|
|
|
 Re: الكفار دخلوا النار ونحن وراهم بالحجار !!! (Re: علي دفع الله)
|
هكذا جاء يرددها بفرح صغيري ذو الاربعة اعوام
اظنها قصيدة طويلة وهذا ما حفظه
ناديتو دا شنو يا قدورة
قال لي ادونا ليها في الروضة
وبديت اردد معاه .
ناديت اخوانو الاكبر منو وسألتهم انتوا برضو في الروضة ادوكم القصيدة دي
قالوا نعم .
ولقيتها قصيدة طويلة ودي نهايها .
حاولت افتح معاهم نقاش في الحتة بتاعة سكتهم للكفار بالحجار دي.
كلهم كانوا على إستعداد يسكوا الكفار .
طيب يا اولادي الغابنكم شنو على الكفار ما كفاهم النار
والكفار ديل منو
تعالوا اسمعوا الاجابات .
| |
 
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: الهادي الشغيل)
|
والله يا الشغيل يا صديقي مشغول شغلة لي شوشة اضنيني هههههه
وعلي الحلف من شدة ما مشغول بتفاجاء بالحاجات الزي الموضوع الكتبتو دا
اما بخصوص اطلع اولادي من المدرسة في الوقت الحالي صعبة
بس اطمنك زي الكتابة الإنت شايفها قديتك بيها دي من الكوراث الكبيرة
وبي تصليت الضو عليها ممكن نلقى ليها درب معالجة
اصبر علي
تاني ما عندي شغلة غير المناهج
المرة الفاتت طلعتني كضاب ولمن جو الزملاء اكدوا ما كتبتو عدلت مداخلتك
فياليت ما تستعجل .
مودتي
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: الهادي الشغيل)
|
يا علي عليك قول كلام يدخل العقل
أنا مامصدق الطلاق والتحريم والمجادلة حفظ غيبي على رابعة أساس ؟؟؟؟؟؟؟؟؟
يازول نحن زمان في رابعة درسنا التكوير وعبس وتولى والنبأ والبروج ,
ده تعليقي ..
انت قلت الناس زنقوني .. ما في واحد زنقني .. أنا عدلت كتابتي لخطأ ... وريني مين زنقني .. ؟ مافي واحد عقب على تعقيبي غير أخونا عماد
قال لي طول بالك يا شغيل خلي الراجل يكمل فكرتو
وده الرابط :
سورة الطلاق _التحريم_المجادلة الخ الخ ؛؛؛؛؛سورة الطلاق _التحريم_المجادلة الخ الخ ؛؛؛؛؛
دفع الله ما بخرب ليك بوستيك .. بس تاني ما تكضب ..
ولو ما مقتنع بالمدرسة ما حد جبرك .
.. وقوم لف ثم لف .
معليش واصل يمكن تغير لينا المناهج .
| |
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: علي دفع الله)
|
العجاجة القايمة دي شنو .. يا ساتر
يا الشغيل ياخي كان تخلي الراجل يتم كلامو
ويوصل فكرتو وناقشو بشوية موضوعية
لكن ما ممكن تتلب للزول في البوست وتشبكو
ما عندك موضوع ثم كضاب وما شابه
ما هكذا يا الشغيل
وان جيت للحق والله العظيم موضوع البوست دا من اهم الموضوعات
المفروض الناس تتكلم فيها وتحاول توصل صوت الاحتجاج لابعد مستوى
دي مناهج فعلاً حا تنتج اجيال مأزومة ومتطرفة وتعاني من مليون كارثة
واكيد حا تخلق ملايين المشاكل في بلد اصلاً منكوب وزيتو طالع
فياخي خلي الراجل يحتج ويشكي للغاشي والماشي
في النهاية ديل ابنائنا ومستقبلهم امانة في اعناقنا
تحياتي
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: الهادي الشغيل)
|
Quote: قال لي طول بالك يا شغيل خلي الراجل يكمل فكرتو
وده الرابط : |
يعني الحكاية دي مستمرة طوالي؟
هسي برضو خلي الراجل يكمل فكرتو.
فعلاً إتعامل معاك بكل لطف، لكن غرضك تخريب البوست.
______
غير كده إنتو واحد يقول للتاني يا حقير والتاني يقول يا تافه .... إلخ.
لو عندكم طريقة تتطالعوا الخلا، فبها ....
لكن الشتيمة بي طقطقة الكيبورد دي لا بتعوق لا فيها دم بيسيل .......... ولا بتجيب نتيجة
علي دفع الله .......... واصل ياخ ...... أنا زاتي ما ترد علي.
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: الهادي الشغيل)
|
يواصلوه كيفن يا الشغيل كان بقيت للزول في رقبتو
الراجل جاي وشايل معاه فكرة
عجبتك اتداخل معاه .. ما عجبتك جليها يا الهادي
والمنبر مليان مواضيع
أنا واحد من الناس وما دفاعاً عن ود دفع الله
ولدي في رابع قرأ السور دي
والفي الروضة برضو جاني يترتر بالنشيد دا
وسألته برضو: كيف جاريين وراهم بالحجار
قال لي أستاذة ..... قالت كدا وهي زااااااتها جارية معانا
يا ولدي ربنا قال: لِكُلِّ امْرِئٍ مِّنْهُمْ يَوْمَئِذٍ شَأْنٌ يُغْنِيهِ
نصدق كلام ربنا ولا حجّار أستاذة ...... دي
غايتو المنبر بقت حالته صعبة خلاس
هسه ود دفع الله نجيبو تاني كيف للبوست دا
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: نعمات عماد)
|
تحياتي لكم جميعا
وآسف على الاسلوب الشين الرديت بيه على الشغيل وطيلة تداخلي معاه والله ما قاعد اقول ليه غير صديقي هذه الكلمة الجميلة التي تعلمتها من اخوي محمد النور كبر .
شبكني كضاب وقديتنا وقوم لف وبقية الكلام دا .
واقسم لكم بكل ماهو مقدس نفس الدخلة دي دخلها لي قبل كدة ومشيتها ليه .
