|
|
|
 Re: نكــــات عن الجـــلابة (Re: Biraima M Adam)
|
واحد جلابي خواف .. وكان أخوه فارس لا يشق له غبار ..
تم الغدر بالفارس .. فقتل ..
أجتمع الجلابة .. وسلموا الراية لأخو الفارس لأخذ ثأر أخيه ..
وركب الجلابي الخواف في حصان أخيه الفارس ..
وتقدم القوم نحو الدواس ..
وحينما رأي حصان الفارس لمة العدو
ركض نحوهم بقوة وسرعة ..
حاول الخواف لجم الحصان ولكن لم يستطع
فأيقن لا محالة انه سوف يصل العدو قبل غيره
وصار الجلابي الخواف .. يبكي بأعلي صوته ..
واي واي واي واي .. وهو جاري بسرعة البرق نحو العدو
حينما رأه العدو .. وهو يبكي بأعلي صورته
قالوا قتلوا الفارس فلان .. ها دا جاكم واحد ببكي علي أكل لحم الناس !
فهرب العدو .. والجلابي الخواف ساكيهم .. ما قادر يوقف الحصان .. ومازال بسوي واك واك واك ..
أخيراً توقف الحصان ..
وجاءن نسوة الجلابة يبشرن في الفارس المغوار
وحينما نزل من حصانه .. سقطت منه سقطة (يعنى خرية الله يكرمكم) ..
فكانت كل جلابية تأخذ من الخرية وتمسح في رأس طفلها "الله يسويك فارس مثل فلان" ..
---------------------
فسمت تلك الخرية (قلوط) .. بقليليط الفارس
بريمة
| |
  
|
|
|
|
|
|
|
|
Re: نكــــات عن الجـــلابة (Re: Biraima M Adam)
|
في حب الجلابة للقروش ..
قالوا هناك عصابة تربط للناس في منطقة مقطوعية ..
قالوا أي زول يمر بهم .. لا ينجو من واحد من أثنين ..
إما يأخذوا قروشه .. أو يجزوا ليهو العدة ..
جاء جلابي مليان قروش .. رزم رزم ..
والعصابة قبضته ..
قالوا ليه إما القروش .. أو شيل العدة؟
قاليهم "شيلوا العدة بفناجينها" ..
بريمة
| |
|
|
|
|
|
|
|
|
|
Re: نكــــات عن الجـــلابة (Re: Yasser Ali)
|
قالوا ليه إما القروش .. أو شيل العدة؟
قاليهم "شيلوا العدة بفناجينها" ..
بريمة
-----------------
عدتو ياتها - اصلو الجلابة عندهم عدتين ... ههه
** شكيت محنككككك ...
| |
|
|
|
|
|
|
|
|
|
Re: نكــــات عن الجـــلابة (Re: Biraima M Adam)
|
الجلابة وحب المال:
الجلابية حبت ليها واحد .. غنيان معنطس
قالت لأهلها جاني عريس غنيان ..
أهلها قالوا ليها هلا هلا .. بت الأصول بتجيب!
وين العريس ما جاء ..
وتقول ليهم العريس لسع في خارج السودان يجهز في الشيلة
ظهر العريس .. العريس شين شناة مرة وليس جلابي ..
الزول فيهو عرق ..
أها الجلابة أهلها رفضوا .. بت ناس فلان دايره تسوي العيب ..
عايزة تزوج ليها زوج شين وفيه عرق ..
قام أهلها قالوا ليها لو المسألة قروش .. نحن الجلابة نعرف كيف نسرق قروش من الحكومة
أتزوجي أي جلابي وبعد سنتين ح يصير أغني إغنياء المدينة
البت قالت لأهلها سنتين ما بعيشهم في الفقر ,, كفاية شقاوة وتعب سنين ..
يا الراجل صاحب القروش دا ولا بلاش عرس ..
يا فلانه ما تسوي لينا العيب ..
قالت ليهم "العيب في الفلس .. القروش ما معاها عيب".
بريمة
| |
|
|
|
|
|
|
|
|
|
Re: نكــــات عن الجـــلابة (Re: دفع الله ود الأصيل)
|
شرامة أمدرمان متابعنلهم عمك جلابي
تاجر مواشي ؛ عرفوه مسافر قام باعوه
لأشفت نشال يباريه . كطع تذكرتو و ركب
معاه لصق. بفراسة الحاسة الساتة، عمك نقش
الحرامي . لكن گتللو حيلو، يلا شبگو حنگ تراهو
متل و نستنا الفارغة و مقدودة دي لامن خدرو تنويم
مغناطيسي بطعامة لسانو بس، نساه هدف المامورية
زاتا . وصلو الأبيض نزلو لگوندة في غرفة واحدة.
عمك قال للنشال: قوم يا ولدي ادخل استحم قبالي،
يعني تمويه{نظام يؤثرون على أنفسهم، و كدي }.
[} في الأثناء، عمك قام على فراش النشال رفعوا
و مرق صرة قروشو چت طرحا ليه تحتو و مشى رقد.
و يا دار نا دخلگ شر. يلا النشال عدا ليلو داك چت مساقد
يتقلبمتل السنينة الحمرا، محتار في عمك النايم يشخر دا
ودا الگنز دا وين؟! عشان يختفن و بقم مشتت. لامن صبحو،
قشة عينو من النوم عمگ شايفو ليك ملخوم لامن وشو وارم .
