شاهدت لك اليوم كاريكاتيراً مؤسفاً يصوّر الوضع الراهن في منبر سودانيز أونلاين كماتراه حلبةً للنزال بين ثور يتسيّد ساحة أخلاها بشر فارّون بجلودهم من طعنات قرنيه وهو سليم الجسم، لم يصبه أي من السهام المرشوقة والتي تناثرت من حوله على الأرض، وتكسّر بعضها الآخر بينما هو لم يتخلّى عن اعتداده متهيئاً للهجوم، رافعاً بصره إلى بشر يشرفون عليه من أعالٍ تسلّقوها في ساحة النزال، يهيّجون غضبته العمياء، ويستثيرون رغبته في النطاح بتلويحات من راياتهم الحمر. هذا الرسم الساخر الذي لايعبر عن حقيقة مايدور بالفعل هو ترجمة بالخطوط والألوان لمايُعرَف ب "رفع القرن" من جانبك لخصوم الثور، وهو رسالة تعلن بها اصطفافك إلى جانب الشبح المتخفي المدعو حاتم ابراهيم، وتخطر بها، في عداد من تبلغهم، أسامة الخواض بأنّك تناصر من ألحق به الأذى، وامتدت أذيته وانتشرت كنار القصب وأنت تلتزم جانب الصمت المعبّر عن الرضى والسرور بفعائل هذا الشبح. وحين نطقتَ بعد سكوت طويل سلكتَ طريق المداورة غير الثورية ملبساً رأيك قناع رسم ضعيف فنيّاً شأنه في ذلك شأن بقية كاريكاتيراتك التي تعاني من نقطة ضعف قاتلة وهي صغر أحجام البشر فيها حتى ليبدون كالأقزام في الأساطير أو كالأوادم المضغوطة في حكايات الأطفال المرسومة. إن عالم الرسم عندك هو عالم أقزام شائهي القوام بأجسام لاحياة فيها ويختلّ التناسب بين أجزائها، وهذا يشير إلى ضعف بيّن في موهبة الرسم٬ ولقد ترسّخ لدّي انطباع نشأ من متابعة كاريكاتيراتك أنّك لو خاطرت برسم البشر بأحجامهم الطبيعية فانّ عيوب الموهبة لابدّ من أن تبرز للعيان بمالاسبيل إلى إخفائه من قبل المدافعين عن رسوماتك، أولئك الذين يحجبون عيوب الرسم عندك مادامت رسوماتك تخدم الخطّ المعارض لسلطة "الانقاذ"، ولاعزاء للفن في مذبح السياسة!
عثمان محمد صالح 26-06-2018
06-27-2018, 08:09 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20422
مقال جيد، يكشف ترابط السياسة والفن في اعراف المتلقين...
ربما قراءة ودالبشرى تلطف قليلا الحنق الذي تملكني من "اصطفاف" عمر إلى جانب الشبح، ربما لتبعية الشبح كحامل للابريق ومترجم خاص سيئ الترجمة لبشاشة في اطروحاته الافريقية المركزية..
ولاتخفى كراهية عمر للعرب...
ولو كان معجباً بالشبح خارج إطار المركزية والافريقية فهذا يدل إما على زهايمر مبكر أو عمى ألوان المنفى...
أثرت يا عثمان نقطة علاقة الفن بالسياسة حين قلت:
Quote: المدافعين عن رسوماتك، أولئك الذين يحجبون عيوب الرسم عندك مادامت رسوماتك تخدم الخطّ المعارض لسلطة "الانقاذ"، ولاعزاء للفن في مذبح السياسة!
فإذن معيارهم واحد هو معارضة الانقاذ..
طيب يا عمر حصل ولو مرّة واحدة يتيمة ،
قرات للشبح معارضته للإنقاذ؟؟؟
وما إلحاده الطفولي عبر السخرية من الاسلام،
إلا وسيلة تمويهية لذر الرماد في العيون في مايتعلق بعلاقته ب"الإنقاذ"...
ـــــــــــــــــــــــــــــــــــــ
*قراءة ودالبشرى للكاريكاتير:
Quote: حمل وديع وين يا منتصر!
إن صح انه يعني حاتم فهو راسمه في شكل ثور هائج بنطح في الناس و يسكهم
06-27-2018, 08:26 PM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
أتمنى اللاتكون الحمية "الثورية" في مستودع خزف المنبر هي من قادت عمر دفع الله لرسم هذا الكاراكتير..
