|
Re: والله صحي يا عبدالحفيظ كل زول بونسو غرضو (Re: فرح الطاهر ابو روضة)
|
عمر دفع الله قصده معروف وواضح تعال البوست داك خلي الهروب ده مابحلك امشي شوف بماذا وصفك محمد عثمان صالح وتطابق مع ود المشرف انك اسوا ممر علي اليسار السوداني وانك دخلت حين غفلة وانحطاط السودان في ظل الانقاذ أبرزت يسار مثلك هل يعقل ان يكون الدكتور المشرف والأديب القاص عثمان محمد صالح خطا الاثنين وانت الصحيح
------ ارجوا مراجعة نفسك وهذا من حبي لك لحبك لوالدي الكباشي
دم بخير
| |
|
|
|
|
|
|
Re: والله صحي يا عبدالحفيظ كل زول بونسو غرضو (Re: فرح الطاهر ابو روضة)
|
مرحب فرح وضيوفه وددت المشاركة هناك ثم احجمت لقرار سابق لقد ظلمت عثمان ظلما بينا يا فرح عثمان كتب كتابة جميلة وموزونة وبي منطقها الداخلي كان يمكن نقده من خلال منطقه الطريقة التي نقد بها الرسم موضوعية جدا بالمناسبة حتي الاحجام لها دلالتها في الرسم عمر دفع الله كفنان غير ملزم بالتوضيح والشرح ومقولة انتصار السياسي علي الفن تهزم الفنان والفن وتجعله بوقا وتحرمه من ادواته الابداعية الفن متمرد وحر والسياسي مقيد ببرنامج عمر فنان ملتزم قضايا الناس وهموهم وعثمان كاتب مبدع
| |
|
|
|
|
|
|
Re: والله صحي يا عبدالحفيظ كل زول بونسو غرضو (Re: عبدالحفيظ ابوسن)
|
التبرير البرر بيه عثمان نقده براهو يا عبدالحفيظ بسلب من عثمان حكاية فنان ومبدع وناقد يعني لو قرا عثمان الكاركتير علي هواه وبما يشهتي كان ممكن تقرا نقد عثمان ده ؟؟؟؟ عثمان مصطف وينتقد وفي عينه غشاوة حكاية حجم الشخصيات اليشيل الكاركتير ده ويعدل فيه ويجيب حجم الشخصيات المفروض تكون في الرسم بعد داك انحنا بنحكم لكن انا ما شايف تناوله لحجم الشخصيات دقيق اكبر دليل علي انه الكاركتير ده شغل جبد كمية الاخذ والرد وكم القريات الاتقدمت حوله دي براها بتسقط كلام عثمان ده في رائي طبعا
| |
|
|
|
|
|
|
Re: والله صحي يا عبدالحفيظ كل زول بونسو غرضو (Re: فرح الطاهر ابو روضة)
|
اها دي قراية وممكن تكون مقبولة جدا وممكن لا ده المدخل الأساس لانه ما ممكن احاكم حد لمجرد فكرة كاركتير عششت في راسي وافترض انه مصطف وانه مؤيد لفلان وعلان المهم جيبو لي هسي اجعص مدرب ثيران يوريني التور ده شغال نطح او شغال تكسير او في وضع هياج معقول ياخ ننساق للوهم وبرضه مطلوب مننا نصفق
| |
|
|
|
|
|
|
Re: والله صحي يا عبدالحفيظ كل زول بونسو غرضو (Re: فرح الطاهر ابو روضة)
|
سلام يا فرح والحضور
أعتقد غلطة عمر دفع الله في هذا الكراكتير أنه حدد المكان بعبارة سودانيز ولقد ضيق دائرة التأويل . لكن لو خلاها سودان فقط كانت أكثر تعبيرا .
أيام كنا طلاب في الجامعة كان عندنا زميل وصديق عنده نظريات في رأسه غريبة وفي نفس الوقت يصر يعمل عليها تجارب عملية .
مرة كنا واقفين في نشاط الجامعة والنشاط مزدحم ونحن في مسافة بعيدة شوية . قال عاين اجهجه ليك الناس ديل كيف . ضم يديه قدام فمه ونادى بأعلى صوت ( يا حيوان ) .. وكررها مرة ثانية أصابني الفزع قربت أجري من جنبه ) قلت ليه عملت كدا؟ .. قال لي شوف الناس اتبهدلوا كيف ؟ ولا في واحد التفت ناحية الصوت لأنه لو التفت حا يثبت أنه هو المنادى لو ثبت سيقتله الفضول ليعرف من هو الحيوان المعني بالنداء . تخيلوا بعد ما كنت مرعوبا ومحرجا وجدت المشهد كوميدي فعلا . بعض الطلاب الواحد فيهم يحاول يلتفت ببطئ شديد دون أن بين للآخرين انه لفته النداء وبعضهم يبحث في الفضاء عن شخص يتطوع بالالتفات ..
لذلك فن الكركتير مفترض يعبر عن نفسه ويترك للمشاهد أوسع حرية في التاويل قدر الامكان
| |
|
|
|
|
|
|
Re: والله صحي يا عبدالحفيظ كل زول بونسو غرضو (Re: درديري كباشي)
|
ابو الدر الزول الضل كيفك عساك بخير والله مشتاقين جدا وكويس انه البوست ده جابك علي الاقل نسلم عليك داخل السطر صحيح التحديد ضيق مساحات قراية الكاركتير انا بتفق معاك في الحتة دي وبرضه مع ده يا درديري الكاركتير حمال اوجه لا يمكن اختزاله في رؤية واحدة الان حتت التور مهاجم او يكسر دي كلها مسوقات جعلت الكاركتير موضع هجوم بالمقابل لا وضعية التور ولا نظراته ولا طريقة وقفته بتدعم الفرضية دي مع البعض حاول يروج ليها بشدة ويدافع عنها كمان في تور بكسر ورجليه مرتكزات ؟ في تور بنطح وبنظر لاعلي ؟؟ تابع هياج الثيران علي اي حلبة مصارعة ببساطة يا درديري ممكن تصل لحجم محاولات تسويق الوهم والرؤية العاجزة وتائدها من خلال المنبر
لك التحية وشكرا علي المرور الكريم
| |
|
|
|
|
|
|
Re: والله صحي يا عبدالحفيظ كل زول بونسو غرضو (Re: فرح الطاهر ابو روضة)
|
كدي يا فرح نتجاوز حتت شبح دي زاتا انا بنفس المنطق دة 99% من الاعضاء اشباح بالنسبة لي . ما بعرفهم معرفة شخصية . حتي الاتصال ما دليل معرفة زاتو وبرامج تغيير الاصوات راقدة هبطرش وبرضو كلام المسلمي دة ما تجهلو هل انت كمعارض للانقاذ بتخسر ولا بتكسب من صراعك مع عثمان والمشرف مثلا ؟ انت طارح نفسك سياسي وليس فنان السياسي محتاج مواقف واضحة ومحددة .. وحدة المعارضة وبرنامج الحد الادني من التكتيكات التي يلتزمها حزبكم بصرامة كل دة بعيدا عن حاتم انا رأي في حاتم قلتو واكسبني عداوة عثمان دي نظرتو للامر انا احترم عثمان جدا لأني انظر له من زاوية مختلفة التحية ليك ولي عثمان وحاتم وعمر مع الود الذي تعلم
| |
|
|
|
|
|
|
Re: والله صحي يا عبدالحفيظ كل زول بونسو غرضو (Re: عبدالحفيظ ابوسن)
|
يا فرح حسب معرفتي الرسم الفني لا يلتزم القواعد والنسب المتعارف عليها في الرسم الواقعي وليس مطلوبا منه ان يكون صورة فوتغرافية للواقع او عدسة كامرة بل العدسة والكامرة هي عين الفنان المربوطة بعقله وكذلك عين المتلقي وعقله ومستوي ثقافته وقدرته علي قراءة الرسم بما توفر له من تراكم معرفي وخبرات
| |
|
|
|
|
|
|
Re: والله صحي يا عبدالحفيظ كل زول بونسو غرضو (Re: عبدالحفيظ ابوسن)
|
هو عثمان والشلة المعاهو مدننا فرصة اصلا ولا في اعتبارهم انحنا ممكن نقول راي ثقافة سواقة القطيع دي ياها البتوجع غير كده أنا اقول راي وانت تقول راي ومحمد المسلمي ذاتو يقول راي المهم عثمان نصب نفسه يونس محمود الشلة وما اظن المسالة دي بتكسبوا كتير والله يا ود ابو سن يعجبني فيك يا هذا الهدو الجميل لذا انا معتمدك ىسميا شيخ من مشايخ هذا المنبر دم بالف خير ولك التحيية
| |
|
|
|
|
|
|
Re: والله صحي يا عبدالحفيظ كل زول بونسو غرضو (Re: فرح الطاهر ابو روضة)
|
وانت عارف يا عصمان ليك انت وشلتك اليسار البتحاولوا تسلبو مني في رحلة هروبكم الي الامام انا لو اهداني شي واحد ممكن افتخر بيه اني ما اكون مثقف بنكي احفظ لي كلمتين تلاتة واجي اتنطط بيهن في المنابر او اتجمل وانافق علي حساب قناعاتي وبرضه خلاني اتنازل من وهمة اني كاتب او سياسي او مثقف كبير اهداني قناعة اني اتواجد في المنابر دي بطيعتي وبرضه اهداني اني احاول ما اكون انسان بليد او اركن لثقافة القطيع ودي حاجات انا ممتن لكل من ساهم في تطويرها او قرات من بين سطوره مقومات تسندها
| |
|
|
|
|
|
|
Re: والله صحي يا عبدالحفيظ كل زول بونسو غرضو (Re: فرح الطاهر ابو روضة)
|
تعرف يا حاتم لما يدخل محمد المسلمي او سيد ويكتب زي المشاركة الفوق دي انا ما قاعد ازعل منهم عارف ليه لانه الكلام ده يكتبوا هم لمجرد.مثلا اني قلت ليهم لا بالتالي من حق ود المسلمي طرحه وانا اذا اصلا ما طرحوا بتشكك في نباهة محمد المسلمي الشلة دي ما عندها حدود ممكن تقيف فيها لما تختلف معاك وانا والله ما كان غالبني اصلا اقدم قراية للكاكركتير لو في بوست عمر دفع الله او في بوست عثمان بس قلت النشوف اخرهم بصلوا وين المهم دمت راكزا مرتكز
| |
|
|
|
|
|
|
Re: والله صحي يا عبدالحفيظ كل زول بونسو غرضو (Re: فرح الطاهر ابو روضة)
|
تور عمر دفع الله !! قراءة .. الفنان وراسم الكاركتير لايقدم لائحة تفسيرية لعلمه ولايشرحه لأن هذا ينسف فكرة العمل وخصوصا والرسم المعني لايصحبه إي حوار أوكلام وإنما هو مجرد رسم ! * من الطبيعي جدا أن تعدد القراءات والمفاهيم والتفاسير للرسم -كل يراه ويفهمه من زاوية معينة وربما يتمني ويرغب البعض أن ينال الرسم أويسخر من خصمه !أي يحمل الرسم ويشحنه ببعد ومعني إضافي قد لايكون قد خطر ببال الفنان كما أن البعض يحاكم الفنان وينال منه بناء علي فهمه هو ! ثانيا فسر بعض رمزية التور الهائج بأن المقصود من عضو معين وسار كثر بهذا التفسير وروجوا له وحاكموا عمر بناء عليه ! *ففي نظرهم أن الرمز لفلان هذا بالتور المستثار -والهائج هو تبرئية وتبرير له بإعتباره ضحية وديعة يتم تهيجها وإثارتها - وأستفزازها عمدا - من قبل أصحاب الهوي والغرض والمعتديين! وقفة التشبيه بالتور الهائج - في رأي ليس محمدة ولاثناء - فأنت أمام كائن بلاعقل أو فكر أو هدف - كائن تحركه الغريزة - ورد الفعل والإستفزار - ليندفع كما التور في مستودع الخزف وتور الله في برسيمه - يفسد ويحطم ويضرب ويرفس ! وقفة ثانية إذا كان فلان هذا هو مقصود عمر دفع الله فإن المنطق يقول - أن عمر قدم لكم نصحا -وحكمة - أتركوا التور في حاله وأنصزفوا لما يفيدكم - تجاهلوه - وإن فعلتم سيصبح مجرد تور خامل ومستأنس لايهش ولاينش ! ثالثا في فهمي وتفسيري أن تور عمر لايعبر أو يرمز لشخص بعينه وأنما يعبر عن حالة وعقلية - عامة وهي أن المنبر أصبح ميدان - للإستفزاز والتهييج والتسلية والتفكه عبر نيران الصراعات المشتعلة - يقوم البعض - بالإستفزاز والإستفزاز المضاد -والإثارة ويستجيب الآخر بالتهييج بالغريزة لا بالعقل والفكر ! هنا ممكن جدا أن يتحول صاحب الراية الحمراء لتور مستفز ويتحول التور -لحامل راية الإثارة تبادل أدوار) - ويتواصل العك والإسفاف - ويتحول المنبر لساحة عراك وصراع وتتلاشي رسالة المنبر ويقل الجاد والمثمر -! حتي يمكن أن يقال الناس في شنو - والجماعة دي في شنو! الناس ديل شغاليين بسباق الحمير وصراع التيران وناسيين ماسوي ذلك ! - صاحب المنبر يتفرج وقد يستفيد من الحراك السالب -في زيادة عدد الكلكات والسلطة الإنقاذية مستفيدة من مثل الوضع !
| |
|
|
|
|
|
|
Re: والله صحي يا عبدالحفيظ كل زول بونسو غرضو (Re: فرح الطاهر ابو روضة)
|
كتبت مخالب الموساد (حاتم ابراهيم):
Quote: عثمان هذا ليس مثقف ابتداء نعرته غير السوية تجاه شخصي في ذاتها يمكن تمثيلها بأي ممن (يتسلقون) العمود.
___ نعرة قبح لازم مثارة بدافع رد الدين لمن أعاده بالخطأ هنا.
|
كتبت:
Quote: عثمان هذا ليس مثقف ابتداء
|
وهل السودانيون ينتظرون مخالب الموساد ان تحدد لهم من هو المثقف فيهم؟..ولماذا استهداف عثمان؟..هل عثمان مشهور بالسلوك السايكوباتيك المرضي لدرجة ان يكتب في كل مداخلة بانه طالب ماجستير في كلية العلوم جامعة الخرطوم؟..هل عثمان مشهور باختراع هويات (حسب مقتضى الحال) مثل علي ماهر ، حسن ستة زيرو ، كلما سوفت ، معروف ابو الحسن ، حاتم بنانا ، حاتم ، اشجار طيبة ، حاتم ، حاتم ابراهيم؟
كتبت:
Quote: نعرته غير السوية تجاه شخصي في ذاتها
|
النعرة غير السوية؟..هل له وجوه عديدة مثل: علي ماهر (مدير كلمة سوفت) ، معروف ابو الحسن (طالب ماجستير ، كلية العلوم جامعة الخرطوم) ، حاتم بنانا ، اشجار طيبة ، حسن ستة زيرو ، حاتم ، كلماسوفت..الخ؟ لماذا مخالب الموساد (حاتم ابراهيم ) سوية والأخرين لأ؟..
كتبت:
Quote: نعرة قبح لازم مثارة بدافع رد الدين لمن أعاده بالخطأ هنا.
|
هل يعني هذا ان مخالب الموساد (حاتم ابراهيم) اصبحت مالكة لمنبر سودانيز اونلاين لدرجة انها تحدد من يجب أن يكون في المنبر؟..هل هذا تلميح مفاده ان مخالب الموساد (حاتم ابراهيم) وصلت لدرجة ان تحدد من يكون في المنبر ام لأ؟..
لماذا تخشى مخالب الموساد (حاتم ابراهيم) وجود عثمان محمد صالح لدرجة انها تعتبر اعادته للمنبر خطأ؟..
يا ترى كم اسم في قائمة التصفيات التي اعدتها مخالب الموساد (حاتم ابراهيم) لإبعادهم من منبر سودانيز اونلاين؟..
كبر
| |
|
|
|
|
|
|
Re: والله صحي يا عبدالحفيظ كل زول بونسو غرضو (Re: Kabar)
|
Quote: نعرته غير السوية تجاه شخصي في ذاتها |
الزول دا بيخُم في الناس ساكت. التعبير دا يعني شنو ؤ مصدرو ياتو جهة ؟!، قطعاً اللغة ليست مصدر لهذه الخرابيط التي إن دلّت إنما تدُل علي التقعُر وإدعاء المعرفة. يا اللخو إندمِس في وآطآة الله دي ...
| |
|
|
|
|
|
|
Re: والله صحي يا عبدالحفيظ كل زول بونسو غرضو (Re: عبدالحفيظ ابوسن)
|
سلام أخ فرح أبوروضة دعني أناقشك بمنطق الماركسية لابمنطقي أنا كمال عباس.. بحسب الماركسية فإن البرجزة يمكن أن تبرز كتعبير عن واقع مادي ووجود إجتماعي - رأسمالي - مثلا وومكن جدا أن تكون برجزة "مكتسبة" إي علي مستوي الوعي - إي أن يكون وعيك برجوازي وأنت في الحقيقة عامل مسحوق - تصوت وتأييد البرجوازية - وتتحلي "بوعيها" ! * وممكن أن تكون برجوازي صغير أو مثقف من الطبقة الوسطي وتنحاز بوعيك وفكرك - للطبقة العامة أو عامة المسحوقيين - عبد الخالق محجوب - مثالا ! *البرجوازية الصغيرة - تعبر عن مايسمي بالطبقة الوسطي وهي SWING وهي متأرجحة بين الرأسمالية والطبقة العاملة - * فيا أخ فرح برنامج الحزب الشيوعي الذي تدعمه - يعبر حاليا عن العمال - والمزارعيين وناس الطبقة الوسطي وحتي الرأسمالية الوطنية ! وعشان كدة ليس غريبا أن تجد مثقف أو موظف ينحاز للطبقات المسحوقة وفي نفس الوقت يحمل رواسب وبعض معالم "وعي" الواقع الإجتماعي الذي ينتمي إليه ماديا ! هذا شي طبيعي وعشان كدة يصارع الشخص ذاته ويختزل رواسبه وينتقد نفسه ويقبل إنتقاد غيره وبإستمرار -لاتتوقع قطيعة تامة للمنحاز طبقيا - مابين أرضية وجوده الإجتماعي وفضاء وعيه الفكري ! هذه مسألة تتحمل التناقض والصراع ولا تقاس بمقياس الإتساق والقطعيات ! - الماركسية والإنتماء الحزبي - لايشكل وحده "وعيك" لا هناك العادات والتقاليد والثقافة العامة والسمات الفردية- ! * المهم هنا أن يعي المرء ذاته ومجتمعه ودوره وإختياراته الفكرية ويسعي للإلتزام الصادق بها بلا إستعراض أو مظهرية أو زيف - أو تكوين أبراج عاجية أو الإنزواء في جيتوهات حلقات مثقفاتية أو من دون الإنغلاق الطبقي الطارد للإنحياز الإجتماعي - و المراهن فقط علي دور الإجتماعي - أنت مهندس أوموظف أو مزارع -- أمشي شوف ليك حزب تاني - دا حزب عمال بس! إنتهي نحن الآن أمام غول طفيلي فاشي يتدثر بالدين ويحتكر السلطة والثروة ويهمين علي مفاصل الثروة - ويقف علي النقيض من مصالح الأغلبية العظمي من الشعب ممايتطلب الإنفتاح علي كافة هذه التيارات في معركة التغيير ! 2/ صراعات المنبر بشكلها الحالي في الغالب طابعها فردي - وذاتي لافكري أو موضوعي - ثأرات ومشاحنات وتصفية حسابات - إي زول دا يقبل حقو وماب يقبل الحقارة والتحقير - والأسلحة المستخدمة في هذا الصراع هي نفس الأسلحة المستخدمة في حياتنا اليومية - وهي إرث وإفراز وعينا الإجتماعي التقليدية - فلاتتوقع ملائكية وسمو أو شيطنة في ظل هذا الوضع! ,,
| |
|
|
|
|
|
|
|