البحيرني كباحث في هذا المجال، كيف حياتنا وطريقة تفكيرنا علي مستوي اللاشعور ياهو زاتو منذ اكثر من 5,000 سنة، رغم اننا بنفهم او بنفسر كل شئ باعتبارو عربي او اوربي دون ادني ادراك ان هذا بضاعتنا نحن، وحصريا!
نظرتي المهدي للون الاحمر ارث كوشي عريق وقديم جدا جدا، مع فارق واحد:
10-21-2017, 09:33 PM
Bashasha Bashasha
تاريخ التسجيل: 10-08-2003
مجموع المشاركات: 25803
عايزتفهم كلامنا ده، عزيزي القارئي بحيث نكون علي صفحة واحدة ونتفادي حوار الطٌرشان ابعد مرجعية ثقاة الغزاة الارية غادي وتماما، والا ستدور في حلقة مفرغة لا شك!
10-21-2017, 09:34 PM
Bashasha Bashasha
تاريخ التسجيل: 10-08-2003
مجموع المشاركات: 25803
نعم منبع ومصب ثقافتنا كسودانيين روحي خالص لوجه الخلاص والعبور بسلام الي الجنة في اليوم الآخر.
لاوجود اطلاقا للوعي المادي البراغماتي الرأسمالي القومي الوطني العرقي في مرجعية ثقافتنا التاريخيه علي الاطلاق.
ده ما كلام وانما واقع معاش الي هذا التاريخ واللحظة في لاشعورنا دفعنا ثمن فادح جدا جدا بي سبب هكذا وعي لاقومي لا وطني لاعنصري رغم انف المتداول بينا علي مستوي الوعي السلفا مستعمر البعبر عن ويعكس مركب نقص جوانا مأخذ شكل استعلا باكثر منه عنصرية كما نتوهم!
اي زول متابع لي كتاباتي حينتبه اننا لانستعمل مصطلح عنصرية اطلاقا لتوصيف حالتنا المرضية الحالية كسودانيين وبالذات كشماليين.
نعم غياب الوعي القومي أي العنصري العرقي هو السبب الان واللحظة كمت كما اسموها من اسسوها كمثال اي اجدادنا تحولت الي "جمهوريه مصر العربية" الخاصة بالعرب حصريا.
كنتيجة النوبي الكوشي صاحب الارض اي "عمي عبدو" المنمط كبواب وسفرجي بعد ما كان اله معبود _ تحول الي مجرد ضيف مرذول ملفوظ في ارض اجدادو اللي قلعوهو منو من اتو"كوافدين" بي لغوه الوهابية ولاجيين اي اجداد مصري اليوم كنوع من العرفان لي كرم "الدرويش" بطبعو كروحاني عمي عبدو الصوفي بالميلاد!
بطول وعرض افريقيا ده هو الحاصل بالضبط لغياب الوعي العنصري المقدم كوطنيه وقومية وماشابه في ثقافة المهد الشمالي!
اذن لابد تبعد معايير الوعي القومي العنصري العرقي واحنا داخلين علي تعريف مفاهيم لغه وخطاب اللغة الرمزية المضمنة في لغه الألوان في مرجعية ثقافتنا الغارقة في الروحانية.
حنحاول نلخص طريقة تفكير اجدادنا في شكل رسم بياني فيما اتصل بي مفهوم القيمة كمثال مقارنه بي طريقه تفكير الانسان الاري.
نعم حنقدم مفهوم حق وباطل اي صاح وغلط في شكل رسم بياني في مرجعية الثقافتين السودانية والاريه اي جنوب وشمال الكرة الأرضية او بي كده الصورة حتضدح ليك بجلاء كما نتمني من حيث الاختلاف الجذري ما بين المرجعتين.
الي الرسم البياني.... يتبع...
10-22-2017, 04:37 AM
Bashasha Bashasha
تاريخ التسجيل: 10-08-2003
مجموع المشاركات: 25803
1) "العقل" الكوشي النوبي اي السوداني عزيزي القارئي يميل الي توحيد ماهو مفتت قبل تناولو بي صورة الية ميكانيكية.
2) اما العقل الاري فبيميل بي طبعو الي تفتيت الظاهرة موضوع الملاحظة الي اجزاء غير متناهية قبل تناولو بالفحص، وهذا الي وميكانيكي في طريقة عمل هذا العقل!
من جهة التناول زاتو ادواتو مختلفة في المرجعيتين!
الاول روحي بطبعو بين قوسين "مثالي" وبالتالي بميل لاستخدام الحاسة السادسة كما يقولون بلغة الاري اي القلب تحديدا بي لغة اجدادنا، مصدر المعرفة اللدنية بي كلام الشهيد محمود اللي اساسا رياضة روحية محددة شاقة قاسية او مش قراية كما قد نفهم بحكم طريقة تفكيرنا الحالي!
لاحظ الورجغة النظرية بتاعة كتابة وقراية او بالذات علنا وامام الملا كانت من المحرمات لدي اجدادنا بي لغوة الوهابية مع انو ده اساس المعرفة باسرها في عصرنا الحالي!
افلاطون كمثال كواحد من اطفال روضتنا قال بالحرف نظام المعرفة والتعليم عندهم اللي في روحو كان مقاربة لي اصل كوشي وضعو تلميذنا Thale، في اليونان، افلاطون قال ينتج "خنازير" اي بتاع بهايم مقارنة باللي هو شافو بي عينو لدي شيوخو اي اجدادنا اللي قال عليهو اي نظام تعليمنا مامعناه ينتج بشر اكثر ادمية!
يا الله!
اما الثاني اي العقل الاري فلايؤمن اصلا بماهو غير مادي بمعني ملموس اي مدرك بايا من الحواس الخمس!
نعم لو الخواجة ماشاف الشي بي عينو او لمسو بي اصابعو فهو غير موجود في شرعو كقاعدة!
بنتكلم كده من باب تقريب الفكرة او توصيلا للقارئي بي صورة مبسطة نتمني ما نكون اخلينا بالمعني.
الكلام ده واضح وضوح الشمس في الصراع والمكابدة اللقو فيها روحم ناس افلاطون والحرامي ارسطو وماشابه لما تناولو ارثنا الصوفي اللي سموهو The Mystery System!
اي النظام الذي يموخل!
عييييييييييك!
في الرسم البياني التالي البمثل طريقة تفكير اجدادنا رسل التصوف، المنسوب زورا وبهتان شغل قلع للحرامي ارسطو، نجد الحق والباطل كمثال بقعو في خط واحد مستقيم، يمثل فيه الوسط "الذهبي" مرحلة الكمال المتصل بالالوهية بينما الاطراف بتمثل تفريط من جهة، وافراط من الجهة الاخري!
وقع ليك عزيزي القارئي؟
حاتم ابراهيم يا صديق رجاءا تقوم بي دور الترجمة والرسم البياني:
10-22-2017, 04:41 AM
Bashasha Bashasha
تاريخ التسجيل: 10-08-2003
مجموع المشاركات: 25803
بابكر قدور يا مراحب معليش البوست ده عايز كمبيوتر اي لازم اكتب من البيت او بي كده ما بينفع معاه الكتابة من التلفون بعيد من الكمبيوتر لانو المواد كلها في الكمبيوتر.
لهذا نرجو المعذرة في البط.
10-22-2017, 03:21 PM
Bashasha Bashasha
تاريخ التسجيل: 10-08-2003
مجموع المشاركات: 25803
مارأيك، دام فضلك، في الترجمة التي بسطها الشبح المدعو حاتم ابراهيم ل " متصل الفضائل "؟، هل تعدها دقيقة في التعبير عما حوته سلسلة الفضائل المتصلة؟. يابشاشة، الخيط لك. وانت ادرى بمافي المتصل. أريد أن اراك مصححا ترجمة الشبح بالقلم الأحمر، أمام الجمهور، كلمة فكلمة. ابتداء من العنوان الذي تصرف فيه وكأنه يترجم شعرا وغيره من متصل إلى ساحة.
