|
|
|
 Re: هترشات (Re: علي محمد الفكي)
|
اخدت الدفتر وطلعت الشقه
ختيت الدفتر في الطاوله وواصلت مع التلفزيون
ومع المشغوليات او الوهم بي اني مشغول نسيت موضوع الدفتر
واختفى وسط الورق والكتب ومرت فتره طويله
من يوم ما عثرت عليهو او حقيقه من يوم ما وصلني .
اليوم وفي حملة لي ترتيب المكتبه لقيت الدفتر
وقررت اقرأ الفيهو شنو ..
ما عارف في اللحظه دي اتزكرت مالك بن نبي
وكتابه شاهد على القرن ..
طبعاً ناس الجزيره سارقين اسم البرنامج شاهد على العصر منو ..
دايما بنحب التقليد ومافي ابداع .. والبرنامج دا استضاف الدكتور الترابي في عدة حلقات بثت بعد وفاته ...
في الشهاده بتاعة الترابي كان فيها كلام خطير الناس ما انتبهت ليهو
عن استراتيجيتهم نحو الجيش وانو الجيش ما يكون مهنه
يتم استدعاء وقت الحروب والازمات
وطبعاً عملوا الدفاع الشعبي تنفيذ للاستراتيجيه
واضعفوا الجيش مقابل تقوية الدفاع الشعبي
وعملوا على تلميع الدفاع الشعبي عبر برنامج في ساحات الفداء
والترويج له باعتبارو حامي الحمى وانو هو الاوقف التمرد
وانو الجيش لا وجود له
دي الرساله الكان بحاول يوصله ويزرعه برنامج في ساحات الفداء في اذهان الناس
والترابي شهد شهاده مهمه وهي سقوط الاسلاميين وضعفهم امام المال ..
وحاول يجد ليها المبررات بي انو مسألة المال كانت غايبه في التربيه ..
طيب الدين مش متكامل ونظام حياة شامل حسب منهجيتهم ..
فهل الامانه ممكن تغيب عن التربيه الدينيه ..
هل الصدق ممكن يغيب عن التربيه الدينيه
فالحته دي نسف بيها الترابي المنهج ككل .
وضعف الارتباط بالاسلام عند الاسلاميين السودانيين
ظهر بي وضوح في كل ممارساتهم وتبين انهم يقولون ما لا يفعلون ..
وممارساتهم بينت ان الدين شرق وهم غرب وان لا علاقه لهم بالاسلام كمنهج ونظام حياه .
فالمحك الحقيقي لاي منهج او نظريه هو التطبيق العملي وليس النظري
كنت اتمنى ان يتم تناول النقطتين ديل باسهاب
لفضح نظام الجبهه الاسلاميه وبيان نواياهو السيئه تجاه الوطن
فما الجيش براهو الاتدمر كل مرافق الدوله اتدمرت
وبعد منهجهم عن الاسلام عملياً
لكن الترابي نجح كعادته حتى وهو ميت
في ان يشتت تركيز الناس عن الموضوع الاصلي
فخلى الناس كلها تركز نقاشه في ليه طلب بث الحلقات بعد وفاته ؟
والترابي شغل الناس في الدستور بي كلمة التوالي السياسي
وركزت الاحزاب والاعلام في كلمة التوالي
وتركوا باقي الدستور الذي هو الاساس واستطاع ان يمرر اجندته من خلاله
والترابي يفهم تأثير استخدام اللغه والكلمات ويجيد توجيهها
وقد افرد في كتابه الشورى والديمقراطيه حيز كبير لاستخدامات الالفاظ وتاثيراته
| |
 
|
|
|
|
|
|
|
|
Re: هترشات (Re: علي محمد الفكي)
|
واسيني الاعرج جاء قافز الى واجهة الذاكره ايضاً
واتزكرت طوق الياسمين وعيد عشاب وسيلفيا
وعلاقة الحب البينهم
ورفض والد سيليفيا زواجهما بسبب اختلاف الدين مع عيد عشاب
ومذكرات عيد عشاب الاهداها ليها
وتساؤلات سيلفيا وهي تزور قبر والدها
هل التقى بعيد عشاب في حياة ما بعد الموت
وهل اختلف التراب لذي ضمهما
ام انهما خلقا من نفس الاصل وعادا لنفس الاصل
ولماذا يكون الدين سبب للكره والتفرقه بين البشر وباسمه يتم وئد الحب
وتسألت هل عقلانية عيد عشاب كانت منطقيه
وهو يرفض ان يهرب مع سيلفيا ورفض تضحيتها باسرتها ؟
وهل صحيح ان الحب يكون للحبيب الاول
زي ما حاول واسيني تصويره لدى سيلفيا
التي رغم زواجها كانت تعيش بقلبها مع عيد
بل حتى عندما فكرت في الانجاب
اختارت ان يكون انجاب غير شرعي من حبيبها ..
وهل الحب ممكن يكون مبرر لتلك الخطيئه ؟
ولماذا نجبر المحبين على اختيار الطريق الاخر. ؟
هل الدين يرضى ذلك
وهل الحب الا رحمه من رحمات الله ينزلها على القلوب
فكيف نقتل ونئد الرحمه باسم الدين ؟
| |
|
|
|
|
|
|
|
|
|
Re: هترشات (Re: علي محمد الفكي)
|
واسرح مع طوق الياسمين وابن عربي
والمختار ومسيح دارفور عند بركه ساكن والنزعه الصوفيه
وهل كان يقصد بركه بشخصية مسيح دارفور والمختار محمود محمد طه
رغم انو قالوا لا تحاول ان تسقط الروايه على الواقع لتفسد متعتها
وتفسد الواقع
ويطل محمود محمد طه وهو خريج مدرسة التصوف
اذكر وانا في الثانوي وجدت كتاب الرساله الثانيه لمحمود محمد طه في مكتبة الوالد
وكان بي نهم دائم للقرأة فاخذت الكتاب وبدأت اقرأ
ولكن عندما حضر الوالد من العمل شال مني الكتاب
دون ان يعلق واعتقدت انو عاوز يقرأ فيهو
لكن بعدها اختفى الكتاب من مكتبته
وكان ذلك بعد اعدام محمود بتهمة الردة بسنوات عدد
وحقيقه لم اجرب بعدها قرأة كتاب لمحمود وان كنت اتابع سيرته عبر الاسافير
ولمست النزعه الصوفيه عنده عبر المتابعه لهذه السيره
اضف الى ذلك بعض احاديث للوالد رحمه الله عنه
خلال فترة عمله بمدينة كوستي في بداية السبعينات
وكذلك في مدينة رفاعه
ومما ذكره ان محمود كان يقدم دروس في المسجد ويخطب الجمعه
فهذا جعل فكرتي عن محمود ومنهجه السياسي
بالنسبه لي منهج اسلامي يستمد جذوره من الدين
وان محمود مفكر ومجدد اسلامي في الاصل
قد يكون شذ عن المألوف ودخل في المسكوت عنه خوفاً
وفي هذه هناك مشابهه بينه وبين الترابي بجراته ايضاً في كسر المألوف ..
هذا بعيد عن الاتفاق او الاختلاف مع اي من الرجلين
طيب بما ان محمود مفكر اسلامي مجدد ولقى مصير كثير من المجددين
فالتجديد مرفوض لدى الكهنه وحراس الدين
هو بالله دين ربنا عاوز ليهو حراسه من البشر ؟
وربنا ما قادر يحمي دينو ؟
طيب بما انو النهج المحمودي نهج اسلامي
حتى ولو كان خاطئ فهو في النهاية اجتهاد قائم على الدين
علاقة الشيوعيين بيهو شنو
مش الناس ديل علمانيين والدين عندهم للعباده بس ولا علاقه له بالحياه
ولا احتفاهم بي محمود من باب ركوب للموجه ومن باب العداء للجبهه الاسلاميه
انا فهمي انو المبادئ لا تتجزاء
| |
|
|
|
|
|
|
|
|
|
Re: هترشات (Re: علي محمد الفكي)
|
مع اسلامية محمود وحفظو للقران وانو كان خطيب في المساجد
لكن تم اعدامه بتهمة الرده
هنا اتزكرت النزعه الصوفيه لمحمود واتزكرت قصة ابليس وعبد القادر الجيلاني
وهي قصة شهيره يرويها المتصوفه وتقول
ان عبد القادر الجيلاني كان في احدى خلواته وتمثل له ابليس في شكل نور
وقال له انا ربك يا عبد القادر وقد رفعت عنك الصلاه
فقال له عبد القادر لعنة الله عليك يا عدو الله
الصلاه لم ترفع من خير حلق الله
فكيف لها ان ترفع عن الفقير عبد القادر
ثم ابليس دا هل هو من الملايكه
( واذ قال ربك للملائكة اسجدوا لادم فسجدوا الا ابليس )
يعني ابليس منهم
والملايكه حسب ما علمونا لا يعصون الله
فكيف عصا ابليس
والملايكة لا يتزوجون وابليس عندو ذريه وابناء
زي ما علمونا برضو انو يسأل ابناؤه عن ماذا فعلوا ببني ادم وبماذا اغوهم
والثابت ان هاروت وماروت من الملايكه ودا بي نص القران
والاثنين عصو الله
وما انزل على الملكين ببابل هاروت وماروت وما يعلمان من احد حتى يقولا نحن فتنه فلا تكفر
اها اسه نصدق كلام المشائخ البقولو لينا ولا نصدق القرأن
يَا أَيُّهَا الَّذِينَ آَمَنُوا قُوا أَنْفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ عَلَيْهَا مَلَائِكَةٌ غِلَاظٌ شِدَادٌ لَا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ
هل في تعارض ما اعتقد
لانو هنا ملايكه مخصوصين مش كلهم
ديل ملايكة النار
اذا كان الملايكه جميعهم ما معصومين من الخطأ
وما عندهم قداسه تمنعهم من الخطأ
فكيف عاوزننا ندي قداسه لي بشر مثلنا
نفس الخلق والعقل
كل الفرق بينا وبينهم انهم نصبوا نفسهم علماء دين
ثم انو القران دا نزل كمعجزه للناس كافه
وصالح لكل الازمان
يعني الفهم ليهو يتغير بتغير الزمن وادواته
فالفهم في 1200 م اكيد يختلف عن 2018م
والقرأن خاطب الناس كافه باعمال العقل للوصول الى الله
وفي فهمي ان هذا يعني ان ما يقبله العقل من الدين وما لا يقبله يفتح الله
طبعا العقل السليم
وفي الحديث استفت قلبك ولو افتوك
دا بثبت كلامي الفوق دا
يعني نفهم ونعمل ومافي وصايه على الدين
ولا نعمل بي فهم غيرنا هم يفهموا بالانابه عنا لانهم بملكو الادوات
وتكون في وصايه على الدين
| |
|
|
|
|
|
|
|
|
|
Re: هترشات (Re: علي محمد الفكي)
|
وانا ممسك بالدفتر الازرق استغرقتني الزكريات والتهويمات بدرجه عجيبه
وخطر في بالي الكتاب الاخضر لمعمر القذافي
والكتاب دا من هم اكبر منا عمراً
افهمونا ان القذافي اراده بديل عن القرأن
ومعزورين طبعاً لانهم اتأثروا بالاله الاعلاميه المايويه
ولكن عندما قرأته اكتشفت زيف الدعايه
فالكتاب عباره عن منهج دوله وتنظير لنظام سياسي
هو اللجان الشعبيه الاتخذه القذافي كنظام للحكم
ولكن الاعلام صاحب الغرض اوصل فهم انو القذافي تحدى به القرأن
ومتابعتي لمجلة الشاهد فتره من الوقت
عبر شلة الطرادات الخمس غير كثير من ما وصلني بالتواتر عن القذافي ..
