انتو كده ؟؟؟؟؟؟ و ليه ؟؟؟ و العلاج شنو ؟؟؟؟😭😭😭😭😭 ا✅✅✅✅✅✅✅✅✅✅✅✅✅✅ #الكائن_السوداني_الهلامي:-😂😂😂😂😂😂😂
عايز يصلي وعايز يصوم . عايز يسكر وعايز يزني .. عايز يعرس واحدة عذراء .. وعايز يبيت مع عاهرة .. وفي الصباح يقوليك الزنا حرام شرعاً عايز يشيل الرقم بتاع بت جيرانهم.. وعايز جارو يحترم اختو .. وعايز اختو تلبس الحجاب وعايز يصاحب واحدة اوبن مايند ما محجبة ... عايز يمشي للحج ويزور بلد النبي عليه الصلاة والسلام وعايز يمشي اسمرا يعيث في الارض فسادا .. وعايز يطبق الشريعة في بلدو .. وعايز يطلع ويلقى العرقي والبنقو وفي نفس الوقت يديك محاضرة عن الفساد الخلقي في البلد.. يتفرج فالفيديوهات الفارغة وبعد ساعة ينزل فيديوهات للمسيحيين عشان يدخلو للاسلام وعيونو مرغرغة بالدموع ... يشتكي من العنصرية وتلقاهو حايم في بوست اثبت وجودك بي اسم قبيلتك .. يشتكي من الرشوة وهو مظلل اليوم كلو يرشي في عساكر المرور😂
الخلاصة هي أنو الكائن السوداني الحالي ، هو كتلة من العاهات و التناقضات والعقد ، بفهم في الدين بفهم في السياسة بفهم في الطب بفهم في الاقتصاد بفهم في التاريخ ولما تتكلم معاهو ما تفهم اي شي لانو هو زاتو لي رقبتو ما عارف نفسو عايز شنو وما عايز شنو ... متلخبطة عليهو المفاهيم وما عارف يمسك في الدين ولا الدنيا ولا الإسلام ولا العلمانية .... تسألو انت مسلم يقوليك اي بس ما بصلي وما بصوم ... تقوليهو انت ملحد طيب ؟ يقوليك كيف تقول علي كلام زي دا !!! يحتفل بي راس السنة وبالمولد النبوي وبمحرم وبالهالووين وبعيد الحب وعاشوراء والعيد الكبير والعيد الصغير والكريسمس !!! اختلطو عليهو العادات والتقاليد مع المبادئ والشرف، و الحاجة الاتربى عليها مع الحاجة الحرمها الدين والحاجة الحرمها المجتمع ساي كدا بس .. لغاية ما بقى كائن هجين فريد من نوعه في العالم ... عايشين بي سطحية كدا تحيرك 😂😂
تتكلم معاهو يقوليك هم العايزننا نكون كدا !!، تسألو هم منو العايزنك تكون كدا ديل ؟ تلقاهو ما عارف هم منو زاتو 😂
لما تصحى الصباح وتلقى روحك في السودان عجل بي دعاء تصطبح بيهو "اللهم اغفر لنا وارحمنا واهدينا الى الصراط المستقيم " الكاتب ابراهيم عجوزة ـ صفحة السائحون علي الفيس بوك
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة