|
Re: واحد يفهمني كلام معتز دة (Re: عبدالحفيظ ابوسن)
|
الكلام دة طق حنك ؟ ولا علم اقتصاد ؟ ولكن يجب ان تستوفي دورتها البنكية”. !؟؟؟ دة شنو دة الدورة البنكية ؟ الواحد يحاول يقراهو مرة تانية لكن للضمان كدة قبل الازمة كيلو الباسطة كان في كوستي 60 ج وبالسمن البلدي 😆😆
| |
|
|
|
|
|
|
Re: واحد يفهمني كلام معتز دة (Re: محمد البشرى الخضر)
|
أخطر حاجة بعد نفى الاتجاه لرفع الدعم قال نفكر في وسائل أخرى للدعم دا تصل للمواطن يعني باختصار رفع الدعم المباشر و يقول ليك دعمنا الاسر الفقيرة و المتعففة و فعليا سعر العيشة ح يصل تلاتة اربعة جنيه
| |
|
|
|
|
|
|
Re: واحد يفهمني كلام معتز دة (Re: عبدالحفيظ ابوسن)
|
Quote: لان جوال الدقيق اذا تم تحويله الى باسطة يباع الكيلو فيها بنحو 160 جنيهاً يكون مجديًا لصاحب المصنع حيث يربح نحو 16 مليون جنيه” واضاف ” هذا يجعل التساؤل هل يخبز صاحب المخبز الدقيق رغيق ليربح فيه جنيه او 115جنيهاً ام يحوله الى “باسطة” ويربح فيه 15 ضعافاً”. |
لقد افتضح أمركم يا ناس ودابسن. أتاريكم قاعدين تاكلوا باسطة وأيامكم باسطة، وبعد داك تجوا تقيفوا في صفوف الرغيف (كنوع من التمارين الرياضية) ولا هاميكم! أين البسطونة
| |
|
|
|
|
|
|
Re: واحد يفهمني كلام معتز دة (Re: محمد الأمين موسى)
|
Quote: وأوضح ان البنوك عندما تحصلت اموال المواطنين تعاملت بها في مرابحات او مضاربات وتحويلات، وقال ان هذه الاموال في ايدي عمليات بنكية وتعاملات سليمة ينتظر ان ترد بعد ان تكمل دورتها في عام او عامين حتى يرد المال، واضاف رغم ان هذه الاموال حق مشروع للمواطن الذي اودعها ولكن يجب ان تستوفي دورتها البنكية”.
|
فعلا دي هي المشكلة ، قال جزو من الحقيقة لاكين الكوز لازم يكضب ويخفي الجزء الاعظم من الحقيقة .. البنوك بتقرض ناس كبار زي ود كرتي واشباهه ، بدخلو السوق يعملو بيها شنو ما معروف ، شي عملة وشي عقارات وكلها نشاطات طفيلية وكمان بشروط ساهلة جدا وبكميات كبيرة ، في الظروف العادية وفي البنوك المسئولة العندها credit policy مافي زول بتجاوزا اجمالي الاقساط التي يتم تحصيلها من المقترضين كل شهر والودائع المتوقعة لابد ان تكفي تماما لحركة السحب اليومية والودائع تحت الطلب ودي اي بنك بحددا حسب حجمو وحسب خبرتو في التعامل مع العملاء بتاعنو .. مافي حاجة في البانكيننغ اسمها تكمل دورتها ، الشغل بتاع الاقراض ده سيرورة ما عندها نهاية ,, مثال بسيط : أ و ب اودعو قروش ، ج ود سحبو من حساباتهم هـ اقترض ، ع سدد قرض او قسط من قرض ، ده روتين يومي كلام معتز ده كانو المقترضين كلهم جو اقترضو في يوم واحد .. وحيسددو في يوم واحد بعد اجل ما .. الكيزان ضربو البنوك ببساطة .. والبنك المركزي خاايف يطبع كميات كبيرة يسكت بيها الناس يلقا الكبريتة بقت بمليون جنيه ..
| |
|
|
|
|
|
|
Re: واحد يفهمني كلام معتز دة (Re: محمد الأمين موسى)
|
Quote: ن هذه الاموال في ايدي عمليات بنكية وتعاملات سليمة ينتظر ان ترد بعد ان تكمل دورتها في عام او عامين حتى يرد المال، واضاف رغم ان هذه الاموال حق مشروع للمواطن الذي اودعها ولكن يجب ان تستوفي دورتها البنكية”. |
يعني الدورة دي بدأت هسي ومفروض ننتظر تكتمل، والا طول عمر البنوك بتدور القروش في دورات؟ ..... القروش الأودعناها السنة الفاتت (مفروض تكون أكملت دورتها) مشت وين؟
معتز غلبو اليسويهو.
