https://www.0zz0.com مرفوع الهامة أمشي في كفي قصفة زيتونٍ وعلى كتفي نعشي وأنا أمشي وأنا أمشي......... بس شايفينك قاعد مع المسيخين ديل ولا مشيت ولا جيت . مع انو المسيخين ديل الذّ فيهم زول ابكر العجلاتى دا وبالمناسبة مالك نسيت صاحبنا ودالبشرى ؟ في ذمتك قول لي حلاوة شنو الفايت بيها ودالمدير ... ----------------- معركة في غير معترك .... ولو كايس ليك لعدو فعدوك موجود وما بتغباهو وما تعمل رايح وسطنا ولو تماديت اكتر من كدا ، بنعرف نرد عليك بنفس طريقتك ...... سلام
01-26-2018, 04:05 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
محمد البشرى الخضر .........تحياتي.. الموضوع ابداً ما نظرت ليهو بالطريقة دي.. كل ما في الأمر هو طرح رؤية مغايرة و إرسال رسالة مفادها ان هذا الفضاء الاسفيري هو انعكاس لواقع السودان الشاسع الواسع ,, فمن المستحيل ان تتوافق مفاهيم ونفسيات الناس بحكم الاختلاف الجذري في خلفياتهم الجغرافية و الاثنية و الثقافية و السياسية ,, الزول الداير يحول منبر سوداني عام الى لمة شلة او قبيلة او مدينة او حزب سياسي واحد ... ده زول واهم ,, في ناس طبعاً حاولوا واجتهدوا ونجحوا في اقصاء زملاء من المنبر باستغلال حميمية العلاقة بينهم وبين الريس قائد سفينة سوادينز اون لاين ,, لكن هذا النهج اذا استمر سوف يعصف باكبر منبر في مواقع التواصل الاجتماعي يجتمع فيه السودانيون باختلاف مشاربهم ,,
فالموضوع يا صديقي ينحصر في الحكمة القائلة (كما تدين تدان) ,,, فزي ما انت شايف في ناس مسيخين ومسخوا ليك المنبر كمان نفس الناس الانت بتشوفهم مسيخين ديل في ناس آخرين شايفنهم احسن ناس ,, فالموضوع يخضع للقاعدة التقليدية (لو لا اختلاف الاراء لبارت السلع) ,,,
فما في زول يغش نفسو و يفتكر انو كل البورداب هنا لازم يتفقوا معاهو ويثنوا على مداخلاتو ويهتموا بيهو ,, ده ضرب من عدم الواقعية و عدم استيعاب نفسيات الشعوب السودانية ,,
ما فيكم زول واحد سأل نفسوا ليه الاحجام من عدد كبير من عضوية البورد عن المسا همة بآرائهم في كثير من المواضيع ؟؟؟ هل تعتقدون ان الذين هم ظاهرون على البورد وناشطون بعدد مهول من البوستات و المداخلات . هل تعتقدون ان هؤلاء هم خلاصة الفهم و الفكر و المعلومة لدى مجتمعنا السوداني الكبير ؟؟؟ من ظن هذا الظن يعتبر انسان عايش في عالم خيالي ووهمي و يعتبر غارق في حلم اليقظة ,,, هنالك الكثير من حملة الباسوورد في منبر سودانيز لكنهم عافوا هذا المنبر نتيجة لتغول الرويبضة و الدهماء و النطيحة و ما أكل السبع ,,,, (طبعاً ده رأيي ومن حقي اقوله فما في زول يجيني ناطي ممن ذكرتهم ويقول لي انت صفتك وانت صفتك )
هههههههههههه يا عمر التاج اللستة دي ما بقع فيها زول حريف ,,, بعدين ياخي السودان ده ما فيهو (عريبي او عريبية اصيلة) الناس الشايفهم هنا ديل معظهم جدودهم قدموا من ارمينيا و افغانستان و نيجيريا و الكاميرون و الحبشة ,,, ما تسمع الجعِّير و النقزي ,,,
يا باسط انت عارف الثلاثي ده اكتر ثلاثي سمج و لزج و وعكليت وبتاع لتيك و تصرفاتو اشبه بتصرفات المساطيل ,,,
اووووو مرحب بالزميل شلضوم المدير ,, انت عارف يا شلضوم انت زول كويس لكن مشكلتك موغل في المسخرة و الهزل الكتييييير ,, نصيحتي ليك حاول طعمها بشوية جدية وانشاء الله تكون اول المغادرين للقائمة السوداء ,,, لان كثرة الضحك تزيل الهيبة ,,,
الفنان شخباط دفع الله ,, كلامك كلو كويس لكن عندي وقفة في تهديدك في عبارة (((ولو تماديت اكتر من كدا ، بنعرف نرد عليك بنفس طريقتك))),, انت عارف يا شخباط مثل هذه العبارة لا تصدر الا من الانقاذيين ,, لان اي زول ما بحترم حرية الرأي و التعبير لا فرق بينه وبين الظلاميين الذين اذاقونا المر ,,, انت زول فنان كاركاتيري و قبل مشاركاتك في المنبر كانت صورتك عندي نضيفة لكن بعد بوستاتك الانتقائية ,, مثل ذلك البوست الاخشيدي و ذلك الذي يتوعد علي الحاج استشعرت فيك النزعة العنصرية التي لا تخلو عنها نفس اي نيلي ,, مهما تدثر برداء الفن و الرسم و الكتابة ,, فعليه اقول لك: اعلى ما في خيلك اركبوا يا شخبوط دفع الله ,, اصلكم واااااحد و هنالك معارك كبيرة سوف تدور قريباً ولن تنفع فيها الريشة ولا ادوات نضال الحناكيش ,, سوف تحسم بالقصـــــــــــــــــــــــــــــدير ,,, فهمت؟؟؟؟؟؟؟
يا عارف ناشد انت عارف فرناس ده شهير بتوقيع اسمه الثلاثي في نهاية اي مداخلة يكتهبا ومعه اسم المدينة التي يقيم فيها بالخط الاحمر الغليظ و المغلّظ,, زول عبارة عن عاهة مستديمة و علة كبيرة خلاس الله يعين قراء سودانيز اونلاين ,,
الاخ هاني اسعد الله صباحك ومسائك ,, باركوها كلمة جميلة فيها معاني نبيلة لروح التسامح في المجتمع السوداني ,,, لكن للأسف فات اوانها ,,, الان الاحتقان شمل كل النفوس ,, وذلك بسبب الظلم الذي حاق بالجميع بما في ذلك عضوية هذا المنبر الذي يسمى منبر من لا منبر له وانا اسميه بنبر من له علاقة بسيد البنانبر ,, فهنا البنابر يوزعاها سيدها وليس كما اوهمونا بان الواحد يجر بنبره من طرف ويشرب كباية الشاي و يقول كلامه ويتخارج ,, هنا ممكن تكون قاعد في بنبرك بكل طيبة وسماحة نفس سودانية يقوموا عليك المعـــــــــــــــــــــــــــــــرصين يكلمو سيد البنابر يجي يجر منك البنبر و يخليك تقع لامن (تتفنقل) ,, يلعن ابو تجارة البنابر ذاتو ,,
ناصر امين خدها نصيحة من بوردابي سبقك الى هذا الفضاء الاسفيري منذ اكثر من عشر سنين ,, لا تتبع سلوك كسر التلجة ,, ولا تقبل لنفسك ان تكون صبي من صبية ابكر العجلاتي ,, تحرر من عقدة صحبي و صاحب صحبي وود حينا وود حلتنا ,, خاصة في المنابر العامة ,, هل تعلم ان اكثر ما اضر بالسودان هو سيكلوجية ابن الحوش هذه ,,, التي اودت بكينونة وطن كامل ,,
ابكر العجلاتي له باسوورد وهو لا يغلب حيلة في الرد ,,,,
الى غدٍ انشاء الله ,,,
01-26-2018, 07:24 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
اللخو اسماعين ..نصيحتك اخدتها بعين الاعتبار و تشكر علي ذلك .. شايفك متحامل شديد و لسانك طويل و عندك بوست سابق مسئ لبعض الزملاء بعدم الموضوعية... و عشان ما تقول ما عارف متابع كتاباتك حتي في الراكوبة شايفك لاقي راحتك و الناس تصفق ليك
01-26-2018, 08:57 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3444
يا اسماعيل، كاركتير دفع الله بتاع كافور ليس به عنصرية وهو يقول: يا بريمة، فكنا من العروبة دي أنت (نحن) مهما بلغنا من الشأن سنظل في نظر الأعراب مجرد عبيد هذا الكاركتير مربوط مع تغريدة الصحفي الإماراتي حول عبودية البشير بعد لقاء اردوغان
01-26-2018, 09:16 PM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
