|
|
 Re: .... استراحة مع جارتنا عشة ..... (Re: Ashraf El Bagir)
|
ههههههههه..
سنين ولم اضحك بعمق مثلما فعلت في اخر 72 ساعة..!!..الأولانية: صاحبنا واحد من ديار ناس عشه..ذكرنا بمفردات من شاكلة (تتي ، حني علي أنا يا ستى ، ووجج..والحارة بقاقة الجرح ..!!)..والتانية..هذه الإستراحة اللطيفة..
سلامات صديقنا اشرف الباقر..والتحية عبرك لأخونا محمود الجيلي..وناس ريحة البن..ومحروق ابوهو البن..(عارف يا اشرف: حبيبتي زمان لمن تزعل مني بتقول لي وشك زي البن المحروق..!!..الغريبة: هل البن عندو محروق وغير محروق؟..أسألوا حبيبتي تلك..!!)..
جارتنا عشه ،
كن اخرت مواعيد القشه ،
نحن التلاتة ، اعصابنا بتبوظ : انا ، والحوش ، والمقشه..!
ده الحوش ، الكان ، أمي ، بقى مهتمي..
يمسح في الرملة ، ويكتب:
الجردل ،
الموية ، الموية..
الرشه ، الرشه ،
الجردل،
الموية ، الموية..
الرشه ، الرشه..!
عارف يا اشرف ، وانا بسمع في نص اخونا ابراهيم جابر..بضحك وبتذكر استاذنا ابراهيم اسحق صاحب عجايب (فجوة في حوش كلتومة)..واستاذنا عالم عباس صاحب عجايب (سوميت بنات درجيل) ..واستاذنا فضيلي جماع صاحب عجايب (شارع في حي القبة)..ناهيك عن ابونا واستاذنا المرحوم صديق عباس واستاذنا الشاعر محمد ابكر عبد الله في العمل الجميل (مطر الرشاش)..في مطر الرشاش..عشه تابعة المراح النشه ، في (الفجوة) كتلومة بتقش الحوش ، لكن مش المهم القشة او المقشة ، المهم الساق (اهلك قالوا: المرقة دهن ، والحلة بصل..و..................!!)..
طبعا ما ح تقدر تسألني التلاتة (ابراهيم ، عالم ، فضيلي) شافوا شنو بالضبط..!
انا شفتا ، ومؤكد ح يجوك بعض الصحاب ويقولوا ليك: غايتو نحن شفنا الشاف..!!
وقول وراي: حليلك يا بابكر ود السافل..!
كتر خيرك يا صاحب على الإستراحة الأنيقة..وقول لناس (ريحة البن) خصوصا محمود وابراهيم جابر وباقي الضيوف : كبر قال ليكم ..عينكم ما وقعت في الشافوهو التلاتة ديلاك..وربما هم كانوا اربعة ، وبشهادة ود السافل خلق كتيرة خلاص..؟؟؟؟؟!!
كبر
| |
  
|
|
|
|
Ashraf El Bagir
Kabar
فيس بوك
تويتر
انستقرام
يوتيوب
بنتيريست