ودا بوري خطورة ان تكون لك اله اعلاميه
وعبد الناصر ساق الامه العربيه لحتفها
بسبب الته الاعلاميه وجند كل العرب لتأييد حروبه العبثيه
ووما زال كثير من القطاعات تمجد عبد الناصر ومتأثره باعلامه
والانقاذ سيطرت على الاعلام
والان المواطن العادي يتلقى كل شي من اعلامها
ومن تأثير الدعايه الانقاذيه
العامه الان يقولو ليك منو البديل
وعاوزين ترجعونا تاني لي ناس الصادق والميرغني
ولا عاوزين يحكمونا الشيوعيين الكفره
مع انو هؤلاء رمضاء مقارنه بي نار الانقاذ
والمستغرب ان المعارضه السودانيه اهملت الجانب الاعلامي تماماً
الا من بعض الاشاعات عبر مواقع التواصل والانترنت
وهي ضرره اكثر من نفعها لانها بتفقدك المصداقيه
معارضه لا تملك قناه فضائيه ولا صحيفه حتى ولو في المهجر
فالاعلام مهم لتبصير المواطن بحقوقه وتعبئته
وكذلك لتنوير الرأي العالمي بجرائم النظام
وكسب مؤيدين ومناصرين لقضايا الوطن
معارضه بدون اله اعلاميه
لا شك انها عرجاء وصماء وكسيحه وعمياء
وهذه هي معارضتنا
لذا الانقاذ تمرح وتسرح وستكمل ال 30 عام بعد شهرين
وطاغيتها يفكر في الترشح في 2020
ولا نسمع صوت مضاد لترشحه الا صوت اهل بيته
عجبي
| |
|
|
|
|
|
|
|
|
|
Re: هترشات (Re: علي محمد الفكي)
|
وعلى طاري الكتاب الاخضر
سافرت الزاكره الى الجزيرة الخضراء
وحيا الله تلك الايام النضره التي قضيتها في رحابها
فقد شكلت وجداني
وهذه من حسنات الخدمه المدنيه في الماضي
التنقل بين المدن فيكتسب الابناء و حتى الاباء
المعرفه بالسودان وتراثه وعاداته ومدنه ومناطقه
وتجد ان لك صداقات ومعارف في مدن متعدده
ووزكريات وحنين لبقاع مختلفه واناس مختلفين ...
وشلة الطرادات الخمسه كانت ثمره من ثمار الجزيرة الخضراء
فكان لنا مكتبه تبادليه عامره
فكل واحد يشتري كتاب مختلف ومجله مختلفه
وبثمن كتاب واحد نقرأ خمس كتب
واسم الطرادات جاي من طرادة الفطور
ونحن بالمدرسه المتوسطه فكنا 5 طرادات
نستهلك 4 والخامسه للمكتبه ..
وكانت لنا صولات وجولات وقفشات ومقالب ومواقف
اتزكر تلك النقطه
التي عندما نصلها في طريق العوده الى منازلنا
او حقيقه منازل الثلاثه الاخرين
فانا وايمن نتسكع معهم الى هناك فقط
فبيوتنا بالقرب من المدرسه
وهذه النقطه لها سر ففي نفس اللحظه التي نصلها
تصل اليها افواج البُني او علب الصلصه
بنات المتوسطه الذاهبات في الاتجاه المعاكس
لنا صديقنا احمد كان يسميها النقطه السوداء
محتجاً بان النظر والبسمات ذنوب بلا فائده حقيقيه
وكنت اسميها الملتقى
كيف لا وفيها تطل منى بعنيها النجلاوتين
وهي تمشي الهويني كما يمشي الوجي الوحل ..
تطل كقائد الاسطول فنرتبك جميعنا
وكل منا يقول ان الابتسامه كانت له
وكنت اكثر حظاً منهم فمعرفتي بها شخصيه فهي جارتنا
التقيتها بعد تلك الفتره مرتين مره في الجامعه
ومره معها زوجها ووالدتها زارونا في منزلنا بالخرطوم
وعندما قصصت زيارتها لصديق
رد صديق بتكون كبرت واتبشتنت بعد العرس
فقلت له منى ستظل منى والدهب لا يصداء وهي كذلك
اين منى الان لا ادري
صديق يعاني الغربه في السعوديه
احمد مثل صديق غريب ديار في السعوديه
وايمن اختار ان تكون المانيا هي منفاه الاختياري
جعفر ما زال متمترساً في الوطن اصلو الشيوعيون ديل بتاعين نظريات
الغريبه الخمسه منهم واحد كوز يحترق بنار الغربه
وشيوعي يستظل بفيئ الوطن
وواحد حزب امه يحترق بنار الغربه
واثنين فلوتر تحرقهم الغربه والدراسه والعمل في ان واحد
| |
|
|
|
|
|
|
|
|
|
Re: هترشات (Re: علي محمد الفكي)
|
شكرا أخ علي,
هترشات جميلة وقرأتها بتمعن,
انقطع سيل الحكي عند اخذ الدفتر من السيارة والاحساس بأن حادثاً سيحصل وكنت
اتصور فحص الدفتر كاملاً والخلوص إلى كيفية وصوله للسيارة أم شيئاً كهـذا
فعلاً شهادة الترابي على العصــر لم تكــن شهادة خالصــة لله,
حاول فيها التعميـة كعادتـه دائمــاً وصرف الانظــار
وقصـة أن التحصين من أكل المال العـــام لم يكن جزءاً من برامــج التربيــة التنظيمـيـة
لا تقنــع ابن الخامســة من العمــر
يا كافي البــلا .. كان انت ما ربيتهــم على طهارة اليــد .. في بيوتهــم أهلهــم ما ربــوهــم
أخــدت احســاس من شهادة الترابي على العصــر أنـه يتحــدث عن أناس أخذهــم من اصلاحيـة
كوبـر وليس من بيوت فاضلــة
والناس في بلـدي لا ينتبهــون ولا يهتمـون بالمهـم من الأمــور ويتركــون الثعالـب تمرح وتسرح
كان الله وكيلاً للغافليــن الطيبين
أحمـد الشــايقي
| |
|
|
|
|
|
|
|
|
Re: هترشات (Re: محمد المسلمي)
|
Quote: والناس في بلـدي لا ينتبهــون ولا يهتمـون بالمهـم من الأمــور ويتركــون الثعالـب تمرح وتسرح
كان الله وكيلاً للغافليــن الطيبين |
مولانا احمد الشايقي
لك التحيه والشكر
زمان واحنا صغار كنا نتشاكل ونتصالح خلال دقايق وننسى
وكان هناك اثنين مشهورين بالقصه دي حتى اطلقنا عليهم لقب صوليح وحوريب
مع الغفله نحن مصابون بالنسيان
فبالامس رأينا كيف مجد البعض غندور
وحاولوا يحولوه الى بطل
كأنه لم يكن لمدة 30 عام عجاف جزء من منظومة الدمار الشامل في البلد
وقس على ذلك
ليس رفضاً لباب التوبه والعوده ولكن بعد ان تدفع ثمن ما اغترفت يداك
وبعدها مرحب بك لتبدأء من جديد
وكسبك الابيض الجديد هو الذي يقدمك لا تأريخك الاسود
شهادة الترابي شهادة ترمي بأي تنظيم الى مذبلة التأريخ
ولكن داء الغفله والتغافل والنسيان والتناسي المتمكن منا
| |
|
|
|
|
|
|
|
|
|
Re: هترشات (Re: علي محمد الفكي)
|
Quote: الاخ الاستاذ علي محمد الفكي سلام
اجمل مماكتب في الربع الحالي
-------
هترشات زول مبدع |
الاخ العزيز محمد المسلمي
لك مني التحيه
ربنا يجبر بي خاطرك يا اخ
شاكر ليك
| |
|
|
|
|
|
|
|
|
|
Re: هترشات (Re: علي محمد الفكي)
|
يا ترى ما هو سر هذا الدفتر الازرق
واي قوه خفيه تكمن فيه
فقد توالت علي الزكريات وانا ممسك به
ما ان يغادرني طيف قديم حتى تزورني اطياف من الماضي
الان تمر امامي مواكب الدعايه الانتخابيه للمرشحين في انتخابات العام 86
واسمع مكبرات الصوت على العربات التي تجوب الشوارع تدعو لليالي السياسيه
فسمعنا اسم عمر نور الدائم -- وعبد الرسول النور
والشريف زين العابدين -- واحمد سعد عمر
محمد طه محمد احمد -- ابن عمر محمد احمد
محمد ابراهيم نقد - - والخاتم عدلان
تيسير مدثر -- الريح السنهوري
وكثير من الاسماء
واشاهد في ميدان المولد ونادي الموظفين نادي المعلمين بتلك المدينه الاقليميه المعارض الحزبيه
كنا وقتها في نهاية المرحلة الابتدائيه
وكنا نشاهد من نعرف من طلاب الثانوي والجامعات وهم ينشطون في تلك الفعاليات
فياخذنا الشوق الى ان نصل مرحلتهم ويكون لنا دور في هذا الحراك السياسي
وعندما حانت ايام الانتخابات كنا نشاهدهم يجوبون المنازل حاثين الناس على التصويت
فنزيد شوقاً لان يكون لنا دور
| |
|
|
|
|
|
|
|
|
|
Re: هترشات (Re: علي محمد الفكي)
|
ونحن في احلامنا بالمشاركه في النشاط السياسي
وقبل ان يبلغ حلمنا التحقيق ونبل شوقنا بالظهور على المسرح
شاءت الاقدار ان ينقض غول الجبهه ويسرقوا احلامنا واشواقنا
جيل كامل لم يشارك في العمليه الانتخابيه
ولا يعرف كيف تدار الحملات الانتخابيه
وكيف تكون الدعايه للبرامج الانتخابيه
وماذا تعني الانتخابات
ولا يعرف كيف يدير العمل السياسي
هذا هو جيلنا واالجيل التالي له
فالاحزاب الان بلا كوادر هذه حقيقه
فالتنظير وحده لا يبني الكوادر فلابد من الممارسه العمليه
لماذا ترفض احزابنا الانتخابات لماذا لا تعتبرها فرصه لبث الروح في كوادرها
وتزييت الصدئ من التروس لتتحرك بعيد عن نتائجها
فرصه لتدريب الكوادر وتمرينها
فرصه لبعث الامل في الديمقراطيه وفي الانتخابات في نفوس الشعب
فرصه ليعرفهم الشعب بعيد عن الاله الاعلاميه للنظام
ثم هي فرصه للتغيير
فالطرق الاخرى فشلت في تغيير النظام طيلة 29 عام
جربت الاحزاب العمل المسلح والمعارضه الخارجيه
وكنا نسمع سلم تسلم من زعيم التجمع وهو الان جزء من النظام
وجربنا تهتدون ثم العوده في ترشدون باتفاق ثنائي
وجربنا الاتفاقات الثنائيه مع النظام
وجربنا التظاهر والتخابر وطلب العون من العالم
وكل ذلك والنظام باقي
فلماذا لا نجرب التغيير عبر الانتخابات
حتى ولو لم ننجح في المره الاولى نكون كسبنا الاعداد للجولات القادمه
حال رافضي الانتخابات اخشى ان يكون مثل حال الفلسطنيين والعرب مع اسرائيل
بعد ان كان مجرد الاعتراف باسرائيل والرضا بدولتها في حدود 48 هو المفتاح
اصبحوا الان يبحثون عن حدود 67 منقوصه من القدس اساس القضيه
الواقعيه مهمه في الممارسه السياسيه
| |
|
|
|
|
|
|
|
|
|
Re: هترشات (Re: علي محمد الفكي)
|
في فترة انتخابات ما بعد الانتفاضه
كنا نسمع هتافات عاش ابو هاشم
ولا نصادق غير الصادق
ويا محمد احمد همتك صوتك امانه في ذمتك
قائد اسلامي يا الترابي