هذا الجدول البيانى الذى أنزلتة باللغة الإنجليزية يمثل أساس هام لطرحك أعتقد ترجمته للعربية مهمة ، ومنك إنت شخصياً لتوضح ما تعنيه تكليف شخص آخر غير موفق، وكان يمكنك تترجمه وتكلف من يضع الترجمة فى فورم مشابه للفورم الأصلى بالإنجليزى (ما سميته رسم بيانى) ويصبح أيضا من الضرورة أى ترجمة يطرحها غيرك أن توافق عليها فى كل تفاصيلها حتى يطمئن عزيزى القارئ أنها مفهومك وتتسق مع رأيك وطرحك، لمتابعة وفهم أفضل أو حتى لكسب زمنه بالتوقف عن المتابعة بسبب إختلال أو إختلاف فى مفهوم ما تعنيه عناصر هذا الجدول (الرسم البيانى)
10-22-2017, 09:08 PM
Bashasha Bashasha
تاريخ التسجيل: 10-08-2003
مجموع المشاركات: 25803
حنبدا كمدخل بعرض علم السودان الحالي اللي المدخل ليهو كان ولايزال هو وهم عروبة كوشيي السودان اباء وامهات البشرية اي ارض الالهة!
نعم علم السودان الحالي نسخة من اعلام جمهوريات "القومية العربية" هولت الخديوي ناصر، صدام والاسد وماشابه كاصدق تعبير وتجسيد لي واقع الاحتلال الاجنبي للسودان والسودانيين الي اليوم علي مستوي الوعي.
طبعا هذه الالوان منسوبة لاسلام الثقافة العربية كمصدر اوحد اساسي وهذا تلفيق كالمعتاد!
ولكن كما سنوضح المصدر الاساسي لهذه الالوان هو الثقافة السودانية، اي الكوشية اي النوبية وليس رسالة القرن السابع، او ده ماصدفة او استثناء وانما القاعدة!
بي كده ومن دون مانقصد، رجعنا تاني لي ارثنا واصلنا الكوشي، قصبا عننا او جوا عينا!
لايهمنا تفسير او قراءة لغة هذه الالوان في العصور والدول المختلفة بقدرما يهمنا اختيار هذه الالوان تحديدا لتعبر عن قيم بلايين البشر من المسلمين والعرب وكذلك الافارقة من دون بقية الالوان الاخري باعتبارو اختراع وماشابه وهذا تلفيق بل سطو!
نعم هناك اكثر من 22 دولة افريقية اختارت هذه الالوان بل التصميم العام لذات علم السودان العروبي افتراضا، ولكن من مدخل اخر!
الدول الافريقية مدخلا للعلم ده كان حركة الPan African اللي ابرز مؤسسيها كان من دارفور، وهذا نوقش وطرح من قبل في هذا الفضاء باستفاضة.
...يتبع....
10-22-2017, 09:11 PM
Bashasha Bashasha
تاريخ التسجيل: 10-08-2003
مجموع المشاركات: 25803
لم يخطيء صاحبنا كبر حين اتهمك بممارسة التجهيل. ليس لأنك تتعمد التجهيل، بل بسبب الجهل٬ ومع ذلك لاتكفّ عن الخوجلة في المنبر كالديك الرومي٬ تاهئاً مغتراً بجهلك. وصاحبنا عبد الصمد هو الآخر قد جابهك بالحقيقة المريرة: القوقلة الضريرة بدون فهم. وهذا أنت ذا تقدم هنا على هذه الترجمة بدون تفكير٬ مبرهناً على جهلك السافر بطبيعة المادة المراد ترجمتها. ساقتك لهفتك لإظهار المعرفة الشاملة التي هي مستحيلة في عصر انفجار المعلومات، إلى حتفك بظلفك ملحقاً بنفسك أبلغ الإضرار من حيث أردت تقديم النفع لها. أتعرف ماهو الكونتيوم الذي تصديت له؟. اللهم طولك ياروح.
بالنسبة للترجمة والكلام اللي بالانجليزي، فهذا موضوع جانبي، حيجرنا برا موضوعنا اللي اصلا متشعب.
الترجمة معروف كقاعدة مافي نفرين بترجمو نفس الجملة بي ذات المفردات بالنص، بل المفردة الواحدة ممكن يكون عندها اكثر من معني، والمعني الواحد ممكن نعبر عنه باكثر من مفردة وهكذا.
عايزين نركز علي الصورة الكبيرة، اي الغابة، وليس شجيرة بعينها.
الكلام الفوق اللي بالانجليزي عن "الوسط الذهبي" اللفحو الحرامي ارسطو، لي روحي كصياغة حتي بالانجليزي ماواقع لي ولكن هذا هو المتاح لينا ككوشيين، للاسف الشديد!
نعم الصياغة اعلاه حتي بالانجليزي ماواقعة لي، ولكن هذه قراءة عقل اري اي اوربي مادي نصوصي تجسيمي بطبعو!
نعم عايزين نركز علي النقطة الاساسية هنا الا وهي كيف القيمة في مرجعيتنا هي عبارة عن موقع محدد اي نقطة محددة في خط واحد مستقيم!
هذا مدهش بحق وغاية في العبقرية والواقعية!
ولكن بالنسبة للعربي ولا الخواجة القيمة بتاخد شكل خط كامل او خطوط كاملة مستقيمة متوازية منفصلة ومنبتة عن بعض لايجمعها جامع!
هذا عجيب بحق وشاطح بطبعو او غير واقعي!
فالمسلم والكافر كمثال طبقا لهذا الرسم البياني اعلاه في مؤخرة دماغ الوهابي خطان او "عنزان" متوازيان متناطحان لايلتقيان ابدا!
عندنا المسالة مختلفة اختلاف جذري، وكنتيجة ماكان في حاجة اسمها "دين" زاتو وهذا عجيب ومدهش في مرجعية ثقافتنا الوهبت البشرية مفهوم ماترجم الان كدين!
نعم في دنقلا، في لغة اهلي جو البيت لاوجود لمفردة "دين" اصلا في مقابل "لادين" وبذات الطريقة لاوجود لهذا المصطلح في ام اللغات اي "المدو نتر" اي الهيروغلوفية اي لغة الثقافة الكوشية.
بل اكاد اجزم لاوجود لمفردة "دين" في اي لغة افريقية، حسب البحث والتقصي الانا قايم بيهو الي هذا التاريخ اكتوبر 2017!
نعم متي مالاقيت افريقي بيتكلم لغة افريقية خاصة بيهو طوالي بسالو لوهناك مقابل لي مفردة "دين" في لغة اهلو، وياللعجب الاجابة حتي الان "لا"!
اليس هذا عجيب وخطير؟
انا ناوي اجري نفس البحث هنا في المنبر مع الناطقين من اهلنا في السودان بغير العربية.
اذن خلونا نركز علي الغابة اي خط واحد في مقابل خطوط متوازية!
10-22-2017, 10:07 PM
Bashasha Bashasha
تاريخ التسجيل: 10-08-2003
مجموع المشاركات: 25803
ستذهب وتقوقل الأمر لتقف على ماهية الكونتويوم .برضو مابحلك. لو تعلقت باستار قوقل مابحلك. انتهى الأمر أيها الشبح المسم. لقد سممت أرواحنا بمطاعناتك العليلة التافهة.
لو كنت تدري طبيعة المتصل الذي بين يديك، لما اخطات في ترجمة foolishnes و judgementalism. ولما أخطأت في ترجمة workaholism. بشرح ليك لي قدام لو عندي مزاج ووكت. شفت كيف. عثمان محمد صالح
10-23-2017, 02:04 AM
Osman M Salih Osman M Salih
تاريخ التسجيل: 02-18-2004
مجموع المشاركات: 13081
فلتعلم، أيها الشبح المدعو حاتم ابراهيم ان مداخلتك الوحيدة فريدة زمانها هذه مصانة ومصورة، وسوف اجعل لها بروازا يقيها من الغبار و من عاديات الزمن لتظل معلقة في البهو، يراها الغاشي والرائح، تدل عليك بمالالبس فيه، كما تدل البعرة على البعير، ممهورة بعبارة: ياحليلك !.
عثمان محمد صالح
10-23-2017, 02:04 AM
Bashasha Bashasha
تاريخ التسجيل: 10-08-2003
مجموع المشاركات: 25803
الالوان الاساسية في مرجعية اجدادنا 4 وهي المضمنة في علم السودان الحالي ولكن باستمرار خت في بالك اجدادنا كصوفية ماكان عندهم الشغلة بالاعلام والاناشيد والوطنية وماشابه من ترهات العرق العنصر وماشابه.