كنت أعتقد أن عمر دفع فنان ملتزم بالقضايا الكبيرة .. تلك النوعية من "الفنانين" يا عثمان من لدن ناجي العلي وعلى دين الكبار.
الكاراكتير لا يخصم شيئا الا من قيمة عمر دفع الله .. ومن قيمة المنبر اذ يتبنى المنبر وصاحبه هذه الرؤية تجاه عدد كبير من العضوية الفاعلة .. وأعني تصويرهم ك "جبناء" يفرون أمام ثور المنبر..
الفكرة الخاطئة هي تمجيد الثيران .. اليس كذلك هذه هي رؤية صاحب الكاراكتير وصاحب المنبر .. وفي ذلك أمتداد لافكار شعبية حول الشجاعة وربطها ب "قوة الحيوان" .. والأسلم في هذا المنبر أن "العقل" مناط التكليف بالكتابة .. لا القوة الحيوانية .. بيد أنهم امتداد لا واعي لذلك اللاوعي المتجذر في الشخصية السودانية
السلام عليكم جميعاً.قبل الخروج في رحلة الرزق، انتهز سانحة المداخلة اليتيمة هذه للترحيب بالضيوف الكرام : أسامة الخواض ومحمد المسلمي ومحمد حيدر المشرف وأحمد ياسين وجلالدونا، آملاً أن أعود قريباً لتجديد النظر في موضوع البوست في ضوء ماتفضلتم بكتابته. عثمان
معقولة كل شي يتاول بالطريقة دي ؟ بعد دا ود دفع الله لازم يرفق مقال مع الكاركتير للشرح والابانة او رموز توضحية زي الخريطة الكنتورية . ويحسبون كل صيحة عليهم /B]
06-28-2018, 08:06 AM
فرح الطاهر ابو روضة فرح الطاهر ابو روضة
تاريخ التسجيل: 10-22-2012
مجموع المشاركات: 11112
يعني انت هسي قطعت ليك تصورات من راسك وختيتها كمسلمات وجيت حاكمت عمر دفع الله من وحي تخيلاتك وحسب نفسيتك المهزومة فاكر نفسك جبت التور من قرنو ؟ هذا البوست في دلالاته ضيق بالراي ومواصلة لشريعة قسمة المنبر الي معنا وضدنا اذا افترضنا جدلا عمر دفع الله قصد ما ذهبت اليه كسرة جلال قلت ليه يكون واضح هههه طيب لو ما وضح اديه بالكف اعجبتني مشاركة محمد المسلمي في البوست فلول لا تختشي
06-28-2018, 08:19 AM
فرح الطاهر ابو روضة فرح الطاهر ابو روضة
تاريخ التسجيل: 10-22-2012
مجموع المشاركات: 11112
كويس انه قراية ود البشري للكاركتير خففت عليك وعلي الله تخفف علي صاحبك وما ذهبت اليه يا خواض بنسف مسلمات صاحبك دي وبضعها ضمن الاحتمالات الضعيفة جدا وتأكيد لحكاية عثمان بقوم مطرزن طرزنه
06-28-2018, 08:52 AM
السيد المسلمي السيد المسلمي
تاريخ التسجيل: 11-27-2008
مجموع المشاركات: 4954
في ناس كدا نفسها بتميل لتشجيع الزول الشاذ والمخالف .. وبشوفو فيهو نفسهم او إنو عمل ليهو حاجات هو كان نفسو يعملا .. ومامهم لو مختلف معاهو في الأفكار والمفاهيم .. لكن بتفق معاهو في الإسلوب والسلوك .. ودي أظن مشكلة فرح ابوروضة إذ انه خسر مجموعة من اليساريين وهم أهل فكرته ليقف مع حاتم صاحب القرون ( كما رسمه عمر ) . دم بخير .
