|
Re: هلاويس وخطرفات الحمى .. توجد صور (Re: Haytham Ghaly)
|
نهاية التمانينات وبداية التسعينات كانت الملاريا رفيقة الجميع
لازم في كل بيت بتلقى واحد او اتنين مصابين بالملاريا وطبعاً الحمى بالتأكيد
كنا شلة وبنتونس عن تلك الايام وكانت الحكايات طريفة مضحكة وغريبة برضو
الونسة كانت عن تلك الهلوسات وحالات الهزيان المصاحبة للحمى الشديدة
وبجي واحكي ليكم ،،،
| |
|
|
|
|
|
|
Re: هلاويس وخطرفات الحمى .. توجد صور (Re: Haytham Ghaly)
|
Quote: غايتو انا جنس كوابيس احلام متقطعة واشخاص ماتوا كوابيس تصحيني نصة ليل مخلوع وعرقان انوم وتاني اصحا مخلوع |
يا حافظ تحفظ حفيظ من الحمى وهلوساتها
الكوابيس يا حفيظ بتجي للزول النايم
لكن هلوستات الحمى دي بتجيك وانت صاحي
وبتتذكر كل تفاصيلها .. النحكيلك هلوسات واحد من اصحابي ديل
قال دايماً لمن تجيهو ملاريا وطبعاً الحمى الشديدة اكيد حاضرة
قال هو راقد ومحموم بجيهز زول قصيير وغليد ولابس بنطلون بس بدون قميص
وعندو جضوم كبااار وبقيف قصاد وشي وانا راقد في السرير بالجنبة ويقعد يغني
في اغنية سجعت تلاقينا بلابل الافراح ..
قال الشي دا بجر ليك كلمة تلاقينا دي مساااافة وتاني يجي جنب وشي ويقول .. وسجعت وسجعت تلاقينا بلابل الافراح
والتزام تام باللحن طبعاً .. المهم قال ازهج منو واتقلب على الجنب التاني واقبل على الحيطة وهو الوكت داك
بكون جاري كلمة تلاقينا هكذا تلاقينااااااااااااا .. بعد ما اقبل على الحيطة واستقر يجي طالع من تحت السرير بين الحيطة والسرير وقصاد وشي
يقول ؤسجعت سجعت تلاقينا هههههههههه
تصوير الحاجات دي بالكتابة صعب
| |
|
|
|
|
|
|
Re: هلاويس وخطرفات الحمى .. توجد صور (Re: Abdullah Idrees)
|
Quote: والله يا هيثم انا مرة شفت "الله " سبحانه وتعالى عديل في واحدة من البتاعات دي |
يا ود ادريس الصورة ما بنطالبك بيها
لكن عليك رب المجرات توصفو ساااااااي
لا زيادة لا نقصان على الاقل الواحد يعرف الصورة الفي خيالو دي متطابقة مع بقية الناس وللا اي زول الليلو براهو
| |
|
|
|
|
|
|
Re: هلاويس وخطرفات الحمى .. توجد صور (Re: Haytham Ghaly)
|
واحد تاني حكى هلوساتو وقال كانت بتجيهو دعاية الميرندا
تلك الدعاية البغنوها باللهجة المصرية : اشر معانا اشر ميرندا
وقشرة البرتكانة تتقشر في شكل لولبي طاير في الهوا والناس تلولح ايديها بنفس الحركة
قال من الزمن داك كره الميرندا لي يوم الليلة ما بشربها نهائي
| |
|
|
|
|
|
|
Re: هلاويس وخطرفات الحمى .. توجد صور (Re: معاوية المدير)
|
Quote: أكيّد تكون شُفت زكريا بتاع الطاحونة الفي حِلّة التمرجيّة، قال سيدنا زكريا قال !، أُمآل إنت لو شُفت سيدنا زكريا علي الكنزي يشوّف مِنو ؟... |
لا وحاتك يا ود المدير شفت سيدنا زكريا حسب الحلم كمان قيافة يشبه الايرانيين
علي الكنزي بكل تأكيد حا يشوف الاستاذ محمود محمد طه
| |
|
|
|
|
|
|
Re: هلاويس وخطرفات الحمى .. توجد صور (Re: Abdullah Idrees)
|
Quote: طيب .. شفت جسم طويل جدا ونحيل لابس ابيض وسابح في "لامكان" .. يعني لا سما لا واطا .. جد والله |
يا عبدالله ياخي دا وصف شنو المبوجن دا
وصفلنا وصف دقيق شوية .. يعني هل هو انسان او يشبه الانسان ام شكل تاني
قصة لابس ابيض دي توحي انو شكلو كالانسان لكن انت ما قلت كدا وريحتنا
ما تاكلنا حنك بالله وجيب الوصف الكامل
| |
|
|
|
|
|
|
|