المنطلق الاساسي والمنتهي في استخدام لغة الالوان الرمزية كان روحي وعرفاني خالص، خالص!
مهم للغاية تفهم الشئ ده كده.
كالاتي من حيث التراتبية وهذا اجتهاد من بشاشا ولذا لزم التنويه :
لو وقفنا عند الالوان من واحد لي اربعة او طلبنا من اي سوداني يدينا نبذة تاريخية عن هذه الالوان، طوالي حيروح غارف من البرميل اياهو، بتاع كيف الاسلام دي الوانو يخرم علي ايران والشيعة وارتباطم الوثيق بالاخضر والاسود، او نعم كيف رسول الاسلام عليه السلام لونو المفضل كان الاخضر.....الخ!
ماعندنا مانع، ولكن هذه الالوان او رمزيتا روحيا قديمة جدا، بواسطة من ابتدعو استخداما اي اجدادنا، واستخداما سابق لي ميلاد اسماعيل زاتو!
نعم نحن وليس غيرنا من اختار هذه الالوان واستخدما كلغة رمزية لتوصيل معاني روحية، وليس العرب او الفرس او رسالة القرن السابع!
10-23-2017, 02:09 AM
Osman M Salih Osman M Salih
تاريخ التسجيل: 02-18-2004
مجموع المشاركات: 13081
فلتعلم، أيّها الشبح المدعو حاتم ابراهيم أنّ مداخلتك الوحيدة فريدة زمانها هذه مصانة ومصورة، وسوف اجعل لها بروازاً يقيها من الغبار ومن عاديات الزمن لتظلّ معلّقة في البهو، يراها الغاشي والرائح، تدلّ عليك بمالالبس فيه، كما تدلّ البعرة على البعير، ممهورة بعبارة: ياحليلك !.
عثمان محمد صالح
10-23-2017, 02:34 AM
Bashasha Bashasha
تاريخ التسجيل: 10-08-2003
مجموع المشاركات: 25803
يا بشاشة سلام. لاتحفل بي كثيراً حتى يقضي الله أمراً كان مفعولا. موضوع بوستك أنا مامسيتو بي شيء واصل في شغلك عادي. أكتب كتابتك واعتبر مساهمتي المتواضعة ضرباً من الكاونتر بوينت، الذي يعرفه الشبح بنانا زي جوع بطنو، يعرفه بمذاق الهزيمة الماحقة.
10-23-2017, 03:26 AM
Bashasha Bashasha
تاريخ التسجيل: 10-08-2003
مجموع المشاركات: 25803
العزيز بشاشا كل ما في الأمر أن فكرة الشجرة الكبيرة التي تغطي كل الغابة التي وراءها تعلق بذهني منذ أن وردت في رد عبدالله بولا عليك مشيراً لأن تركيزك على مشكلة واحدة وهي مشكلة الأصل العرقي تجعلك تتجاهل مشاكل كثيرة لا تقل أهمية وقد جاء في رد بولا إليك ما يلي:
Quote: لأنك في حرصك على رؤية الشجرة الإفريقانية الزنوجية، التي تحجب غابة المظالم التاريخية، ورفضك لكل فكر ناقد يساهم في كشف المظالم،لمجرد أنه "ليس زنجياً إفريقياً" خلطت خلطاً زريعاً بين الجزار والضحايا
حقيقة أعجبني هذا التوصيف الفريد والمختصر لمجمل أفكارك مقابل أفكاره وعندما أوردت انت هنا العبارة أصابتني الدهشة رغم إستخدامك المغاير لها تحياتي
10-23-2017, 04:31 AM
Bashasha Bashasha
تاريخ التسجيل: 10-08-2003
مجموع المشاركات: 25803
بالنسبة لي بشاشا مايسميه الزميل د.بولا يطراهو بالخير" شدرة"، فهي الغابة باسرها او مش فقط شدرة والاختلاف الاساسي مع اليسار الجلابي وبالذات الماركسي هنا!
نعم ناس بولا موضوعم الاساسي المظالم "الطبقية" الوقعت بحق الجلابي محمد احمد تحديدا، ود البلد سيد البلد العربي الجدو الرسول، وليس من يسمونهم ذنوج اي ناس كوكو او ادمو او ادروب في الهامش الجو من تشاد او ارتريا!
اذن تعريف شدرة في مقابل غابة هو نقطة الاختلاف بيني او بين بولا واليسار الجلابي بعامة.
ده غير انو الموضوع المطروح هنا مختلف.
10-23-2017, 04:39 AM
Osman M Salih Osman M Salih
تاريخ التسجيل: 02-18-2004
مجموع المشاركات: 13081
لقد سهك إفراطك في القوقلة ماحبيتَ به من طايوق مسخّر للتوافه من مطاعنة وسخرية وخوجلة لاغذّ الله فيها البركة٬ جميعاً، وجعل ختامها البائس على يدي أنا العبد الفقير إلى الله٬ فانظر تحت قدميك٬ ماذا ترى؟.وبفعل القوقلة بلافهم، والتي هي أشبه باحتطاب في الظلام، تصيب أحياناً وتخطيء أحياناً إعتماداً علي المكان الذي تصيبه الفأس الضريرة. ويتجلّى هذا الخبط العشوائي في حصاد ترجمتك التي يختلط فيها الغث بالثمين. وللقاريء أن يختبر ذلك وحده مستعيناً بالمعاني القاموسية للمفردات، مسترشداً بتعريف الكونتيوم.
De reeks van gemeten waarden van een verschijnsel of van grootheden die niet of nog niet in getallen zijn uit te drukken betreffende een verschijnsel, liggend tussen twee uiterste waarden of grootheden, waarbij het mogelijk blijft in de rangschikking van de reeds geplaatste waarden of grootheden telkens nieuwe tussen te voegen. Als dit tussenvoegen van waarden of grootheden mogelijk is, noemt men de reeks een continuum. ---- ماهو الكونتيوم (المتصل)* ترجمة: ع.م.صالح
هو سلسلة من القيم المحسوبة لظاهرة ما، أو هو سلسلة من القوى التي لم يُعبَّر عنها رقمياً فيما يتعلّق بظاهرة ما، تقع بين قيمتين متطرفتين أوقوتين متطرفتين، بحيث يمكن في ترتيب القيم أو القوى الموضوعة إضافة قيم جديدة أو قوى جديدة في كلّ مرّة. إذا كانت هذه الاضافة البينية للقيم أو القوى ممكنة٬ فإن هذه السلسلة تُسمّى السلسلة متصلاً.
ياعثمان الكلام دا قلته لحاتم في بوست محمد جمال وحااقولوا ليك هنا وطلب منك صاحب البوست بشاشا ان تعرض عن هذا...كدي حتخربوا بوستات الناس الماعندهم ذنب فيما يدور....هذه المطاردات حتخلي الناس يكرهوا المنبر...وفي الدنيا دي مافي زول بمتلك الحقيقة وما اوتيتم من العلم الا قليلا وفوق كل ذي علم عليم...هدانا الله جميعا...
10-23-2017, 07:11 AM
Hatim Alhwary Hatim Alhwary
تاريخ التسجيل: 01-23-2013
مجموع المشاركات: 2418
في الغالب حاركز علي اللون الاحمر، ثم مرور سريع علي الاسود والابيض، لانو كل واحد من الالوان دي محتاج لي بوست منصل، بالذات الاخضر تحديدا البنشوفو دايما في ساحات الذكر او قبابنا.
طبعا مضحك لما العرب يقولو اللون الاخضر هو رقم واحد عندهم، مع انو لغة، عربي معناها خلوي، اي صحراوي!
ولكن ده بوريك كيف حاجاتنا منقولة او منسوخة بالكربون نسخ!
صدقوني في الوكت المناسب حنمسك الاسلام ده زاتو، نفككو حتة حتة، صامولة صامولة، ونعيد تركيبو علي اصلو الكوشي، عشان لي روحي كرهت غنج، غرور، سفالة الوهابية والعرب بعامة، استعلاؤم الساذج المقزز في مخاطبتم لينا كافارقة، وحوش، عبدة ابقار واشجار، وماشابه مقارنة بامثالم ظل الله في ارضه.