06-28-2018, 09:13 AM
فرح الطاهر ابو روضة فرح الطاهر ابو روضة
تاريخ التسجيل: 10-22-2012
مجموع المشاركات: 11112
كدي عشان ما نشخصن الموضوع يا سيد انت لو دي قرايتك للفكرة ده شانك واعتقد خسارة اليساريين يا سيد ده ما موضوع البوست وانا اصلا ما شايف صراع لدرجة خلق هذا التحالف العريض بينك يا ود المسلمي وبعض من اشرت إليهم بانهم يساريين الفكرة في الأساس دفاع عن قناعة راسخة هم لهم قناعاتهم ولي قناعاتي
06-28-2018, 09:00 AM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
ههههههههههههههههه والله يا اولاد المسلمي انا ما متوقعكم تصفقوا لي انتو لو عارفين انا بيني وبينكم شي واحد سمح الكباشي وبس غير كده قولوا ابو روضة زعلان من وجاهة حد ياخ انت فاكر يا محمد انا بي شناتي دي هين ولا لين اها قولوا زعل اليساريين قولو مشتهي يكون شاز هههههههه كله ما مشكلة بس عليكم الله ما تخربوا البوست انا مشكلتي الان قراية عثمان للكاركتير والتصفيق ليه هل موفق ولا لا وانا وعد لو ما البوست يجيب كتاحة بفتح بوست في حكاية التحالفات العريضة دي بس ما هسي
يا سيد المسلمي كيفك لقيت ليك نفس السؤال في بوست محذوف في بوست اسمه .................... بتلقي اجابة علي سوالك ده في نقاش مع عثمان محمد صالح ده ذاتوو وما غيره
مع انه من حقي ما اجاوب علي السؤال يا سيد الا عبر استفتاء من يريدون إزالة حاتم لماذا ؟ وفيما يختلفون معه المهم كدي هسي انا مركز مع مسلمات عثمان دي لانه ما اول مرة يقطع ليه حاجات من راسه ويجو يصفقوا ليه متعود
يا ابو روضة شايفك ماسك لبانة اقصاء حاتم كمسلّمة و حايم بيها زولك قليل ادب و مفترى و انا شخصياّ برد على قلة ادبو دى فى اى حتة و اديهو المعلوم اقول ليك حاجة فى حكاية سحب المداخلات دى ارجع لى بوست بى اسم حقارة الكبار و شوف موقفى شنو من القصة دى نفس الزول البكى و اشتكى من سحب المداخلات دى جا و مارسا بى كل صفاقة ضد معاوية المدير ح تقول لى معاوية المدير صاحبك ح اقول ليك ارجع لى بوست يا ود المدير تعال بى جاى و شوف موقفى من تهمة اتوجهت ليهو موقفنا واضح م ما بنتلوّن لى زول و المواقف عندى لا تمر بمرحلة التفصيل و التفضيل الحمار بنجيب ليهو برسيم و الطيرة بنجيب ليها عيش عيبك يا ابو روضة انسحبت من مواجهتك مع المشرّف و اضاّريت ورا حاتم عشان يحسم ليك مشكلتك واجه حاجاتك براك يا زول كان صاح كان غلت افرض شخصيتك هنا و قول ده انا مش ده حاتم هسى فرقك شنو من ود البشرى
06-28-2018, 09:54 AM
قسم الفضيل مضوي محمد قسم الفضيل مضوي محمد
تاريخ التسجيل: 01-08-2013
مجموع المشاركات: 2608
