|
|
|
 Re: خطر ظاهرة النهب بالموتر سايكل في عاصمتنا (Re: Osman Musa)
|
| Quote: يذكرك افلام ديجانقو في امريكا. 1920 . |
عثمان مسؤول من الخير ياخ إنت ديجانقو دي مش الـ D سايلنت وهى تتنطق جانقو ؟ عشان انا أول أمبارح حضرت Django the Unchained شايفهم بقولو كده فااا اكد لى عليك الله لأنو لينا سنين بنقول ديجانقو ..ديجانقو !!
أما بخصوص موضوع البوست فأعتقد السرقة بالموتر سايكل تعتبر وسيلة جيدة وذلك لسهولة الزوغان للزوقاقات زائدا إستهلاك الوقود قليل مع الأزمة الحالية هذا طبعا بعيدا عن الظاهرة فى إطارها الأخلاقي التى تعد طبعا كارثة وعلى الجميع الإنتباه
| |
 
|
|
|
|
|
|
|
|
Re: خطر ظاهرة النهب بالموتر سايكل في عاصمتنا (Re: Kostawi)
|
يا عمو عثمان
الجرائم في الغرب محصلتها تعد بملايين ال s$
ما شنطة آنسة في سودانا المسروق كلو ، فيها أصبع أحمر شفايف و منديل مطروز بالحرير لحبيب بعيد (:)
ياخ لو دايرين يسرقوا ما
يسرقوا الجمل (كل رجالات و نسوان الإنقاذ بدون حدود)
مالم و مال سرقة الضعيق
الما عندو حيلة غير يعيش مدة
و يرحل من هذه الفانية
| |
|
|
|
|
|
|
|
|
Re: خطر ظاهرة النهب بالموتر سايكل في عاصمتنا (Re: Kostawi)
|
عزيزنا الفنان كوستاوي سلامات
غايتو يا اخوي كان جيت بي دولاراتك الكتيرة دي وكمرتك الياشيكا الخطرة
ديك. . الا. تجيب معاك اسنايبر بي m16 .
سرقة الضعيف يا كوستاوي اسرع واسهل . طبعا اي قط شحمان بكون معاو
هيلمانة من افراد الحماية .
المشكلة ماشة في زيادة صعبة يا كوستاوي و مفروض الناس. تلتفت .
..
مشكور. علي الفيديوهات
| |
|
|
|
|
|
|
|
|
|
Re: خطر ظاهرة النهب بالموتر سايكل في عاصمتنا (Re: Osman Musa)
|
كدي يا كوستاوي شوف ال
motor saycil crimes in guatemala
طبعا الجريمة في غواتيمالا سيتي قديمة و النهب بالموتر سايكل منتشر
فيها. من زمان . و للحد البخلي المستثمرين من امريكا و الصين ما بجوا
من الخوف .
في رحلة يا كوستاوي من غواتيمالا. لي نيويورك. كنت. راكب الفيرجن اتلانتك
كانت. راكبة. جمبي. بطلة. غواتيمالا. في كمال الاجسام. ماشة. لي. منافسة في
اتلانتا جورجيا . وجات سيرة الجريمة . قالت لي كانت واقفة بالسيارة في
اشارة المرور. وطفلها. في. المقعد الخلفي. . وقفوا. جمبها اتنين بي موتر
وطوالي طلع ليها السكين و لفح التلفون وهرب للشوارع الفرعية . تخيل. دي
بلدنا. يا كوستاوي. ماشة. في. ده. الطريق المخيف . ربك يستر
| |
|
|
|
|
|
|
|
|
|
Re: خطر ظاهرة النهب بالموتر سايكل في عاصمتنا (Re: Osman Musa)
|
اخطر المناطق في العاصمة المثلثة كان بالليل كان بالنهار هي :
1.. السوق الشعبي امدرمان
2.. محطة سراج امدرمان
3.. نهاية سوق ليبيا من جهة الغرب
4.. بعض المناطق في الحاج يوسف بحري
5.. بعض المناطق في شارع الستين الخرطوم
6.. وعموم الاسواق المزدحمة في العاصمة عامة
| |
|
|
|
|
|
|
|
|
|
Re: خطر ظاهرة النهب بالموتر سايكل في عاصمتنا (Re: عبداللطيف حسن علي)
|
الاخ عثمان موسى
ظاهرة السرقات والنهب سوف تنتشر انتشار النار فى الهشيم بين الفقراء والمساكين .... اما الاغنياء سوف تظهر ظاهرة البودى قارد والحراسات الخاصة بالمنازل ....هناك دول كثيرة بها هذه الظواهر لكنها لم تسقط الدولة... و الانقاذ سوف تدخل الانتخابات وتفوز وتستمر فى الحكم .... ظاهرة السرقات قد ذكرناها قبل اربعة شهور تقريبا فى بوست اخر وحصل بالضبط ما ذكرناهو .
| |
|
|
|
|
|
|
| |
Osman Musa
walid taha
Kostawi
عبداللطيف حسن علي
أيمن نواى على
فيس بوك
تويتر
انستقرام
يوتيوب
بنتيريست