الزبير: قبل الأنقاذ الفقراء لم يسمعوا بالكرسي ولا أنبوبة الغاز، والأنقاذ حوّلت السودانيين لأثرياء...
قال الأمين العام للحركة الإسلامية الزبير أحمد الحسن، في حديث له مع صحفي الأنقاذ الضو بلال، أن الأنقاذ حوّلت الشعب السوداني لمجموعة كبيرة من الأثرياء. وحوّلت الشعب السوداني لحالة أقتصادية أفضل بكثير مما كان عليه، وأوجدت فرص كثيرة جداً للأذكياء، والمواطنين عامة، ومن جملتهم الإسلاميين، بنفس النسبة. ونفي الزبير أن تكون معدلات الفقر قد ازدادت في السودان، مشيراً إلى أن معدلات الفقر نقصت كثير جداً … وأضاف: “نحن كنا فقراء، والفقير كان عنده جلابية واحدة، وبكون قاعد في أوضة طين واحدة، لم يسمع بحاجة اسمها كرسي، ولم يسمع بأنبوبة غاز، لم يسمع بالكهرباء، والآن الفقير لديه هذه الحاجات، ولكن فقير أيضاً.
08-27-2018, 02:08 PM
Arif Nashed Arif Nashed
تاريخ التسجيل: 05-12-2014
مجموع المشاركات: 12692
يعني شنو لو البشير حكم تاني من 20 الي 25 ما انتو صبرتوا 30 سنة ما قادرين تصبروا عليه خمسة اخريات اما صحيح انتو شعب جاحد عمر البشير بحبكم وما عايز يفارقكم وما هانت عليه العشرة
08-27-2018, 02:26 PM
Arif Nashed Arif Nashed
تاريخ التسجيل: 05-12-2014
مجموع المشاركات: 12692
قبل الانقاذ كنتوا بتعرفوا بنوك ولا صرافات كنتوا فقراء ومعدومين. الانقاذ جعلتكم أثرياء وعرفتكم علي البنوك والصرافات.. صحيح انتو شعب جحود بقيتوا كلكم أثرياء عملتوا زحمة في البنوك..
08-27-2018, 02:53 PM
عبداللطيف حسن علي عبداللطيف حسن علي
تاريخ التسجيل: 04-21-2008
مجموع المشاركات: 5454
عارف سلام ... في بوست معفن كتبنا فيهو مداخلة وبعد دزيناها جات الرسالة بالخورنة .. Couldn't find topics غايتو كلامي بشبه كلامك هنا لكن تعفوني من حكاية مناضل او مناتل دي ...
Quote: QUOTE]تبرع بمليار جنية
بالقديم ولا الجديد ... بعدين مش كفاية 31 سنة ... ليييه دايرين تعملوها 36 سنة ... حوا السودانية دي عقرت وبطلت تجيب هطلات زي عمر البشير دا ولا الرأي شنو ... 31 سنة والعالم دا كلو بحارب فينا لسبب وااااحد لا غير عشان رئيسنا عمر البشير في شخصه ... بعد 31 سنة البلد اليوم علي شفا الهاوية وتقول لي عشان التنمية والأمن ... إتا زول عاقل في كامل وعيك؟؟؟؟؟؟!!!!!! ... الله إن شاء الله يدقوك في ج.....ك* * يسأل ود البشرى عن معناها ....