موقفكم الواضح ده انتو كم ؟؟ بعدين شوف يا جلال موضوع ود المشرف ده خليه بعيد حكاية اضاريت دي زي كذبتك فبما يخص هروب حاتم ياخ والله انت كتبتها وبتكون ما مصدقة والبوست داك اكبر دليل علي انك موقد نيران من الدرجة الاولي عضو اعتذر وترك المنبر لاحقته ببوست وهو غياب اي اختلاف ده واي انعدام لحتي احترام مقومات الاختلاف اها قلت لي بترد علي قلة ادبه وهو البنعموا شنو يرد علي قلة ادبك وهسي الكاركتير ده انت دخلت فيه داقي ليك دلوكة ورل يا جلال انت أسواء من يجيدون اشعال النيران واكثر من لعب علي وتر الصحوبية ومن اكثر الاعضاء قاد المنبر ده الي ما هو عليه حاتم ما عنده اختلاف معاك اصلا ولا شايف انك يوم اختلفت معاه بتدخل تقول ليك كلام من نوعية حرامي ومزور وهو برد ليك
06-28-2018, 09:58 AM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
Quote: انتو لو عارفين انا بيني وبينكم شي واحد سمح الكباشي وبس
يافرح انت معناها معانا مكمل السماحة كلها عديل معانا. رغم اختلافي معك الكثير بس قاعد اكبر فيك وضوحك لكن في موضوع حاتم ده انت بالع السيف متني وشايل كمية من الحاجات حقاتك براك ومنكرب ومتحزم وراء حاتم غايتوا الشي ده موشبهك كونك تبقي تبع دي شينة عديل
06-28-2018, 10:06 AM
فرح الطاهر ابو روضة فرح الطاهر ابو روضة
تاريخ التسجيل: 10-22-2012
مجموع المشاركات: 11112
Quote: حكاية اضاريت دي زي كذبتك فبما يخص هروب حاتم ياخ والله انت كتبتها وبتكون ما مصدقة والبوست داك اكبر دليل علي انك موقد نيران من الدرجة الاولي عضو اعتذر وترك المنبر لاحقته ببوست وهو غياب
كذّاب يا ابو روضة بوست الهروب اتفتح بخصوص جريهو ورا قفل بوست ليهو بى اسم الفلول تلقاهو هنا وده بوستالهروب و ربك الاهبل ده مشارك فيهو بى عدد من المداخلات ف شنو لمّا تكذّب و نضلّل حاول خليها تكون معقولة
06-28-2018, 10:26 AM
فرح الطاهر ابو روضة فرح الطاهر ابو روضة
تاريخ التسجيل: 10-22-2012
مجموع المشاركات: 11112
شوف اسلوب الترفّع ده انساهو معاى انت قلت كلام كاذب و انا نفيتو ليك بالدليل حاتم الطيرة ده كان مشارك بى كم مداخلة فى بوست الهروب و انت قلت غير كده يهمنى اثبات كذبك و دفاعك بالباطل عن حاتم الطيرة, وهذا يكفى بعد ده عوس عواستك يا رفيق
06-28-2018, 11:08 AM
السيد المسلمي السيد المسلمي
تاريخ التسجيل: 11-27-2008
مجموع المشاركات: 4954
يافرح أنا كنت مصاحب يساريين وزاملتهم في حتات كتيرة بدأ من بحري الحكومية ومرورا بالجامعية الاهلية .. ناس خضر حسين وناس ياسر وسناء .. وحتي ناس حق قرشي وعصمت الدسيس الخ الخ الخ .. البتعمل فيهو دا انت دا مابشبه اليسار في حاجة ولا يشبه اي حاجة .. يعني لو عندك مشكلة قديمة مع ود المشرف وجا حاتم وأتلحو ليك .. تقوم تنصب لينا حاتم نبي ؟! الإنتصار للنفس البمارس فيهو حاتم دا وسياسة تخريب البوستات لا تعجب أصحاب الفطرة السليمة .. وعلي الأقل ومانرجع لي وارء كتير ممكن تراجع بوست المايسترو بتاع عزيز .. وبوست الترجمة الأخير للزميل صديق . فانا اكتر موقفين استغربتهم هو موقفك انت وموقف عمر دفع الله .. علي الأقل إنتو عندو بعدين من الرمادية والتغتغت .. فياخي انت طارح نفسك هنا حاجة معينة فما تبوظها براك .. خليك عديل علي الأقل عشان الناس المتابعنك في بوستات المناشدة بتاعت المعتقلين يحترموا طرحك هنا وطرحك هناك .