سألو مالك يا ولدي شايل هم زي الرايح لك شيء؟! قاللو: والله
يا حاج السفرة دي طلعت مهببة فشنك ساي، و داير ارجع أهلي.
قاللو و نان مالو ، سمح گدي قوم ارفع لي صليبگ دا شوية،
النوريگ حاجة، أها تحين مو ياهن ديل الرايحات منك . هاك
منهن داحق المواصلات و يلا اطلب عقابك و {هارد لك}.
| |
|
|
|
|
|
|
|
|
|
Re: نكــــات عن الجـــلابة (Re: Biraima M Adam)
|
وّل أّبا بريمة....
بغض النظر عن مفردة جلابة و ما ادراك ما جلابة...
الكلام دا بايييييييخ...
و غلط...
وعيب...
و منّفر..
و مقّززززز...
و مافى و لا نكته بتّضحك..
فأنت غرضك شنو من البوست دا ؟
| |
|
|
|
|
|
|
|
|
|
Re: نكــــات عن الجـــلابة (Re: nour tawir)
|
الجلابة وحب المال ..
أغترب الجلابي سنين عددا يجمع في الفلوس ..
وجاء راجغ منتشي بما يملك من قروش ..
نزل المطار وركب تاكسي ..
أثناء ما التاكسي ماشي .. وقف السواق جوار طرمبة بنزين عشان يكب بنزين.
نزل صاحب التكاسي وسحب معه شنطة القروش .. والجلابي ينضم مع أهله منتشياً
وصل مكان أهلوا ونزلوا الشنط ودخلوا والسلام حار ..
قال الجلابي جيبوا شنطة القروش لزوم قروش الضيافة
لقوا الشنطة ما فيشها ..
الجلابي أصابته هستريا ..
أخذ سكين كبيرة وجري وربط للتكاسا في الكبري
أي تكاسي يجي ماري بالكبري يمسكه .. هل أنت سرقت قروشي ..؟
التكاسي يقول ليه .. لا شلت قروشك ولا شوفتك
يقوم الجلابي يقطع أضان التكاسي ويكتب عليها نمرة التكاسي ..
يقول لصاحب التاكسي أمش .. لو لقيت الزول الشال قروشي تجيني راجع ..
بعمل ليك عملية في أضانك وبدفع ليك قروش علي قرار والجروح قصاص ..
أها أي تكاسي قطعوا أضانه جري يبحث عن الزول السرق القروش
أها قبضوا الراجل .. وجابوا شنطة القروش .. سالمة بمالها
أها كل زول جاء يطالب بأصلاح أضانه وقروش القصاص ..
الجلابي قال ليهم هع هع .. أنتم قايلين القروش دي أنا جايبها بالبارد
أي زول فيكم يا يدفع قروش عشان نرد له أضانه .. يا نرمي أضانه للتمساح الحايم تحت الكبري دا ..
في ناس دفعوا قروش عشان يستلم أضانهم المقطوعة ..
وأي زول قال ما بدفع .. برمي أضانه "جلغ" في خشم التمساح ..
الناس كلهم خلصوا .. فضل واحد قرفان من نفسه ..
قال للجلابي .. والله يا تدينى نصف القروش في الشنطة إما نقطع ليك أضانك ذي ما قطعت أضاني ..؟
ولو قتلتني أنا أصلاً زول ما نافع .. لا عندي قروش لا مرة .. والأن أنت تميت الناقصة شوهت لي خلقتي ..
الجلابي إحتار .. قال ليه يا أخينا .. أنا عرضت للناس العميلة وقروش مقابل الجرح ..
قال الزول لا داير عملية ولا حاجة .. أنا عايز نصف القروش!
الجلابي قام قال ليه يا أخينا "هادي السكين ودي أضاني .. لكن فلوس لا .. ومن أعفي وأصلح فإن أجره علي الله"!
بريمة
| |
|
|
|
|
|
|
|
|
|
Re: نكــــات عن الجـــلابة (Re: nour tawir)
|
بت أبا نور .. صباح الخيرات ..
أنت نفسك قايم ليه ..؟ .. أم دا أسلوب ضربة أستباق لتقطعي الطريق علي موضوع "نكات عن الغرابة" .. الجاي في الطريق!
بديهي أنا فتحت موضوع نكات عن الأخر .. دا يعنى أنا قبلان أي زول ينكت عني .. ودي لعبة كسر التابوهات تأتي من هنا ..
ما تنزعجي ..
بريمة
| |
|
|
|
|
|
|
|
|
|
Re: نكــــات عن الجـــلابة (Re: Biraima M Adam)
|
على طاري الضحاكات .
يوم ببجننن لهن زول.
® في سوق المحاصيل بالأبيض، عمك جلابي جمع إيرادات
يومو ختاهن في جيب جلابيتو أنصارية جناح أم جكو اللي ليها
جيببن . و رقد أخدلو تعسيلة في راكوبتو قبلو في الهمبريب ساي.
¶ أها صحاه أذان العصر قام فللي توضأ و لفح جلابيتو لبسا
ليك و ركب الصف. مع الركعة اتذكر الضحاكات و هبشلامز جيبو
فقدن ما لقاهن؛ حس بي ريقو جف درابة و لهاتو تمش شرا شرا
لامن ضاق طعم الحناضل في خشمو. و يلا قعد يتلبج جاي وجاي
لامن أتخلبتن عليه الأختساسات؛ بقي يصلي خبط عشواء: الناس
ساجدة هو واقف ؛ راكعين هو أرضا سلام و هلم جــــرا.