الفنان شخباط دفع الله ,, كلامك كلو كويس لكن عندي وقفة في تهديدك في عبارة (((ولو تماديت اكتر من كدا ، بنعرف نرد عليك بنفس طريقتك))),, انت عارف يا شخباط مثل هذه العبارة لا تصدر الا من الانقاذيين ,, لان اي زول ما بحترم حرية الرأي و التعبير لا فرق بينه وبين الظلاميين الذين اذاقونا المر ,,, انت زول فنان كاركاتيري و قبل مشاركاتك في المنبر كانت صورتك عندي نضيفة لكن بعد بوستاتك الانتقائية ,, مثل ذلك البوست الاخشيدي و ذلك الذي يتوعد علي الحاج استشعرت فيك النزعة العنصرية التي لا تخلو عنها نفس اي نيلي ,, مهما تدثر برداء الفن و الرسم و الكتابة ,, فعليه اقول لك: اعلى ما في خيلك اركبوا يا شخبوط دفع الله ,, اصلكم واااااحد و هنالك معارك كبيرة سوف تدور قريباً ولن تنفع فيها الريشة ولا ادوات نضال الحناكيش ,, سوف تحسم بالقصـــــــــــــــــــــــــــــدير ,,, فهمت؟؟؟؟؟؟؟ --------------------------------------
ما كتبت قبل كدا وقلت نحنا عالم جبانات ولينا يوم . اصلو التهديد والوعيد دا كيف ! هسي ليه تهديدنا بقا ليك حار؟ وبعدين يا غشيم انا لامن اتناولت الدكتور على الحاج في البوست داك انت ما جا في راسك غير انو من دارفور؟ وكيف ساقك خيالك الجامح دا الى اننى استقصده لانه من دارفور ؟ انت عليك الله هسي بتفهم سياسة ؟ والله الدكتور على الحاج ا زاتو لو قرا كلامك دا إلا يضحك عليك . اما موضوع المعارك الجاية دي بس الله يستر علينا وكدى نشوّفك حتسو شنو في المعارك الجاية دا لو اصلا حيكون عندك دور وانا دورى عارفو وما عندى غير الريشة الما عاجباك دي والشخبطة زي ما بقول فرانكلى وود الباوقة ولو انت اصلا قدر ما تدعى او تزعم كان سمعنا بيك من زمان كواحد من الجماعة الجرّوا راس الدولة للمحكمة الجنائية مش واحد قاعد يتصرمح معانا في الاسافير هنا . غايتو انا شايف انو طريقتك في نوع التفكير دا حتخليك تخلط الحابل بالنابل ولن تصل الى شئ ، اللهم إلا تفرّغ شحناتك العدوانية دي ، في اللاشئ .... وواصل على هذا النحو كما تريد ، فهذا حقك وهي طريقة في التعبير متوفرة بكثرة في اسافير الله اكبر الواسعة .......... سلام
01-26-2018, 09:46 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
الفنان شخباط دفع الله ,, كلامك كلو كويس لكن عندي وقفة في تهديدك في عبارة (((ولو تماديت اكتر من كدا ، بنعرف نرد عليك بنفس طريقتك))),, انت عارف يا شخباط مثل هذه العبارة لا تصدر الا من الانقاذيين ,, لان اي زول ما بحترم حرية الرأي و التعبير لا فرق بينه وبين الظلاميين الذين اذاقونا المر ,,, انت زول فنان كاركاتيري و قبل مشاركاتك في المنبر كانت صورتك عندي نضيفة لكن بعد بوستاتك الانتقائية ,, مثل ذلك البوست الاخشيدي و ذلك الذي يتوعد علي الحاج استشعرت فيك النزعة العنصرية التي لا تخلو عنها نفس اي نيلي ,, مهما تدثر برداء الفن و الرسم و الكتابة ,, فعليه اقول لك: اعلى ما في خيلك اركبوا يا شخبوط دفع الله ,, اصلكم واااااحد و هنالك معارك كبيرة سوف تدور قريباً ولن تنفع فيها الريشة ولا ادوات نضال الحناكيش ,, سوف تحسم بالقصـــــــــــــــــــــــــــــدير ,,, فهمت؟؟؟؟؟؟؟
يا سمعة سلام وتحايا
البوست دا يا سمعة كان ممكن تطرحه بطريقة أفضل بكتير وتناقش مشكلة الشللية لأنها فعلاً مشكلة تحتاج لطرح ونقاش
لكن مع الإقتباس الفوق الإنت كتبته دا أول حاجة انت وقعت في مستنقع العنصرية التي ترفضها فتناقضت
يعني الكلام عن على الحاج أو بريمة بالنسبة ليك يعتبر خط أحمر بذلك حتى البشير لو كاان من دارفور ما كنت حتقبل انسان ينتقده !
موضوعك مال لكفة العنصرية أكثر من السياسة أو القضايا العامة الأخرى
ثم ثانياً مسألة وصم الحكومة بأنها حكومة نيليين دا كلام فارغ .. الحكومة دي حكومة حزب واحد وانت عارف .. بعدين الدارفوريين المشاركين في الحكومة دي في برلمانها وفي جهاز أمنها ما أكثرهم لكن اذا تم انتقاد أي منهم تقوم القيامة هنا على أنها عنصرية
ودونك حسبو وحمديتي وموسى هلال
أها ديل أدوارهم في هذا النظام عاجباك لأنهم دارفوريين ؟
راجع نفسك
وإذا المسألة كانت في يدك انت ونفترض جدلاً اتيحت ليك فرصة بأن تقود حركة أو حزب بهذا الفهم وجمعت حولك كل من يناصر هذه الفكرة واندلعت حرب بين شماليين ودارفوريين لأنك انت مركز خالص على الشماليين واظهار العداء لهم ، تتخيل انها حرب ستحسم في ليلة وضحاها ؟
يا سمعة ياخي أبحث عن طرح أوعى من كدا وأعد تنظيم الكفة الآن نحنا في السودان المفروض نكون في كفتين كفة مع النظام بكل أتباعه دون فرز قبلي وكفة مع سودان واحد وسودان يقبل التعدد هذا فقط هو الحل .. ليه عاوز ترجع مئات السنين وتأجج نار عنصرية
شكراً على تقبل وجهة النظر ودعمها الجيد منكم أتمنى أن تجد القبول من أخي إسمعيل عبدالله -------------------------------
دا ما حيحصل ياعاصم لأن الغضب اعماه فصار لا يفرق بين الناس إلا بألوانهم وسحناتهم .
في البوست داك سألنى إن كان بمقدورى مهاجمة ( قريبى ) عمر البشير كما هاجمت الاخ بريمة . وهو يعتقد ان ( صلة الرحم ) مع البشير مسّة وكل من ينتمى الى اهل البشير هم بالضرورة لصوص وحرامية كأخوان البشير ، عبدالله والعباس . فيا اخ عاصم اننى اعرف ابناء عمومة البشير في قرية صراصر وتربطنى علاقة صداقة بهم وكل الناس في مشروعي الجزيرة والمناقل يعرفون ابن عم البشير الراحل العظيم يوسف احمد المصطفى القائد النقابى الشهير الذى قاد اهلنا المزاعين في كفاحهم ضد المستعمر والحكومات الوطنية لاحقا . ونذكر بهذه المناسبة ابنه الدكتور محمد يوسف استاذ علم الاجتماع بجماعة الخرطوم وقائد لواء السودان في الحركة الشعبية .
واذكر في سنة 2007 وفي عيد الاضحى ، وبينما نحن ابناء قرية - طيبة الشيخ عبدالباقى - واقفين خارج حلقة الذكر في ( يوم القفلة) نتبادل اطراف الحديث . لمحنا فجأة باقان اموم وياسر جعفر ووليد حامد يتقدمون صفوف الدراويش وسط الحلقة تحت ضرب النوبة واصوات المادحين وبعد ان هدأت الدفوف تقدم شخص لا اعرفه وليس من ابناء القرية تحدث بإسم الشيخ عبدالله - ازرق طيبة - والقى كلمة حماسية اشاد فيها بالراحل العظيم الدكتور جون قرنق وبالحركة الشعبية وتطابق وجهتى النظر بين - ازرق طيبة - وقادة الحركة الشعبية ، ورحّب بزيارة باقان اموم لقريتنا . مكث السيد باقان اموم حتى آخر الليل في قريتنا ، ثم تحرّك موكبه في اتجاه قرية صراصر لمقابلة السيد يوسف احمد المصطفى - ابن عم البشير - والذى تربطه علاقة صداقة شخصية بالدكتور جون قرنق وقد سبق للدكتور قرنق ان سعى لمقابلته في اسمرا وقد كان .
يا اخ عاصم ان صاحبك سُمعة قد تشابهت علىه الامور تحت وطأة الغضب وغيّب عن قصد اهمّ معلومة في سياق توصيفه للانقاذ وهي ان البشير صناعة اخوانية ولو لا وقوف الاخوان خلف انقلابه ، والله ما كان يقدر يحكم السودان دا ، ولو لشهر واحد .
ان محاولة رمينا بجريرة الانقاذ هي محاولة بائسة لتحميلنا ذنبا لم نقترفه وربما محاولة للهروب من تحميل الاخوان وزرهم والله اعلم .
