|
|
|
 Re: يا رجال كدباس والغبش ..... الحقوني بي فاتحة (Re: عبد الوهاب المليك)
|
كل سنة وإنت طيب يا أخ عبد الوهاب
وعيدك وعيد الجميع سعيد ومبارك
إنت فهمت غلط يا أخوي
مشروع العودة الطوعية دا قاصدين بيهو أعضاء الحزب الوطني
وإنت الظاهر خلطت من كلمتي وطني ومواطن
الأن قبل شوية كان حزب المؤتمر والوطني عندو احتفال ما عارف بشنو
وأول متحدث كانت دكتورة في شنو كد ما عارف
بدت حديثة بمجموعة من التكبيرات أنا لو ما كانت الدنيا وقت العشاء
وتاني يوم العيد كان قلت دي تكبيرات صلاة العيد!
أنا غايتو ما شايف ليك حل إلا تعلن بيعة زي بيعة الطيب قريمان دي
وتشهد عليها عمر ود الباوقة .
وبعد داك ربما تجد تصريح للعداد!
دي غايتو الجكة الشايفها ليك
مع دعوات رجال كدباس.
ونسأل الله أن لا تموت أشجارك التي تساهم في تحسين المناخ وتقليل الإحتباس الحراري غض النظر عن الجانب الإقتصادي
والمفروض لو هناك من يعقل أو يؤمن بالله ممن ذهبت لهم وردوك
لصدقوا لك بالعداد قبل الجميع
وهم يكبرون الله أكبر ولا يعلمون ماذا قال الله عز وجل
ولا ماذا قال رسوله صلى الله عليه وسلم!
ولا يعنينهم أن تموت الأشجار بدلا من التشجيع على زراعتها!!!
وقد قال صلى الله عليها وسلم في شأن الأشجار
(إذا قامتةالساعة وبيد أحدكم فسيلة واستطاع أن يقرسها فليقرسها)
رواه أحمد و البخاري في الأدب الفرد
وأحاديث أخرى خثت على الزراعة والتشجير
ولم يشجع صلى الله عليه وسلم على البناء كما شجع على التشجير والبستنة والزراعة
ولننظر ماذا جاء في السنة الطهرة في غابات الاسمنت التي يهتمون بزراعتها
اهتتمام زايد ويمنعون زراعة غابات الأشجار التي حثت السنة على زراعتها
عن عبدِ اللَّه بنِ عمرو بنِ العاصِ رضي اللَّه عنهما، قال: مَرَّ عَلَيْنَا رسولُ اللَّه صَلّى اللهُ عَلَيْهِ وسَلَّم وَنحنُ نُعالجُ خُصًّا لَنَا فَقَالَ: "مَا هَذَا؟ "فَقُلْنَا: قَدْ وَهِي، فَنَحْنُ نُصْلِحُه، فَقَالَ:"مَا أَرَى الأَمْرَ إِلاَّ أَعْجَلَ مِنْ ذلكَ".
رواه أَبو داود، والترمذيُّ بإِسناد البخاريِّ ومسلم، وقال الترمذيُّ: حديثٌ حسنٌ
وفي حديث آخر أن النبي صلى الله عليه وسلم
رأي يوما بالمدينة بيت في شكل قبة كبيرة وعالية
فسأل لمن هذا ؟ فقالوا لفلان فلما جاء الرجل فسلم
فلم يرد عليه النبي صلى الله عليه وسلم السلام
فلما ذهب صلى الله عليه وسلم سأل فقالوا له
سأل عن هذه القبة فقلنا هي لك .
فقام الصحابي وهدم القبة .
هذه رواية بالمعنى فقط
فلننظر كيف أن الإسلام كان سبق في
التشجيع على زراعة الأشجار
في الوقت الذي كان لا يشجع
على التوسع في البناء
وثبت أن هذا هو الأنفع لتوفير مناخ أفضل
واقتصاد أعظم.
ولكنك تنتمي لبلد نسأل الله أن يعجل عليها بالفرج
| |
 
|
|
|
|
|
|
|
|
Re: يا رجال كدباس والغبش ..... الحقوني بي فاتحة (Re: منتصر عبد الباسط)
|
شكراً أخي منتصر لمرورك الأنيق
والله العظيم في البداية ما كان عندي مشكلة حتى لما رفضوا يصدقوا لي بالعداد كنت بشتري الديزل من السوق بأي سعر حتى لا أفقد الشتل ولما جاءت الأزمة الأخيرة لا يوجد ديزل لا في السوق الأبيض ولا الأسود وتمشي الطرمبة يصدقوا ليك بي نص جالون للفدان الواحد ونص الجالون دا ما يملأ الجدول خليك من يسقي زرع .. وترجع تعاين للزرع وهو ينادي ويستغيث والله كالذي ينظر لأولاده يتضورون جوعاً وهو لا يملك ثمن الخبز .. (أصبعي بقى أسود من كثرة العض) .........