والملاحظ في غالب الهتافات دي ارتباط التنظيمات بالاشخاص
واضفاء القداسه عليهم
وبالتالي ارتباط المؤيدين بالشخص لا بالمنهج
ودا من اخطأ تجربتنا في الممارسه الديمقراطيه
وبالتالي لم يخرج الناس مدافعين عنها يوم سرقت
لانهم كانوا يعتقدون ان اصحاب القداسه هم من يفعلون ذلك
واحنا في ارتباطنا نسينا انو حتى الرسول صلى الله عليه وسلم
نهانا الله ان نربط المنهج به
وما محمد الا رسول قد خلت من قبله الرسل
ونادى ابوبكر يوم وفاته من كان يعبد محمد فان محمد قد مات
ومن كان يعبد الله فان الله حي لا يموت
فمن كان مع المبداء لا يضيره توالي الزعيم وتنكبه عن المبادئ
لذا تبقى الفكره وتستمر وتتجدد وتقوى على الانكسار
ولا يطمع اصحاب الهوى في ديمقراطيه قائمه على المبادئ والافكار
وبعد الانتخابات وظهور النتيجه كنا نسمع الهتافات
عصايه حديد تكسر الايد
وهذا الهتاف كان اعلان لفوز مرشح حزب الامه
وسقوط مرشح الحزب الاتحادي الديمقراطي
لماذا الهتاف المعادي على المنافس
وهل هذا المنافس الذي هتفت بكسره و هتفت ضده
سيكون حزينا اذا جاء العسكر وسرقو كرسيك النيابي
وهل سيدافع عنك معه ؟
فرق كبير بين المنافسة والعداء
فنحن شركاء من اجل هدف واحد وان اختلفت الافكار
فالوصول لهذه القاعده صمام امان للمارسه الديمقراطيه
وستحمي اي تنظيم من التفكير في اقصاء الاخرين
عبر الاستعانه بالعسكر
وبالتالي ستستمر التجربه الديمقراطيه
من خلال تكرار الممارسه الانتخابيه
وتقوى وتزهر
وتفيض خير وبركه وتنميه وعداله
وشفافيه ومساواه وسلام ورضا
على الوطن والمواطن
| |
|
|
|
|
|
|
|
|
|
Re: هترشات (Re: Biraima M Adam)
|
في تلك المدينه الاقليميه لم نكن نعرف الى اي قبيلة ينتمي الجيران
فقد جاءوا من مناطق شتى ربط بينهم العمل
والسكن في تلك البيوت الحكوميه
وازكر منزلنا فيها بكل تفاصيله
غرفة وصالة ومطبخ ومظله خارجيه وباب خارجي من الخشب باللون الاخضر
ثم غرفة الضيافة وصاله من الخشب والنملي
تفتح غرفة الضيافه والصاله وفي حديقة محاطه بالسلك الشائك واشجار الحناء
وبعض حيضان الخضار التي كان يحرص الوالد على زراعتها
زصف من شجر الريحان وزهور صباح الخير
وبالحديقه ايضاً غرفه منفصله كانت بمثابة غرفة الاولاد
وكانت منتداي انا والشله نقضي كل نهارنا فيها ايام الاجازات
فللعصريات نشاط اخر حيث لعب الكره
اما فترة الصباح فكانت للعب البلي
وكان كل الجيران اهل رغم عدم وجود صلة الدم
والكل مربي واب وام
ولا انسى يوم تشاكل وتغالط ياسر وجميل في لعبة البلي
وياسر يصر ان جميل لم يخرج البليه من المربع
وجميل يحلف انها تجاوزت الخط
وقال ياسر لجميل امشي يا مسيحي يا كافر انت بتعرف ربنا
وللحقيقه هذه اول مره اعرف ان جميل واسرته مسيحيين
وكان وقتها عم ابكر دومايه سواق المجلس مار بالطريق
وسمع ياسر فنال ياسر علقه من عم ابكر وتوبيخ
لم يتردد عم ابكر في ضرب ياسر رغم انه يعلم ان والده
هو رئيس قسم الشرطه وتزين كتفه نجمتان وصقر
ولم يحتج والد ياسر او نسمع انه تخاصم مع عم ابكر
واننا رغم وجودنا الكثير في الشارع ولكن خوفنا من جميع من هم اكبر منا
وقيام كل الكبار بتقويمنا متى ما راى احدهم اعوجاجا في سلوكنا بالشارع
كل ذلك كان عاصم لنا
والشاهد ان كل الناس هناك اهل
وان لم يجمعهم الدم
ولم نسمع عن القبيله
التي اطلت الان بوجهها القبيح لتقسم الناس
وتميز وتفرق بينهم
بل نتمترس خلفها لنقتل بعضنا البعض
فهل المجتمع يتقدم ام يتأخر
الناموس الطبيعي هو التطور
ولكنا رجعنا مئات السنين للخلف
واصبح يقرقنا الدين وتفرقنا القبيله
والمؤسف ان المثقفين والنخبه هم من قاد رسن ركاب الوطن نحو الخلف
واعاده للقبيله وذلك من اجل مكاسبهم الشخصيه
فقد زكوا روح القبيله واثاروا العصبيه ودفعوا اهليهم للموت
وإن كان النظام الانقاذي قد وضع اصابع الناس على اعينهم
فابناؤهم المتعلمين والمثقين هم من حركوا هذه الاصابع داخل العين
لتدمع وتتوجع
والمتعلمين والمثقين كان اولى ان يقودوا الناس في طريق التنوير
وان يسدوا الطريق على النظام ليحقق ضالته بتمزيق النسيج الاجتماعي
ولكنهم اخلدوا الى الارض ورضوا بالصعود الى اسفل على اجساد البسطاء من اهلهم
متناسين الحرب ليس فيها رابح الجميع فيها خاسر
بسبب الحرب اصبح الملايين في معسكرات النزوح او في العشوائيات حول المدن
لا لشيء الا لان ابناؤهم المثقفين ارادوا الصعود على اكتافهم
تخيلوا معي اسر كانت تعيش في رغد وعزه واكتفاء من ارضها
امنة مطمئنه تزرع وتحصد وتكرم الضيف وتعين المحتاج
يذهب ابناؤها الى المدارس
اصبحت الان تعيش في خيام وصنادق تمد اليد للمنظمات
ونشأ فيها جيل من الاميين فلا مدارس ولا صحه
فليس هناك اقسى واذل من حياة النزوح
فهل هذا ما اراده المقفين والمتعلمين لاهلهم .. ؟
اتقوا الله يا هؤلاء في اهلكم
| |
|
|
|
|
|
|
|
|
|
Re: هترشات (Re: علي محمد الفكي)
|
عندما تزكرت المثقفين والحرب والسلاح
تزكرت عبد العزيز بركه ساكن ورماد الماء
فقد راهن زعيم قبيلة لالا
على التعليم كوسيلة للنهوض بالقبيله
وارسل اولاد القبيله للخارج للتعليم وحملهم بكل المال اللازم
وكل ليله يجلس وحوله اهل القبيله
يحلمون بمستشفى ومدرسه بعد عودة ابنائهم
غاب الابناء عشرات السنوات وانقطعت صلتهم بالقريه
وعادوا كرماد الماء طالبين من اللا لا التمرد وحمل السلاح
فبدل المستشفى والمدرسه والعلاج والطبشور
حملوا معهم الرصاص والسلاح
انتظرهم اهلهم لياتوا لهم بالعمران والحياه
انتظروهم ليعلموهم الكتابه والقراه
فجاءوا يعلمون الشباب حمل السلاح
ارادهم اهلم رسل محبه ومعرفه
فجاءوا ينادون بالحرب والكراهيه
جاؤهم بالموت
انتظرت اللا لا طويلاً حصاد ما دفعته من ذهب ومال
فكان جزاؤها جزاء سنمار
كان جزاؤها ان حمل لها ابناءها الدمار
وهذا حال كثير من المتعلمين من ابناء الهامش
علمهم اهلهم ليخرجوهم الى الحياه
فحملوا لهم الموت والحرب
وليتهم اقاموا وسط المحاربين
وليتهم حملوا معهم السلاح
ليعرفوا قيمة فاتورة الحرب
ولكنهم استلموا شيكات العماله وعاشوا بها في العواصم الاجنبيه
وحصدت القبيله السراب والخراب والموت
| |
|
|
|
|
|
|
|
|
|
Re: هترشات (Re: علي محمد الفكي)
|
مبارك عليكم العيد
ويا رب ينعاد العيد علينا وعليكم بالخير والبركات
وعلى الوطن وقد دحر الظلم والظلمات ورفرفت فيه رايات
الحريه والعدل والسلام والانتاج
| |
|
|
|
|
|
|
|
|
|
Re: هترشات (Re: علي محمد الفكي)
|
العيد وما ادراك ما العيد
وانا ابيت في غربة لا النفس راضية عنها ولا الملتقى من شيعتي كثب
المناسبة واحده وما ابعد المقارنه
ثارت الخواطر ومر فيلم شجي من الزكريات
وتوقفت كثيراً عند لقطة النوبه ونحن اطفال نتبعها في تلك المدينه الاقليميه الوادعه
وثبتت صورة الريح وهو يضرب على النوبه
ويترنح الذاكرون على ايقاعاته وتسمع الله الله
والريح وما ادراك ما الريح
ضارب النوبه الماهر ولاعب الكره الفنان والميكانيكي الحاذق
كان من امهر الهدافين واسرعهم في دوري الدرجه الاولى بتلك المدينه
يمتعنا بابداعاته واهدافه في دار الرياضه
وتراه الصباح متوشحاً بملابس الكادحين المزينه بالشحم والزيت
في المنطقه الصناعيه يعالج السيارات ويعيد لها العافيه
وفي المساء تجده في حلقات الذكر يملؤه الحب والصفاء الصوفي
وعلى ذكرى الريح يخطر بالبال اللاعب الفنان درة الملاعب
الاستاذ والمربي عبد المحمود يس ( سارديه )
هذا الموهوب الجميل معلم الاجيال والخطاط والرسام
واللاعب الموهوب الذي اجمع كل من شاهده انه من امهر لاعبي كرة القدم في السودان
تكامل عجيب في الشخصيه
قبل ان تصبح كرة القدم مهنه لا متعه
ويدخل على ادارتها الادعياء الذين اتخذوها سلم للدعايه لانفسهم ولغسيل اموالهم
وقبل ان تصبح مكان لغسيل الاموال واعادة الحياة لتلك الاموال الفاسده
| |
|
|
|
|
|
|
|
|
 Re: هترشات (Re: تماضر الطاهر)
|
تماضر الطاهر
ينعاد عليك العيد فرح وسرور
لك التحيه وانتِ تقدمين نفسك بمنتهى الاناقه والالق في حوش بكري
شاكر مرورك من هنا وتغريظك للهترشات التي اثارها الدفتر الازرق الغامض
| |
|
|
|
|
|
|
|
|
|
Re: هترشات (Re: علي محمد الفكي)
|
في موسم التداعيات هذا كانت مدرستي المتوسطه حاضره بقوه
وكيف لا ولنا فيها كثير من المواقف والزكريات
وحتى صداقاتي التي استمرت حتى الان ابتدأت من هناك
رغم مروري بمراحل دراسيه بعدها وانتقالي الى مدن جديده
بل وبلاد جديده ولكن صداقات تلك الفتره ظلت موجوده
وان انقطع بعضها فتره ولكن اعادته التكنلوجيا عبر وسائط التواصل
مكتبة المدرسه ونادي المدرسه استاذ ادريس مشرف المكتبه وكنت وقتها رئيس جمعية المكتبه
استاذ ابراهيم مشرف الجمعيه الادبيه وما ادراك ما الجمعيه الادبيه في المدارس المتوسطه وقتها
والتي اعتقد انها خرجت كثير من المواهب او كانت نقطه انطلاقهم واكتشافهم للموهبه فيهم ...