¶ أتاريهو الجوزلان، بقى في الجيب البي ورا.
فاا ربك رب الخير خلا في زولن عاقل كدا كان
بصلي في الصف الوراه لاحظو مو متلمي على
بعضو، فقام خت بدو بالراحة في ضهرو عصرلو
القروش لامن حسا بيهن ساقطااات و أنقذ الموقف.
حتين عمك بلع ريقو و راق و هجس.و ي دوب
قال: "سمع الله لمن حمده..ربنا و لك الحمد"
| |
|
|
|
|
|
|
|
|
|
Re: نكــــات عن الجـــلابة (Re: Biraima M Adam)
|
قول قبلناها (نكاتك) دي عن الجلابة يابريمة ..
المعضلة ولا واحدة فيهن بتضحك ..
فلايجوز ان يُطلق على ماتفضلت به مسمى نكات ..
دي ولا نكات ولاحاجتين ..
عادي لو النكتة ظريفه ولو عن قبيلتك بتضحك ..
فما بالك والجلابة هذا المسمى الفضفاض ..
| |
|
|
|
|
|
|
|
|
|
Re: نكــــات عن الجـــلابة (Re: Biraima M Adam)
|
الجلابي مرتو أشتكه عند القاضي ..
قالت للقاضي أنا ما مرتاحة مع زوجي ..
القاضي سأل الزوج .. ليه مرتك ما مرتاحه ..؟
أجاب الجلابي .. أنا ذاتي ما عارف المشكلة .. لكن النسوان التانيات كلهن مرتاحات معاي .. يبدو إلا هي!
بريمة
| |
|
|
|
|
|
|
|
|
|
Re: نكــــات عن الجـــلابة (Re: علي دفع الله)
|
اتنين جلابة ماشين في الغابة
لاقوهم اتنين ما جلابة
الجلابة سالو الما جلابة الدرب البودي نهاية الغابة
الما جلابة قالوا ليهم اتبعونا نحن زاتنا ماشين نهاية الغابة
ومشوا سوا و غنوا اغنية محمود عبد العزيز ( سوا سوا)
وفرحوا ورقصوا ونططوا وبرضو جاهم اسهال من الفرح
| |
|
|
|
|
|
|
|
|
|
Re: نكــــات عن الجـــلابة (Re: علي دفع الله)
|
محاولة لا بأس بها .. يا ول أبا علي ..
هاك دي ..
الجلابي فارش بضاعته .. ولما يجيه زبون .. يقوم يعاين فيه .. وعلي حسب حجمو يحدد السعر ..
قاعد ينادي كيلو الطمام حسب مقاسك .. كليو الطمام حسب مقاسك ..
جاهو زبون كيهان ..
سأل كيلو الطماطم ..بكم؟
الجلابي شافو من فوق لتحت .. قال ليه كيلو الطماطم بجنيه ..؟
شال طماطمو ومشي ..
جاهو واحد سمين مدغبج ..
سألك كيلو الطماطم بكم؟
الجلابي قال ليه .. ب 5 جنيهات
قام الزول .. سأل قال للجلابي حسع قدامي أنت أعطيت الزول الكيلو بجنيه .. أش معني أنا تديني الكيلو بخمس جنيهات؟
الجلابي قال ليهو .. شوف جعبتك دي قدر صليبو المرخرخ دا ..
بريمة
| |
|
|
|
|
|
|
|
|
|
Re: نكــــات عن الجـــلابة (Re: علي دفع الله)
|
حبة ... تطاول ... على الجلابة ما كعبة
جلابى على المعاش متعود بعد الغداء يطّلع كرسيهو قدام باب الحوش و يجيبو ليهو الجرايد و الشاى
يقرا و يشرب بى مزاج عالى و يسعد بى رد التحية على المارّه
على يمينو كوم طوب احمر و جمنبو عمود النور
اها يوم فى قعدتو دى جاهو جلابى مسطول و سألو
- ياحاج لو سمحت بلقى معاك ورقة فاضية
الجلابى زول المعاش قال ليهو بلحيل هاك ليها
_ و بلقى معاك قلم
الجلابى المعاشى قال ليهو بلحليل و اداهو قلم
الجلابى المسطول كتب ليهو كلام فى الورقة و طبّقا و شال ليهو طوبة من كوم الطوب
و فرتلب فرتلب طلع فوق عمود النور
لامن وصل اخر العمود خت الورقة و تكلا بالطوبة و نُزلت نُزلت نزلت راح نازل
لامن وصل الواطاه شكر الحاج المعاشى و انصرف الى حال سبيله
عمك المعاشى الجلابى الكيوريزتى كتلو
نادى اولادو وولاد الجيران عشان طُلعت يطلعو يجيبو الورقة دى
و الشباب يطلع و يقوم يقع
لحد ما فى الاخر جابو ليهو الورقة
فتحا لقى مكتوب فيها .. الى هنا ينتهى العمود
تصدّقو الجلابى المسطول برم راس الجلابى المعاشى
| |
|
|
|
|
|
|
|
|
|
Re: نكــــات عن الجـــلابة (Re: Biraima M Adam)
|
الجلابي سافر أوروبا .. وتزوج ليهو خواجيه مصابة بالأيدز ..