08-27-2018, 03:57 PM
عبداللطيف حسن علي عبداللطيف حسن علي
تاريخ التسجيل: 04-21-2008
مجموع المشاركات: 5454
الاخ عمار قسم السيد... تحياتي اوسكاااااار عديل السيرة الذاتية لسياف عربي .. 1 ايها الناس: لقد أصبحت سلطانا عليكم فاكسروا أصنامكم بعد ضلال ، واعبدونى... إننى لا أتجلى دائما.. فاجلسوا فوق رصيف الصبر، حتى تبصرونى اتركوا أطفالكم من غير خبز واتركوا نسوانكم من غير بعل .. واتبعونى إحمدوا الله على نعمته فلقد أرسلنى كى أكتب التاريخ، والتاريخ لا يكتب دونى إننى يوسف فى الحسن ولم يخلق الخالق شعرا ذهبيا مثل شعرى وجبينا نبويا كجبينى وعيونى غابة من شجر الزيتون واللوز فصلوا دائما كى يحفظ الله عيونى أيها الناس: أنا مجنون ليلى فابعثوا زوجاتكم يحملن منى.. وابعثوا أزواجكم كى يشكرونى شرف أن تأكلوا حنطة جسمى شرف أن تقطفوا لوزى وتينى شرف أن تشبهونى.. فأنا حادثة ما حدثت.. منذ آلاف القرون.. 2 أيها الناس: أنا الأول والأعدل، والأجمل من بين جميع الحاكمين وأنا بدر الدجى، وبياض الياسمين وأنا مخترع المشنقة الأولى، وخير المرسلين.. كلما فكرت أن أعتزل السلطة، ينهانى ضميرى من ترى يحكم بعدى هؤلاء الطيبين؟ من سيشفى بعدى الأعرج، والأبرص، والأعمى.. ومن يحيى عظام الميتين؟ من ترى يخرج من معطفه ضوء القمر؟ من ترى يرسل للناس المطر؟ من ترى يجلدهم تسعين جلدة؟ من ترى يصلبهم فوق الشجر؟ من ترى يرغمهم أن يعيشوا كالبقر؟ ويموتوا كالبقر؟ كلما فكرت أن أتركهم فاضت دموعى كغمامة. وتوكلت علىلا الله ... وقررت أن أركب الشعب.. من الآن.. الى يوم القيامه.. 3 أيها الناس: أنا أملككم كما أملك خيلى .. وعبيدى وأنا أمشى عليكم مثلما أمشى على سجاد قصرى فاسجدوا لى فى قيامى واسجدوا لى فى قعودى أولم أعثر عليكم ذات يوم بين أوراق جدودى ؟؟ حاذروا أن تقرأوا أى كتاب فأنا أقرأ عنكم.. حاذروا أن تكتبوا أى خطاب فأنا أكتب عنكم.. حاذروا أن تسمعوا فيروز بالسر فإنى بنواياكم عليم حاذروا أن تدخلوا القبر بلا إذنى فهذا عندنا إثم عظيم والزموا الصمت، إذا كلمتكم فكلامى هو قرآن كريم.. 4 أيها الناس: أنا مهديكم ، فانتظرونى ودمى ينبض فى قلب الدوالى، فاشربونى أوقفوا كل الأناشيد التى ينشدها الأطفال فى حب الوطن فأنا صرت الوطنه. إننى الواحد، والخالد ما بين جميع الكائنات وأنا المخزون فى ذاكرة التفاح، والناى، وزرق الأغنيات إرفعوا فوق الميادين تصاويرى وغطونى بغيم الكلمات واخطبوا لى أصغر الزوجات سناً.. فأنا لست أشيخ.. جسدى ليس يشيخ.. وسجونى لا تشيخ.. وجهاز القمع فى مملكتى ليس يشيخ.. أيها الناس: أنا الحجاج إن أنزع قناعى تعرفونى وأنا جنكيز خان جئتكم.. بحرابى .. وكلابى.. سوجونى لاتضيقوا - أيها الناس - ببطشي فأنا أقتل كى لاتقتلونى.... وأنا أشنق كى لا تشنقونى.. وأنا أدفنكم فى ذلك القبر الجماعى لكيلا تدفونى.. 5 أيها الناس : اشتروا لى صحفا تكتب عن إنها معروضة مثل البغايا فى الشوارع إشتروا لى ورقا أخضر مصقولاً كأشعاب الربيع ومدادا .. ومطابع كل شىء يشترى فى عصرنا .. حتى الأصابع. إشتروا فاكهة الفكر .. وخلوها أمامى واطبخوا لى شاعرا، واجعلوه، بين أطباق طعامى.. أنا أمى.. وعندى عقدة مما يقول الشعراء فاشتروا لى شعراء يتغنون بحسنى.. واجعلونى نجم كل الأغلفة فنجوم الرقص والمسرح ليسوا أبدا أجمل منى فأنا، بالعملة الصعبة، أشرى ما أريد أشترى ديوان بشار بن برد وشفاه المتنبى، وأناشيد لبيد.. فالملايين التى فى بيت مال المسلمين هى ميراث قديم لأبى فخذوا من ذهبى واكتبوا فى أمهات الكتب أن عصرى عصر هارون الرشيد... 