|
Re: كتاب المنابر الجهلة ! (Re: Amira Hussien)
|
الحبيبة الاميرة .. لك عاطر التحايا ..
يا حبيبة دي كلها ظواهر صحية بالرغم من سلبياتها ! ما عليك الا التجاهل او الرد المباشر للشئ العندك فيه رأي .
لا أدعى كمال الفهم ولا معرفة اى شئ لذلك تجدنى لا أتحدث فيما لا اعرف ولا بشارك ممكن استفسر لكن لا أبدى راى ...... فى ناس حفظت بعض العبارات والكلمات والأوصاف فأصبحت تدخلها فى غير مكاناً ولا مناسبتا ناس تشب ليك فى حلقك لمجرد المعاكسة والخلاف رغم انها لأتعرف اى شى عن موضوعك الانت كاتبو وبعيدة عنو .........انا لا أعمم لكن كتبت عن نماذج تغيظ ...........المنابر مدارس مفتوحة للتعلم من يطرح فكرك او يكتب شى يحاول يبحث على الأقل عن أساسيات موضوعو ،وبتجى الناس تاخد وتدى والكل يستفيد
ولك التقدير ,,,
| |
|
|
|
|
|
|
Re: كتاب المنابر الجهلة ! (Re: Amira Hussien)
|
تسلمي يا اميرة ..
من غير مضايقات ممكن توريني جزء من الحاجات الغايظاك وخلتك لدرجة خلتك تنزلي البوست ؟ محاولة أتجاهل لكن احيانا غباء البعض يستفزك
اكيد ليك حرية عدم الرد .
| |
|
|
|
|
|
|
Re: كتاب المنابر الجهلة ! (Re: Amira Hussien)
|
شكرًا تانى يا أجمل منى ......لا ابدا وارد عليك بكل صراحة ......هو ما موضوع محدد لكن هى ظاهرة لمستها لاحظت انو فى ناس عندها عدم مصداقية وهنالك دوافع تحركهم للكتابة ......الكتابة ما عن اقتناع اهو تزجية وقت ومقابضة .....ولك ان تتخيلى ناس تجيك فى الخاص لتوكد ليك صواب رأيها وتغلطك.
| |
|
|
|
|
|
|
Re: كتاب المنابر الجهلة ! (Re: Amira Hussien)
|
...........المنابر مدارس مفتوحة للتعلم من يطرح فكرك او يكتب شى يحاول يبحث على الأقل عن أساسيات موضوعو ،وبتجى الناس تاخد وتدى والكل يستفيد ...
القال ليك منو يا أميرة.. فى ناس بتتسّلى... و فى ناس بتكسر تلج للحكومة.. و فى ناس روحها محرقاها بتجى تشاكل و تمرق.. و فى ناس بتقول شوفونى... وهكذا... فشنو ... أكتبى (حاجاتك)... و البيناقشك بأدب ناقشيه.. و العايز يلف و يدور أديه بالحتة الفيها الحديدة.. و الا حيتّلحوكى ويقولو دى حيطة قصيرة ساكت..
| |
|
|
|
|
|
|
Re: كتاب المنابر الجهلة ! (Re: nour tawir)
|
سلام يا أميرة وعبرك السلام للبوردابية الكلسة منى وربنا يرد بقية الكلسات ناس آمنة مختار وإشراقة الجهل نوعين...... جاهل وقايل نفسه عارف ودا الأخف الأسوأ هو الجاهل وعارف نفسه جاهل ومصر يكابر الحاجة كمان الغايظاني أنا شديد وأستلف من بوستك سطر ليها هي المجاملات المافي محلها لو عاوز تجامل وما لقيت مكان مناسب جامل في الخاص ياخ
| |
|
|
|
|
|
|
Re: كتاب المنابر الجهلة ! (Re: Amira Hussien)
|
ستى نور ......انا دايره أمسك فى ناس شوفونى ...عارفه فى ناس ما بكون عندهم فكرة عن المكتوب لكن يصر يكتب ،ناس كسير التلج الله يكسر رأسهم يقومون بالتملق والتزلف حتى لغير الحكومة ولأسباب مضحكة ......وعلى رأيك نتناقش مع البناقشنا بى أدب
| |
|
|
|
|
|
|
Re: كتاب المنابر الجهلة ! (Re: Amira Hussien)
|
اهلًا عبد الصمد مصيبة كبيرة ذلك الجاهل والمجامل مجاملة ما فى محلها وعلى حساب المصداقية والحقيقة ....حاجة مؤسفة جدا جدا وتدل على ضعف الشخصية واهتزازا ......ايوااا جامل فى الخاص لكن ما تجعل من نفسك أضحوكة وتصبح كالأرجوز تتنطط من موقف لآخر فى نفس الموضوع وعن نفس الشخص
| |
|
|
|
|
|
|
Re: كتاب المنابر الجهلة ! (Re: Amira Hussien)
|
سلام ود الآصيل...
