|
Re: السوداني الغبي ، و المدهش في نظر صديقي ال� (Re: aosman)
|
التحية ليك اخي عثمان لاشراكنا في هذا الجمال! والتحية للزول الاصيل سالم كاتب المقال والتحية للمتداخلين , ونحن فعلا شعب متفرد وجميل ولكن ظروف القهر المفاجيئ الذي حل بنا بنى ضبابا كثيفا على ملامحنا !!! القومة ليك يا شعبنا ونحن ايد واحدة لن تأثر فينا الحدود الوهمية والفرقة القسرية وحتما سنعود يوما ما معا باذن الله !! ست البنات.
| |
|
|
|
|
|
|
Re: السوداني الغبي ، و المدهش في نظر صديقي ال� (Re: ست البنات)
|
الاخ عثمان - سلامات ياهو دا السودان ...اللى كان واللى ح يكون انشاءالله بعد ان تنقشع عنا تلك السحابه الحالكه الظلمه وجعلتنا نتفرق ونتوه فى ارجاء الدنيا ونعانى الغربه حتى ونحن فى وطننا.
شكرا على هذه الننافذه الجميله التى تبث الامل فى بكره يعود فيه الوطن كما كان.
| |
|
|
|
|
|
|
Re: السوداني الغبي ، و المدهش في نظر صديقي ال� (Re: aosman)
|
الأخت العزيزة ست البنات والأخ Asim Ali فعلا ياهو ده السودان, هذه القصة ذكرتنا موقف حكاها لنا أحد الزملاء في البالتولك قبل سنين, ولا أتذكر إسمه الذاكرة أصبحت خربة مع الكبر, المهم هذا الزميل ذكر بأنه مرة في يوغندا وقبل الإنفصال كان ماشي مع واحد جنوبي من قيادات الحركة الشعبية وعربيتهم وحلت المهم جاهم واحد يوغندي قال ليهم بطلع ليكم العربية بي ميتين دولار. الجنوبي قال ليهو: عليك الله هسي لو كنا في السودان أبو مروة ما جاء وظط طلع لينا العربية دي وضبح لينا خروف وقال لينا والله لو ما إتغديتو ما حتمشو؟ بالله شوفو جمال السودان ده؟
مرة قرب صينية بانت كنت على موعد مع أحد الأصدقاء وعندما تأخر قررت أجلس في مكان ست شاي وكان في واحد جالس قبلي وأستأذتنه من الجلوس بجاوره, المهم تبادلنا أطراف الحديث وبعده سألني من وين إنت؟ قلت ليهو: من زالنجي. الزول ده بي زعل شديد: قال لي إنعل ميتينم؟ طبعا خلعني شديد. قلت ليهو ديل منم؟ قال لي: ما ناس الحكومة ديل. طبعا فجأة ضحكت ضحك غريب. بعد داك بدء يحكي لي بأنه درس في نيالا الصناعية وهو من أمدرمان, وقلت ليهو مديركم كان بيريقدار, قال لي: فعلا. المهم قال لي كنا في داخلية نيالا الصناعية ويوم الخميس لمن نمشي السوق التجار بسألوني من وين إنت يا ولدي. قال لي لمن نقول ليهم من أمدرمان وجيت أدرس في نيالا الفنية, يقولوا لي يا سلاااااااام مسكين جيت خليت أمك وأبوك وأهلك عشان تدرس هنا. قال لي كل واحد يدخل قرش أو قرشين في جيبي وستات الفول يدونا فول مجانا وبلح وأشياء كتيرة , قال لي الهم بنطلع من السوق شايلين حاجات كتيرة مجانا وكمان قروش , وأصحاب اللواري لمن يعرفونا طلاب كان ما بشيلوا مننا قروش وبركبونا مجانا. بالله شوفوا الجمال ده؟؟؟
| |
|
|
|
|
|
|
Re: السوداني الغبي ، و المدهش في نظر صديقي ال� (Re: aosman)
|
عزبز انت با وطني برغم قساوة المحن ..... وده السودان العرفناه من ما قمنا ولكن ما يحدث الان جعلنا نفقد البوصلة ف يكثير من الاشياء وليتها تقيف على ذلك فقط ... نسال الله ان يعود السودان كما كان وكما الفناه وعرفناه وعرفه كل العالم من حولنا ... شكرا صاحب البوست وكل من مر من هنا فقد اثلجتم صدري بمثل هذه الاحاديث الجميلة ....
تحياتي : ياسر العيلفون .....
| |
|
|
|
|
|
|
|