6 يا جماهير بلادى: ياجماهير العشوب العربية إننى روح نقى جاء كى يغسلكم من غبار الجاهلية سجلوا صوتى على أشرطة إن صوتى أخضر الايقاع كالنافورة الأندلسية صورونى باسما مثل الجوكندا ووديعا مثل وجه المدلية صورونى... وأنا أفترس الشعر بأسنانى.. وأمتص دماء الأبجدية صورونى بوقارى وجلالى، وعصاى العسكرية صورونى.. عندما أصطاد وعلا أو غزالا صورونى.. عندما أحملكم فوق أكتافى لدار الأبدية يا جماهير العشوب العربية... 7 أيها الناس: أنا المسؤول عن أحلامكم إذ تحلمون.. وأنا المسؤول عن كل رغيف تأكلون وعن العشر الذى - من خلف ظهرى - تقرأون فجهاز الأمن فى قصرى يوافينى بأخبار العصافير .. وأخبار السنابل ويوافينى بما يحدث فى بطن الحوام أيها الناس: أنا سجانكم وأنا مسجونكم.. فلتعذرونى إننى المنفى فى داخل قصرى لا أرى شمسا، ولا نجما، ولا زهرة دفلى منذ أن جئت الى السلطة طفلا ورجال السيرك يلتفون حولى واحد ينفخ ناياً.. واحد يضرب طبلا واحد يمسح جوخاً .. واحد يمسح نعلا.. منذ أن جئت الى السلطة طفلا.. لم يقل لى مستشار القصر (كلا) لم يقل لى وزرائى أبدا لفظة (كلا) لم يقل لى سفرائى أبدا فى الوجه (كلا) لم تقل إحدى نسائى فى سرير الحب (كلا) إنهم قد علمونى أن أرى نفسى إلها وأرى الشعب من الشرفة رملا.. فاعذرونى إن تحولت لهولاكو جديد أنا لم أقتل لوجه القتل يوما.. إنما أقتلكم .. كى أتسلى..
08-27-2018, 04:17 PM
عبداللطيف حسن علي عبداللطيف حسن علي
تاريخ التسجيل: 04-21-2008
مجموع المشاركات: 5454
Quote: عارف سلام ... في بوست معفن كتبنا فيهو مداخلة وبعد دزيناها جات الرسالة بالخورنة .. Couldn't find topics غايتو كلامي بشبه كلامك هنا لكن تعفوني من حكاية مناضل او مناتل دي ... Quote: QUOTE]تبرع بمليار جنية
بالقديم ولا الجديد ... بعدين مش كفاية 31 سنة ... ليييه دايرين تعملوها 36 سنة ... حوا السودانية دي عقرت وبطلت تجيب هطلات زي عمر البشير دا ولا الرأي شنو ... 31 سنة والعالم دا كلو بحارب فينا لسبب وااااحد لا غير عشان رئيسنا عمر البشير في شخصه ... بعد 31 سنة البلد اليوم علي شفا الهاوية وتقول لي عشان التنمية والأمن ... إتا زول عاقل في كامل وعيك؟؟؟؟؟؟!!!!!! ... الله إن شاء الله يدقوك في ج.....ك* * يسأل ود البشرى عن معناها ....
الاخ salah تحياتي كأنه يتبرع من مال أبوه. عندما تنتقد فليس بالضرورة أن تكون أحد المعارضين او المناتلين بل من وأعز وطنية ورؤيتك لحال البلد وما آل إليه وضع المواطن من بؤس وفقر وشقاء فخيرات البلد ينعم بها هؤلاء الكهنة..
زمان كان المناضلين في الشوارع وفي المصانع والمكاتب والجامعات وفي كل مكان.
النت ده كنتوا تعرفوه الانقاذ صنعت ليكم جيل من المناتلين في الاسافير والسوشال ميديا بدل ما يتلطشوا ويناتلوا في الشوارع ريحتهم وخلتهم يناتلوا من منازلهم في أحسن من كده.