Quote: أنا غايتو ما شايف ليك حل إلا تعلن بيعة زي بيعة الطيب قريمان دي
وتشهد عليها عمر ود الباوقة .
وبعد داك ربما تجد تصريح للعداد! |
أنا غايتو بيعة ما عندي إلا أبيع ملابسي عشان أوفر جاز .... وعمر ود الباوقة بي حق الجيرة وبي حق زمالة حوش بكري اليساعدنا في الحصول على عداد كهرباء وليته يمر على هذا البوست ويدلوا بدلوه فلربما دلوه يكون مملؤ ديزل .. ولا صندوق فيه عداد كهرباء .....
ويا مثبت العقل والدين
| |
|
|
|
|
|
|
|
|
|
Re: يا رجال كدباس والغبش ..... الحقوني بي فاتحة (Re: عبد الوهاب المليك)
|
أين هي كهرباء سد مروي ؟؟؟ إذا أبوحمد مافيها كهرباء من السد ... وأبو حمد فركة رجل من مروي ...
يا مثبت العقل والدين
------------------------------------------------------------------------
الاخ عبدالوهاب المليك العيد مبارك عليك
يا اخى ادعو الله ان ياخد بيدك ويجعل لك مخرجا يا ليتك حاولت منذ البدء استغلال الطاقة الشمسية لسقى مزرعتك لكنت ارحت نفسك من الاعتماد على كل ماهو متعلق بهذه الحكومة الفاشلة من جازولين وكهرباء...
منطقةابوحمد وعلى الخصوص انتم ابناء عمومتنا اهل البحيرة ما حاق بكم من ظلم لا يتصوره احد فى اى منطقة اخرى من مناطق السودان
اغرقت قراكم وشردت اسركم ضحيتم بكل غالى من اجل تطور البلد ولا زال الاطفال يموتون بالعشرات جراء لسعات العقارب لانعدام المصل الواقى لغياب الكهرباء والثلاجة التى يمكن حفظه داخلها...
نصيحتى لك حاول الطاقة الشمسية فهى تضمن لك نجاح مشروعك ربنا يعوضك ويسدد خطاك
| |
|
|
|
|
|
|
|
|
|
Re: يا رجال كدباس والغبش ..... الحقوني بي فاتحة (Re: Hassan Farah)
|
أخي حسن
نسأل الله أن يجعل لنا من أمرنا مخرجاً .. وإن شاء الله ننظر في البدائل الأخرى لكن هم عشمونا وصوروا لنا أن كهربة السد فاضت عن حاجتنا ويمكن نصدر منها ..
| Quote: ولا زال الاطفال يموتون بالعشرات جراء لسعات العقارب لانعدام المصل الواقى لغياب الكهرباء والثلاجة التى يمكن حفظه داخله |
أما موضوع العقارب فهذا شأن آخر ولا حول ولا قوة إلا بالله ... هناك قائمة بأسماء الضحايا وصلت حوالي 80 طفل اكبرهم خمسة سنوات .. ربنا يصبر أهلهم ويعوضهم شبابهم في جنات الخلد ..
ويا مثبت العقل والدين ..
| |
|
|
|
|
|
|
|
|
|
Re: يا رجال كدباس والغبش ..... الحقوني بي فاتحة (Re: النذير حجازي)
|
النذير ود حجازي
لعلك عافية وأحسن الله عزاءنا وعزاءكم في عمتنا مليكية التي توفيت اليوم
Quote: ياخي في زول بصدق الكيزان؟
والله لو زول غيرك كنت قلت ليهو يستاهل |
ما تخاف قوله والله فعلاً أستاهل لأني :
صدّقــت العيـــون وكـــلام المحنـــة
هنانـي بحنانــــــــه لمـا علي حـــــنّ
قال لي كلمـــة طيبة كانت منه حلوة
مين غيرو البيزرع أيام عمري جنة
والمشكلة أخوك قليبه رهيف وما بقدر على الهبباي في عز الصيف
أستاااااااااااااااااااااااااااااهل
ويا مثبت العقل والدين
| |
|
|
|
|
|
|
|
|
|
Re: يا رجال كدباس والغبش ..... الحقوني بي فاتحة (Re: احمد حامد صالح)
|
سلام اخي عبد الوهاب و سلامات لضيوفك
و ان شاء الله تتحل مشكلتك و يخضر و يثمر زرعك
سلام يا ود الباوقة
كتبت ما يلي:
Quote:
حلك الوحيد تدخل معاي شريك |
Quote:
وهبة
ركز معاي بالله
شراكة انت بالاشجار المثمرة
وانا بي مواد التشغيل
توكل على الله
وشكرا |
انت لو قادر توفر مواد التشغيل ساعد اخوك ده،
ياخي رجاله و شهامة ساكت كده ساعده،
ولا دي صعبة عليك و انت ما من ناسها؟
بعدين اخوك و زميلك ده ما طالب منك توفر ليهم مواد التشغيل