الحتة الفيها الحديدة دى بتشتغل تمام التمام مع الارهابيين... خصوصا فى الانبهالات بتاعة ود الباوقة.. و مع الارهابى الكبير فرانكلى بتاع الرصاص فى الراس.. و مع أى زول مستهبل... و على فكرة المنبر مليااااان مستهبلين.. أصحاب وصاحبات الضماير بالعدد..
| |
|
|
|
|
|
|
Re: كتاب المنابر الجهلة ! (Re: Amira Hussien)
|
تحياتي أميرة وضيوفها الكتابة مسؤولية وأمانة وليست مجرد حروف للتسلية وحرية الكتابة في المنابر ظرف طبيعي ولايعالج سوءاتها الا المزيد من الحرية ولكي يكون الكاتب محترما فلا بد أن يكون قارئا ذكيا ومحترما. هذا اعتقادي وعليه اقرا واكتب ولكم التوفيق.
| |
|
|
|
|
|
|
Re: كتاب المنابر الجهلة ! (Re: Amira Hussien)
|
عمر التاج ...حقيقة عجبتنى عبارتك (لكى يكون كاتبا محترما لابد ان يكون قارئا ذكيا ) وذكرتنى موضوع ذكاء القارئ ذكرتنى احد كتاب المنابر عندما دخلت عضوه جديدة فى منبر ملأت صفحاتو بى قصص قصيرة كلها زهور و ورود وطيور وعربات فارهة وفنادق وألوان وربيع وأشجار سنديان وزعتر وثلوج بيضاء ........دخل بى تقله وأشاد بالقصص واحدة واحدة وأصبحت الاستاذه ترد عليه بأسلوب بعيد كل البعد عن قصصها القصيرة ركاكة فى اللغة والتركيب وغلطات إملائية ما حقت كى بورد بل تنم عن زول متهجى يا دوب. وأخونا ولا ملاحظ .......لما أتى اخر وجاب التايهة وقال ان كل تلك القصص القصيرة اجزاء من كتابات كتاب مشاهير وجاب الدليل
| |
|
|
|
|
|
|
Re: كتاب المنابر الجهلة ! (Re: Amira Hussien)
|
Quote: سلام ود الآصيل...
الحتة الفيها الحديدة دى بتشتغل تمام التمام مع الارهابيين... خصوصا فى الانبهالات بتاعة ود الباوقة.. و مع الارهابى الكبير فرانكلى بتاع الرصاص فى الراس.. و مع أى زول مستهبل...و على فكرة المنبر مليااااان مستهبلين.. أصحاب وصاحبات الضماير . |
التحية بمثلها، بل و أحسن منها لستي نور، [} جاء في سيرة السلف الصالح، أن أحد طلاب العلم في مجلس شيخ الإسلام عبد الله بن المبارگ، سأله ذات يوم الدعاء على أولئك المنافقين المندسين بينهم ، أن يهلگهمش الله فقال له الشيخ:"إنما أخشاه عليگم أن لو أهلگو ، إذن، لاستوحشتم من دونهم في الطرقات"
| |
|
|
|
|
|
|
Re: كتاب المنابر الجهلة ! (Re: Amira Hussien)
|
[QUOTEاميرة اسم على مسمى كيفنك ... انا معاكي في كل ما كتبتيه عن موضوع الكتاب الجهلة في المنبر... .وبعدين ود الأصيل كعادته دائما يحول التشاؤم إلى تفاؤل وامل واذا وجد اشواك حولها إلى زهور ولكن هذا البوست كله منطق وأضاف اليه الشهد الممزوج بالفانيلا ودائما يزرع البسمات في وجوهنا فله التحية.
| أخت امتثال، لَكَمْ تستحضر معكم أبجديات لغة التفاهم و دفق المودةٍ , لسبر أكثر حالاتنا عمقاً في أغوار ذواتنا التي يُفترض أنها حبلت لتكون جنوداً مجندةً للخير. و بها يكون تجردنا الواعي عن أنياتنا؛ لتتحرى فيه لحظات التكاثف و إسهاب الوصف لمكنوناتٍ يغدو التسامح فيها «نوتة» لضبط سمفونية السياق العام بأحاسيس دافقة خارج أسوار القانون.