08-27-2018, 05:15 PM
مهند أحمد سلمان طيفور مهند أحمد سلمان طيفور
تاريخ التسجيل: 11-13-2009
مجموع المشاركات: 110
لا أحد ينكر حدوث تطورات بالسودان في عهد كل الحكومات وحتى هذه الحكومة.. هنالك من يقول أن التطور بالسودان جرى وفق سياق استمرارية الحياة ولم يكن للتطور على المستوى الرسمي دور يذكر والإنسان بطبعه يميل للتطور.. وفي تقديري المتواضع التطور في السودان على الأغلب نابع من جهود ذاتية غير مدعومة بالشكل المطلوب من الحكومات وبالذات هؤلاءءء .. (ولو لم تكن الإنقاذ لكنا تخمنا بيرغر مش تذوقنا طعمه) وللعلم (البيرغر طلع عضة فاضية ما جابية حق مضغها، ناهيك عن ذكرها ضربا للأمثال) كل المشروعات التنموية التي دعت إليها الإنقاذ تُركت على السجية ولم يتم تقييم نتاائجها ولا إيجابياتها ولا سلبياتها. وبالتالي لدينا سياسات فاشلة .. وإنسان يشكتي على الدوام وبلغ به الهم والغم ما يجعله يسب ويلعن و"يشاكل الكمساري في المواصلات بلا سبب". إذا ههمت مرة لقضاء حاجة لك أو لأهلك في دواووين الدولة يتبادر إلى ذهنك أول ما يتبادر "الواسطة" أو "الرشوة" ... ألم يبلغ الإنقاذ بعد أن شعبها ضاق ذرعا من الخدمة المدنية وخدمات القطاع الخاص المصرح لها بالعمل في ظل الدولة... عندما تذهب إلى اقرب دولة تجد أن السودان ليس به خدمة ولا خدمات... والمطلوب تفعيل كوادر موجودة في الأصل .. موظفين موجودين برغم شح الراتب. إدارات موجودة رغم تهاوي بعض جدرانها وأثاثها وفقر البنيات التحتية.
وبالقياس نجحت الدول الأخرى في الفترة التي حكم فيها الإخوان نفسها في تحويل اقتصاداتها من نماذج معتمدة على الإعانات وانضمت هي بذاتها لنادي الدول المانحة.... هذا هو التطور المنشود.. على سبيل المثال: التوسع في التعليم.. يتبجح المسؤولون يتوسيع قاعدة التعليم.. نعم حدث التوسع في التعليم ولكن كان العائق الأكبر على مجالس أولياء الأمور لم تتكبد الحكومة أدنى جهد لإجراء دراسات حول الكيفية المثلى لتوسيع التلعيم ولم تستقصي الآراء ولم يتم تقييم التجربة بعد، وترك بناء المدارس لأولياء الأمور فضاقوا ذرعا من الإنقاذ ومن سياستها. ضمن مشروعات تطوير التعليم في الدول الأخرى في فترة حكم الإنقاذ تمكنت هذه الدول من خلق براءات إختراع في النهج التعليمي واستفادت من التعليم أقصى فائدة ممكنة ووجهته لخدمة أغراض المشروعات الاقتصادية والصناعية والتطور التكنولوجي. عندنا الطالب يدرس ليتخرج ليتخارج برة السودان".
08-27-2018, 07:05 PM
Arif Nashed Arif Nashed
تاريخ التسجيل: 05-12-2014
مجموع المشاركات: 12692
لا أحد ينكر حدوث تطورات بالسودان في عهد كل الحكومات وحتى هذه الحكومة.. هنالك من يقول أن التطور بالسودان جرى وفق سياق استمرارية الحياة ولم يكن للتطور على المستوى الرسمي دور يذكر والإنسان بطبعه يميل للتطور.. وفي تقديري المتواضع التطور في السودان على الأغلب نابع من جهود ذاتية غير مدعومة بالشكل المطلوب من الحكومات وبالذات هؤلاءءء .. (ولو لم تكن الإنقاذ لكنا تخمنا بيرغر مش تذوقنا طعمه) وللعلم (البيرغر طلع عضة فاضية ما جابية حق مضغها، ناهيك عن ذكرها ضربا للأمثال) كل المشروعات التنموية التي دعت إليها الإنقاذ تُركت على السجية ولم يتم تقييم نتاائجها ولا إيجابياتها ولا سلبياتها. وبالتالي لدينا سياسات فاشلة .. وإنسان يشكتي على الدوام وبلغ به الهم والغم ما يجعله يسب ويلعن و"يشاكل الكمساري في المواصلات بلا سبب". إذا ههمت مرة لقضاء حاجة لك أو لأهلك في دواووين الدولة يتبادر إلى ذهنك أول ما يتبادر "الواسطة" أو "الرشوة" ... ألم يبلغ الإنقاذ بعد أن شعبها ضاق ذرعا من الخدمة المدنية وخدمات القطاع الخاص المصرح لها بالعمل في ظل الدولة... عندما تذهب إلى اقرب دولة تجد أن السودان ليس به خدمة ولا خدمات... والمطلوب تفعيل كوادر موجودة في الأصل .. موظفين موجودين برغم شح الراتب. إدارات موجودة رغم تهاوي بعض جدرانها وأثاثها وفقر البنيات التحتية.
