شهادة حسن سير وقروش : ________89££££___89:- صباح الخير وجمعة خير علي الوطن. الأزمة أزمة ثقة ياناس المالية وبنك السودان يعني لو سعر الدولار في البنك أعلي من سعر السوق الناس ح تحول بالسوق بسبب الثقة. انتو شغالين سياسة رزق اليوم باليوم ف ما تحلموا بتحويل المغتربين عبركم لأن المغترب ممكن يحول الأحد ويوم الاتنين قبل استلام التحويل ممكن تطلعوا بجديد في سياستكم وقروش المغترب من البنك ما تطلع وتطلبو شهادة حسن سير وقروش ايوة حسن سير وقروش انتو بغلبكم لف ودوران ولو سألوكم يطلعوها من وين تكونوا انتو ذاتكم ما عارفين المهم تدوهو جولة شهرين تلاتة عشان يتسلم تحويله والفترة دي القروش تاخد ليها 20 قلبة. ولو عملتو مكان للشهادة دي بعد ال 3 شهور وجابها ليكم تطالبوه بشهادة ( حسن إسلام ) حتي لو مسيحي وبقروشه نفسها وبعد 3 شهور تعملو ليكم مكتب حسن إسلام في أم مرحي لاستخراج هذه الشهادة وهي ح تكون ضرورية لاستلام التحويل حتي لايدخل فيها الشيطان والمكتب يكون بعيد عشان يكتب له في كل خطوة حسنة ودي أسهل شئ تلقوا ليها فتوي من الترزية. اها وهو جائي راجع من هناك بشهادته دي ح يسمع في التلفزيون أن المالية وبنك السودان قرروا أن عوم الجنيه حرام شرعا والسعر الرسمي دولار يساوي جنيه ولا فرق بين ابيض واسود إلا بالتقوى ودي أسهل حاجة عندكم ف يستلم دولاره بجنيه مع دعوات أن يبارك الله له في رزقه ويبارك لكم في بطونكم. ____ الأزمة أزمة ثقة بينكم والمواطن من زمن فراق الطريفي لي جمله في 89 . ____ قوموا لجمعة كرامتكم يرحمكم الله.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فيس بوك
تويتر
انستقرام
يوتيوب
بنتيريست