[} أحياناً نمارس فن المزاوجات بين تزاحم أضاد المواقف ضمن حيزين مكاني تجريديٍّ ( مثاليٍّ) و زمانيٍّ سيرياليٍّ (ما فوق الواقعيٍّ). و كلاهما يجعل دخول عوالمنا الخا صة و الخروج منها،عبر بواتٍ للطوارئ ضرباً من السهل الممتنع.
[} فالمعرفة مثلاً ، فعلٌ إنسانيٌّ عبر رحلةٍ زمانو-مكانية يستحيل فيها الواقع إلى رمز ية ذهنيٍّ ةو اللحظة الزمنية في سياقها التعاقبي إلى إيغال معرفي يجنح لاستدعاء ذاكرة قرصها مشحونٌ بالمدلولاتٌ و المقاصدُ،
[} فأنا لست خلقاً جديداً ، بل محاكاةٌ لشخوصٍ و أطلالٍ غرسناها و لكن أبداً ما دفناها و لا نسيناها ؛ بل و نريد إعادة نشورها، لتظل تتراءى كصورٍ مائيةٍ راحلةٍ على بساط ريحٍ إسفيريٍّ سمته امتزاج صرامة الواقع بخصب الخيال؛ لكي نصنع خصوصية يكون فيها الدافع إلى الماضي هو ركناً ركيناً يقوم عليه منتوجٌ إبداعيٌّ ما.
[} فالحنين هو العزاء الوحيد لمن فقد الهوية؛ كما أن الحقيقة هي كما الصنودقٍ الأسود ، لا نفتقده إلا ساعةَ سقوط منطادنا الجوي في مثلث برمودة في مكان ما، تتأبطه أزمنة متجاورة مع انتفاءأحد شروط المفارقة فهي الماضي سردا سيريالياً ، و الحاضر فعلياً و المستقبل ذهنياً .
[} نصبو كثيراً لإلى ك طلاسمَ مخبوءةًٍ في مكنون البعد النفسي عبر محاكاة مثولوجيا موروثنا التاريخي كبشرٍ ، لكي نصيغَ منه دستورا اجتماعياً قابلٍ ليشكل ناموساً لضوابط حركاتنا و سكناتنا العفوية التلقائية . بقيمها الجمالية. فالإحساس بها يخلق التماهي فيالعلاقة بين صحارينا الكبرى و جزرنا المنعزلة. حيث تكون لغة التصالح هي أداتنا المثلى للأخذ و الرد بيننا.
[} و قد لا نخطئ إذا قلنا إن الصحراء هي المكان الوحيد الذي يستطيع فيه الكائن الآدمي الحي أن يذهب ليشاهدالأبدية كما هي ، ثم يعود ادراجه منه منهزما إلى قيد الحياة.
[} كم نقدم النفس قربانا للسراب كعملٍ من صميم البطولة. و تبقى الصحراء في باطن عريها تخفي كنزاً منذ عهد قارون .
[}تخريمة: أخشاك بعد كل هذا ، أن يُقال لي:" يقطع دراعنا لو فهمنا منك ( الدقعة دي).
| |
|
|
|
|
|
|
Re: كتاب المنابر الجهلة ! (Re: دفع الله ود الأصيل)
|
ود الاصيل دايرين لينا معجم ...
خصوصا للعجم زينا الدرسوا اللغة العربية فى المدرسة فقط.. و بيتناولوها بى تعب شديد.. و جبوباتنا لغاية ما فارقن الفانية دى... ما كانن بيعرفن المذيع بيقول فى شنو.. و لا الفنان السودانى بيغنى و يقول شنو.. فشنو ؟ يا ود الاصيل رفقا بعجم المنبر..
| |
|
|
|
|
|
|
Re: كتاب المنابر الجهلة ! (Re: nour tawir)
|
گذلگ لگ العتبى ستي نور، حتى ترضي. و لكن گل ما هنالگ أنني ربما ذهبت بطرح الأميرة إلى منحى آخر ، فيه عتاب و نقد مبطن لتفشي ظاهرة الشللية، و الضاربة بأطنابها هنا.