قام جاه الأيدز ..
أتصل علي حبوبته .. ألو ألو حبوبتو ..
ألو يا وليدي .. الله يسلمك ..
قال ليها تزوجت لي خواجيه .. وجاني إيدز والحمد الله ..
الحبوبة إن شا ء الله تتهني بيهو يا وليدي .. أها الأيدز دا .. ولد ولا بنية!
بريمة
| |
|
|
|
|
|
|
|
|
|
Re: نكــــات عن الجـــلابة (Re: Biraima M Adam)
|
واحد جلابي، قال لصحبه ..
شوفت المرأة ديك .. متسلطة .. كل يوم بتدق في راجلها ..
صاحبه قال ليه كيف عرفتها بتدق راجلها .. راجلها يبدو عليه زول أوضينه ساكت ..
قال الجلابتي لصاحبة .. في الحقيقة هى مرتي!
بريمة
| |
|
|
|
|
|
|
|
|
|
Re: نكــــات عن الجـــلابة (Re: Biraima M Adam)
|
خواف ربى عيالو
(دي بريمة ، نفع للكو دلابة على غرابة سواسيتن كأسنان المنشار)
# فقرية من ذات القرى فيها مرة صعبة و لسانا سليط لامن متبري منها ..
تلقاك قاعد فى الضل تشبكك..ياعاطل ياباطل ..تلقاك ماشى تقول: ليك : حايم
لي زى كلب الحر ..حتى النسوان بخافوا من لسانا ..اصبري انتى ملاياتك من
العيد ما غيرتيهن .. و هي سجمى عدتك الوسخانة و لا : بري ما بشرب بى
كوزكم المطرقع دا ..المهم الحلة كمان فيها واحد ن كدي خواف مرعة .. دا
الكيس لو كشكش وراهو بالنهار و الشارع فاضى بتلفت و يفتح بنمرة 5 .
.و ينط من ضلو. و بقول على روحو: " أنا لا بخاف ، و لا بعرف
الخوف؛ علا كان كشكش كديس تلفاني قايم صوف"
# و الحلة زاتا جنبها غابة غزيرة ..و فيها وحش گاسر،:الغنماية
البتدخل الغابة دى تانى ما بتمرق..الفار لو دخل فى غضب الله .
ياخ باللختسار ، مافى شىحي دخل الغابة دى و جا مارق...
# أها البيوت ماتت فيهن بقرة ، وجدوعها ورا الحلة ...المره أم لسانن فلقة
دي ما صدقت لقت ليها موضوع فطيسة و دايرة تشبع فيهل لطم ..بقت لافة
الحلةدي على ساق گلب ..تلقاك مع مرتك ..تشبكك انت بس لاصق فى مرتك
المتل الصارقيلة دي .. ضاربين الهمبريب .. و بهناك عفنة الفطيسة ظابطة الحلة
# طالعة كدر عترت ليك في الخواف لي التسودا عليهو.. زولك انهجم قام ناطى .ا
نت ياخايب الرجا تقامز من كشكشة الكديس ..و تخاف من ضلك ..امش من وشى كدى
و لا كدى.صاحبك شالتو انحمق و الهاشمية ؛ سألا: مالك بة ختجة فى شنو؟؛...قالت لي ا
لرجال ما نفعوا انت شنو ..الفطيسة دى ..ماف راجلن كدي يخمها يوديها الغابة... صاحبك
دقه قلبو و قال ليها ..الليلة عصرن بدري بتريحك منها ..تانى دايرة شنو ..و أنا بجمع الرجال
ديل.. و الموضوع انا بتمو.. عمتك عارفاه خواف عشان تمسكو بالسابتة و النجيضة قالت
ليو تعال ...راحت ادتو ليك حبل و قالت ليو حبلي دا يروح و ما يجى مابريحك ...
ومسعول منو إتا دا براك ...اتا عنك ما تجى لكن ..حبلى دا يجى.
# الزول شال الحبل ...و بقى فى ورطةمع المره دى ..قام لف الحلة دي سگة عمي،
بيت بيت..و لم الرجال ..غايتو اتشودعو مرقو معاه زى 13 نفر ..ربطوا البقرة و جروها .
لما قربوا للغابة..اخونا الكاشف خاف...قال للجماعة "ياناس هوى انا فعلن خايف ..علا
اربطونى بى حبل المرة الشوم دي في گراع الفطيسة ..عشان لو جريت يمسكنى"..الجماعة
قاموا ربطوا... قالوا ندويها جنب الغابة شوية ... لما وصلوا جنب الغابة .. لافى وحش مفترس
لا شيتين..قالوا ندخل بها الغابة شوية ..و فعلن مافى شى ...يخوف.. الجماعة اطمنو وقالوا
نتوگر بالنصيبة دى لاعن نص الغابة..و فعلن..وصلوا هناك.. بس قبال ما يرموها و يفكوا
الحبل .. قام الوحش گرف ليك ريحة دم ود ابن آدم و حا كابس عليهم .الناس جرت
جرى شديد ..كل زول مرق بى جيهة.. علا صاحبنا الخواف مزرود مع الفطيسة..
# غايتو جنب الحلة..الناس بقت تظهريجوا واحد ..واحد .. حتبن جبدو أنفاسم
و قعدو يتفاقدو: فلان وين فلان ماظهر ...فلان داك ظهر ..واحد جاى من صباح..
