|
|
|
 Re: يا جماعة دي مصيبة شنو النحنا واقعين فيها د (Re: Haytham Ghaly)
|
الناس ديل عايزين شنو مننا؟؟؟
والله كرهنا حياتنا زاتا وزهجنا وملينا ياخي
شيلو دا من هنا جيبوهو هنا وشيلو داك من هناك وودهو بهناك
وجيبو داك هنا وودو دا هنا .. ياخي منعول ابو دي حالة
ياخي تلاتيين سنة والناس ديل بعملو في الحركة دي .. وما نفعت .. مااا نفعت ياخي
يعني شنو تشيلو سبب مشكلة اليوم وتجيبو سبب مشاكل الامس وتختو سبب مشكلة اليوم في مكان سبب مشاكل الليلة
دا شنو دا؟؟؟؟
الناس ديل عايزين يعرفو متين اننا كرهناهم وكرهنا اي شي قاعدين يتفوهو بيهو من اكاذيب
ياخي حتى الدين دا كرهونا ليهو ..
ياخي حلو عن سمانا الله يلعن .... سماكم زاتو
| |
 
|
|
|
|
|
|
|
|
Re: يا جماعة دي مصيبة شنو النحنا واقعين فيها د (Re: Hani Arabi Mohamed)
|
Quote:
لمصلحة من يعملون ؟
وماذا يريدون بالضبط ؟ |
والله يا هاني ما معروف
لو قلنا بعملو لمصلحتهم الشخصية.. طيب دا مخ شنو المعفن دا
هل في زول بعمل لمصلحتو يخرب المكان القاعد فيهو بحيث انو يبقى طارد وغير صالح للحياة زاتا
ياخي امسك كل المرافق الهم زات نفسهم حا تأثر على حياتهم معانا وتنكد عليهم
الاسواق .. اقسم بالله العظيم هي عبارة عن كوشة كبيرة وملوثة ولا تصلح انو يطلق عليها اسواق
الشوارع : مهما اوصف الشوارع مستحيل اكون دقيق لانو حالها يغني عن وصفها زاتو
البيئة : تلوث ، اوساخ ، انتشار امراض وعفن وسرطانات ما انزل الله بها من سلطان
الموية : اي نعم هم عندهم ما اظنها تقطع .. لكن هل هي صالحة للشرب والاستخدام الادمي .. اكيد لا
ياخي كفى
| |
|
|
|
|
|
|
|
|
|
Re: يا جماعة دي مصيبة شنو النحنا واقعين فيها د (Re: عمر دهب)
|
Quote: والله ياهيثم صح طفشنا محقوا علينا العمر وضاع مننا الله لاتكسبن
طال انتظار الفرج وطال الاحباط وبرضوا دايرين يصفروا العداد |
حبابك يا عمر دهب
ياخي الطفش زاتو طفش مننا وزهج وقرف
والصبر ذات نفسو مستغرب فينا
اسع زي ديل الداير يفكنا منهم شنو؟؟
| |
|
|
|
|
|
|
|
|
|
Re: يا جماعة دي مصيبة شنو النحنا واقعين فيها د (Re: عبدالحفيظ ابوسن)
|
Quote: ابو منو يا عمك ؟
هو هيثم دة معرس !!؟
قايلو لسة شافع صغير
ثم احتسب
وامسك الحساب |
ههههههه
والله يا ابسن مرات براي اقول
اسع انا اتزوجت وولدت عشان اجيب عيال
اورطهم في الدنيا الكعبة دي لي شنو؟؟
والله هم عديييل كدا مسألة الامن والامان
هل العالم آمن ؟؟ اجزم بان الاجابة لأ
تتوقع اي شي يحصل في اي وقت واي مكان دون استثناء
| |
|
|
|
|
|
|
|
|
|
Re: يا جماعة دي مصيبة شنو النحنا واقعين فيها د (Re: Nasser Amin)
|
| Quote: انهم يحكمون علي انفسهم بالفناء و الشعب باقي |
والله يا ناصر ديل شكلهم حا يفنونا نحنا ويقعدو هم على تلة خراب البلد
ياخي حتى الكضب المكرور بقو ما بخجلو منو !!!
كلام عمر البشير عن التنمية مما جا للحكم كلو حا نفعل .. وحا نسوي .. وحا وحا وحا
يحاحيبك البلا يا سبب النكسة والضياع
| |
|
|
|
|
|
|
|
|
|
Re: يا جماعة دي مصيبة شنو النحنا واقعين فيها د (Re: Haytham Ghaly)
|
امس بالصدفة فتحت قناة سودانية 24 تقريباً لقيت فيها برنامج يقدمه واحد كومدي يسمي نفسه جلواك
ما عارف البرنامج اسمو شنو لكن هو برنامج فكاهي .
حلقة امس دي كانت تحتوي على استطلاعات عن كيف تقضي شهرك في ظل الضغوط الاقتصادية الحاصلة في البلد
ومن الخلفية اظن تم اختيار منطقة يسكن فيها البسطاء الذين يجب سماعهم ولكن من يسمعهم غيرنا ونحن منهم
المعنيين بالسماع لا آذان لهم لتصغي لمثل هؤلاء فاذانهم مشغولة بالتكبير والتهليل والمباركات لمن اقالوهم من هنا واودعوهم تكية اخرى
المهم ..
