اي حاجة فيه اتنين قديم وجديد يعني هسة مثلا واحد من التماسيح يلده يقول ليه يا بوي انا عايز اشتري حاجة من البقالة اديني اتنين مليون ابو يساله بالقديم والا بالجديد الولد يقول ليه لا يا ابوي لاهذا ولا ذاك بالدولار وبتاعين الكورة الواحج يقول ليك ماشي اقابل الوالي تقول ليه القديم والا الجديد يقول ليك لا هذا ولا ذاك عايز جمال الحلفاوي يلاقي قريبه يقول ليه ماشي حلفا داك يساله حلفا الجديدة والا القديمة معقول يا جماعة بعد تغيير الزمن تخيل اون عبد الرحيم محمد حسين يتصل على عمر البشير يقول ليه ، يا عمر حاجيك الساعة ستة عمر يرد ليه بالقديم والا بالجديد واذا رجعو السلم التعليمي الواحد يقول في تامنة يقولوا ليه بالقديم والا بالجديد لا حول ولا قوة الابالله حتى انتقلت لكل قطاعات المجتمع حتى في حالات التكبير لو واحد اعجب بي حاجة وكان صادق فيها وقال الله اكبر اول مايشوف الناس عاينو ليه يستدرك سريع ويقول الله اكبر القديمة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
د.محمد حسن
فيس بوك
تويتر
انستقرام
يوتيوب
بنتيريست