واحد جاى من سافل و لا من صعيد ...المهم فقدوا الخواف ما جاء ...الجماعة قالوا
نمشى نكلم اهلو نوريهم الحصل ..و ناس قالوا حبل الجولگينة مربوط بالبقرة .. نخش
الحلة كيف بدون حبل اتفقوا ناس يمشوا لأهل الخواف نختهم في الصورة..وانو زولهم
غلتان المرحوم لحسو زد أم بعللو..و رسلو وفد رفيع يمشوا يقنعوا الحاجة بالحبل الما جاء
دا..أها الجماعة اللي راحوا بيت الخواف.. دقوا الباب .. للمفاجأة ، فتح لهم عمك الخواف
سخشيا ظاطو ..الجماعة استغربوا ..يازول ، إتا قمت بعاتي و لا جيت كيف؟؛ قالهم:
ماكون شايفني ؛ جيت جارى في نصكم ..و حبل عمتك وين آشقي؟؛ ...قال ليهم ..
وگان لحبل المخويب بى فطيستو في الحفظ والصون .. هدؤلك ورا البيت ..
تحين گدي ، امشو حلوه .. و رجعوه لي ستو و گافونا البلا بالبليلة!!!
| |
|
|
|
|
|
|
|
|
|
Re: نكــــات عن الجـــلابة (Re: دفع الله ود الأصيل)
|
برغم اني ما عارف من هو المقصود بلقب جلابي لانو فكرتي عنو هو التاجر بغض النظر عن جنسو او قبيلتو
لكن اخونا بريمة محمد آدم دا يعاني جرح غائر من الفئة المكنى بالجلابة البقصدهم هو
يا ريت يا بريمة تورينا الجلابة ديل عملولك شنو .. وما تخجل نحنا اخوان ؤ كدا
وبالمناسبة احب اضيفلك معلومة جديدة عليك .. كل المصطلحات العنصرية والعقد والدونية
الانت ما قادر تتحرر منها دي الناس هنا اتجاوزتها على ارض الواقع من زمن بعيد جداً
وما عدنا نناقش او نسمع بمثل هذه الترهات الا في عالم السايبر وبالذات عندك انت يا بريمة
مهما تحاول تخفي العقدة الداخلاك مما تسميهم الجلابة فهي اوضح من الشمس رابعة النهار
وغرض البوست دا مهما حاولت اخفاءه ودغمسته فهو معلوم للكل هنا ، فسيرتك العطرة
في هذا المجال وسمعة افكارك تسبقك يا ول ابا .
فا العب غيرها يا صاحبي وسيبك من محالات اللف والدوران المكشوفة على عقول الناس
| |
|
|
|
|
|
|
|
|
|
Re: نكــــات عن الجـــلابة (Re: Biraima M Adam)
|
| Quote: أبحث عن الدوافع و الأسباب بنفسك إن وجدتها قول لي معاك .. |
يا عمك دوافعك معروفة لكل من يقرأ هذا المنبر
سؤالك دا يصلح لو نكاتك دي جابا زول .. اي زول تاني لا يعاني من عقدة جلابي / غرابي العاملالك ازمة دي
ولو لاحظت لسخرية علي دفع الله والنكات الجابا تعبر عن ان نكاتك دي بايخة ومرتجلة والغرض منها معروف
فياخي استهدى بأي شي كدا وخت الكورة واطة واطمن انو الموضوع دا على ارض الواقع اصبح نسياً منسيا
ثم بعد ذلك قوم لف
| |
|
|
|
|
|
|
|
|
|
Re: نكــــات عن الجـــلابة (Re: Haytham Ghaly)
|
أوكي يا هيثم ... نقبل منك أي شيئ .. وبعدين حكاية النكات مرتجلة دي حلوة .. معناها أنا قادر نأتي بالجديد .. ودي خطوة جيدة.
ترقب نكات سياسية: الجلابة والجندية .. الجلابة وحميدتي ..
بريمة
| |
|
|
|
|
|
|
|
|
|
Re: نكــــات عن الجـــلابة (Re: Mahjob Abdalla)
|
النكات دي جميلـة وعجبتني شديــد
صنعتم يومنا وشهرنا وسنتنا والثلاثة عقود الـ لات الانقاذ كمان ال عديناهـن طافشين
على اية حال أنا شبهتهــا :
تـشبـه لي تغــريدات صــديــق اسمــه المعـتــــز
| |
|
|
|
|
|
|
|
|
|
Re: نكــــات عن الجـــلابة (Re: أحمد الشايقي)
|
ول أبا بريمة
تحية طيبة يا صديقي
بغض النظر عن محتوى النكات..مضحكة أم غير مضحكة فأنا أتفق معك في أنها بتكسر التابوهات كما ذكرت أنت..و بتخفض كمان مستوى الحساسيات إذا تم تناولها بفهم..و بتخلي الناس تعبر في أمن و أمان الحدود المصطنعة بين الهويات الإثنية و القبلية و تتعرف على بعض و عن المخاوف المتبادلة و بتسقط التنميط المختزن و المسكوت عنه و الآراء السالبة نحو بعضنا البعض و التي أغلبها لا يستند على منطق و لكنه مخنلق و واهن لكنه مختلق و مصطنع لأنه يعزز الهويات الضيقة..
