|
|
|
 Re: المناضلين! (Re: عبدالحفيظ ابوسن)
|
بنتونس ذات مرة
قال لي
ناسك ديل ويقصد البورداب شايفهم بتكلمو عن النضال . ومرات بتحدثو عن تقاعس ناس الداخل وانهم راضين . ومش كدة بس في واحدين بقولو نستاهل نحن زاتنا
وبفرحوا بي النكبات
سألتو كيف يعني
قال لي بفرحوا بزيادة الدولار واسعار السلع وناسين ان دة بصيبنا نحن ديل وما بصيب غيرنا
قلت ليهو لكن ارتفاع الدولار عاد يعني يكضبو
قال لي انا مافي نقل الخبر ولكن في السعادة بيهو
انقل الخبر لكن ورينا انك متعاطف معانا مش شمتان في الحكومة
الحكومة مافي زول قال كويسة
| |
 
|
|
|
|
|
|
|
|
Re: المناضلين! (Re: عبدالحفيظ ابوسن)
|
سلام عبد الحفيظ أبوسن
(انا بعتبر مجرد وجودنا داخل الوطن نضال
ان نعيش دون انكسار او هزيمة داخلية )
كلامو دا صحيح !
بس زيادة الدولار" والأسعار والمعاناة أغلبنا - يتناولها - كأمر موضوعي حادث وماثل - رضينا أو أبينا - وحتي وإن لم نعلق عليها ستظل حاضرة ! الحديث عنها يخرج عن التعليق إلي دور
الإنقاذ في الإنهيار والدمار وهو إستهداف - للعلة وأس الكارثة وليس فرحا بالتدهور !
* أنت تعاني من الديكتاتورية والقمع والفساد والإستبداد فهل حديثي عنها يعني فرح بهذا أم نقد وتصدي له ؟
* يقول
( . ومرات بتحدثو عن تقاعس ناس الداخل وانهم راضين . ومش كدة بس في واحدين بقولو نستاهل نحن زاتنا)
الحديث عن التقاعس وضعف التفاعل - وتحميل ذلك للجماهير - حديث رغبوي أكثر منه تقييم موضوعي - يستوي ذلك صدور الحديث من الداخل والخارج !
التقييم السليم - يضع في الإعتبار الظروف الموضوعية -وإكتمال الظروف الذاتية وحالة القمع والقهر والتحكم في مفاصل الدولة ! لا يوجد عاقل يحاكم الجماهير ويحكم عليها بهذه الطريقة
فهذا تفكير صفوي وإنعزالي !
** نحكم علي الأحزاب ونقييمها ونتقدها - من حيث الأداء والأدوات والأساليب ولكن مع هذا نضع - في الإعتبار ظروفها الذاتية ومعاناتها وطبيعتها من حيث إنها - أحزاب مدنية وليست عسكرية
وجدت لتعمل في مناخ ديموقراطي ولكن ليست من طبيعتها ومهامها إستعادة الديموقراطية فيما عدا - حشد وتحريض جماهيرها - ويستثني من ذلك الأحزاب المدنية الثورية
فطبيعتها تتطلب مهام أكبر !
* ،، نحن نعتبر عنصر مكمل لكم وإضافة لاخصم - فضح الفساد والتزوير والدمار - والتعذيب وفتح المنافذ لصوت الداخل والتواصل مع المنظمات الإنسانية والإعلامية الخارجية - بل مجرد صمود
أغلبنا في وجه الإغراءت - مال وسلطة - في وقت تهافت البعض - فيه علي موائد السلطة وهذا البعض القليل - جاء من الخارج والداخل ! ، إذا نحن في ذات الخندق إضافة لاخصم!
بعكس ممن لاتعنيه المعارضة - داخلية كانت أو خارجية - أو من يساند السلطة أو يماليها أو يخذل عنها - أو من إختار الحياد بين القاتل والمقتول والجلاد والضحية ومن يفسد ويستبد ومن يقع
ضحية لذلك !
* إغلب ما أطلق عليهم صديقك مناضليين - لم يولدو بالخارح ولم يكتسبوا معارضة النظام في المهاجر ! فمنهم من عذب وشرد وطرد من عمله ومن تصدي داخل السودان للسلطة لذا
هم أدري بطبيعة الداخل وظروف الداخل - يعطونه الأولوية ولايزايدون عليه ! وبالنسبة للمعاناة لداخلية - فكثيرا من أهل الخارج يدفعون فواتير الغلاء والمعاناة - لأنهم يقومون بواجباتهم المالية
تجاه الأسر والعوائل والأقارب الخ !
قلت في أكثر من موقع
(معارضة الأسافير !