| |
|
|
|
|
|
|
Re: واحد يفهمني كلام معتز دة (Re: محمد أبوالعزائم أبوالريش)
|
بعدينك الرقابة دي انا قبل كدة ذكرتها . ممكن اكررها توزيع الدقيق بتم بواسطة الامن الاقتصادي مع لجنة الافران الدقيق الخاشي المدينة معروف عددو بيسلم للوكيل الوكيل عندو قائمة من الامن الاقتصادي بأسم صاحب الفرن وكمية الدقيق المفروض يستلمها يعني يا سيادة الوزير ما محتاج عسكري لأي شوال دقيق ولا لأي فرن العربات تبع الامن ولا الشرطة راقدة . مع التنسيق مع الوكيل اي فرن استلم حصتو يتعرف زمنها وكميتها . والاشتغل والما اشتغل بتعرف . راجع قنواتك بس .
| |
|
|
|
|
|
|
Re: واحد يفهمني كلام معتز دة (Re: عبدالحفيظ ابوسن)
|
يعني يا ودو الكلام ماصاح ؟ ماشاهدت الفيديو . واظنو نفس بوست فرانكلي الكاتبو لم اره إلا الآن ههه يا محمد ياخ اللقيمات بقت ترف لينا خلي الباسطة فعلا يا عبدالله سمعت بدورة الجنية لكن دورة البنك دي اول مرة . من ما قمنا البنك بستثمر وبشتري ويبيع وبرضو بمرر اي شيك عميل . لكن ديل جابو القرض الحسن لي ناسهم وللاسف لايعود للبنك كما ذكرت في بوست محلها وين ما شايف العملة الجديدة لافة في السوق . غتست محل الدهب والدولار يا ابوالريش والدورة دي بدت السنة دي بس ؟
| |
|
|
|
|
|
|
Re: واحد يفهمني كلام معتز دة (Re: محمد أبوالعزائم أبوالريش)
|
كل كلامه ده يا أب سن انصاف حقائق وأعراض لأمراض الاقتصاد السوداني .. والك عارف الكلام التبريري ده .. هل معتز ونظامه لديهم حل لمشكل الاقتصاد الأزموه هم ده السؤال ؟ .. الكلام مفروض يتوجه ليهو بصورة مباشرة .. حلكم شنو ؟ .. المواطن داير يمش البنك يشيل قروشه وقت عايز .. ويمش الفرن يلقى عيش .. وبمش المحطة يكب بنزين .. ويلقى غاز وقت انبوبته تفضى .. خلاف ذلك كلام معتز طق حنك ساي .. ويبدو انه الازمة دي ستستمر ولوقت اطول مما يتخيله الناس ..
| |
|
|
|
|
|
|
Re: واحد يفهمني كلام معتز دة (Re: عبدالحفيظ ابوسن)
|
تعليق كنت قد كتبته على الفيسبوك: الزول الاسمو معتز موسى يعرض سبعة مليون شهريا لكل أسرة خرطومية. قال الكبتن معتز انو الدولة يومياً تدعم الخبز بتلتمية وخمسين مليار 😱 ده كلامه والله العظيم، اها كمان قال انو سكان الخرطوم بشفعهم ومسنينهم سبعة ملايين واربعمية الف وقال ايضا في معرض حديثه ان مبلغ الدعم المزعوم ذلك أولى به المواطن من اصحاب المصانع والمخابز وطلب من الحاضرين ان يفكروا في طريقة ليصل ذلك المبلغ للمواطنين بصورة مباشرة. اها لما نضرب مبلغ الدعم اليومي في تلاتين يوم في الشهر ونقسمه على عدد السكان واذا افترضنا ان متوسط عدد افراد الاسرة خمسة أشخاص اذن سيصبح كل أسرة سبعة مليون جنيه كاش شهريا 😀 رأيكم شنو يا ناس الخرطوم تبطلوا شراء الرغيف وتاخدوا المبلغ ده؟ على الأقل نشوف الكضب حده وين.