وبالقياس نجحت الدول الأخرى في الفترة التي حكم فيها الإخوان نفسها في تحويل اقتصاداتها من نماذج معتمدة على الإعانات وانضمت هي بذاتها لنادي الدول المانحة.... هذا هو التطور المنشود.. على سبيل المثال: التوسع في التعليم.. يتبجح المسؤولون يتوسيع قاعدة التعليم.. نعم حدث التوسع في التعليم ولكن كان العائق الأكبر على مجالس أولياء الأمور لم تتكبد الحكومة أدنى جهد لإجراء دراسات حول الكيفية المثلى لتوسيع التلعيم ولم تستقصي الآراء ولم يتم تقييم التجربة بعد، وترك بناء المدارس لأولياء الأمور فضاقوا ذرعا من الإنقاذ ومن سياستها. ضمن مشروعات تطوير التعليم في الدول الأخرى في فترة حكم الإنقاذ تمكنت هذه الدول من خلق براءات إختراع في النهج التعليمي واستفادت من التعليم أقصى فائدة ممكنة ووجهته لخدمة أغراض المشروعات الاقتصادية والصناعية والتطور التكنولوجي. عندنا الطالب يدرس ليتخرج ليتخارج برة السودان".
الاخ مهند أحمد سلمان... تحياتي تتلخص المشكلة في نقطتين :- * الفساد. * سوء الادارة.
08-28-2018, 02:04 PM
Arif Nashed Arif Nashed
تاريخ التسجيل: 05-12-2014
مجموع المشاركات: 12692
في غفلة ظهرت كدايس طفيلية مبغبغة توالدت وانتشرت في شوارع الخرطوم تاكل الاخدر واليابس فقرر السلطان تشكيل لجنة مهمتها تطهير الخرطوم من الكدايس قال ايه عشان الفيران تعيش.. سير سير يا البشير الفيران من خلفك تشد ازرك...
لكن منو البحوش تماسيح ام كبلو المحصنة من اللغف والبلع!!
08-28-2018, 03:39 PM
عمار قسم الله عمار قسم الله
تاريخ التسجيل: 12-21-2015
مجموع المشاركات: 1022
وأنا أقول ياربي (العز والغاز والرغيف والباسطة والزبادي) الخير ده كلوا جا من وين ..أتاريهو من الزبييييييييييير سلام عارف تماشيا معي عنوان البوست وتعضيدا للاٍفتتاحية
هاك الفيديو ده
08-28-2018, 04:26 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
و الله يا عارف الشتيمة الاتشتمه الشعب السوداني من قيادة الإنقاذ و قيادة الكيزان و منسوبيهم مافي اي كائن حي بيتخيله أبدا و مافي اي زول سوى و طبيعي ممكن يستوعب انو البيشتمو ديل مسكين نفسهم مسؤولين. تبا لهم (العادية مش بتاعة الأفلام)
08-28-2018, 04:53 PM
nour tawir nour tawir
تاريخ التسجيل: 08-16-2004
مجموع المشاركات: 17638
و الله يا عارف الشتيمة الاتشتمه الشعب السوداني من قيادة الإنقاذ و قيادة الكيزان و منسوبيهم مافي اي كائن حي بيتخيله أبدا ....
جعانين شحاتين جلابيتهم واحدة
حشرات يلحسو كوعهم مفروض تفتخر بالاغتصاب مافى راجل ود مقّنعة بيملا عيننا الراجل يطلع لينا الشارع ما بنعترف بى زول ما شايل سلاح يلعن دين النوبه بطاردهم كركور كركور....الى ما لا نهاية
فى النهاية علمونا صفوف الرغيف و البنزين و البنوك.... و الفرار من البلد... وأكل القش فى الخلا.. و شراب الموية بالطين.. و القعاد جنب ستات الشاى طول النهار.. و الانتحار.....الى مالا نهاية... .... كووولو هين... يغورو بس...