نعم للعرب غرور اجوف مقرف فيما اتصل بي وهمة ريادتم واتيانم لامثالنا من "الحبوش" ابناء السوداء بالاسلام بالالف واللام!
10-23-2017, 08:30 PM
Bashasha Bashasha
تاريخ التسجيل: 10-08-2003
مجموع المشاركات: 25803
نعم الامام المهدي تردد انو كان عندو فهم زي ده ، ولكن الفهم ده عايز شرح عشان نفهمو.
نعم الفهم ده ارث روحي قديم جدا جدا وسابق لي وعي الاجناس والعنصرية الحالي اللي لاموقع له من الاعراب في ثقافتنا علي الاطلاق من دون خلق الله في عالم اليوم اللي دينو او ديدنو هو الفرز والتكوين العنصري بالذات ضد امثالنا.
نعم كقوم سود دفعنا ثمن فادح جدا جدا، لغياب هكذا وعي وطريقة تفكير غريب علي وجدانا وكنتيجة ها نحن كافارقة الي اللحظة في كثير من نواحي افريقيا الي اليوم نعيش كضيوف في ارض اجدادنا.
يكفي حال اهلنا في اسوان الي اليوم!
الطريف جدا الخواجات اعترفو علنا واشارو للميزة دي في الافريقي لما تناولو الصراع المرير الطويل مابينا وعرب السعودية الحالية واليمن اللي جونا زي غيرم في بقاع الارض الاخري كلاجئئين وضيوف، احسنا وفادتم كالعهد بنا واكرمناهم دون تمييز، دون كفيل، دون جواز، دون تاشيرة لتكون النهاية المحزنة علي قول ترباس انهم بعد ما كترو حول "جنات عدن" اللي انشأها اجدادنا من امثال صالح، شداد، ولقمان، انهم اي العرب الساميين هجمو علينا او كوشو علي كل شئ، وكنتيجة وكما ورد ذكرو في القران تفرقت بنا ايدي سبا، لنعود قاطعين البحر الاحمر عائدين الي حيث اتينا من!
طبعا ما حتقرا كلام زي ده في مقرراتنا الحالية اللي صاغوها المستعمرين كان عرب كان خواجات وهذا طبيعي!
10-25-2017, 04:36 AM
Bashasha Bashasha
تاريخ التسجيل: 10-08-2003
مجموع المشاركات: 25803
اللون الاسود اي اللون الكمتي "مصر"، من كمت بالمدونتر "الهيروغلوفية" اي سودان بالعربي :
يرمز للحياة الاخري.
يرمز لي الليل.
يرمز للخصوبة.
ارتبط ايضا بالهة التحنيط اي مراسم الدفن.
والاهم اللون الاسود مقام هو الاعلي والاكبر في مراقي التدرج نحو الكمال لهذا نجد افراد بعينهم لما بلغو هذه المرحلة في عيون من عاصروهم، تم طلاء مجسماتم باللون الاسود تحديدا.
اذن حتي الي هذا التاريخ لقب ومتلازمة ازرق لدي شيوخ الصوفية في بلادنا، وعلي نحو غريزي مبهم، تعبر عن هذا المعني، ومن ذلك كمثال نجد "ازرق طيبة" و ازرق طويل الباع، نعم غرارة العبوس اي هذه الدنيا دار الكمالا نقاص!!
نعم الكمال دارو في الحياة الاخري الحقيقية!
اجدادنا كانو برسمو انفسم في شكل لون بني غامض او احمر كلون للبشرة، بالنسبة لنوع الذكور واحتفظو باللون الاسود كقاعدة ليعبر عن مقام روحي بعينه للنساء والرجال دون تمييز وليس كلون للبشرة اكرر كقاعدة!
كالعادة الخواجات ومعاهم احفاد الهكسوس من مصريي اليوم، استغلو الحتة بي خبث، نعم حتة اللون البني وليس الاسود في تجسيم قدماء الكمتيين اي "المصريين" في الصراع الكوني والحرب الكونية المدورة بطول وعرض ال200 سنة الماضية حول ارثنا نحن السودانيين الحضاري، ونحن الي تاريخه اخر من يعلم بوجود مثل هكذا صراع كوني!
لاحظ الي هذا التاريخ ومن دون مانعي ورغم انف كراهية الذات والاسود فينا، نجد هناك ربط مابين "الفلاتي" في ادبيات خطاب وعي الاستعلاء الشمالي، والصلاة، لاحظ!
ماعايز اسرح في الحتة دي، ولكن حتي بالفهم والوسائط المعرفية المادية، ثبت ان مادة الMelanin المسؤولة من سواد البشرة في الانسان، ذات صلة وثيقة بما يعرف في عرف الصوفية، بالمعرفة اللدنية!!
خت في بالك، جدنا "اوسار" اي اوزريس بالاغريقية وهو واهب الحضارة في مرجعية اجدادنا والعالم القديم كلو، وهو يمثل اول انسان كامل بي مفردات الصوفية كان لقبو The Black One!!
بالدارجي يعني الازرق سيد الاسم بالالف واللام مش ازرق رقعة جغرافية بعينها!!!
كان المني اواصل في تناول اللون الاسود او سرو، ولكن مافي وكت..
ياريت ياناس قناة النيل الازرق، وبقية المحطات السودانية تعو هذا الدرس، او تبطلو مثل هذا البصق، علي اللون الاسود المرذول، او مغسول غسيل من وجوه اخواتنا او بناتنا، بل بعضا من حتي الرجال، وينتبهو لجلال وعظمة هذا اللون الاسود، رمز الكمال تاريخيا.
نفسي اشوف وجوه اخواتي من الجبال من دارفور من واو مغطيات شاشات التلفزيون، ياريت ياريت!
ادناه اهم واعرق تلاتة رموز في تاريخ البشرية كلها.
"الازرق" ياهو اللي في النص، "اوسار"، واهب الحضارة واول انسان بلغ مرحلة الكمال وهو المسؤول من محاسبة البشرية في اليوم الاخر:
10-25-2017, 05:02 AM
Osman M Salih Osman M Salih
تاريخ التسجيل: 02-18-2004
مجموع المشاركات: 13081
البيناتنا عامرة. ولم أمسّ بوستك هذا بسوء. ولا إضافة لي بعد الفراغ من أمر الشبح بنانا٬ الذي هو لاشيء٬ ولا أحد.. محض أكذوبة تسترزق بجاه قوقل٬ وتبني عشّها باعواد المطاعنات التافهة٬ وتضليل القرّاء بإدعاء المعرفة الشاملة٬ وبرقصة الخوجلة البغيضة التي تأباها أنفة الأحرار، هو قرادة إسفيرية (والعبارة ملك حصري لقائلها عمر التاج) مجهولة الهوية تطفلت طويلاً على الدماء.
لكلّ بداية نهاية، إلا النقانق(السجق)٬ لها نهايتان. مثل بلغاري.
10-25-2017, 09:25 PM
Bashasha Bashasha
تاريخ التسجيل: 10-08-2003
مجموع المشاركات: 25803
اذن اللون االاسود استخدم كرمز للاشارة لمن بلغو مقام روحي بعينه في مدارج الكمال ليتحول بقدرة قادر هذا الرمز اي اللون الاسود الي النقيض كتنميض لي جنس بشري باكملو اي من اطلقو عليهم ذنوج باعتبارهم وحوش، قرود، sub-human دون!
في تاريخنا من الاسماء اللي بلغت هذا المقام الرفيع نجد الملكة نفرتاري وارجو لاتخلطو الاسم ده مع نفرتيتي.
نفرتاري والنطق لهذا الاسم كالعادة وللاسف تم باستخدام لغات غير سودانية ورغم هذا نجد صدي هذا الاسم اي نفرتاري يتردد في "ست النفر"، "نفرين" وهكذا.
هذه السيدة كانت اسطورة في عصرها لما قدمتو هي، زوجها، وابنائيها وهم من قادو حرب تحرير كمت من اجداد امثال زاهي حواس، هيكل، وماشابه من احفاد الغزاة في مصر العربية الان.
حبيت اقول كيف نفرتاري وهي سيدة اي امراة اي "ناقصة عقل" او كمان "دين" ترقت في مدارج الكمال الي مقام الالوهية، اكرر وهي امراة!