طرح الرؤية والرأي والتعبير عبر الوسائط العصرية حق ووسيلة عصرية مؤثرة - يوظفها المعارض داخل وخارج الوطن - ويستغلها أبواق السلطة بل وتستغلها السلطة نفسها وتهدر إموال شعبناوموارده في الصرف علي المرتزقة والأجراء - ويستغلها المخذليين - والأنقياء ومن يتحرك بأجندة إو بلا أجندة ومن كان همه الوطن وحسب !
- لامجال للمزائدة علي من هم بالخارج - أو إستهدافهم برفع قميص الأسافير - فأغلب هولاء لم يزعموا أنهم قادة الثورة والتغير بل كثيرا ممن بالخارج يعتبرون ان دورهم ثانوي ومكمل وكثيرين ممن بالداخل يقدرون هذا ويثمنونه ويعتبرونه دعما لهم وخصما علي جلادهم !!واغلب ناس الخارج ديل عاشو أكلح حقب الانقاذ وكأنو علي ذات مواقفهم هذه / ايّام الدراسة والعمل والسكن بالوطن ولَم يصابوا بعدوي معارضة النظام بالخارج او يتعلموا معارضته في المهجر والمغترب وكانوا يقدرون يومها من يجهز برأيه وموقفه المعارض خارج الوطن !! يقول قائلهم ان كان نعيش خارج الوطن فان الوطن لازال يعيش بداخلنا !! المغترب ليس من يقيم خارج الوطن وانما اسو أ أنماط الاغتراب ان تغترب عن هموم وطنك وقضايا شعبك او ان تنحاز لجلاده أو تبرر له او تندثر بالصمت. المتواطئ. تجاه. مايحدث فيه !!
أغلب هولاء كانوا بالوطن -في أكلح حقب الإنقاذ - تعرضوا للطرد من وظائفهم - أو الإعتقال والتضييق - وصدحوا بالحق والرأي - في الحي ومكان العمل والدراسة - إذا أن التصدي للسلطة ليست سمة هبطت عليهم في المهاجر)
...
| |
|
|
|
|
|
|
|
|
 Re: المناضلين! (Re: كمال عباس)
|
الاخ عبد الحفيظ وضيوفه - سلام
قال لي انا بعتبر مجرد وجودنا داخل الوطن نضال ان نعيش دون انكسار او هزيمة داخلية
.
والمحافظه على تماسك وملامح ماتبقى من الوطن بعد 30سنه من هجمه تتريه ضربت كل جوانب الحياه
السودانيه.
| |
|
|
|
|
|
|
|
|
|
Re: المناضلين! (Re: محمد البشرى الخضر)
|
قول لي صاحبك المحامي دا انشاء الدولار يصل 60 ج والحصار ما يترفع
و القيامة تقوم زاتو
والله يا حفيظ ما بغيظني الا الزول الما عارف انو اي نزول في الدولار ورفع للحصار ما بستفيد منو الا هؤلاء التاافهين
بقينا شعب ذاكرتو مثقوبة نسيتو اكتر من 15 سنة والبترول كبا قروش زي الرز وفي وقت الانفراجة
دي حصل لينا شنو هم ازدادوا ثراء فاحش وقتلوا اهلنا بسلاح الاشتروه من
البترول .واول ما خرج البترول خرج من الموازنة بعد الانفصال بانت فضايحهم سالنا نفسنا قروشو مشت وين .وبعدا بدت الهجمة على الاراضي سكني زراعي ما خلو شبر شيء استثمار كضب الفايدة فقط لي نفس الشرهين الما بشبعوا
الارض معظمها استاجرت الاجنبي .
عشان كدة بتمنى من كل قلبي الدولار ما ينزل و الحصار يتجدد وبن سلمان يقلب عليهم .
نحن تب ما خايفين من فقر ولا جوع هم اليركزوا
حفيظ شالوم
| |
|
|
|
|
|
|
|
|
|
Re: المناضلين! (Re: عبدالحفيظ ابوسن)
|
التعليق يا حفيظ ورد في سياق اتهام "عقد الجلاد" بالسقوط ..
وقلت عني انا شخصيا لا امتلك ذلك السجل الوطني الناصع داك الذي يجعلني اتهم فرقة كعقد الجلاد بالسقوط ..
رصيدهم الوطني أكبر بكثير من رصيدي كزول مغترب اطلق ساقيه لريح الاغتراب في اول سانحة
مودتي
| |
|
|
|
|
|
|
|
|
Re: المناضلين! (Re: محمد حيدر المشرف)
|
سلام عبدالحفيظ،
ما عارف تعبير (مناضلين) من صاحبك والا من عندك ... إنت قلت سمّانا (ناسك ديل).