عموما انا بعتذر ليه و ليكم عن اي ساقط كلم .
------
بالجد حا اواصل لحين روقة مزاج
احبكم جميعا
وعميق مودتي
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: نعمات عماد)
|
لاقاني حصان جاري شديد
راكب فيه ابو الصديق
شايل السيف والفرار
ماشي يحارب الكفار
الكفار دخلوا النار
ونحن وراهم بالحجار
=============
رغم أنني عملت معلم بالثانويات العامة وهي مرحلة مختلفة عن الاولية
ولكن في المراحل الابتدائية أو الاولية زمان
كان المطلوب من المعلم أن لا بد من تجسيد الصورة للاطفال حتى يستوعبوا الكلام
لأن التلقين وحده لا يجذب الطفل وخاصة إذا كان الأمر فيه صعوبة في الفهم
وكان التدريب زمان للمعلمين هو تحويل الكلمات إلى صورة أو أشكن ( وسائل إيضاح ) لكي يستوعب الطفل
الحدث ويستوعب المقصود .. والحصص التي بها أشكن هي اكثر الحصص التي فيها مشاركة
وبالتالي هي الاحب للتلميذ وخاصة في المراحل الاولية
المقصود هو التبسيط والفهم .. وبعد أن يكبر الطفل وفي المراحل المتقدمة
يمكن له أن ينتقد الفكرة .. والجميل أن يفهم الموضوع بعمق ليكون إنتقاده ايضاً عميق
ولا تتخيل أن طفل لا يتغير تفكيره طوال حياته ..
المهم أن يستوعب الحدث بعمق ويعرف المقصود من الكلام بدل الحفظ الاجوف
وهذا يجعل طرحه موضوعي ..
لكم التحية .. وأتركوا الاطفال في هذا العمر يتعلموا كل شيء .. فلا خوف فعندما يبلغوا سن معينة
هم بأنفسهم يأخذون ما يتماشي مع العقل ..
تحياتي ..
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: علي عبدالوهاب عثمان)
|
أستاذنا وحبيبنا علي أرتاوي يا حليل معلمين الزمن السمح!
كلامك دا أرجعني لحصة أخدتها في أولى إبتدائي في شرح
سورة الفيل وأذكرها كأنها كانت بالامس!! والسبب هو براعة
الأستاذ القدر يرسم لينا صورة ذهنية لكيفية الحدث .. أخدنا
خارج الفصل وتحت شجرة ضخمة ومثل لنا شكل قصف
الأبابيل لجيوش أبرهة ، وشرح معنى العصف المأكول :)
وعشان كدا كلام أخونا علي مهم جداً!! فلو زرعت كراهية في
عقول و قلوب الأطفال الحلوين ديل تاني ما بتمرق بالهين!!
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: علي عبدالوهاب عثمان)
|
شكرا أخ علي دفع الله
علي مجهوداتك القيمة علي تسليط الضوء علي مثل هذه المواضيع الهامة والتي لاتجد حظها في التعاطي والنقاش !
* تنشئية الطفل تأهيله وتعليمه والقيام بما يسمي socialization عملية هامة جدا لطفل في طور التشكل والنمو- إنه عجينة - يسهل تشكيلها وتلقينها - وشحنها بالمفيد وغير المفي
- يمكن جدا أن تفرز العملية التعليمية - عقلية نقدية أو عقلية ملقنة تحفظ وتجتر - !
* يمكن جدا ن تغرس قيم التسامح والتعائش - الديني والمذهبي والعرقة ومعاني الحب والتسامي وحب الإنسانية !
* كما يمكن أن يتحول الناشئ لكائن ملقن يعادي الآخر ويحتقر المختلف الديني والمذهبي يدعي إمتلاك الحقيقة : يكره ويكفر ويهلل للعنف والإقصاء يظن بذلك إنه يعبر عن قيم الدين
ويدافع عنه !
** شكرا يا أخ علي دفع الله علي تنبيهنا - لمايحدث للنشء من تحويلهم لخازنة تسجيل تحفظ وتجتر - ومن تحويل لنوافذ العلم والدراسة لبئية يمكن أن تفرخ التطرف والكراهية
والعنف وإحتقار الآخز ! ولبئية تلقينية يتم فيها "التسجيل والحفظ والتلقيين والآجترار " بلاضرورة أو فهم أو عقلنة وإبداع وإبتكار يناسب السن !
..
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: كمال عباس)
|
هذه أخطر مرحلة عمرية للإنسان
وأهم فرصة للبلد كي تتقدم أكثر من العيازين
يرموهم بالحجار..
ففي هذه المرحلة المبكرة للطفل ينمو الذكاء
المكتسب ببرامج ومناهج خاصة يمكن أن
يصل الطفل لمستوى عالي من الذكاء الذي
يتوقف عن النمو عند البلوغ كما يتوقف طول القامة
عن الزيادة ...
ومعظم هذه الذكاءات العقلية لا توضع لها في بلادنا
برامج ومناهج لتنمينها .
خاصة الذكاء البصري والذكاء الطبيعي
والذكاء التأملي والذكاء الإجتماعي والذكاء الإيقاعي
والذكاء الحركي
والذكاءين الوحدين الذين يدرسونهما هما:
الذكاء اللغوي والذكاء الرياضي.
ولو ضيعت مرحلة الطفولة ضيعت فرصة كبيرة
لجيل كان من الممكن أن يغير وجه البلد للافضل
بل ويحدث إنقلاب معرفي وتقني وصناعي وزراعي
وبيئي وهكذا...
.
| |
|
|
|
|
|
|
|
|
 Re: الكفار دخلوا النار ونحن وراهم بالحجار !!! (Re: منتصر عبد الباسط)
|
الاخ على دفع الله ووضيوفه الكرام - سلام عليكم
هى مساله مزعجه وتشير الى مستقبل يحكمه العنف باسم الدين .