01-27-2018, 08:59 PM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2807
يا محمد البشرى شايف قمرية واحدة ظهرت باقي ليك تعرف البلومة الثالثة,, عشان اختصر ليك المشوار البلبلة التالتة دي سمحة ونجاضة اشتهرت بصورة بروفايل قاااااطعة تب لكن سماحة بس لكن الراس فاضي وزي ما بقولو سماح جمل الطين ,, بس هي مبكية اعمامك خرجيجن الجامغات السودانية في السبعينيات و بداية التمانينيات ,, الزمن الجميل ,, زمن مدرسة ناس حوامة بن لواصة والمستعرب الخلوي ... زمن الحرمان ,,
الاخ ناصر امين جميل ان تاخد بنصيحة اخوانك الاكبر واقدم منك بمناسبة طول اللسان .. هذا الفضاء ما عمل ال للالسن وطولها وقصرها ,, تماماً مثل نكتة عمك الجا للمحامي في مكتبو و المحامي قال لعمك ياخي مالك نقتك كتيرة كدة فقام عمك رد للمحامي وقال ليهو انت النقة فاتح ليها مكت ,, فدحين يا ناصر انتو طولة اللسان فاتحين ليها منبر كامل ,, وعموماً المنبر ده سوق وكل زول يعرض بضاعته و الله كريم ,,,
يا ابكر العجلاتي باختصار شديد موضوع الاخشيدية ده مفروض فناننا التشكيلي يركز فيهو على الراس الكبيرة لانها هي سبب بلاوينا وسبب دمغنا من قبل الاعراب بهذه الاوصاف اما تناول بريمة دي معركة في غير معتركها الحقيقي .... فما تشوفو في الفيل وتطعنو في ضلو ,,,
يا عمر دفع الله علي الحاج فارق الجماعة منذ ما يقارب العشرين سنة ,, ركز لينا على الحرامية الكبار ,, علي الحاج و الراحل خليل ديل مظلومين ومغبونين زي غبينتي وغبينتك ,,, امسك لينا في جماعتك البلعوا ايرادات البترول وبنوا بيها في ماليزيا و دبي ,, معركتك ليست مع بريمة ولا كبر ولا علي الحاج ,, ديل كلهم زيك مشردين في بلاد الثلج و الجليد ,,,
شلضوم العوير الفلقصة انت عامل ليها صلعة كبيرة و شلاضيم وتلاليش يا فلقوص المدير ,,
اخي عاصم فقيري تحياتي ومرحب بك في خضم هذا العصف الذهني ,, ما زلت اكرر يا عاصم ان المعركة الحقيقية ليست مع علي الحاج ولا مع بريمة ,, المعركة الحقيقية مع الاخشيدي الكبير ,, العنصرية مارسها هذا النظام بمنهجية يا عاصم و ما نطرحه هنا ما هو الا عنصرية مضادة ,, لاننا نؤمن بمبدأ العين بالعين و السن بالسن والباديء اظلم ,, مش الحكومة دي بس حقت نيليين ,, كل الحكومات التي اتت بعد الاستقلال والى يومنا هذا ,, مفاصل السلطة و المواقع الرئيسية فيها الجعللة و الدنقلة و الشقشقة ,,, انت طبعاً تبع الدنقلة ,, هذه حقيقة لا يختلف حولها اثنان و اذا اردت التفاصيل المملة عليك بالاطلاع على الكتاب الاسود متوفر في موقع حركة العدل و المساواة ,, المهمشين المشاركين في الحكومة عبارة عن تمومة جرتق ,, شنو يعني جادعين ليهم وزارة الصحة و نيابة رئيس لا يهش ولا ينش وحتى مستخسرين في الشرق و الغرب موقع النائب الاول ,,, في استهبال اكتر من كدة ,,, الفضيحة التانية شوف السلك الدبلوماسي براهو بس ,,, عدد السفراء و طواقمهم في جميع القناصل و السفارات الصبغة النيلية واضحة وما دايرة ليها درس عصر ,, احترموا عقول الناس ياخي ,, انا لا اعادي النيليين مطلقاً ولكن لا اسكت على دغمستهم و ظلمهم للآخرين ... اخد بس شرق السودان و كردفان ,,, و قارن حجم تمثيلهم في السلطة المركزية مقارنة مع اهلك البمثلو خمسة في المية من سكان السودان ,, اخلاقياً عليك عدم القبول و التسليم بهذا الحال المائل ,,,
امتثال عبد الله يا بلبلة يا غريدة سيبي لعب دور الحكامة ,, مفردة اوسكار دي جننتوها جن ,,, والله الناس المنظمين لجائزة الاوسكار لو سمعوكم يخلوها ,,, خلي يكون عندك راي ,,, ما تقعدي تباري و تشكري وتمدحي و تطبلي ,, ماهو رأيك ؟؟؟ خاصة وانتو ناس ارض تمثال الحرية ليس جدير بكم صفة الامعوية ,,
يا عمر دفع الله سيب الدغمسة امشوا اقعدوا مع قريبكم ده وانصحوه خلي يسلم الامر لاصحابه ,, العلة كلها تكمن في قريبك ده ,,, تقعدوا تقابضو وتمسكوا لي في ناس بريمة الذي لاحول له ولا قوة ,,
الى غدٍ ..
01-27-2018, 10:06 PM
Nasser Amin Nasser Amin
تاريخ التسجيل: 02-07-2017
مجموع المشاركات: 3562
الاخ سمعة..اشكرك علي الرد .. و اتجاوز عن الرد عن الذي يخصني بس عايزك تشرح ليه انت و آخرون بحاولوا رمي اللوم لفئة معينة و ليه ما حاولتوا اصلا التداخل وفي كمية من البوستات في ادانة دور حميدتي و مليشياته في اطالة و الدفاع عن اعتي ديكتاتور عرفناهو و لازم تعرف اننا موعودون بالجحيم في ظل تحالف قطاع الطرق .. و ان الدولة السودانية بحدودها الحالية و بمعايشة مكوناتها الحالية ذاهبة بغير رجعة... صدقني مع هذا الثنائ البائس لن يبقي وطن نتجادل حوله الاول يدافع عن سلطته خوفا من شبح الجنائية و الثاني لم يصدق انه حاز ارفع الرتب العسكرية وهناك جنرالات حقيقيون يؤدون له التحية ..الطاهر حسن التوم يستسمحه لمواصلة الحوار في برنامجه ذاك و بهدد بملاحقة ناس الواتساب و الفيس.. و اخيرا يصرح أن البشير سوف يرشح غصبا" عن أي شخص. اي شخص يتبني دعوة هذا الجاهل او يدافع عنه او يغض الطرف عنه فهو عدو للشعب السوداني..
01-28-2018, 00:49 AM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
سلامات إسماعيل وزواره الأفاضل.. تاني يا سمعة ؟ يعنى تسمعينا داك كلو في بوست أفصلو الشمالية ما طفر فيك ؟ عموما مع إنك بديت البوست ساخرا ومهازرا .. لكن ردودك على المتداخلين مالت نحو إبراز الهدف وإضفاء الجديه علي موضوعه .. بس يا سمعة باين ليك ما فتلت المعيار؟ ياخي ما فضل ليك غير تقول النيليين ديل قادننا من العصور المروية .. النسبة في الوظائف الرسمية ما بحسبوها كدا .. إلا كان بتدورو تمسكوا بيها الخلق قوة راس .. يعني ما بعدد سكان الجهة دي 5% والجهة ديك 50%.. النسبة بتتحسب بعدد المتعلمين المؤهلين لشغل الوظائف .. ودي ما عندها علاقة بالدم والقبيلة والجهة انت قايلها مشيخة قبيلة؟ دي مؤسسات دولة يالحبيب .. هسه في مدينة واشنطن لو عملت احصائية بعدد شاغلي الوظائف الرسمية .. ح تلقى نسبة سكان واشنطن والولايات المتاخمة أكبر من نسبة الجايين من ارزونا والاباما وتكساس الخ .. فكرتك دي لو مشينا بيها السودان بتخلف أكتر مما هو متخلف لإنو الإختيار ما ح بكون بمعيار الكفاءة والتخصص.. أعمل لينا نسبة للمتعلمين في كل ولاية من عهد الإنجليز وبعد داك تعال احتج كان مالقيتنا معاك لومنا .. مع الوضع في الاعتبار أن التعليم العالي في السودان كان موزع جهويا من زمن الإنجليز .. كانن خمسة مؤسسات تعليمية كبيرة يقبلوا ليها الناجحين من كل السودان .. وهي وادي سيدنا ، حنتوب ، طقت ، بور سودان ، كلية غردون جامعة الخرطوم لاحقا.. ولو مشيت راجعت كشوفات المؤسسات دي .. بتلقى الناجحين من أولاد الشمالية والجزيرة وكردفان ملوا مدارسهم .. ومشوا كملوا النقص في مدارس طقت وبور سودان .. وللعلم مدرسة الفاشر الثانوية أقدم من مدرسة دنقلا .. وعندنا أولاد مشو اتخرجوا من الفاشر الثانوية ودخلو الجامعات.. بعدين إنتو مالكم مركزين على ( الميري) وتاركين الإشارة لوظائف المجتمع المدني .. زي رؤساء الأندية الرياضية والأحزاب و الطرق الدينية والنقابات والاتحادات الخ؟ أنا شايف بدل صرف النضم فيما لا جدوى منه .. اقعدو راجعوا نظامكم الاجتماعي والثقافي عشان تعرفو العلة وين .. الكتاب الأسود شُغل شريحة من الكيزان ضد شقهم الحاكم.. قصدو بيهو استقطاب الدارفوريين تيمننا بالإمام المهدي .. فكان الزمن غير الزمن والناس غير الناس فانقلب السحر على الساحر .. وجاءت النتيجة العملية كما تري فتك بالنسيج الاجتماعي الدارفوري .. واستغلّ شقهم الحاكم الفرصة ليستبيح الإقليم قتلا ونهبا من جهة .. ومن الجهة الأخرى جعل من قضية دارفور بعبع عنصري يستجدي به صمت الشعوب السودانية الأخرى .. وقد أسهم عدد كبير من مثقفي دارفور فيما مضى ـ غير أنهم اليوم أقلية .. أسهموا في تعزيز فكرة النظام الحاكم .. بخطاباتهم المنفلته التي تصبغ الأزمة بصبغة اجتماعية كما تفعل الآن .. حتى موضوع التهميش في توزيع الثروة الطالعين ونازيلين بيهو نحن ديل .. عارفين الحكومات الوطنية ما كان عندها يد فيهو .. لانها ورثت دولة نظامها الاستثماري والاقتصادي والثقافي مبرمج ليصب عائده في خزانة الدولة .. لا ليصب في جيب المواطن حتى يتحسن مستوى دخله الفردي ويشعر بكينونته الوطنية.. بس نحن لسه ماسكين درب الهامش لأنو الوضع في حاله .. بل تجاوز حالة وأصبح حكرا للحزب الحاكم بنظامه الأمني وثقافته الجبرية .. يا سمعة مشكلة السودان ما في شعوبه .. بل في مثقفيه سواء كانوا شماليين أو من الغرب أو الشرق أو الجنوب .. والعملوها الكيزان في النسيج الاجتماعي ما بندمل بسراع ما لم يرتقِ المثقف السوداني لمصاف المسؤولية الوطنية بتجرد.. مودتي.
