|
|
|
 Re: نكات ، وأبعادها الإجتماعية والثقافية وال� (Re: Arif Nashed)
|
حبيبنا قصي .. مودتي ..
قرأت أمس في منتديات دنقلا الاصالة والتاريخ أحد الشباب
عامل بوست للنكات .. سوف احاول نقل البعض ..
تعرف يا حبيبنا قصي نحن عشان ناطقين بغيرها لا نجيد النكات
لأن اللغة النوبية لا تساعد على بنية النكات وربما البيئة لا تساعد على النكته والتهكم
لذلك أكثر ما أحب هي النكات ..
سوف أعود بالغنيمة ..
شكراً قصي الحبيب
| |
 
|
|
|
|
|
|
|
|
Re: نكات ، وأبعادها الإجتماعية والثقافية وال� (Re: muntasir)
|
منقول من بوست إبننا أسامة ( منتديات دنقلا الاصالة والتاريخ )
===
تاجر قبطي جوهو ناس الضرائب قالوا ليهو عليك ضريبة خمسة مليون.
اتخلع قال: لا اله إلا الله !!
قالوا ليهو :وكمان أسلمت !!
عليك زكاة اتنين مليون.
=====
واحد ومرتو جنهم مشاكل..
كل مره الراجل يشاكل المرا
المرا عندها سواسيو تلمهم في كرتونه وتمشي بيت ابوها
يجي يصالحا تقوم تلم السواسيو ف الكرتونه وترجع بيتا
اها بعد اسبوع يشاكلا تلم السواسيو وتمشي بيت ابوها
يجي يصالحا تلمهم وترجع بيتا
يوم قال ليها قومي اعملي لي شاي
عملتو ليهو مكلفت ومسيخ قال ليها اسي عليك الله دا شاي
السواسيو طوالي جرو دخلو الكرتونه
==============
واحد سألوه رآيك شنو في زوجتك و حماتك ؟ قاليهم الأتنين زي الزفت
( إتلفت لقاهم ورآه ... قالهم والتلاتاء قرف والأربعاء زهج والخميس لايطاق والجمعه والسبت نقعد بالبيت عشان نقابل الحلوين ديل
=================
واحد اسمو عوض الله جا من البلد يتعالج في الخرطوم ...مشا المستشفي
لقي تلاتة دكاترة قاعدين.د.ايمن ود.ريم ود.احمد سالوا ايمن قال ليه عندك شنو ياعوض الله قال ليه عندي حمارة وبقرتين.
احمد قال ليه لا يعني بتحس بي شنو قال ليه بحسسني عوعاي الديكة.د.ريم قالت ليه لا ياعوض الله يعني البيوجعك شنو..قال ليها مووجعني قعادك وسط الرجال ده.
===============
باقي كثير من النكات
عن الرئيس البشير وكمان حاجات شباب
مودتي قصي
الايامات دي الدنيا كاتمة في جدة خلينا شوية من نكات الشباب
ليته يعود يوماً
شكراً
| |
|
|
|
|
|
|
|
|
|
Re: نكات ، وأبعادها الإجتماعية والثقافية وال� (Re: قصي محمد عبدالله)
|
بعضها نكات تكشف عن نفسيات مأزومة، لو بس تأملنا النكتة أدناه
Quote: يقوم يجي
اتنين حراميه واحد شبك يدو للتاني عشان يطلع يكشف ...
يقوم القا ليك منظر السبعه ... طوالي قعد يكورك لي
أخوه .... نزل ... نزل .... نزل ... اخوهو نزلو وقال ليهو
في شنو .... قال ليهو ... تابونه ... تابونه .... |
| |
|
|
|
|
|
|
|
|
|
Re: نكات ، وأبعادها الإجتماعية والثقافية وال� (Re: حاتم إبراهيم)
|
شكرا الجميع على المرور والتعقيب الطيب:
شكرا الأخ MOHAMMED ELSHEIKH:
المسألة ليست ضب ، ولا فأر،
أو أمريكا أو حتى داخل البيت السوداني.
الموضوع - الذي أعنيه ببعد النكتة الثقافي - نكران وتغابي عادات ، وتحول مفاجئ للشخصية وانفصامها..
أكرر شكري وتقديري
=================================
شكرا الأخ Arif Nashed:
أعتقد أن مداخلة الاخ عارف ناشد إشارة إلى أننا كثيرا ما تواجهنا مفاجآت ليست في الخاطر،
ناهيك عن الحسابات، عندما نجتهد من أجل تحقيق هدف ما.
هو في الحقيقة الحكومة ما غيرت الزمن ولا شئ ، هي فقط كانت معيشانا في زمن آخر ، وقامت رجعتنا للزمن الأصلي قبل ذاك الزمن الآخر،
تماما زي ما تنزل الحافلة من الزلط ، وتاخذ ليها مشوار في التراب،والناس نفسها يقوم، ،
وعلالتك في السماء، وتاني بعد مسافة ترجع تركب الظلط، والناس تبدأ تتنفس قليل من الصعداء.
أكرر شكري وتقديري
==============================
شكرا الأخ علي عبدالوهاب عثمان :
أعتقد أن مداخلة الاخ علي عبدالوهاب فيها إشارة إلى أن الحيوانات الأليفة تستوعب ألفاظ وعبارات الأسر المتكررة، وتعي إشاراتها ومدلولاتها،
وما عبارة :
"السواسيو طوالي جرو دخلو الكرتونه " إلا جزء يسير من ذاك الموضوع.
نكتك هذه مثل قصة أخونا المشى يشتكي لصاحبو من كثرة غطرسة زوجته،
فقام صاحبو قال ليه لمن تمشي البيت ما تدق أي باب، بس شوت باب الحوش، وانت داخل الغرف أي باب في طريقك شوتو، وحاول شوف ليك أي سبب تعمل بيهو مشكلة.
صاحبنا قابل صاحبو اليوم التاني، وأكيد سألو عن مدى نجاح الخطة، فكان رد الزوج:
يازول شوت شنو؟!
يايخي قولة "تَك" جرينا نحنا الإتنين:
أنا والغنماية.
------------
بس ياخي نكتة الغبطي دي ناقصة كتير!
هههه.
--------
بس عوض الله شكلو نسى الوجع الجاء يعالجو وبقى في وجع الوجع ذاتو
أكرر شكري وتقديري
========================
شكرا الأخ muntasir :
ممكن أضيف سيدا والدوار والتواير
ضيف أي حاجة ، وما تنسى "القاموس الفِهِّيم لمعاني ألفاظ ناس القصيم"
أكرر شكري وتقديري
=============
شكرا الأخ حاتم إبراهيم :
فعلا ، مداخلتك تعبر عن نفسيات مأزومة ومنتشرة وبكثرة ،
بل وناقوس خطر يدق في كثير من الأمكنة الواقعية ، والإسفيرية
أكرر شكري وتقديري
--------------
شكرا الجميع على المرور والتعقيب الطيب.
| |
|
|
|
|
|
| |
MOHAMMED ELSHEIKH
Arif Nashed
علي عبدالوهاب عثمان
حاتم إبراهيم
فيس بوك
تويتر
انستقرام
يوتيوب
بنتيريست