واشير الى انتشار ظاهره الحكم والتنفيذ باسلوب العنف كالرجم والخرق منتشره فى ردود الافعال فى دول افريقيه ينشط فيها عمل
منظمات التنظيم الدولى تحت ستار العمل الدعوى.
مثلا فى نيجيريا شاهدت كثير من الفيدهات على وسائط التواصل الاجتماعى اسلوب انزال العقاب الرجم والحرق على المتهم حتى قبل تسليمه
الى السلطات واحيانا حتى فى حالات لايعاقب عليها القانون فى تلك الدول كحاله ضبط شخصين فى مواقعه جنسيه .
مثال اخر بوست اشار الى حادثه فى شمال كينيا حيث يوجد نشاط لمتطرقى القاعده وشباب المجاهدين بحكم التماس الحدودى مع الصومال.حسب ماورد بوكالات الانباء
العالميه.
قال مسؤولون إن طالباً مفصولاً من إحدى المدارس في شمال كينيا قتل ستة من زملائه السابقين وحارساً بالمدرسة، قبل أن يُقتل على أيدي حشد غاضب. وحسب وكالة "رويترز"، وقع الهجوم في مدرسة في بلدة لوكيتشوغيو النائية في منطقة توركانا القريبة من الحدود مع جنوب السودان التي تشهد حرباً أهلية. ونُقل إلى أحد المستشفيات ستة طلبة آخرون بعد إصابتهم بطلقات نارية. والمهاجم (17 عاماً) من جنوب السودان وهو واحد من آلاف الأطفال اللاجئين الذين يعيشون في كينيا، ويذهبون إلى المدارس هناك منذ نشوب الحرب الأهلية في بلدهم عام 2013. واعتُقل المهاجم وبحوزته بندقية كلاشنيكوف. وقال وانياما موسيامبوهي وهو مسؤول حكومي محلي للصحفيين: "لم تتعرض المدرسة لهجوم من قطاع طرق، لكن من جانب طالب منحرف بعد فُصل لعدم انضباطه". وقال مسؤولو أمن إن المهاجم الذي لم يعلن اسمه جرى اعتقاله، لكنه قُتل على يد مجموعة من الناس أثناء احتجازه لدى الشرطة. وقال جوسبهات نانوك حاكم مقاطعة توركانا على "تويتر": "الهجوم... يمثل مؤشراً محزناً على حالة انعدام الأمن على طول الحدود". وتنتشر الأسلحة في المنطقة بسبب قربها من دول مجاورة مضطربة منها الصومال التي يقاتل فيها مسلحون على صلة بتنظيم القاعدة المتشدد من أجل الإطاحة بالحكومة. من صحيفه الانباء الكويتيه .
لاحظ عمر الطالب فى منطقه هيبه القانو ضعيفه امام نفوذ الجماعات المتطرفه والمسلحه وجانب اخر اسلوب الجماهير فى اقتحام مركز الشرطه وتنفيذ عقاب دامى على الطالب خارج اطار القانون والسلطات.
دا مثال على الناتج فى حاله وجود نشاط منظمات تجند الاطفال فكريا باسم الدعوه او نفوذ لجماعات متطرفه.
كينيون يرجمون تلميذ جنوب سوداني -مشتبه به فى هجوم على مدرسة- حتى الموتكينيون يرجمون تلميذ جنوب سوداني -مشتبه به فى هجوم على مدرسة- حتى الموت
خلاصه الامر انو التربيه الدينيه البعيده عن وقيم التسامح بل وتغذى روح العداء ورفض الاخر.امر خطر على الاطفال فى سن يكون فيها صفحه بيضاء يظلفيها
ماكتب او لطخ على صحفاتها من سواد يصعب محوه والتخلص منه بسهوله ونعكس على السلوك واسلوب الحياه لاحقا مما يؤدى الى اثاره الفوضى وضياع هيبه القانون.
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: Mohamed Adam)
|
تحياتي علي
وضيوفه
الامر خطير جدا . وداير اذكر القصيدة دي لناس الروضة مش المدرسة
الحل الفردي لا يجدي . بتخلق للطفل تناقض لا يستطيع استيعابه وسيضره في تقديري . ما بين ثقته في المعلم التي تعزز ثقته في التعليم وثقته في والده
واحد من كوستي ذو توجهات دينية متطرفة طلع اولادو من المدرسة قبل سنوات . ما بقروا واميين هسة
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: عبدالحفيظ ابوسن)
|
لا اكاد اصدق ان التعليم قد وصل إلى هذا الحد من الانحطاط ،،وما زال البعض يتساءل عن داعش وبراءة الأطفال تحتل وجهه، ،للامريكان الف حق
في الضغط على السعودية للنظر في مناهجها..لذا ليس من المستغرب أن تفرض الانقاذ علي طلاب المرحلة الثانوية ارتداء الزي العسكري لترسيخ ما
تشربوه من عنف وكراهية منذ فترة الروضة، ،اذا كيف يكون الدعم والتحفيز للارهاب لو لم يكن هذا؟
الف الف شكر الاستاذ علي دفع الله
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: منتصر عبد الباسط)
|
طبيعة الحياة صارت قاسية جداااااا
معظم الناس بتطلع من الصباح وترجع المطاح
يعني مافي اي فرقة انك تتابع حياة اولادك بصورة راتبة
المدرس بعد المدرسة بمشي الدروس الخصوصية
والطبيب بعد المستشفى العيادة الخاصة
وكذلك العامل البسيط جل نهاره وبعض ليله في العمل عسى ولعل يسد حاجاتو.
المزارع وكذلك النجار والحداد والراعي وستات الشاي والاكل
هكذا الحياة اصبحت ما يترتب على ذلك اهمال شبه وترك الاطفال للام الغير عاملة ام الام العاملة هنا المعاناة بأوسع ابوابها .
وفجاءة اجيك طفلك بحمل افكار زي ما في هذه القصيدة وزي ما ذكر صديقي عمر ابو عاقلة المدرسة في الروضة بتشيل حجارها وبتمثل الدور والاطفال وراها .