سلام اسماعيل اول خلينا نتوحد ونهزم النظام وبعدين نجى نتفق على حاكم من دارفور ولا الشرق المهم يكون قادرا وواعيا بحوجتنا الى التنميه والبناء الوطنىلغايه الوقت داك خليك معانا اخونا اسماعيل
01-28-2018, 11:12 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
قلنا ليك كورتك فكت ما صدقتنا ..... بقيت زي البمسكوه الكور و الشبكة و التمرين قبل ما يتغدى يجي يربط الشبكة و يخت الكورة في نص الملعب و يمشي يقعد في الضل لم يتلملمو اللعيبة و الكوتش هو في التمرين بقعدوه بي بره ....
01-28-2018, 11:26 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: شلضوم العوير الفلقصة انت عامل ليها صلعة كبيرة و شلاضيم وتلاليش يا فلقوص المدير ,,
إنت الظاهر عليك لآمِن كُنت سغيروني حصلتلك حاجة خلتك تكورك، يعني بصراحة موضوعك دا ما عنصرية، بس حيطة العنصرية دي خاتيها عشان تتضارا وراها، والعقدة أصلها صاحبا بيقعد يصرّخ كدا لآمن يموّت والعجب كان اصابو خرف كمان يملأ الدنيا فضايح. قلت لي بلابل !، إتمني صاحب الحوش يرفعلك الكوتة عشان نعملك كشف متاع مسوي جِضيماتك الممسحات البيلمعن ديّل، يا ود ما تِخشوشن عشان نقدر نتفاهم معاك . طبيعي جداً نوعك دا يكون حاقد علي البشرية .
راجع تأريخي منذ أن إلتحقت بهذا المنبر حتي إعتدائك عليّ ؤ شوّف لو حصل يوم أنا تداخلت معاك واسأل نفسك ليه ما حصل !؟، عشان تعرف أنا في ردي عليك دا مُضطر ارجعك للماضي البعيد .
01-28-2018, 12:57 PM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
يا عمر دفع الله علي الحاج فارق الجماعة منذ ما يقارب العشرين سنة ,, ركز لينا على الحرامية الكبار ,, علي الحاج و الراحل خليل ديل مظلومين ومغبونين زي غبينتي وغبينتك ,,, ---------------------------------
يا جماعة الزول دا نصيح ؟ دا لسع ما عارف على الحاج بقا خليفة الترابى ! والله مسكين انا الضيّعت زمنى معاك واسمح لي اعتذر ليك وللدكتور على الحاج وللمراحيم اجمعين ....
01-28-2018, 09:47 PM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2807
مولانا محمد علي طه الملك وعليكم السلام ورحمة الله وبركاته. القناعات المبنية على معلومات احصائية دقيقة من الصعب جداً ان تقتنع بمحاولات تنظيرية صرفة. هل تعلم ان نظام المؤتمر الوطني الامني راصد حتى عدد ابناء هامش السودان المقدمين للدراسات العليا في الجامعات السودانية ,, وابان فترة علي عثمان عمل دراسة سرية فيها مسح عام ورصد لعدد الطلاب الدارفوريين الذين يدرسون الماجستير و الدكتوراة ,, فوجدوا عددهم قد فاق عدد جميع الطلاب القادمين من جهات السودان الاخرى والملتحقين للحصول على الماجستير و الدكتوراة.. وهل تعلم ان علي عثمان انتهج سياسة سرية رتب لها مع اجهزته الأمنية لتشريد والتضييق على الكادر الدارفوري تحديداً ,, من يسمعك تتحدث عن الدولة يتخيل انها دولة بحق وحقيقة مثل الدول .. يا مولانا دولتك دي ما زالت لم تخرج من العبائة الكتشنرية ,, وما زالت تسيطر على دولابها العميق منهاجية الدنقلة و الشقشقة و الجعللة ...هذه حقيقة .. انا اقدر دفاعكم المستميت عن هذا الخلل البائن في هرم السلطة في السودان ,, لانكم تخافون فقدان هذا الامتياز الذي تتسمتعون فيه باكبر استحواذ على مفاصل السلطة ,, مقارنتك للحالة السودانية باي حالة امريكية لا يسنده منطق لان البون شاسع بين واشنطن و الخرطوم ... شاسع في كل شيء .. هل تعلم يا محمد علي لو الليلة دي لجنة الاختيار في السودان اصبحت نزيهة و طرحت المنافسة الحرة في الحصول على الوظيفة العامة انتو بالذات بتطلعو ملوص .. صدقني .. بعدين ياخ وصمنا بعدم التاهيل ده كان زمان ... الان اولادنا خلو ليكم جامعاتكم السودانية الغبيشة دي ,, لو دايرنا نجيب ليك ناس من ناسا جاهزين .. بس قول اي تخصص واي تاهيل ... بس المشكلة الوحيدة هي نظام الابارتايد الداخلي ,, شوف الكلية الحربية و كلية الشرطة و ما حاق باولادنا من ظلم في دخولهم لهذه الكليات المفروض تكون قومية مش كلها تحصروها في شايق ودنقل و جعل ,,!!! الحكاية يا مولانا ما بتقدر تلتقها .... بايظه خالص ,,, انا شايف الاعتراف بالخلل ممكن يؤدي الى بداية اولى الخطاوي نحو الحل ,,, لكن المكابرة لا تجدي اذا اردنا ان نعيش في وطن يسع الجميع ,, الكتاب الاسود اتى بالارقام .. والارقام لا تكذب ... بصرف النظر عن من اعده .... كوز ... شيوعي ... اياً كان ... في النهاية جاب زبدة الحديث ,,, نظامنا الاجتماعي و الثقافي ما فيهو كلام تب ,, المشكلة في منظومتكم الاجتماعية و الثقافية احادية الاتجاه هذه ... البشير لحدي اليوم بفتكر نفسو هو رئيس لحوش بانقا ,,, و بخاطب شعوب الاقاليم التانية كانها شعوب تابعة لدول جارة ,, وكم من مرة فلتت منه مفردات فاضحة كشفت عن قصر معرفته بالسودان والسودانيين ,,, وليس البشير وحده بل الكثيرين من قيادات العمل العام في السودان القادمين من الشريط النيلي ,, فيا مولانا لا تبارك الخطأ و لا تستكين لجهالة قومك ,,
امتثال عبد الله اهلك قالوا اللعوج راي و العديل راي ,, اطرحي رايك ولا تترددي ,,, نحن في منبر يجب ان يكون حر وديمقراطي ,,لكن احذري الامعوية ,,
يا عمر دهب انا من دعاة الوحدة لكن ليست الوحدة المدغمسة انا مع الوحدة التي قالها عنها الراحل قرنق (وحدة السودان على اسس صحيحة) ,,
شلضوم العوير ,, مرحب بمثابرتك وصبرك وجلدك معنا ,, الكلام الذكرتو ده ممكن يكون صحيح في حالة واحدة بس : في حال اني كنت من عطبرة او شندي او الداممر او..........تابع للشريط النيلي الذي فعل به الغزاة الافاعيل ,,, ليست منطلقات عقدكم الاجتماعية هي ذات منطلقات عقد ناس الضعين و عد الفرسان و برام و رهيد البردي ,,, انتو في الجانب ده عباقرة يا شليضيم ,,,
بعدين ده منبر حر ما تفرض قوانينك على الناس ,,, طول ما انت طارح نفسك في هذا الفضاء الاسفيري فعادي لازم تنتاشك بعض السهام ,,,, ما تفتكر كل الناس بخلوك للمؤانسة و الفياقة ,, لازم تلقى ليك واحد زي سمعة ده يفور دمك شوية ,,, وهكذا هي الحياة ,,,