| |
|
|
|
|
|
|
Re: كتاب المنابر الجهلة ! (Re: Amira Hussien)
|
ود الاصيل لما جيت فى الاول لاحظت زيك وكتبت ليهم ،قاموا ردوا كلهم على وطيبو خاطرى وقالو لى اكتبى وفعلا اكتشفت انو انا بكتب لى روحى اولا .حتى المشاركات فى مواضيع الاخرين بقيت ما بتوقع رد من صاحب موضوع المهم انا قلت الداير اقولو رد او مارد على كيفو ،رغم انو شايفا فى ناس بتشكى من الفططان ، اكتب ما تتحسس لابد من ناس تقرى ليك وتتجاوب معاك ....مواضيعك جميلة زى ما قالت العزيزة امتثال
| |
|
|
|
|
|
|
Re: كتاب المنابر الجهلة ! (Re: دفع الله ود الأصيل)
|
ممكن نستهدى بالله يا جماعة (أو بهدوء بتاعت ابو سن) حسب فهمي للموضوع، البوست بدأ بشكوى من أميرة بأنو الناس في الأسافير بتتداخل معاك في بوستاتك بجهل لمجرد استعراض عبارات ممجوجة
Quote: فى ناس حفظت بعض العبارات والكلمات والأوصاف فأصبحت تدخلها فى غير مكاناً ولا مناسبتا ناس تشب ليك فى حلقك لمجرد المعاكسة والخلاف رغم انها لأتعرف اى شى عن موضوعك الانت كاتبو وبعيدة عنو |
طيب هذه ملاحظة جيدة وتستحق النقاش
ثم انحرف موضوع البوست شوية شوية ليصل إلى شكوى من إنو الناس ما بترد عليك أو ما بتقرا ليك يعني بتتجاهلك. ابتدر الشكوى ود الأصيل بهدوء وتسلسل، فالتقطتها صاحبة البوست أميرة Quote: وفعلا اكتشفت انو انا بكتب لى روحى اولا . حتى المشاركات فى مواضيع الاخرين بقيت ما بتوقع رد من صاحب موضوع المهم انا قلت الداير اقولو رد او ما رد على كيفو |
سؤالي: هل موضوع البوست هو الجهل أم التجاهل؟
| |
|
|
|
|
|
|
Re: كتاب المنابر الجهلة ! (Re: Amira Hussien)
|
صباح الخير معاوية انا كلامك فى محلو لكن زى ما قال ليك محمد البشرى النفوس كان طابت والنفوس الطيبة دى دائرة ليها بوست براها ......وحاشاك الجهل ويكفينا مداخلتك الفاهمة دى ....مشكورين
| |
|
|
|
|
|
|
Re: كتاب المنابر الجهلة ! (Re: Amira Hussien)
|
تمام إذن ومشكورة يا أميرة
كده ممكن نقول لود الأصيل أهو البوست ده دليل على إنو الزول ممكن يكون متابع بوست معين لكنه لا يتداخل فيه يعني عدم التداخل لا يعني التجاهل أو قِلة الاهتمام وأحيانا هناك بوستات لا تجد ما تضيفه فتصبح مداخلاتك مجرد مجاملة
أغنى البوستات ما يكون مكتفيا بذاته
| |
|
|
|
|
|
|
Re: كتاب المنابر الجهلة ! (Re: معاوية الزبير)
|
الأخت أميرة لك الحق كل الحق في غضبتك المُضَرية هذه. و لكن هوِّن عليك.....فالمنبر فيه كل الأصناف و المستويات و الأمزجة و الأهداف و الأغراض. لذلك تكون الردود و التعليقات..و كما يقولون كل إناء بما فيه ينضح ..و الكلام بخور الباطن..أي ما يحمله الشخص.... لذلك لن يتغيّر الواقع في المنبر..بل سيظل هكذا بكل الوانه الناصعة و الباهتة..و بشخصياته المتنوعة .فهناك الأديب و الظريف و المهذب و التقيل و (الثقيل) و الحليم و اللئيم ، و هناك الجريء و الوقح بدون مؤاخذة...إلخ. و هكذا الواقع يفرض عليك التعامل مع كل هذه الأصناف. و هناك من يتجاوب مع ما تكتبين و هناك من يتجاهلك لأسباب يراه هو منطقية..
لذلك حسب رأي المتواضع لا تتوقفي عن الكتابة....و لا يجرمنك شنآن قوم ألا تكتبي.. فضفضي و لا تزعلي نفسك.....فليس هناك من يستحق أن تغضبي منه إلا المهذب و صاحب الخلق الرفيع.. دمتي مع احترامي لك و للجميع.
| |
|
|
|
|
|
|