واختفاء هذه النشاطات وتسيسها
عبر ما سمي بوكالة النشاط الطلابي وئد الابداع في المدارس
( وكالة النشاط الطلابي على حسب معلوماتي كانت هي واجهة تنظيم الاتجاه الاسلامي في المدارس والجامعات في بدايات الانقاذ )
وهذه جريمه من جرائم الانقاذ ممارسة عملها السياسي عبر الاجسام الحكوميه
وبالتالي صرف ميزانيات لعملها التنظيمي عبر وزارة الماليه
والجبهه الاسلاميه برعت في اتخاذ الواجهات التي استزفت بها الميزانيات في عملها السياسي
وهذه الواجهات كثيره لا حصر لها بل في كل مرفق توجد واجهه هي غطاء
من اجل صرف ميزانيه من الدوله لهذا العمل مثل جمعيات القرأن الكريم في المصالح الحكوميه .
وكانت الجمعيات الادبيه قبل ان تخبو نارها في منتصف التسعينات بفعل الانقاذ مفرخه للمواهب
واتزكر في واحده من جمعيات فصلنا وكنت مقدم الجمعيه
وكان الهلال خسر نهائي ابطال افريقيا وكنت هلاليا متعصبا
فكان بعض الاصدقاء المريخاب يلوحون لي بايديهم وبعلم المغرب
فكان ان صرفت لهم بركاوي عبر المايكرفون وعبر الهواء مباشره ...
وكان استاذ م ينوب عن استاذ ابراهيم فاخذني الى المكتب ووبخني
واعطاني محاضره في الاسلام والمحظورات ما يخرج من المله
وبعدها نلت علقه ما زالت عالقه بالذاكره
والطريف في الامر ان الاستاذ م كان واقف لت وريحة العرقي فايحه منو لكن كفرني برضو
وانا لسان حالي الداخلي لو غيرك يقول هذا شفتو التناقضات كيف عندنا ..
والغريبه التكفير ساهل عندنا فهذا ليس الموقف الوحيد الذي كفرني فيه واحد من معلميني
اتزكر في حصة الجغرافيا في الصف الاول الثانوي
سالت استاذ الزين وهو يحدثنا عن كروية الارض
سالته في اي اتجاه يصلي الذين هم اسفل الكعبه فقال المدرسه جابت ليها كفار وزنادقه ..
ودا بدل على اننا نرفض النقاش الموضوعي واعمال التفكير وقوالبنا جاهزه
عشان كده بندي القداسه للاشخاص وبنرفض اي فكر جديد ..
وبنقتل ملكة التفكير والنقاش والشك الابداعي لدى الاطفال
وامثال هؤلاء المدرسين قتلوا فضيلة التفكير والابداع وحرية الراي
والشجاعه في قول الراي ..
| |
|
|
|
|
|
|
|
|
|
Re: هترشات (Re: علي محمد الفكي)
|
اعود لموضوع المنتدى الثقافي الفكري
فقد التف الطلاب حوله ووجدنا الدعم من بعض المعلمين
ولكن الانقاذ وطلابها الذين لا يريدون ان يفكر احد خارج صندوقهم
او جسم مستنير في المدارس نعتونا بالشيوعيه
والاختلاط المنحل على حد قولهم بل والكفر
لاننا رفضنا ان نسجل رابطتنا في ما يسمى الاتحاد العام للطلاب السودانيين
او نقيم مناشطنا تحت مظلة وكالة النشاط الطلابي ..
بل تم استدعاؤنا الى مكاتب جهاز الامن
تخيل معي تلاميذ في عمر ال 15 وال 16
يمثلو امام جهاز الامن وبالتالي تم قتل الفكره ..
واذكر اننا قبل المنع اقمنا اسبوعاً ثقافياً كان حديث المدينه
ومن القصائد التي لا انساها لصديقنا الامين عباس
وكنا مبهورين بحركة التحرر في ج افريقيا
قصيده لمادنيلا
اتذكر منها
يا افريقيا الفاجره وغادره
بكره افريقيا بتصبح قادره
ولي مانديلا بنعرف بيز
وقصيدة ابنوسه ونخله للعبد لله
والتي صورت فيها مأساة الحرب ومعاناة المواطن البسيط منها
والتي كانت في قمة ايام الاستقطاب لحرب الجنوب
وبرنامج في ساحات الفداء وزاد المجاهد والتلفزيون المجروس
وقال لي استاذ ابراهيم بعد قرأته للقصيده
حقو يجمعو كل السياسيين ويقرأوا عليهم هذه القصيدة ويقولوا لهم انفضوا
ولكن نظام الجبهه عدو الابداع ترصد نشاطنا كما اسلفت
وتم قتله وبعدها انتقلت من تلك المدينة في معية الاسره الى خرطوم سيدي ..
اتذكر تلك الاهتمامات ونحن في الثانوي واقارن مع تلاميذ اليوم
البون شاسع فكل شيء الان معلب وجاهز حتى العابهم معلبه وجاهزه
لا ابداع ولا تفكير
اضف الى ذلك ولا مدرسين اصحاب رؤيه وابداع
ولا مدارس جاهزه ولا مناشط مدرسيه
فكل شيء ارتد الى الوراء بصوره غريبه
عكس النواميس في كل العالم ان تظل كل الاشياء في تقدم وتطور مستمر
ولكن قدر السودان ان يطل فيه زمن الجبهه الاغبر .
فحقو ما نغفل عن جرائم الجبهه على كافة الاصعده
او نستصغره خاصه في المدارس والجامعات
لانو تاثيره انتج جيل غير مهموم بقضايا الوطن
او قل يؤثر السلامه بسبب الترهيب والارهاب
وممارسات طلاب الجبهه ويدهم الطائله ..
| |
|
|
|
|
|
|
|
|
|
Re: هترشات (Re: علي محمد الفكي)
|
مع الهترشات ما عارف ليه اتذكرت قصة الحرامي النط في بيت استاذ عبد الله
وكيل المدرسه الثانويه .. يمكن لانو حادث نادر وقتها الحراميه
على الاقل في حي الموظفين حيث كنا نسكن
ففي الحي يسكن مدير الشرطه والضابط الاداري الي هو بمثابة المعتمد الان
بالاضافه الى قرب الحي من مركز الشرطه .. ومبنى الامن
طبعا كان جهاز امن نميري ولم يكن بالانتشار ولا بالرتب العاليه مثل الان
ففي المنطقه ( الان مقسمه الى محافظتين واكثر من 15 مجلس اداري)
كان هناك 5 افراد امن وليس بينهم ضابط
والمبنى الفيهو مكاتبهم مستأجر
كنا نعرفهم بالاسم وما حصل شفت واحد فيهم شايل سلاح ولا كان عندهم عربيه
والان جهاز الامن اصبح جيش ومدرعات ومكاتب
والاف السيارات عشرات الاف العساكر والاف الضباط
فكل موارد البلد موجهه لهذا الجهاز
لاللصحة ولا للتعليم ولا حتى للجيش والشرطه
والمحصله صفر انفلات امني
والبلد مستباحه من كل عصابات العالم
اتجار بالبشر وبالمخدرات وتزوير عملات
وعن المخابرات الاجنبيه فحدث ولا حرج
مما يجعلني اتسأل ماذا يفعل هذا الجهاز ؟؟ وما هو دوره ؟؟
في الليله ديك ( الله على ابو الزيد ) سمعنا صوت صراخ الحرامي
والناس طلعت وراهو .. وما اتلحق ..
( لو حكينا لي مواليد بعد الانقاذ انو الحرام جرى ما يصدقونا )
شفتو زمن الحرامي بجري وبطاردوهو بالعصي
الان الحرامي يجي لو ما شايل كلاش شايل ساطور
ويصحيك تدلو على الحاجات وممكن عادي بعد دا كلو يضربك بالساطور
وكمان الرباطه زمان بنعرف انهم في الخيران وخارج حدود المدن
ومافي سرقات بالنهار الا النشل ..
الان عصابات النيقرز تربط الطريق في وسط المدن ليلاً ونهاراً وشايله السواطير ..
والغريبه زمان ناس المباحث ثاني يوم بجيبو الحرامي
استناد لي نوع السرقه وطريقته
فالحراميه معروفين و المباحث والشرطه محترفه ومؤهله
الان حاميها حراميها والاجانب ملو البلد والشرطه حدث ولا حرج .
