كتب الكاتب الفاتح جبرا المتوفرة بمعرض الدوحة
|
Re: مشروع فى السودان ؟ لماذا لا نثق فى سودانى (Re: النصرى أمين)
|
مع التحية الحبيب النصري .. الموضوع ليس عدم ثقة في الغالب ولكن يتوقف على فن الادارة كيفية إدارة المشروع .. في الاغتراب وخاصة من يعملون في الشركات يكتسبون أفكار إدارية وكذلك ( مركز التكلفة ) وطريقة التنفيذ والاشراف ..إلخ تلاحظ الفرق عندما تنجز العمل بنفسك في السودان ( في الاجازات ) وعندما تقارنه بأعمال تكليف الاخرين تجد الفرق هنا في عالم الاغتراب يكتسب الشخص خبرات وفن الادارة .. حتى أحياناً يصاب الشخص بالاحباط عندما يرى كيفية ممارسة العمل في الدوائر الحكومية أو البنوك أثناء الاجازة .. حتى في المطاعم وغيرها .. الغربة مفيدة جداً ( التكلفة ودراسة الجدوى والزمن ... إلخ ) شكراً النصري الحبيب .. بوست جميل ..
| |
|
|
|
|
|
|
Re: مشروع فى السودان ؟ لماذا لا نثق فى سودانى (Re: علي عبدالوهاب عثمان)
|
سلام عزيزنا النصري وعودا حميدا الحمد لله ربنا ماخذلنا في اهل ! ٠٠ ولكن تعرف مافي قاعدة ثابتة - في الامين والنزيه الذي يحرص علي حقك وملكك! ومع ظروف وضغوط الحياة واغراء المال في النصاب والمحتال - والذي يحول حقك لنفسه! * وفي النوع التالت : قروشك دخلت علي وانا مزنوق ولما ربك يسهل برجعها ليك! * وفي النوع -اللي بقولك - انتو ربنا فاتحها عليكم ومامحتاجيين زينا - قروشك دى بتجيب "غيرا" نحن نسوي شنو؟ مالك زول جلدة كدة ليه! تحكها معانا في شوية قريشات زي دى! ويطلع هو الضحية وانت المتجني!
* وفي النوع اللي بضيع حقك اهمال وسوء تصرف وهكذا !
| |
|
|
|
|
|
|
Re: مشروع فى السودان ؟ لماذا لا نثق فى سودانى (Re: علي عبدالوهاب عثمان)
|
مقولات مثل (ما تثق فى أى زول حتى اخوك ما تثق فيه) و (لو داير تعمل مشروع لازم تعمله بنفسك ، الناس بقت كعبة وما مضمونة) و ( انت مجنون ، ديل ناس كسلانيين و ما بتاعين شغل) و غيرها من التعليقات السلبية.
فعلاً إنعدمت الثقة .. ناس كتيرة تتحدث عن تجارب مؤلمة وصلتم لعدم الثقة فى أقرب الناس .. يا ضربوك ويطلعوك عوير وما ناقش حاجة .. يا بشتنوا ليك الشغل بتاعك .. وفى الغالب الإثنين معاً.. وما تطلع إلا بـ ياريت وأخواتها. نُبدي حسن النية فيهم .. ونقول الناس دي ما فاضية .. وكل واحد يخلص مشروعه بنفسه بالطريقة والكيفية الهو عايزها ( لما يفضي ويكون عنده وقت).. بدل ما يعتمد على زول ويمشي ما يلقي حتى أوراق المشروع. ( فى الغالب).
| |
|
|
|
|
|
|
Re: مشروع فى السودان ؟ لماذا لا نثق فى سودانى (Re: علي عبدالوهاب عثمان)
|
تحياتي اخ النصري .... هاك العناوين الكبيرة دي ... 1 :- عدم الاحترافيه مع السبعه صنايع والبخت ضايع ... السوداني اعلم الناس ولكنه لا يعرف كيف ينجز ... 2 :- في جميع المجالات نفتقد المثال الصحيح او القدوة او الاستاندارد الذي نهتدي به للقيام بالاعمال بطريقتها الصحيحة ودا نتيجة طبيعية لعهد التمكين الذي استطال لي اكتر من ربع قرن ... 3 :- الالتزامات الاجتماعية تظل لها الاسبقية والريادة في مواجهة اي التزامات اخري ودا احد عيوب مجتمعاتنا داخل الوطن .... حين يتحرر السوداني خارج الوطن من هذه الالتزامات تجده ناجحا" بامتياز ...