منهج ينضح كراهية وهم في عمر عندو مقدرة عالية لتخزين هذا السلوك التحريضي وسيظل في ذاكرتهم طيلة حياتهم .
السؤال العريض
من هم الكفار ؟؟؟
سأواصل وارد علبكم جميعا
وافر احترامي لاضافاتكم
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: Yasir Elsharif)
|
تحياتي أخي علي دفع الله وضيوفه.... لقد تدهور التعليم بشكل لم يستطع اهل الشأن المعنيين تداركه..وقد ذكر لي أحد الاصدقاء ان معلمة تدرس الابناء-ومنهم ابنه،تقرأ لهم سورة :(ناء والقلم وما يسطرون). بدل نون والقلم.. عندما ذهب مع ابنه للمدير،كان رده:الاستاذة دي مش مدربة وما عندنا غيرها... !!! اليوم طالعتنا الصحف ان مدرسة بالولاية الشمالية ،فصلت ٣ تلميذات -سادسة ابتدائي-بسبب تعاطيهن حبوب الخرشة....!!!ولا ندري ما هو القادم..... !!
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: Yasir Elsharif)
|
تحياتي أخي علي دفع الله وضيوفه.... لقد تدهور التعليم بشكل لم يستطع اهل الشأن المعنيين تداركه..وقد ذكر لي أحد الاصدقاء ان معلمة تدرس الابناء-ومنهم ابنه،تقرأ لهم سورة :(ناء والقلم وما يسطرون). بدل نون والقلم.. عندما ذهب مع ابنه للمدير،كان رده:الاستاذة دي مش مدربة وما عندنا غيرها... !!! اليوم طالعتنا الصحف ان مدرسة بالولاية الشمالية ،فصلت ٣ تلميذات -سادسة ابتدائي-بسبب تعاطيهن حبوب الخرشة....!!!ولا ندري ما هو القادم..... !!
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: علي دفع الله)
|
ناقشو المنهج من اتجاه،وبعدّاك ناقشو تأثير المنهج..
ولدي الكبير في تامنة والبعدو في رابعة..
لم ألحظ عليهما ذرة من أشياء تنحو في هذا الاتجاه..
وكل صبيان العائلة كذلك..
تقريبا التطرف ينتج في فترة المراهقة،ولأسباب لاعلاقة لها مباشرة بالمنهج الدراسي..
مشكلتنا الملحة هي الاقتصاد،
السمسم كيف ياعمك؟
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: عبدالحفيظ ابوسن)
|
لو كلامك صحيح،مفروض أي زول قرا المنهج تلقائيا يتطرف..
المناهج في السودان للحصول على الشهادة فقط..
ولا أحد يكترث لخلاف ذلك..
التطرف يمينا او يسارا يتم في منعرجات اخرى...
هسّ علي دا ذاتو بمقايسس كتير من السودانيين متطرف كبير..
منو الدرسو في المدرسة فكر لينين وماركس؟
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: عليش الريدة)
|
مرحب عليش
ما قدرت استوعب ردك وقصة ماركس فعذرا لقصر فهمي
الانسان بتتبني مفاهيمو وقيمو منذ الصغر . الاساس العندو البشكل الكومون سينس حقو لي قدام
والذهنية البتخلي قابل لقبول بعض الاراء والمفاهيم
وإذا توفرت ليهو فرصة للوصول لتلك المفاهيم فهو الاقرب وليس الاوحد
العقلية التسليمية بمثل هذه الامور تجعل احدهم يلبس درعا حديديا في منطقته التناسيلية وهو يهم بتنفيذ تفجير انتحاري
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: عبدالحفيظ ابوسن)
|
ما قدرت استوعب ردك وقصة ماركس فعذرا لقصر فهمي
ــــــــــــــــــــ
علي قرا ابتدائي مافيهو شيوعية،الشيوعية بالنسبة للمجتمع السوداني التقليدي تطرف..
هناك سؤال حسب فهم المجمتع السوداني التقليدي :كيف وجدت الشيوعية طريقها لعلي؟
بطريقة أخرى،لو فرضنا إنو الكيزان نزعوا كل مانريد أن ينزع من المنهج،اها هل كدا المشكلة انتهت؟
التطرف يتم في فترة المراهقة،وفي ظني لأسباب كتيرة متشابكة ،المنهج الدراسي ماعندو علاقة،
ولو عندو علاقة بتكون اوهى العلاقات...
بعدين يسؤني ان تذكر لي عبارات مثل:فعذرا لقصر فهمي..
لا أدري كيف إلم تفهم مرامي أحد من خلال حديثه ،كيف يعتبر ذلك قصر فهم؟
ماهي الرابطة؟
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: عليش الريدة)
|
مرحب عليش
الناس درجات في الفهم عليش . وانا كنت اقل درجة من فهم مرامي قولك وقلت ليك
الامر حوار لو ما فهمت ما بقدر ارد
صار شيوعيا لأنه ذهنه كان متقبلا لذلك قبل ان يأتي منهج يؤثر في طريقة تفكيره
وحتي مع هذا المنهج يمكن لابناء علي ان يصيروا شيوعين فوالدهم سيوفر لهم قاعدة معارف مختلفة
او حتي غيرهم بظروف مختلفة
عذرا علي لجعلك مثالا
واعتذر عن الحوار هنا
قلت كل ما لدي وبالطريقة التي اعرفها
اخشي ان النقاش يدخل علي ركن ضيق
مع اكيد الاحترام
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: عبدالحفيظ ابوسن)
|
وليه ماناخد علي مثال ؟مش هو فاتح البوست دا ؟طيب لو كان في زول معانا في البورد دا ووضع المنهج المشار إليه،كان يعني ماح نتناول موضو المنهج؟
بعدين علي ما مفتكر الشيوعية عيب..ولو كان ظانيهاعيب ماكان اعتنقا أساسا...وممكن عادي يجي يكتب بوست (مذكرات شيوعي)..
انا بتكلم عن الموضوع بجوانبو كلها..إنتو يعني دايرين بس الناس تجي تأيد وتمشي وللا الفهم شنو بالظبط؟
*مافي حلول إلاّ بالأركان الضيقة دي...المثالية دي ماح تقدمنا شبر..