مع ان البرنامج فكاهي وساخر لكن بصراحة فيهو نقد لازع جداً ومحاولة لا بأس بها لعكس واقع الحال المعاش في اطراف المدن
من ضمن المستطلعَين شاب اظنه عشريني حينما اراد الاجابة على السؤال .. بكى وسدت العبرة حلقه
فبكى المزيع ايضاً وبكت زوجتي معهما وانقلبت الفكاهة رأساً على عقب حزناً وبكاءً مراً ولولا رحمة الله بوجود الرموت في يدي
لانفجرت تلك العبرة التي سدت حلقي وانا ارى هذا الكم الهائل من اليأس والبؤس والمعاناة التي اصابتنا وحرمت الكثيرين منا من ابسط اسباب العيش
هذا الشعب يا ايها المشير لا يبحث عن رفاهية وهي من حقه ولا يبحث عن رغد عيش وهو ايضاً من حقه
انه يبحث الان عن ابسط مقومات العيش الكريم الذي يحفظ له كرامته ويقيه شر الحوجة والعوذ.
كفاك يا عمر البشير .. ياخي امشي حل عن سمانا يا بشر ولا اظنك بشر..
كفانا عذاب واحزان استمرت تلاتين سنة
بالله دي مصيبة شنو دي ؟؟؟؟!!!!
| |
|
|
|
|
|
|
|
|
|
Re: يا جماعة دي مصيبة شنو النحنا واقعين فيها د (Re: معاوية الزبير)
|
| Quote: شنو يا هيثم ياخ الجرسة دي |
الجرسة من طول عذابنا يا معاوية
الجرسة وجبت من شبح اليأس والحزن والضياع المخيم في البلد
نحنا يا معاوية خارج البلد ونعيش حياة مستورة نوعاً ما
ولكن هل نكتفي بهذا .. ونوصد قلوبنا واذاننا لاهلنا ؟؟
لا انا لا انت معاوية الذي اعرفه نستطيع ذلك
تحياتي
| |
|
|
|
|
|
|
|
|
 Re: يا جماعة دي مصيبة شنو النحنا واقعين فيها د (Re: Haytham Ghaly)
|
تحياتى اخى هيثم ..
فنعمل معا .. على تغيير حالنا .. فالامر بدقر ما هو مربوط بالحاكم مربوط بنا نحن عامة اهل السودان ..
لنا ان نسعى بجد لتغيير حالنا و حال عامة أهل السودان .. و ذلك بوقف الحرب و الاقتتال و ان نعمل ان يعم الامن و الاتسقرار و السلام ..
و من ثم سوف ننعم بخيرات بلادنا .. و كما ذكرت كثيرا .. فليحكم السودان من يحكمه و لا يهم كيف يحكم .. لكن يجب توفير كافة الخدمات الاساية للمواطن
فى كل ارجاء السودان .. اؤكد ان هناك كثير من المشكلات المزمنة فى بلادنا .. و منذ الاستقلال لم يتغير حالنا بل عدنا الى الوراء .. على كافة المستويات ..
لذلك لابد من السلام .. و لابد من وقف الحرب و لابد من الوحدة و العمل الجاد من أجل السودان .. !!
فلنترك اختلافنا .. الفكرى و المذهبى و التوجه السياسى و لنكن سودانيون من أجل السودان .. السودان فى اشد الحاجة الى كل ابنائه .. !!
هذا رائى .. و هذه وجهة نظرى .. هناك من يتفق معى و هناك من يخالفنى الرأى فلا ضير فى ذلك ... !!
| |
|
|
|
|
|
|
|
|
|
Re: يا جماعة دي مصيبة شنو النحنا واقعين فيها د (Re: الطيب رحمه قريمان)
|
| Quote: ولكن هل نكتفي بهذا .. ونوصد قلوبنا واذاننا لاهلنا ؟؟ |
بالعكس يا غالي، ديل القاصدهم بالأضعف مننا.
في إجازتي الفاتت دي، قصاد بيتنا امرأة عايشه مع أطفالها في مأوى حصير
غفيرة لمبنى تحت الإنشاء
كل يوم الدغش بقيف أعاين ليها تلبّس الأطفال للمدرسة وتديهم موية ساكت
شاي زاتو مافي، شاي مافي وبدون سُكّر كمان
وترجع تقش البيت (بيت الخيال ده)
أبكاني (و جرّسَني) أنها رغم المسغبة تصر على ذهاب أطفالها للمدرسة
إنهم أملها الصغير الخاص، ونحن ينبغي أن نكون أملها العام
أو العكس ما عارف والله
| |
|
|
|
|
|
|
| |
عبدالحفيظ ابوسن
Hani Arabi Mohamed
علي دفع الله
Osman Awoda
عمر دهب
حمد عبد الغفار عمر
Nasser Amin
عبدالعزيز الفاضلابى
معاوية الزبير
الطيب رحمه قريمان
MOHAMMED ELSHEIKH
فيس بوك
تويتر
انستقرام
يوتيوب
بنتيريست