| |
|
|
|
|
|
|
Re: مشروع فى السودان ؟ لماذا لا نثق فى سودانى (Re: Salah Zubeir)
|
برضو دا موضوع حيوي ومهم خاصة للناس الزينا المفكرين يرجعوا يوم للسودان وبيدبروا ليهم في وسيلة كسب عيش حلال ويمكن إعتباره مواصلة لبوستات من نفس النوع
أبدأ بالاهم عندي صاحبي أشتغل في السعودية مع زول مروق شديد النوع البدأ من تحت يوم كدا صاحب العمل قال لصاحبي لو داير تنجح في حياتك أفهم حاجة واحدة ومهمة هي : ما حك ظهرك مثل ظفرك الدرس البسيط السمعناه آلاف المرات دا فات علي كثير من المغتربين يقولوا ليك إنت ما عارف أخواني حربيين ياكلوا النار أنا أخواني غير
وبعد فشل المشروع أو "البشتنة" الحصلت يقول ليك كلام المثل صاح
يعني بالواضح مافي أي مخرج من أن تنشئ وتبني وتدير مشروعك بنفسك أي حاجة غير كدا فدا ضحك علي النفس
أها بعد ما بديت المشروع وبنفسك حتتعامل مع الناس من تجار وفنيين وصناعية وحتي زبائن كيف سمعت كتير من مغتربين إنهم مشوا يشتروا حديد (ومن زول معرفة وثقة) وإتفقوا علي السعر ودفعوا القروش وستة شهور ولسه الحديد ما وصل والأسعار تضاعفت
حتات زي دي الثقة فيها ما بتنفع أدفع قروشك بعد أن تشوف الحديد قدامك ومحمل علي وسيلة النقل أما حكاية نجيبه من المخزن أو كلها يومين واللواري في السكة فدا كلام حلة
عادي الناس تبيع ليك إنت الجاي من برة بسعر مختلف عن الناس في السودان
في كل مرة في السودان تجيب للناس سيرة يللا نعمل الحاجة الفلانية (والحاجة دي مصلحتهم هم شخصيا قبلك إنت ) طوالي الإبتسامات (دا كما ضحكوا بالصوت العالي) ويقولوا (بمختلف الصيغ واللغات) إنت زول فائق وبتاع تنظير وما عارف السودان دا ماشي كيف تجونا من برا نضاف ومليانين أوهام
والبقولوا ليك الكلام دا من الصباح مكسرين مع ست الشاي والكلام دا ذاتو يقولوا ليك وهم اليوم كلوا محاسن كبي شاي (المحيرني بيجوبوا حق الشاي من وين؟؟؟؟ المغتربين طبعا عارفين!!!!)
في مدينتي هنا في كاليفورنيا بالليل تسمع صوت الكراكات بتكسر في الشارع في الصباح التالي أو البعده باكتير تشوف ليك كليو متر من الأسفلت يلمع (كما قال احدهم هنا التقول مطلعنه من المكوة ) في السودان أكثر من شهر بحاحي في المساح عشان يمشي يمسح المزرعة (رغم إنه حقوا مدفوع)
أها نقول شنو؟؟؟؟
| |
|
|
|
|
|
|
Re: مشروع فى السودان ؟ لماذا لا نثق فى سودانى (Re: Nasr)
|
سلام يا هكر ومرحب بعودتك الحميدة.. انرت المنبر والله. امبارح القريبة كنت اتكلم مع اخ رجع من السودان قبل ايام.. اشتغلنا سوا زمان فى إتالى.. وكان يدافع عن الحكومة. قلت ليه نصيحتك لينا شنو ماشين البلد. قال نصيحتى الوحيدة ليك ما تمشى. قال بالحرف الناس كلها بقت حرامية.. كل واحد يسرق التانى. طبعا تعميم ظالم ولكن ما فى طق بدون شق.
| |
|
|
|
|
|
|
Re: مشروع فى السودان ؟ لماذا لا نثق فى سودانى (Re: النصرى أمين)
|
المغتربين عندهم اوهام انو الفي السودان نصابين طالما انت ما بتعطي مصاريف واجر للشخص البسك ليك شغلتك في السودان اذا كان بنيان او اي مصلحة فمن حقو (ياكلك) حيجيب حق المواصلات من وين والجري دا كلو يدفع من جيبو اعطو للناس ديل (رواتب ) شهرية لحد ما مصلحتك تنتهي
| |
|
|
|
|
|
|
Re: مشروع فى السودان ؟ لماذا لا نثق فى سودانى (Re: النصرى أمين)
|
كلنا بنعتمد علي اخوانا في انجاز اعمالنا وليهم الشكر الكتير ولي طول صبرهم معانا ...المشكلة انو كتير من المغتربين بديك نص الحقيقة فقط... يعني مثلا يقول ليك رسلت قروش عشان يعملو لي الحاجة الفلانية وبعدين يجي يقول ليك الجماعة اكلوني وطبعا في تفاصيل هنا كتيرة بتغفل ومانسمع راي الجزء الاخر ..بعدين انا جربت في السودان عشان تمشي تشتري حاجة من البقالة الحكاية دي ممكن تكون سهلة وايزي في اي حتة الا هناك تطلع ليك حاجات وتلقي نفسك فجاة في الحاج يوسف ولا المستشفي ولا قاعد تحفر في المقابر ..
| |
|
|
|
|
|
|
|