|
|
|
 Re: منح لدراسة الماجستير/ الدكتوراة (Re: فردوس جامع)
|
Fully funded Masters and PhD Scholarships offered 2017-2018
http://www.offeredscholarships.com/2017/09/fully-funded-masters-phd-scholarship.html؟spref=fbandm=1http://www.offeredscholarships.com/2017/09/fully-funded-masters-phd-scholarship.html؟spref=fbandm=1
| |
 
|
|
|
|
|
|
|
|
Re: منح لدراسة الماجستير/ الدكتوراة (Re: فردوس جامع)
|
الجدير بالذكر إنه التلاتة منح الأولى مواعيد التقديم ليها إنتهى...
بمسح سريع لصفحات المنح يبدو إنه المنحة الكندية و الأُسترالية لحاملي جنسياتهم ... الإيرلندية لآي متقدم. ( ممكن تراجعوا صفحات المنح للتأكُد).
كل منحة عندها requirements مختلفة من الأُخريات...
حظ سعيد للراغبين/آت.
| |
|
|
|
|
|
|
|
|
|
Re: منح لدراسة الماجستير/ الدكتوراة (Re: فردوس جامع)
|
سلامات عزيزتى فردوس
شكرا على الخيط المفيد
كنت فى الاسبوع الماضى فى زيارة سريعه لمدينة سان بول فى مينسوتا لحضور يوم الاباء فى كلة ماكليستر , كلية كوفى انان, ووالتر مونديل, حيث يدرس ابنى مروان. قابلت العزيز ناصر جامع و كنا فى سيرتك العطره
سلامى لاسرتك الكريمه
مع ودى وتقديرى
| |
|
|
|
|
|
|
|
|
Re: منح لدراسة الماجستير/ الدكتوراة (Re: Elmoiz Abunura)
|
بارك الله فيك على هذا البوست المفيد حقا
وأتمنى ان يستفيد منه الشباب هنا فالمنح أصبحت شحيحة في عالم اليوم
وهي قد تصنع مستقبلا مشرقا لكل من يحصل عليها
أتمنى الا يدخل احدهم البوست لكي يقلل من قيمة الحصول على شهادة عبر هذه المنح
| |
|
|
|
|
|
|
|
|
|
Re: منح لدراسة الماجستير/ الدكتوراة (Re: Zakaria Fadel)
|
شكرا استاذة فردوس لهذا الخبر الطيب والمفيد،،
وشايفة امريكا البخيلة ما عندها ولا منحة واحدة، بينما بريطانيا
عندها اربعة، بريطانيا بقت ذات الكرم والجود،،،
فرصة عظيمة للراغبين والراغبات للاستفادة من هذه المنح،،،
ودمت بالف خير وصحة وعافية
| |
|
|
|
|
|
|
|
|
 Re: منح لدراسة الماجستير/ الدكتوراة (Re: احمد عمر محمد)
|
شكرآ لكما .
- مهووس بعالم المنح من زمان ، وممكن أبحث فيه كهوايه ساي ، بس ما بتزهجني إلا المنح اللبيكون الأبلكيشن بتاعها كتير وممل ، ومش عارف عايزين فيهو توصيتين واحده اكاديميه والتانيه غير ، وما درجات محدده من التوفل أو الآيلتس ، ومش عارف خطه ورسالة منك توضح فيها شنو مش عارف ياااااااااااااااااخ والله يمرقوها من نفسك .
أحلا المنح هي منح الصين ، أحلا ناس لا ايلتس لا توفل لا توصيات لا غيرو ،،، تقدم بي هناك يرحبو بيك بي هنا " بقولهم : نياااااا ااا ( والباقي صايلنت ) ، والسودانيين بيقولوا نييي هاو ههههه .
بالتوفيق للجميع .
شوكرن تاني .
| |
|
|
|
|
|
|
|
|
|
Re: منح لدراسة الماجستير/ الدكتوراة (Re: فردوس جامع)
|
الأخت فردوس
والحضور الكريم
هذا عمل ممتاز أرجو أن يستفيد منه أكبر عدد من إخوتنا وأخواتنا
أرجو أن يصلح الله حال التعليم الجامعي في بلدنا،
فالوضع الراهن لا يساعد كثيراً خريجي الجامعات الحكومية السودانية
للإلتحاق بالجامعات العالمية بسهولة لضعف اللغة الواضح
(عن تجربة لعدد من الأخوان والأخوات الذين حاولوا الدراسات العليا بالخارج)
في ميزان حسناتك وحسنات الأخت الكريمة صاحبة الرابط
*تابعت الحملة الشرسة ضد الكراتين هههههه
آسف لعدم مشاركتي حينها،
لكن أنت والأخ العزيز زكريا وبقية العقد الفريد أبليتم بلاءً حسناً
برضو في ميزان حسناتكم جميعاً.
____
الحليلة
| |
|
|
|
|
|
|
|
|
|
Re: منح لدراسة الماجستير/ الدكتوراة (Re: elhilayla)
|
الأخ العزيز أبو نورة...
بالتوفيق لمروان و حظك ال Twin Cities في البال و الخاطر ربنا يسهل زيارتها قريباً إن شاء الله.
ما ماري على ولاية التارهيل؟
و كلامكم الجميل في حقي لهو بعض مما عندكم أساتذتي الأجلاء...
لكم التقدير و الإحترام.
| |
|
|
|
|
|
|
|
|
|
Re: منح لدراسة الماجستير/ الدكتوراة (Re: فردوس جامع)
|
الأخ العزيز احمد عمر محمد...