يا جلال انا قلت ليك كلام واضح لا اجيك ولا تجيني انت بتقوم باسلوب عجوبة فيما يخص موضوع حاتم ده والان حكاية انك تجيب موضوع ود المشرف بس انا حافوت الفرصة عليك طبعا وما حاخليك تفهم الما قادر تفهموا اخليك سابح في اساليبك المخستكة القاعد تجر بيها الاعضاء للفتن دي بس ده اسلوب ما جميل
06-28-2018, 12:28 PM
فرح الطاهر ابو روضة فرح الطاهر ابو روضة
تاريخ التسجيل: 10-22-2012
مجموع المشاركات: 11112
اها يا سيد الكلام البتقول فيه ده كله برا الشبكة اقول ليك كيف اذا كان انا اصلا ما عندي اختلاف مع ود المشرف خارج اطار حجوة حبوبة ام ضنبيبينة دي يبقي كيف انا واقف مع حاتم لمجرد اختلاف مع زيد من الناس ؟موضوع الاختلاف نفسه هو شنو يا سيد ؟ لو قعدت علي قفاك وبصفا نيئة بتعرف انه الموضوع الأساس سعي البعض لازاحة حاتم والاختلاف مع العضو المذكور مجرد هامش في الموضوع ياخ بعدين ده كله كوم انا المحيرني شي واحد موضوع الاصطفاف اليساري الكيزلني علي حسب تحليلك اني خسرت بعض الاعضاء اليساريين ههههههههههههههههه ده برضه بوضح بجلا انه المشكلة دي ليها ابعاد اخري غير الفكرة البتحاول توصله دي يا سيد
تبويظ بوستات ؟؟ يا خواض انتو بتبوظوا في المنبر وبتحاولوا تسوقوا الاعضاء لمواقغكم غصب وده ما بتقدروا عليه يا خواض طالما في محاولات اقصاء وحشود تظل في ردود بنفس القدر لو ما من ابو روضة من عضو اخر وهم كثيرين لو سالتك سؤال يا خواض ما هي الوجاهة التي كتب بها صاحبك عثمان هذا البوست ؟ لمجرد انه قرأ كاركتير بطريقته الخاصه افرض الكاركتير قصد به عمر ما ذهب اليه عثمان وانت نفسك يا خواض لم تكن متاكدا من ما ذهبت اليه في الرد علي بوست عمر دفع الله او في مجاملتك لعثمان واستدلالك بتعليق محمد البشري وده اعتراف صريح بانه قرايات عثمان للكاركتير لا تعطيه الحق في هذا الهجوم الغير مبرر ثم انك كتبت يا خواض تسال عن معارضة حاتم وهل هو ضد الانقاذ في نفس الوقت تهاجم انت وصاحبك اخطر من توجع رسوماته ومواقفه الانقاذ هجوم لدرجة ان يتطوع انصار السلطة للدفاع عن مواقفكم اقولها ليك يا خواض المواقف دي ما بدوكم ليها بالمجان لانهم في ظنهم بأنكم قارين علي الاجهاز علي رسومات عمر دفع الله او تحجيمه كدي هسي انا عايز استمع ليك واستفيد وريني العلمية في بوست عثمان ده
06-28-2018, 10:07 PM
السيد المسلمي السيد المسلمي
تاريخ التسجيل: 11-27-2008
مجموع المشاركات: 4954
سؤال ارجو اي واحد يجاوبني عليه هل هناك قراءة اخرى للكاركتير او للثور غير القراءة الذكية والالمعية لعثمان و..ودالبشرى اذا اﻻجابة نعم...فليتفضل صاحب القراءة اﻻخرى وعندها لمل قراءة حديث
06-28-2018, 11:04 PM
فرح الطاهر ابو روضة فرح الطاهر ابو روضة
تاريخ التسجيل: 10-22-2012
مجموع المشاركات: 11112
يا خواض نعيد ليك تاني قلت ليك سيد ومحمد ما داخلين هنا بالمجان لانهم شافوا في نقد موجع ولازع هم في ظنهم هذا البوست بداية حملة علي عمر دفع ستجهز عليه وده حق مشروع هم بستخدموه بذكاء يحسدون عليه ودائما صاحبك بالمناسبة بوفر ليهم مثل هذه الفرص ثانيا انت لسه ما رديت علي كلامي ماذا استفاد صاحبك عثمان من هذا البوست ؟؟ وهل من حقه فتح هذا البوست لمجرد انه قرا الكاكرتير بحسب تصوره واذا كان معيار عدم معارضة الانقاذ يؤخذ علي حاتم كما كتبت يا خواض الا يحق لاي عضو هنا ان يعتبر هذا البوست خصما علي عثمان بنفس المعيار الذي حكمت به علي حاتم .
Quote: انت لسه ما رديت علي كلامي ماذا استفاد صاحبك عثمان من هذا البوست ؟؟ وهل من حقه فتح هذا البوست لمجرد انه قرا الكاكرتير بحسب تصوره واذا كان معيار عدم معارضة الانقاذ يؤخذ علي حاتم كما كتبت يا خواض الا يحق لاي عضو هنا ان يعتبر هذا البوست خصما علي عثمان بنفس المعيار الذي حكمت به علي حاتم .
هل من حقه؟؟؟
دا كلام غريب..