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: عليش الريدة)
|
تحياتي تاني
كل الاصدقاء الاتداخلو ممكن يكونوا عندهم احساسي او انطباعي عن المناهج البتقود لزرع الكره للاخر.
اما اخونا عليش شايف انو البقود لزرع الكره والتطرف هو المشاكل الاقتصادية .
وجهة نظر عليش تحترم جداااا والاختلاف في وجهات النظر والنقاش حولها هو السبب الاساسي لدوام بوردات النقاش .
نجي لاخونا عليش
عن سؤالك الخاص عن السمسم ابشرك يا اخوي والله السنة دي انتاج عااااالي جداااا والسعر لحدت اليوم مجزي .
اما بخصوص مداخلاتك اعلاه ثق حا اتناقش معاك برواقة .
شاكر مرورك .
وحا ارجع ليك .
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: نعمات عماد)
|
كتب الأخ عليش
(لو كلامك صحيح،مفروض أي زول قرا المنهج تلقائيا يتطرف..
المناهج في السودان للحصول على الشهادة فقط..
ولا أحد يكترث لخلاف ذلك..
التطرف يمينا او يسارا يتم في منعرجات اخرى...
هسّ علي دا ذاتو بمقايسس كتير من السودانيين متطرف كبير..
منو الدرسو في المدرسة فكر لينين وماركس؟)
إكتساب الوعي والمعرفة وعملية التأثير وبناء الشخصية تتم عبر عدة دوائر إجتماعية
* من أهم هذه الدوائر 1- الأسرة 2- المدرسة -الأصدقاء الجيران والوسط الإجتماعي والإكتسابالشخصي والإطلاع الذاتي
** علماء الإجتماع والنفس يؤكدون -علي مدي خطورة وتأثير الوسط الإجتماعي في بناء وتشكيل شخصية الطفل في مرحلةالطفولة الباكرة فالطفل عبارةعن عجينة يسهل تشكيلها
والتأثير عليها وعلي وعيها وغرس معارف جديدة في الذهن اليانع !
* المناهج والمعلم يلعب دورا في تشكيل الذهنية ونمط التفكير والتأهيل الإجتماعي - ذهن نقدي -وشحذلملكة التفكير والإسئلة -والتفاعل أم ذهن خامل متلقي -وحفظ -إجترار-حشو
وتسميع - التركيز علي كم المعرفة لاعلي النوع - التحفيز !
* خلق" طفل يؤمن بالتعائش والتسامح وإحترام الآخر - وينبذ التعالي والعنصرية وتحقير الآخر أم طفل يتشرب الكراهية - والعنف وإحتقار الآخر وإدعاء إمتلاك الحقيقة -طفل يحفظ ويجتربلا إستيعاب ولافهم!
** هذا عن الطفولة الباكرة مرحلة التشكل والتطبع أما في نهاية المرحلة الثانوية والدراسة الجامعية فقد تحدث عملية غسيل مخ وإعادة صياغة لطالب طبيعي ليكتسب قيم العنف
والكراهية ! وهنا قد يفضل الشاب البقاء في الأطر التقليدية والموروث بسلبياته وإيجابابياته وقد يعمل فكره ويختار طريقه الخاص -
*ومع هذا كل لاينكر عاقل دور المناهج والتدريس والإستاذ في تشكيل بواكير الطفولة سلبا أو إيجابا !
** والقول أن المناهج والكتب وأدوات المعرفة -ينحصر دورها في كونها أداة ووسيلة للحصول علي وظيفة قول خاطي! لأن دورها وخصوصها في مرحلة الأساس والإبتداء هو أيضا دور تربوي
وتأهيلي - وهي حلقةومؤسسة إجتماعية جوهرية -يفترض أن تشكل وتبني إيجابا!
...
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: Yasir Elsharif)
|
رجعنالك يا عليش يا صديقي
عاوز احكي ليك مشهد بسيط انا حضرته يوم 18 اكتوبر الجاري كنت معزوم
المناسبة كانت تخريج درجت الجبهة الديمقراطية جامعة سنار سنويا ان تقوم به .والله يا عليش لو شفت الشباب الجميلين في الكولنج والاناشيد والخطب الحماسية وترديد اغاني كورال الحزب الشيوعي المركزي والعدد من هؤلاء الشباب والشابات توصل لي قناعة كبيرة ان المشروع الحضاري مرق بي قد القفة .في نفس الوقت لو طلعت الشارع وعملت كوتشنير لاي عينة من المجتمع ستجدهم نسبة كبيييرة مش رافضة بس بل تكره الكيزان وسنين الكيزان .
المقدمة دي عشان اؤكد ليك ان هذه المناهج الخوف منها مش على الكل انا على قناعة ستؤثر على على جزء بسيط ولكن هذا الجزء البسيط سيكون نتاءيجه كارثية على المجتمع في المستقبل ودونك فترة غسيل المخ في بداية التسعينات (اقسمت يا نفسي لتنزلن الخ الخ )والحور العين وساحات الفداء كم شاب فقدنا وفقدنا نصف الوطن من تلكم الايام الله لا رداها
يا عليش انا لمن انضميت للحزب الشيوعي ليس نتيجة قشرة او shaw او محاكاة نتيجة لدراسات عميقة من بداية المتوسطة وعندما اتيت الثانوي كنت حددت وجهتي وفي الجامعة كنت كادر معروف .
وما خجلان زي انت اشرت بل فخور وسعيد بانتماءيي لهذا الفكر .
نجي نشوف الحتة الاقتصادية الممكن تكون سبب اعتناق الارهاب وكره الاخر
في المداخلة الجاية👇👇
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: علي دفع الله)
|
الحالة الاقتصادية ليست السبب الرءيسي لكره الاخر والارهاب هي ممكن تكون عامل مساعد واديك امثلة
عبد الله عزام مؤسس القاعدة كان ميسور الحال
بن لادن زعيم القاعدة كذلك
ايمن الظواهري طبيب مصري
معظم الانتحاريين في القاعدة وداعش سعوديين او خليجيين واظن تعلم مستواهم الاقتصادي
معظم الانضموا للقاعدة سابقا و داعش حاليا من اسر ميسورة الحال
وفي السودان جامعة مامون حميدة خير مثال .
