|
|
|
 Re: طب وراثي؛ و ود المستشار طالع سمسار؛ و شافع (Re: دفع الله ود الأصيل)
|
(2)
@ الشاهد و المهم ،إنو الوسط الفني أصبح
يشكل أخصب مرتع ومستنقع موبوء بتفشي ظاهرة
توارث المهن، ناهيك عن السلبطة في غناء عمالقته المراحيم.
لععمري ، إنها لآفة ، لو كان لأحدٍ أن ينجو منها لنجا الموسيقار
"القضية و الفرعون العملاق / محمد وردي : شاهدتهذات مرةٍ يطلقت
تحذيراً علنياً وعلى الهواء لابنه/عبد الوهاب من مغبة الاتكاء على ماضي
مجد كان صنعه أبوه. و كأن كل نجم عبقري من هؤلاء يريد لجيناته الوراثية
أن تثب وثباً، فتطفر طفراً و تقمز قمزاً من بين صلبه و ترائبه، لتبث بثاً في
روع الأجنة من ذراريه و حفدة أحفاده من بعده؛ و تنكب كباً فتصب صباً
في مواعين عقولهم و هي خاوية على عروشها من أية موهبةٍ ، و أفرغ
فؤاد أ م موسى و أضيق من سم الخياط يحشر فيه رأس بعيرٍهائجٍ.
| |
 
|
|
|
|
|
|
|
|
Re: طب وراثي؛ و ود المستشار طالع سمسار؛ و شافع (Re: دفع الله ود الأصيل)
|
;Abduazim كتب :
صدقت يا ابو الدفاع ودا الحاصل الآن ...
ومن الغرائب أن تجد ود الفكي او الشيخ بخلِف أبوه
في المشيخة حتي لو كان عمره كله عايش في خُمارة.
**********(((+4+)))**********
دا يا أنكل عبدو واحد من
أكبر أسباب تفريغ البلد من خيرة
كفاءاتها النادرة و تطفيش ايادها المهرة،
و نزف عقولها الخلاقة ليهتفوا جمعهم: يلا و تعال
يلانهاجر في في بلاد الله . و لله حمد و المنة أنه قال
للمستعضعفين في الأرض: ألم تكن أرض الله واسعة.
فتهاجروافيها) فخليناها ليهم ترا لي ناس (ديلااوا أسفاي)
و الله ياخوي لو خليتني أفتح ليك الملفات دي
للأخر علا أشيب ليك راسك. المقودس
العامل متل سرج العجلة دا!!!
………….
| |
|
|
|
|
|
|
|
|
|
Re: طب وراثي؛ و ود المستشار طالع سمسار؛ و شافع (Re: دفع الله ود الأصيل)
|
ذا البوست محله"استراحة ناس الزقازيقفق"
لكن الجماعة هناك بصراحة شكلهم ما فايقين ،
كلما أتاوق ليك الأخوة/ النخبة قافلين على نفسهم في عشرة ونسة جوة مغارة؛
و لو أن حال البورد عامةً من بعضه، يغالب النعاس أجفانه.
و معاي بهناك أخونا/محمد صديق حارثين الدار
سلامات دفع الله ود الاصيل
فعلا نشاط "أجدع ناس" قلَ شديد لدرجة العدم في النفاج داك
اتمنى يرجعوا ليهو تاني
الحمد لله انهم ملموين في الفيس بوك
وسلام كبير للكوتش محمد صديق
| |
|
|
|
|
|
|
|
|
Re: طب وراثي؛ و ود المستشار طالع سمسار؛ و شافع (Re: دفع الله ود الأصيل)
|
{7}
اقتباس المشاكسة الأصلية كتبت
بواسطةAbdelazim مشاهدة المشاركة:
دفع الله ، گدي عان جاي. أولا، ياخي قشير دا مطلش طلاشة جد. بالمناسبة في كتير من الأحيان لازم ألكدو بي تلفون والا الرماد كال حماد. ثم تانيا ، أنا كلام ود اب ظن ما عندي فيهو شك أبدن، علا ياخوي الفيك إتا ظاتگ اتعرفت تب.
٪٪٪٪٪٪٪٪٪(((+7+)))٪٪٪٪٪٪٪
[}عارف انعرفت يا عظمة، يعني طلعت من جيل حنتوب؟! براي دقست و {رميتا في روحي وقلبي الحب ما واعي}. دي شلاقة الگلبة الرمت جناها أعمى.