من حقه ومن حق أي عضو أو أي إنسان \ة في كامل ارجاء الكرة الأرضية، أن يبرز "تأويله" لكاريكاتير عمر ..
الفرق في نهاية "التأويل"...
هل انتهى نهاية سعيدة؟؟؟بمعنى أن القارئ ينتمي إلى القارئ النموذجي للنص ، وفي هذه الحالة "النص " هو كاريكاتير عمر ..
فالسؤال هو هل تأويل عثمان انتهى نهاية سعيدة.
بعدين في الديمقراطية بأشكالها حتى "المركزية"،
هنالك حق النقد ....
عثمان أشار إلى اختلال النسب عند عمر دفع الله، وعمر بإمكانه أن يدافع عن نفسه..
طبعاً تأويل الكاريكاتير ليس من حق عمر أن يقول أنني كنت أرمي إلى كذا وكذا وكذا،
وأي قارئ لم يجد في قراءته "كذواتي " الجمع من رأسي"، ووليد اللحظة،
هو قارئ أوف بوينت..
وهذا المعيار ينطبق على الشاعر والسارد إلخ ممن يمارسون الإبداع...
كلامي عن معيار معارضة الإنقاذ ، بني على اتخاذ معارضة عمر للإنقاذ المعيار الوحيد للنظر في إبداعه الكاريكاتيري، كما في ظنون الكثير من معجبيه...
وهنا،بالذات،
تقتل السياسة الفن، كما أشار إلى ذلك عثمان بوضوح ساطع البيان...
06-29-2018, 08:37 AM
فرح الطاهر ابو روضة فرح الطاهر ابو روضة
تاريخ التسجيل: 10-22-2012
مجموع المشاركات: 11112
يا خواض اذا كنت تعتبر اسئلتي غرئبة اذن اليس من حقنا ابدا الراي في ملاحقة حاتم واصدار شهادة استحقاق لمشروعية الوقوف ضد هذه الملاحقات ؟؟ لان حاتم لم يفعل اكثر من ابدا الراي مشاركته ارائه مثله والاخرين وبنفس الحدة التي يمارسها عثمان في انتقاد مخالفيه هل يعقل أن تمنح عثمان حقه في أن يسرح ويمرح في امير بوب لانه تبني وجهة نظر مخالفة لما يتبناه من افكار وابو روضة وفي عمر دفع الله لمجرد توهمات في رسم وتحرمون علي حاتم حدته في الاختلاف معكم ؟؟؟ اذا كنت مكانك يا خواض لجعلت لكتابات عثمان سقفا محددا يدعم فكرة مطاردة حاتم فلنترك اختلال المعايير يا خواض جانبا وامنحوا حاتم حق البقاء مثلما ما تمنحونه لعثمان ممكن جدا تاتي بمبرر كما ظللتم ترددوا عثمان معروف بشحمه ولحمه وباننا لا يمكننا التعامل مع شبح وغيرها من الحجج نحن يا خواض في منبر كغيره من بقية المنابر ليس مطلوب من حاتم او غيره ابراذ شهادة نسب المطلوب أن يتعامل حاتم مع ما هو مطروح سلبا او ايجابيا بنفس البراح الذي منحته لعثمان واذا ما تجاوز بحق احد هناك قانون وللمنبر ادارة تعرف من هو وهي ملزمة بالكشف عن هويته وملزمة ايضا بالحفاظ علي بياناته الخاصة التي لا يرغب في أن يطلع عليها احد ثانيا عثمان لم يبني نقده لانه اراد أن بنتقد عمل فني خدمة للفن ولمسيرة الكاركتير المنبرية او علي صحافتنا السودانية لخص اسباب نقده كما ذكر في بداية البوست بنا علي استنتاجاته لموقف محدد وافتراض من عنده لم يتوافق معه فيه الكثير من الاعضاء وهذا يخرجه من دائرة الناقد الفني ويضعف ما قدمه من نقد ليصبح نقد فاقد للقيمة ولروح الحياد التي يجب أن تنتقد بموجبها الاعمال الفنية حتي حديثه عن الشخصيات وتفزمها في رسومات عمر في رائي مجرد هرجلة وكلام فضفاض لا معني له فالشخيصات في اي رسم قوتها في حركتها والتعبيرات التي تتيح للقاري فك شفرتها وليس في احجامها وقياسها بالسنتمتر فيما يخص سؤالك هل انتهي بوست عثمان نهاية سعيدة بالنسبة لمنسوبي النظام نعم يا خواض وبالنسبة لي شطحة من شطحات عثمان التي اعتدنا عليها في رحلة الانتصار للذات وللشلة وصلت درجة من درجات الهوس التي يجب أن ينتبه اليها فهي قطعا خصما عليه ولا تشكل له اي اضافة فيما يخص السياسة تضعف الفن من ناحيتي اتعاطي مع مثل رسومات عمر دفع الله اكثر من تلك الاعمال السابحة في بحر من خيال او تلك التي تمارس الهروب من الواقع والتعبير عنه برؤية مفادها الفن للفن دم بالف خير
السيّد عمر دفع متسلّق لشجرة الفن، شجعه معارضون لسلطة " الانقاذ " على مواصلة التسلق، وقد آن أوان نزوله من الشجرة سالماً.