السبب الاساسي هو المناهج والفكر وبعدها يمكن الفقر المؤامرة وغيره .
--------
من ناحية تانية ضربت مثل بي اولادك انهم درسوا نفس المناهج ولم يتاثروا صحيح وكتييير من الاولاد لم يتاثروا ولكن قطع الشك في اولاد حا يتاثروا وهنا المحك .
مودتي يا صديقي
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: علي دفع الله)
|
الاصدقاء والصديقات الجميلين
حافظ بشير
هيثم غالي
محمد ابو العزايم ابو الريش
عمر ابو عاقلة
عبد القادر دنقس
نعمات عماد
علي عبد الوهاب
احمد عالم
كمال عباس
منتصر عبد الباسط
عاصم علي
محمد آدم
عبد الحفيظ ابسن
سيف الدين فضل الله
عمر دهب
نصر الدين محمد
ياسر الشريف
شاكر مروركم
مع مودتي
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: علي دفع الله)
|
حتة الظرف الاقتصادي تؤخذ في الاعتبار . حضرت قبل فترة فلم توثيقي عن بوكو حرام فهي تعمل وسط فقراء شباب المسلمين
القيادة غنية لأن الامر امر بزنس .
الظرف الاقتصادي عامل هام وضروري لكن الوعي بيهو دة الموضوع
هل الفقر له اسباب .. عندو علاقة بإدارة شئون الناس . في استغلال ولا مافي
هنا بخش الوعي الثوري وممارسات تغبيش الوعي
الوعي الثوري هو وعي ناقد وموضوعي
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: علي دفع الله)
|
سلام يا ابو علوة والضيوف
أذكر زمان جدا لو تذكرون
في زمن النميري
كان في نشيد في الروضة بدايته يا وردتي البمبية جابوك لي هدية
يعيش النميري رئيس الجمهورية
وفي نهايته مش فاكر ................. كلام كدا وبعده عاش نميري الكتل الهادي ..
دون ان يقول أحد لتلاميذ الروضة من هو هذا الهادي الذي قتله نميري انما علموهم أن يقولوها بحماس وصراخ شديد .وكذلك لم يهتم الصغار ولم يسألوا .
وبعد عشرة سنوات كبر هؤلاء الصغار وقاموا بإنتفاضة أبريل وهدوا عرش الطاغية .ولا أعتقد أن أحد تذكر ذاك النشيد أيام الانتفاضة .
ما أريد قوله في كل زمان وبالذات في الأنظمة الشمولية يوجد متلمقون يريدون أن يرشوا الحكام بمثل هذه المناهج الصبيانية .. ولا يهمهم مدى تأثيرها على النشئ بقدر ما يهمهم أن تصل الى أعلى وتقربهم الى السلطة زلفى .
لكن ما يرسخ في ذهن الصغير هو القيم والأخلاق والاناشيد والنصوص والسير التي تصب في هذا الاتجاه .
والدين أخلاق وقيم قبل أن يكون حروب وجهاد ,,الرسول صلى الله عليه وسلم نفسه سماه أخلاق (أنما بعثت لأتمم مكارم الأخلاق ) وحتى هذا النص الشهير ينم عن أخلاقه العالية لأنه قاله لكفار قريش لم يبخسهم وهم كانوا يرثون النساء كرها ويئدون البنات وغيرها من البلاوي .. لكنه ركز على قيمهم الفاضلة وقال أتيت لأتممها لكم .
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: درديري كباشي)
|
| Quote: وحتي مع هذا المنهج يمكن لابناء علي ان يصيروا شيوعين فوالدهم سيوفر لهم قاعدة معارف مختلفة او حتي غيرهم بظروف مختلفة |
علي دفع الله وضويفه سلام ....الاخ عبدالحفيظ ابوسن سلام غلبني افوت كلامك ده التعليم والمنهج والبيت ليسوا سبب في التطرف ... ومثال زميل هنا رئيس فرعية الحزب الشيوعي في بريطانيا لديه ابناء التحقوا بداعش ومنهم من قتل نسال الله له الرحمة ..يعني كلامك ده عن علي دفع الله يهي ان ابنائه يكونوا شيوعين دي ماعندها ارتباط بالاسرة ثانيا التعليم المدرسي ليس له دور في التطرف دونك ابناء الزميل كمثال حي تربوا في اسرة شيوعية كاملة الدسم
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: علي دفع الله)
|
مرحبا مسلمي
اخذت كلامي بظاهره فقط
اولا
لم اقل انو علي بربي اولادو يبقو شيوعين ابدا . قلت المنهج بكرس لفهم مغاير لفهم علي .. لذا علي كسلطة تربوية وفكرية يمكن ان يؤثر في هذا الفهم لدي اطفاله . علي كنموذج
يا مسلمي الطفل بياخد معارفو من جهات كتيرة .. ببقا ياتو جهة البتشكل الاثر الاساسي فيهو . هل ذو عقلية تسليمية ام ناقدة . وبعد دة كلو الامر يعود للامكانيات الفكرية والعقلية للطفل واستعداده الاصيل .. وتوفر فرصة ليهو للاطلاع او التجربة علي مفاهيم جديدة وهنا بتجي العقلية التي صنعت مفاهيمه يا امتن رفض حتي سماعها او ادخلها عقله الناقد واتخذ موقفا منها موافقا او معترضا
ازمة الشباب لأباء مهاجرين دي القصة في نظري ذهنية في التربية لا تناسب واقع الحال هناك وموقع الشاب في بيئة تجعله متنازع ومهيأ للتمرد الذي قد يضل طريقه
برضو علي اخد كلامي ببساطة مخلة جدا ولم ارد ان اجعله مساجلة
اعتذرللكلام الممل والاطناب
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: عبدالحفيظ ابوسن)
|
عندنا صاحبن لينا مشهور برفضه التام للغيبيات .. وانكاره
وهو زول مثقف وقراي وحنكو سنين