وبعد دا كلو نسمع البعض يحدثنا عن الامن
والبلد مليانه عصابات وجرائم ما كنا بنسمع بيها
وانو الانقاذ صمام امان من الانفلات الامني ويقولو ليك لو ما جات الانقاذ كان وكان
ولو ذهبت الانقاذ ح تحصل بلاوي
هو في بلاوي اكثر من الانقاذ
العرفت بي سببه بلدنا بلاوي ما كانت تدور بخلد اكثر المتشائمين والعدوانيين من ابنائها
| |
|
|
|
|
|
|
|
|
|
Re: هترشات (Re: علي محمد الفكي)
|
وفي التاسع من يوليو مر امامي شريط طويل من الذكريات
حملت عبق اولائك الابنوسيين الذين ذهبوا منا في غفله او تقصير
وهم يلوحون بوداع حزين
زملاء المدرسة الابتدائيه
اجاك ميتوك الفة الفصل كان انيقاً طول ايام الاسبوع
وطول اليوم الدراسي وسر ذلك انه كان لا يشارك في العبث الطفولي الذي كنا نقوم به
كلما يلتقيك تسبقه ابتسامه ودوده وواثقه
واللنج اكول الذي كان ضمن شلتنا وجيشنا في معاركنا ضد اولاد الشعبيه والمزاد
وعز الدين ذلك الابنوسي النحيف كان جارنا وكنت احب حكاوي جدته كثيرا
وكانت كلها من احاجي الجنوب وكم حدثتنا عن واو وابقار والدها السلطان
ولا انسى مايكل الصيدلي صديق الوالد مبتسما انيقاً
وهو يقف في صيدلية الصحه وحقيقه في فتره من احلامي الطفوليه حلمت بان اصبح صيدلي تاثراً به
وورقه ذلك الفارع بدراجته التي يقطع بها حينا يمازح هذا ويشاغل اخر
وكان هلالابيا متعصبا تسمعه يصيح بعد كل فوز للهلال وكان المريخاب يخشون لسانه
اه يا زمن
وصحينا من غفلتنا على واقع جديد
واقع يقول انهم اجانب ويجب ان يغادروا
هؤلاء منا ونحن منهم
فاطمه الجنوبيه ليست اجنبيه ولا وول اجنبي
يا هؤلاء اليس منكم رشيد
فاطمه كانت تبات معنا في غياب والدينا عندما يسافرون الى شندي للمناسبات الاجتماعيه
فاطمه يا هؤلاء واولائك قدمت اثنين من ابنائها قربان لمؤامرات الساسه
احدهم كان في صف الحركه الشعبيه والاخر جندياً في الجيش السوداني الساسه هم من قادوا الاخ ليقاتل اخاه
فاطمه علمت انها عادت مره اخرى للخرطوم وكانت تقالد وتبكي كل من التقته
لم تجد نفسها هناك فوطنها هنا
هنا اصدقائها ومراتع صباها هنا ذكرياتها وحياتها
هل يدرك الساسه كيف ذبحوا الوطن
وكيف سكاكين جهلهم مزقت قلوب تآلفت
وكيف نحروا تأريخ شعب
| |
|
|
|
|
|
|
|
|
|
Re: هترشات (Re: علي محمد الفكي)
|
زمان الطفوله كان اهم حاجه في العصريات الدافوري ..
وكان بنشتري الكوره بالاشتراك الواحد تقريبا بدفع جنيه او 75 قرش
وبرضو بنجمع حق السينما وحق البوش يوم السينما مع بعض ..
وكان معاذ هو متعهدنا وامين الصندوق
هو البمشي السوق يشتري الكوره
وهو البقيف في صف التزاكر للسينما
وهو البظبط الفته كان خدوم جداً ..
كانت حياه جميله اتعلمنا منها التعاون
عشان نحقق هدف واحد
وانو القوه في الوحده لانو كان اكيد في تحرشات مع اولاد الاحياء التانيه ..
طبعا ما كنا بنقرب اولاد حلة فلاته ديل صعبين
لاحقاً اكتشفنا انو معاذ لو كنا 7 بشتري 6 تزاكر
ومع الزحمه بندخل ال 7
والكوره بجيب الفاتوره زائده جنيه
ويحلف انو دفعو من عندو
فنجمعو ليهو او نعفيهو المره الجايه من الاشتراك .
| |
|
|
|
|
|
|
|
|
|
Re: هترشات (Re: علي محمد الفكي)
|
بعد امتحان الشهاده السودانيه دخلنا معسكر الخدمه الوطنيه
وكنا شله من نفس المدرسه
وكان معاي من اولاد جيرانا معاذ
سكنا في نفس الخيمه واتوزعنا نفس السريه ..
وفي واحده من زوغاتنا او قد السلك زي ما بقول العساكر
قدينا السلك بغرض العشاء واكيد فته ..
حتى احلامنا كانت صغيره
وقدة السلك مجازفه لو اتقبضت ح يبشعوا بيك في ادارة المساء
دا غير الصلعه والعقوبات التانيه ..
المهم اتوفقنا في قدة السلك ..
وظبطنا الفته وانا شايل الصحن اتشنكلت وضاعت الفته ..
وقررنا نعيده بس صرفنا كل القروش المعانا
وكان لابد من رجعه للمعسكر عشان نجيب قروش
عملناها بالقرعه معاذ كتب الاسماء في ورق وطلع اسمي ..
وجازفت بالرجوع للمعسكر والخروج منو
بعد فتره صارحني معاذ انو كتب في كل الاوراق علي .
في الجامعه صاحبنا معاذ اتكوزن
والان قيادي كبير بالمؤتمر الوطني في واحده من ولايات الوسط
| |
|
|
|
|
|
|
|
|
|
Re: هترشات (Re: علي محمد الفكي)
|
على غير العاده فتحت الواتساب من الصباح
لمحت اسم الصديق العزيز جدا الكيك بين المرسلين
طوالي فتحت رسايلو عشان اصنع صباحي وقد كان
مجموعه من الاخبار الطريفه والنكات الطاعمه .
مع رسايلو سرحت كده ايام الطفوله ومر في شريط الذكريات
قرعه ودا اسم الشهره كان متعهد نقل الاخبار والقوالات والفتن بين الاصحاب
قرعه شخصيه غريبه عجيبه
تلقى عندو كل الاخبار فلان قال ومين عمل ما عندو شغله
طول اليوم قاعد في الشارع عارف المشى الدكان والجاء داخل الحله
وعثمان بحب مي وبنتظره في الناصيه وعمر رسل لي علياء جواب
دا طبعا زمان زمن الحب بي الجوابات ولو عاوز تشوف زول وتقابلو لازم تترصد ليهو في الطريق
حتى اخبار البيوت تلقاها عندو نسوان الحله مشن الشعبيه لي بكاء
ولا بكره طالعات المزاد فيهو عرس
وكان متعتو لما يفتن بين اثنين
عادي يجي يقول ليك تذكر زمان مش قال ليك وعمل ليك
ونقل الاخبار والقوالات والفتن كان غالبا بعرضو للمشاكل والضرب
والغريبه كان جبان جدا مع اول بونيه يقوم جاري صوف
رغم انو ضخم الجثه لكن من جري الخوف ما بتلحق
والغريبه ما بهمو الضرب والمرمطه جلدو تخين بكره عادي يجي يتلصق
ويقعد في نصنا ويحكي كأنو ما انجلد امس
الجبن دايما مرتبط باللؤم او زي ما بقول عطا منو كل لئيم جبان
والمشهور عنو انو كان مطية لي صبيان الجزارين والعجلاتيه
وكان مكروه جدا من كل اولاد الحله لكن الغريبه بجاملو اتقاء شرو
ضحكت على الذكريات دي وقلت ممكن يكون في طفل باللؤم
والطباع دي هل هي فطره ولا بتعلموها
واتزكرت قصة طفل مرو وضحكت
بحكي قصة طفل مرو في مداخله جايه ان شاء الله
| |
|
|
|
|
|
|
|
|
|
Re: هترشات (Re: علي محمد الفكي)
|
مرو مدينة قديمه تقع في تركمانستان
اشتهر اهلها باللؤم والبخل
قال ثمامة لم ارى الديك الا هو لافظ ياخذ الحبه بمنقاره ويلفظها للدجاج
الا ديكة مرو فانها تنزع ما بمناقير الدجاج من حب
يقول فعلمت ان البخل واللؤم في طباع البلاد وجوهر الماء فعم طباعهم وطباع حيواناتهم يقصد اهل مرو
يقول فحدثت بذلك احمد بن رشيد
فقال لي كنت عند شيخ من اهل مرو وصبي له صغير يلعب بين يديه
فقلت للصبي مختبراً اطعمني من خبزكم فقال لي لا نفع له لك فخبزنا مر
قلت اسقني من مائكم فقال لي لا نفع له لك ماءنا مالح و
طفقت اطلب منه اشياء وهو يعيبها ويقول لي لا نفع لها لك
فقال لي ابوه ما ذنبنا نحن
هذا الصبي من علمه ما تسمع ..
ان البخل واللؤم طبع فيهم وفي طينتهم يعني اهل مرو
واجد في هذه القصه اجابه لسؤال اديبنا الطيب صالح من اين اتى هؤلاء ؟
فاللؤم والخبث والفساد هي اصل في جوهر التنظيم الكيزاني تجذب اليها كل من يماثلها
ومن ثم تتأصل فيه مع كل تعاليم التنظيم
| |
|
|
|
|
|
|
|
|
|
Re: هترشات (Re: علي محمد الفكي)
|
قراءت هترشاتك بتأني يا علي محمد الفكي ...
فأعجبني مخاض عبد العزيز بركة ساكن ...
فقد زاد الطين بِله عقوق اؤلئك ...
Quote: فقد راهن زعيم قبيلة لالا
على التعليم كوسيلة للنهوض بالقبيله
وارسل اولاد القبيله للخارج للتعليم وحملهم بكل المال اللازم
وكل ليله يجلس وحوله اهل القبيله
يحلمون بمستشفى ومدرسه بعد عودة ابنائهم
غاب الابناء عشرات السنوات وانقطعت صلتهم بالقريه
وعادوا كرماد الماء طالبين من اللا لا التمرد وحمل السلاح
فبدل المستشفى والمدرسه والعلاج والطبشور
حملوا معهم الرصاص والسلاح
انتظرهم اهلهم لياتوا لهم بالعمران والحياه
انتظروهم ليعلموهم الكتابه والقراه
فجاءوا يعلمون الشباب حمل السلاح
ارادهم اهلم رسل محبه ومعرفه
فجاءوا ينادون بالحرب والكراهيه
جاؤهم بالموت
انتظرت اللا لا طويلاً حصاد ما دفعته من ذهب ومال
فكان جزاؤها جزاء سنمار
كان جزاؤها ان حمل لها ابناءها الدمار
وهذا حال كثير من المتعلمين من ابناء الهامش
علمهم اهلهم ليخرجوهم الى الحياه
فحملوا لهم الموت والحرب
وليتهم اقاموا وسط المحاربين
وليتهم حملوا معهم السلاح
ليعرفوا قيمة فاتورة الحرب
ولكنهم استلموا شيكات العماله وعاشوا بها في العواصم الاجنبيه
وحصدت القبيله السراب والخراب والموت |
:
:
:
:
مع التحيات لله الزاكيات
| |
|
|
|
|
|
|
|
|
|
Re: هترشات (Re: محمد حمزة الحسين)
|
قصدي بِلةْ طين الكيزان يا علي ..