[} علا گدي تعال اللخو ،خلاس ،عاجبني إتا يا حنگوستي.بگدا ح ترجعنا لمطب الجنا داك الداير يتريق على صاحبو قاللو: سمعنا آزول، قالو أمك شافوها في الإنداية. قاللو: و القالو ديل منو ياخوي: قاللو: سمعت أمي قالت. أها زولنا عاد ما صدق لقى ملكتو في الخصم ، رجعلو خنجرو في لهاتو؛ قاللو: و تحين آعشا البايتات البتدرج العاطلات ، و إتا أمك زاتا كان ميها بتاعة(سنة) شن وداها تتحاوم بهناك؟!!!
| |
|
|
|
|
|
|
|
|
|
Re: طب وراثي؛ و ود المستشار طالع سمسار؛ و شافع (Re: دفع الله ود الأصيل)
|
(8)
® جهجهة في قسم الحوادث π√
® جهجهة في قسم الحوادث π√
الجهجهة الجاية المرة دي حصلت للأسف، في أكبر مستوصف 5 نجوم في البلد؛
من الطراز اللي يشار ليه بالبنان. بس أجلناها بعد ضحوة العيد ، مراعاة لأصحاب القلوب الرهيفة ،
لما فيها من مشاهد مقززة للغاية.
# حكي لي صديق قال:" أبونا شيخ كبير ، و مضروب سكري. مرة أضايق علينا أسعفناه جرينا
بيه هناك. دخلوه طوالي عناية مكثفة. و فضلنا مرزوعين في قاعة الانتظار نزرعها جيئتن و ذهابن بخطانا الضائعة.
#في الأثناء خرج علينا أحد التمرجية شايل كراع أبونا ملفوفة بفوطة، تراها متل فسحة الديك/ تور و يصيح:
يا أولاد فلان الفلاني، هاكم امشو أدفنو دي سريع!
# فشلناها و مرقنا نشوف لينا أقرب فاروق و لا أحمد شرفي . و قبل ما نلقى لينا أمجاد ولا ركشة ساهلة.
تاني جاء نفس التمرجي، يكورك: الجماعة ديل نعلهم أبعدو . رجعونا ليه ، قال: تعالو لحقو الحاج لموه على بعضو
و استروه معاكم مرة واحدة".
| |
|
|
|
|
|
|
|
|
|
Re: طب وراثي؛ و ود المستشار طالع سمسار؛ و شافع (Re: دفع الله ود الأصيل)
|
(9)
//ورني بولك بوريك كوعك من بوعك//
(و بشخص ليك عائلتك وعائلة أو أهلك عن بكرة أبيها)!!!
واحد عمك ، كان ماشي مطلش في الملجة،
قام عتر وطا ليه قشرة موز و لا بُجَّانَة(قرفة) بتيخة،
يلا، غايتو لوما ربك لطف،و سند في شباك محكمة العمد،كان
توش البحر. بس كسر كوعو قام جاري لأقرب حكيمفي الشفخانة..
قال للتمرجية:داير أقابل الدكتور! التمرجية من آخر شلاليفها:
قالتلو:عايزين عيّنة من البول لو سمحت!
- الراجل استغرب شديد لامن لونو انختف ةقال ليها:
عشان شنو عينة بول يعني؟!و شنو دخل البول بكوع إيدي
ثم التفت يحدث نفسه دي
الظاهر دي خميرة عكننة و لداحة (كيزان ) من صباح الرحمن)!!؟؟
@لكن التمرجية مصرة و بعصبية موبااالغة: بكيفك يا خوي،لازم عينة بول
عشان تدخل على الدكتور.. دا النظام كدا، هن عجبك .مافي بول ..يعني عاد
كان شنو داك مافي دكتور.أخونا سلّم امرو لله و قال: يلا مافي مشكلة؛ على
الأقل نلقى حتة نشر فيها؟ بدل ما ندفقو فوق كريعاتنامشى دنقر في أقرب كوشة.
قضى غردو .و جاب ليهم عينة البول سلموهاللدكتور. و بعد شوية ندهوه و لما
الدكتور شاف المريض ابتسم و قاللو:و اضح الضربه قويه. بس اتطمن كوعك
سليم و ما في عوجة طب!المريض مستغرب: لاكين كيف عرفت يا
دكتور دا كوع: أكيد ممرّضة القاعدة برة دي قايلا ليك !!