مش مهم ... خلينا نتناول الموضوع على أساس إنو بيعكس كلام كتيرين، ما كلام صاحبك براهو.
قبل رفع الحصار وبعده ... إتحسنت الأحوال المعيشية؟
هل نتج عن رفع الحصار نزول في سعر الدولار؟
مع احترامي لي صاحبك ولكل من يحمل الفكرة دي.
المناضلين أو (ناسك ديل)، كل واحد فيهم عندو ناس قاعدين معاكم ومكويين بالحاصل ومشاركهم في كل تفاصيل غلاء المعيشة وتوفير الدواء وكل ما يخطر ببالك من تفاصيل.
ما حأدخل طبعاً في مقارنة بين القاعدين بره والمحروقين بالجمر ... لكن (ناسك ديل) ما كلهم بره البلد، وعندك مداخلة علي دفع الله مثال.
| |
|
|
|
|
|
|
|
|
|
Re: المناضلين! (Re: محمد أبوالعزائم أبوالريش)
|
| Quote: الإنقاذ في الإنهيار والدمار وهو إستهداف - للعلة وأس الكارثة وليس فرحا بالتدهور ! |
لا يا كمال المناتلين فرحانين بالتدهور لإنهم بعتبروه بهِد الحكومة
وزى ما قال على دفع الله الذى أخطأ فاصاب التدهور يصب فى
مصلحة الحكومة ومع ذلك المناتلين فرحانين بيه على طريقة عجبنى
للمرقوت والقطية اللى اتربوا فيها تحرق بى جاز وِسِخ والام اللى
رضَّعتهم تحت ظلها وشالت الحِليلة على المراح تتشرَّد لا يهم ,,
المناتلين بناتلوا فى الحكومة على طريقة أخطأت الأعجمية فأصابت.
| |
|
|
|
|
|
|
|
|
|
Re: المناضلين! (Re: عبدالعزيز الفاضلابى)
|
تحياتي لكم
صدقا نقلت جزءا من نقاشي معه
وهو يفعل اكثر من الصمود بالداخل
نقلت كلامه وفكرتة عموما
مشرف يا صاحب فقط ان تعليقك جعلني اتذكر وانقل قوله
حديثك طيب ومحفز
سأعود
| |
|
|
|
|
|
|
|
|
|
Re: المناضلين! (Re: عبدالعزيز الفاضلابى)
|
التحية لكل أهلنا بالداخل فهم أكرم منا جميعاً ,, إنهم الشهداء الأحياء.
والتحية لكل زملاء المهنة القضاء الجالس والقضاء الواقف بشقيه
وهم يسدون آخر ثغر بقى من الوطن يأوى اليه أهل الثغور الأخرى
التى أسقِطت فى الحرب الغير متكافئة ومن ثغر أهل القانون سوف
تتحرر الثغور التى استبيحت.
| |
|
|
|
|
|
|
|
|
|
Re: المناضلين! (Re: كمال عباس)
|
Quote: ما أعرفه أن أغلبية المهاجريين ديل مامقطوعيين من شجرة بل يفرض عليهم الواجب إعالة الأسر والأقارب -
في المعيشة والعلاج والتعليم !
يعني - يشيل يدو يطبز عينو ! تخلي الدولة عن واجبها في دعم ورعاية العلاج والتعليم |
وعليكم السلام يا كمال ..
مش الأغلبية كل المهاجرين جاؤا من شجرة اصلها ثابت وفرعها فى سماء الوطن.
الحديث هنا لايستهدف المهاجرين (الحديث عن المناتلين وليس عن المعارضين) والمناتل ليس بالضرورة أن يكون مهاجراً .. وود ابسن
لإنه زول مهذب سماهم المناضلين لإنه من اهل السودان اللى بقولوا
للأعور (كريم العين) تأدباً.
هؤلاء المناتلين نعم يطبزوا عينهم باصابعهم لأن بأعينهم حول (حوص)
لذلك لما يجوا يطبزوا عين الحكومة بياكلوا كباب الزول الجنبهم.
Quote: زاد من العبء علي المهاجر - فبدلا من الخبز والطعام - والإيجار وقع عليهم عبء جديد !
يفرحو علي شنو علي سجمم وخراب بيوتهم ؟؟ |
هذا ليس عبئاً انما رد لدين قديم ,, كانوا قد اخذوه من غير منًّ ولا أذى.
