ما بين مفهوم سلميّة الثورة و استسلام الثوّار !

Quote: انا افهم انو سلمية الثورة تعني عدم المبادرة بالعنف عدم التخريب و المحافظة على الممتلكات العامة و الحرص على سلامة الشخص الشخصية و سلامة الآخرين و لكن ان نتحوّل الي سلبيين و نبالغ في إظهار سلوكياتنا بهذا الفهم الفطير لكلمة سلمية إذاً حينها تتلاشى الحدود بين الجبن ، الخنوع ، الإنكسار ، الضعف و تختلط المفاهيم ! .... لا ادعو للعنف و لا للمبادرة به و أتمنّى المحافظة على سلمية الحراك و لكن بوعي كامل ! .... شخصياً ، ، لا أبادر بإشعال النيران ، لاكين لو لقيت بتاع أمن او أمن شعبي واقع في النار بذيدو حطب !

Quote: ما ممكن ثائر واحد يقبضوه وسطنا مية راجل و نحن واقفين نتفرّج و بالكتير نكتفي بالتصوير بحجّة انها سلمية !! ما مقبول نخلّي بناتنا و الكنداكات يتم اعتقالهم من وسط الحشود ، رفعهم في البكاسي و التحرِش بهم و من ثم ضربهم و تعذيبهم و بعض الثوّار واقفين و شايفين و لا يتخذوا موقف إيجابي عشان ما يطلعوا من إطار السلمية المرفوع دا !! ... شاب في كامل الصحة يتم إقتياده للبوكس من اتنين تلاتة بتاعين أمن و يمشي مستسلم و يقعد بكل سكينة و مسكنة داخل البوكس ، دون إبداء مقاومة و لو بصورة شخصية و هو عارف المصير الذي ينتظره بمجرّد تحرّك العربة ! .... اعتقد الناس محتاجة تعرف الليها و العليها و تعرف الحد الفاصل بين السلمية و الإستسلام !

Quote: النظام عايز يجرجر الناس للحتة دي حتى يبطش بهم ويكون عندو مبرر...