08-29-2018, 12:36 PM
عمار قسم الله عمار قسم الله
تاريخ التسجيل: 12-21-2015
مجموع المشاركات: 1022
Quote: وأنا أقول ياربي (العز والغاز والرغيف والباسطة والزبادي) الخير ده كلوا جا من وين ..أتاريهو من الزبييييييييييير سلام عارف تماشيا معي عنوان البوست وتعضيدا للاٍفتتاحية
هاك الفيديو ده
يا سلام عليك يا عمار لقد اثريت الموضوع بهذه المقاطع التي ترفعها.. بالله شوف الزول دا تريان كيف يشبه البهيمة البعلفوها للعيد.. غايتو الزول ده الا يكون قاصد أثرياء الكيزان واذنابهم الانتهازيين.. ده استهزاء واستحقار للشعب السوداني.
08-29-2018, 01:04 PM
Arif Nashed Arif Nashed
تاريخ التسجيل: 05-12-2014
مجموع المشاركات: 12692
Quote: و الله يا عارف الشتيمة الاتشتمه الشعب السوداني من قيادة الإنقاذ و قيادة الكيزان و منسوبيهم مافي اي كائن حي بيتخيله أبدا و مافي اي زول سوى و طبيعي ممكن يستوعب انو البيشتمو ديل مسكين نفسهم مسؤولين. تبا لهم (العادية مش بتاعة الأفلام)
سفيان تحياتي هؤلاء امتلكوا الأدوات التي جعلتهم يتطاولوا علي الشعب السوداني.. بالسلاح احكموا قبضتهم الأمنية بالقتل والتصفية والقمع وبالمال اشتروا زمم السياسيين والمعارضين وبالخطاب الديني سيطروا علي عقول البسطاء وعامة والشعب.. وصلوا لقناعة بأنه لا توجد قوة يمكن أن تزيحهم من السلطة..
08-29-2018, 01:08 PM
عمار قسم الله عمار قسم الله
تاريخ التسجيل: 12-21-2015
مجموع المشاركات: 1022
حشرات يلحسو كوعهم مفروض تفتخر بالاغتصاب مافى راجل ود مقّنعة بيملا عيننا الراجل يطلع لينا الشارع ما بنعترف بى زول ما شايل سلاح يلعن دين النوبه بطاردهم كركور كركور....الى ما لا نهاية
فى النهاية علمونا صفوف الرغيف و البنزين و البنوك.... و الفرار من البلد... وأكل القش فى الخلا.. و شراب الموية بالطين.. و القعاد جنب ستات الشاى طول النهار.. و الانتحار.....الى مالا نهاية... .... كووولو هين... يغورو بس...
أستاذة نور تحياتي الدعول بشه وصف الشعب السوداني بشذاذ آفاق!! الناس دي ما ضاربين حساب للشعب السوداني وأثبتوا ذلك عمليا. شعب يذل وتهان كرامته وتنتهك حرماته ويشرد ويجوع ويفقر ويظل ساكنا..
08-30-2018, 05:39 PM
Arif Nashed Arif Nashed
تاريخ التسجيل: 05-12-2014
مجموع المشاركات: 12692
Quote: البيغيظك ويفقع مرارتك اٍنهم جو (جيعانين فأطعمناهم) عريانين فكسوناهم الواحد كان زي الهيكل العظمي تحسب ضلوعوا فوق لهدومو فعلا طبع (الكدايس) الكديس يجيك ذليل أول مايشبع لو ناديدتو يهز ضنبوا - يعني طظ !!!!!!!!!!!!!!!1 وآه يابلد
الاخ عمار تحياتي عملوها فلل في المنشية وكافوري ومتنعمين بأموال الشعب ولذلك كل فترة ينبري أحدهم بقول قذر يستحقر المواطن ليرضي أولياء نعمته أنهم اقذر واتفحه ما انجبتهم حواء السودان.. لكن لكل بداية نهاية..
08-30-2018, 06:05 PM
Asim Ali Asim Ali
تاريخ التسجيل: 01-25-2017
مجموع المشاركات: 13492
اسمح ادعو اولا لتجنب استخدام المصطلحات اللى بيبثوها باله اعلامهم زى قصه القطط السمان . الناس ديل يا تمساح او افعى والاقتراب والملامسه الناعمه وهرس الفريسه ثم تتبلع الفريسه كلها لابتخلى لحم لا عضم ديل ياها عينتم الكدايس مسكينه وماتهبشك الاتضايقها. . النبذ والاستهبال بالبعملو فيهو دا يقولو لى ناسهم اللبسو ووشبعو لامن اتنفشوزى التقول شاربين خميره. . نحنا برالمه فى الجامعه معانا واحد منهم خاف لغايه ما جرى من بقه النار فى عين البوتجاز ...الليله بقى شىء تانى فى زمره هؤلاء.