هذا بالنسبة الى المهاجرين أما بالنسبة الى المناتلين فلأنهم كما قلنا
يناتلون على طريقة عجبنى للمرقوت ,,
Quote: في نوعية من الناس بترفض الحديث عن التناول الخبري والموضوعي لإنهيار الأحوال وإرتفاع
الدولار - وغلاء الأسعار - بل وحتي الديكتاتورية - والقهر - رفضا للهجوم علي النظام ورفضا
لتحميله مسؤلية الإنهيار والكوارث ! |
ديل إما اهل النظام أو المستفيدون من النظام ومن قصدهم المحامى
صديق ود ابسن هم الذين لايرون ابعد من ارنبة الانف ,, ولا بأس
أن يتوقفوا عند رأيه ويراجعوا مواقفهم لأن المعارضة لا تكون معارضة
اذا كانت بالحق وبالباطل ,, المعارضة للحق أقل ما يقال عنها حَمَقْ.
Quote: التناول الموضوعي لإرتفاع الدولار - وغلاء الأسعار وإنعكاسه علي المواطن وتحميل النظام مسؤلية التردي -
دا حق مشروع -وأمر بديهي بل واجب يمليه ضميرك ووطنيتك وإنحيازك
لشعبك ! |
الموضوعييون ما فى زول هبشم ولا هَوَّب ناحيتم ,,
Quote: لن أنبش الضمائير وأغوص في تلافيف القلوب - لأتحسس منطلقات ودوافع الناس من
إيراد خبر حقيقي أ والتعليق عليه |
موضوع الجواب بِتْعَرِف من عنوانه ,, ونحن لا نحكم على الناس
من ماتخفيه الصدور إنما (تلافيف الدماغ) هى التى تُفرغه ليطَّلع
عليه الناس.
| |
|
|
|
|
|
|
|
|
|
Re: المناضلين! (Re: عبدالعزيز الفاضلابى)
|
سلام يافاضلابي
(هذا ليس عبئاً انما رد لدين قديم ,, كانوا قد اخذوه من غير منًّ ولا أذى.
هذا بالنسبة الى المهاجرين أما بالنسبة الى المناتلين فلأنهم كما قلنا
يناتلون على طريقة عجبنى للمرقوت ,, )
نعم هو واجب ! ولكن تخلي الدولة عن مسؤليتها في دعم العلاج والتعليم ودعم السلع الأساسية شكل عبء إضافي علي المواطن - عبء فوق طاقته ودخله المحدود
وبالتالي وهو عبء علي المغترب الذي يعول أهله ويعين أقاربه !
* المناضل وماتسميه بمناتل والغير مصنف - كلهم فرض عليهم الواجب إعالة الأسر والأقارب - في المعيشة والعلاج والتعليم !
وبالتالي لا أفهم ولا إعتقد أن هناك من يفرح حقا لضرر يصيبه ويصيب أهله ! هولاء ينطبق عليهم قولي (هناك من قدينقله إي الخبر بطريقة يكائد فيه أنبياء النظام الكذبة والسخرية منهم ومن أخبارهم الملفقة ولكن في دواخله تجده يتحسر علي الوضع!) أوهناك نوعية تنقل الخبر من باب السبق ولحوق السوق !
| |
|
|
|
|
|
|
|
|
|
Re: المناضلين! (Re: كمال عباس)
|
ذلك قول صديقي
اما قولي
كما داخل الوطن مناضلين فالخائنون للوطن داخله . من دمر الوطن يسكنون داخله ويمصون دمه
ليس كل من خرج من الوطن بجبان .. فلا يمكن لنا ان نعرف أي ظرف يعيشون لو ظلوا داخله بل في خروج بعضهم حياة لآخرين داخل الوطن
كما ان مجرد الصمود في الداخل نضال فمجرد مساعدة الاهل والاصدقاء نضال لأهل الخارج
ألوم الاحزاب فهي المهيأة لتنظيم الناس وممارسة عمل سياسي منظم ومثمر .
ارتفاع الدولار لن يزيد سوي معاناة الناس ولن يستفيد منه سوي اثرياء السلطة
ما حدث اسوأ من ارتفاع الدولار . وحدث كثيرا . فساد وقتل وبلطجة واستهانة بالقانون والدستور والعرف والخدمة العسكرية والمدنية من قبل السلطة
ارتفاع الدولار لن يفاقم إلا ازمة المواطن ويجعل حياته عسيرة
زعماء المعارضة من اليمن واليسار والحركات المسلحة يقربون ويبعدون كقطع الشطرنج
يقتل الشباب وتنتهك الحرمات والاموال ويتم التلاعب بهيبة الوطن ونحن جميعا نقرأ سخرية اللغة والنقد
نعم
الثورة ليست رغبة شخصية ولها شروط . فهل ساهمنا في تعميق حدة تناقضها من اجل تغيير نوعي
انظر لأي مفسدة مهما عظمت كم تأخذ من الانتباه ولا تتحول لغضب منظم
ليس لأحد حق صكوك الوطنية
ولكن لنا ان نحدد الخائنون
| |
|
|
|
|
|
|
|
|
|
Re: المناضلين! (Re: عبدالحفيظ ابوسن)
|
ياكمال دونك المنبر ,, وكما قال المسيح عليه السلام: من ثمارهم تعرفونهم .