- الدكتور: لا أبداً، ياخي بسيطة.. كل ما في الأمر،
إنو تحليل البول هو اللي يبين كل شي. عندنا جهاز حديث
كداً؛ ياخي دا عامل صيحة في عالم التحاليل،؛ كدي خد المرهم
دا خليه معاك تدهن منومحل الأذى و بعد اسبوع تراجعني
( و ليك علي،ح أوريك المكشن برا بصل) و أ ووووعك
تقوم تنسى تجيب لينا عيّنة البول معاك.
| |
|
|
|
|
|
|
|
|
|
Re: طب وراثي؛ و ود المستشار طالع سمسار؛ و شافع (Re: دفع الله ود الأصيل)
|
(10)
الحاج رجع بيتو و في راسه خرتمية سعال
مستغرب من الاختراع الشيطاني دا، و قال لأهلو
عن الموضوع و قعدو يضحكو عليه وقالو لو دا نصب
دكاترة و مافيش حاجة اسمها تحليل بول بالكمبيوتر ظاطو.
بعد اسبوع الزول الكوع طاب مية مية و قرر يرجع للحرامية ديل.
يلا واحد منشفعو اقترح عليه انو ينصبو فخ لكشف شبكة الاحتيال
دي يلقنوها درساً.قام الولد كب ليك عينة من بوله على عينة من
بول الشويفعة أختوشويفعة روضة، على شوية من بول
أبوه و عليها قدحة من زيت فرامل العربية: .
@ عمك شال (كوكتيل البول) و يلا فللي على
الممرضه جاك عصار، قام سلمها العينة الموقوتة!
و قعد منتظر يراقب الموقف، و كشمة مكبوتة تدافر ف
ي كناكينو متل بحر الدميرة. بعد نص ساعه كدا تقريباً طلع الدكتور
عرقو دا لمان سايل من سداغاتو و ماسك ورقة نيتجة الفحص طويلة
ليها بداية ما ليها نهاية .. قام المريض وسأل الحكيم بنوع من التهكم:
ها بشر يا دكتور شن لقيت في التحليل!!؟؟
| |
|
|
|
|
|
|
|
|
|
Re: طب وراثي؛ و ود المستشار طالع سمسار؛ و شافع (Re: دفع الله ود الأصيل)
|
(11)
@ لكن الدكتور رد التحية بأسوأ منها،
ثم قاللو ببرود إوجليزي: و اضح ياخي إنو كوعك
شفي و برا تمام التمام بس في شوية نتائج غريبة هنا!!؟
الحاج نفسو قام فجأة: يعني شنو غريبة؟؟؟ يا حاج كدي أهدأ شوية
و روق نفهمك: أول هام لقينا في دمك دعكة صبغة (نظام موت بطيء)
من ا ستنتاجاتنا، بنرجح سببها يكون (غاز ثاني أوكسيد اللعوتيك) . الظاهر
يا إمتن إنك بتاكل سواس(علف حمير) و لا تكون بترمرم في الكوش . تاني
هام و لدك طلع بشم بلاوي.تالت هام و دا أهم،بالنسبة للأمورة الحلوة بنتكم
المصون نقول1000 مبروك فيالخامس، بس ياريت نعمل ليها ألترا ساوند
و إن شاء الله يا رب ذكر و لو بت، برضو من المستورات.ثم بعدينما
تنسى يا حاج عربيتكمدي عايزة شنابر!أها من حيسك دا أكان لاقاك
زول حايم يلقط قزاز عينات من الكوش طواليتعرفو دا صاحبنا
ظاطو شغال لصالح العصابة الطبيةإياها!، و قالو كمان
ناويين يفتحو بزنس فيمجال سرقة
و بيع الأعضاء البشرية.
| |
|
|
|
|
|
|
|
|
|
Re: طب وراثي؛ و ود المستشار طالع سمسار؛ و شافع (Re: دفع الله ود الأصيل)
|
(12)
اقتباس : المشاركة الأصلية كتبت
بواسطة اشرف الجعلي [ مشاهدة المشاركة ]
ههههههههههههههههههههههههه
والله ابداع يا دفع الله ود العزتين،
الله يديك العافية ويديم عليك الفرح يا رب
****************(((+12+)))******************
لك احتراماتي و أثلج الله صدرك أخي مشرفنا الأشرف،
يا حامل الأوسمة و النجوم المتلألئة إنه ليوم سعدي و من حسن
طالعي أنك تشرفني بمرور موكبك الأنيق.. طبعاً دي كانت نكتة
سخيفة عشان تورونا سنونكم في رمضان (قالو شر البليلة ما يضحك)
و لكنها لا تبعد كثيراً عن واقع حالنا الأخلاقي ، حيث يعطى الخبز
في حقل الطب وغيره لغير بعد تعليق مصارين الحقيقة
على مشلعيب ظروفنا الاقتصاديه
........................