الحتة دي ماقاعدين نقيف عندها كتير، رغم انف اهمية هكذا ظاهرة فريدة بمعني المفردة في عالم الي هذا التاريخ يحتقر يكره ويبصق في وجه نوع النساء، دعك من الزمن داك، لما كانت المراة تدفن حية في "ارض الحرمين" اللي بنتم هاجر!
كانت مملوكة كاي قطعة اثاث في ارض فيكتوريا ملكة بريطانيا!
كانت تباع هي واطفالا كما قطعة صحن فول في ارض المانيا، في فرنسا، وامريكا "طرمبة" سانتانا الذي لايرحم وارث وحامل هذا الارث الذكوري في جينات الحضارة الارية المادية الذكورية البدوية الرعوية!
اذن لاوجه للمقارنة مابين ما قدمتو للبشرية حضارة كوش واي حضارة/ثقافة اخري، علي الاطلاق!
Ahmes_Nefertari
انا اخترت الصورة دي مخصوص لاشير كيف في الفترة الاغريقية الرومانية تم اعادة انتاج هذه المجسمات والصور علي النمط الاري مما زاد الطين بلبلة!
نفس الشخصية:
10-26-2017, 02:42 AM
Bashasha Bashasha
تاريخ التسجيل: 10-08-2003
مجموع المشاركات: 25803
معليش زي ما كررنا القول النطق والقراءة الحالية للمدونتر لاتعنينا في شئ، لمن يجلي جيل جديد مسلح بالوعي الكوشي، ليوطن لغتنا الام، باستخدام لسانا احنا في السودان في قراءة وكتابة لغتنا الام المدونتر..
اللون الابيض في مرجعية ثقافتنا يرمز الي:
* للنـــــــقاء والصفاء.
* البساطة .
* كما اللون الاخضر الابيض وليس الاسود، كان هو بمثابة الضد للون الاحمر.
اللون الابيض كماهو حالنا الي تاريخه، ارتبط بالازياء اي اللبس.
نعم كما حالنا اليوم اجدادنا كانو بلبسو ذات العراقي الابيض المتداول اليوم.
لا ادري ولكن في دنقلا وانا يافع كنت بلاحظ جدي عليه شابيب الرحمة او جيلو ماكانو بلبسو جلاليب في المرقات وانما عراريق ولكن مع ذلك الجلابية كانو بختوها علي الكتف مطبقة!
لا ادري لماذا!
لا ادري كيف او متين العراقي تحول الي الجلابية الحالية.
المهم هو اختيارم اللون الابيض للازياء، بالذات الشيوخ اي الواصلين روحيا بما فيه الاحزية اي الفاشري المعروف، بالذات الملفحة او التوب الابيض لدي شيوخ الصوفية.
علي ايامنا في الابتدائي والعام حتي العالي الزي الرسمي كان الجلابية البيضا.
اذكر كويس لما تم التحول للاردية في العام، فكان شئ مقرف حقيقية او مرفوض من قبلنا.
اذكر وانا يافع كنت بسافر الخرطوم بي جلاليب خضر، وهذا كان ملفت للنظر للفي سني بالذات في الكورة في الدناقلة بحري!
مرة رجعتا البلد بالنطلون، فكان يوم تاريخي في حلتنا.
التفو حولي اندادي في منتهي الاشمئزاز والقرف من منظر المنطلون الكان ملفوظ بالنسبة ليهم، ربنا يغفر لي انو اسهمتا بهكذا ممارسة في طمر ارثنا.
لهذا الي هذا التاريخ لا ارتاح للبنطلون والقميص!
ماتنسي كيف التاج الابيض والاحمر باستمرار رمزو لللارضين اي كمت العليا اللي رمزها الابيض، وكمت السفلي اللي رمزها اللون الاحمر.
لما نضع في الاعتبار كيف سكان كمت السفلي كانو اسيويين واوربيين وماشابه، فالحساسية باتجاه رمزية اللون الاحمر في مرجعيتنا بتبدا من هنا!
وهذه الثنائية انتقلت الي جوانب اخري متعددة، وايضا التاج تحول الي الطاقية العادية الحمرا والبيضا مما يؤكد كيف الموقف من اللون الاحمر كان dynamic بي معني في حالة صيرورة.
او مش موقف ساكن ثابت كما قدر يتبادر الي الذهن بحكم طريقة تركيب عقلنا الحالي وظاهرة الخطين المتوازيين المشار اليه اعلاه اللي تكون وترسب داخلنا علي نار هادئة بطول وعرض ال2,000 سنة الماضية.
معليش ربما لم اوفق في توصيل الحتة دي ولكن مهم جدا نتعامل مع كل رموز ومعطيات ارثنا الحضاري الروحي بعيد عن الجمود.
....يتبع....
10-26-2017, 05:06 AM
Osman M Salih Osman M Salih
تاريخ التسجيل: 02-18-2004
مجموع المشاركات: 13081
أحيي أخوي الكريمين هيثم غالي وأحمد عالم٬ ولا أذيع سرّاً إذا قلت أن عودتي لهذا المنبر أملتها في المقام الأول ضرورة وضع حدّ لما يقوم به هذا الشبح المدعو حاتم ابراهيم من تسميم لأرواح الناس٬ يعاونه في ذلك شخص يدعى أمير بوب٬ صاحب القدح المعلّى في تلويث أجواء هذا الموقع٬ والذي تقهقهر عندما رأى بأم عينيه كيف ينهزم شيخه الذي يحمل له الإبريق. لم يجد بوب مناصاً من الانسحاب عندما أدرك أن أخانا جلالدونا لن يصمت طويلاً٬ وأنه قادمٌ قادمٌ ليقلب عليه الطاولة. لم يكن أمام بوب وقد رأى ما رأى٬إلا أن يقدح ذهنه ليتفتق عن حيلة الاعتذار متعللاً بالمزاح٬ وهذا ضرب قبيح من الاستهانة بعقول الراشدين. أما الشبح حاتم ابراهيم فقد انجلى بلاؤه٬ وصار عقرباً بلاذنب.(وش باسم). عثمان
بعبارة أكثر وضوحا : قررت العودة للمنبر لاكسر قرون الشر النابتة على هامة الشبح قرنا قرنا. واحد ورا التاني . واني لسعيد غاية السعادة بان التوفيق كان حليفي. لم يبق للمؤذي الاشر سوى ان يلعق الجراح بعيدا عن الناس، وان يتكور - كما يتكور الجنين في بطن امه - في لحافه القصير حتى لاتبرد قدماه، فإن الشتاء يقرع الأبواب. عثمان محمد صالح
أخي العزيز بشاشا أرجو أن تستطرد في حديثك لأن ما تقوله يجب أن يتم تضمينه في الكتب الدراسية عند الحديث عن سيكولوجية اللون (تخيل كنا نعتقد أن اللون البنفسجي هو لون ملوكي لأن الملكة فيكتوريا كانت تستخدمه!) كده شوف لينا معاك موضوع تركشة الطاقية الحمراء في إطار التواصل غير اللفظي الغزلي... أنا شاكي أنه الموضوع دا قديم.
10-26-2017, 08:33 PM
Bashasha Bashasha
تاريخ التسجيل: 10-08-2003
مجموع المشاركات: 25803
هنا في الخيط ده ماحيكون في فيديو تاني فالف كتر خيرك.
باقي لي انتا قاصد بوست عبدالعظيم. لو كده انا فضلت في الاول اقدم ابرز علماءنا الان واللحظة بروف اوبانقا من الكنقو، رفيق شيخنا انتا دياب في الميل 74..... علي قول الكيزان اي مؤتمر اليونسكو في القاهرة في 1974.
الملحمة دي هي اللي غيرت مجري التاريخ في الصراع الكوني حول تاريخ السودان!
التحية لي بروف اوبانقا ابرز متخصص الان في المدونتر اي الهيروغلوفية.
البوست ده عايز احاول اخلي خفيف حتي يسهل هضمو كمدخل لموضوع الالوان.
كتر الف خيرك.
لوعندك طريقة تعال لي في الخيط ده: Re: يا نساء السودان، اعرق نساء الارض، لستن كا�Re: يا نساء السودان، اعرق نساء الارض، لستن كا�
اذا البنقول فيهو ده كان ممكن يضمن في المقررات اطلاقا ده ما كان حالنا اليوم كشعب وكوطن.