هناك فرق بين نقل الخبر والكتابة بشماتة .
اللهم اغفر للمناتلين إنهم لايعلمون.
| |
|
|
|
|
|
|
|
|
|
Re: المناضلين! (Re: عبدالحفيظ ابوسن)
|
كما ان مجرد الصمود في الداخل نضال فمجرد مساعدة الاهل والاصدقاء نضال لأهل الخارج
ألوم الاحزاب فهي المهيأة لتنظيم الناس وممارسة عمل سياسي منظم ومثمر .
ارتفاع الدولار لن يزيد سوي معاناة الناس ولن يستفيد منه سوي اثرياء السلطة
ما حدث اسوأ من ارتفاع الدولار . وحدث كثيرا . فساد وقتل وبلطجة
واستهانة بالقانون والدستور والعرف والخدمة العسكرية والمدنية من قبل السلطة
التباكي دا حدو متين !!
قرفنا من شماعة الاحزاب والحركات المسلحة ..
| |
|
|
|
|
|
|
|
|
|
Re: المناضلين! (Re: Arif Nashed)
|
Quote: التباكي دا حدو متين !!
قرفنا من شماعة الاحزاب والحركات المسلحة |
حده لما ترتقى الاحزاب لمستوى المسؤلية وتكون
احزاب برنامج مش احزاب طلاَّب سلطة.
مش احزاب سوف وس واخواتها.
ولما تخاطب الحركات المسلحة المواطن السودانى
بخطاب قومى مشفوع ببرنامج قومى Make sense
مش خطاب جهوى ,,
حده لما كل نفرين ما لقوا وضعهم فى الحزب ولَّا فى الحركة
مشوا عملوا حركة منبثقة زى بوستات المنبر يرجعوا للحزب
ويعرفوا إن المكانة والرفعة فى الحزب تجيئ من الجندى المجهول
قبل أن تجيئ من رئيس الحزب.
تقدر هسع تورينى الفرق شنو بين حزب الأمة والحزب الاتحادى؟
طيب ليه عاملين حزبين ,, شنو الفرق بين أحزاب اليسار؟
اسال عن الفرق من حيث شكل الحكم والدولة والنظام الاقتصادى
(إشتراكى ,, رأسمالى ,, مختلط).
الاحزاب دى مش شماعة ,, دى حمار هدوم.
| |
|
|
|
|
|
|
|
|
|
Re: المناضلين! (Re: عبدالعزيز الفاضلابى)
|
لا خلاف معك يا كمال فيما قلته
اتفق معك تماما
ولكن يوجد امر يزعجني جدا بشكل شخصي
إعلاء من شأن الحل الفرد
اقول ليك كيف
الدعوة ل اللوتري وشرح طريقتو ومش كدة وبس
بكري زاتو يعلقو علي استار المنبر
كمية بوستات تدعو الشباب للخروج
| |
|
|
|
|
|
|
|
|
|
Re: المناضلين! (Re: عبدالحفيظ ابوسن)
|
مرحب عاصم
نعم فليحافظو علي التراث من خلال حياتهم اليوماتي في ظل الوجود الاجنبي دون قيد
مرحب علي
نحن الذين قيامتنا بتقوم ونحن من سندفع الثمن
اولادهم بقروا برة
عندهم شقق وعمارات وارصدة برة
وعندهم من الوسائل والعلاقات ما تتيح لهم يلحقو اولادهم
وجوازات اجنبية
ف شنو
نحن البننضغط
الفقر خايفين منو والله
الفقر هو عجزنا عن ان نأكل او نتعالج او نتعلم
الفقر ما حبابو تب
بيدنا لا بيد ترامب ولا سلمان
بيدنا نحن ان لا نصير فقرا
لن ننتظر احدا ان يضيق عليهم
بنضيقها عليهم برانا
كيف !؟
دة المفروض يكون واجبنا
وان كانت ثمة دعوات فلتكن من اجل ان تنير بصيرتنا وتوحدنا
| |
|
|
|
|
|
|
|
|
|
Re: المناضلين! (Re: عبدالحفيظ ابوسن)
|
عبدالحفيظ صباحك خير وضيوفك
اذا كان الحكومة بتوظف اعلامه كله لخداع المواطن
وتقل فرية بأنه لمجرد رفع ما يعرف بالحصار كفيل بنقل المواطن
الي حياة الرفاهية
وبعض اذنابهم بحتفلوا بالخداع ده
وبساهموا بفاعلية في تخدير المواطن
يبقى صاحبك المحامي عايز الرد على الأكاذيب دي يكون كيف ؟؟
وليه صاحبك ما اهتم بكم المعلومات المغلوطة
عن ارتفاع قيمة الجنيه السوداني وتقهقر الدولار
وليه اعتبر لو في ردود شامتة متشفية هي بمثابة خصما
عن نضاله في الداخل ؟؟؟
وعلى فكرة ما شايف لي بوست مكتوب في المنبر ده هدف الي التقليل
من شأن نضالات وصمود المواطن السوداني الموجود بالداخل
الموجود لربما مواقف ناقدة لأداء العمل المعارضة وده في رأيي مطلوب
وصحي
المهم
انا شايف محاميك ده ذهجان وبس
| |
|
|
|
|
|
|
|
|
|
Re: المناضلين! (Re: فرح الطاهر ابو روضة)
|
أنا لا أرى المشكلة في مكان تواجد الإنسان حتى يُفسّر تفاعله مع الأمور مثل فرحة اهو عدمه برفع العقوبات أو تقاس وطنيته به.