يا عمر دفع الله انت ما زلت ماسك ليك كروت ميتة .... انتقل الى الميدان الحقيقي للمعركة يا صديقي ,,,
01-29-2018, 00:06 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: شلضوم العوير ,, مرحب بمثابرتك وصبرك وجلدك معنا ,, الكلام الذكرتو ده ممكن يكون صحيح في حالة واحدة بس : في حال اني كنت من عطبرة او شندي او الداممر او..........تابع للشريط النيلي الذي فعل به الغزاة الافاعيل ,,, ليست منطلقات عقدكم الاجتماعية هي ذات منطلقات عقد ناس الضعين و عد الفرسان و برام و رهيد البردي ,,, انتو في الجانب ده عباقرة يا شليضيم ,,,
بعدين ده منبر حر ما تفرض قوانينك على الناس ,,, طول ما انت طارح نفسك في هذا الفضاء الاسفيري فعادي لازم تنتاشك بعض السهام ,,,, ما تفتكر كل الناس بخلوك للمؤانسة و الفياقة ,, لازم تلقى ليك واحد زي سمعة ده يفور دمك شوية ,,, وهكذا هي الحياة ,,,
هههههههههههههههههههه، ما قُتلك بفتشك، يعني هسّع بالمحلآت العددتها دي عايز تثبت لي إنّك قاعد بصمّة خشمك، دِي علي ناس عطبرة، جِضيماتك المملسات ديّل بيقولن البعرة تدل علي البعير، دحين بطّل الفلقصة والمنتشة البتعمل فيها دي واملُص عباية إدعاء الفهم اللآبِسا بالقلبة دي ؤ لآمِن يظلمك زول وآحد من طريقة كلآمك دي أظنة جعلي أو شايقي أو اللِتنين معاً ما تحمل علي كل الناس . منبر حُر !، منبر حُر يعني تجيب بُقجة عُقدك ؤ عفنك دي ؤ تكُبها فوق الناس !. بختك المنبر الحُر دا بقى ليك مُتنفس تفضي فيهو عُقدك النفسية يا اب جِضيماتاً مملسات . إنت قايل الحاجة دي بتِدسا كِدي أمش عاين لجضيماتك ديّل في المراية ؤ حاول تتحسس جسمك، لو وقع عليك ظُلم من أحد الجعليين أو الشوايقة يبقى إنت عارف نوع الظُلم الوقع عليك ما تجي تعملآ تعليم ؤ توزيع وظائف وتطليها بطلاء الفلقصة . هاك المنبر العام دا يا اب جِضيمات، شكلك كِدا خاتي صورتك للدعاية ...
01-29-2018, 00:32 AM
ترهاقا ترهاقا
تاريخ التسجيل: 07-04-2003
مجموع المشاركات: 8406
Quote: - البلابل : واحدة في هولندا و الاتنين في امركيا.
Quote: امتثال عبد الله يا بلبلة يا غريدة سيبي لعب دور الحكامة ,, مفردة اوسكار دي جننتوها جن ,,, والله الناس المنظمين لجائزة الاوسكار لو سمعوكم يخلوها ,,, خلي يكون عندك راي ,,, ما تقعدي تباري و تشكري وتمدحي و تطبلي ,, ماهو رأيك ؟؟؟ خاصة وانتو ناس ارض تمثال الحرية ليس جدير بكم صفة الامعوية ,,
Quote: اسماعيل عبد الله رايي اذا قلت ليك انت ما بتقبله... وهو انك اكتر انسان عنصري في العالم،،،
Quote: امتثال عبد الله اهلك قالوا اللعوج راي و العديل راي ,, اطرحي رايك ولا تترددي ,,, نحن في منبر يجب ان يكون حر وديمقراطي ,,لكن احذري الامعوية ,,
في ردّك الأخير دا شايفك رخيت وأصلك متعوّد ترخي عشان تستمتع . برضو شايفك نسيت عنوان البوست، من فتشناك شايفك بقيت ترجف ؤ حيلك ما شايلك، وآحد مملس زيّك كِدا معقولة يصمد ثم ناس ممسخين المنبر ؤ شردوا فطاحلة الكتابة حسب رايك داير برأيهم شنو ؤ داير تسمعو ليه ؟، أطرحي رايك يا مجَرّب، المملس الزيّك دا أصلو بيتفنس مع أوّل نخسة .
أسمع كللام ترهاقا دا وأمش شوفليك طبيب نفساني نجيض يمكن يمرُقلك القرف الأسود الجواك دا، مافِ زول هنا فاضي عشان يريحك ...
01-29-2018, 02:09 AM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
Quote: هل تعلم ان نظام المؤتمر الوطني الامني راصد حتى عدد ابناء هامش السودان المقدمين للدراسات العليا في الجامعات السودانية ,, وابان فترة علي عثمان عمل دراسة سرية فيها مسح عام ورصد لعدد الطلاب الدارفوريين الذين يدرسون الماجستير و الدكتوراة ,, فوجدوا عددهم قد فاق عدد جميع الطلاب القادمين من جهات السودان الاخرى والملتحقين للحصول على الماجستير و الدكتوراة.. وهل تعلم ان علي عثمان انتهج سياسة سرية رتب لها مع اجهزته الأمنية لتشريد والتضييق على الكادر الدارفوري تحديداً ,,
خبر سار جدا يا إسماعيل كون مجموعات كبيرة منكم نالت تأهيلها المطلوب وقطعا من حقها المنافسة في نيل الوظائق الرسمية مع أقرانهم .. على اساس المؤهل لا على أساس الجهة او الإثنية .. وجميل إنك حصرت مظلمتكم في النظام الكائن .. طيب أنت وقت عارف وقاصد المؤتمر الوطني ونظام الاسلاميين الحالي .. ليه ما تسم الأشياء باسمائها وتشير للجهة باسمها بدل تعلق مظالمك على شماعات هلامية .. زي مصطلحات النيليين ، الشماليين ، الشايقية ، الدناقلة وما شابه ذلك من تصنيفات اجتماعية وجهوية .. نظام الاسلام السياسي الحاكم ينتمي إليه سودانيون بمختلف جهاتهم واثنياتهم .. فمن الخطأ تعمية هذه الحقيقة ونشرها بطريقة مضللة .. تمس سلامة النسيج الاجتماعي في السودان وتحيله لرواندا أخرى .. كلنا نعلم أن النظام الإسلامي منذ يومه الأول جاء بخطة عمل عرفت بالتمكين .. وهي ليست عنصرية بالمعنى الاثني الشائع .. غير أنها انتقائية طائفية السمات لكونها حصرت كل مقومات السلطة والثروة في يد منسوبي تنظيمهم و مناصريه .. من هنا لا أختلف معك لو أن النقد والمظلمة موجهة للنظام السياسي الاسلامي الحاكم الآن باسمه .. غير أن بعض مثقفيكم يخفون ذلك في كتاباتكم ولا أدري الدافع وراء ذلك .. ويذهبون لتوجيه أصابع الاتهام لمكونات اجتماعية القسم الأكبر فيها يكتوي بسياسات النظام ويناهضه.. علي عثمان الذي أشرت إليه بالأسم لا يمثل الشايقية ولم يأتوا به للسلطة بل جاء به تنظيمة الاسلامي .. لذا من الخطأ نسبة ما يفعله للإثنية التي أنحدر منها .. فانا مثلا إذا أردت إنتقاد علي الحاج أو حسبو أو حاج آدم .. لن أحمل أثنياتهم تبعات ما يرتكبونه من مظالم .. تحميل خطأ الشخص لقبيلته دا مفهوم عشائري رعوي ..
Quote: لانكم تخافون فقدان هذا الامتياز الذي تتسمتعون فيه باكبر استحواذ على مفاصل السلطة ,,
ههههه بالغت يا سمعة أقول ليك تور تقول أحلبو ؟ وين هي امتيازات مفاصل السلطة دي ؟ عليك الله عاين حولك للشباب المغتربين معاك وشوف النسبة الكبيرة جايا من وين .. مفاصل السلطة وأذرعها بيد التنظيم الاسلامي ومناصريه ..