| |
|
|
|
|
|
|
Re: واحد يفهمني كلام معتز دة (Re: سيف النصر محي الدين)
|
يا سيف دة طق حنك وونسة زي جيتك مليون مرة ما لقيتك 😆 احكي ليك قال واحد رسمل ولدو وولدو فلس جا يحاسبو . الولد قال ليهو اكلتها في بطني . ابوهو استغرب جدا فالحياة كانت رخية . بخسة الروب بي قرش وكان زمن المليم ابوهو قال ليهو حاسبني اها الولد قال ليهو قول بسم الله روب في اليوم بي ريال ابوهو قال ليهو لا خلاس حرم ما تحسب 😆😆 فيا معتز حرم ما تنورنا بالوضع الاقتصادي
| |
|
|
|
|
|
|
Re: واحد يفهمني كلام معتز دة (Re: عبدالحفيظ ابوسن)
|
Quote: وأوضح ان البنوك عندما تحصلت اموال المواطنين تعاملت بها في مرابحات او مضاربات وتحويلات، وقال ان هذه الاموال في ايدي عمليات بنكية وتعاملات سليمة ينتظر ان ترد بعد ان تكمل دورتها في عام او عامين حتى يرد المال، واضاف رغم ان هذه الاموال حق مشروع للمواطن الذي اودعها ولكن يجب ان تستوفي دورتها البنكية”. |
هذه سرقة وقوة عين عديييييييييييييييييل الذى فهمته من كلام معتز انهم قاموا بتحويل ارصدة المواطنين فى البنوك الى ودائع لاجل فى احد البنوك العالمية بسعر فائدة معلوم . لان من ابجديات العمل المصرفى ان الوديعة لاجل ( لمدة محددة 3 شهور 6 شهور سنة سنتين او اكثر ) لايحق لك ان تسحب مال الودية ابدا قبل حلول اجل الاستحقاق .. وانت كمودع توقع على اقرار بذلك .
منتهى السفالة والرزالة وقوة العين فى السرقة على عينك يا تاجر
| |
|
|
|
|
|
|
Re: واحد يفهمني كلام معتز دة (Re: علاء سيداحمد)
|
اقتباس
Quote: .........وتحويلات...........
.........وتحويلات...........
.........وتحويلات...........
.........وتحويلات...........
.........وتحويلات...........
.........وتحويلات...........
.........وتحويلات...........
|
ومايعزز ما ذهبت اليه من رأى قوله :
اقتباس
Quote: ..... وقال ان هذه الاموال في ايدي عمليات بنكية وتعاملات سليمة ينتظر ان ترد بعد ان تكمل دورتها في عام او عامين ....
.... وقال ان هذه الاموال في ايدي عمليات بنكية وتعاملات سليمة ينتظر ان ترد بعد ان تكمل دورتها في عام او عامين ....
.... وقال ان هذه الاموال في ايدي عمليات بنكية وتعاملات سليمة ينتظر ان ترد بعد ان تكمل دورتها في عام او عامين ....
.... وقال ان هذه الاموال في ايدي عمليات بنكية وتعاملات سليمة ينتظر ان ترد بعد ان تكمل دورتها في عام او عامين ....
.... وقال ان هذه الاموال في ايدي عمليات بنكية وتعاملات سليمة ينتظر ان ترد بعد ان تكمل دورتها في عام او عامين .... |
| |
|
|
|
|
|
|
Re: واحد يفهمني كلام معتز دة (Re: علاء سيداحمد)
|
تشكر علاء واصلا البنوك في الحسابات الجارية والتوفير من حقي اسحب قروشي في اي وقت وزمن بعدينك في تناقض في كلامو يؤشر لامر غير جيد . قبل فترة صرح انو سيولة مافي لأنو المواطن بسحب وبخزن ودة يتناقض مع كلامو دة معقولة في ظل ازمة اقتصادية زي دي الوزير يصرح في جامع ؟ يفترض التصريح يكون بلغة محسوبة ودقيقة وصارمة لاجهزة الاعلام مش جامع !! وضع الناس خايفين جدا لتصاعد الاسعار بشكل يومي .. خوف من بكرة التجار لاقين يدهم في المواطن والتاجر زاتو ضحية لوضع غير مستقر شركات توزيع اوقفت البيع رأسمالية اغلقت متاجرها ومكاتبها ممكن اكون ربحان مية ج هسة لكن لو بعت ممكن اخت ميتين عشان اشتري نفس الصنف الحاصل انو مافي عملة محلية توازي الدولار زاتو ولا اي عملة اخري فقد الجنية قدرته الشرائية
| |
|
|
|
|
|
|
|