|
Re: مبروك المظاهرات (Re: عبدالحفيظ ابوسن)
|
سلام مربع
ود أبو سن .. كيفك ياخي
غايتو انا ذاتي ما فاهم المظاهرات دي فوق أم كم ؟!
لكن عندي صديق رسل لي رسالة بالواتساب ما بقدر انقلها هنا .. لخص فيها الموضوع دا بحكمة بالغة !
ضرب مثل في شكل قصة جميلة المهم بتدور حول الاحتفاظ بالسكين لليوم الأسود أو كما قال المعني !
قال ليهم هسع لو ترامب دا نقلها من سكات دون الإعلان عنها لما تحرك ساكن !
أصلاً هي ما عاوزة ليها اعلام ولا اعلان .. دولة اسرائيل قائمة وتتعامل معها الحكومات العربية والاسلامية كل بطريقته .. زمان كان تحت تحت .. الان الفرق انها بالمفتشر !
يعني المطايب هي هي ! أو كما قال دكتور ود بادي في قصيدته .. حبة واحدة في العشية حب في خشم الولية والمطايب هي هي !
طبعاً اللفة دي كلها عشان ما أنقل رسالة الصديق المعبرة تماماً عن الحالة!
مع تحياتي،،،
عاصم فقيري
| |
|
|
|
|
|
|
Re: مبروك المظاهرات (Re: عبدالحفيظ ابوسن)
|
المشكل يا صديقي ...
انو من تبينا علمونا نكره إسرائيل ...
كتبوا في جوازات سفرنا ...
صالح لكل الدول ... عدا إسرائيل ...
فهمونا انو يهودي يعني إسرائيلي يعني عدونا ...
كبرنا و كبرت معانا تلك المفاهيم ...
ما عرفنا انو في فرق بين اليهودي و الصهيوني و الإسرائيلي الا بعد ما بقينا رجال ...
ما فهمنا ان اليهود ذاتهم فيهم اليهودي ساي و فيهم الاورثوزوكس جووز ...
لذلك لما نطلع و نقول القدس عربيه ...
علمونا كده ... حفظونا فيروز و زهرة المدائن ...
فشنو ... خلو الداير يظاهر يظاهر ...
بكره يكبروا و يفهمو الوهمة الكبيرة ...
الوهمة الاسمها ... العروبة .. و الأمة العربية ...
| |
|
|
|
|
|
|
Re: مبروك المظاهرات (Re: يحي قباني)
|
نعم عاصم مرت علي تلك الرسالة البذئية .. والمستلفة من حكوة القاضي مع الشاكي القديمة . واظنني كتبت بوستا سابقا بالاسم سكين اليوم الاسود او نحو ذلك المدهش في موافقة حكومتنا وحكومات الدول العربية في تشجيع ودعم والدعوة للتظاهرات ثم يمنعونا من التظاهر من اجل حقوقنا ويصل بهم الامر لتشريع منع التظاهر وسن العقوبات الرادعة دي واحدة التانية التظاهر عشان يثبتو شنو مثلا ويثبتو لي منو !؟ اهو دعاوي التطبيع وصلتنا ومن مسؤول وزاري وتصريح وزير خارجيتنا الذي كان حمال اوجه حينها كون ان السياسة تجعل كل شئ ممكنا والمضحك أكثر حديث اردوغان قال خط احمر بقينا ما عارفين لون الخطوط زاتو تركوازي بصلي طوبي فوشي اوفوايت حليل قوس قزح
| |
|
|
|
|
|
|
Re: مبروك المظاهرات (Re: عبدالحفيظ ابوسن)
|
مبارك علينا عصر الغيبوبة للمفارقة فإن مساحة حلايب تساوي مساحة اسرائيل تقريبا .. فتأمل فلسطين "الما هنا" المشاطئة للمتوسط احتلها "العدو الصهيوني " وحلايبنا بلد ادروب وحاج احمد والجمل البشاري تحتلها مصر "الشقيقة الكبرى " ! يعلن ترامب قرارا هو في نظري تحصيل حاصل وواقع معاش منذ عشرات السنين فتثور الثائرات وتندلع المظاهرات وتطل الديماغوجية والنفاق برأسيهما في كل عاصمة عربية وحتى الخرطوم تأتي مصر بشركاتها وشركات "اصدقائها" لنهب حلايب واستيطانها فيأمرنا غندورا بالتهدئة ولا ادري اي بروقٍ ينتظر ؟ وكأنه يهذي هو و فصيله : نعم لاستيطان اسرائيل الذي يساعدنا على البقاء اكثر في السلطة ونعم لاستيطان مصر الذي يساعدنا ايضا ... "امطري حيث شئتِ فسيأتيني خراجك "