Quote: شوف الكلية الحربية و كلية الشرطة و ما حاق باولادنا من ظلم في دخولهم لهذه الكليات المفروض تكون قومية مش كلها تحصروها في شايق ودنقل و جعل ,,!!!
أوافقك ولكن ما كلها شايقية ودنقل كما تصر أن تقول .. بل كلها من المنتمين للاسلام السياسي وهذه حقيقة لا ينكرها إلا مغيب ولا يموههها إلا مغرض ..
Quote: البشير لحدي اليوم بفتكر نفسو هو رئيس لحوش بانقا ,,, و بخاطب شعوب الاقاليم التانية كانها شعوب تابعة لدول جارة ,,
أوافقك بأن البشير بعبر ويتصرف بالطرق التي تحفظ له سلطته ولا يهمه الغير من أي أثنية أو جهة كانت .. الآن يا سمعة شريحة من دارفور تشارك وتوفر الحماية الأمنية والعسكرية للنظام .. وشريحة أخرى تحارب النظام وتعارضة .. الشريحتان يجب ألا ننظر إليهما من خلال جهويتهم أو إثنيتهم .. بل يجب أن نقصر النظرة في أن الشريحة الأولى مناصرة للنظام الكائن.. مثلها مثل شرئح أخرى مناصرة للنظام من كل أقاليم وأثنيات السودان .. كذلك نحكم بذات المعيار على الشريحة الثانية المعارضة باعتبارها فئة معارضة مثلها مثل بقية المعارضين للنظام من جهات وأثنيات السودان .. دا المنطق والرؤية المفروض تسود ونسير عليها إذا كنا بالفعل نسعى لوضع حد لهذا النظام .. الغريبة بستثناء ما جاء في الكتاب الأسود الذي صدر في المرحلة التكوينية للمقاومة الدارفورية.. كل أدبيات وبرامج حركات المقاومة المسلحة الآن لا تنسب مظلمتها لقئات اجتماعية او جهوية بعينها .. فقط هنالك أفراد يكتبون بهذه الرؤى الاجتماعية المختلة لشيء في نفس يعقوبهم .. إلى الحد الذي بدأ معه البعض يصنفونهم ضمن من يعملون لبقاء هذا النظام لكونهم يدعمون خطه في سياق فرق تسد.. غايتو يا سمعة أقرأ مقالك العقلاني الضافي في صفحة المقالات أصدقك .. أشوف كلامك في المنبر استعجب ـ هههه. عموما نحن الأتنين سرجنا واحد ما تقول لي لا ماداير . مودتي.
01-29-2018, 03:57 PM
Arif Nashed Arif Nashed
تاريخ التسجيل: 05-12-2014
مجموع المشاركات: 12692
حبيبنا إسماعيل .. مودتي .. أختلفنا أو إتفقنا .. أنا عندي نظرية غريبة جداً ما قادر إتخلص منها بحب الزول الذي يدافع عن أهله كان غلط كان صح ( ظالماً أو مظلوماً ) تدافع عنه أمام الاخرين .. وتصحح له أخطاءه عندما تنفرد به .. اذكر زمان أهلنا في البلد كانوا يدافعوا حتى عن سفيه الحلة أمام الاخرين لكن كانوا يعقدون له جلسة التأديب فيما بينهم ..
حبيبنا إسماعيل .. يا أخي مشتاقين للحبيب صديق الغالي .. فتحت بوست أطلب من حبيبنا بكري عشان يرجع صديق .. بس ما جاب خبري
01-29-2018, 10:19 PM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2807
يا شليضيم العوير انت مالك زول حاقد كده ؟؟ ياخ دي صورة زول وجيه وما مصلع و لا عندو شلاضيم ولا تلاليش !!! الواحد لو ربنا انعم عليه بنعمة من نعمه برضو حاسدنو كده سيبك من حكاية الصورة دي مملسة وديك مدهنة والتانية مبرطة ,, اصورتك الخايف عليها وييين ؟؟ خجلان من الصلعة ولا شنو ؟؟ مرة بالصدفة واحد نزلها ايام بوست ملهم كردفان ,,,, يا سلام ياخ انت زول طرومة و تلوشة وشلاليف متحركة ,,, الوسامة والوجاهة قسمة ونصيب .. كده بمناسبة الصورة دي بالمره دخلونا المنافسة على الجائزة المقدمة من زميلتنا التمرجية ..(وجه ضاحك) !!! وبالمرة خلي التمرجية تضيفك لبوست الناس الشينين ,,, اما عن الداء العضال المعشعش ليك في راسك ,, فمنبته و ارضه الخصبة هي ارضكم ,, و القليل القليل منكم لحق واستطاع ان ينجو من الاصابة به في صباه الباكر(بالطبع انت لست من الناجين) ,, فلا ترمني بدائك وتنسل ,,, هنا في هذه الديار التي نقيم بها (دبي) وهي مدينة عبارة عن مرآة شفافة وواضحة لفضح وكشف تفاصيل المجتمع السوداني ,,, هنا جماعتكم فاضحننا فضيحة ياخي ,,, حكاية تطمم القلب ,,, انتو شغالين تصدير من السودان يا صحبي ,,, وخاصة انتاج شندي و عطبرة وشرق النيل ,,,
مولانا محمد علي مرحب بمعاودتك لمواصلة سير هذا التلاقح الفكري ,, مظلمة الهامش تتحمل جريرتها كل الانظمة المتعاقبة منذ استقلال البلاد ,, وعندما نقول المؤتمر الوطني ايضاً ضمناً نعني النخبة النيلية المسيطرة على مفاصل السلطة ,, اما سلامة النسيج الاجتماعي فقد مسها ومزقها الحلف النيلي من زمان ,, و هذه المفردات التي اكتبها هنا لا تساوي نقطة في بحر اجهزة نخبة الاقلية المنفردة بالقرار السيادي في البلاد التي قطّعت لحمة الوطن وفتتها إرباً إرباً,, هذه هي الحقيقة ,, انا اؤمن بمقولة ان توقد شمعة واحدة في ظلام دامس خير من ان تلعن الظلام ,, فطرقي لهذه الحقيقة المخيفة قد جعلت عضوية المنبر من نخبة الشمال النيلي يعملوا على تأليب إدارة الموقع علي مما نتج عن ذلك تحديد مداخلاتي بمداخلة واحدة في اليوم ,,,وقاطعوا بوستاتي بعدم التداخل معي من زمن ,,, الا القليل المستنير منهم الذين لايتبعون السلوك القطيعي ,, وهذا القليل منهم في اعلى درجات الوعي و الاستنارة بحيث تجده مستوعب تمام الاستيعاب لمظالم هؤلاء المهمشين ,, فهذه المقاطعة وعدم مواجهة الحقيقة تؤكد ان ما نطرحه يعني شيئاً مؤلماً لاخوتنا في الشريط النيلي يخافون انتشاره في الوسائط الاعلامية ,, مأخذنا على المكوّن الاجتماعي النيلي هو انهم متضامنون مع هذا المنهج الاقصائي الذي تنتهجه حكومات ما بعد الاستقلال ,, و انهم وجداناً بعيدون عن معاناة و آلآم الهامشيين من بني وطنهم الذين يواجهون الحرب والموت المجاني والدمار بشكل يومي , فهم لم ينتبهوا لما جرى ويجري لاخوتهم في الاطراف البعيدة الا بعد ان زارهم الشهيد خليل في ام درمان , و لم يهبّوا وينتفضوا بجد و جدية لأزالة النظام الى بعد ان جاعوا ,, وهذا امر طيب لان تضامن الجائع مع ذلك المسكين الغير آمن في بيته ,, وحتماً سوف يؤدي هذا التضامن بالتعجيل برحيل الجبروت المركزي ,, اما علي عثمان و غيره فقد عملوا على دعم اثنياتهم اقتصادياً ومالياً و هيئوا لهم مواقع متنفذة في السلطة , هل سمعت بقريب مصطفى عثمان الذي عينه سفيراً باحدى الدول الاوروبية قبل سنوات , وقام باختلاس مبلغ يفوق المليون دولار من اموال السلك الدبلوماسي و هرب و استقر ببريطانيا , و تم عفوه ,,,, هذه هي جهوية النيليين يا استاذي ,,,, هي ازمة حقيقية و الكثير من السودانيين غير منتبهين لآثارها الكارثية ,, انها كالسوس الذي ينخر في العظام ,,, وهل تعلم ان تجارة الاسبير محتكرة لدى اهلنا المحس و الدناقلة بغطاء وتسهيلات اقتصادية مدعومة من ابنائهم الممسكين بالمقود السلطوي امساك حقيقي (بكري و عبد الرحيم) ,,, يا مولانا السودان مسيطر عليه جهوياً ,,,, هذا هو الواقع شئت ام ابيت !!! هل تعلم ان النظام دعم تجار شماليين ليخرجوا التجار من ابناء الزغاوة من سوق ليبيا ؟؟؟؟ نظرتنا لأنظمة المركز هذه هي ذات النظرة التي وجهتها شعوب العالم الحر لنظام جنوب افريقيا قبل التحرير عندما كان يسيطر عليه البيض,,, الرعوية و العشائرية ما زالت طاغية على المشهد السياسي في السودان ,,, والنيليون هم من أسس لها بطرق ممنهجة ,, و السودان لم يصل بعد الى مرحلة تأسيس دولة يمكن ان يطلق عليها اسم دولة ,, والا نكون بنكذب على انفسنا ,,, اديك نموذج واحد صغيروني لسيطرتكم على مفاصل السلطة يا مولانا : في الوضع الحالي : سفير السودان بالسعودية سفير السودان بالامارات سفير السودان بسلطنة عمان سفير السودان بمصر سفير السودان بتونس سفير السودان بقطر سفير السودان بالبحرين سفير السودان بالكويت سفير السودان بالعراق سفير السودان بلبنان سفير السودان بليبيا سفير السودان بالجزائر سفير السودان بالمغرب سفير السودان ببريطانيا . . . الخ ,,,, تفسيرك شنو للخلل ده يا مولانا ؟؟؟؟؟ هل الناس ديل عباقرة زمانهم ؟؟ ام انهم لم يخلق مثلهم في البلاد ؟؟؟؟
بالمناسبة دي عينة من قطاع واااااحد ,,,,, من غير ما نخش جوة كرش الفيل و نعدد ,,,,,, البلد يا مولانا خربتوها وقعدتوا في تلها ,,,, ويا ياريت تكونوا قدمتو شيء للوطن و الموطن... كله جوع وفقر وحرب ,,, كفاكم ياخي بعد ده افسحوا المجال شوية كده : لاوهاج - و كوكو - وابكر ,,,
كتابة المقالات تختلف من الكتابة في منبر بكري !!! هناك بتكتب بعيداً عن مناوشات الرفاق ,,, وهنا الكتابة ناتجة عن التفاعل المباشر مع الرويبضة و الدهماء و النطيحة و المتردية و ما أكل السبع ,, هذا المكان اشبه بحظيرة الخنازير ,, اذا دخلت فيها لازم تتوسخ ,,, خاصة من امثال الجماعة البيجو شايلين ليك ابو الجعران عديييييل كده ههههههههههه
ههههههههههه اضحك الله سنك يا عارف ,,, ياخ انت زول فنان (ما يسمعنا عمر دفع الله يقوم يغار),,
ابو حسين يا حريف عليك الله اخد معاك شليضيم ده قعّدوا في كنبة الاحتياطي خليهو يعاين سايت للعب النضيف يمكن يقدر يكرّب كورته شوية !!