09-01-2018, 07:15 AM
عمار قسم الله عمار قسم الله
تاريخ التسجيل: 12-21-2015
مجموع المشاركات: 1022
دقّت الدلوكة قلنا الدنيا ما زالت بخير اهو ناس تعرس و تنبسط تكّكتَ في الراكوبة بالحنقوقة سروالي الطويل سويتلو رقعات في الوسط في خشمي عضيت القميص اجري و ازبّد شوق و انُط لامِنْ دخلت الحفلة فجّيتْ الخلوق
و ركزت شان البت سعاد اصلي عارف جنها في زولا بيركز و ينستر لكني عارف انها لو كل زول في الحلة بالسترة انجلد ياني الاذاها و جنها برضي عارف اظنها ديمة في صرة وشيها يلفحني شوق نافر لبد و ركزت للحرقة المشت فوق الضلوع تحت الجلد طبّيت قزازتي مرقت عِنْ طرف البلد و سكرت جد و انا جاي راجع منتهي لاقتني هي قات لي " تعال " كبرت كراعي من الفرح نص في الارض نص في النعال اتلخبط الشوق بالزعل اتحاورو الخوف و الكلام هَيْ يا سعاد علي ود سكينة الكِلْتِي في خشمو الرماد علي ود سكينة المات أسي و انا بت بلاك منعول هواي ان كنت ارضي اعرّسها و انا يا سعاد وكتين تطلي سحابة رقصت للدعاش بفرش علي روحي و اجيك زولا هلك تعبان و طاش و انا يا سعاد وكتين اشوفك ببقي زول فرشولو فرش الموت و عاش قالت سعاد: ( بطل كلام الجرسة انجض يا ولد )
طبّيت قزازتي مرقت عن طرف البلد و سكرت جد اذّنت في الشوق و السلم و سرحت بالناس و الغنم و ركعت للعرقي البكر و رقدت في الالم الحِكِر و حلمت زي شايلني وسط الزحمة نبي الله الخضر صحاني صوت العمدة قال ( مسئول كبير زاير البلد قبال يهل قبال يصل لازم تقيفوا صفوف صفوف و تهيجوا الخلا بالكفوف و تقولوا عاش .. يحيا البطل ) صلحت طاقيتي الحرير و ضراعي زي داير يجن و الجوف يطقطق بالكلام و رميتو من حلقي الوصل قت ليهو يا عمدة اختشي، مسئول كبير في الحلة غير الله انعدم ما شفنا زول سكّت جهال ما شفنا زول رضع بهم ما شفنا زول لطخ تيابو و جانا من طرف البلد ما شفنا زول لملم رمم لا صحينا عاجبنا الصباح و لا نمنا غتانا العشم و الحلة من كل الجهات محروسة بالخوف و الوهم و مضينا من زمنا قديم – يا عمدة – مرسوم انتحار
الموت مباح و الحب نطاح و الصدق من جنس الزنا و العافية مولودة سفاح و الرغبة مكسورة جناح و الحلم و الوعد النبيل و الطفلة و الام، النخيل الرنة في الوتر الاصيل تلقاها في قاموس نكاح يا يمة واح.. يا حلة واح
يا سعاد تعالي و لمّي من كل البيوت عدة السفر الطويل زخرفي الفجر النهار شخبطي الضحي و الاصيل المغرب الفجر النجوم، في صرة و ارميها البحر خلّينا فوق الشك نعوم و العمدة فاض و العمدة صار مليون عُمَد و العمدة فيل جبلا تقيل لبوة و أسد حسنة و غصب جمعة و أحد
بقّيت قزازتي مرَقتَ عِنْ طرف البلد ووترت جد و انا جاي راجع اجهجهو لاقاني هو سايق العساكر و الكلاب رامي بين عيني و عينو كلِب و تكشيرة و حُراب ضاقت نعالي من الزعل من تحتها اتململ تراب الغيب سكب ضُلو و مشي و الدنيا غيما سراب سراب و الحلة زي بلدا بعيد زوّد بعاد و قرّب سعاد اتجمعت كل البيوت في راحتا زي بت لعاب مجنونة تصرخ في الزوال ممزوجة في الدم و اللعاب عيني ضاقت نظرتها و الجوف يطقطق بالكلام قبال يقولوا لي سلام اتلموا حولي بلا نظام شال و عمة توب و غُمّة فاس و طورية و حزام شالوني بي كل احترام و رموني في قعر السجن حصلني قبل اليوم يتم جارنا المدرس ود خدوم قال ليّا لا زولاَ هتف و لا كف مشت بتلاقي كف و العمدة زي همبول وقف يا صمتُ اف يا دنيا تف و انا يا سعاد للشوق نغم للهم علف