المشكلة في ظن البعض - سواء في الداخل أو الخارج - أنّهم هم الصح ومن او ما سواهم خطأ, هم فقط الوطنيين و طريقتهم هي الطريقة الوطنية السليمة وما عداها ليس كذلك
موقعك الجغرافي قد يتغيّر بين ليلة أو ضحاها فيخرج من بالداخل أو يعود من كان في الخارج فهل هذا يغير تفسير مواقفك أو قياس وطنيتك؟
لذا الأسلم عدم المزايدة او التخوين أو الاستذة أو تجيير تفاعلات الآخر لكذا وكذا او مكان وجوده أو ميوله وافتراض اشياء و انتماءات و العمل على تقبّل الرأي المخالف كحق أصيل له.
فا زولك المحامي دا قول ليه بعض من في الخارج تظاهر أمام البيت الأبيض مطالبا برفع العقوبات و بعض من في الداخل يرى في رفعها زيادة اذى للشعب و في صالح الحكومة!
| |
|
|
|
|
|
|
|
|
|
Re: المناضلين! (Re: فرح الطاهر ابو روضة)
|
مرحب مشرف
لا ياخ العفو من كل حسب طاقته
اتخاذ قرار كهذا لا يخضع لمعيار الوطنية الاصم
كلو زول حاكماهو ظروف عطفا علي بوست العوارة بتاع معاوية هههه
اتخاذ قرار الاغتراب حينها تحكمه ظروف كثيرة قد لا تجعل الشخص ينظر له نظرة ناقدة إلا بعد مضي سنوات
الجو العام للاسف جو هجرة واغتراب . حتي في المنبر هنا جو تشجيع علي الاغتراب والهجرة ودونك اللوتري اللافي دة . والتبريكات لمن فاز به
ف شنو بدل ان يكون خيار شخصي فكأنه صار قرار جماعي واستراتيجية
ومن موقع كموقع سودانيز
اكتر من مرة يا مشرف واحد بضرب لي داير يجي راجع وبعضهم اعضاء هنا
بحكم وجودي بالسودان
يربكني السؤال الامر ليس بهذه القطعية والجواب السهل
تعال راجع
ابدا ليس هكذا . العودة تخصك وحدك . تخص وضعك الاقتصادي والاسري وليس واجبا مقدسا
تخص وضعك هناك وامكانية وضعك هنا مع استيعاب شكل الحياة هنا من مضايقات ومنغصات
جدا سفيان
ابلغه سلامك والله
| |
|
|
|
|
|
|
|
|
|
Re: المناضلين! (Re: عبدالحفيظ ابوسن)
|
مرحب منعم
وتشكر
مرحب ابوالريش
واظن وان لم يكن له اهل بالداخل فلا يمنعه هذا من وطنيته
ناسك ديل هو من التعابير التي لا تحمل تقيما سالبا او موجبا . فأقول لك زولك دة وانت تفهم الحاصل وفق مجريات الحديث . قد يكون شخصا عزيزا عليك او مقيتا وقد يكون يخصه هو
كل من يعمل لتغيير الواقع ولا يرض به وان اختلفت وجهات النظر فهو مناضل من اجل الافضل غض النظر عن اين هو
ربما قصيدة من اجنبي تلهب حماس الناس
او ربما كشف فساد من اجنبي يراكم الغضب
الانسان السوي يطلب الافضل الانساني لكل الناس
| |
|
|
|
|
|
|
|
|
|
Re: المناضلين! (Re: عبدالحفيظ ابوسن)
|
مرحب فاضلابي
تعبير مناتل فيهو ازدراء واحتقار للنضال مثل مثقفاتية
وهي للاسف صنعة حكومية لفت عضد النضال
اتفق معك الفرح بالكوارث لن يقدم حلا بل يزيد معاناة الناس
مرحبا عارف
لأن الاحزاب هي المهيأة والمؤهلة للحكم .