حبيبنا علي عبد الوهاب عثمان المثل يقول (القنطور اصله تراب) ,,, مصيرنا الى ارضنا وديارنا و اهلنا ,,
صديق يا حبيبنا غضبت عليه الآلهة ..
الى غد,,
01-30-2018, 00:33 AM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
كل الحروب والتمييز القلت عليه يا سمعة نعم من إرث الإنقاذ ومشروعها وشعارها الولاء قبل الكفاءة .. مافي حكومة سابقة للانقاذ خاضت حرب أهلية في دارفور .. النزاعات القبلية في دارفور كانت الدولة قبل الانقاذ تدخلها كوسيط وتتم التسويات بواسطة رجال الإدارة الاهلية .. هل تعلم أن شعور الأهالي بتهميشهم ما زاد ووضح إلا بعد الحل الاعتباطي لإداراتهم الأهلية .. دي ما فرضية عاطفية بل حقيقة دعمتها الأحداث على أرض الواقع .. ذلك لأن طبيعة المجتمعات الريفية والبدوية لم تكن تقبل الرضوخ والاطمئنان إلا لسلطتهم الأهلية .. فعندما أنكشف ذلك الغطاء عمّ الشعور بانهم لم يعد لهم تمثيل في السلطة .. إذا بتقصد السفير الكان ببلجيكا دا سفير من قبل يلدو مصطفى اسماعيل .. مودي.
01-30-2018, 09:11 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: سوف تحسم بالقصـــــــــــــــــــــــــــــدير ,,, فهمت؟؟؟؟؟؟؟
واضح العشره المبشرين بالمساخة الفنان عمر دفع الله ليس من بينهم رغم انو اخد حقوا معاهم باسر متأخر شويه : : نفهم في شكلة برا المنبر وجيتو تحسموها هنا بالقصدير واللاااا كيف ؟!!!!
أما قريبي المدير ابو صلعه فالف مبروك ترقيه مستحقه لي شلضوم اسماعيل العنصري البوست دا ممكن يصنفك غواصة للنظام بجداره لانو دا ما توقيت تجي تطرش فيهو قصديرك وغبنك ضد الشمال النيلي او كما تدعي . المناتلين بجهزوا بكرا طالعين مسيرة الخلاص في داعي تخوف الناس من قصديركم . : : : : : : مع التحيات لله الزاكيات
01-30-2018, 10:07 PM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2807
مولانا شايفك جلّيت موضوع سيطرتكم على السلك الدبلوماسي و ما علقت عليها.. النزاعات القبلية في دارفور لم تتخذ كل الحكومات التي اعقبت الاستقلال اي عمل استرتيجي لانهائها ,, نميري طبزها بحل الادارة الاهلية ,,كما تفضلت الصادق المهدي دعم قبائل ضد قبائل و في عهده حدثت مجزرة الضعين الشهيرة ,, اي منظومة اجتماعية ريفية او مدائنية لها نهج واسلوب ادارة و ما على الدولة الا ان تضع ذلك في الاعتبار ,,
شلضوم شالوم هل تعلم ان العدوى بداء الغلمان لا تلحق الا بالمهيئين لها جينياً و نفسياً من عيال حبل القيطان ,, (لماذا تمت تسميتكم بحبل القيطان)؟؟؟ فهذه الخصيصة الاجتماعية لها ارتباط وثيق بمجتمعاتكم يا شليضيم فهي تنتعش و تزدهر هناك في اتبرة ومن جاورها ,,
عارف واصل الابداعت الريشية و اطلب من بكري يفرد ليك مساحة جنباً الى جنبمع ود ابو و عمر قريب عمر ,,
عمر دفع الله غلبك القلم قبلت على الريشة
محمد حمزة العنصرية موجودة في منهج دويلة كتشنر و جئناكم بالارقام و الارقام لاتكذب,, الجوع كافر الناس جاعت تاني عمر البشير ما يقدر يخوفهم بقدوم الغرابة لحكم السودان,, الناس لو جاهم جن احمر بفضلوه على البشير THE GAME IS OVER
الى غد
01-31-2018, 01:50 AM
Arif Nashed Arif Nashed
تاريخ التسجيل: 05-12-2014
مجموع المشاركات: 12692
سماعين اتا قايل تحت القبة فكي !!قال يفرد ... نكمل مجموعة العشرة المشاغبين هههههه ذكرتني شلة الرداء الابيض .. الكترابة المنبر دا بقي كله شلليات !! غايتو قصة الشلليات بدأها الشيخ قصي الله يمسيه بالخير ..
يا سمعة سلوك السودانيات في دبي او غيرها محسوب على كل السودان, لا احد سيقول ديل بنات الجهة الفلانية بل سيقول سودانيات, لو كنت لا زلت تعتبر نفسك سوداني فسيثير نخوتك و غيرتك هذا الأمر إمّا لو كنت تعتبر نفسك غرّابي فقط فما تشغل نفسك بسلوك غير سلوك الغرّابيات وما تقول السودانيّات فاضحننا في دبي ممكن تقول فاضحنّنا الغرّابيّات فقط
الشي التاني لو شايف المكان دا اشيه بحظيرة الخنازير الجابرك عليه شنو؟ و الحالة قاعد بفرمالة تقعد تحاحي اليوم كله تستنى لغاية وقتها يجي! في ستين حظيرة الخنازير دي! إلّا لو كنت شايفها بيئة مناسبة ليك وما قادر تفارقها برغم الحقارة الحاقرينك فيها بمداخلة واحدة
أخيرا: شكلك ختّيت لستتك بدون تفكير وزعلة ساي ولبس طاقية زي ما قلت ليك, انت قلت البلابل تلاتة و قلت نمرة اربعة تمرجية و جيبت كوجنت الوصف بعد داك ودخلت الشامي في المغربي التمرجية براها و البلبلة التالتة مفروض براها
01-31-2018, 06:39 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: كده بمناسبة الصورة دي بالمره دخلونا المنافسة على الجائزة المقدمة من زميلتنا التمرجية..(وجه ضاحك) !!! وبالمرة خلي التمرجية تضيفك لبوست الناس الشينين ,,,
01-31-2018, 06:59 AM
Yasser Ali Yasser Ali
تاريخ التسجيل: 01-22-2018
مجموع المشاركات: 67
سلام يا اسماعيل انا جديد معاكم هنا دا لكن من زمان متابع كتاباتك دي كتابتك عنصرية شديد ودا نفس منهج الحيكومة دي اثارة النعرات القبلية دي الا زولا عندو مآرب اخرى
01-31-2018, 08:08 AM
على احمد النعيم على احمد النعيم
تاريخ التسجيل: 01-16-2007
مجموع المشاركات: 860
هنا في هذه الديار التي نقيم بها (دبي) وهي مدينة عبارة عن مرآة شفافة وواضحة لفضح وكشف تفاصيل المجتمع السوداني ,,, هنا جماعتكم فاضحننا فضيحة ياخي ,,, حكاية تطمم القلب ,,, انتو شغالين تصدير من السودان يا صحبي ,,, وخاصة انتاج شندي و عطبرة وشرق النيل ,,,
ياخ والله زى ما قالو ليك الاخوان فوق شوفلك طبيب نفسى نجيض يداويك من الانت فيهو دا ما كتبته هنا قمة العنصرية بل والبلادة كمان ..... انت آزول الرايحلك شنو لامن تبربر كدى وعليك الله ارجع لكلام اخونا ود البشرى الفوق دا وشوف نفسك هل انت سودانى واللا جنسك شنو الفضحتك فى دبى دى ما بقولو عليها شنداوية او عطبراوية او او بل بقولو عليها سودانية وانت سودانى وبنوت شندى والشريط النيلى حرم وقعن لجة النيل حاكن التمساح ... دحين آخوى خت كراعك فوق الفرملة فإنى رايتك قد تماديت فى غيك كثيراً وجنيت زوراً على بعض اخوتك واخواتك فى هذا المنبر ... وبعدين ياخ الكلام السمح راقد هبطرش الجابرك على الكلام الكعب شنو.