استمر يا صديقي و لا ضير اطلاقا و لتكسر كل التابوهات و ليظهر المسكوت عنه في العلن ..و لكن ليتم تناوله بفهم و احترام.
تحياتي
| |
|
|
|
|
|
|
|
|
|
Re: نكــــات عن الجـــلابة (Re: محمد عبد الله الحسين)
|
تحيا يا شباب .. ول أبا محمد حمزة
مولانا الشايقي
الهبيب محجوب
ول أبا دكتور محمد عبد الله ..
هذه أول محالة لي أكتب نكات .. ولا أعرف أحكي النكته أصلاً .. يعنى أن زول تحت التدريب ..
بعدين بخصوص الجلابة .. كتب مداخلة طويلة أشرح فيها من هم الجلابة .. راحت المداخلة .. المهم الجلابة لا قبيلة لا أثنية .. لا لهم جهة محددة .. الجلابة يوجدون في كل المدن السودانية الكبيرة .. هم سدنة السلطة والسلطان منذ زمن الدولة السنارية ..
والجلابة خشم بيت من شرائح المجتمع السوداني .. الرعاة خشم بيت، المزراعين خشم بيت .. السمكرجية خشم بيت .. وهكذا .. والجلابة خشم بيت ..
بريمة
| |
|
|
|
|
|
|
|
|
|
Re: نكــــات عن الجـــلابة (Re: Biraima M Adam)
|
الغرابي ولده دخل الجيش، وجاه الخبر ولدك وده اليمن .. عاصفة الحزم ..
الغرابي قال أبشروا بالخير .. ولدي زول فارس .. ودوه محل الدواس ..
الجلابي ولده تطوع قال ماشي اليمن .. قام الجلابي فتح بيت بكاء ..!
بريمة
| |
|
|
|
|
|
|
|
|
|
Re: نكــــات عن الجـــلابة (Re: Biraima M Adam)
|
الجلابة قاعدين يغنوا ويرقصوا بأغاني الحماسة ..
باب الصالة أتفتح بقوة .. دخلوا ناس الدعم السريع بأسلحتهم يبشروا ..
الجلابة قالوا هييع ما نموتوا هنا .. غداً الجرائد بالمناشست العريض "هجوم إرهابي" علي حفل غنائي!
بريمة
| |
|
|
|
|
|
|
|
|
|
Re: نكــــات عن الجـــلابة (Re: Biraima M Adam)
|
الجلابة يوجدون في كل المدن السودانية الكبيرة .
--------------------------------------------------------
يعني يمكن يكون في جلابي وغرابي في نفس الوقت؟الأجابة : لا
اذن كلامك الفوق دا غلط لان الفاشر والجنينة ونيالا مدن كبيرة ولا يوجد بها جلابة.
الأجابة : نعم
لكن بيتعارض مع التغريدة أدناه:
"لغرابي ولده دخل الجيش، وجاه الخبر ولدك وده اليمن .. عاصفة الحزم ..
الغرابي قال أبشروا بالخير .. ولدي زول فارس .. ودوه محل الدواس ..
.......الخ"
| |
|
|
|
|
|
|
|
|
|
Re: نكــــات عن الجـــلابة (Re: الزبير بشير)
|
| Quote: يعني يمكن يكون في جلابي وغرابي في نفس الوقت؟ |
نعم، النكات لا تعتد بثانيئة الصفات ..
إذا أجتمع توصيفين غرابي وجلابي .. فهو جلابي ..
الجلابي لو كان في فاشر السلطان أبو زكريا .. ورسلوا ولده اليمن .. يفتح بيت بكاء .. ملة واحدة في التفكير مهما تبدلت قبائلهم.
بريمة
| |
|
|
|
|
|
|
|
|
|
Re: نكــــات عن الجـــلابة (Re: Biraima M Adam)
|
الجلابي شاف القائد حميدتى عندو دبابير كتيرة .. وهو عنده دبورة واحدة .. قام زعل ..
الجلابي أتصل علي أبوه .. بابا القراية يبدو عليها ما نفعتني ..؟
الجلابي يرد .. "الله يرحم القراية .. ماتت من زمن جات الأنقاذ .. وشبعت موت"!
بريمة
| |
|
|
|
|
|
|
|
|
|
Re: نكــــات عن الجـــلابة (Re: Biraima M Adam)
|
القائد حميدتي .. سمع حكاية الجلابي القال هو قاري ..
ناداهو مكتب .. يا سعادة الضابط سمعنا أنك قاري ..
الجلابي: أيوه أنا قاري وخريج الجامعة الفلانية .. وأحمل الشهادة العلانية .. وأعرف اللغة الفرتكانية ..
القائد حميدتي: حسنا .. لدينا راجمة حديثة جاتنا من الأتحاد الأوروبي .. عازيك تقودها في المعركة القادمة .. لأنك تعرف تقرأ الأرشادات باللغة الأنجليزي ..
الجلابي: وووب عليّ يا أمي الخليتي أبوي يقريني ..!
بريمة
| |
|
|
|
|
|
|
|
|
|
Re: نكــــات عن الجـــلابة (Re: Biraima M Adam)
|
الجلابة لامين .. لمة كبيرة ..
جاهم القائد حميدني راكب حمار ولابس جلابية وشايل عصي ..
القائد حميدتي .. سلام عليكم يا ناس ..
الجلابة وعليكم السلام ..