اللي صممو المقررات وطريقة تفكيرنا الحالية عارفين اكتر من جوع بطنهم الحقيقة دي بالمناسبة، او هم ماوصلو الحتة الوصلوها دي من هيمنة مطلقة علي عالم اليوم، بي ساهل!
الكلام ده انا ماقريتو في كتب، ولكن عرفتو بالاحتكاك المباشر وجها لوجه مع بعض بيض امريكا.
واحد منهم قال لي اعلم السودان هو بالفعل اصل كل شئ في عالم اليوم، ولكن كلام زي ده نشرو ضار بي مصالحنا!!!
وقع ليك؟
نعم عنقر مامدنقر، شفتا كيف؟
ياعزيزي صدقني انا اعلم الكثير، والبحر ده غريق او غريق جدا من حيث الاساليب الخبيثة العجيبة المتبعة في طمس وقبر الحقيقة المجردة.
المسؤولية مسؤوليتنا نحن وليس هم.
هم ماعملو شئ غلط اطلاقا لما شافو انجع السبل لخدمة مصالحم هم او ده من حقهم.
خد عندك: هل تعلم البعض وهؤلاء افراد من اهلنا افارقة امريكا، بجي السودان سنويا من باب الحج؟
نعم الحج بالالف واللام ياعزيزي او ماطالبني حليفة!
اكرر زي ما بنمشي مكة او نسوي:
قالو الحجيج قطع،
طالب نور البقع،
قلبي زاد وجع،
حماني النوم منع،
البعض من اهلنا بدا يحج لهذا السودان المابسوي شئ في عيونو اهلو، البعبدو في مذلة مستعبديهم بالذات العرب!
ما عايز اخوض في مواضيع كهذه ولكن قناعتي اليوم ده جاي جاي بغض النظر!
نعم سيعود هذا السودان كما كان، كاول قبلة للبشرية، ولكن لا ادري كيف او متين!
ياحليلك ياسودان!
10-27-2017, 03:40 AM
Bashasha Bashasha
تاريخ التسجيل: 10-08-2003
مجموع المشاركات: 25803
قنا، ازياء اجدادنا كانت بالضبط كما ازياءنا اليوم اي العراقي الابيض الطاقية البيضا والحمرا، ثم لاحقا الجلابية البيضا والعمة.
العمة تحديدا تعود للفترة المروية.
مصدر هذا الزي كالعادة هم شيوخ التصوف بي تعابير اليوم ولهذا ماغريب كيف بابا الفاتيكان الي اليوم لابس زينا الابيض وكذلك مسلمي الفرس او ايران بالاضافة للعرب، اليهود، السيخ (العمة).
هناك تصور مسبق خاطئ في السودان بيربط جلاليبنا بالعرب كالعهد بنا علي الدوام كقاعدة.
المسيح، جلابية بيضا مكوية:
يهود، طاقية بيضا، جلاليب بيضا:
اتنين من بابوات الفاتيكان، جلاليب بيضا، طواقي بيضا.
نعم الاتنين بصلو لي منو؟ لي مادونا، اي "الست" نعم لي ســــــــــــــــودانية! معليش، قد يبدو كلام مساطيل ولكن هذه حقائق تاريخ:
10-27-2017, 09:10 PM
Bashasha Bashasha
تاريخ التسجيل: 10-08-2003
مجموع المشاركات: 25803
في ختام كلامنا عن رمزية اللون الابيض، فلتعلم عزيزي القارئي كيف شيوخنا ديل واجدادم مؤسسي التصوف منذ عصر الاهرامات علي اقل تقدير، هم مصدر الجلاليب والطواقي اعلاه،
بدا بالسيد المسيح، مرورا باليهود، الفرس، الهنود، وانتهاءا بي البابوات في روما.
نعم هم بقلدو فينا، زي ما احنا الان بنقلد فيهم اليوم، لما انتهت دورة سيادتنا، لتبدأ دورة سيادتم هم!
دنيا دبنقا..... دردقي بشيش....
نعم حركة التاريخ لولبية في مرجعية ارثنا الكوشي طبقا للشهيد محمود:
خت بالك شديد لغياب اي وعي ذكوري في تعامل الشهيد مع النساء والتياب البيضا لاخواتنا الجمهوريات:
ازرق طيبة:
شيخ البرعي، كمت المؤمنة باهل امون:
10-27-2017, 09:13 PM
Bashasha Bashasha
تاريخ التسجيل: 10-08-2003
مجموع المشاركات: 25803
نعم كما هو في الصورة اعلاه فالاصفركان وفقا لاجدادنا في كمت مخصص لنوع النساء تحديدا من حيث لون الجلد حتي غير السودانيات في المجسمات.
نعم تاني رجعنا لي اشياءنا من دون قصد في الصورة اعلاه لي اخواتنا او بناتنا في كورال معهد الموسيقي لهن التحية.
نعم لون المنقة... يالشايل المنقة علي قول البلابل لهن التحية.
في المملكة القديمة اي العصر الذهبي الاول من الاسرة الثالثة وحتي السادسة، باختصار عصر الاهرامات، الرجال ايضا كانو بطلوهم باللون الاصفر كلون للبشرة، كما النساء، وهذا يحتاج لي بحث حقيقة!
القريتو بقول اللون ده في عصر الاهرامات للنوعين كان تجسيم لحياة الدعة اي الحياة داخل البيوت اي الضاربين الراحات بي رندوقنا الليلة، ولكن ده ماوقع لي، بالذات انو كلام اوربيين او كده.
تقديري الخاص وهذا افتراض من لدن بشاشا كتلميذ في الروضة دي، ان هذا يوضح ويعكس طبيعة الاصل الاموي للثقافة السودانية وهذا جانب غير مطروق في هذا المجال حتي من المتخصصين من رواد المدرسة السودانية في هذا المجال.
نعم هذا الجانب حقيقة الي الان مبهم ولهذا بنواجه بي ظواهر ما عندنا ليها تفسير.
خت في بالك الصياغة الحالية رغم انف مجهود المدرسة السودانية اي الافريقية لي تاريخ ثقافتنا تظل صياغة اوربية وبالتالي مادية وغاية في الذكورية بالمناسبة.
ده مدخل للون الاصفر، حنواصل بعد شوية...
10-28-2017, 02:37 AM
Bashasha Bashasha
تاريخ التسجيل: 10-08-2003
مجموع المشاركات: 25803
لصيق جدا كرمز باللون الذهبي المخصص كلون للالهة في المجسمات، في الحياة الاخري.
نعم اللون الذهبي يرمز الي المقام المحمود في الرسم البياني اعلاه البجسد الوسيط الذهبي المنسوب ذورا لي ارسطو، اي النقطة المحددة في ذات الخط المستقيم الواحد في مدارج الكمال كما شرحنا اعلاه.
ايضا في جانب منه اللون الاصفر يرمز للشمس، اللي بدورو بلخص كل جوانب عقيدة التوحيد المروية بي لغة وخطاب الاسلام السياسي.
10-28-2017, 04:30 PM
نادر الفضلى نادر الفضلى
تاريخ التسجيل: 09-19-2006
مجموع المشاركات: 7022
تحدثت عن العراقى والجلباب الأول منذ ذكريات طفولتك فى منظقتكم .. وتعنى بها منطقة حضارة كوش .. وتحدثت عن تأثر حضارات بحضارة كوش فى إرتداء الجلباب الأبيض مسيحية ويهودية ..... وأنزلت صورا لمسيحين .. يهود .. أخوان جمهوريين .. وصوفى سودانى (البرعى) يرتدون االلباس والجلباب الأبيض ...
ربما فاتنى فى سردك ربط اللباس والجلباب الأبيض بحضارة كوش بإثبات أثرى من آثارها سواء من رسومات باهرامات والمعابد أو كتابة هيروعلوفية أو بالتماثيل .. حيث أن كل تماثيل الحضارة الفرعونية _ الكويشية لا أذكر أننى رأيت فيها تمثالا لشخص يلبس جلباباً .. فهل هنالك أدلة على هذا الجلباب الكوشى ليدعم تواصل لبسه حتى عهدك طفلا ورجلاً فى القرنين ال 20 و 21 ؟
10-29-2017, 01:24 AM
Bashasha Bashasha
تاريخ التسجيل: 10-08-2003
مجموع المشاركات: 25803
نعم فيما يلي وثيقة منذ اكثر من 3,000 سنة عرفت بالرسم من هو السوداني في الزمن داااااك بتاع جمهورية السوداني الحالية ومن هو الكمتي اي "المصري" بتاع جمهورية "مصر" الاضحت عربية.