ما على واجب... نتمنى أن تكون من المحظوظين بإحدى المنح.
شايفاها فرصة كويسة حتى لو الناس أوراقها ما جاهزة على الأقل تعرف إنه المنح دي موجودة و تجهز ليها
للسنة القادمة...
تحياتي لك و تقديري.
| |
|
|
|
|
|
|
|
|
|
Re: منح لدراسة الماجستير/ الدكتوراة (Re: فردوس جامع)
|
يا ايمن أهم حاجة في الماجستير التوصية الأكاديمية ولازم الأستاذ الذي كان يدرسك في الجامعة يكتب ليك توصية ممتازة ويشكرك زي المتنبي ما شكر كافور الاخ ش ي د ي ..وبعدين ما تحاول تحضر ماجستير في امريكا على حسابك...حتدفع ٢٧ الف دولار.. فتش المنح الدراسية
ودمت بخير وعافية
| |
|
|
|
|
|
|
|
|
|
Re: منح لدراسة الماجستير/ الدكتوراة (Re: Basamat Alsheikh)
|
| Quote: وبعدين ما تحاول تحضر ماجستير في امريكا على حسابك...حتدفع ٢٧ الف دولار.. فتش المنح الدراسية |
( بت الشيخ )يا بسمات وبين القوسين انتي أولى بيه بعد غياب سلمى الشيخ سلامه .
كل الخير لك وشكرآ على النصيحه ، وصحيح " شابه نسمه " رفعتي معنوياتي ياخ هههههه
الدخول لأميركا براهو ماستر برأيي ؛ مهما تختلف الآراء تظل أرض الأحلام .
شكرآ والتوفيق للجميع .
| |
|
|
|
|
|
|
|
|
|
Re: منح لدراسة الماجستير/ الدكتوراة (Re: elhilayla)
|
الأخ العزيز أيمن الصادق...
أيوااااا إتذكرت بوستك فعلاً لما لقيت الرسالة بتاعة اللنك ده من الأخت البوردابية العزيزة...
إن شاء الله تصدف معاك.
| Quote: الأبلكيشن بتاعها كتير وممل ، ومش عارف عايزين فيهو توصيتين واحده اكاديميه والتانيه غير ، وما درجات محدده من التوفل أو الآيلتس ، ومش عارف خطه ورسالة منك توضح فيها شنو مش عارف ياااااااااااااااااخ والله يمرقوها من نفسك . |
أعتقد ال applications بتاعة الجامعات كلها كده حسب تجربتي... نقص منها التوفل و الآلتس و زيد ليها إمتحانات مجالات تانية
و تاني زيد عليها CV و Personal Statement و قصة فعلاً طويلة و شاقة لحدي ما الأوراق كلها تجمع تكون قوى الزول خارت...
لكن في النهاية it worth it... عشان كده واصل و بتصل إن شاء الله.
منح الصين دي بعد الترحيب و الصنة دي يكونوا قاصدين وين إمتحاناتنا هههههههه
تحياتي لك و تقديري.
| |
|
|
|
|
|
|
|
|
|
Re: منح لدراسة الماجستير/ الدكتوراة (Re: فردوس جامع)
|
الأخ العزيز زين العابدين
Quote: فالوضع الراهن لا يساعد كثيراً خريجي الجامعات الحكومية السودانية
للإلتحاق بالجامعات العالمية بسهولة لضعف اللغة الواضح
(عن تجربة لعدد من الأخوان والأخوات الذين حاولوا الدراسات العليا بالخارج)
في ميزان حسناتك وحسنات الأخت الكريمة صاحبة الرابط
|
الوضع الراهن فعلاً صعب... و فيه ظلم عديل كده.
لا نملك إلا و أن نتمنى إنه التعريب يتلغي عشان الناس تواكب دي.
ثم
لا شيء غير التعليم بيرفع الأمم... آي كلام تاني ما عنده معنى!
كثير من دول العالم بترسل رعاياها منح هنا عشان يرجعوا و يبقوا أدوات للتغير و البناء في بلدانهم... زي السعودية مثلاً.
ملاحظة العدد المهول من السعوديين بمختلف الجامعات بعد ما فكوا منهم الحصار (فيز الطلبة) المضروب عليهم بعد 2001.
حتى عددهم فاق الصينيين ال كانوا بيحتلوا المركز الأول في عدد ال international students هنا.
خصوصاً الفترة بين 2011- 2016 ... حسع قلوا شوية بسبب سوء الإقتصاد.
و بعد رفع الحصار الأمورحتتسهل ... منح دي ما معروفة لكن على الأقل ممكن الاُسر ترسل شبابها أو عن طريق المنح.
ربنا يصلح الحال..
تحياتي لك و تقديري.
| |
|
|
|
|
|
|
|
|
|
Re: منح لدراسة الماجستير/ الدكتوراة (Re: فردوس جامع)
|
" لكن في النهاية it worth it... عشان كده واصل و بتصل إن شاء الله. "
العزيزة فردوس جامع
كل الخير لك ، آي صحيح موضوع البوست .
ونعم الأمر يستحق ،، بالبلدي بنقول : " مافيش حلاوه بدون نار "
ولكل مجتهد نصيب وما يتصل .
شكرآ على الشرح والتحفيز وبارك لك في كل شئ .
مع وافر الإحترام والتقدير .
| |
|
|
|
|
|
|
| |
فردوس جامع
Elmoiz Abunura
Zakaria Fadel
احمد عمر محمد
ايمن الصادق
elhilayla
فيس بوك
تويتر
انستقرام
يوتيوب
بنتيريست