القائد حميدتي: قالوا القائد حميدتي جاء هنا .. هل ممكن تدلوني عليه ..؟
الجلابة: آزول هاه .. أنت ما عندك شغلة .. دا زول كتال كتل .. حرامي جمال .. وبتاع سلب ونهب ..
القائد حميدتي: أنا حميدتي !
الجلابة: نان ما تبالغ!! .. و "ورررر جروا خلوه واقف وحيده"!
بريمة
| |
|
|
|
|
|
|
|
|
|
Re: نكــــات عن الجـــلابة (Re: osama elkhawad)
|
يبدو متفقين يا أستاذ أسامة الخواض
الحكومة والأخوان في السلطة .. شيئ .. وعامة الجلابة شيئ أخر .. ال paradox .. التناقض السياسي ما بين الجلابة والحكومة ينعكس سلباً علي مواقف الجلابة من أبناء الغرب المواليين للحكومة .. أمثال القائد حميدتي ..
بريمة
| |
|
|
|
|
|
|
|
|
|
Re: نكــــات عن الجـــلابة (Re: Kabar)
|
كبر يا حبيبنا عساك بخير والله ولدكم بريمة هو القام دقا سدرو وأدا البشير التابعية البقارية شفت كيف *العربي لمن يتفلهم بجيب مصيبة لي أهله *😂
| |
|
|
|
|
|
|
|
|
|
Re: نكــــات عن الجـــلابة (Re: Biraima M Adam)
|
الكرت الاحمر مرفوع لاي محاولة تجر الناس لمزيد من الاستقطاب الجهوي ..
واحسن الظن اذ اقبل فكرة "طرطشتك" التي تحاول تسويقها انك غير مدرك او واعي للمزلق الذي تقود اليه الناس .. على المستوى الشخصي افضل التفكير بك كزول مطرطش بدلا عن زول خبيث يعمل على اثارة النعرات وزيادة الاستقطاب الجهوي في المنبر
والطرطشة المقصودة هنا طرطشة السيناريو بتاع وجود قيمة انسانية جميلة للنكتة الجهوية وقدرتها على (لم الناس والتئامهم)
| |
|
|
|
|
|
|
|
|
|
Re: نكــــات عن الجـــلابة (Re: محمد حيدر المشرف)
|
الجلابي عايز يتزوج .. أتصل علي أبوه عشان يمشي يخطب ليه ..
بابا أنا عايزك تمشي تخطب لي بنت جيرانا .. ناس فلان ..
الأب: أختاها .. شوف غيرها .. أخاف أن تكون أختك بت أبوك ..
الشاب: كيف الكلام دا ..
الأب: أخشي أني لدي مع أمها علاقة غير شرعية في السابق ..
الشاب: طيب .. جيرانا ناس فلان .. أخطب لي بنتهم ..
الأب: أخشي ما أخشاه في بت الجيران السابقة ..
الشاب: طيب، الحي القدامنا .. بنت ناس فلان ..
الأب: أختاها .. نفس القصة ..
الشاب: زعل .. خلاص يا أبوي بلاش خطوبة .. أنا ح أتكلم مع أمي ..
الشاب: أمي .. يا أخي أبوي دا قاعدة معاه كيف؟؟ .. كل واحدة قلت ليهو يخطبها لي .. قال لي أخشي تكون أختك بت أبوك !!
الأم: ما تسمع كلامه .. أخطب أي واحدة فيهم ..
الشاب: كيف يا أمي ..؟ هو عنده علاقة غير شرعية بأمهاتهم كلهم ..؟
الأم: هو ذاته ما أبوك ..!!
بريمة
| |
|
|
|
|
|
|
|
|
|
Re: نكــــات عن الجـــلابة (Re: محمد حيدر المشرف)
|
ود المشرف،
سلام ..
Quote: الكرت الاحمر مرفوع لاي محاولة تجر الناس لمزيد من الاستقطاب الجهوي ..
واحسن الظن اذ اقبل فكرة "طرطشتك" التي تحاول تسويقها انك غير مدرك او واعي للمزلق الذي تقود اليه الناس .. على المستوى الشخصي افضل التفكير بك كزول مطرطش بدلا عن زول خبيث يعمل على اثارة النعرات وزيادة الاستقطاب الجهوي في المنبر
والطرطشة المقصودة هنا طرطشة السيناريو بتاع وجود قيمة انسانية جميلة للنكتة الجهوية وقدرتها على (لم الناس والتئامهم) |
يا أخي محمد، أنت حر تضع العبار بريمة .. في القالب الذي يحلو لك .. لكن هذه النكات رغم أن الكثير منها عملت لها adaptation توليفة من جهات أخري وردمت بها الجلابة في صمت خشمهم .. إلا أنني أؤمن أيمان راسخ .. لو أستطعنا فتح نافذة من خلالها نضحك علي أنفسنا .. وعلي حاجاتنا الما كويسة .. ونسخر منها .. بالتأكيد سوف نتغير .. أبقاء الوضع علي ما عليه لا يعنى أن هناك أي تغيير ..
وتذكر لا يغير الله ما بقوم حتى يغيروا ما بأنفسهم .. في رأيك ما هى منافذ تغير الأجتماع السوداني؟ .. ليس هناك أي قانون يغير حياة الناس .. لكن بالحوار يتغير الناس .. النكات جزء من حوار صامت ..
