|
كتب الكاتب الفاتح جبرا المتوفرة بمعرض الدوحة
|
|
 Re: يا وطن عند الشدايد (Re: عبدالحفيظ ابوسن)
|
حميد قال:
اتبرا الطيبة
يا منجم الثورات
كيفك بعد غيبة
وغربة ووطئ جمرات
رجالتك الهيبة …
نسوانك الحارات
قالن لي قولا تسر …
تنفع زمان الضر
كل البلاد أم در ..
والمهدي حي ما مات
الخطوة في الشارع
منبثة ثورية
بق الغضب طالع ..
أبرول وطورية
شافع ورا النافع ..
طلبة وأفندية
الجوعو كان دافع ..
لي هبة شعبية
ما الصبر ما نافع
في أيام كركية
ذات وضع همباتي ..
وأحوال متل دية
كهان وجهدية ..
وكابات هي ما هيّ
حموني اغرودة
والدنيا عيدية
حرموني زغرودة
في فرحة عادية
حظروني من عودة ..
أو مرقة ليلية
منعوني من ذاتي ..
واخواني جندية
للقمع يوماتي
سدوبا وردية
شك في هوياتي ..
فتيش ...رية
لكناتي .. لهجاتي ..
شلخاتي .. عينيا
أوكير وحمداتي ..
باعوضة سل فيا
تحتاج معاناتي
لبطاقة شخصية !
يا مسخ بعاتي ..
وقام لجنة شعبية
لي حضرة الآتي ..
شايل الفرح ليا
عبيت مساماتي ..
من غيمة منفية
وعلى أرض مأساتي ..
فرغت ما فيا
وضل الوطن شاطيء ..
وشمسو المراكبية
النيل ديمقراطي ..
والقيفة جمعية
بردت غنواتي ..
بي نمة مغلية
بقت هتافاتي ..
دوديتا بي إيديا
في دقن همباتي ..
وعسكر حرامية
طارت حماماتي ..
وركت سلامية
غدروها شماتي ..
وكتل الرصاص فيا
لكن يا مواتي ..
يا ذمة مشرية
يا عسكراً فاتي ..
مافيا وطفيلية
من شرفة الآتي ..
وبي كل حنية
أخدني أماتي ..
بي طرحة و أمنية
ربطن لي جرحاتي ..
وبي مرتق واغنية
سدن لي آهاتي ..
فوق وقفة صخرية
سنن لي إيديا ..
وصاحن بي صد صارع
يا عيش وحرية ..
وانغير الواقع
يا ميتة دغرية
حميد
| |
 
|
|
|
|
|
|
|
|
Re: يا وطن عند الشدايد (Re: عبدالحفيظ ابوسن)
|
اعجز جدا عن كتابة اي شئ
كيف يمكن لاصوات الهتاف ان تكون مبهجة !
استعيدها عشرات المرات كقصيدة او اغنية ولا امنع الدمع من الهطول
شكرا اولادي وبناتي
العيال كبرت
كبرت جدا
| |
|
|
|
|
|
|
| |
عبدالحفيظ ابوسن
عثمان حسن عثمان
فيس بوك
تويتر
انستقرام
يوتيوب
بنتيريست