دعوة شريفة لكل شريف يا بكري دعوي كريمة لكل كريم دعوي نبيلة لكل نبيل لمن فاتهم شرف التواجد في السودان و المشاركة في المظاهرات و استنشاق رائحة البمبان لتكن انطلاقتنا من سودانيز اونلاين الدور علينا في التظاهر الدعوة للأعضاء خارج السودان فقط و الشرفاء منهم
01-14-2019, 08:21 AM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3451
لا أعتقد ان منظمة الصحة العالمية و لا المنظمات الاخري ح ترفض و لو رفضت ح يكون طعن في مصداقيتها عاوزنهم يساعدونا بي قروشنا هم عندهم الهيبة ... و ما أظن ح يفرطوا فيها بدل نستجدي منهم نبادر نحن و تكون قروشنا حاضرة بس شيلوها ودوها لاهلنا المصابين بكري أعمل حساب باسم دعم الجرحي و المصابين للدفاع عن الحرية في السودان يسلم المبلغ للمنظمة العالمية التي تقوم ب توصيلة لا نثق في حكومة القتلة .... علينا أن نجبر العالم علي احترام إرادة شعبنا
01-14-2019, 08:29 AM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3451
لمتين ح نوصل مساعداتنا باللفة و الدوران لمتين تجينا مساعدات من الامم المتحدة و اليونيسيف و نحن نتفرج ندفع و تكون قروشنا حاضرة نحن بي قروشنا و هم بي هيبتهم و احترام الناس ليهم ما قصروا ... و ما ح يقصروا .... لو بادرنا ح يحترمونا خلونا نكون صوت قوي واحد ضد الظلم و القهر و الاستبداد
01-14-2019, 08:38 AM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3451
هل هي جريمة عندنا قروش عاوزين نوصلها للجرحي و المصابين النظام و نظامة المصرفي فشل حتي في توفير السيولة و لا نثق فيهو عاوزين نساعد أهلنا و نظام الخرطوم لا يرغب في المساعدة بل يقتل و ينهب و يعتقل لا تستجدي .... بس قوموا بي دوركم وصلوا قروشنا للمصابين تبرعاتنا حاضرة في العديد من المدن كالقري .... حاضرة يلا خلونا نلم القروش و أكيد ح نوصلها لمن تقدموا الصفوف التحية للشعب السوداني
01-14-2019, 08:30 AM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
تسلم يا عزيز كل المدن قاعد تجمع مساعدات للجرحي و المصابين عاوزين كل المساهمات تمشي تحت إشراف دولي من حساب واحد معلوم و معروف لصالح منظمة الصحة العالمية مثلاً .... هناك خيارات أخري و ده شغلهم و لو ما قادرين يقولوا لينا كده ح نختهم في محك أخلاقي حقيقي
حتي العلاج نوصلوا لأهلنا بالدس و الخوف
تسقط بس
01-14-2019, 08:47 AM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3451
لو جمعنا قروشنا في حتة واحدة و قلنا عاوزين نوصلها للجرحي و المصابين ح نلقي جهات عديدة انسانية ح تتصدي للموقف ح نلقي شرفاء في برلمانات العالم ح تقف معانا ح نلفت نظر العالم لقضيتنا بجد الناس الطلعت في مظاهرات حول العالم دي قوة حقيقية بس لازم نوظفها توظيف ايجابي لدعم ثورتنا بالداخل خلونا نتوحد ... و نتواصل ... و نتفاكر المجد و الخلود لشهداءنا الأبرار
سلامات يا حامد لغاية أمس تم جمع 97الف دولار وباقي أقل من ثلاث الف ويقفل المبلغ 100.000 دولار.. المصدر :صفحة التجمع الإتحادي المعارض دعوة للتبرع لدعم الثورة السودانية
الثورة تحتاج إلى جهود الجميع دي الإقتراحات العملية
01-14-2019, 11:22 AM
Asim Ali Asim Ali
تاريخ التسجيل: 01-25-2017
مجموع المشاركات: 13501
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Hamid Elsawi
فيصل محمد خليل
عبدالعظيم عثمان
Asim Ali
فيس بوك
تويتر
انستقرام
يوتيوب
بنتيريست