| |
|
|
|
|
|
|
Re: مبروك المظاهرات (Re: Abdullah Idrees)
|
موقف العرب والفلسطنيين حينما غزت إسرائيل السودان ! غزت إسرائيل السودان خمسة مرات تقريبا أربعة ضربات في شرق السودان والغزوة الأخيرة كانت في قلب الخرطوم - اليرموك ! نعم غزت إسرائيل السودان وإنتهكت ترابه وسيادته الوطنية والسؤال * فماهو موقف السلطة الفلسطينية وحكومة غزة - هل أصدروا بيانات وأدانوا وشجبوا ؟ *هل عقدت الجامعة العربية إجتماعا -علي مستوي الرؤساء أو وزراء الخارجية لإدانة ماحدث؟ *كم دولة عربية أدانت الغزو والإنتهاك؟ *ماذا لو ضربت إسرائيل يومها الرياض - الدوحة أو القاهرة؟ ماذاسيكون موقف العرب والدولة الإسلامية وقتها؟ *والسؤال الأهم هل تظاهر الشعب الفلسطيني وملأ الشوارع هديرا وإحتجاجا ضد ما الغزو الذي تعرض له السودان هل تضامن مع شعبنا
| |
|
|
|
|
|
|
Re: مبروك المظاهرات (Re: كمال عباس)
|
صحي يا قباني وكمان في فلسطينين اعضاء كنيست واسرائيل دي فيها احزاب وجماعات ضغط ومثقفين يدافعون عن حقوق الفلسطينين واقرب تبسيط للموضوع دة الحكومة الاسرائيلية دي زي بعض الحكومات التي تستغل الدين لبسط هيمنتها
| |
|
|
|
|
|
|
Re: مبروك المظاهرات (Re: عبدالحفيظ ابوسن)
|
السلام عليكم عمنا عبدالحفيظ وضيوفه قولته لي مظاهرات في الخرطوم نحنا ناس بنعمل يا عمنا انت من زمن مظاهرات وكلام زي دا انت قديييييييم يا عمنا في بوست جنبك هنا قال الدفاع الشعبي يعلن جاهزيته و الزحف لتحرير القدس اها شوفته كيف علي القدس ماشين زاحفين تحصل معانا وله تقعد تتفرج وخلي بالك جاتنا السوخي وعندنا الدفاع بالنظر اه كيف معاك ما خطييير عليك الله
| |
|
|
|
|
|
|
Re: مبروك المظاهرات (Re: Mahamed Eltaze)
|
صدقت يا عبدالله ادريس الفشقة و حلايب وقطعونا النمة كمان تنضم يقولو عميل مدفوع بأجندة خارجية لإفساد العلاقة الازلية والتاريخية وقطعة واطة ما بيناتنا واخوانا !! وبل اقترح كاروري ندي مصر شمال السودان لأنهم متضايقين في السكن هناك ونحن فزينا خلينا الشمالية من الحراية وفي حاجة تانية يا عبدالله شوف فعايلهم ما بتقل عن فعايل اليهود بقلعو الواطة من اسيادها وبشيلوهم بالكراكات
| |
|
|
|
|
|
|
Re: مبروك المظاهرات (Re: عبدالحفيظ ابوسن)
|
نعم مبروك يا ود أب ســن
مظاهرة المرضي عنهم .. مظاهرة المواطنين درجـة أولى ... مظاهرة اهل القبلة والاسلام
وبقية الشعب أنصاف مواطنين وأنصاف مسلمين و مؤلفــة قلوبهــم وووو
يعني (فاقــد سياسي) على وزن فاقــد تربــوي ...
فاقد سياسي دا مصطلح جديد وعايز ليهو بوسـت واحفظ لي حقوق الملكية الفكرية
المهــم أخونا عبد الله إدريس قاس المساحات وقال ليك (مساحــة حلايب تساوي مساحــة إسرائيــل)
لكني قســـت الفقـه الإسلامي وأتيك بحديث الرسول الكريم بأن حرمــة ابن أدم أكبـــر من حــرمـــة الكعبة المشرفــة
طبعاً القدس من مقدسات المسلمين .. ولكن قضيتها وتحريرها مرتبط باتفاق المسلمين على ذلك
في (جهد جماعي)
لكن تقديس حرمــة (المسلم ... السوداني) لا يتطلب شيئاً ... سوى إلغاء أوامر ضرب النار على تظاهرات البسطاء
الفقراء أصحاب الحقوق واصحاب الملك
في معسكر كلمة وفي الجريف شرق وفي سبتمبر 2013 وفي كل قبلة رأينا فيها الاسلامويين
أحمد الشايقي
| |
|
|
|
|
|
|
|