هو محتاج لي مساعدة في الحصول طاقة التشغيل "بقروشو"
يعني عشان تساعد لازم تخش شريك؟
عملاً لي الله ساكت كده مافي؟
فعلاً اخلاق كيزان
| |
|
|
|
|
|
|
|
|
Re: يا رجال كدباس والغبش ..... الحقوني بي فاتحة (Re: Hassan Farah)
|
شكراً اخي حسن فرح
موقف ود الباوقة و اشتراطه للشراكة مقابل المساعدة موقف لئيم و محاولة واضحة للإبتزاز
لا تشبه إلا الكيزان بالرغم من عشم اخونا عبد الوهاب في ود الباوقة حين قال
Quote:
وعمر ود الباوقة بي حق الجيرة وبي حق زمالة حوش بكري اليساعدنا في الحصول على عداد كهرباء وليته يمر على هذا البوست ويدلوا بدلوه فلربما دلوه يكون مملؤ ديزل .. ولا صندوق فيه عداد كهرباء |
| |
|
|
|
|
|
|
|
|
|
Re: يا رجال كدباس والغبش ..... الحقوني بي فاتحة (Re: MOHAMMED ELSHEIKH)
|
اخي عبد الوهاب
لك التحية
تابعت موضوعك واعجبني ما قدمت من نجاح واصرار
اتفق معك بان المسؤلين لدينا يقولون ما لا يفعلون
وهذه مصيبة
واصل في الدعاء
واقترح عليك زيارة الوالي الحالي..... الوسيلة
انا لا اعرفه ولم اقابله
لكن معلوماتي انه رجل عملي وتنفيذي
احتمال تجد عنده ما لم تجده عند اسلافه
اللهم انصر اخينا عبد الوهاب المليك
اللهم يسر له سبل نجاح زرعه ولا تجعله من الخاسرين
| |
|
|
|
|
|
|
|
|
|
Re: يا رجال كدباس والغبش ..... الحقوني بي فاتحة (Re: علي الكرار هاشم)
|
أخي علي الكرار لك التحية والتقدير
.Quote: واقترح عليك زيارة الوالي الحالي..... الوسيلة
انا لا اعرفه ولم اقابله
لكن معلوماتي انه رجل عملي وتنفيذي
احتمال تجد عنده ما لم تجده عند اسلافه |
أدخل لينا انت واسطة لي ود الباوقة يدينا ليه كرت مكتوب عليه يهمني أمره .. عسى ولعل ..
لكن أمشي ليه ( مدلدل يديني) برجع منه بي ارتفاع في الضغط والسكر .. وأنا ما ناقص
ويا مثبت العقل والدين ..
| |
|
|
|
|
|
|
|
|
|
Re: يا رجال كدباس والغبش ..... الحقوني بي فاتحة (Re: ادم شحوتاي)
|
| Quote: لا انسي اخر زيارتي لك في مكتبك وحديثك الطاعم بكل فخر عن مشروعك الحلم وحصاد العمر الذي افنيته في الغربة التي تجاوزت الاربعون عام |
يااااااه
أخي الحبيب آدم شحوتاي
ليك وحشة والله .... زمان ويا حليل أيام زمان في المدرسة الأولية كان في كتاب مكتبة اسمه أحلام زعوط لو تتذكروا .. أهو أنا قريت الكتاب دا وما استفدت منه .. وشغال أحلم وأحلم إلى أن وقعت من الحبل وصحيت لقيت ساكني بالمقشاشة ..
تعالوا والوطن فاتح ليكم أذرعه ونحن بنقدم لكم كافة التسهيلات لانجاح أي مشروع استثماري ...
تعالوا وما يهمكم أفنيتوا زهرة شبابكم في الغربة وما قصرتوا في بلدكم ووطنكم وأسركم الممتدة وشلتوا مع الحكومة وساعدتوها وأنجازاتكم تشهد القناة الفضائية والمجهود الحربي ودمغة الجريح ودعم السلام وفصلتوا معانا السودان بقى سودانين وحان رد الجميل ليكم ..
المصيبة يا آدم آخوي والله بقينا غرباء في وطنا .. والغربة أحن علينا من الوطن ..
حتى النوم بقينا نخاف ننوم عشان ما نحلم ... خليك من أحلام اليقظة البنسكب فيها كل احباطاتنا وفي الآخر العصايا تكسر جرة العسل القدامنا ونحن بنحلم أحلام يقظة ..
آآآآآآآآه يا آدم قول معاي يا مثبت العقل والدين ..
| |
|
|
|
|
|
|
| |
عبد الوهاب المليك
منتصر عبد الباسط
Amira Hussien
عبدالحفيظ ابوسن
Hassan Farah
Abdullah Idrees
عبدالله عثمان
محمد عبد الله الحسين
Hassan Makkawi
النذير حجازي
elsawi
MOHAMMED ELSHEIKH
علي الكرار هاشم
ادم شحوتاي
فيس بوك
تويتر
انستقرام
يوتيوب
بنتيريست