تحياتى
01-31-2018, 04:00 PM
Arif Nashed Arif Nashed
تاريخ التسجيل: 05-12-2014
مجموع المشاركات: 12692
Quote: هنا في هذه الديار التي نقيم بها (دبي) وهي مدينة عبارة عن مرآة شفافة وواضحة لفضح وكشف تفاصيل المجتمع السوداني ,,, هنا جماعتكم فاضحننا فضيحة ياخي ,,, حكاية تطمم القلب ,,, انتو شغالين تصدير من السودان يا صحبي ,,, وخاصة انتاج شندي و عطبرة وشرق النيل ,,,
سماعين شنو بقيت زي ديك العدة .. كلامك دا شين وما مقبول نوهائي شغل المكايدات البتعمل فيهو برجع ليك في النهاية والدعارة البتقصده ليست محصورة في الشريط النيلي الذي تستهدفه وهي لعنة اخلاقية في كل المجتمعات منذ نشأ الخليقة .. راجع نفسك قبل ان تسترسل في غيك ...
01-31-2018, 10:16 PM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2807
Quote: مولانا شايفك جلّيت موضوع سيطرتكم على السلك الدبلوماسي و ما علقت عليها..
هههه يا سمعة دا ما بقولو عليهو (جليت) .. أنت جبت احصائية وأنا لا أملك حق تكذيبك بدون ما تكون بيدي معلومات تناقض دعواك .. و أمكانية أيجاد مثل تلك المعلومات التي تبحث وتحصحص صحة المعلومات التي أوردتها غير متاحه عندي .. لكن الملاحظ أنك لا زلت تدور في فلك الأسلوب الذي اتبعه الكتاب الأسود في تبويب مظلمته.. مستقلا عدم توفير أمكانية دارسة وحصحصة المعلومات التي أوردها لدي كثرة من القراء .. لأنها ببساطة أحصاءات لا يمكن الوصول إليها إلا من خلال مؤسسات رسمية .. غير أن ذلك لا يبدل يقيني في أن أجراء بحث دقيق قد ينفي أو يضعف مثل تلك الفرضيات.. بعدين شنو ياخي أنت عايزني أقول بعدالة إختيار منسوبي الدبلوماسية زمن الأنقاذ؟ الجواب يكفيك عنوانو.
Quote: الصادق المهدي دعم قبائل ضد قبائل و في عهده حدثت مجزرة الضعين الشهيرة ,,
فيما أظن ديل حدثين منفصلين جمعهما غير دقيق .. فيما يتعلق بدعم القبائل الذي نسبته للإمام الصادق المهدي .. إليك إجابة نائبه وهو فوق أنه رجل عسكري مهني تولى مناصب رسمية عليا فهو من أهل المنطقة العارفين أكثر بما دار .. أما أحداث الضعين فقد كتب عنها الدكتور بلدو وعشاري وتم تفنيد ومناقشة المكتوب .. إن لم تخني الذاكرة هنا في هذا المنبر قبل سنوات .. وبظني بين عضوية المنبر من هم ينتمون جغرافيا للمنطقة الحدث وهم أغزر مني معلومة وأقدر على الإجابة .
Quote: اي منظومة اجتماعية ريفية او مدائنية لها نهج واسلوب ادارة و ما على الدولة الا ان تضع ذلك في الاعتبار ,,
عين العقلانية .
01-31-2018, 11:45 PM
Arif Nashed Arif Nashed
تاريخ التسجيل: 05-12-2014
مجموع المشاركات: 12692
Quote: عارف فك الشفرة :(الحكاية المقصودة لا علاقة لها بالنساء) ,,, ارجع البصر كرتين ,, الامر جلل وخطير ,,
والله الا ينتدبوا ليكم ابو حسين ككوتش ,,,
سماعين الكلام المشفر ما بنعرفوا الواحد لما يفترع موضوع لو ما عندو الجراءة الادبية احسن ينطم في خشمو ويسكت لانها في حد زاته ما رجولة .. دبي معروفة بدعارتها وقبل فترة اثير موضوع دعارة السودانيات بدبي والشبكة التي تديرها ... كلامك المقتبس واضح ناس شندي يعني مثلا قاصد تقول بصدروا موز !! لا بنعرف شفرة ولا بطيخ علينا بالمكتوب امامنا ...
02-01-2018, 05:54 AM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
ما تحاول تتذاكى يا سمعة وتقعد تعلق على حكاية انك ماقاصد النساء رغم ان الكلام ده فعلا صحيح لكن انت اصلا ده ديدنك وطرحك كده شغال تجمع وتكوّم من طرف الشمال النيلي - الجلابة - يوم واحد ماشفناك فرزت مذنب من غير مذنب ةبل جبت سيرة انقاذ أو حكومة كيزان ياهو تكويمك الغبي ده واصلا ده منطق غير مقبول فضلا عن انه عقيم جدا ولايفضي الى شيء والآن تتهم مدن فيها ملايين البشر باتهام (باطل) زي ده أصلا ده ما من حقك ولا في منطق بيعطيك الحق ده الاتهام اصلا كان موحه ليك فاعده الى صاحبه دون زيادة ده حقك أكتر من كده ما من حقك فانت تعتدي على أناس ليسوا اصلا طرف في هذا الهتر والسباب الدائر هنا فارعوي يا هذا ثم انت إنسان مؤذي ومضر جدا لو تدري ..
02-07-2018, 00:29 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
يا محمد البشرى شايف قمرية واحدة ظهرت باقي ليك تعرف البلومة الثالثة,, عشان اختصر ليك المشوار البلبلة التالتة دي سمحة ونجاضة -------------------------------------------------------------- عرفنا العنصرية كمان بقيت جخس ، في راجل بتغزل في نسوان الرجال . اما ( التمرجية ) الدكتوره وضاحه بنت المكوك فهي تخرجت من جامعه مثلك لا يستطيع المشي في شوارعها ناهيك عن الدراسة بها و هي استشارية في طب النساء و التوليد .
"هنا في هذه الديار التي نقيم بها (دبي) وهي مدينة عبارة عن مرآة شفافة وواضحة لفضح وكشف تفاصيل المجتمع السوداني ,,, هنا جماعتكم فاضحننا فضيحة ياخي ,,, حكاية تطمم القلب ,,, انتو شغالين تصدير من السودان يا صحبي ,,, وخاصة انتاج شندي و عطبرة وشرق النيل ,,,"
الكلام الفوق دا قام الأخ اسماعيل بنفي ان يكون قصدة نسوان
نأمل منه ان يوضخ لنا الexports الواصلة دبي من هذه المنطقة. مع تحياتنا
02-08-2018, 02:43 PM
Arif Nashed Arif Nashed
تاريخ التسجيل: 05-12-2014
مجموع المشاركات: 12692
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
اسماعيل عبد الله محمد
محمد البشرى الخضر
عمر التاج
باسط المكي
معاوية المدير
عمر دفع الله
Arif Nashed
Hani Arabi Mohamed
عبدالمنعم الطيب حسن
Nasser Amin
أبوبكر عباس
Asim Fageary
محمد على طه الملك
ABUHUSSEIN
ترهاقا
علي عبدالوهاب عثمان
محمد حمزة الحسين
Yasser Ali
على احمد النعيم
جمال ود القوز
الزبير بشير
MOHAMMED ELSHEIKH
فيس بوك
تويتر
انستقرام
يوتيوب
بنتيريست