هذه شهادتي على عصري منذ جيلي حيث كان الطب،
يدرس في كلية وا حدة فقط على نطاق الوطن و المذاكرة
من الكراس في سرير الداخلية..لا تجريب عملي و لا تشريح جثث
و لا يحزنون.. اللهم إلا أرنباية واحدة في السنة كانو يضبحوها قدام 60
طالب يشوفوها بس و بعدين فني المعمل يشيلا ليك معاه يتشلغم بيها في الغدا و انتهينا.
طيب أاسمع دي و الله حصلت لزميلي شخصياً كان معظم امتحاناته يؤديها و هو طريح
فراش المرض في مستشفى المناطق الحارة يعاني من مرض باطني غامض كان الموت
أهون عليه منه لاستعصائة على التشخيص محلياً.. لحد ما ربنا أكرمنا برحلة لفرنسا
فنصحوه بأن يسبقنا بأسبوع على القاهرة؛ يشخص ثم يتنظرنا ترانسيت في المطار
نسوقو يستكمل علاجه في فرنسا.. في مصراكتشفو لقو أخونا عندو( زائدة)
كان يعاني من مجرد زائدة دودية متحجرة بالعناية الإلهية؟؟؟
و فعلاً أول مانزلنا هناك أسعفوه لينا من المطار على المستشفى
المخصص للمدينة الجامعية الواقعة في إحدى البلدات المغمورة النائية
(بوتاتييه) في جنوبي غرب فرنسا و بعد العلاج خصصت له ممرضة لتقوم
بملازمتة طيلة فترة النقاهة في سكنه الجامعى. و لك أن تتصور فقط أن
ذاك المستشفى الطلابي كان يرتفتع إلى عنان السماء بعدد 60 طابقاً...
| |
|
|
|
|
|
|
|
|
|
Re: طب وراثي؛ و ود المستشار طالع سمسار؛ و شافع (Re: دفع الله ود الأصيل)
|
(14)
و إنني لأزعم أن قمة الاستفزاز الذي تعيشه مؤسسات الدولة
هذا الاوان عندما يفاجأ موظفوها بمديرهم الجديد او وزيرهم الجديد الذي
ربما لم يكن قد تعدى مرحلة فطامه من 'الكورن فليكس' ليتولى منصباً رفيعاً
يتحكم من خلاله مقدرات الوطن المالية ويأتمر بامره خبراء وموظفون افنوا
سني عمرهم في العمل لاكتساب الكفاءة التي لم تؤهلهم سوى لفتح الباب
لمعاليه ابن معاليه ابن معاليه او لعطوفة ابن معاليه ابن معاليه.
المضحك في القضية اننا نتحدث عن جحافلَ جرارٍ من
هؤلاء منغرسون في مفاصل هامة من الدولة ويعتقدون أنهم
معنيون قبل غيرهم باقتسام كعكة الوطن كما فعل آباءهم واجدادهم.
هذه النظرية التوريثية في مناصب الدولة تسببت ليس فقط
في إشاعة روح الإحباط لدى موظفي الدولة بل ساهمت في ان
تكون عامل استفزاز من الدرجة الاولى للشعب الاردني باكمله.
من المعيب حقاً، ان يمتلك شخصٌ يسمى سالماً مثلاً،
سيرهً ذاتيةً مزدحمةً بالشهادات و الخبرات و الدورات التدريبية،
فلا يحفل به أحد ٌبينما يمتلك اخر سيرة ذاتية فارغة من كل شيء
و لكنها مذيلةٌ فقط بلقبابن وزير او ابن مسؤول كي تفتح له الدولة
أبواب الهنا و السعادة على مصاريعها (الخلفية) الثمانية فيصبح
المجدُ بين غفلة وانتباهتها، جنياً يسعى في و بخور النقنقة
يعبق من ثيابه . هذا ،و للحديث بقية و شجون.
| |
|
|
|
|
|
|
| |
دفع الله ود الأصيل
حيدر حسن ميرغني
فيس بوك
تويتر
انستقرام
يوتيوب
بنتيريست