مرة جرت الونسة عن كنت ماشي ولاقاني شيطان .. وشفت كديسة بقت اسد وسكتني وكدة
بقا يحكي هو عن انو جاي بالليل من حفلة وفجأة جا جمب شدرة وحس بي حركة وجلدو نمل ورجف .. اتلفت شاف مرة عريانة شعرها منكوش وقام جاري وهو يقرا اية الكرسي
نحن لابدين ليهو وقلنا ليهو بي سخرية
يعني في شواطين
رد وعرف قصدنا
شواطين شنو وكلام فارغ شنو . من شفع صغار دخلو في راسنا ودام بعلو والسعلوة ابت تمرق من عقلنا الباطن
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: عبدالحفيظ ابوسن)
|
| Quote: ود المسلمي يا صديقي عاااادي جدا بحصل ههههه هسي انت ما مرقت من حوض ابونا الشيخ الورع التقي الصوفي الجميل لي فكر بن تيمية وبن باز بن عكاز😂 مودتي |
علي دفع الله ياصاحب اديتني النجيضة عديل وضربت مثل حقيقي .. انت عارف حتي اهلنا الصوفية عندهم مسالة الزول يبقي سلفي عادي مافيها اي مشاكل ولا فيها قطع ارحام بل مواصلة حقيقية عقيدة السلف ليس بها تكفير وليس بها التطرف الذي يبث الان في الفيديوهات من امثال مزمل فقيري والتكفيرين ناس داعش مثال بسيط في تشييع الشيخ ابوزيد والشيخ الهدية رحمهم الله كان كل السودان بطوايفه الدينية المختلفة وكان الكل فاقدهم اختلاط الامر بين السلفية الجهادية وسلفية انصار السنة مثل الراسمالية والشيوعية عندكم .. المهم القناعات بعد سن التكوين هي من تحدد اين يتجه المرء
----
اخوك سلفي براه لاينتمي لاي جماعة لكن بريد انصار السنة كلها الجناحين
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: Yasir Elsharif)
|
ياياسر يااخوي،إنت رايحة عليك حاجة مهمة،العجنة السودانية مازي السعودية...
معقول الأمريكان يعرفوا الحقيقة دي وإنت ماتعرفا؟
هسّ بس تخيل لو كان دا بوست سعودي فيهو ناس سعوديين بنفس الأختلافات المذهبية الحاصلة هنا،
تخيل كيف بكون مسارو،وقارنو مع المسار الممتع و الجميل جدا الحاصل في البوست دا..
فاشنو
ماتحاول تسقط علينا أي حاجة تحصل برّا،نحن ناس غير..
| |
|
|
|
|
|
|
|
|
 Re: الكفار دخلوا النار ونحن وراهم بالحجار !!! (Re: عليش الريدة)
|
سلام يا أخي عليش وشكرا لك
قولك:
| Quote: ياياسر يااخوي،إنت رايحة عليك حاجة مهمة،العجنة السودانية مازي السعودية... |
طبعا العجنة السودانية ما زي العجنة السعودية. ولكن ما يحدث في السعودية يؤثر على السياسة وعلى المجتمع في السودان، بل وفي العالم. بعدين لعلك تعلم أن مسألة رفع العقوبات عن السودان تمت بتأثير خليجي، سعودي إماراتي، على أمريكا، بعد زيارة ترامب إلى السعودية في أواخر مايو. الآن تصريح ولي العهد بأنهم سيدمرون التطرف يعني في المقام الأول تنظيم الأخوان المسلمين ومن يسمون بالسلفية الجهادية. لذلك لم يكن غريبا أن يكتب فرانكلي في ذات البوست الذي وضعت وصلته ما يلي:
Quote: قلنا من قبل أن هناك تغيير لعلمنة النظام الحاكم في المملكة
والدعوة للعلمانية واضحة في كلمات ولي العهد المنقلب على ولي العهد الحقيقي
وليس غريباً على آل سعود أن ينادوا بالعلمانية وهم من آوى بن علي تونس العلمانية حينما لفظه شعبه ويريدوا الآن أن يعيدوا تاريخه في مملكة آل سعود
كلمات ولي العهد المنقلب تحمل في طياتها إدانة صريحة لنهج السعودية حتى الآن بأنها تنشر الإسلام المتطرف وتدمر كل أفكار وسطية
نجيير الناس باتباع العلمانية في المملكة لن يفلح وقهر الناس بقوة السلطان جربها قبله دكاتاتوريين وأباطرة فكان مصيرهم أن لفظهم شعوبهم
والوسطية ليست في حبس العلماء والفقهاء والدعاة للمنهج الوسطي الحقيقي على منهج السلف الصالح من أمثال العودة والقرني
لن يكون الأمر سهلاً ككلمات في منتدى فالمحك الحقيقي هو عند التنفيذ
ربما نشهد اللحظات الأخيرة من حكم آل سعود لأرض الحجاز
وربما نشهد بعد مخاض صعب قيام جمهوريات عربية (في الغالب خمس دويلات) في ما يعرف جغرافياً اليوم بالمملكة العربية السعودية.
هناك معارضة كبيرة لتوجهات الأمير العلماني ليس في وسط الشعب المقهور فحسب بل من داخل أسرة آل سعود أنفسهم
هذه التعيرات أغلب الظن أنها ستكون متلازمة مع عنف خطير أخطر من كلمات ولي العهد المنقلب
وأتمنى صادقاً أن يحمي المسلمين أرض الحرمين وأعني بهما مكة والمدينة بصفة خاصة, من أن تكون داخل ساحة الحروب والدمار الذي سيلف المنطقة
يجب أن تكون أولويتنا حماية الأراضي المقدسة من الفوضى القادمة بين آل سعود وانفسهم ومع شعوب المنطقة المعرفة بالمملكة العربية السعودية
.
|
قولك:
Quote: هسّ بس تخيل لو كان دا بوست سعودي فيهو ناس سعوديين بنفس الأختلافات المذهبية الحاصلة هنا،
تخيل كيف بكون مسارو،وقارنو مع المسار الممتع و الجميل جدا الحاصل في البوست دا..
