قُل للمليحةِ ....... مقرف جداً كان منظر الطاهر ساتي وهو يِِضحّك مع الهمباتي حميدتي ؤ كل شوية شابكو الفريق حِميدتي !، فريق في عينك، قال فريق قال !، أهو طمس لهوية الجيش ومنح رُتب للفارة دا وأشباهه من مرتزقة النظام .ما علينا، المهم في الموضوع البشير الأرعن عندو شهادات كتيرة ؤ فنيلة من ميسي ؤ كمان زوجاتو عندهن شهادات برضو !. خلونا من السياسة ؤ تعالو مع بعض يا حلوين نشوف وجه القمر سافر، أو وجه المجتمع السوداني إن صحّ التعبير . إذا نظرنا للفقاسات بنلقاها فيها فايدة عظيمة جداً حيث أنها بتمنحنا كتاكيت سغيرونات ؤ حِلوآت ؤ لآمن يكبرن بيبقن احلى مع الشوشوة، لكن فقاسات التعليم في السودان وأعني الجامعات البِقن في ايّ كورنر بفقسن ؤ يدن الشارع، يعني بيخرجِن عطالة السبب الذي جعل المجتمع السوداني مجتمع مُبتكِر وخلآق ينظر لمتطلبات الحياة ثم يقوم بتفصيل وظائف تلبي إحتياجات العطالة الهائمين في الطُرُقات، لكن بعض هذه الوظائف يكون غريب وعجيب بل كمان غريب وعجيب جداً !!!.
كِدي تعالوا نشوف وآحدة من الوظائف دي ؤ رددوا معايا، تعيش حكومتنا للأبد ...
12-01-2017, 04:09 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14422
مع خضروات المصريين وفواكههم المسمدة ؤ مروية بالخرا يبدو إنهم صدروا لينا بعض عاداتهم الأخرا وأمر وأهمّ عادة من هذه العادات المنّاحة، وهي مرا يأجروها أهل الميت تجي تتنخج زييييين ؤ هم يقيفوا بعيد آخر اليوم يدوها الفي النصيب، ولا أستبعد ان ينقلو لينا عادة الشيخ ابو حلقوم البيجي يقرأ القرآن دآك . حتي الأحزان دخلت مصلحة العمل، والناس أصبحوا يأجرو من يحزن لهم !، المُهم إنو إتخلقت وظيفة قللت نسبة العطالة، ؤ هو الحزن زاتو كعب، أما الأفراح فدي بقى أمرها عجب .
كدي تعالوا معانا نلقي نظرة علي الأفراح وهي موضوعنا الأساسي، وهذا لا يمنع ان نتطرق لمثل هذه الأشياء ...
12-01-2017, 04:15 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14422
كمان شوفو الصورة الخاتنها ديباجة للخبر !، علي الليمان نحن زمان صورة أحشم من دي بكتير بنكون داسنها في مكان غميّس عشان أهلنا ما يزنقونا شايلنها ؤ بنمرقا للحوجة الشديدة جداً نقضي غردنا ؤ نوكرا تاني الجن اللحمر ما يشوفا، يعني زي صورة المقال دي زمان عندنا زي الأفلآم المحرّمة .
* أحشم علي وزن أفعل، وهي زي أشحم بمعني أكثر شحماً، دا عشان ما تمشو قوقل ...
12-01-2017, 04:33 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14422
Quote: يعني عاوز الطاهر التوم يقول شنو مثلا لحرامي الحمير ده ثم مشتاقين ياخ
يا حيدر حرامي الحمير صدّق إنو قوات نظامية إستشاط غضب لما سألوهو عن تأثير الحصل علي القبيلة باعتبار إنو رافض للقبلية، لكن أوضح جلياً إنو قضيتو مع هلال شخصية لمان سألوهو هل قابلو في المطار حتي بالأمارة دبّج غضبتو بعبارة يا عيب الشوّم !. طبعاً المغفل ما عارف في القوات النظامية الولاء للوطن دون تحيُز حتي لو كان للنفس . دا وآحد #################### جاتو الأمارة من صعاليق ...
12-02-2017, 11:02 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14422
Quote: سلام ود المدير بما انو ما في صناعة سينما أو مسلسلات تنافس المستورد أو صناعة أزياء تستوعب السمحين ، قاموا أخترعوا االوظيفة البتشبه قليلا ال Public Relations!! أتمنى للبقية حظا أوفر في وظائف حقيقية.
سلآمات يا دكتورة .
برضو كمان نقول برافو للزول اللِخترع الوظيفة، طالما في حوجة يبقى ايه لا، ؤ برضو نقول اخير من قُعاد ساكت . إن شاء الله البقية يسوظفو ؤ يسِندو أهلُن يا قول حبوبتي ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معاوية المدير
معاوية الزبير
حيدر حسن ميرغني
نعمات عماد
فيس بوك
تويتر
انستقرام
يوتيوب
بنتيريست