ان لم تقف الاحزاب موقفا مبدئيا صارما فمصير هذا الوطن التشظي
هو ليس بكاءا ابدا
بل ان تقف موقفا عمليا صارما
| |
|
|
|
|
|
|
|
|
|
Re: المناضلين! (Re: عبدالحفيظ ابوسن)
|
حبابك فرح
اليتيم ما بسكتو اللولاي
لو ان كل اهل الحكومة والمعارضة قالوا رفع العقوبات سيجعل حياتنا رغدة لن يصدقهم اهل الداخل
الحل
اسقاط هذه السلطة بحركة جماهيرية
وليس من الخارج
| |
|
|
|
|
|
|
|
|
|
Re: المناضلين! (Re: عبدالحفيظ ابوسن)
|
تعرف يا حفيظ !!!
المسالة ما مفروض تدخل في حيز المزايدات ..
لا يزايدن أحد على احد..
ولكن من المهم جدا أن يدرك المهاجرون والمغتربون أن لخياراتهم الشخصية تداعيات وطنية كبيرة منها الايجابي ومنها السلبي
واحدة من أهم الاسباب في وجهة نظري المتواضعة لاستمرار الانقاذ هو الغياب الكبير او التفريغ الحصل لاجيال متعاقبة من الخريجين للخارج .. لو نظرنا لهذه الفئة وخصائصها فاننا سنخلص لنتيجة مفادها أنهم يمثلوا الوقود الحيوي لاي عملية تغيير وطني للافضل .. سواء كان هذا التغيير راديكالي او ناعم او كيفما اتفق.. بمعنى ان الامر ليس محصورا بالتغيير السياسي او الثوري فقط ..
اختر مكانك ثم احترق حيث انتهيت ...
لا اود الاحتراق بهذا الاستشهاد ولكن -فقط- المعرفة التامة بوجود فداحة وطنية كبرى في الهجرة او الاغتراب .. مع التأكيد على ان ذلك لا ينتقص من الدور الاقتصادي المهم للمغترب/المهاجر السوداني في الحيز الاسري والعائلي
| |
|
|
|
|
|
|
|
|
|
Re: المناضلين! (Re: محمد حيدر المشرف)
|
نعم يا ابسن ان من بالداخل يناضلون في كل يوم بل كل ساعة ويطأون جمر قرارات تلك الحكومة البائسة الغبية
لن ينكر احد على اهلنا في الداخل معاناتهم ابداً ولكن من الاجحاف والظلم ان يعاقب من اعيته العطالة والجلوس على قارعة طرق الحي
بعد تخرجه ومزازاته بين المؤسسات والشركات ولجنة الاختيار للحصول على وظيفة وفشلت كل مساعيه لانه ليس من اهل الحظوة التافهة
واتته الفرصة ليصنع لنفسه واهله شيء بالخروج ان يعاقب ويوصم بعدم الوطنية او قل بانه اقل وطنية .. ما هكذا سادتي
هناك من خرج دون ارادته بالبلدي جوة عينو وهناك من اختار الخروج بمحض الارادة ، فهل ينقص خروجهم من وطنيتهم بالتأكيد الاجابة لأ
الكثيرون يا عبدالحفيظ في الخارج يموتون في الدقيقة الف مرة قلقاً وخوفاً وغربةً وهموماً لا حصر لها مع ضغوط الحياة في الخارج وحياة اهله في الداخل
من يظن ان المغتربين او المهاجرين في نعيم فعليه ان يعيد التفكير في ظنه وان يتذكر لوعة فراق الاهل والحياة في مجتمعات لا تشبهنا والحياة فيها شبه مستحيلة
ولكنك تظل مجبر على تحمل كل هذا وزي ما بقولوا اهلنا لانو القفا اعوج نتحمل ونصبر عسى ان يلوح في الافق امل ولكن بصراحة لا اظن
لا اظن لانه حتى الان لا زال اهل السلطة الغبية البلهاء يزدادون صلفاً وجهلاً وبلاهةً فوق التي نسجت بها امخاخهم الفارغة
هل من المعقول انه حتى الان لم يدرك اهل المؤتمر الوطني حجم الكارثة التي وضعوا فيها الوطن بشعبه؟؟
هل من المعقول ان لا يوجد ولا عاقل واحد بين هؤلاء المتطنقعين يلفت انتباههم بان البلد في مهب الريح الان؟؟
وحلمون بانخفاض الدولار هههههه كيف ينخفض الدولار وكل الشعب السوداني يسكن الخرطوم والمدن الكبيرة التي لا تنتج ؟؟
الانتاج في الارياف التي اجبروا الناس على مغادرتها بعد ان صادروا منهم كل اسباب الاستقرار فيها ؟؟
تلك الارياف البعيدة هي التي تستطيع ان تكبح جماح الدولار وليس عواء المسؤولين المسعورين التافهين الجهلاء ولا حتى بوستات ود الباوقة الغبية
الكلام كتيييير والوجع بالكوم يا عبدالحفيظ لو قعدنا لي باكر نكتب ما اظن يكمل عشان كدا اخير السكات
تحياتي
| |
|
|
|
|
|
|
|
|
|
Re: المناضلين! (Re: عبدالحفيظ ابوسن)
|
حبيبنا الكلس \ ود ابو سن . تحياتي وشوقي .