اعجبتني قصة معاز ايضاً يبدو انو زول مثقف كعادة الكيزان ..
إنت كان تأكل الورقه وتقول ليهم ورقتي شلتها شيلو إنتو ...
هههههههههههههههههههههههههههههههههه
:
:
:
:
:
مع التحيات لله الزاكيات
| |
|
|
|
|
|
|
|
|
|
Re: هترشات (Re: محمد المسلمي)
|
الله يكيفنا شر الهترشة والطرطشة يا ود الفكى العلى وجهك منكفى عشان نورك ما ينطفى احسن تشوف ليك فكى وخليك من الترابى صاحب الفكر المنتهى
| |
|
|
|
|
|
|
|
|
|
Re: هترشات (Re: علي محمد الفكي)
|
علووب .. سلام وكل سنة وانت طيب
يا دوب .. تابعتك هترشاتك الجميلة ..
لاكييين الهترشة ما عندك .... وااصل
تحياتي
عاالم بطاالـــــــــــــــــة ,,
| |
|
|
|
|
|
|
|
|
 Re: هترشات (Re: محمد مجيدو)
|
Quote: قرعه شخصيه غريبه عجيبه
تلقى عندو كل الاخبار فلان قال ومين عمل ما عندو شغله
طول اليوم قاعد في الشارع عارف المشى الدكان والجاء داخل الحله
وعثمان بحب مي وبنتظره في الناصيه وعمر رسل لي علياء جواب
دا طبعا زمان زمن الحب بي الجوابات ولو عاوز تشوف زول وتقابلو لازم تترصد ليهو في الطريق
حتى اخبار البيوت تلقاها عندو نسوان الحله مشن الشعبيه لي بكاء
ولا بكره طالعات المزاد فيهو عرس
وكان متعتو لما يفتن بين اثنين
عادي يجي يقول ليك تذكر زمان مش قال ليك وعمل ليك
ونقل الاخبار والقوالات والفتن كان غالبا بعرضو للمشاكل والضرب
والغريبه كان جبان جدا مع اول بونيه يقوم جاري صوف
رغم انو ضخم الجثه لكن من جري الخوف ما بتلحق
والغريبه ما بهمو الضرب والمرمطه جلدو تخين بكره عادي يجي يتلصق
ويقعد في نصنا ويحكي كأنو ما انجلد امس
الجبن دايما مرتبط باللؤم او زي ما بقول عطا منو كل لئيم جبان
والمشهور عنو انو كان مطية لي صبيان الجزارين والعجلاتيه
وكان مكروه جدا من كل اولاد الحله لكن الغريبه بجاملو اتقاء شرو |
😂😂😂😂😂😂😂
| |
|
|
|
|
|
|
|
|
 Re: هترشات (Re: وضاحة)
|
علووي
المشكله انو في مخلوقات غريبة زي قرعه دا
قاعدين لي نقل الاخبار والقوالات ومتابعة الناس والفارغه
يومو كلو في السوشيال ميديا يفتن وينقل في الكلام
مشاطه بس قالوا المشاطه زمان كانت بتنقل كل اخبار الحي
يا كافي البلاء الواحد ما عندو اسره يهتم فيها زوجه يقعد معاها
ولا عندو اطفال يربيهم
او عندو اهتمامات مفيده يملاء بيها وقتو بدل تتبع اخبار الناس
لكن بيني وبينك النوعيه دي مرتو بتكون زهجانه منو
لانو وجودو زي عدمو
وعقلو صغير ما بشيل اهتمامات تانيه
مش بقولو على قدر اهل العزم تاتي العزائم
| |
|
|
|
|
|
|
|
|
|
Re: هترشات (Re: وضاحة)
|
محمد حمزه الحسين
تحيات طيبات
مشكلتنا الاساسيه في السودان مشكلة نخبه مثقفه
والنخبه دي هي اس بلاوي السودان
عملت طوال عقود على استغلال محمد احمد المسكين في تحقيق طموحاته الشخصيه
اذا كانت احزاب تقليديه استغلت الولاءات الطائفيه
وباعت للناس اوهام بالانساب المضروبه والكرامات المنجوره
وبي اسم الدين برضو يعني ما الكيزان براهم البتاجرو بالدين
اما احزابنا اليساريه فدي الولاء فيها للحزب لا للوطن
وبعضها ولاءاتو خارجيه
وفي غالب الانتماء ليها ما بكون عشان الفكره
لكن من باب المخالفه للمألوف وعشان يقولو مثقف
وكمان عشان حاجات تانيه
والشكل الجديد من نضال المثقفاتيه عبر السوشيال
برضو واصل في استغلال محمد احمد والصعود على كتفو
قاعدين في عواصم الدنيا نحرض
وعاوزين محمد احمد المسكين هو اليتعرض للرصاص والسجون
ونجي نحصد الثمار لو نجحت الثوره
النخبه هي اس مشاكل البلد
| |
|
|
|
|
|
|
|
|
|
Re: هترشات (Re: Osman Musa)
|
او عندو اهتمامات مفيده يملاء بيها وقتو بدل تتبع اخبار الناس
لكن بيني وبينك النوعيه دي مرتو بتكون زهجانه منو
لانو وجودو زي عدمو
وعقلو صغير ما بشيل اهتمامات تانيه
ــــــــــــــــــــــــــــ
وضاحه
الجميله ومستحيله
نوعية قرعه دا عندها فراغ
وفعلا عقلها صغير عشان كده بتملاء وقتها بالصغائر والحاجات التافهه
وبتلقي مثال لي قرعه في كل حي
حتى الميديا فيها قرعات
| |
|
|
|
|
|
|
|
|
|
Re: هترشات (Re: علي محمد الفكي)
|
حبيبنا سعادة الجنرال مجيدو
وانت طيب يا جميل
واصل حضورك في الهترشات
وما تبخل علينا بي هترشات من عندك
متاكد انو هترشاتك بتكون جميله وظريفه
| |
|
|
|
|
|
|
|
|
|
Re: هترشات (Re: علي محمد الفكي)
|
الحيب عثمان موسى
لك التحايا اينما كنت
ربنا يجبر بي خاطرك يا اخ
هي محاولة لربط الاشياء ببعض
والهترشه في احيان كتيره بتطلع الحقيقه مجرده دون تنميق ومونتاج
وهكذا اردت
| |
|
|
|
|
|
|
|
|
|
Re: هترشات (Re: علي محمد الفكي)
|
كان عندنا استاذ انجليزي صعب جداً اسمو عبد المنعم
كان ليهو دور كبير في بناء لغتنا الانجليزيه
حصة الانجليزي كانت الحصه الاولى
واستاذ عبد المنعم كانت عندو طقوس
لازم لما يدخل يلقى كتاب الانجليزي قدامك وما يكون اي حاجه تانيه غيرو والا ستنال عقابك فوري
وطبعا مع استاذ عبد المنعم ممنوع الشغب اثناء الحصه
زميلنا وحيد كان متخصص بي اخبار كل الحفلات في المدينه
بجيب ليك لسته بي حفلات الاسبوع بالتفصيل والحي
ففي واحده من حصص الانجليزي غافل استاذ عبد المنعم ورمى لي اللسته
لكن استاذ عبد المنعم شاف الورقه لما اترمت
وانا اخدتها بي سرعه وشفتو جاي علي طوالي رميت ورقه في الدرج
ومسكت اللسته في يدي
وقال لي جيب الورقه فمديت ليهو ورقة اللسته قال لي لا الورقه الجوه الدرج
فطلعتها ليهو وكانت ورقه مكتوب فيها كلمات انجليزيه
فضحك وقال لي انت مجرم الورقه الاصليه هي الفي يدك
وغيرت انتباهي بي حركة الدرج وخليتني اركز في ورقة الدرج
عشان كده ما ح اشوفه وفعلا نجينا من الجلده
نفس سياسة الكيزان معانا الان
توجيه انتباهنا لي الحاجات الغير مهمه
والهائنا بصغائر الامور عشان يمررو مخططاتهم التانيه
الترابي شغل الناس بي كلمة توالي ومرر دستور كامل من وراها
والايام دي الازمة الاقتصاديه الطاحنه والسيوله المعدومه
وحكومه هي نفسها بدون تغيير يذكر الا الترويسه
وكسلا الوريفه المكنكشه الايام دي
وشغلونا بي علاء سنهوري الصنع شخصية ساره رحمه
ووئام شوقي الخرجت عن المألوف في نقاشه مع احد المشائخ
وحمدوك الوافق على الوزاره ثم عاد ورفضه بعد ضغط ونصائح اصدقاؤه
لن يكون هناك تغيير طالما الكيزان هم البوجهو الرأي العام في الاتجاه العاوزنو متى ارادو
فحقو نوعى للحاجه دي وننتبه ليها لانها بقت مكرره
| |
|
|
|
|
|
|
|
|
|
Re: هترشات (Re: علي محمد الفكي)
|
Quote: صباح الهتراشات يا جميل
متابعين
احلي هتراشات
واصل يا غالي يعطيك العافية
ويسكن الخرطوم الخرطوم ٢ 😂 |
وضااااحة يا جميلة ومستحيلة
مع تداعيات الهترشات الاذدانت بي وجودك وطلتك
يا ست السماحه
اعرفي اول مره شفتي المكان الظاهر في الصوره
وليك جائزة انتي تختاريها
وآمييين ثم آمييين للدعوه الحلوه زيك 
| |
|
|
|
|
|
|
|
|
|
Re: هترشات (Re: علي محمد الفكي)
|
معقول علوي 😂
دا مكان صرختي الاولي😍
دا زمن الزمن كان جميل والمستشفيات كانت مستشفيات
كانت من أرقي المستشفيات ❤️
انت اختار لي الهدية
علي زوقكك وانا واثقة انك صاحب زوق رفيع❤️
| |
|
|
|
|
|
|
|
|
 Re: هترشات (Re: وضاحة)
|
Quote: معقول علوي 😂
دا مكان صرختي الاولي😍
دا زمن الزمن كان جميل والمستشفيات كانت مستشفيات
كانت من أرقي المستشفيات ❤️
انت اختار لي الهدية
علي زوقكك وانا واثقة انك صاحب زوق رفيع❤️
|
وضاحه
الجميله ومستحيله
بين مستشفى سانت ماري وتأريخ الصرخة الاولى
التي اعلنت قدوم البنت الحديقه
وايام الخرطوم شرق طوفت بي الذاكره نحو تلك الطفله الشقيه الحلوه
التي لا تفارق حجر جدها ولسانها المعوج الذي لا يعرف من العربيه
الا كلمتين بس
جدو تاني
عشان يعرضه في الهواء