على صخرة كاريكاتيره الأخير المختلف عليه تحطّمت سفينة السيد عمر دفع الله المغامرة وهي تندفع في عباب الرسم بلاأشرعة (وتُقرأ بلا أدوات)، وهذا بالطبع لايعني نهاية المطاف، فللسيّد عمر دفع الله أن يكتشف موهبته في مجال بعيد عن الرسم، دون أن يضلله ويغرّه دفاع أناس لاعلاقة لهم بالفن، وأعني هنا تحديداً المدعو فرح الطاهر أبوروضة الذي رميتُ طوبته، متعجباً من انتمائه لليسار الذي لاتدخله إلّا الطليعة الذكيّة، أو هكذا عرفته، والمدعوة بسمات الشيخ التي هي الوجه الآخر للشبح أميرة الشيخ ساكنة الواق الواق، وقائدة الحملة التكفيرية التي تكلّلت بالفشل الذريع.
06-29-2018, 07:53 AM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
من أي وجه نظرتُ إليك تملكني شعور بالعجب سرعان مايستحيل أسفاً لأمرك، إذ أجدك معلِّم الله من صفات يساريي السودان الجاذبة، منفّراً غاية التنفير بماعليه حال لغتك، وتدنّي سقف اهتماماتك المنحصرة في سفاسف الأمور، واصطفافك المخجل إلى جانب الشبح المدعو حاتم ابراهيم ناشر المطاعنات والتفاهات، كلّ هذا يمثل سبّة في جبين اليسار الذي أحسب أنّك قد دخلته في غفلة من الزمن. لست أدري من أي باب دخلته. ومثلما آن أوان نزول السيد عمر دفع الله من شجرة الفن، فقد آن أوان تصحيح خطأ وجودك في صفوف اليسار لتستقر في مكانك الطبيعي خارج صفوفه الى جانب قرينك في النهاية المؤسفة حامل الإبريق المدعو أمير بوب الذي انتهى خادماً سعيداً للشبح المحاط بجماعة من الأتباع منهم من يمشي وراءه عن وعي وبصيرة، ومنهم من حنطوا عقولهم، وعصبوا عيونهم، وتبعوه كقافلة من البلهاء يستغفلهم ويجعلهم مطايا لبلوغ غايته في السيطرة على هذا الموقع. ولا أكتمك أنّي لا أشعر إلّا بالأسف لوجود يساريين سابقين أوفاعلين في ركب هذه القافلة، أمّا الآخرون، غير اليساريين من أفراد القافلة الذين صاروا كالعجينة في يدّ الشبح فلايربطني بهم شيء، ولايعنيني أمرهم في قليل أو كثير، ولهم ما اختاروا أن تبتلعهم رمال التيه العظيم. قيل له: بأي علامة نعرف البلهاء، فأجابهم: بثمار أعمال من جعلوه إمامهم تعرفونهم!
لقد بيّنتُ رأي بوضح في رسومات السيّد عمر دفع الله المتطفّلة على عالم الكاريكاتير، وها أنذا أدعوك بأن تأتي بنموذج من أعمالي المنشورة تبيّن من خلال نقده تسلقي للقصة القصيرة مثلاً، فإذا حالفك التوفيق في ذلك، أعدك بالتوقف عن الكتابة في الحال.