اهمية هذه الوثيقة انها صممت خصيصا لتعريف العالم بهولاء مقارنة بالاوربي والاسيوي في الزمن داااك.
الاوربي مثلا كان في قاع مجتمع ذاك الزمان، اي اجداد بابا الفاتيكان اعلاه اللابس الجلابية بتاعتنا والطاقية بتاعتنا كماهي.
نعم في الزمن داك بابا الفاتيكان ده اجدادو كانو عرايا عديل كده، ماعداء قطعة جلد تور لستر العورة!!
ياعزيزي طبقا للخواجات زاتم اللي اسسس اثينا مهد الحضارة الاوربية كان سوداني من الاسرة 12 اي العصر الذهبي الثاني:
سوداني بالعراقي والسروال منذ اكثر من 3,000 سنة:
سوداني بالعراقي والسروال منذ ايام الثورة الام اي منذ اكثر من 100 سنة:
كمتي "مصري" بالعراقي والسروال منذ اكثر من 3,000 سنة:
جدنا "آبا" اي ابانا او ابوي بالدنقلاوية، مؤسس حضارة كمت، نعم اول "فرعون" بالطاقية منذ اكثر من 5,000 سنة من تاريخ اليوم، جيشو اللي اخضع الدلتا او وحد كمت كان من جنوب السودان الحالي:
العمة ام عزبة هولة الانصار منقوشة علي حيطان مروي:
كوشي من اهلنا المور اللي اخضعو اوربا واستعمروها في العصر الاندلسي انطلاقا من السنقال الحالية بالجلابية، والعمة الحالية البيضا:
10-29-2017, 02:05 AM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
سلامات يا بشاشا .. الصورتين بتاعات العراقي والسرول ذكرني بالمقولة الشائعة شمال ووسط السودان .. ( وقفلنا متحزم ومتلزم ) طبعا دلالة التعبير معروفة بيناتنا .. ما عارف المقولة دي شائعة عند الشعوب العربية ولّ بس عندنا . وهل الصورتين ديل ممكن يكونو لمحاربين او قادة عسكريين ؟
10-29-2017, 02:06 AM
Bashasha Bashasha
تاريخ التسجيل: 10-08-2003
مجموع المشاركات: 25803
الملابس منذ أكثر من 3000 ق. م. ما دامت ليست من جلود الحيوانات، بل من خامات منسوجة فهذا يعنى انها من الكتان كما ورد فى تاريخ الفراعنة (مصر) .. وهو تاريخ يتحدث عن نفس المنطقة والحقبة إذن حضارة كوش عرفت صناعة النسيج اليدوية .. فهل صناعته فى منطقة مروى ودنقلا أم شمال الحدود المستحدثة أى داخل مصر؟ ومعروف حالياً صناعة النسيج اليدوية ممارسة فى جنوب مصر تصنع الدمورية وحتى فى شندى صناعة الدمورية يقوم بها من هم من أصول مصرية هاجروا حديثاً وليس منذ قرون ماضية.
وعن إختيار الألوان للملابس ونوعية الملابس .. ألم يكن فى عهد كوش كحضارة قديمة توجد طبقات إجتماعية من أسرة مالكة وأعيان وكهان ومحاربيين ومواطنين وخدم وعبيد .. فلو هنالك طبقات فصلها مع أنواع الملابس وألوانها لكل طبقة ..
10-29-2017, 04:32 AM
Bashasha Bashasha
تاريخ التسجيل: 10-08-2003
مجموع المشاركات: 25803
لو قصدك صورة السوداني و"المصري" قبل 3,000 سنة، فالغرض الاساسي من الصور دي كان تعريف لاجناس ذاك العصر تحديدا، اي العصر الذهبي الثالث المثلتو الاسرة 18 اللي اسسوها سودانيين بمعني من السودان الحالي بعد تحرير كمت من احتلال الهكسوس اي اجداد مصري اليوم.
انا بطلب من كل سوداني يحتفظ بالوثيقة دي عشان يسكتو اي هكسوسي من مصريي اليوم للابد، متي ما ادعو انو كمت او حضارة كمت تتبع لهم.
نعم رجاءا ماتستعملو لفظة "مصر" اطلاقا في الاشارة لي كمت اللي معناها الحرفي بالعربي "ســـــــــــــــــودان" اي اسود.
10-29-2017, 05:02 AM
Bashasha Bashasha
تاريخ التسجيل: 10-08-2003
مجموع المشاركات: 25803
حضارة كوش المقام البلغتو في بعض الجوانب عالم اليوم وبكل ما ملك عن طريق القلع، الاحتلال، الاستعمار، الاستعباد، ماقدر حتي يفهمو مجر فهم نظري دع عنك يجاري!
كمثال الي هذا التاريخ مافي زول عارف كيف تم بناء هذه الاهرامات!!
نعم اليابانيين حاولو يعيدو بناء واحدة منهن او ندمو اليوم الفكرو في الموضوع ده!
كنتيجة الان واللحظة الكلام الدائر حول الموضوع ده داخل امريكا، بقول السوو الداهي ده ماكانو بشر زينا وانما مخلوقات من كواكب اخري هي الانجزت الشي العجيب ده!
وله، غرام، اعجاب قدماء الاوربيين اي الاغاريق بهذا السودان والسودانيين تحديدا مش اهلهم في كمت، لايمكن وصفو اطلاقا!
نعم ولع ووله بيض اوربا بالسوداني في الزمن داك يفوق بمراحل ولع السودانيين اليوم بالعرب والخواجات، بالذات لما نضع في الاعتبار كيف ولع الخواجات بالسوداني القديم ما كان بالاحتلال الاستعمار والاسترقاق وانما، بالنموذج في السلوك!
ليه السودانيين تحديدا؟
لانهم برزو للوجود اي الخواجات في عصر سيادة مملكة كوش المروية تحديدا، اللي انفردت بوضع اساس عالم اليوم واللي غطت سطوتا اليابسة كلها تقريبا من امريكا والي اليابان، من جنوب افريقيا والي قلب اروبا!
اطلاقا ما صدفة كيف احنا كسودانيين ما بنعرف غير رموز هذه المملكة بالذات بعانخي وترهاقا، اللي التوراة والالياذة بفضل سطوة سيرتم الطاغية الاسطورية تحولت الي مجرد كتاب تاريخ لي كوش زي ما تقول، والتوارة زي ماقالو لينا كتاب سماوي!
يعني زي ماقال هومر اول خواجة يكتب سطر، الله بي جلالو احتفل بالسودانيين!
لاحظ بعد ده كلو مافي زول من اجدادنا قال علي ناسم "شعب الله المختار" كما يدعي اليهود ولا ادري لماذا ولا علي اي اساس!
نعم ماكان عندهم وعي قومي اي عرقي، كذهاد، عباد شهد لهم من عاصروهم بالذهد بالصلاح بالتقوي!
اذن ياعزيزي مابلغه اجدادنا حقيقة فوق الوصف، اذا بنتكلم عن العالم الاوجدوهو، ولا الانسان الاجنبو، ولا المجتمع الابتدعوهو!
يازول هذا فوق للوصف والسبب الاساسي في ده كلو كان هو التصــــــــــــــــــــوف تحديدا كاسلوب للتربية للفرد!
10-29-2017, 05:27 AM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11838
" قابلوا الحمرة الأبوها" نص شعري في قصيدة "القلم طاوعني تاني" للشاعر المرحوم الأستاذ عمر الشيخ ويغنيها المرحوم محمد احمد عوض. اجبرت اجهزة الاعلام الفنان لتغيير كلمة الحمرة لل"حملة" بحجة العنصرية !!