فاشنو
ماتحاول تسقط علينا أي حاجة تحصل برّا،نحن ناس غير.. |
دا كان زمان يا عليش. السودان والسودانيين تأثروا على مدى العقود الثلاث الماضية بالوهابية وبالهوس الديني الإخواني. تخيل ثلاثة من أبناء الشيخ أبو زيد يقتلون في ليبيا وهم يقاتلون مع داعش. ولماذا نذهب بعيدا؟ ما حدث في السودان على أيدي ناس الجبهة الإسلامية القومية يكفي.
مودتي
ياسر
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: Yasir Elsharif)
|
L| Quote: دا كان زمان يا عليش. السودان والسودانيين تأثروا على مدى العقود الثلاث الماضية بالوهابية وبالهوس الديني الإخواني. تخيل ثلاثة من أبناء الشيخ أبو زيد يقتلون في ليبيا وهم يقاتلون مع داعش. ولماذا نذهب بعيدا؟ ما حدث في السودان على أيدي ناس الجبهة الإسلامية القومية يكفي. مودتي ياسر |
وبرضك في ابناء شيوعين ويسار سوداني قتلوا في سوريا والعراق .. ياسر الشريف معيارك ده تلبسه عمة في راسك براك
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: محمد المسلمي)
|
محمد المسلمي
قولك
| Quote: وبرضك في ابناء شيوعين ويسار سوداني قتلوا في سوريا والعراق .. ياسر الشريف معيارك ده تلبسه عمة في راسك براك |
نعم هناك أبناء شيوعيين ويسار سوداني قتلوا في سوريا والعراق، ولكن السؤال: التأثير عليهم جاء من أين؟؟ بالتأكيد ليس من مصدر شيوعي أو يساري!!
تحياتي
ياسر
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: Yasir Elsharif)
|
نعم هناك أبناء شيوعيين ويسار سوداني قتلوا في سوريا والعراق، ولكن السؤال: التأثير عليهم جاء من أين؟؟ بالتأكيد ليس من مصدر شيوعي أو يساري!!
ــــــــــــــــــــــــــــــــــــــــــــــــــــــــــــــ
لو داير النصيحة،التأثير الأكبر والمباشر من الغرب،الرجل الأبيض ماقادر على نخرتو كلو كلو،بحشرا في أي حاجة...
وكل الفظائع البتحصل بعدّاك بتكون رد فعل..
والخاسر الأكبر (نحن)...
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: Yasir Elsharif)
|
الأب اولفادور عندو كلمة في كتابو( 10سنوات من الأسر في سجن المهدي)
مابتذكرا كويس،
ياإما
(السودان سريعا مايتعافى) أو(السودانيون سريعا مايتعافون)..ودا بعد شاف الخروج المذهل للعباد والبلاد بعد كل نكبة من نكبات التعايشي...
فمعليش ياياسر،انا مصر على موقفي..
مرالتعايشي وفات ،مر نميري وفات،وديل برضو ح يمروا ويفوتوا..
صحيح الدمار أضعاف،لكن الفرص مازالت متوفرة..
ليه؟
لأنو في حاجة خفية ومافي زول بنظرليها نظرة بتستحقها،الحاجة دي اسمها العجنة السودانية...
لكن ممكن أغير قناعتي في حالتين اتنين:
حدوث اغتيالات سياسية..
الامتناع عن تشييع الخصوم عند موتهم...
خلاف ذلك انا متمسك بوجهة نظري...
تحياتي و شاكر لك
| |
|
|
|
|
|
|
|
|
|
Re: الكفار دخلوا النار ونحن وراهم بالحجار !!! (Re: عليش الريدة)
|
Quote: الأب اولفادور عندو كلمة في كتابو( 10سنوات من الأسر في سجن المهدي)
مابتذكرا كويس،
ياإما
(السودان سريعا مايتعافى) أو(السودانيون سريعا مايتعافون)..ودا بعد شاف الخروج المذهل للعباد والبلاد بعد كل نكبة من نكبات التعايشي...
فمعليش ياياسر،انا مصر على موقفي..
مرالتعايشي وفات ،مر نميري وفات،وديل برضو ح يمروا ويفوتوا..
صحيح الدمار أضعاف،لكن الفرص مازالت متوفرة..
ليه؟
لأنو في حاجة خفية ومافي زول بنظرليها نظرة بتستحقها،الحاجة دي اسمها العجنة السودانية...
لكن ممكن أغير قناعتي في حالتين اتنين:
حدوث اغتيالات سياسية..
الامتناع عن تشييع الخصوم عند موتهم...
خلاف ذلك انا متمسك بوجهة نظري...
تحياتي و شاكر لك |
أنا معاك يا عليش مية المية
ديل برضو ح يمروا ويفوتوا، وتسلم الروضات والمدارس من سمومهم.
وما نقوم به من تنوير هو من أجل ذلك. وليس لدي شك في أن نهايتهم قريبة بإذن الله، والدليل "ما يحدث في السعودية".. حدّ كان يصدق دا يحصل هناك؟ شايف كيف؟
مع تحياتي ومودتي
ياسر
| |
|
|
|
|
|
|
| |
علي دفع الله
Hafiz Bashir
محمد أبوالعزائم أبوالريش
عمر أبوعاقلة
نعمات عماد
علي عبدالوهاب عثمان
Ahmed Alim
كمال عباس
منتصر عبد الباسط
Asim Ali
Mohamed Adam
عبدالحفيظ ابوسن
Saifaldin Fadlala
عمر دهب
Yasir Elsharif
Nasereddin Mohamed
عليش الريدة
محمد المسلمي
عبدالعزيز الفاضلابى
فيس بوك
تويتر
انستقرام
يوتيوب
بنتيريست