انقل الخبر لكن ورينا انك متعاطف معانا مش شمتان في الحكومة
قول ليه مافي تعاطف معاكم غير شمت في الحكومة وبمعني آخر
الشمت في الحكومة ياهو التعاطف معاكم . عشان كتاااار مفتكرين
رفع العقوبات هي السعادة باكملها !
ولك الشكر يا الحبيب ,,,
| |
|
|
|
|
|
|
|
|
|
Re: المناضلين! (Re: مني عمسيب)
|
Quote: تعبير مناتل فيهو ازدراء واحتقار للنضال مثل مثقفاتية
وهي للاسف صنعة حكومية |
آسِف ,, لهم العتبى حتى يرضوا ويكلل نضالهم بالنجاح.
| |
|
|
|
|
|
|
|
|
 Re: المناضلين! (Re: عبدالعزيز الفاضلابى)
|
انت عارف يا عبدالحفيظ
البوست ده بخلي الواحد يكلكل الزهج منك
بس انت عارف انك ليك في القلب مودة
عشان كده ياخ انا حاقول ليك
قول لصاحبك بطل رخرخة
تحياتي
| |
|
|
|
|
|
|
|
|
|
Re: المناضلين! (Re: فرح الطاهر ابو روضة)
|
غايتو يا مشرف انا بفتكرو زيك كدة
من اهم اسباب بقاء الانقاذ هو هجرة واغتراب الجزء الاكبر من الناس الكانوا مؤثرين في التحرك الثوري
وساهمت الانقاذ في تسهيل خروجهم قصدا بشكل او بآخر
| |
|
|
|
|
|
|
|
|
|
Re: المناضلين! (Re: فرح الطاهر ابو روضة)
|
غايتو يا مشرف انا بفتكرو زيك كدة
من اهم اسباب بقاء الانقاذ هو هجرة واغتراب الجزء الاكبر من الناس الكانوا مؤثرين في التحرك الثوري
وساهمت الانقاذ في تسهيل خروجهم قصدا بشكل او بآخر
| |
|
|
|
|
|
|
|
|
|
Re: المناضلين! (Re: عبدالحفيظ ابوسن)
|
صحي يا غالي مافي شك الناس مرقت مجبرة ودون خاطرها
وجود حل آخر يجعلنا اقل صمودا عند باب الخلاص الاول . لعلك تذكر طارق بن زياد
no way out
حين يكون باب الخلاص واحدا ستلازمه بقوة
ناس الانقاذ ديل صم بكم وقلوبهم صدئة فهم يعمهون
| |
|
|
|
|
|
|
|
|
|
Re: المناضلين! (Re: عبدالحفيظ ابوسن)
|
هههه
جدا ابوروضة ولك محبة تعلمها
زولي دة كارب خريفو وصيفو رغم ظلم الحياة
لخبت المثل قبيل وهو
مفطوم اللبن ما بسكتو اللولاي
تسلم فاضلابي
| |
|
|
|
|
|
|
| |
عبدالحفيظ ابوسن
محمد البشرى الخضر
كمال عباس
Asim Ali
علي دفع الله
محمد حيدر المشرف
سفيان بشير نابرى
عبدالمنعم الطيب حسن
محمد أبوالعزائم أبوالريش
عبدالعزيز الفاضلابى
Arif Nashed
فرح الطاهر ابو روضة
مني عمسيب
فيس بوك
تويتر
انستقرام
يوتيوب
بنتيريست