10-29-2017, 10:14 AM
Ahmed Alim Ahmed Alim
تاريخ التسجيل: 06-14-2007
مجموع المشاركات: 2762
- هناك تداخل كبير بين اللونين الأسود والأخضر في فهم قدماء الكمتيين فكلاهما يرمزان للخصوبة وإعادة الحياة وإزدهارها .. ولذلك نجد معظم تصاوير (أزوريس) بنفس اللونين ..فأزوريس هو من أعظم الملوك الآلهة .. فهو الإله العادل والمسؤول من ميزان يوم الحساب، وهو من يقرر عبورك لنعيم السماء أو الهلاك! فرمزية اللون الأسود هنا تؤكد أيضاُ على مكانته العلية وعدله .. أزوريس برضوا أخد اللون الأخضر في تصاوير الجداريات الكمتية لأنه إله الزرع وجالب للحياة الأبدية بعد الممات .. ربما يتعجب البعض من قولك بأن اللون الاسود يرمز للخصوبة ولكن من يشاهد لون الأرض في شمال السودان بعد جرف الرمال من فوقها حيزول عنه أي إستغراب! فلونها أسود! ولو شاهدتها لأول مرة من مسافة بعيدة يصعب عليك فهم المنظر في منطقة يسود فيها اللون الأصفر الصحراوي .. وعلاقة اللون الاسود بالخصوبة ربما ليها برضوا علاقة مع طمي النيل ذو اللون الأسود الذي يجلب الخصوبة والخضرة من البذور العالقة بالطمي.. وبذلك اللون الأسود يجسد أيضاً مفهوم عودة الحياة بعد الممات.
- لاحظت لانك ما ادرجت رمزية الحزن والجدية للون الأبيض .. أنا مرت علي كذا مرة وارجح بصحتها لانها مازالت ممارسة عندنا حتى اليوم في شكل الكفن والحداد. والجدية انا عملت ليها تخريج من عندي :) وربطتها بلون توب العمل للمرأة في السودان كان ومازال هو الابيض فقط ..
- ما شايفك علقت على اللون الازرق؟؟ قرأت في مواقع لا اعرف مدى صحتها بأن اللون الازرق هو لون مقدس ومرتبط بالاله آمون (آمِن) لكونه لا يرى في السماء لأن لونه أزرق كما السماء الصافية.
10-29-2017, 11:32 AM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
معليش يا بشاشا لو غلبني توصيل مقصدي ليك .. أنا قصدت اربط المقولة الشائعة ( واقف متحزم ومتلزم ) بالحزام الملفوف حول خصر الفارس صاحب الصورة .. نوع الكلام دا أصلا ما بنتجو الذهن الشعبي من فراغ .. لازما يكون عندو سند من مشاهد بتتم ممارستها في الواقع .. هسه لما اشوف صورة من قبل الميلاد لفارس متحزم بتاكد إنو تقليد التحزم البنشوفو في المناسبات إلى اليوم نابع من تقاليد موروثة و ما جانا من بره .. مشكور على الشرح الوافي . : احمد عالم .. اضافتك جميلة فيها ملاحظات مفيدة .
10-29-2017, 05:54 PM
Bashasha Bashasha
تاريخ التسجيل: 10-08-2003
مجموع المشاركات: 25803
نعم حتي الان ما لاقاني ما يدل علي هذا في مرجعية اجدادنا في الكتب والمواد الاضطلعتا عليها.
ربما كان هذا لانو حقيقة ما كان عندنا مفهوم حزن تاريخيا بتكلم بالطريقة المتداولة عندنا الان اللي في تقديري ككل جوانب حياتنا علي مستوى الشعور مفهوم وافد واجنبي.
طبعا ان تحزن علي فقدان عزيزة او عزيز لديك فهذا طبيعي حتي لدي الحيوانات.
ولكن لي درجة تخصيص لون معين يرمز لهذا الحزن في الهدوم البنلبسا فهذا ما اعتبروا وافد واجنبي.
لأننا بلنبس في الفراش ذات الجلابيه او العراقي الابيض اللي عمرو اكثر من 3,000 سنة كما أوردنا اعلاه.
نعم حكيت كيف جيل جدي كانو بلبسو العراقي في المناسبات وان حملو الجلابيه مطبقة علي الكتف.
خالاتي كانو دايما بقرقو علي منظر جدي طابق الجلابيه علي الكتف ماشي او جاي بيها من دون ما يلبسا!
قصدي ما كان عندنا لون محدد للهدوم البنلبسا للماتم وهذا مهم للغاية ومحوري يعبر عن الكثير جدا جدا بالمناسبة عن الاصل الصوفي الروحي في تركيبة شخصية السوداني التاريخيه اللي بنظر للدنيا دي ك"جيفه"!
نعم العبوس!
نعم دار الكمالا نقاص!
نعم ام بنايا قش!
فراقه الحبايب, دار الغش!
اذن وبناء علي اعلاه مفهوم حزن البرمزو ليهو باللون الاسود رمز كل ماهو كريه وناقص في مرجعية ال"Tamahu" في قاموس اجدادنا اي الأوربيين_فهذا غريب علي وجدانا اللافظ للحياة الدنيا هذه بكل ماحملت او محافل بالحياة الاخري حد الوله عكس مرجعية بيض أوربا المادية بطبعها واللي بالتالي لاتومن بي مفاهيم حياة اخري الا كوعي استلاب_كوشي كما مجسد في طاقية البابا او جلابيتو البيضا وهو يصلي لي "حرمة" نعم "بنت سوداء" اي مادونا السودانية! اذكر في دنقلا واحنا اطفال كنا مع كبارنا بشيل مويه عديل كده للميتين من فرط الايمان المطلق كيف الميتيين ديل احياء او كمان بياكلو او يشربو!
لما احكي الكلام ده للخواجه وانا اتعمد قصص كهذه عشان استمتع بي رد فعلو فبلقاهو بعاين لي من فوق لي تحت مستغرب من هكذا كلام وهكذا زول جاي من خلفية زي دي!
اذن الموضوع ده عايز بدو صنه!
اذن في تقديري اللون الابيض لايرمز للحزن بل ليس هناك لون بعينه يرمز للحزن في الكتب والمراجع القريتا لي تاريخ ثقافتنا كسودانيين.
خلينا نسمع منك لانو ده موضوع مانوقش بالطريقة دي من قبل وبالتالي باب الاجتهاد واسع هنا.
10-29-2017, 07:48 PM
Bashasha Bashasha
تاريخ التسجيل: 10-08-2003
مجموع المشاركات: 25803
الأخ الكريم بشاشا تحدثت مع الأخ الكريم أبوذر عمر الذي طرح فكرة نقل النقاشات في البورد إلي مناظرات لايف بالفيديو عن المناظرة المنتظرة بيننا أو بين مرجعياتنا المتعارضة ووافق مشكوراً بأنه سيتكفل بإنجاح الأمر بالتنسيق معنا. الموضوع لا يحتاج لأكثر من ساعتين وبإمكاننا تحديد الضيوف وفنيات المناظرة . أتمنى لو ننتهز هذه الفرصة للإنتقال بنشاطنا الثقافي إلى مرحلة جديدة أكثر فائدة وحيوية
10-30-2017, 00:27 AM
Bashasha Bashasha
تاريخ التسجيل: 10-08-2003
مجموع المشاركات: 25803
اتمني ارجع هنا لو حيت يوم 24 ديسمبر للاحتفال بالمولد الكوشي.
نعم يا عزيزي المولد البنحتفل بيهو باعتبارو مولد رسول رسالة القرن السابع اعلم ان هذا ماهو الا مجرد مقاربة كالعادة لأصل كوشي مختلف!!
نعم إرث وتقاليد المولد الكوشي وككل جوانب ارثنا الروحي الصوفي الكوشي تبنتو الثقافة العربية بواسطة صوفيي الثقافة العربية اي مستلبه الثقافه الكوشيه من العرب والفرس!
02-26-2018, 03:03 AM
Bashasha Bashasha
تاريخ التسجيل: 10-08-2003
مجموع المشاركات: 25803
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Bashasha
محمد الأمين موسى
بابكر قدور
محمد نور عودو
حاتم إبراهيم
Osman M Salih
نادر الفضلى
Ahmed Alim
Hatim Alhwary
الفاتح شلبي
محمد على طه الملك
MOHAMMED ELSHEIKH
Sinnary
فيس بوك
تويتر
انستقرام
يوتيوب
بنتيريست