او يمرجحها برجليه
وكانت لها معزه ومحبه عندو اكثر من كل احفادو
كأنو بي بصيرتو وتجربتو شاف فيها
علامات النبوغ وسمات الايادي البيضاء الممدوده بالخير
وشاف كل الخير والقيم الفي الاجداد متنزل فيها
وفي مرحله تانيه تذكر نفس البنت العسوله الجايه من لندن
وهي شايله دفتره تسجل كل كلمه عاميه تسمعه
او مثل او تعبير موغل في عامية اهلنا
وكانت مسمياهو الدكشنري
الغريبه الدكشنري الكنا بنضحك عليهو
بعد داك مرات كثيره استعنا بيهو لترجمة بعض المفردات
ولسه بنستعين بيهو
الان ما شاء الله وعيني باارده عشان ما تقول سحرني
البنت بقت فصيحه
وتناطق سيبويه ومعاهو الحاردلو
يا ريت لو كلنا كنا عملنا دفاتر وتسجيلات لي كلام اهلنا الكبار
وحكاويهم واشعارهم
متأكد انو عدم التوثيق افقدنا كثير من الشعر والحكايات
واي واحد فينا لو رجع ح يلقى انو في قصص ونوادر واشعار لي عمه او خاله او جده
ضاعت لانها كانت شفاهه
وحكايات ومواقف واشعار حكوها الاجداد طواها النسيان
ودا كلو بي سبب ضعف حاسة التوثيق
الفطنت ليهو البنت الجميله ومستحيله وهي طفله
يمكن عشان تربية لندن
يا وضاحه استحقيتي الهديه
ومافي اي مشكله لما نتقابل نهاية الشهر الجاي ان شاء الله
ويا ريت ذوقي يطول مقامك يا القمره
يا كل الذوق والجمال الفي الكون
| |
|
|
|
|
|
|
|
|
|
Re: هترشات (Re: علي محمد الفكي)
|
ود الفكى الحنيطير اطير كان فى زول مشهتى جعبتك فارغة ليس بها شى تشيل وتنقل وتحكى ياخ ارحمنا يا ود الفكى
ملحوظة
جعبتك هنا بضم الجيم عشان ود الفكى ما يجتهد يقوم يفتح الجيم ويدخلنا فى حرج مع اصحاب النفوس المريضة
| |
|
|
|
|
|
|
|
|
|
Re: هترشات (Re: صديق مهدى على)
|
ناصر الامين
لك التحايا النواضر
مرحب بك في الهترشات
تسمح ايامك يا طيب
الهترشه سمحه لانو بتتداعى فيها واليها لحظات ومواقف جميله
وهي خطوات مشيناها في رمل الدروب لا ضجراً نحس ولا ونا
كن بخير
ولك كل الود
| |
|
|
|
|
|
|
|
|
|
Re: هترشات (Re: علي محمد الفكي)
|
الاغتراب والهجره ليها مستحقات وفيها مكاسب للناس
سواء كانت تحسين اوضاع او تعليم او نجاة من بطش النظام
الاخيره دي طبعا كانت مصاحبة للانظمة الديكتاتوريه في مايو والانقاذ
وكل له اسبابه التي جعلته يختار مر الغربه على حلاوة الوطن
ولكن الاغتراب في المقابل ليهو مستحقات واجبة الدفع
الغربه بتسرق مننا احلا سنين عمرنا وتبعدنا عن ملاعب الصبا واصدقاؤنا
وما ننسى الاجيال البتتولد في الغربه
نعم ستتوفر لها حياه كريمه ورفاهيه وتعليم جيد وصحه واكتساب خبرات
ولكن بتنفصل عن الوطن وعن الجذور وتقاليدنا وقيمنا وثقافتنا بدرجات متفاوته
التفاوت دا على حسب ارتباط الاهل بالوطن والزيارات المتكرره
ولابد من الوطن مهما طال الزمن
خاصه للمغتربين .. نوعا ما المهاجرين قد لا تواجههم هذه المشكله
وفي الخاطر كثير من الذكريات مع اولاد المغتربين والمهاجرين
السمحه ست الناس الجميله ومستحيله في واحده من الاجازات وكانت لسه طفله
لكن نوعاً ما تطورت لغته العربيه بسبب الزيارات المتكرره للسودان
وحرص الاسره على اجازة السودان
الجميله ومستحيله عندها موقف مع سيد اللبن
مره من الصباح طلعت وقفت مع خالته عشان تجيب اللبن
دا لما كان سيد اللبن بي حمار وتمنتين قبل ما يتحول بيع اللبن بالبكاسي
وعم حامد كل ناس نمره 2 بعرفوهو راجل طيب بالمناسبه ما زال مستمر في نفس المهنه
رغم انو الان تطور من الحمار الى البكسي
الجميله ومستحيله شكلها اول مره تشوف الحمار
فصرخت خالتو شوفي الارنب دا كبير كيف قاصده الحمار
وماتت عم حامد من الضحك وقال دي من وين جبتوها
بالمناسبه يا دكتوره عم حامد لسه متذكر الموقف دا وطوالي بسأل منك
مصطفى ود اختي برضو من اولاد المغتربين
عاوز يطلب ملاح باميه مفروكه لانها عجبتو لما اكله في السودان
قال لي امو اعمل لينا الملاح البتزحلق زي البعملو في السودان
الجميله ومستحيله لسه ح اهترش و احكي امسكي الخشب
امتثال وبنت عمسيب تعالن بي جاي شوفن صاحبتكن
طبعا اثر حرص الاسر المهاجره والمغتربه على ربط ابناؤها بالوطن مفيد جدا
ويحفظن من الثقافات الغريبه في المقام الاول
واثر الارتباط بالوطن دا ظاهر في حالة دكتورتنا الجميله ومستحيله
قيم وتقاليد واصاله وحمل الهم الوطني والتفاعل مع القضايا والتأثر لي حال اي مواطن
وانعكس دا كلو في اياديها البيضاء ورغبته الدائمه في عمل الخير عامه و خاصه لي ابناء جلدته
| |
|
|
|
|
|
|
|
|
|
Re: هترشات (Re: علي محمد الفكي)
|
وشيخنا اسماعيل حسن
وتلقى فيها النيل بيلمع في الظلام زي سيف مجوهر بالنجوم من غير نظام
------------------------------------------------
هوي يازول دا صلاح احمد ابراهيم
انا بسمعها تلات مرات في اليوم من ما وقفت من سماع رجعنالك قبل شهرين بامر حكومي!
| |
|
|
|
|
|
|
|
|
|
Re: هترشات (Re: MOHAMMED ELSHEIKH)
|
شكراً نبيلاً الاخ محمد الشيخ على التنبيه
تم التعديل
سماع تلات مرات في اليوم
دي واحده من حسنات ولا من مساوي الغربه ما عارف
بتخلي القليب رهيف
وبتخلينا نحاول نهرب منها دايماً لي ذكرياتنا وحاجاتنا المحفوره فينا عميقاً
كن بخير يا صاحب
| |
|
|
|
|
|
|
|
|
|
Re: هترشات (Re: وضاحة)
|
في منتصف التسعينات والانقاذ في اوج مجدها وقوتها
والتها الاعلاميه تنبح صباح نهار
وزيارات البشير ومخاطباته وبرنامج في ساحات الفداء
ومجد العساكر
الكلام دا ساهم في عمليات غسيل مخ واسعه وتغبية للناس
اما الاطفال الصغار فقد كانوا ارض خصبه لهذه الأله الاعلاميه فتأثروا بها
شقيقتنا الصغرى وقتها لم تدخل المدرسه لكن كان اكثر ما يجذبها الاناشيد والجلالات
ودايما تلقاها تردد في جلالات الجيش
وقالت عاوزه تكون رئيس وتستلم الحكم من عمر البشير
الوالد رحمة الله عليه قال للاستاذ محمد الامين سر الختم البنت دي قالت عاوزه تستلم الحكم من عمر البشير
قال ليهو البنت دي سكتوها عاوزه الكيزان يحكمونا لحدي ما تكبر
ذهب الوالد وعمنا محمد الامين الى رحمة الله والبنت الان اصبحت دكتوره
وعمر البشير مكنكش وقالو عمر الشقي بقي وين تكمن المشكله
هل دا راجع الى فشل المعارضه في قراءة الواقع قراءه حقيقيه
ولم تعطي النظام حجمه الحقيقي واستهانت به ؟
ام هو فشل المعارضه في ادارة معركتها مع النظام ؟
ام هوافتقاد للمعارضه الى اليات العمل الجماعي ؟
هل نجح النظام في تقسيم المعارضه وتشتيتها ولعب على تنقاضاتها ؟
هل باعت النخبه القضيه من اجل مكاسبها الخاصه ؟
سواء كان بالهروب بالاغتراب والهجره او هناك من انخرط في النظام
واخرين جلسوا في الرصيف بالداخل وهمهم الاساسي توفير معاش اسرهم
واين الشعب من كل ما يدور هل نجح النظام في تحييده ؟
وطبعا غياب المعارضه عن الاعلام وفر للنظام فرصه لتشكيل عقول الصغار
وهنا مكمن الخطوره الذي نخاف منه على المستقبل
| |
|
|
|
|
|
|
|
|
|
Re: هترشات (Re: علي محمد الفكي)
|
Quote: علووووووووي🤣🤣🤣🤣😢😢
لزم تحرجنا يعني🤣
تتزكر قصة 🐰هههههههههههههه |
وضاحة الجميله ومستحيله
ست السماحه
الهترشه دايماً بتتداعى فيها الذكريات
قلتي لي ارنب ضخم
انتي شفتي حاجه لسه ما وصلت ايام المدرسه العربيه
اه نسيت اقول ليك امس كنت بدردش مع احمد ساعتين متواصلات
وادلى بالكثير المثير 
مع هترشات مش ح تقدري تغمضي عينيك
قناة الهترشات على القمر وضاحة ترميز كل الجمال تردد
| |
|
|
|
|
|
|
|
|
|
Re: هترشات (Re: علي محمد الفكي)
|
ربنا اصرف عنا العذاب انا مؤمنون .. كلمات كنا شلة الطرادات نرددها
كل ما شفنا كمال جاي علينا بي وشو الكالح كمال واحد من اولاد الحي
زول على قول اهلنا نيتو سوداء زول مليان حقد بي طريقه عجيبه
حقد على كل الناس وحسادتو اصلاً ما لاقتني الى الان ..
