم مدن� (Re: ود الباوقة)
|
الفلنكات دي أيام الانجليز كانت مصنوعة من خشب، وكانت بتعمر لعدة سنين.
وعندما كنا أطفال كنا نرى عمال السكة حديد وهم يقومون بالكشف على الفلنكات بشكل دوري، وكانوا يقومون بتغيرها وأستبدالها بفلنكات خشبية أيضا.
يا ود الباوقة.
جماعتك ديل بيغشوا حتى في الاشياء المتعلقة بحياة الناس.
وبعد كل ذلك أنت تناصرهم!
أختشي
| |
|
|
|
|
|
|
|
|
|
Re: تحذير هااااااااام لركاب قطار الموووت الخ� (Re: أبوبكر عباس)
|
البيان الرسمى الذى تفضل به ود الباوقة:
"هذا بيان السكة حديد بعد تداول رواد مواقع التواصل الإجتماعي لصور الفلنكة ( المتشققة ) ..
السلام عليكم :
حول ورود المعلومة بوجود فلنكة ( متشققة ) تم التحرك وكانت الخطوات كما يلي :
١. تم التأكد من وجود الفلنكه المكسوره بالتقاطع الاول في جبره مع شارع الهواء وذلك بعد التقاطع مباشرة ."
اولا التهنئة الحارة لرواد التواصل الإجتماعى الذين اخذوا على عاتقهم مهمة عمال الدريسة والمحولجية. ثم ورب الكعبة المشرفة هذا أسوأ بيان اقرأه في.حياتى. وعلى كاتبه ان يخجل ويتوارى خجلا.. ولكن هؤلاء الناس مات ضميرهم فلا يخجلون. اين الصيانة الدورية.. اين برنامج اختبارات الخط اليومية من الخرطوم لمدنى؟ وهل هذه الفلنكة طلعت من مصنع خاص ام هى نفس الخلطة ولكن عوامل الطقس هى التى عجلت بشقيها وأخواتها فى طريقها؟ هل لو انقلب قطار ومات الناس فإن الاخ ود الباوقة سيلوم رواد التواصل الإجتماعى إنهم لم يقوموا بواجبهم فى إرسال دوريات التفتيش فى اوقاتها؟ يا ود الباوقة انت تشتم الناس وجماعتك فى البيان اعطوهم شهادة إكتشاف الكارثة قبل ان تقع.. رغم انهم لم يتكرموا عليهم بكلمة شكر.. فى الدول المتحضرة الغير فاسدة فان مثل الذى نشر الصورة يعتبر بطل قومى وتكرمه الهيئة. ليس لانه قام بواجب ناس الصيانة المبرمجة يوميا.. ولكن لانه اكتشف مشكلة لم ينتبهوا لها فى مرورهم اليومى.
ناسك لم يقدموا حتى صوت شكر فى بيانهم المخجل.. وكأن رواد التواصل الإجتماعى يعملون معهم فنيو صيانة.
ومرة أخرى.. ماذا نفعل مع مهندسين بلا اخلاق.. مهندسى اخر الزمن.
ما فى مهندس فى المنبر يقول لينا هم مجبورين يوقعوا عشان المعايش.. عشان ما يجوعوا يموتوا الناس؟.. ما هو الاقسى الجوع ام الموت؟ باللاى وفروا مثل هذا الكلام الفج.
| |
|
|
|
|
|
|
|
|
|
Re: تحذير هااااااااام لركاب قطار الموووت الخ� (Re: Abureesh)
|
غير قصة الفلنكة المشققة قرات - و العهدة - على وسائل التواصل ان القطار خرج عن السكة مرتين خلال اسابيع قليلة
و الحمد لله ان الخرود حدث داخل العاصمة و كان القطار يسير بسرعة بطيئة نسبيا
مثل هذا الخروج عن السكة لو حدث و القطار يسير بسرعته القصوى فنتائجها كانت ستكون اسوأ بكثير
| |
|
|
|
|
|
|
|
|
|
Re: تحذير هااااااااام لركاب قطار الموووت الخ� (Re: محمد البشرى الخضر)
|
.
علي اليمين ، فلنكات ( السُنُط ) ديك من حملة استرداد السودان ، لمن كانوا الجماعة بيمِدوا في الخط
والجيش ماشي معاه ، قاعده إلا يغيروها بعد عشرات السنين ... ولمن يغيروها يبيعوها للناس في
الدلالة يسووها عناقريب .... علي اليمين عنقريب السُنُط لو رقد فيهو فيل ما ينكسر.... ماااااا تسمعوا
كلام الملره القالت ( حليل الرجال البِكسِّرو العناقريب) .
| |
|
|
|
|
|
|
| |
معاوية عبيد الصائم
بشير حسـن بشـير
جمال ود القوز
تراث
Abdullah Idrees
Abureesh
محمد البشرى الخضر
MOHAMMED ELSHEIKH
عبد الباقي الجيلي
Asim Ali
Nasr
nour tawir
Deng
حاتم إبراهيم
Othman Al-Hasan Babikir
محمد فضل الله المكى
فيس بوك
تويتر
انستقرام
يوتيوب
بنتيريست