تعرض فيه مناقص الأفراد .. ومن ثم يحاولون تغييرها .. مثلاً لما أنا أخرج صورة نمطية عن الجلابة بأن نساءهم بدقنهم .. هذا الكلام ممكن يكون ليس لديه أي مصداقية علي أرض الواقع .. لكن نحن في الغرب .. خلاص .. أتغرس في أدمغتنا .. نساء الجلابة متسلطات .. وبضربن الرجال .. ومن خلال هذه النكات سوف يأتي الألاف الذين يستنكروا هذه الفرية من خلال الواقع المعاش .. بكده يكون حصل التغيير ..
بريمة
| |
|
|
|
|
|
|
|
|
|
Re: نكــــات عن الجـــلابة (Re: Biraima M Adam)
|
ويتواصل الضحك عن الجلابة اليوم .. وغداً الغرابة .. وبعده الزنوج .. ح نضحك ونتهكم علي جميع شرائح المجتمع .. حتى يسير البساط أحمدي ..
أها هاكم ..
الجنوبي .. مشي عرس بتاع الحمر .. وكانت المرايس جزء من طعام الأعراس .. (مريسة رأسا عديل) ..
الجنوبي لم يجد المريسة .. جاء راجع زعلان .. كيف مريجة مافيش!
قابلوه جنوبين ذاهبين إلي مكان العرس بغرض شرب المريسة ..
سألوه
فلان أكوي (أخوي) .. مريجه (مريسة) في ..؟
الجنوبي: مريجة جينو (مريسة شنو) .. عصيدة ذاتو جويا جويا (شويه شويه)
بريمة
| |
|
|
|
|
|
|
|
|
|
Re: نكــــات عن الجـــلابة (Re: Biraima M Adam)
|
هام النكتة دي عن الغرابة ..
الغرابة قاعدين يبنوا في عمارة شاهقة وسط الخرطوم ..
الغرابي وقع من رأس العمارة وعني الواطا ..
أخوانه الغرابة: يا فلان ما تسوي لينا فضحية .. يا فلان ما تسوي لينا فضحة ..
الغرابي: أتقلب غراب .. وطار يسوي ليهم غاغ غاغ ..
بريمة
| |
|
|
|
|
|
|
|
|
|
Re: نكــــات عن الجـــلابة (Re: Biraima M Adam)
|
يا بريمة
ياخي نوافذ تغيير شنو بنكات السخرية التي في اول امرها قائمة على الحط من الآخر ونزع الفضائل منو (حسب تصوراتو للفضائل والقيم) ..
انت هنا قدمت سلة منوعة من الازدراءات ووصفت من تصفهم بالجلابة بالجبن كسمة اساسية .. هسع انا ده لو كنت ممن تصفهم بالجلابة ممكن افتح معاك ياتو نافذة تغيير؟!
هل تعتقد انو ممكن اضحك من نكتة تصفني بالجبان, لا وتصف عموم من انتسب اليهم .. من قضوا نحبهم ومن ينتظر .. واجيالي القادمة بالجبن؟!
ده فضاء ثقافي وسياسي واجتماعي وعرقي قذر جدا .. وذلك بجانب انو جاهلي وغير عقلاني ومجرد احكام متخيلة ومتنزلة عن ذاكرات وموروث منحط جدا يكرس الفضيلة ويحصرها في قبيلة او جهة ما .. وهو تعويضي بالضرورة لو مشينا للسيكلوجيا .. الانا الجمعية المتضخمة المستأثرة بالفضيلة والصفات الحميدة من شجاعة وفحولة وكرم ونجدة وفي واقع الامر تعيش في شتى انواع القهر الاجتماعي والسياسي والاقتصادي .. اها تسيب ده كلو عشان تتبجح بصفات متخيلة ..
هراء في هراء يا صاحبي .. كلام فارغ ساي البتقول فوقو ده .. ونكاتك غير انها لا تحمل اي حس فكاهي, فهي تكريس للكثير من المعاني القبيحة والاسقاطات النفسانية الشائهة
كن بخير
والله يهديك
| |
|
|
|
|
|
|
|
|
|
Re: نكــــات عن الجـــلابة (Re: محمد حيدر المشرف)
|
ود المشرف،
أييي معاك .. حارة .. وبتحرق .. لكن القيمة الكبير في الأستنكار دا هو المهم وهو الذي يخلق تواصل .. أنا متأكد في ناس أستنكروا النكات حطب .. وهناك من أمنوا عليها وبصموا بالعشرة أنها تحمل صفات تخص الجلابة .. ومتى ما تنازع الطرفان حتى وصلوا لنقطة أتفاق حول الصفة .. ذلك يعنى أتخلق عقد إجتماعي .. وشوف كلامي دا وقلبه يمين شمال .. ح تلقاه في نهاية المطاف هو الخلاصة ..
بريمة
| |
|
|
|
|
|
|
| |
Biraima M Adam
صديق مهدى على
علي دفع الله
Yasser Ali
دفع الله ود الأصيل
nour tawir
جمال ود القوز
جلالدونا
محمد حمزة الحسين
Mahjob Abdalla
أحمد الشايقي
محمد عبد الله الحسين
MOHAMMED ELSHEIKH
الزبير بشير
محمد حيدر المشرف
osama elkhawad
Kabar
Deng
الطيب رحمه قريمان
Abdalla Hussein
فيس بوك
تويتر
انستقرام
يوتيوب
بنتيريست