يا اخ كمال دا في الافلام الحزينه الناس كلها بتكون حزينه وواجمه
في مشاهد الحزن الانسانيه البتكون في القيلم الا كمال تلقاهو يبتسم ويفرك في يديهو
اكتر افلام يحبها افلام الاكشن والحروب والقتل
كل افكارو البشارك بيها معانا نمشي نكسر عجلة س ونخرب شنو
نافخ كيير اصلا ما بتلقى منو خير
غير المصايب ما بجي منو شي
كبرنا شويه وعملنا منتدى ثقافي فكري كمال قال عاوز انضم وانو بكتب قصص
بعيد عن الركاكه في الاسلوب البكتب بيها كل الافكار الفي القصص سوداويه خراب وموت
كمال كان اكتر حاجه تنغص عليهو انو يشوف زول ناجح
او زول الناس تشكرو طوالي يبداء في محاربتو ونسج القصص والاشاعات والاكاذيب حولو
ولو شاف اثنين اصحاب او بضحكو ما بنوم كل الليل يفكر كيف يحول صداقتهم عداوه
بومه بس ما بعيش الا في الخراب
عندو قدره عاليه على الاحباط وتثبيط الناس
اي حاجه يشوفه قدامو ينتقده ودايما يحاول ينتقص من قدر اي زول او نجاح
كل كلمه تطلع من لسانو تحمل السخريه للاخرين وذمهم
والغريب انو فاكر نفسو فاهم وهو اغبى الناس
حتى لو بي مقياس الدراسه كان دايما نتايجو متاخره
كنا بنستغرب في طبع اللؤم وحب الاذيه طبع العقرب
لكن بعد كبرنا وبقينا نفهم الامور على حقيقته
عرفنا اسباب الحقد والغبن المالي الزول دا على الناس الناجحه
وحسدو الماليهو
كمال نشأ في اسره مفككه والد سكير دايم الضرب لي زوجتو واطفالو
فكمال بتكون فيهو طاقه سلبيه عاليه مزود بيها من جو البيت بجي يبثها في الشارع والناس الحولو
الشاهد من قصة كمال انو سلوكيات الوالدين داخل البيت
والجو البنربي فيهو اطفالنا بنعكس على شخصياتهم وتكوينهم النفسي
حتى لو ما كانوا صغار وما مدركين للحاصل
كل الناس بتحب اطفاله وعاوزاها في احسن حال دي فطره
عشان كده مع توفير الاكل والشرب الببني اجسامهم
لازم نوفر ليهم الجو السليم عشان نبني نفسيات سليمه
| |
|
|
|
|
|
|
|
|
|
Re: هترشات (Re: MOHAMMED ELSHEIKH)
|
المرء يُعرفُ فِي الأَنَامِ بِفِعْلِهِ
وَخَصَائِلُ المَرْءِ الكَرِيم كَأَصْلِهِ
إصْبِر عَلَى حُلْوِ الزَّمَانِ وَمُرّه
وَاعْلَمْ بِأَنَّ اللهَ بَالِغُ أَمْرِهِ ..
لا تَسْتَغِيب فَتُسْتَغابُ، وَرُبّمَا
مَنْ قَال شَيْئًا، قِيْلَ فِيْه بِمِثْلِهِ
وَتَجَنَّبِ الفَحْشَاءَ لا تَنْطِقْ بِهَا
مَا دُمْتَ فِي جِدّ الكَلامِ وَهَزْلِهِ
وَإِذَا الصَّدِيْقُ أَسَى عَلَيْكَ بِجَهْلِهِ
فَاصْفَح لأَجْلِ الوُدِّ لَيْسَ لأَجْلِهِ
كَمْ عَالمٍ مُتَفَضِّلٍ، قَدْ سَبّهُ .!
مَنْ لا يُسَاوِي غِرْزَةً فِي نَعْلِهِ !
البَحْرُ تَعْلُو فَوْقَهُ جِيَفُ الفَلا ..
وَالدُّرّ مَطْمُوْرٌ بِأَسْفَلِ رَمْلِهِ ،
وَاعْجَبْ لِعُصْفُوْرٍ يُزَاحِمُ بَاشِقًا
إلاّ لِطَيْشَتِهِ .. وَخِفّةِ، عَقْلِهِ !
إِيّاكَ تَجْنِي سُكَّرًا مِنْ حَنْظَلٍ
فَالشَّيْءُ يَرْجِعُ بِالمَذَاقِ لأَصْلِهِ
فِي الجَوِّ مَكْتُوْبٌٌ عَلَى صُحُفِ الهَوَى
مَنْ يَعْمَلِ المَعْرُوْفَ يُجْزَ بِمِثْلِهِ
الابيات دي منسوبه لسيدنا علي بن ابي طالب
اتذكر اني حفظتها باكراً
كنت احرر جريده حائطيه شهريه في المدرسه وطلبت من استاذي ابراهيم فضل السيد حكم
فكتب لي هذه الابيات بخطه الجميل على دفتر وقال لي احفظه
وحقيقه استفدت منها كثيراً وساهمت في تشكيلي وتناولي للامور وخلتني اترفع عن الصغار والصغائر
وابعد نفسي من نقاش الحمقى والنزول لقاع المسيئين
التحيه للاستاذ الفاضل ابراهيم فضل السيد اينما كان فقد اخذ بيدنا نحو القراءة والاطلاع المستمر
وفتح عقولنا على كثير من كنوز الكتب بل كان يسلفنا من مكتبته العامره متى ما طلبنا
وفي احيان كثيره يختار لك منها كتاباً ويقول لك اقراء هذا
معلمين كانوا قامات وموسوعات من المعرفه
وملمين بدور المعلم في صنع اجيال قادره
كان المعلمون نجوم المجتمع في كل المجالات
اتذكر على سبيل المثال من اساتذتي
في مجال الرياضه الحكم استاذ حامد محمد حامد
وسكرتير اتحاد الكره عبد الباقي
واللاعب المميز استاذ عبد الواحد
ولا انسى درة الملاعب الانسان الفنان عبد المحمود يس رغم اني لم اتتلمذ على يده لكن سيرته دائما
ومن الين انخرطوا في العمل السياسي استاذ عمر واستاذ مصطفى
وكان خطباء المساجد جلهم في مدينتنا من قبيلة المعلمين
استاذ يوسف احمد
استاذ احمد عبدالله وشيخ النور
الان كليات التربيه تخرج الاف من العاطلين عن المواهبوالمعرفه
غير الواعين بدورهم
الواحد فيهم املائياً ضعيف
| |
|
|
|
|
|
|
|
|
|
Re: هترشات (Re: علي محمد الفكي)
|
المرء يُعرفُ فِي الأَنَامِ بِفِعْلِهِ
وَخَصَائِلُ المَرْءِ الكَرِيم كَأَصْلِهِ
إصْبِر عَلَى حُلْوِ الزَّمَانِ وَمُرّه
وَاعْلَمْ بِأَنَّ اللهَ بَالِغُ أَمْرِهِ ..
لا تَسْتَغِيب فَتُسْتَغابُ، وَرُبّمَا
مَنْ قَال شَيْئًا، قِيْلَ فِيْه بِمِثْلِهِ
وَتَجَنَّبِ الفَحْشَاءَ لا تَنْطِقْ بِهَا
مَا دُمْتَ فِي جِدّ الكَلامِ وَهَزْلِهِ
وَإِذَا الصَّدِيْقُ أَسَى عَلَيْكَ بِجَهْلِهِ
فَاصْفَح لأَجْلِ الوُدِّ لَيْسَ لأَجْلِهِ
كَمْ عَالمٍ مُتَفَضِّلٍ، قَدْ سَبّهُ .!
مَنْ لا يُسَاوِي غِرْزَةً فِي نَعْلِهِ !
البَحْرُ تَعْلُو فَوْقَهُ جِيَفُ الفَلا ..
وَالدُّرّ مَطْمُوْرٌ بِأَسْفَلِ رَمْلِهِ ،
وَاعْجَبْ لِعُصْفُوْرٍ يُزَاحِمُ بَاشِقًا
إلاّ لِطَيْشَتِهِ .. وَخِفّةِ، عَقْلِهِ !
إِيّاكَ تَجْنِي سُكَّرًا مِنْ حَنْظَلٍ
فَالشَّيْءُ يَرْجِعُ بِالمَذَاقِ لأَصْلِهِ
فِي الجَوِّ مَكْتُوْبٌٌ عَلَى صُحُفِ الهَوَى
مَنْ يَعْمَلِ المَعْرُوْفَ يُجْزَ بِمِثْلِهِ
| |
|
|
|
|
|
|
|
|
|
Re: هترشات (Re: علي محمد الفكي)
|
يا سلام عليك يا علوي
بالغتا والله العظيم
كنت عاوزة انزل نفس الر داعجبتني هذه الأبيات خاصة
كَمْ عَالمٍ مُتَفَضِّلٍ، قَدْ سَبّهُ .!
مَنْ لا يُسَاوِي غِرْزَةً فِي نَعْلِهِ !
البَحْرُ تَعْلُو فَوْقَهُ جِيَفُ الفَلا ..
وَالدُّرّ مَطْمُوْرٌ بِأَسْفَلِ رَمْلِهِ ،
وَاعْجَبْ لِعُصْفُوْرٍ يُزَاحِمُ بَاشِقًا
إلاّ لِطَيْشَتِهِ .. وَخِفّةِ، عَقْلِهِ !
| |
|
|
|
|
|
|
|
|
|
Re: هترشات (Re: وضاحة)
|
من الاحاديث التي ارددها كثيراً
عن النواس بن سمعان رضي الله عنه، عن النبي صلى الله عليه وسلم قال: ((البر حُسن الخُلق، والإثم ما حاك في نفسك وكرهت أن يطلع عليه الناس))؛ رواه مسلم.
وهو من جوامع كلمه صلى الله عليه وسلم
وممكن نعتبرو تأصيل لمبداء الشفافيه في زمنا دا
والشفافيه تنفي الفساد وتبعدو عن اي عمل
ومعروف انو النفس البشريه مجبوله على محبة معرفة الناس لخيرها ومشاركته فيهو
وكره معرفة شرها والاطلاع على عيوبه
ومافي عيب اكبر من النوايا السيئه والمقاصد الدنيئه
فالواحد لما يكون فعلو سيئ وظنونو سيئه ومليانه شبهات واهدافو دنيئه بحاول يخبيها
لكن لما تكون نواياك سليمه وطيبه واهدافك نبيله
بتعبر عنها بمنتهى الاريحيه وانت جزل بدون خوف
والزول البتكون حاجاتو في النور انسان مريح
والبتكون حاجاتو في الظلام انسان مريب
والشفافيه لا تمنع الستر والحفاظ على الاسرار
عشان كده الديمقراطيه والحريه بيقل فيها الفساد والمفسدين
فكل حاجه بتكون في النور والرقيب اذا كان برلمان او صحافه او شعب قادر يطلع عليها
فالمسؤول بكون خايف لانو عارف انو ح يتعرف وتنشر غلطاتو
عشان كده بكون حريص يكون في السليم ومع القانون
واسه احنا في السودان اكتر حاجه جلبت الفساد شنو غير التجنيب
واخفاء المعلومات الماليه عن المراجع العام
والتوظيف بالخفاء دون اعلان وظائف او منافسه
واحنا اهلنا علمونا قالوالينا الكلام و الحاجه البتخاف منها او تخجل منها ما تعمله او تقوله
ودي تربيه على الثقه في النفس والابتعاد عن المقاصد الوضيعه
تربيه للنفوس انها تترفع عن كل ما يصغره
| |
|
|
|
|
|
|
| |
علي محمد الفكي
أحمد الشايقي
محمد المسلمي
Biraima M Adam
تماضر الطاهر
محمد حمزة الحسين
صديق مهدى على
محمد مجيدو
وضاحة
Osman Musa
Nasser Amin
MOHAMMED ELSHEIKH
فيس بوك
تويتر
انستقرام
يوتيوب
بنتيريست