09-01-2018, 01:14 PM
Arif Nashed Arif Nashed
تاريخ التسجيل: 05-12-2014
مجموع المشاركات: 12692
( منقول ) بعض أقوال زبانية النظام الاخونجي.. المتظاهرين شذاذ آفاق (عمر البشير ) مجانية الولادة للاطفال دون الخمسة سنوات ( بكري حسن صالح ) الشعب السودان قبل الانقاذ كانو مثل الشحاتين ( مصطفي عثمان اسماعيل ) قبل الانقاذ كنتو ساكنين في اوضة طين واحدة وهسي ساكنين شقق ( الزبير احمد الحسن ) لو شفتونا بنينا العمارات معناها نحن فسدنا ( الزبير محمد صالح ) الما عندو قروش داير يقرأ لى شنو (مأمون حميدة)..!! أكياس شنو استعملو خرتايات (حسن طرحه). البيمد يدو للمؤتمر الوطنى بنقطعها ليهو (مصطفى عثمان اسماعيل)..!! مقاطعوا الانتخابات أراذل القوم (ياسر يوسف أبكر)..!! نحنا فاتحين خط ساخن مع ربنا (حسبو). أحمدو الله علي الانقاذ زمان عود الكبريت كان معدوم (علي عثمان محمد طه).. الجداد حيكون الوجبة الرئيسية للشعب السودان (عبدالرحمن الخضر). الطيارة لما جات طافية النور الهناي ضرب البتاع (عبدالرحيم محمد حسين). الواحد قدام كفيله زى الفتاة يجى يتراجل هنا (دبلوماسى بنقصلية السودان فى جدة)..!! الحكومة ما جمعية خيرية عشان تشغل المغتربين العائدين (كرار التهامي). مرضي السرطان بنتعب في علاجهم وبنخسر قروش وفي الاخر بموتو (بحر ابو قردة). قبل الإنقاذ الناس كانت بتتقسم الصابونة (ابراهيم محمود) لو ما الانقاذ الشعب السودانى كان كلو مشى المقابر. (بدر الدين محمود). الما عاجبو يلحس كوعه (نافع علي نافع ). دخل الفرد في السودان يساوي 1800 دولار في الشهر (ربيع عبد العاطي). ما عايز مجمجه ارعو بقيدكم والبفتح خشيمو بحشي ليهو تراب (حميدتي).قلنا نلونها بالاحمر يا حبيب
Quote: مساء الخير عارف وزوارو اسمح ادعو اولا لتجنب استخدام المصطلحات اللى بيبثوها باله اعلامهم زى قصه القطط السمان . الناس ديل يا تمساح او افعى والاقتراب والملامسه الناعمه وهرس الفريسه ثم تتبلع الفريسه كلها لابتخلى لحم لا عضم ديل ياها عينتم الكدايس مسكينه وماتهبشك الاتضايقها. النبذ والاستهبال بالبعملو فيهو دا يقولو لى ناسهم اللبسو وشبعو لامن اتنفشو زى التقول شاربين خميره. . نحنا برالمه فى الجامعه معانا واحد منهم خاف لغايه ما جرى من بقه النار فى عين البوتجاز ...الليله بقى شىء تانى فى زمره هؤلاء
الاخ Asim Ali.. تحياتي أحسنت وصفهم ومع ذلك فهذا الكائن الغريب جبان رعديد وهذا ما لم يكتشفه المواطن السوداني فلو خرجوا لهم كما حدث في أكتوبر لولوا الادبار ولكن!.. الكل يحاول النجاة بنفسه دون ان نتفق علي مواجهة هذا الكائن..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Arif Nashed
عبداللطيف حسن علي
عمار قسم الله
Salah Zubeir
سفيان بشير نابرى
nour tawir
Asim Ali
احمد حمودى
فيس بوك
تويتر
انستقرام
يوتيوب
بنتيريست