عثمان محمد صالح تِلبُرُخ٬ هولندا
06-30-2018, 09:12 AM
فرح الطاهر ابو روضة فرح الطاهر ابو روضة
تاريخ التسجيل: 10-22-2012
مجموع المشاركات: 11112
ياخ كتابتك ومن يصفقون لها هي التي تمكن الاخرين من تصنيفك يعني انا ما محتاج اصنفك ولا انت لو صنفتني الكلام ده مهم عندي شديد كسرة شايف فرانكلي انضم للركب باقي ليكم نظرية الرصاص في الراس عمليا انت في وجهة نظري في حالة موت سريري تحتاج لقدرة قادر لانقاذك كسرة قلت لي الشخصيات في كاركتيرات عمر دفع الله طولها كم سنتمتر ههههههههههههههههه عليك الله ده نقد هسي ياخ نصيحة مني ليك ركز علي القصة القصيرة لكن حكاية الناقد والباحث في التاريخ دي انساهم عشان خاطرك
تور عمر دفع الله !! قراءة .. الفنان وراسم الكاركتير لايقدم لائحة تفسيرية لعلمه ولايشرحه لأن هذا ينسف فكرة العمل وخصوصا والرسم المعني لايصحبه إي حوار أوكلام وإنما هو مجرد رسم ! * من الطبيعي جدا أن تعدد القراءات والمفاهيم والتفاسير للرسم -كل يراه ويفهمه من زاوية معينة وربما يتمني ويرغب البعض أن ينال الرسم أويسخر من خصمه !أي يحمل الرسم ويشحنه ببعد ومعني إضافي قد لايكون قد خطر ببال الفنان كما أن البعض يحاكم الفنان وينال منه بناء علي فهمه هو ! ثانيا فسر بعض رمزية التور الهائج بأن المقصود من عضو معين وسار كثر بهذا التفسير وروجوا له وحاكموا عمر بناء عليه ! *ففي نظرهم أن الرمز لفلان هذا بالتور المستثار -والهائج هو تبرئية وتبرير له بإعتباره ضحية وديعة يتم تهيجها وإثارتها - وأستفزازها عمدا - من قبل أصحاب الهوي والغرض والمعتديين! وقفة التشبيه بالتور الهائج - في رأي ليس محمدة ولاثناء - فأنت أمام كائن بلاعقل أو فكر أو هدف - كائن تحركه الغريزة - ورد الفعل والإستفزار - ليندفع كما التور في مستودع الخزف وتور الله في برسيمه - يفسد ويحطم ويضرب ويرفس ! وقفة ثانية إذا كان فلان هذا هو مقصود عمر دفع الله فإن المنطق يقول - أن عمر قدم لكم نصحا -وحكمة - أتركوا التور في حاله وأنصزفوا لما يفيدكم - تجاهلوه - وإن فعلتم سيصبح مجرد تور خامل ومستأنس لايهش ولاينش ! ثالثا في فهمي وتفسيري أن تور عمر لايعبر أو يرمز لشخص بعينه وأنما يعبر عن حالة وعقلية - عامة وهي أن المنبر أصبح ميدان - للإستفزاز والتهييج والتسلية والتفكه عبر نيران الصراعات المشتعلة - يقوم البعض - بالإستفزاز والإستفزاز المضاد -والإثارة ويستجيب الآخر بالتهييج بالغريزة لا بالعقل والفكر ! هنا ممكن جدا أن يتحول صاحب الراية الحمراء لتور مستفز ويتحول التور -لحامل راية الإثارة تبادل أدوار) - ويتواصل العك والإسفاف - ويتحول المنبر لساحة عراك وصراع وتتلاشي رسالة المنبر ويقل الجاد والمثمر -! حتي يمكن أن يقال الناس في شنو - والجماعة دي في شنو! الناس ديل شغاليين بسباق الحمير وصراع التيران وناسيين ماسوي ذلك ! - صاحب المنبر يتفرج وقد يستفيد من الحراك السالب -في زيادة عدد الكلكات والسلطة الإنقاذية مستفيدة من مثل الوضع !
06-30-2018, 05:23 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20422
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Osman M Salih
osama elkhawad
محمد المسلمي
محمد حيدر المشرف
Ahmed Yassin
جلالدونا
MAHJOOP ALI
فرح الطاهر ابو روضة
قسم الفضيل مضوي محمد
كمال عباس
فيس بوك
تويتر
انستقرام
يوتيوب
بنتيريست